https://www.facebook.com/103219371410521/

Mochi, Misty & Minnie

စီလေး

စီလေးက ညီအစ်မ ၃ကောင်ထဲမှာ မိသားစု စိတ်ဓာတ် အရှိဆုံး။ အမို ဖြစ်ဖြစ် မီနီ ဖြစ်ဖြစ် တစ်ချက်လောက် ဟောင်တာနဲ့ အပြေးထကြည့်တာလည်း သူပဲ။
အမေနဲ့ အကပ်ဆုံး။ ညအိပ်ရင်က အစ အမေနဲ့ ထိနေရမှ။
လူချစ်အများဆုံး၊ အချွဲဆုံး ကလေးလေး။

01/07/2024

မမတွေ မဆော့ပေးလည်း ကိုယ့်ဟာကိုယ် ဆော့ပါတယ်နော်။
အရုပ်တွေ လိုက်ကောက် သိမ်းရတာ ခါးတောင် နာတယ် 🥹

01/05/2024

အခုမှနိုးတာကို ဓာတ်ပုံတွေ လာရိုက်ပြီး ရယ်နေရအောင် ဘာများ ဖြစ်နေလို့လဲ အမားရယ်။ အနီ နားမလည် နိုင်တော့ပါဘူး။ 😐😐😐😐

01/04/2024

အဟဲဟဲ ဘွလေး အလစ်တဲ ပျက်နေတာလေ 😝😝

အမေကလည်း ထိုင်ရယ်နေတယ်။ ခက်တော့ တာပဲ။

01/03/2024

Minnie မှာအကျင့်တစ်ခု ရှိတယ်။ သူစိတ်တိုင်း မကျရင်၊ မကျေနပ်ရင်၊ စိတ်တိုရင်၊ အလိုမကျရင် ခြေထောက်ဆောင့် တတ်တယ်။ သူက ခြေဆစ် လက်ဆစ်တွေက တုတ်ခိုင်နေတော့ မသိရင် လူကို ကန်‌နေတဲ့ အတိုင်းပဲ။ 🥹

01/02/2024

စားသမျှ၊ ကျွေးသမျှ ဘယ်ကိုရောက်
ဒီ ဖျင်တုံး 🍑 ထဲကိုရောက်

01/02/2024

လှေကားပေါ် ဆက်လည်း မတက်ရဲ၊ ပြန်လည်း မဆင်းရဲ သော အချိန်တုန်းက အမှတ်တရ 🤣🤣🤣🤣

ဒီ ဗီဒီယို ပြန်ဖွင့်ပြတိုင်း Minnie က လိုက်နားထောင်တတ်တယ်။ ကြည့်ရတာ အကူအညီတောင်းတဲ့ အသံမလို့ ထင်ပါတယ်။

01/01/2024

2023 ရဲ့ blessing လေး

ရုတ်တရက်ကြီး စိတ်ပိုင်းဖြတ်ချပြီး ဝယ်လိုက်တဲ့ ကလေးလေးက အရမ်း လူချစ်အောင် နေတတ်တာပဲ။ လူမြင်ရင် အပြေးအလွှား နှုတ်ဆက် ရတာနဲ့ ဘယ်သွားသွား တကောက်ကောက် လိုက်ရတာနဲ့ အင်မတန် ချစ်စရာလေး ပါကွယ်။

12/31/2023

တူတူ ၃ကောင် လမ်းလျှောက်ထွက်ကျင့် နေကြပြီ။ လမ်းလျှောက် လျှာထွက် ပြန်လာရင် ဆိတ်နို့သောက် တစ်နေကုန် အိပ်ကြနဲ့ အရမ်း အေးချမ်းတာပဲရှင်။ မဟုတ်ရင် ‌အိမ်ထဲ သောင်းကြမ်းကြ လွန်းလို့ 😅😅

12/30/2023

ဂျင်းတုံးကို ရှာပါ။

ဘာတဲ့ ၃-၄ပေါင်ဆိုလား 😝😝😝😝😝
အမား ဂျင်းမိ 😅😅😅😅😅

12/26/2023

အမားက diy paw print လေးလုပ်ပေး ထားတယ်။

Photos from Mochi, Misty & Minnie's post

12/24/2023

Last Christmas, I gave you my heart ❤️
ပြီးတော့ အဆူခံလိုက်ရပါတယ်ရှင် 😝😝😝😝

12/21/2023

မဟုတ်ပါပု မလုပ်ပါပု အမား ထင်သလို မှုတ်ပါပု။ သမီးက အိမ်ထဲပဲ နည်းနည်း အနိုင်ကျင့် မိတာပါ။ မကြီးစီက သမီးကို ခြံထောင့် ခေါ်ခေါ်ပြီး အနိုင်ကျင့် နေတာ။

အစီက တကယ့် ငလည်မ။ အမေရှေ့ဆို မျက်ရည်ဝိုင်းပြီး သူ့ညီမကို ပြန်မလုပ်ဘူး။ အမေ ကွယ်ရာမှာ၊ အမေ လစ်ပြီဆို ပြန်ဆော်ပြီ။ အခန်းထဲ ခေါ်ပြီး ပြန်ဆော်တယ်။ ခြံထောင့်မှာ ပြန်ဆော်တယ်။ 🫢🫢🫢

အမေ အပြင်သွားပြီဆို ၃ကောင်လုံး ငြိမ်သက်နေတာ။ အမေ အိမ်မှာ ရှိရင် သောင်းကြမ်း ကြပြီ။ ဘာလေးတွေမှန်း မသိပါဘူး။ 🤣🤣🤣🤣

12/21/2023

အမား အစီ ပြောဈာချိသယ်

အစီကလေး မထိန်းချင်တော့ဘူး။ အဲ့ကလေးက တအားဆိုးတယ်။ အစီ့ကို ခွတယ်၊ အမြီးဆွဲတယ်၊ ကိုက်တယ်။ မမို ကလည်း ဝိုင်းမထိန်းဘူး။ အစီ တအား စိတ်ညစ်နေပြီ။ အစီ ကလေး မထိန်း ချင်တော့ဘူး 😭😭😭

12/20/2023

Hypoglycemia in Puppies and Toy Breed

ပါပီလေးတွေနဲ့ အကောင်သေးမျိုး တွေမှာ ကြောက်ရတဲ့ အရာ တစ်ခုက Hypoglycemia ခေါ်တဲ့ သွေးထဲမှာ glucose သကြားဓာတ် လျှော့ကျ သွားခြင်းပါပဲ။ sugar shock လို့လည်း ခေါ်ပါတယ်။ ဘာနဲ့ တူသလဲ ပြောရင် လူတွေမှာ အစာ မရှိတော့ရင် ခေါင်းမူးလာတာ၊ တုန်တက်လာတာမျိုးနဲ့ တူပါတယ်။

Toy breeds အကောင်သေးမျိုးနဲ့ ပါပီတွေရဲ့ ဇီဝဖြစ်စဉ် metabolism က အရမ်းမြန်ပါတယ်။ အရမ်းလည်း ဆော့‌ေတာ့ အားကုန်တာလည်း အရမ်းမြန် ပါတယ်။ body ကလည်း energy အတွက် လိုအပ်တဲ့ glucose ကိုလည်း လုံလောက်စွာ၊ ကြာရှည်စွာ သိုလှောင်ထား နိုင်ခြင်း မရှိပါဘူး။ ဆိုတော့ အစာနဲ့ ဝေးသွားတဲ့ အချိန်မျိုး၊ ရောဂါ အခံ ရှိတဲ့ အချိန်မျိုးဆို hypoglycemia စဖြစ်တာပါပဲ။

Hypoglycemia ဖြစ်တဲ့ အခါမျိုးမှာ ခွေးလေး တွေက
အစာ မစားတော့ဘူး loss of appetite
အရမ်း မောပန်း အားနည်း နေပုံပေါက််မယ် Extreme lethargy
ဦးတည်ရာမဲ့ လျှောက်သွားနေမယ်။ တောင့်တင်းပြီး ငူငူကြီး ဖြစ်နေတာမျိုး lack of coordination
တုန်တက် နေမယ် trembling
တက်နေတာ seizure
သူ့ရဲ့ ပါးစောင်နဲ့ လျှာတွေက အရောင်ဖျော့ နေမယ် စတာတွေ ဖြစ်တတ်ပါတယ်။ အများဆုံး မြင်ဖူး တာကတော့ ပုံထဲကလို ငူငူကြီး ယိုင်ထိုး နေနေတာ၊ ရုတ်တရက် အကြောတွေ တောင့်တင်းပြီး ပစ်လဲတာမျိုးတွေပါ။

မဖြစ်အောင် ထိန်းဖို့ အတွက်
အသက် ၆လအောက် ပါပီ တွေက တစ်ရက်ကို အနည်းဆုံး ၆ကြိမ်၊ ၂-၃နာရီခြား တစ်ခါ ကျွေးရပါမယ်။ Minnie ကိုကျ အစာခြောက် တစ်ခွက် အမြဲ ချပေး ထားပြီး တစ်ရက်ကို ၄ကြိမ် အစာစို ကျွေးပေး ပါတယ်။ နည်းနည်းနဲ့ အကြိမ်များများသာ ခွဲကျွေးပေးပါ။ အိမ်တစ်အိမ်လုံးကို ကြိုက်သလို ပေးသွားတာထက် သူ့အတွက် နေရာ အခန်းတစ်ခန်းကို သတ်မှတ်ပေးတာ ပိုအဆင်ပြေ ပါတယ်။ မဟုတ်ရင် သူစားချင်ရင် အနီးနားမှာ အစာခွက် မရှိရင် မစားဘဲ ဆော့ရင်း ဆော့ရင်းနဲ့ hypoglycemia စဖြစ် နိုင်ပါတယ်။

Hypoglycemia ဖြစ်နေတဲ့ အချိန်မှာ အစာ သွားခွံ့လို့ မရတော့ ပါဘူး။ nutrition gel တွေ‌ကျွေးပေးမှ ရပါတယ်။ ၅-၁၀မိနစ် တစ်ခါလောက် ပါးစပ်ထဲ ခွံပြီး ပုံမှန် ဖြစ်တဲ့ အထိ ကျွေးပေး ရပါမယ်။ nutrition gel မရှိဘူး ဆိုရင် အရေးပေါ် အချိန်မှာ သကြားကို ရေနဲ့ ဖျော်တိုက်တာ၊ ပျားရည် တိုက်တာမျိုး လုပ်လို့ ရပါတယ်။ ဒါပြီးရင် ပုံမှန် ပြန်ဖြစ်သွားရင်တော့ ဆေးခန်း တစ်ခေါက်သွားပြီး နောက်ဆက်တွဲ ဘာတွေ ဖြစ်နိုင်မလဲဆိုတာ ဆေးစစ် သင့်ပါတယ်။

အသက် ၆လ အထက် ပါပီတွေကျ ၃ကြိမ်ကို လျှော့လို့ ရပါပြီ။ အစာခြောက် ကတော့ အသက် တစ်နှစ် အထိ အမြဲ ချထားပေး ရပါတယ်။ ကြွက် ယင်ကောင် ကြောက်လို့ မချပေး ထားရဲဘူး ဆိုရင် ၅နာရီခြား တစ်ခါ ကျွေးပေး ရပါမယ်။

အသက် ၁နှစ်ကျော်ရင်တော့ အစာကို ၂ကြိမ်ထိ လျှော့လို့ ရပါပြီ။

*** ဒါကတော့ အခြေခံ guidelines ပါ။ သူတို့ရဲ့ လှုပ်ရှားမှု activity level ကိုကြည့်ပြီး ပြန်ညှိယူ ရပါမယ်။ များများ ဆော့ရင် များများကျွေး၊ နည်းနည်းဆော့ရင် လျှော့ကျွေးပါ***
ခရီး ဘာညာ သွားတဲ့ အခါမျိုးဆို nutrition gel တွေဆောင် ထားပြီး မကြာမကြာ ကျွေးသင့်ပါတယ်။

12/18/2023

Minnie ကတော့ မီနီပါပဲ။ တစ်နေ့ကမှ သူ့ငယ်သွား အစွယ်လေး ကျိုးလို့ ငါ့သမီးလေး လူကြီးလေး ဖြစ်လာပြီ တွေးနေတာ အခု ဟိစလာ‌နေပြီ။ ၆လကျော်မှာ ပထမဆုံး ဟိစလာပါတယ်။ ၃ယောက်မှာ သူက အစော‌ဆုံး၊ Misty ကနောက်အကျဆုံး တစ်နှစ်ပြည့်ခါနီးမှ စလာပါတယ။

ဟိသာလာတာ သူ့ဟာသူလည်း သန့်ရှင်းရေး မလုပ်တတ်၊ နမ်းသာ နမ်းကြည့်တာ၊ အဆော့က မပြတ်လို့ အမေက emergency plan အနေနဲ့ mask လေးကောက်အုပ်‌ပေး ထားရတယ်။ 😅😅😅😅😅

ဖြေးဖြေးကြီးပါ သမီးရယ် 😅😅😅

12/16/2023

ဟိုက် ရားးးးး

အငယ်မ နင်တော့ နာပြီသာမှတ် 🤕🤕🤕

12/16/2023

ဒီအမားနဲ့တော့လေ

သူအရုပ် တစ်ခါကြွားချင်တိုင်း ငါတို့မှာ အရုပ်ကြား အညှပ်ခံ နေရတယ်။ 😓😓😓

12/15/2023

ခွေးအကြီးမျိုး သမားတွေ
နောက် အားရှိတဲ့၊ pull ဆွဲတတ်တဲ့ အကောင်လတ် အကောင်ကြီးတွေ အတွက် two handle leash လေးတွေ သွင်းကြပါလားရှင်။

ဟက်စကီးတွေကို ရိုးရိုးကြိုးတွေနဲ့ ဆွဲနေကြတာ သခင်က နောက်က ခြေကန်ပြီး လိုက်နေကြတာ မြင်လို့ မကောင်းဘူး။ ကားလမ်း ကူးရင်၊ နောက် လမ်းကျဉ်းတဲ့ နေရာ ရောက်ရင် အစွန်းလက်ကိုင်က မကိုင်ဘဲ အရင်းနားက လက်ကိုင်ကနေ ကိုင်မှ full control ရပါတယ်။ လက်ကိုင် နှစ်ခု ပါတော့ မတော်တဆ တစ်ခု လွတ်သွားလည်း နောက်တစ်ခု ရှိနေတော့ မဖြစ်သင့်တာ မဖြစ်တော့ဘူး။

အဲ့ဒါလေး ပြောပြတာပါ။ မရောင်းဘူးနော်။ $ ဈေးနဲ့ မရောင်းနိုင်သေးဘူး။

12/15/2023

မန်းလေးက ဒီက‌လေးလေး အတွက် သွေးလိုအပ်လို့ ပါရှင်။ အကောင်ကြီးမျိုးတွေ လှုပေး ကြပါဦးနော်။
Mandalay pet shop 77.35.35 မှာဆေးကု နေပါတယ်။

အိမ်ကသမီးအတွက် အရေးပေါ်သွေးလေးအလှူခံချင်လို့ပါ
လှူမဲ့သူရှိရင်အမြန်ဆုံးဆက်သွယ်ပေးပါဦးရှင့်🙏

Mdy ကပါ 09250136270

12/15/2023

အော် ကလေးရယ်

သူ lane လမ်းကြောင်း တစ်ခါချိန်းတိုင်း အသက်တောင် မရှုရဲဘူး။ နောက်ဆုံး ထောင့်ဆုံး lane ဆိုရင် hov အမြန်လမ်း။ မိုင် ၈၀-၁၀၀ နဲ့ မောင်းနေတာ။ ကံကြီးလို့ ဘာမှ မဖြစ်တယ်။

ကားထဲမှာ စောင်တစ်ထည် အမြဲ ထည့်ထားတယ်။ အဲ့လို လျှောက်ပြေး နေရင် လက်နဲ့ ဖမ်းလို့ မရ၊ အခန့်မသင့်ရင် ကိုက်ခံ ရဦးမယ်။ စောင်နဲ့ပဲ အုပ်ဖမ်းရဲတယ်။

ပြီးခဲ့တဲ့ ၂နှစ်လောက်က အဲ့လိုပဲ ကြောင်ပေါက်စတွေ လမ်းပေါ် ပစ်ခဲ့တာ၊ စောင်နဲ့ အုပ် ဖမ်းရတယ်။ ကြောင်ပေါက်စ လေးတွေက ကြောက်လို့ တရူးရူးနဲ့ မာန်ဖီ နေရင် မကိုင်ရဲဘူးရှင်။ စောင်နဲ့ အုပ်ဖမ်းပြီး ဂေဟာကို သွားပို့ ရတယ်။

အဲ့ကတည်းက ကားထဲမှာ စောင်ထည့်တဲ့ အကျင့် ရသွားတယ်။

ဒီထဲက ကလေးက ဆိုင်ကယ်သမား တစ်ယောက် ဆင်းဖမ်းလို့ ပြန်မိသွား ပါတယ်။ စွန့်ပစ် ခံရတာ မဟုတ်ဘဲ လွတ်သွားလို့ လျှောက်ပြေးရင်း ဟိုင်း‌ဝေး လမ်းမပေါ် ရောက်သွားတာပါ။
Video credit to abc news

12/14/2023

အမား မအားပေမယ့်လည်း အိမ်မှာ အစဉ်အလာ မပြတ် ပြောင်စပ် နေဆဲပါ။ 🤣🤣🤣

12/11/2023

First snow ❄️❄️❄️

ညက ကျသွားတော့ နှင်းက ရေခဲ ဖြစ်နေပြီ။ အရည်ပျော်နေပြီ။ ပြီးရင် ဗွက်ထတာ့မယ်။ 🤣🤣🤣 တကယ် နှင်းကျတဲ့ အချိန်ဆို ဒီထက်လှတယ်။

မီနီ တစ်ကောင်က ပထမဆုံး သူ့တစ်ယောက်တည်း လွှတ်ပေးတော့ ဘာလုပ်ရမလဲ မသိ ဖြစ်နေတာ။ သူ့အမတွေနဲ့ကျမှ ပြေး ပတ်ဆော့ နေရော။

12/11/2023

ဒီနှစ် CNN Heros program ရဲ့ Hero of the Year ဆုကို တိကုဆရာဝန် တစ်ဦးက ရခဲ့ပါတယ်။ သူကတော့ Dr. Kwane Stewart ဖြစ်ပြီးတော့ Project Street Vet ကိုစတင်ခဲ့သူ ဖြစ်ပါတယ်။ Project Street Vet ကလမ်းဘေးက အိမ်ခြေရာမဲ့ homeless တွေ မွေးထားတဲ့ တိလေးတွေကို အခမဲ့ ဆေးကုပေးတဲ့ အဖွဲ့ဖြစ်ပါတယ်။ homeless တွေက စွန့်ပစ်ခံထား ရတဲ့ ကလေးတွေကို ကယ်တင်ပြီး ကျွေးမွေး နိုင်ပေမယ့် ရောဂါကုသဖို့တော့ မတတ်နိုင် ကြပါဘူး။ အခြေခံ အကျဆုံး ကာကွယ်ဆေး ထိုးဖို့၊ သန်ချဖို့တောင် မတတ်နိုင်တဲ့ သူတို့ရဲ့ ကလေးတွေကို Dr. Kwane တို့အဖွဲ့က လိုက်လံ ရှာဖွေပြီး ကုသပေးတာ ဖြစ်ပါတယ်။

Dr. Kwane ကဒီပရောဂျက်ကို စတင်ခဲ့တာ ၁၀နှစ်မက တော့ပါဘူး။ သူက အစက Northern California ကခွေးဂေဟာ တစ်ခုမှာ အလုပ်လုပ် ပါတယ်။ (California, Texas စတဲ့ ပြည်နယ်တွေက ခွေးစွန့်ပစ်တာ အများဆုံး၊ ‌သတ်ပစ်တာ kill shelter အများဆုံး ပြည်နယ်တွေပါ။) ခွေးဂေဟာ ဆိုတော့ စွန့်ပစ်ခံ ကလေးတွေနဲ့ အများဆုံး ထိတွေ့ရတဲ့ အပြင် နေရာမရှိရင် euthanize ဆေးထိုးပြီး သတ်ရတာကိုပါ လုပ်လာရတဲ့ အခါ သူ့အလုပ်ကို သူအတော် စိတ်ကုန် လာပြီး အလုပ်က နှုတ်ထွက် လိုက်ပါတယ်။

Euthanization က vet တွေကို အလုပ်ထွက်စေတဲ့ အဓိက အကြောင်းပြချက် တွေထဲက တစ်ခုပါ။ အသက်ကယ်မယ် ဆိုပြီး ဒီအလုပ်ကို ရွေးချယ်ခဲ့တဲ့ vet တွေက သေလောက်တဲ့ရောဂါကြောင့် မဟုတ်ဘဲ ပိုင်ရှင်က စွန့်ပစ်လို့၊ ငွေကြေး မတတ်နိုင်၊ မကုနိုင်တော့လို့၊ မလိုချင် မမွေးချင် တော့လို့ ကျန်းမာတဲ့ ကလေးတွေကို ဆေးထိုးသတ် ရတာတွေ များလာတဲ့ အခါ သူတို့ အလုပ်ကို အရမ်း စိတ်ကုန် သွားကြပါတယ်။ အလုပ်ထွက် ကုန်ကြပါတယ်။

Dr. Kwane ကအလုပ်ထွက် ခဲ့ပြီး နောက်မှာ အိမ်ခြေရာမဲ့ တစ်ယောက်နဲ့ ကော်ဖီဆိုင်မှာ အမှတ်မထင် ဆုံခဲ့ပြီး အိမ်ခြေရာမဲ့ရဲ့‌ ခွေးလေးကို ပျောက်ကင်းအောင် ဆေးကုပေး ခဲ့ပါတယ်။ ဒီတွေ့ဆုံမှုက သူ့အတွက် passion ကိုပြန်နိုးထ စေခဲ့ပြီး Project Street Vet ကိုစတင် ခဲ့ပါတယ်။

အိမ်ခြေရာမဲ့တွေက တိလေးတွေကို မွေးတဲ့ အခါ သာမာန်လူတွေနဲ့ ကွာခြားပါတယ်။ သာမာန်လူတွေက အလုပ်သွားတာ ရှိမယ်၊ အပြင်သွား သူငယ်ချင်း တွေနဲ့ ဘားသွားတာမျိုး ရှိမယ်။ သူတို့ကို ထားခဲ့လို့ ရတဲ့ နေရာတွေ ရှိမယ်။ အိမ်ခြေရာမဲ့ လမ်းဘေး နေတဲ့ သူတွေကျတော့ တိလေးတွေက သူတို့နဲ့ ၂၄နာရီလုံး တူတူရှိတဲ့ အဖော်မွန်လေးတွေ ဖြစ်ပါတယ်။ လူ့အသိုင်းအဝိုင်းက ဖယ်ကျဉ် ထားပေမယ့် တိလေးတွေကတော့ သူတို့ကို ဘယ်တော့မှ မစွန့်ပစ်၊ မထားခဲ့ကြပါဘူး။

အိမ်ခြေရာမဲ့ တွေကို အခမဲ့ ဆေးကု ပေးပေမယ့် တချို့ homeless တွေက အလကား အကု မခံကြ ပါဘူး။ သူတို့မှာ မရှိရှိတာလေးတွေ ထုတ်ပေး ကြပါတယ်။ သိတတ်မှု၊ တာဝန်ခံမှု ဆိုတာက ဆင်းရဲ ချမ်းသာတာနဲ့ မသက်ဆိုင်တာ အမှန်ပါ။ Dr. Kwane တို့အဖွဲ့က တိလေးတွေ တင်မက သူတို့ရဲ့ ပိုင်ရှင် တွေကိုပါ လူသားပီသမှုနဲ့ မျှော်လင့်ချက်ကိုပါ ပြန်လည် ရှာဖွေ ပေးနိုင် ခဲ့တာကြောင့် CNC ရဲ့ Hero of the Year ဆုကို ရခဲ့တာ ဖြစ်ပါတယ်။

12/10/2023

Naruto အသေကြည့်သော အမေနဲ့ နေရသော အခါ 🤣🤣🤣

Naruto thousand years of death. ဒါတောင် မဖြုံဘူး အဲ့ကလေးမ

12/09/2023

အမ ပြောထားတဲ့ ဟာတွေ ကျွေးတယ်။ မစားဘူး။
နမ်းတယ်။ ထွက်သွားတယ်။
စားအောင် ဘယ်လို ကျွေးရမလဲ။

မေးရင် အကျင့်ပါပဲ။ စားလေ့ မရှိတဲ့ ကလေးက စစချင်း မစားတတ် ပါဘူး။ သူတို့အတွက် ကောင်းတဲ့၊ အကျိုးရှိတဲ့ အစာကို စားတတ်အောင်၊ စားအောင် လူက ကျင့်ပေး ရပါမယ်။ ကလေးတွေ လိုပဲလေ ခွေးတွေက။ ကလေးတွေ ချော့ကလက် ဘာညာဆို သင်စရာ မလို စားတတ်တယ်။ အရွက် ဘာညာကျ စားတတ်ဖို့ သင်ရတာကိုး။

အလွယ်ဆုံး ကတော့ ငယ်ငယ်ကတည်းက ဖြေးဖြေးစီ အကျွေးကျင့်တာပါပဲ။ အရင်ပိုစ့်မှာ ရေးပေးထားတဲ့ အရွက်စိမ်းတွေ၊ ပင်လယ်စာတွေထဲက blue mussels လိုအစာတွေ၊ ငါးတွေ၊ နောက် အသီးတွေကို ငယ်ငယ်ကတည်းက စကျွေး ထားရင် ကြီးလာရင် သူ့ဟာသူ စားတတ် သွားပါတယ်။

ကြီးလာတဲ့ ကလေးတွေ ကျတော့ နည်းနည်းစီ သူတို့ ကြိုက်တဲ့ အစာထဲ ညှပ်ကျွေးတာမျိုး လုပ်ကြည့်ပါ။ အကောင်းဆုံးက blender နဲ့ကြိတ်ပြီး ရွေးစားလို့ မရအောင် ကျွေးတာပါပဲ။ ကြက်သားပဲ စားတဲ့ ကလေးဆိုရင် ကြက်သားထဲ နည်းနည်းစီ ရောရောပြီး ကြိတ်ကျွေး ကြည့်ပါ။

နောက်နည်းတွေကျ
ခဲကျွေးတာမျိုး
ကြိတ်ပြီး ဒိန်ချဉ်၊ ပြုတ်ရည်နဲ့ ရောပြီး ခဲကျွေးတာမျိုး
Cheese, အသဲမှုန့်လို အနံ့နဲ့ ဖုံးပြီး ကျွေးတာမျိုးတွေ လုပ်လို့ ရပါတယ်။

တစ်ခါလောက် ကျွေးကြည့်ပြီး မစားတာနဲ့ မစားဘူးလို့ ပြောရင်တော့ ကျွန်မလည်း မတတ်နိုင်ပါ။

ကျွန်မကျ အစာတစ်ခါပြင်ရင် အနည်းဆုံး ၂ပတ်စာ ပြင်ပါတယ်။ သူတို့က ၂ပတ်စာ မနက် ည အကုန် တူတူပဲ စားပါတယ်။ မနက်ကို နို့နဲ့ ပေါင်မုန့်၊ ညကျ နောက်တစ်မျိုး ကျွေးတာမျိုး မလုပ်ပါ။ နည်းနည်း ပိုထည့်တာ ဆိုလို့ တချို့ ရက်တွေမှာ ဒိန်ချဉ်၊ တချို့ရက် တွေမှာ အသဲမှုန့်၊ ဖြူးပေးတာမျိုးပဲ ရှိပါတယ်။ အသီးကတော့ လူစားသမျှထဲကပဲ ကျွေးပါတယ်။ ကိုယ်ခံအား ကောင်းစေတဲ့ ဘယ်ရီသီးတွေ၊ prebiotics/probiotics ကြွယ်ဝတဲ့ ငှက်ပျောသီးစိမ်း၊ ပန်းသီး လိုအသီးတွေ ဦးစားပေး ကျွေးပါတယ်။ (ကြုံလို့ probiotics prebiotics ကအမြဲ ပုံမှန် အစာကနေ ဖြည့်ပေး ရပါတယ်။ နေမကောင်းမှ ဂါဒီဇင်တွေ စွတ်တိုက် တာမျိုးကို အားမပေးပါ။)

အစုံ ကျွေးပေမယ့် starchy vegetable လို့သတ်မှတ်ကြတဲ့ကန်စွန်းဥ၊ အာလူး၊ ဥနီ တွေကိုတော့ လျှော့ကျွေး ပါတယ်။ အများစုက အသီးအရွက် ကျွေးတယ် ပြောပေမယ့် ကြည့်လိုက်ရင် မုန်လာဥ၊ ကန်စွန်းဥတွေ တအား ကျွေးပါတယ်။ ဒီဟာတွေက သကြားဓာတ် အရမ်းများ ပါတယ်။ အရေပြားမှို ဖြစ်တာများတဲ့ မိုးရာသီလို အချိန်မျိုး၊ အရေပြားမှို ဖြစ်နေတဲ့ ကလေးတွေဆို ခဏရှောင် ထားသင့်ပါတယ်။ သကြားဓာတ်က မှိုကို အားပေးပါတယ်။

အကောင်းဆုံး ကတော့ အသင့်အတင့်နဲ့ မျှတအောင် ကျွေးခြင်းပါပဲ။

Video ကတော့ Minnie ကိုအိမ်ရောက် ကနေ အခု ၆လ အထိ ကျွေးတာ တွေပါပဲ။

12/06/2023

အစီလေးက ဒီလ ၁၂ရက်နေ့ဆို ၄နှစ်ပြည့်မယ်။ အမိုလေးက နောက်လ ၁၂ရက်ဆို ၅နှစ်ပြည့်မယ်။ မီနီကတော့ ၆လ ထဲ ရောက်နေပါပြီ။

Small/toy breed တွေက medium နဲ့ large breed တွေထက် အများကြီး ပိုအသက်ရှည် ကြပါတယ်။ အသေးလေး တွေရဲ့ ပျှမ်းမျှ သက်တမ်းက ၁၅နှစ်လောက် အထိ ရှိပေမယ့် အကြီးကောင် တွေကျ ၁၀နှစ်လောက်ပဲ ရှိပါတယ်။ မနေ့က ဖတ်လိုက်ရတဲ့ သတင်းထဲမှာဆို အသက် ၇နှစ်အထက် ပေါင် ၄၀အထက် ခွေးတွေ အတွက် LOY 001 လို့နာမည် ပေးထားတဲ့ anti aging shot တွေနောက် ၂၀၂၆ကျ ထွက်လာပါမယ်။ သူတို့ အသက်ကို ဆွဲဆန့်လို့ ရတော့မယ့် သဘောပါ။

‌အာဝု အသက်ရှည်ခြင်း မရှည်ခြင်းက သခင်အပေါ်မှာ အများကြီး မူတည်ပါတယ်။ သခင်က ဘယ်လောက်ထိ ကြိုတင် ပြင်ဆင်နိုင်သလဲ၊ ဘယ်လောက်ထိ စာဖတ်နိုင်သလဲ၊ ဗဟုသုတ ရှိသလဲ ဆိုတဲ့ အပေါ် မူတည်ပါတယ်။
ခွေးတွေ သေနိုင်တဲ့ နည်းလမ်းတွေ အများကြီး ရှိပါတယ်။ ကိုယ်က ကြိုပြီးတော့ စဉ်းစားထား နိုင်ရင် သူတို့ အသက်ရှည်ရှည် နေရမယ်။

အခု ပြန်ပူ လာတော့မယ်၊ ကလေးတွေ heat stroke မဖြစ်အောင် ဘာတွေကြို ပြင်ဆင် ထားပြီးပြီလဲ။ ဘယ်လို ကလေးတွေများ အဖြစ်များ သလဲ ဆိုတာကို လူတိုင်း ရေး‌နေကြတာပဲ။ ကိုယ့်ဘက်ကရော ဘယ်လောက် ပြင်ဆင် ပြီးပြီလဲ။ ဝိတ်ချ ထားသလား၊ air cooler တွေဆောင်ထား သလား၊ မီးပျက် တော့မယ်။ မီးပျက်ရင် အေးအောင် ဘာတွေ ပြင်ဆင် ထားပြီးပြီလဲ။ ဘာမှ ကြို မလုပ်ထားရင် ပူမှ air cooler တွေအတင်း ဈေးကြီးပေး လိုက်ဝယ်မယ်၊ မီးစက်တွေ အတင်းလိုက် ဝယ်မယ်၊ ဝယ်လို့က မရ၊ ကြားထဲမှာ ကလေးက ဟောဟဲ စိုက်နေရော၊ မခံနိုင်တဲ့ ကလေးတွေဆို ကြွေလွင့်ပေါ့။ ဒါအခုမှ ဖြစ်တာလည်း မဟုတ်၊ နွေရာသီ ပူတဲ့ ရာသီတိုင်း ဖြစ်နေကြတာပဲ။ ကြိုတင် ပြင်ဆင်မှု ကောင်းတဲ့ မိဘ ရှိတဲ့ အာဝုက သက်တောင့်သက်သာ နေရမှာပဲ။

အာဝုက ဘာမဆို ကောက်စား တတ်တဲ့ အကျင့်ရှိတယ်။ ကောက်မစား တတ်အောင် သင်ပေးလို့ ရပါတယ်။ ဘာမှ ကောက်စား စရာ မရှိအောင် အိမ်ကို ရှင်းထားလို့ ရပါတယ်။ အပြင်မှာ ကောက်စား တတ်သလား၊ မစားအောင် သင်ပေး၊ မရရင် ပါးစပ်စွပ်ပြီးမှ အပြင်ထွက် တတ်အောင် သင်ပေးလို့ ရပါတယ်။

အာဝုက တံခါး ဖွင့်တာနဲ့ ပြေးထွက် တတ်သလား၊ မထွက်အောင် သင်ပေး၊ မရရင် တံခါး နှစ်ထပ် ထားဖို့ ပြင်ရပါမယ်။

ရေဘူး အဖုံးတွေနဲ့ ဆော့နေသလား။ ထသိမ်းလေ။ မသိမ်းဘဲ ထိုင်ကြည့်၊ မြိုချမှ ဆေးခန်းပြေး။ ခဲလုံးလေးတွေ ဝါးနေသလား၊ မဝါးအောင် သင်ပေး၊ သူတို့အတွက် safe ဖြစ်မယ့်တခြား ဝါးစရာတွေ ဝယ်ပေးထားလို့ ရပါတယ်။

အပြင်သွားတယ်၊ အာဝုကို ဒီအတိုင်း ထားခဲ့တယ်၊ ဒီတိုင်း အိမ်မှာ ဖျက်စီးချင် သလို ဖျက်စီးတယ်။ ဝါးချင်ရာတွေ ဝါးတယ်။ အဲ့တာကို သဘောတွေ ကျကြတယ်။ ကြွက်သတ်ဆေးတွေ စားမိ၊ မီးကြိုးတွေ ကိုက်မိတော့မှ ထိုင်ငိုကြတယ်။ အဲ့လို မဖျက်စီး နိုင်အောင် ခြံခတ်ထား၊ လှောင်အိမ်နဲ့ နေတတ်အောင် မကျင့်ကြဘူး။

ထပ်ပြောရင်လည်း ရိုက်ပေါက် တွေချည်းပဲ။ ပြောလိုက်ရင် သားသမီးလို မွေးတယ်နဲ့။ သားသမီး လိုမွေးတယ် ဆိုတာ အစားအသောက် ကျွေးတာ၊ အိပ်ရာတူတူ အိပ်တာနဲ့ မပြီးဘူး။ မဖြစ်သင့်တာ မဖြစ်ရအောင် ကြိုတင် ကာကွယ်ပေးတာ၊ ပြင်ဆင်ပေးတာကိုမှ သားသမီးလို မွေးတယ်လို့ ခေါ်ပါတယ်။

12/02/2023

ကလေးတွေ ဆုံးသွားကြတယ်၊ အသဲအသန်‌ တွေဖြစ်ကြ ရတယ် မြင်တိုင်းလေ သူတို့ ဘာတွေများ၊ ဘယ်လို တွေများကျွေးမွေးနေသလဲ ဆိုတာ သွားသွား ကြည့်မိတယ်။ အများကြီး ရှာစရာ မလိုဘူးနော်။ အပေါ်အောက် ဗီဒီယိုလေး နည်းနည်းကြည့်မိတာနဲ့တင် သဘောပေါက် မိတယ်။

❌လူစာတွေ (ပေါ်ပြူလာ အဖြစ်ဆုံးက ကြက်ကြော်၊ ဘဲကင်၊ season ကပူတင်း၊ ပူစီကိတ်၊ ခေါက်ဆွဲကြော်။ တချို့ တအား လူနဲ့ နီးသွားတဲ့ ကလေးတွေက မုန့်ဟင်းခါး၊ ကော်ဖီ၊ အရက် စတာတွေပါ စားကြတယ်)
❌အသား တစ်မျိုးတည်း ကျွေးကြတယ် (ကြက်သားချည်း၊ ဝက်သားချည်း၊ အသီး အရွက် ၂-၃မျိုးနဲ့ အာဟာရ လစ်ဟင်းမှုတွေ ဖြစ်ကြတယ်)
❌ကလီစာ အကျွေးလွန် ကြတယ် (ထမင်းနဲ့ ကြက်သဲပဲ နယ်ကျွေးကြတာ၊ အသဲ အမြစ်တွေချည်း ကျွေးတာ)
❌အဆီများလွန်းတဲ့ အစာတွေ၊ အချို လွန်ကဲတဲ့ အစာတွေ အကျွေးလွန် ကြတယ်။
❌ကျန်းမာရေး ဆေးစစ်တာတွေ ဘာမှ မလုပ်ကြဘူး။ ကိုယ့်ဟာကိုယ် ကြိတ်ကုကြတယ်။ (ကိုယ်ပူတယ်ထင်ပြီး ပိုးသတ်ဆေးတွေ တိုက်တယ်။ ခွေးအပူချိန် ဘယ်လောက်ရှိလို့ ကိုယ်ပူတယ် ထင်ရတာလဲမေး မသိကြဘူး)
❌breed အလိုက် ဘယ်လို အမွှေး ထိန်းသိမ်း ရမလဲ မသိကြဘူး။ (ခွေးမှာ short hair, double coat, wired coat စသဖြင့် မတူကြဘူး။ double coat သမားတွေ အမွှေးကျွတ်တယ် ဆိုရင် အပြောင်ရိတ် လိုက်ကြတယ်။ အေးရော မလိုအပ်တဲ့ အရေပြား ရောဂါတွေ ဝင်လာရော)

ခွေးရဲ့ အတွင်း ကလီစာ (ကျောက်ကပ်တို့၊ နှလုံးတို့၊ ပန်ကရိယ) တွေက လူတွေလို ဖြုတ်လဲ၊ အစားထိုးလို့ မရပါဘူး။ တန်ဖိုးထား ရမယ့် အရာတွေကို သနားလို့၊ စားချင်နေလို့၊ ချစ်လို့ ဆိုပြီး လုပ်ချင်သလို လုပ်နေကြ တာတွေက သူတို့ကို သတ်နေတာ ပါပဲ။ အတော် စိတ်ပျက်မိတယ်။

‌တွေးဆ ဆင်ခြင်နိုင်ကြပါစေ။
ဒါကတော့ အစား‌အသောက်ကို ဘယ်လို ကျွေးရမလဲ မေးနေသူတွေ အတွက်

ဘာလို့ အသီးအရွက် တွေကျွေးသင့်သလဲ။
ဘာလို့ ကလီစာတွေ ကျွေးရသလဲ။ ဘယ်အချိုးနဲ့ ကျွေးရသလဲ။
ဘာလို့ အသားချည်းပဲ ကျွေးလို့ မလုံလောက်သလဲ။ အကုန် ဒီမှာ ဖတ်ပါ။

https://facebook.com/story.php?story_fbid=813967723424766&id=100044346377880

Claim ownership or report listing

Want your business to be the top-listed Pet Store/pet Service in Alexandria?
Click here to claim your Sponsored Listing.

Videos (show all)

Minnie ကို အစီပဲ ထိန်းလာတာ ပိစိဆိုဒ်ကလေးထဲက။ အခု ဟိုပိစိက သူ့ထက်ကြီးနေပြီ။ 🥲

မမတွေ မဆော့ပေးလည်း ကိုယ့်ဟာကိုယ် ဆော့ပါတယ်နော်။အရုပ်တွေ လိုက်ကောက် သိမ်းရတာ ခါးတောင် နာတယ် 🥹

Minnie မှာအကျင့်တစ်ခု ရှိတယ်။ သူစိတ်တိုင်း မကျရင်၊ မကျေနပ်ရင်၊ စိတ်တိုရင်၊ အလိုမကျရင် ခြေထောက်ဆောင့် တတ်တယ်။ သူက ခြေဆစ် ...

လှေကားပေါ် ဆက်လည်း မတက်ရဲ၊ ပြန်လည်း မဆင်းရဲ သော အချိန်တုန်းက အမှတ်တရ 🤣🤣🤣🤣ဒီ ဗီဒီယို ပြန်ဖွင့်ပြတိုင်း Minnie က လိုက်နာ...

2023 ရဲ့ blessing လေး ရုတ်တရက်ကြီး စိတ်ပိုင်းဖြတ်ချပြီး ဝယ်လိုက်တဲ့ ကလေးလေးက အရမ်း လူချစ်အောင် နေတတ်တာပဲ။ လူမြင်ရင် အပြေ...

တူတူ ၃ကောင် လမ်းလျှောက်ထွက်ကျင့် နေကြပြီ။ လမ်းလျှောက် လျှာထွက် ပြန်လာရင် ဆိတ်နို့သောက် တစ်နေကုန် အိပ်ကြနဲ့ အရမ်း အေးချမ်...

မဟုတ်ပါပု မလုပ်ပါပု အမား ထင်သလို မှုတ်ပါပု။ သမီးက အိမ်ထဲပဲ နည်းနည်း အနိုင်ကျင့် မိတာပါ။ မကြီးစီက သမီးကို ခြံထောင့် ခေါ်ခ...

အမား အစီ ပြောဈာချိသယ် အစီကလေး မထိန်းချင်တော့ဘူး။ အဲ့ကလေးက တအားဆိုးတယ်။ အစီ့ကို ခွတယ်၊ အမြီးဆွဲတယ်၊ ကိုက်တယ်။ မမို ကလည်း ...

Hypoglycemia in Puppies and Toy Breed ပါပီလေးတွေနဲ့ အကောင်သေးမျိုး တွေမှာ ကြောက်ရတဲ့ အရာ တစ်ခုက Hypoglycemia ခေါ်တဲ့ သွေ...

အော် ကလေးရယ်သူ lane လမ်းကြောင်း တစ်ခါချိန်းတိုင်း အသက်တောင် မရှုရဲဘူး။ နောက်ဆုံး ထောင့်ဆုံး lane ဆိုရင် hov အမြန်လမ်း။ မ...

First snow ❄️❄️❄️ ညက ကျသွားတော့ နှင်းက ရေခဲ ဖြစ်နေပြီ။ အရည်ပျော်နေပြီ။ ပြီးရင် ဗွက်ထတာ့မယ်။ 🤣🤣🤣 တကယ် နှင်းကျတဲ့ အချိန်ဆိ...

Naruto အသေကြည့်သော အမေနဲ့ နေရသော အခါ 🤣🤣🤣Naruto thousand years of death. ဒါတောင် မဖြုံဘူး အဲ့ကလေးမ

Website

facebook.com

Address

Alexandria, VA

Other Pet Services in Alexandria (show all)

Old Town Dog Walking - Capitol Heel
Alexandria

* Not currently accepting new clients * Capitol Heel is a dog walking and training service, serving the fine City of Alexandria, VA.

Shiba Inu puppies for Adoption
Alexandria

Help Find Charlie, Brown Lab / Pit Dog
Fort Ward
Alexandria, 22304

Paw Paw CuddlyFren
Kingstowne
Alexandria, 22315

We are here to help First Time Dog Owned gain confidence and experience!

Shih tzu puppies for sale in Alexandria. Virginia
Alexandria, 22206

All puppies purchased will come with the following; * Lifetime Satisfaction Guarantee. * Health Guarantee. * Airline approved crate. * ISO Microchip. * Health Certificate. * Age ap...