Bebek Dost
د. عائشة سليمان
استشاري دولي رضاعة طبيعية معتمد IBCLC
خريجة كلية الطب جامعة أولوداغ بورصة - تركيا
14/08/2024
"لبنى مكنش مكفي النونو فجبتله صناعى "
♦️تقريبا اكتر جملة متكررة ممكن نسمعها من أي أم خصوصا في البداية مع شوية إلحاح من اللي حواليها مع شوية صعوبات في بداية رحلة الرضاعة ممكن تخلينا نفقد الرحلة من أولها ....
✅ كمية اللبن كفاية ولا مش كفاية مش بالإحساس خالص
✅ النونو بيشبع ولا مش بيشبع مش بنقيمه حسب عياط الطفل نهائي ولا عدد ساعات نومه
✅ في وزن بنتابعه وفي حفوضات بتدينا إشارات
✅في طرق بنحسب بيها كمية اللبن اللي واصلة للنونو بالظبط
🤚وبناءا علي اللي فات بنقرر ساعتها هل كمية اللبن كافية ولا غير كافية ...
اللبن الصناعي مش بيحل المشكلة و حتي لو اتاخد فترة لازم نعرف السبب الأساسي لقلة اللبن ونتعامل معاه ووقتها بنسحب الصناعي تدريجي 🌸☺️
د.عائشة سليمان
استشاري دولي رضاعة طبيعية ibclc .
استشاري رضاعة معتمد من وزارة الصحة التركية .
08/03/2024
كل عام وكل الأمهات بخير ♥️🌸
كل عام والكتاكيت الصغننين اللي أول مرة يشهدوا رمضان بخير وصحة وسلامة ♥️🌸
أنا برضع اصوم ولا لأه ؟🤔
أنا هجرب اصوم ومش هيحصل حاجة !
أنا ابني كبر فلازم اصوم !
أنا ابني لسه شهرين بس حسه ان لبني كتير فهصوم .
أنا اختي كانت والدة من ٣ شهور وصامت كل رمضان اللي فات وعادي جدا .
🔶 كل الأفكار دي مش بيتاخد فيها قرار مطلق لكل الأمهات .
في قواعد عامة بنمشي عليها واشارات حمرا لو شفناها ممنوع الصيام خالص للأم .
👶بالنسبة للنونو
✅الوزن بتاعه وعدد الحفوضات اللي بيغيرها في اليوم سواء بول أو براز دول اقوي علامتين
✅ممكن نلاحظ كمان عصبية زايدة علي صدر أمه أثناء الرضاعة وقلة نوم وعلامات جوع مستمرة .
🤱بالنسبة للأم
مش هتصوم يوم فتصحي تلاقي لبنها قل مرة واحدة وصدرها فاضي...
الموضوع بيتم تدريجيا واحيانا بتكون مش مدركة علامات نقص اللبن ؛ ممكن مع اول يومين تلاته صيام منلاحظش أي تغير وممكن يوم واحد او اتنين يفرقوا مع بعض الأمهات.
كل دا بيتابعه استشاري الرضاعة وكل حالة بحالتها 🌸
✅أي أم حابة تتابع معانا اسبوعيا في رمضان تقدر تتواصل علي رقم الواتس وإن شاء الله نساعدها تاخد القرار الصح سواء صيام او إفطار .
✅اي اتنين امهات هيسجلوا متابعه اسبوعية مع بعض عاملينلهم خصم كبير 🙈🌸
07/03/2024
🟠بصي يا دكتور كان عندي وجع رهيب أثناء الرضاعة وصحبتي الله يكرمها عشان موقفش رضاعة شافت الحلمة الصناعي دي علي النت و جابتهالي فريحتني شوية .
✅ بترضعي بيها علي طول ؟
🟠 آه مقدرش أبدا أرضع من غيرها بحس إني بموت من الوجع بس انا جيالك عشان اللبن حساه قل عن الأول إنما الوجع مستحملاه.
✅ يعني الوجع لسه موجود واللبن حساه قل ؟
🟠 اه بالظبط
✅هسألك سؤال بسيط لو عندك خراج وجواه صديد الصح ناخدله مضاد حيوي أو نفتحه عشان ننضفه ولا نجيب لازقة جروح ونحطها عليه عشان ميبانش إن شكله وحش ويبقى المنظر العام حلو ؟
🟠 ايه علاقة دا بالرضاعة يا دكتور اكيد الصح نفتحه ونعالجه منحطش لازقة جروح.
✅ جميل ، مشاكل الرضاعة أول اسبوع باختلاف الأسباب لازم تتعالج من الجذور ،الحلمة الصناعى استعمالها بشكل خاطئ زيها زي لازقة الجروح بتدارى المشكلة الأساسية وممكن تعملنا مشاكل تانية كمان .
🟠يعني الحلمة دي وحشة يا دكتور ؟
✅الحلمة لا وحشة ولا حلوة ممكن نستعملها في حالات محددة ويكون ليها ضرورة وتستعمل صح ونبقي عارفين المشكلة وبنحلها وبيكون هدفنا التحرر منها ، الأصل إن الأم ترضع بشكل مباشر من غير أي تعقيدات .
🟠فهمتك يا دكتور اعتقد لازم نشوف اصل المشكلة حاليا إيه .
✅بالظبط كدا .
31/10/2023
🇵🇸الرضاعة في وقت الحروب 🇵🇸
🇵🇸في الوقت اللي أمهات كتير بيفقدوا القدرة علي الحصول علي أي ألبان صناعية في وقت الكوارث ث*ي الأم بيفضل هو أفضل وأأمن غذاء بدون أي تدخلات ولا تكلفة مادية .
🇵🇸الأمهات اللي اتعرضوا لمواقف صعبة وحصلهم توتر شديد ممكن إدرار الحليب هو اللي يتأثر بس .
بردو يعني إيه الكلام دا ؟!
🤚يعني الثدى لسه اللبن موجود فيه بس مش بيطلع قدامنا بسبب التأثير المؤقت للتوتر علي هرمون الoxytocin اللي هو هرمون إطلاق اللبن من الث*ي .
🤚طيب الأم ممكن تعمل إيه عشان تتجاوز الخلل الهرموني المؤقت دا واللبن ينزل تاني ؟
وبنأكد إنه تأثير مؤقت لان أول ما الأم بتهدى والخطر يروح بترجع الدنيا طبيعية بس الفكرة لحد ما الخطر يروح نعمل إيه ؟
رغم إنها نصايح بسيطة جدا ومتاحة لأي أم إلا إن تأثيرها كبير .
✅أولا خدى طفلك في حضنك ويفضل جلده يلمس جلدك مباشرة ولو عرفتي تحطيه في الوضعية بتاعت الكانغر هيبقي افضل الصورة في الكومنتات .
خليه عليكي اكبر عدد ساعات ممكن مش بس وقت الرضاعة ، دا بيهديكي ويهديه وبيساعد علي افراز هرمون الoxytocin تاني .
✅ ثاني حاجة رضعي الطفل على فترات متقاربة علي قد ما تقدرى ...تكرار الرضاعة في حد ذاته بيعيد تحفيز الثدى إنه ينزل اللبن وبيزود إنتاجه .
🤚طب لو الأم رضعت وقت الكوارث عدد مرات أقل ؟!
هنا بقي بيحصل قلة في انتاج اللبن مع قلة إدراره الموجودة بالفعل بسبب التوتر فممكن نفقد الرضاعة تماما أو اللبن يقل عندنا .
رينا يحفظ كل الأمهات الأبطال الصامدين وكل الأطفال الرضع في الظروف دي .
وكل الأمهات اللي في عافية متفرطيش ابدا في ارتباط طفلك بيكي ولا في الرضاعة عشان بتبقي في الظروف دي مش رفاهية ابدا ويمكن سبيل الغذا والأمان الوحيد ❤️🤱
23/08/2023
🤔 هل في أم بتحمل وتولد وميبقاش عندها لبن خالص ؟
🤚 الاجابة بإختصار لا .
🤔 طب ازاي يا دكتورة أنا ولدت وصدري منزلش منه ولا نقطة لبن ؟
🌸🤚مصدقاكي بس في فرق بين إنه منزلنش واتأخر وبين إنه مش موجود أصلا .
🤔 يعني ايه ؟
🌸🤚 يعني اللبن بيبدأ جسم الأم يكونه بالفعل بين الاسبوع ال 12و ال 16 من الحمل وممكن حتي الث*ي ينزل بالفعل منه لبن قبل الولادة مع بعض الامهات ونشوفه .
🌸🤚كونه يطلع بعد الولادة مباشرة في صورة لبن السرسوب أو ميطلعش ويتأخر لأسباب طبية معينة دي نقطة تانية .
🤔 يعنى اللبن بيبقي موجود يا دكتور بس مش طالع قدامي؟
🌸🤚أيون بالظبط وعشان ينزل ونحفزه بنقول للام حطي الطفل علي ث*يك يرضع مباشر بعد الولادة فورا أو شفطي بإيدك لو النونو مش معاكي وبنديهوله بأي وسيلة غير الببرونة .
✅المهم متضيعيش لبن السرسوب عشان دا لا يعوض
والمهم تطمني أن لبنك موجود وهينزل فمتقلقيش زيادة.
18/07/2023
05/07/2023
🔶الرضاعة من ث*ي واحد 🔶
🤔هوا ممكن أصلا أم تعتمد اعتماد كلي على ث*ي واحد طول فترة الرضاعة ⁉️
الإجابة : آه ممكن ✅
🤔طب اللبن هيكفي الطفل ومش هنحتاج صناعي ⁉️
✅آه هيكفيه لو بترضع عدد الرضعات الكافية والطفل بيمسك صح.
🤔طب يكفيه ازاي يعني كدا هينزله لبن أقل ⁉️
✅ طول ما بتحفز الث*ي طول ما هينزل منه لبن وهيكفيه بس ممكن تضطر تحطه عدد مرات زيادة فقط علي الث*ي السليم .
بدليل إن في امهات بترضع توأم عادي جدا ومش بتدخل صناعي خالص .
🤔طب ليه أصلا ترضع من ث*ي واحد ما ترضع من الاتنين ⁉️
✅غالبا بيكون مش بمزاج الأم وبنضطر عليه لأسباب مختلفة .
منها إن يكون في عملية في أحد الث*يين فبنوقف الرضاعة مؤقتا منه .
أو تشققات مخلية الأم بتتألم جدا أو عدوي شديدة او او الخ .
🤔 يعني لو حصلي مشكلة في ث*ي واحد مجريش علي علبة اللبن الصناعي ⁉️
✅لا متدخليش نفسك في دوامة الصناعي والببرونات ، بنعالج الث*ي اللي فيه مشكلة الأول وبنبقي حريصين إنك ترجعي ترضعي منه في أقرب وقت حسب حالته وسبب توقيف الرضاعة منه ، وبنتابع وزن وطول الطفل و بنحطه علي الث*ي السليم عدد مرات زيادة و لو حصل أي مشكلة بنتدخل ساعتها .
د.عائشة سليمان
استشاري دولي رضاعة طبيعية ibclc .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
29/05/2023
🤚رفض الرضاعة المفاجئ وأسبابه
مش طبيعي ابدا طفل يكون بيرضع واموره زي الفل ومرة واحدة يرفض يرضع من ث*ي واحد أو من الث*يين .
✅الرضاعة من أهم المؤشرات علي صحة الطفل .
🤚طب إيه أسباب رفض الرضاعة المفاجئ من الث*يين ⁉️🤔🤔
إن طعم اللبن يكون متغير بالفعل لو الأم حامل أو عندها التهاب في الث*ي أو بدأت تاخد دوا معين مغيرلها طعم اللبن أو لأسباب ابسط من كدا لو غيرت نوع البرفان بتاعها واستعملت واحد الطفل مش متقبله .. وغيرها من الأسباب .
🤚طب لو الطفل رفض يرضع من ث*ي واحد بس⁉️ 🤚🤔🤔
هنا بنشك أول حاجة في التهاب في الأذن عند الناحية اللي الطفل رافض يرضع منها أو بنشك في مشكلة في عضلات الرقبة عند الطفل ...وغيرها .
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
26/05/2023
أم جميلة استئذناها نحط الصورة دي طبعا 🙈🌸
كلمتنا في الأول بتقولنا :
"مفيش ولا نقطة لبن نازلة من صدري يا دكتورة ولبني نشف تماما و صدري رجع لحجمه العادي و دخلوا للنونو صناعي في المستشفي ، مش عارفة كدا خلاص مش هعرف أرضع ولا ايه ؟ "
بعد ٩ أيام فقط متابعة معانا بعتتلنا الصورة دي بكمية اللبن دا وخلاص كدا بداية الغيث قطرة والطفل رزقه هيكمل معاه بإذن الله ❤️
مع العلم إن الطفل في الحضّانة من ساعت ما اتولد ومرضعش مباشر من الأم ابدا فمعتمدين علي التشفيط فقط ...ربنا يردهولها بالسلامة قريبا 🌸
إعادة الإرضاع وبهجه نزول اللبن لا يساويها بهجة لينا وللأم ❤️
كل نقطة نازلة بنبقي عارفين الأم تعبت فيها أد ايه وعارفين قيمتها كويس ❤️
السائل الذهبي بتاعكم متفرطوش فيه عشان كل نقطة كنز وحتى لو لبنك قل أو وقفتي رضاعة مع الصبر والسعي بيرجع وأحسن من الأول 🌸❤️
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
إذا دخلت الببرونة🍼 من الباب 🚪نطت الرضاعة الطبيعية من الشباك 🪟
ولو منطتش لسه يبقي معرضة أنها تنط وتنتحر في أقرب وقت وخصوصا لو الأم دخلتها في أول ٣ شهور من عمر الطفل 😬😬
طب ليه إيه المشكلة يعني 🤔⁉️
ما يمكن الطفل ياخدها وياخد ث*ي مامته بردو في نفس الوقت ويا جماعة جربناها ونفعت وبلاش أفوره 😃
طيب مبدأيا مش معني إنها نفعت مرة والطفل محصلوش مشاكل إنها هتنفع في كل مرة ومع كل طفل ، ومش معناها إن أضرارها محصلتش 😬🙈
🤚مشاكلنا مع الببرونة بقي كتير صراحة 🤚
❌التباس حلمات والطفل يرفض ث*ي مامته تماما وبنبقي ضربنا الرضاعة الطبيعية في مقتل .
❌بتبقي وسيلة سهلة بتنزل اللبن بكمية بدون مجهود وبالتالي بيضعف عضلات المص عند الطفل وممكن يتعصب علي ث*ي الأم عشان بيحس اللبن نازله بطئ وأول ما يبدأ يفضي يسيبه فمع الوقت رضاعته تقل ولبها يقل .
❌لازم تعقيم مستمر وإلا بتعملنا فطريات والتهابات وبلاوي بنقعد نعالج فيها .
❌استعمالها لفترة طويلة بيغير شكل الفك والأسنان عند الطفل ودكاترة الأسنان مش ينصحوا بيها .
❌ الطفل بقي لو خدها في نفس الوقت مع ث*ي أمه ودا بيكون بعد حروب غالبا ، بتبقي النتيجة أحيانا تشققات ووجع عند الأم عشان ماسك ث*يها بنفس طريقة مسكة الببرونة وبيعض مش بيمص .
🤔طب ممكن نوقفها بعد ما دخلناها ⁉️
اه ممكن عادي بس لازم متابعه مع استشاري رضاعة .
🤔طب لو أم نازلة الشغل أو أم عندها مشاكل فعلا ومش عارفين نرضع الطفل مباشر نعمل ايه ⁉️
في بدايل كتير للبرونه حسب حالة الطفل وعمره فلو عندك مشكلة مع الرضاعه المباشرة راجعي استشاري رضاعة هيوجهك للصح من غير ما يدخل ببرونة 😊🌸
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
06/05/2023
🤚خدعوكي فقالوا 🤚
❌لبنك خفيف وابنك مش بيشبع ولازم تدخلي صناعي 😬
المكونات الرئيسية الغذائية للبن الأمهات ثابتة تقريبا وربنا مسابش الموضوع في إيد الأم عشان يضمن للطفل رزقه يعني الأم المصرية لبنها زي الأم اللي في الهند والصين وتركيا 😂🙈.
✅فنقول تاني كل لبن الامهات تقريبا واحد.
🤔 الاختلاف بيكون في ايه طيب ؟
✅بيكون في شوية حاجات بسيطة يعتبر
زي نوعية الدهون -مش كميتها- يعني الأم اللي أغلب اكلها زيوت مهدرجه هينزل في لبنها زيوت من النوع دا
والام اللي بتاكل دهون حيوانية مشبعة و اوميجا ٣ بينزل للطفل منهم .
في فيتامينات قليلة زي فيتامين b بردو بيتأثر بغذا الأم ونسبته ممكن تختلف من أم للتانية .
إنما الكربوهيدرات والبروتينات والدهون والمية كنسب وكميات كلها ثابتة يعتبر بين قوسين إن الأم تكون بتاخد احتياجها الكافي من الغذا والمية .
🤔طب إيه اللي يخلي الطفل وزنه ميزدش مع إنه بيرضع طبيعي ؟
✅دا بيبقي ليه أكتر من سبب وكل حالة بحالتها مينفعش نقارن الأمهات ببعض ولا الأطفال ببعض .
🤔أسباب زي إيه طيب ؟
🤚علي سبيل المثال وليس الحصر الطفل يكون ماسك ث*ي مامته غلط وبالتالي مش بيرضع صح .
🤚الطفل يكون عنده مشكلة صحية أصلا في القلب مثلا مخليه معدل حرق الكالوريز أعلي ومحتاج طاقة وغذا أزيد من الأطفال العاديين .
🤚الأم نفسها يكون عندها مشكلة صحية مخليه لبنها قليل فعلا مش تهيؤات منها ولا أحاسيس من اللي حواليهاوغيرها من الأسباب .
فابختصار متصدقيش ابدا اللي يقولك لبنك خفيف
من غير متابعه لوزن الطفل 🤚
لو وزنه مش بيزيد راجعي استشاري رضاعة عشان نحدد السبب ونعالجه .
فقالوا
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
30/04/2023
🌸اختيار مستشفي الولادة 🌸
موضوع مهم جدا جدا لأي أم حامل .
هوا ايه علاقة دا بالرضاعة أصلا 🙈؟
الولادة سواء طبيعية أو قيصرية مش هنتناقش حاليا مين أفضل للرضاعة وليه عشان دا يطول شرحه🙈🌸
بس أيا كان شكل الولادة لازم تختاري مستشفي متفصلش ابنك في الحضّانة بالأيام والأسابيع بدون ضرورة وحتي لو في ضرورة وانفصل عنك لقدر الله يبقي متمنعكيش من حقك إنك تلمسيه و ترضعيه مباشر 🤚
فصل الطفل عن الأم من اللمس والرضاعة طبيا غلط تمااماا إلا في حالات نادرة من العدوي ، غير إنه إنسانيا جريمة لو بدون داعي😐🤚 .
المستشفيات اللي بتعمل كدا بيبقي تكبير دماغ منها مش لصحة النونو ولا لصحه الأم اطلاقا أو لمجرد بيزنيس ولم فلوس للأسف 😐.
الأمهات بييجوا منهارين حرفيا والرضاعة بتكون انضربت في مقتل بعد اسابيع فصل كامل ، فحتي محاولات الأم للتشفيط وهيا نفسيتها في الارض بيكون صعب .
فأيا كان وضع الطفل إيه مجرد إن جلدة يلمس جلدك بنسميه skin to skin دا ليه فوايد كتير جدا غير بقي فوايد الرضاعة نفسها 🌸.
✅طيب تختارى المستشفي بناءا علي إيه ؟
من سنة 1991 اليونيسيف ومنظمة الصحة العالمية أطلقوا مبادرة وحطوا عشر شروط للمستشفيات عشان تحقق معايير محددة وتبقي مستشفي صديقة للطفل
والمستشفيات دي سموها
Baby freindly hospitals
هنا في تركيا
Bebek dost hastaneler
المستشفيات دي باختصار بتضمنلك ان طفلك مش هينفصل عنك بدون داعي ولو انفصل مش هيمنعوكي ترضعيه او تلمسيه بالعكس بيشجعوكي ترضعي ويعلموكي ازاي تشفطي .
بردو ممنوع يدوا الطفل صناعي او أي حاجه غير لبنك بدون ضرورة طبية وبدون ما يحاولوا يخلوه يرضع منك .
بالنسبة لتركيا هحط لينك من موقع وزارة الصحة فيه اسماء كل المستشفيات الحكومي الصديقة للطفل الموجودة بتركيا كلها مش اسطنبول بس
https://khgmsaglikhizmetleridb.saglik.gov.tr/TR-43490/bebek-dostu-hastaneler.html
وبالنسبة للمستشفيات الخاصة مفيش حصر ليها بالظبط بس تقدري بسهولة المستشفي اللي حابه تولدي فيها تعرفي هيا bebek dost ولا لأه من موقعها او سؤالهم بشكل مباشر
هحط شوية اسماء لمستشفيات خاصة صديقة للطفل داخل اسطنبول .
🤚Bahçeşehir Üniversite Hastanesi Medical Park Göztepe
🤚Medipol Üniversite Hastanesi.
🤚Avcılar hospital (Haliç Üniversitesi Tıp Fakültesi Hastanesi - Avcılar Hospital)
🤚Medicana Hastaneler
🤚Özel Esencan Hastanesi
طبعا كل مستشفي من دول لها ما لها وعليها ما عليها😂🙈 وفي غيرهم .
والناس تجاربهم فيها مختلفة ومش حطه اساميهم بهدف الدعايا بل بهدف التوجيه المبدأي فقط .
✅الفكرة اللي حابه اوضحها إن الأم تهتم باختيار مستشفي الولادة ودا بنعتبره مهم زي اختيار طبيب النسا ودا ليه ؟
عشان بعد الولادة الدكتور بيعمل اللي عليه وخلاص دوره بينتهي ، المستشفي نفسها هيا اللي بتكمل معاكي لو حصل للطفل حاجة لقدر الله وبتلعب دور مهم جدا في عملية الرضاعة .
فاهتمي باختيار المستشفي زي اختيار دكتور النسا وربنا يرزقكم ولادات سهلة ميسرة وتجارب لطيفة في مستشفيات صديقة للطفل والأم .❤️🌸
24/04/2023
التشققات 🥹😬
أكبر مشكلة بتواجه الأمهات منهم اللي بييجي علي نفسه ويستحمل الآم رهيبه في سبيل الرضاعة ومنهم اللي بيوقف رضاعة من الألم ويدخل صناعي ويقول عادي مش هتفرق رضعة في اليوم😐.
✅ أولا كل الامهات الصامدين انتم عظيمين والله والرضاعة بفوائدها ليكي وللنونو تستحق المحاولات والصبر بس احنا عاوزينكم كويسين بردو ❤️
لازم تبقي مستريحة عشان نفسك الأول وعشان تقدري تخلي بالك من النونو كمان وتكملي رضاعة❤️ .
✅ ثانيا بقي بنقول الكلمتين دول لكل الأمهات ، مفيش مراهم وكريمات سحرية مفيش أي دهان بيتحط من هنا الحلمة تخف فورا من هنا .
لازم نحدد سبب التشققات الأول ، الأم بتبقي جاية الرضاعة بالنسبالها مؤلمه جدا ومجربة بدل الكريم عشرة ومفيش نتيجة بس أول ما بتقعد وبتمسك النونو صح مع شوية توجيهات من غير ما نحط مراهم خالص هيا نفسها بتقول الوجع بقي أقل .
بنكتب كريمات بعد تحديد السبب عشان الألم يخف تماما بس الأصل نعرف سبب الوجع عشان المشكلة تتحل .
زي المريض اللي بياخد دوا حساسية يخففله الاعراض بس هوا مش عارف ايه الأكل بالظبط اللي عاملة الحساسية نفسها فبيفضل يلف حوالين نفسه 🙈
التشققات حلها بسيط نعرف السبب والباقي سهل جدا ☺️🌸
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
20/04/2023
كل عام وكل الأمهات بخير❤️
كل عيد وكل أم تقضي عيدها الأول مع ذلك الكائن الصغير عيداً مميزاً جداً 🌸❤️
فالأعياد بعد قدومه تأخذ ترتيبا مختلفا ، فهذا أول عيد فطر معه ، وهذا أول عيد له علي الاطلاق وهذا أول عيد له وهو يمشي وهذا أول عيد له بعد أن عرف ما معني العيد فصار يفرح بلعبة العيد بل ويطلبها ولا تنتهي مسميات العيد حتي تنتهي تطوراته🌸 ❤️
كل عيد وهم البهجة والعيد نفسه ❤️
كل عيد و أولويات الأمهات مختلفة 🙈❤️
أصبحت ليلة العيد سهراً وإرضاعاً وتجهيزاً لثياب النونو و حقيبته الكبيرة بعد أن كانت حقيبتها أصغر ما يكون 🙈
كل عيد وهن الصامدات المرنات المحتسبات ❤️
تقبل الله صبر الأمهات قبل عباداتهن و جهادهن مع أطفالهن قبل اجتهادهن للعبادة 🌸
تقبل الله منكم كل جهد وغفر لكم كل تقصير وأبدلكم بنية السعي والاجتهاد للعبادة منازل السابقين المقبولين ❤️
18/04/2023
سؤال وجودي الجدات بتوعنا ربنا يديهم الصحة 😍🙈دايما بيكلمونا عليه ومرتبط شوية بالثقافة العامة لبعض الشعوب مش المصريين بس 😂🙈.
هوا في حاجة اسمها لبن الزعل ؟🤔
وهل أما أرضع وأنا زعلانة النونو هيتأذي ؟🤔
دا مامتي بتقولي بلاش أرضع وأنا زعلانه لحسن ابني يتعب 😔.
⁉️واللي تقولك أنا زعلت فلبني راح ووقفت رضاعة 😐🙈
⁉️اخواتنا السوريين بلهجتهم العسل بيقولوا "أنا أكلت رعبة فما ضل حليب عندي وصدري نشف يا دكتورة " 🙈
⁉️اخواتنا الأتراك بقي 😂
Ödüm koptu ondan sonra sütüm gitti .🙈
أولا مفيش حاجة اسمها لبن الزعل خالص .
عشان تبقي كارثة لو الأم قالت أنا زعلانة دلوقتي فمش هرضع ابني لأذيه .
✅هقولك معلومة بسيطة في الأول كدا
إن الأم لو عندها depression اكتئاب مرضي بنديلها دوا يمشي مع الرضاعة ونقولها كملي رضاعة طبيعي و اوعي توقفي ودا عشان فوائد الرضاعة ليها وللنونو لا تقااارن ابدا ابدا ابدا بشوية آثار جانبية خفيفة لدوا 🙈
حاجة زي ما واحد معاه مشروب سحري كله فوائد للطفل بيحميه من أمراض لا تعد ولا تحصى ، سراطانات مميتة ونزلات معوية وعدوي بكتيرية وفيروسية والخ الخ
وييجي حد يقول لا معلش مش هنديه عشان _ممكن _يعمله غازات 🙈
طب ما يعمله شوية غازات يا جماعة ميجراش حاجة 😂دا مشروب سحري اصلا 🙈
دا لو عمله أصلا بين قوسين .
مش بدل ما نروح نبدله بمشروب درجه عاشرة بيعمل غازات بردو ونزلات معوية وبلاوي وسكر وو..الخ وحرفيا حشو بطن للنونو وخلاص😅
✅ النقطة التانية تأثير بقي الزعل علي لبن الأم موضوع يطول شرحه 😅
بس بيكون من منظور آخر وهوا تأثير الزعل علي هرمون إطلاق اللبن اللي هوا الoxytocin ودا مثبت علميا وعمليا ، باختصار الزعل ممكن يقلل إطلاق اللبن وبالتالي _بنحس_ وبنحس دي بين قوسين إن اللبن قل ، والموضوع ليه بقيه شرح بس مش هطول زيادة دلوقتي 🙈
يعني الزعل بيأثر علي إطلاق اللبن مش اللبن نفسه كمكون وعناصر غذائية .
✅ النقطة الأخيرة ودي يطول شرحها بردو وبعتبرها أجمل هدية للأم والنونو،
وهيا تأثير الرضاعة في حد ذاتها علي الأم والطفل نفسيا ❤️🙈😍
وهنا لازم وش بيطلع قلوب كتيير 😍
عشان في سيمفونية عذبة من الهرمونات اللي بتفرز و تهدي الأم وتشتغل كمسكن طبيعي ليها بعد الولادة و تنعسها كمان فتنام ، وبردو تهدي النونو وتنيمه فهما الاتنين يناموا مع بعض ودا بيحصل لأغلبنا أما بنرضع ☺️
بتخشي تنيميه تلاقيه نيمك 😂
فحتي لو زعلانين ومتضايقين بنحاول نهدي نفسنا ونشوف حد مختص يساعدنا سواء أخصائي نفسي أو طبيب و نكمل رضاعة عادي خالص ونحتسب التعب دا لله ❤️
ونفتكر إننا لو وقفنا رضاعة الوضع هيبقي اسوأ بكتير هتلاقي نفسك مكتئبة للسبب الأولاني وحطي عليهم اكتئاب بقي عشان النونو مش بيشبع ودخلتيله صناعي وبيجيله نزلات وترجيع يا دكتورة ولفي بينا يا دنيا 😂🙈
🤚دا الأمهات وقت الزلزال هنا حصلهم بسبب الخوف والرعب اللي عاشوه قلة إطلاق للبن زي ما شرحت فوق غير اللي فضلوا بعيد عن عيالهم فترة كبيرة تحت الانقاض فالرضاعة قلت واتأثرت ...
واظن أكتر من كدا رعب وخوف مفيش يعني ... الدولة نفسها والهيئات العالمية للرضاعة الطبيعية عاملة مجهودات كبيرة وقت الكوارث دي عشان يتم إعادة ارضاع وبدء ارضاع حتي للأطفال اللي امهاتهم ماتوا .
مش بنقول لا يا اخوانا دي أمهات حالتهم النفسية وحشة فبلاش يرضعوا 😂🙈
يعني بييجوا العيادة وبشوية متابعه وتوجيهات اللبن بيرجع زي الأول وبيكملوا الحمد لله ❤️.
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
للتواصل والاستفسار عبر الواتس
0505 688 34 67
13/04/2023
🤚خدعوكي فقالوا 🤚
اللبن الأصفر بتاع أول كام يوم دا مش بيشبع النونو ولازم نديله صناعي لحد ما لبنك ييجي علي أساس لبن السرسوب دا مش لبن مثلا واللي يقولك دا بيجيب صفرا كمان 😅🙈
✅الحقيقة إن اللبن دا أنسب حاجة لمعدة طفلك ككمية وكمكون ،اعجاز رباني و حاليا مكتوب كتب عن فوايده ومسميينه liquid gold يعني السائل الذهبي .
✅المادة الأساسية فيه هيا الأجسام المضادة وبروتينات الwhey والفيتامينات اللي بتدي النونو مناعة مستحيل ياخدها من أي لبن صناعي .
ودا لأن النونو أكتر حاجة محتاجها أول كام يوم هيا المناعة مش الطاقة والغذاء فقط ، بسبب تعرضه لعوامل خارجية لأول مرة بعد ما كان العالم بتاعه كله هوا رحم مامته .
✅الطفل بيتولد معدته حجمها من 5ل 20مللي
يعني كحد أقصي ٤ معالق كبيرة ومتوسط معلقة أو اتنين فمش محتاجين كميات مهولة أصلا ☺️ .
فعزيزتي الأم أي حد يقولك ادي صناعي النونو جعان متسمعيلوش حطيه علي صدرك وخليه يرضع وبس ❤️🌸
#خدعوكِ_فقالوا
لحجز الاستشارات واتس 0505 688 34 67
11/04/2023
يعني إيه استشارة ؟🤔‼️
وإيه الفرق بينها وبين الكشف العادي ؟🤔‼️
🛑 الكشف بيبقي في حدود عشر دقايق ويمكن أقل لو الحالة واضحة ، بيبقي الهدف منه تشخيص مرض اعتمادا علي التاريخ المرضى والتحاليل والمعاينة الطبية وبيبقي 1+1=2 .
ببساطة في مرض محدد بنحاول نوصله ونكتب العلاج ونقول للمريض مع ألف سلامة .
🛑 الاستشارة بقي دي حاجة مختلفة تماما ، جزء منها فقط التشخيص و مدتها صعب تبقي أقل من 30 دقيقة و مش بيكفوا أغلب الوقت وممكن توصل لساعة .
بنعمل فيهم إيه طيب يا دكتورة كل دا وقت ؟ 🤔🤔
دا انا مشكلتي معروفة 😅
✅ أى مشكلة الامهات بتتخيل إنها بسيطة لازم نسأل ألف سؤال قبل ما نحدد أصلها إيه ، زي تشققات الحلمات مثلا والمشكلة البسيطة دي ممكن تخليها توقف الرضاعة تماما من الألم .
✅غير إننا بنتعامل مع طرفين أم وطفل وكل واحد ليه احتياجات ولازم نراعيها قبل ما نفكر في الحلول .
✅ حل المشكلة نفسها بقي مش روشيتة خديها يا ست الكل وامشي عليها وهتبقي كويسة مكانش حد غلب والله 🙈😅.
بالعكس دا بيبقي كذا خطوة بتفاصيل كتير لازم نمشي عليهم مع بعض عشان نوصل لنتيجة ومنخسرش لبن الأم ولا صحتها ولا صحة النونو ، معادلة ثلاثية كدا بنراعي كل اطرافها .
✅ فرق كمان هو إن الاستشارة بيبقي جزء منها تعليم مهارة ودا لوحده بياخد وقت كبير كمثال نعلمها إزاي تشفط بإيديها مثلا.
محتاجين كثقافة عامة نفرق بين الكشف واستشارة الرضاعة خصوصا إن الاستشارة بيبقي اغلب الوقت لازم متابعة بعديها للأم ولوزن النونو .
فهي علاقة جميلة ممتدة بين الأم وبين الاستشاري اللي هدفه الأصلي تحقيق رغباتها في الرضاعة ومراعاه ظروفها وإيجاد حلول تتماشي معاها هيا بالذات ❤️🌸
10/04/2023
ايه الفرق بين الاستشارة و الكشف العادى ؟ 🤔
الاستشارة مدتها صعب تقل عن ٣٠ دقيقة و تشمل التشخيص والتوجيه ووضع خطة وحلول تتماشى مع الأم ورغباتها في الرضاعة وكمان تعليم الأم بعض المهارات الضرورية دا غير المتابعة ليها وللنونو ☺️🌸.
0505 688 34 67
06/04/2023
كل الأمهات اللي بتعتبر إن رضعه صناعى في اليوم بليل مش هتفرق وبتحس إنها بتنهار ومحتاجة تنام .😅🙈
أنتي فعلا تعبانة ومش قادرة ومحتاجة حد يشيل عنك النونو ولو شوية تمددي ❤️
بس بصي الرضعة الواحدة دي هتركبك الزوحليقة 😅😂
يعني بردو هتعمل إيه 🤔 ‼️⁉️
😐 هتضعف تأثير البكتيريا النافعة اللي في أمعاء النونو اللي بتحميه من النزلات المعوية وأمراض كتير وعشان ترجع لنسبتها الطبيعية هتحتاج أسبوعين كاملين.
😐 هتخليكي مترضعيش بليل وبالتالي لبنك يقل عشان ربنا بيزودلك هرمون اللبن اللي هوا الprolactin بليل .
😐 غير بقي مشاكل الألبان الصناعية دي الحديث فيها يطول .
😐 غير مشاكل الببرونة اللي علي الأغلب المعظم بيستعملها وممكن توصل الطفل انه يرفض تماما صدرك بعدين .
فيا ست الكل اللبن هيقل والرضعة هتجيب رضعة وهتدخلي نفسك في دوامة الببرونات و الموضوع بيبقي زي زوحليقة كدا حرفيا اللي بيركب في أولها بيلاقي نفسه تحت بس مسأله وقت 🙈😅
فبلاش زحاليق خالص 🙈
طب تعملي ايه ؟! ممكن نقدملك حلول كتير غير الصناعي تريحك شوية حسب وضعك ❤️
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
الأمهات اللي بتبعت تتأكد ينفع أرجع أرضع ولا لأ بعد ما وقفت رضاعة لفترة أيا كان السبب واللي بتيجي فاقدة الأمل أصلا إنها ترضع عشان ابنها قعد في الحضانة اسبوعين تلاتة ولبنها راح كله علي حد تعبيرها ودخلت صناعي .
الحالات دي أما بتتلحق في الأول والله بمجهود قليل وبرغبتها الحقيقية بيرجعوا يرضعوا وبتستغني عن الصناعى تماما .
متسيبيش نفسك عشان كل أما المدة تطول كل أما يبقي المجهود أكتر .
03/04/2023
نبدأ بسؤال وجودي أمهات كتير متعرفوش أو عارفة إجابة ناقصة ليه أو غلط في حين إن كل أم بترضع لازم تبقي عارفة الإجابة ، ABC كدا .
🤔إيه اللي بيزود اللبن ؟🤔
🤚بنلاقي إجابات علي شاكلة الحلبة -الحلاوة الطحينية- السمسم - المكسرات - والاعشاب ونقط إدرار اللبن اللي بتتباع في الصيدليات وغيرها من الحاجات حسب ثقافة كل شعب .
⛔الإجابة الصحيحة مش الكلام اللي فات دا.
الأبحاث لسه شغاله عشان تثبت دورهم فى تزويد اللبن فيعتبر لو ليهم دور حتى فهو دور فرعي وممكن نتكلم عنهم بعدين .
✅إنما الاجابة الصحيحة القاطعة إن اللي بيزود اللبن هوا سحب اللبن نفسه من الث*ي .
يعني كل أما النونو يرضع كتير كل أما اللبن يزيد كأن عندنا عشر موظفين شغالين في شركة كل أما نطلب منهم طلبيات كل أما يشتغلوا زيادة ويدونا إنتاج أكبر والشركة تتوسع وتشغل موظفين جداد .
ولو السحب قل دا معناه إننا بنسرح العمال ونقولهم مش عاوزينكم شكرا😐 .
عشان كدا عزيزتي الأم اتغذى كويس ولو عاوزة تزودي لبنك ببساطة خلي النونو يرضع كتير منك .❤️
# اسئلة_وجودية
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
01/04/2023
🤚خدعوكي فقالوا :
لازم ترطبى الحلمة وانتي حامل وتشدي فيها لبرا وتشتري أحسن كريمات الترطيب وعلاج للتشققات من ضمن روتين ليسته النونو وتروحي بيه المستشفي كمان كأننا داخلين علي معاناة وحرب 😐.
دا علي أساس أول كام يوم بعد الولادة لازم الحلمة هتتشقق ولازم هيحصل جروح وهتتوجعي وكلنا حصل معانا كدا واستحملي انتي مش اول واحدة تبقي ماما وبترضع 😐.
المفاجأه إن دا مش صح ❌ ربنا سبحانه وتعالي بيهيأ الجسم للرضاعة عن طريق الهرمونات وغدد الترطيب الموجودة طبيعي ✅ .
✅ الرضاعة الصح مش مؤلمة أبدا بالعكس بتهدي الأم وبتربطها نفسيا بالنونو عن طريق هرمون الoxytocin ❤️.
🌸🌸امهات كتير بتستمتع وهيا بترضع من أول يوم 🌸🌸
التشققات اللي بتحصل مع الأمهات في الأول أو بعد كدا بيبقي ليها أسباب لو اتسابت من غير تدخل ممكن الأم توقف رضاعة من الألم ونبقى خسرنا كل حاجة .
✅المفاجأه التانية إن ستات كتير عارفين إزاي يرضعوا صح من أول يوم ومتابعين أول بأول أي مشكلة عندهم وعمرهم ما احتاجوا كريمات تشققات .
#خدعوكِ_فقالوا
0505 688 34 67
النهاردة أثناء تطعيم الأطفال اللي عندهم شهرين لاحظنا كل الأمهات بلا استثناء جايين صايمين وكلهم بلا استثناء أما بسألهم امبارح الطفل غير كام حفاضة بيبقى الرد حفاضتين أو تلاتة بعد ما كان بيغير أربعة أو خمسة 😐.
❌دي علامة سيئة جدا بتقول بوضوح إن الطفل مش بيشبع ، هوا مش هيعرف يقول أنا جعان.
الأمهات اللي بيرضعوا وبيصوموا ومش بياخدوا بالرخصة أو اللي بيجربوا يصوموا يوم اه ويوم لأ حتى ومش مقتنعين.
✅مهم جدا جدا بعد الفطار كل ساعة أو ساعة ونص تشربي يا مياه يا عصير.
لبنك 87.5 % منه مياه ، شربك وقت الفطار مياه كتير جدا مرة واحدة لتر مثلا فبطنك تتملى ومتاكليش ملوش قيمة ، لأن الجسم هياخد احتياجه في وقتها وهتفقدي المياه دي كلها بعد الشرب خلال ساعتين تلاتة بالكتير.
✅شرب السوائل علي فترات أفضل شئ.
✅ الكربوهيدرات المعقدة اللي بتقعد فترة طويلة عشان تتحرق الموجودة في البطاطس والشوفان وفي البقوليات زي الفول و الفاصوليا اعتمدى عليها اكتر من السكريات والحلويات بتاعت رمضان.
✅ المكسرات والتمر والموز دول أساسي مع الحلبة والسوائل بشكل يومي .
✅الطفل لازم يتوزن علي الأقل مرة في الأسبوع.
لو هتصومي يبقى في منبه من بعد الفطار للسحور يرن كل ساعة أو ساعة ونص تقومي تاكلي أي حاجة وتشربي.
د.عائشة سليمان
-استشاري رضاعة معتمد من ELCA الجمعية المصرية للرضاعة الطبيعية .
-استشاري رضاعة معتمد من وزارة الصحة التركية.
-عضو الجمعية الدولية لاستشاري الرضاعة الطبيعية İLCA.
-عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
28/03/2023
♦️هو الصيام بيغير طعم اللبن وممكن يخليه حادق ؟ 🤔
♦️كنت بشفط وبدي لابني اللبن بس مع أول يومين صيام مش متقبل ياخده 🤔
- اللبن فيه مكونات أساسية زي البروتينات والكربوهيدرات و الدهون ودول مش بيتأثروا بالصيام ✅
الفكرة بقي إنه بيحتوي كمان على نسبة أملاح زي الصوديوم والبوتاسيوم وغيرها فلو اللبن قل أو تركيز المياه اللي فيه قلت بنحسه حادق أكتر 😐.
🤚زي ما يكون عندنا محلول ملح كدا نسبة الملح اللي فيه شبه ثابتة بس ممكن نحطله مياه فيخف أكتر أو نخليه مركز بإننا منضيفش مياه خالص أو نغليه ونبخر منه المياه فيبقي طعمه حادق .
أي أم بترضع وطفلها بدأ يرفض اللبن لازم تعمل ⛔ stop وتاخد استشارة تكمل صيام ولا لأه .
د.عائشة سليمان
استشاري رضاعة معتمد من ELCA الجمعية المصرية للرضاعة الطبيعية .
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
27/03/2023
من أجمل ما نلاحظه في التعامل مع الأمهات، هو ذلك التحول المبهر في الفتاة حين تتحول إلي أم ❤️
تتغير شخصيتها وحياتها تمامًا لتواكب احتياجات ذلك الكائن الصغير الذي أصبحت مسؤولة عنه، وبجانب ذلك فهي تعطي للأمومة معنًى مميزًا نابعًا من شخصيتها هي فقط مختلفًا عن أي أم أخرى.🌸❤️
الكل يضحي ولكن تختلف الأولويات ❤️
واحدة تترجم الأمومة قراءة عن كل ما يخص الطفل، فتشترك في مواقع ومجموعات لا حصر لها، وأخرى تترجمها اهتمام بكل التفاصيل الصغيرة والكبيرة صحيًا ونفسيًا، فتسأل عن كل شيء، وأخرى أم بسيطة ربما غير مثقفة، ولكنها تترجم مشاعرها بالمبادرة السريعة إلى كل صواب تعرفه منا قد يفيد ابنها دون نقاش فنتعجب من استجابتها.
كلهن رائعات مبهرات❤️
كل أم تستحق أن تصبح أمًا مثالية طالما أنها تحاول ❤️
لا قوالب نمطية للأمومة، فكل أم مميزة عن الأخرى بشيء وربما هذا هو الإعجاز ❤️
26/03/2023
كل عام وكل الامهات الصامدات بخير ❤️
كل عام وكل أم دا أول رمضان ليها مع النونو بخير 🙈❤️
الأمهات المرضعات اللي نفسها تصوم و اللي بتحاول وبتجرب واللي بتفكر أصوم ولا أفطر 🤔؟
هبدأ بحديث جميل كدا
( إن الله تعالى يحب أن تؤتى رخصه ، كما يكره أن تؤتى معصيته )
يعنى إيه طيب الكلام دا ؟
يعني ربنا بيحب ناخد بالرخصة والتيسير من أي أمر مادام معانا عذر أكتر من إننا نشق على أنفسنا .
- طيب أنا جربت أصوم ومحصلش حاجة وناوية اكمل 🙈
عارفة اللي بيعدي طريق سريع كله عربيات ومش بيبص يمين وشمال بس الحمد لله العربية مخبطتوش😄 🚛
هوا كدا بالظبط يمكن ربنا سترها لحد دلوقتي بس لو مخدناش بالأسباب وبصينا يمين وشمال وخدنا بالنا من الإشارات الحمرا ممكن لا قدر الله العربية تخبطنا قصدي لبنا يقل والنونو ميشبعش 🙈
- ايه هيا الإشارات الحمرا اللي لو شفتها افطر 🚦 ؟
🚨بالنسبة للنونو الوزن بتاعه وعدد الحفوضات اللي بيغيرها في اليوم سواء بول أو براز دول اقوي علامتين
ممكن نلاحظ كمان عصبية زايدة على صدر أمه أثناء الرضاعة وقلة نوم وعلامات جوع مستمرة .
الوزن والحفوضات لازم بيتم متابعتهم مع استشاري رضاعة اسبوعيا على الأقل .
الأمهات اللي النونو بتاعها تحت الست شهور بالخصوص لازم نظام متابعة خااص جدا ودايما بنرجح الأخذ بالرخصة وميشقوش علي نفسهم ولا علي النونو .
د.عائشة سليمان
استشاري دولي رضاعة طبيعية İBCLC
استشاري رضاعة معتمد من وزارة الصحة التركية .
عضو الجمعية الدولية لاستشاري الرضاعة الطبيعية İLCA.
عضو الأكاديمية الدولية لطب الرضاعة الطبيعية ABM.
📞 للتواصل والاستفسار عبر الواتس
0505 688 34 67
شعري بيقع جدا يا دكتورة وأنا برضع وعلي طول حسه بدوخه وسناني بتوجعني ،الرضاعة بتسحب من جسمي جامد ومبقتش قادرة، بفكر افطم ابني بدري 😔 .
✅ أنا حسه إنك تعبانة ومجهدة فعلا باين علي وشك ، بس عاوزة اقولك إن الرضاعة مش زي ما أمهات كتير بيشوفوا إنها تضحية منها للنونو علي حساب صحتها ، بالعكس الرضاعة ليها فوايد ليكي انتي كمان .
♦️ بجد !!! أول مرة اسمع الكلام دا بتفيدني ازاي يعني 🤔 ؟
✅ آخر الدراسات اثبتت إن الرضاعة بتقلل إحتمالية إصابة الأم بسرطان الث*ي وسرطان المبايض و مرض السكر النوع التاني وارتفاع الضغط وهشاشة العظام .
♦️ كل دي أمراض الرضاعة بتحميني منها 😯 اومال شعري اللي بيقع دا والدوخة دى من إيه ؟
✅ في أسباب كتير لتساقط الشعر والدوخة ممكن تحتاج كشف وتحاليل عشان تطمني علي صحتك 🌸 .
Click here to claim your Sponsored Listing.
Videos (show all)
Category
Website
Address
Opening Hours
| Monday | 08:00 - 20:00 |
| Tuesday | 08:00 - 20:00 |
| Wednesday | 08:00 - 20:00 |
| Thursday | 08:00 - 20:00 |
| Friday | 08:00 - 20:00 |
| Saturday | 08:00 - 20:00 |
MAGNOCENTER - iyilik ve sağlık için
Cilek Sokak, No. 1, Kat:3, D. 63, Altıyol, Kadıköy
Istanbul, 34714
Kendinize ve Sevdiklerinize 1 İyilik Yapın.....
Leonart Estetik Cerrahi ve Lazer Merkezi
Bahçelievler Mahallesi Kadir Has AVM B Blok K:2 D:106
Istanbul, 34180
ESTETİK VE PLASTİK CERRAHİ POLİKLİNİĞİ. CERRAHİ VE CERAHİSİZ ESTETİK İŞLEMLERİ İÇİ
Sen-Pa
Istanbul, 34418
Sıhhi Ambalaj Gerektiren Medikal ve Kozmetik Endüstrisi için Uzmanlaşmış Ambalajlar Üretiyoruz
Uzman Klinik Psikolog Gülce Algur Çataltepe
Küçükyalı Mahallesi İlkbahar çıkmazı Sokak No :5 Daire :2
Istanbul, 34363
Aturkcapar
Fulya Açık MR Binası, Dikilitaş Mah. Ayazmadere Caddesi Yeşilçimen Sok. No:9 Kat:4 Beşiktaş/Istanbul
Istanbul
Obezite Cerrahisi ekip işidir. Güçlü ve Profesyonel ekibimizle yaşam boyu yanınızdayız.
Renk Protez Göz Merkezi
Şehit Ahmet Sok. İzçınar2 Sitesi, No:16-18 Kat2 Daire11, Şişli/Mecidiyeköy
Istanbul