KCYM Inchathotty
Contact information, map and directions, contact form, opening hours, services, ratings, photos, videos and announcements from KCYM Inchathotty, Religious organisation, .
എല്ലാവർക്കും ക്രിസ്തുമസിന്റെ മംഗളങ്ങൾ
എല്ലാവർക്കും തിരുനാളിന്റെ മംഗളങ്ങൾ
തിരുനാളിനോട് അനുബന്ധിച്ച് പള്ളി ദീപലകൃതമായപ്പോൾ
ഇഞ്ചത്തൊട്ടി സെന്റ് മേരീസ് ദൈവാലയത്തിൽ പരിശുദ്ധ കന്യകമറിയത്തിന്റെ അമലോത്ഭവ തിരുനാൾ
Kcym യുവജനങ്ങൾ ഒരുക്കിയ പുൽക്കൂട്
തിരുനാൾ രണ്ടാം ദിവസത്തെ പ്രദിക്ഷണത്തിൽ നിന്ന്...
തിരുനാൾ പ്രദിക്ഷണത്തിൽ നിന്ന്
തിരുനാൾ ഒന്നാം ദിവസത്തെ പ്രദിക്ഷണത്തിൽ നിന്ന്...
എല്ലാവർക്കും തിരുനാളിന്റെ മംഗളങ്ങൾ
തിരുനാൾ കൊടി കയറ്റിൽ നിന്ന്...
തിരുനാളിനോടനുബന്ധിച്ചു പള്ളി ദീപാലകൃതമായപ്പോൾ...
ഇഞ്ചത്തൊട്ടി സെന്റ് മേരീസ് ദൈവാലയത്തിൽ പരിശുദ്ധ കന്യകാമറിയത്തിന്റെ അമലോത്ഭവ തിരുനാൾ
വിശുദ്ധ ജോണ് പോൾ രണ്ടാമൻ മാർപാപ്പ.
1920 മേയ് 18-ന് എമിലിയ- കാരോൾ വോയ്റ്റീവ എന്നീ ദമ്പതികളുടെ മകനായി പോളണ്ടിലെ വാഡോവൈസിലാണ് ജോൺ പോൾ മാർപാപ്പയുടെ ജനനം. ഈ ദമ്പതികളില് ഉണ്ടായ മൂന്നു മക്കളിൽ മൂന്നാമത്തവനായിരുന്നു വിശുദ്ധൻ. അദ്ദേഹത്തിന്റെ അമ്മ 1929ലും, മൂത്ത സഹോദരൻ എഡ്മണ്ട് 1932ലും, സൈനികോദ്യോഗസ്ഥനായ പിതാവ് 1941-ലും മരണമടഞ്ഞു. തന്റെ ഒമ്പതാമത്തെ വയസ്സിലാണ് വിശുദ്ധൻ ആദ്യ കുർബാന സ്വീകരിച്ചത്. സ്ഥൈര്യലേപനം സ്വീകരിച്ചത് പതിനെട്ടാമത്തെ വയസ്സിലുമാണ്.
സ്കൂൾ വിദ്യാഭ്യാസം പൂർത്തിയാക്കിയതിനു ശേഷം അദ്ദേഹം 1938-ൽ കാർകോവിലെ ജാഗേല്ലോനിയൻ സർവ്വകലാശാലയിൽ ചേർന്നു. 1939-ൽ നാസികൾ സർവ്വകലാശാല അടച്ചപ്പോൾ, ജർമ്മനിയിലേക്ക് നാടുകടത്താതിരിക്കുവാനും ജീവിത ചിലവിനുമായി അദ്ദേഹം ഒരു ഖനിയിലും പിന്നീട് സോൾവെയ് കെമിക്കൽ കമ്പനിയിലും (1940-1944) ജോലി ചെയ്തു. പൗരോഹിത്യ ജീവിതത്തിനായി താൻ വിളിക്കപ്പെട്ടു എന്ന തോന്നലുണ്ടായ വിശുദ്ധൻ ആഡം സ്റ്റെഫാൻ സപിയെഹ മെത്രാപ്പോലീത്തയുടെ ഉപദേശ പ്രകാരം കാർകൊവിലെ ക്ലാൻഡെസ്റ്റിൻ ആശ്രമത്തിൽ ചേർന്ന് തന്റെ പഠനം തുടർന്നു.
യുദ്ധത്തിന് ശേഷം 1946 നവംബർ 1നു കാർകോവിൽ വെച്ച് പുരോഹിത പട്ടം സ്വീകരിക്കുന്നത് വരെ കാരൾ പുതുതായി തുറന്ന സെമിനാരിയിലും ജാഗേല്ലോനിയൻ സർവ്വകലാശാലയിലെ ദൈവശാസ്ത്ര വിദ്യാലയത്തിലും തന്റെ പഠനം തുടർന്നു. ഇതിനിടെ കർദ്ദിനാൾ സപിയെഹ ദൈവശാസ്ത്രത്തിൽ ഡോക്ടർ ബിരുദം നേടുന്നതിനായി കരോള് ജോസഫിനെ 1948-ൽ റോമിലേക്കയച്ചു. കുരിശിന്റെ വിശുദ്ധ ജോണിന്റെ പ്രവർത്തനങ്ങളിൽ നിന്നും മനസ്സിലാക്കാവുന്ന വിശ്വാസം എന്ന വിഷയത്തിലാണ് വിശുദ്ധന് തന്റെ പ്രബന്ധം എഴുതിയത്.
റോമിൽ വിദ്യാർത്ഥിയായിരിക്കെ വിശുദ്ധൻ തന്റെ അവധിക്കാലങ്ങൾ ഫ്രാൻസിലെയും, ബെൽജിയത്തിലെയും, ഹോളണ്ടിലെയും പോളണ്ട് അഭയാർത്ഥികൾക്കിടയിൽ പ്രേഷിത പ്രവർത്തനം നടത്തിയായിരുന്നു ചിലവഴിച്ചത്. 1948-ൽ ഫാ. കരോള് പോളണ്ടിലേക്ക് തിരിച്ച് വരികയും കാർകോവിനടുത്തുള്ള നീഗൊവിയിലെ ഇടവക പള്ളിയുടെ സഹ വികാരിയായി ചുമതലയേല്ക്കുകയും ചെയ്തു. പിന്നീട് നഗരത്തിലെ വിശുദ്ധ ഫ്ലോരിയാൻ പള്ളിയിലും അദ്ദേഹം സേവനമനുഷ്ടിച്ചു. 1951 വരെ അദ്ദേഹം യൂണിവേഴ്സിറ്റി ചാപ്പൽ പുരോഹിതനായി സേവനമനുഷ്ടിച്ചു.
പിന്നീട് തത്വശാസ്ത്രത്തിലും ദൈവശാസ്ത്രത്തിലും പഠനങ്ങളിൽ മുഴുകി. 1953-ൽ മാക്സ് ഷെല്ലെർ വികസിപ്പിച്ച സാന്മാര്ഗിക വ്യവസ്ഥയുടെ അടിസ്ഥാനത്തിൽ ക്രിസ്തീയ സാന്മാര്ഗികത പാകുന്നതിലുള്ള സാധ്യതകൾ എന്ന തന്റെ പ്രബന്ധം ജാഗേല്ലോനിയൻ സർവ്വകലാശാലയിൽ സമർപ്പിച്ചു. പിന്നീട് അദ്ദേഹം കാർകോവിലെ സെമിനാരിയിൽ ധാർമ്മിക ദൈവശാസ്ത്ര പ്രൊഫസ്സറും ലുബ്ലിനിലെ ദൈവശാസ്ത്ര അധ്യാപകനുമായി തീർന്നു.
1958 ജൂലൈ 4ന് പിയൂസ് പന്ത്രണ്ടാമൻ മാർപാപ്പാ ഫാ. കരോളിനെ കാർകോവിലെ സഹായക മെത്രാനായി നിയമിച്ചു. 1958 സെപ്റ്റംബർ 28ന് യുജെനിയൂസ് ബാസിയാക് മെത്രാപ്പോലീത്ത വിശുദ്ധനെ കാർകോവിലെ വാവെൽ ഭദ്രാസനപ്പള്ളിയിൽ നിയമിച്ചു. 1964 ജനുവരി 13ന് പോൾ ആറാമൻ മാർപാപ്പാ അദ്ദേഹത്തെ കാർകോവിലെ മെത്രാനായി നിയമിച്ചു. 1967 ജൂണ് 26ന് കർദ്ദിനാൾ ആയി ഉയർത്തി.
ഇതിനിടെ വിശുദ്ധന് രണ്ടാം വത്തിക്കാൻ കൗണ്സിലിൽ പങ്കെടുക്കുകയും (1962- 1965) അജപാലന ഭരണഘടനയുടെ നിർമ്മാണത്തിൽ കാര്യമായ പങ്ക് വഹിക്കുകയും ചെയ്തു. തന്റെ പാപ്പാ സ്ഥാനലബ്ദിക്ക് മുൻപുണ്ടായ മെത്രാന്മാരുടെ അഞ്ചു സുന്നഹദോസുകളിലും വിശുദ്ധൻ പങ്കെടുത്തിരുന്നു. 1978 ഒക്ടോബർ 26ന് കർദ്ദിനാൾ കരോള് വൊജ്ട്ടിലയെ മാർപാപ്പയായി തിരഞ്ഞെടുത്തു. ഒക്ടോബർ 22ന് ജോണ് പോള് രണ്ടാമന് എന്ന പേരില് അദ്ദേഹം ആഗോള സഭയുടെ അജപാലക ദൗത്യം ആരംഭിച്ചു.
ഇറ്റലിയില് ഏതാണ്ട് 146 ഓളം പ്രേഷിത സന്ദര്ശനങ്ങള് അദ്ദേഹം സന്ദര്ശനം നടത്തി. റോമിന്റെ മെത്രാന് എന്ന നിലക്ക് ഇപ്പോഴത്തെ 322 റോമന് ഇടവകകളില് 317-ലും പാപ്പാ സന്ദര്ശനം നടത്തിയിരുന്നു. വിശുദ്ധ പത്രോസിന്റെ പിന്ഗാമി എന്ന നിലയിലും, തീക്ഷ്ണമായ അജപാലന ഔത്സുക്യം കൊണ്ടും അദ്ദേഹം നടത്തിയ രാജ്യാന്തര അപ്പോസ്തോലിക യാത്രകള് ഏതാണ്ട് 104-ഓളം വരും. അദ്ദേഹത്തിന്റെ എഴുത്തുകളില് 14 ചാക്രികലേഖനങ്ങളും, 15 അപ്പസ്തോലിക ഉപദേശങ്ങളും, 11 അപ്പോസ്തോലിക ഭരണഘടനാ നിര്ദ്ദേശങ്ങളും, 45 അപ്പോസ്തോലിക കത്തുകളും ഉള്പ്പെടുന്നു.
വിശുദ്ധന് 5 പുസ്തകങ്ങളുടെ രചനയും നടത്തിയിട്ടുണ്ട് : ക്രോസിംഗ് ദി ത്രെഷോള്ട് ഓഫ് ഹോപ് (ഒക്ടോബര് 1994); ഗിഫ്റ്റ് ആന്ഡ് മിസ്റ്ററി, ഓണ് ദി ഫിഫ്റ്റീന്ത് ആന്നിവേഴ്സറി ഓഫ് മൈ പ്രീസ്റ്റ്ലി ഓര്ഡിനേഷന് (നവംബര് 1996); റോമന് ട്രിപറ്റിക്ക്, മീഡിയേഷന്സ് ഇന് പോയട്രി (മാര്ച്ച് 2003); റൈസ്, ലെറ്റ് അസ് ബി ഓണ് യുവര് വേ (മാര്ച്ച് 2004), മെമ്മറി ആന്ഡ് ഐഡന്ന്റിറ്റി (ഫെബ്രുവരി 2005) എന്നിവയാണ് അവ.
ആഗോള സഭയുടെ തലവെനെന്ന നിലയില് അദ്ദേഹം ഏതാണ്ട് 147-ഓളം നാമകരണങ്ങള് നടത്തി. ഒമ്പത് പ്രാവശ്യമായി 231-ഓളം കര്ദ്ദിനാള്മാരെയും അദ്ദേഹം തിരഞ്ഞെടുത്തു. കര്ദ്ദിനാള്മാരുടെ 6-ഓളം സഭാ സമ്മേളനങ്ങളില് അദ്ദേഹം അധ്യക്ഷത വഹിച്ചു. 1978 മുതല് മെത്രാന്മാരുടെ ഏതാണ്ട് 15-ഓളം സുനഹദോസുകള് നടത്തി. 6 സാധാരണ യോഗങ്ങളും (1980, 1983, 1987, 1990, 1994, 2001), ഒരു പ്രത്യേക പൊതു യോഗവും (1985) കൂടാതെ 8 പ്രത്യേക യോഗങ്ങളും (1980, 1991, 1994, 1995, 1997, 1998 (2), 199) വിശുദ്ധന് വിളിച്ചു കൂട്ടി.
1981 മെയ് 3ന് സെന്റ് പീറ്റേഴ്സ് സ്ക്വയറില് വച്ചുണ്ടായ ഒരു വധ ശ്രമത്തില് നിന്നും പരിശുദ്ധ അമ്മയുടെ സഹായത്താലാണ് വിശുദ്ധന് രക്ഷപ്പെട്ടത്. നീണ്ട ആശുപത്രി വാസത്തിനിടക്ക് തന്നെ വധിക്കുവാന് ശ്രമിച്ച ആള്ക്ക് അദ്ദേഹം മാപ്പ് നല്കി. ധീരമായ ഇത്തരം നടപടികളിലൂടെ വിശുദ്ധന് തനിക്ക് ലഭിച്ചിട്ടുള്ള അജപാലന വരദാനങ്ങളെ കൂടുതല് അനുഗ്രഹദായകമാക്കി. ധാരാളം പുതിയ രൂപതകള് സ്ഥാപിക്കുവാനും സഭാ ഇടയ ലേഖനങ്ങള്, ലത്തീന് കത്തോലിക്കര്ക്കും, പൗരസ്ത്യ ദേശത്തെ പള്ളികള്ക്കുമുള്ള തിരുസഭാ നിയമങ്ങള് നിലവില് വരുത്താനും അദ്ദേഹം പ്രയത്നിച്ചു. ഉയിര്പ്പിന്റെ വര്ഷം, മരിയന് വര്ഷം, വിശുദ്ധ കുര്ബ്ബാനയുടെ വര്ഷം തുടങ്ങിയവയും കൂടാതെ എ.ഡി. 2000 ജൂബിലി വര്ഷമായി പ്രഖ്യാപിച്ചതും ജോണ് പോള് രണ്ടാമന് മാര്പാപ്പയാണ്.
ലോക യുവജന ദിനം തുടങ്ങിയത് മൂലം ധാരാളം യുവാക്കളെയും യുവതികളെയും സഭയിലേക്ക് ആകര്ഷിക്കുവാന് വിശുദ്ധനു കഴിഞ്ഞു. ഏതാണ്ട് ഒരു കോടി എഴുപത്തിയാറു ലക്ഷത്തോളം തീര്ത്ഥാടകരെയാണ് അദ്ദേഹം തന്റെ ബുധനാഴ്ച തോറും ഉള്ള പൊതു പ്രസംഗത്തിലൂടെ (ഏതാണ്ട് 1,160 ഓളം പ്രസംഗങ്ങള്) അഭിസംബോധന ചെയ്തത്. പ്രത്യേക അവസരങ്ങളിലെ അഭിസംബോധനകളും മതപരമായ ചടങ്ങുകളിലെ പ്രസംഗങ്ങളും മേല്പ്പറഞ്ഞ കണക്കില്പ്പെടുകയില്ല (80 ലക്ഷത്തോളം തീര്ത്ഥാടകരാണ് ജൂബിലി വര്ഷമായ 2000 ത്തില് മാത്രം എത്തിയത്).
ഇറ്റലിയിലും ലോകം മുഴുവനുമായി നടത്തിയിട്ടുള്ള പ്രേഷിത സന്ദര്ശനങ്ങളില് ദശലക്ഷകണക്കിന് വിശ്വാസികളെയാണ് അദ്ദേഹം അഭിസംബോധന ചെയ്തിട്ടുള്ളത്. വിവിധ രാജ്യങ്ങളില് നിന്നുമായി എണ്ണമറ്റ സര്ക്കാര് ഉദ്യോഗസ്ഥരെയും ജനപ്രതിനിധികളെയുമായിട്ടും അദ്ദേഹം കൂടിക്കാഴ്ച നടത്തി. ഏതാണ്ട് 38 ഔദ്യോഗിക സന്ദര്ശനങ്ങളും, 738 പൊതു യോഗങ്ങളും വിവിധ രാഷ്ട്രത്തലവന്മാരുമായും, 246 പൊതു യോഗങ്ങള് പ്രധാനമന്ത്രിമാരുമായും അദ്ദേഹം നടത്തിയിട്ടുണ്ട്.
2005 ഏപ്രില് 2നു വിശുദ്ധ ജോണ് പോള് രണ്ടാമന് മാര്പാപ്പ തന്റെ ഔദ്യോഗിക വസതിയില് വച്ച് ഈ ലോകത്തോട് വിട പറഞ്ഞു. ഏപ്രില് 8ന് സെന്റ് പീറ്റേഴ്സ് സ്ക്വയറില് വച്ച് വിശുദ്ധന്റെ സംസ്കാര ചടങ്ങുകള് നടത്തുകയും സെന്റ് പീറ്റേഴ്സ് ബസലിക്കയിലെ കല്ലറയില് അടക്കുകയും ചെയ്തു. 2011 മെയ് 1നു ബനഡിക്റ്റ് പതിനാറാമന് മാര്പാപ്പ അദ്ദേഹത്തെ വാഴ്ത്തപ്പെട്ടവനായി പ്രഖ്യാപിച്ചു. 2014 ഏപ്രിൽ 27ന് ഫ്രാൻസിസ് മാര്പാപ്പയാണ് ജോണ് പോള് രണ്ടാമന് മാര്പാപ്പയെ വിശുദ്ധ പദവിയിലേക്ക് ഉയര്ത്തിയത്.
കുരിശിന്റെ വഴി
ഇഞ്ചത്തൊട്ടി സെന്റ് മേരീസ് ദൈവാലയത്തിൽ നിന്ന് ആരംഭിച്ച കുരിശിന്റെ വഴിയിൽ നിന്ന്
കുരിശിന്റെ വഴിയിൽ നിന്ന്
#പള്ളി പൊതുപണി
മേയ് 1 തൊഴിലാളി ദിനം.
വിശുദ്ധ ഔസേപ്പ് പിതാവേ ജോലി ചെയ്യുന്ന മക്കള്ക്കു വേണ്ടിയും ജോലിയില്ലാതെ കഷ്ടപ്പെടുന്ന മക്കൾക്കു വേണ്ടിയും ജോലിയിൽ അസ്വസ്ഥതകൾ അനുഭവിക്കുന്ന മക്കൾക്കു വേണ്ടിയും പ്രാർത്ഥിക്കേണമേ..... ആമ്മേൻ...
ദൈവരാജ്യ ശുശ്രുഷകൾക്കായി ഉണ്ടായിരുന്ന ജോലിയും അതിനുള്ള വലിയ സാധ്യതകളുമെല്ലാം ഉപേക്ഷിച്ച പ്രിയപ്പെട്ട സഭാമക്കൾക്കും വേണ്ടിയും ശക്തമായി പ്രാർത്ഥിക്കണമേ... ആമ്മേൻ.
May 01: തൊഴിലാളിയായിരുന്ന വിശുദ്ധ യൗസേപ്പിതാവ്
ചരിത്ര രേഖകളില് വിശുദ്ധ യൗസേപ്പിന്റെ ജീവിതത്തെ കുറിച്ച് വളരെ ചെറിയ വിവരണമേ ഉള്ളൂ, എന്നിരുന്നാലും, പരിശുദ്ധ മറിയത്തിന്റെ വിശുദ്ധിയുള്ള ഭര്ത്താവ്, യേശുവിന്റെ വളര്ത്തച്ഛന്, ഒരു മരാശാരി, ദരിദ്രനായ ഒരു മനുഷ്യന് തുടങ്ങിയ വിശുദ്ധനെക്കുറിച്ചുള്ള കാര്യങ്ങള് നമുക്കെല്ലാവര്ക്കും അറിവുള്ളതാണല്ലോ. അദ്ദേഹം ദാവീദിന്റെ രാജകീയ വംശത്തില് പ്പെട്ടവനായിരുന്നുവെന്ന കാര്യവും നമുക്കറിയാം.
സമ്പത്തിനോട് ആഗ്രഹമില്ലാത്തവനായിരുന്നു വിശുദ്ധ യൌസേപ്പ് പിതാവ്. തൊഴിലിനു കൊടുക്കുന്ന കൂലി കൊണ്ട് അദ്ദേഹം തൃപ്തനായി. ദൈവത്തിലുള്ള അചഞ്ചലമായ പ്രത്യാശയാണ് വി. യൗസേപ്പിനെ നയിച്ചിരുന്നത്. ആകാശത്തിലെ പറവകളെ പോറ്റുകയും വയലിലെ ലില്ലികളെ അലങ്കരിക്കുകയും ചെയ്യുന്ന സ്വര്ഗ്ഗസ്ഥനായ ദൈവത്തിന്റെ പൈതൃക പരിലാളനയില് പരിപൂര്ണ്ണ വിശ്വാസം അര്പ്പിച്ചുകൊണ്ട് അദ്ധ്വാനപൂര്ണ്ണവും ക്ലേശഭൂയിഷ്ഠവുമായ ജീവിതം അദ്ദേഹം നയിച്ചു. വിശുദ്ധ യൗസേപ്പ് ദരിദ്രനായി ജനിച്ചതുകൊണ്ടായിരിക്കണം അദ്ദേഹത്തിന് ദരിദ്രരോടു പിതൃതുല്യമായ സ്നേഹമാണുള്ളത്. മനുഷ്യന്റെ പരിത്രാണ പരിപാടിയില് തൊഴിലിനു ശ്രദ്ധേയമായ സ്ഥാനമുണ്ട്. അത് നമ്മെ മനസ്സിലാക്കുന്നതിനു വേണ്ടിയാണ് ദൈവകുമാരനും അവിടുത്തെ വളര്ത്തു പിതാവും ഒരു തച്ചന്റെ ജോലി ചെയ്തത്.
രക്ഷാകര പദ്ധതിയില് പ. കന്യകാമറിയം കഴിഞ്ഞാല് ഈശോമിശിഹായോട് ഏറ്റവും കൂടുതല് സഹകരിച്ച വ്യക്തി വി. യൗസേപ്പാണെന്ന കാര്യത്തില് തര്ക്കമില്ല. മനുഷ്യാവതാര കര്മ്മത്തില് ഒരു തിരശ്ശീലയായി വര്ത്തിച്ചു കൊണ്ടും ഉണ്ണി മിശിഹായെ ജീവാപായത്തില് നിന്നും രക്ഷിച്ചും വി. യൗസേപ്പ് രക്ഷാകരകര്മ്മത്തില് സുപ്രധാനമായ പങ്കു വഹിച്ചു. കൂടാതെ ദിവ്യകുമാരനെ സംരക്ഷിക്കുവാനും വളര്ത്തുവാനും വന്ദ്യപിതാവ് ഏറെ കഠിനാദ്ധ്വാനം ചെയ്തു.
രേഖകളിലുള്ള വിശുദ്ധ യൗസേപ്പിതാവിന്റെ വിവരണമനുസരിച്ച് അദ്ദേഹം ഒരു അനുകമ്പയുള്ള മനുഷ്യനും സര്വ്വോപരി ദൈവേഷ്ടത്തിനനുസരിച്ച് പ്രവര്ത്തിക്കുന്നവനുമായിരിന്നു. തിരുകുടുംബത്തിന്റെ അഭിവൃദ്ധിക്ക് വേണ്ടി അദ്ദേഹം സദാ സന്നദ്ധനായിരിന്നു. യേശുവിന്റെ പരസ്യ ജീവിത കാലത്തും, മരണസമയത്തും, ഉത്ഥാനസമയത്തും വിശുദ്ധ യൗസേപ്പിതാവിനെ നമുക്ക് കാണുവാന് കഴിയുന്നില്ലെന്നതിനാല്, യേശു തന്റെ പൊതുജീവിതം ആരംഭിക്കുന്നതിന് മുന്പ് തന്നെ യൗസേപ്പിതാവ് മരിച്ചിരിക്കാമെന്ന് നിരവധി ചരിത്രകാരന്മാര് വിശ്വസിക്കുന്നു.
നിരവധി കാര്യങ്ങളുടെ മദ്ധ്യസ്ഥ സഹായകന് കൂടിയാണ് വിശുദ്ധ യൗസേപ്പിതാവ്. ആഗോള സഭയുടെ, മരണശയ്യയില് കിടക്കുന്നവരുടെ, പ്രേഷിത ദൗത്യങ്ങളുടെ, മധ്യസ്ഥനായി അദ്ദേഹത്തെ വണങ്ങുന്നു. കാലകാലങ്ങളായി ‘മെയ് ദിനം’ അദ്ധ്വാനിക്കുന്നവര്ക്കും, പണിയെടുക്കുന്നവര്ക്കുമായി സമര്പ്പിച്ചിരിക്കുന്നു. വിശുദ്ധ യൌസേപ്പ് പിതാവിന്റെ ഈ തിരുനാള് തൊഴിലിന്റെ അന്തസ്സിനെ ഊന്നിപ്പറയുകയും, തൊഴിലാളി സംഘടനകള്ക്ക് ഒരു ആത്മീയമായ വശം നല്കുകയും ചെയ്യുമെന്ന് പിയൂസ് പന്ത്രണ്ടാമന് പാപ്പാ പറഞ്ഞിട്ടുണ്ട്.
യേശുവിന്റെ വളര്ത്തച്ചനും, ആഗോള സഭയുടെ മാദ്ധ്യസ്ഥനുമായി തീര്ന്ന ഒരു തൊഴിലാളിയായ വിശുദ്ധ യൗസേപ്പിതാവിനെ ഈ ദിനത്തില് ആദരിക്കുന്നത് ഏറെ അനുഗ്രഹദായകമാണ്. ആരാധനാക്രമ സൂചികയില് വിശുദ്ധ യൗസേപ്പിന്റെ പേരില് രണ്ട് തിരുനാളുകള് ഉണ്ട്. ഒന്നാമത്തേത്, പരിശുദ്ധ മറിയത്തിന്റെ ഭര്ത്താവെന്നനിലയില് മാര്ച്ച് 19 നും രണ്ടാമത്തേത് മേയ് 1ന് തൊഴിലാളിയെന്ന നിലയിലും തിരുനാള് ആഘോഷിക്കുന്നു.
“വളരെയേറെ ആത്മീയതയുള്ള ഒരു മനുഷ്യനായിരുന്നു വിശുദ്ധ യൗസേപ്പിതാവ്. അടിയുറച്ച വിശ്വാസമുള്ള ഒരു മനുഷ്യന്, അതിന്റെ കാരണം വിശുദ്ധന്റെ സ്വന്തം വാക്കുകളല്ല മറിച്ച് ജീവിക്കുന്ന ദൈവത്തിന്റെ വാക്കുകള് അദ്ദേഹം ശ്രവിച്ചതു മൂലമാണ്. നിശബ്ദതയില് ജീവിക്കുന്ന ദൈവത്തിന്റെ വാക്കുകളില് അടങ്ങിയിട്ടുള്ള സത്യത്തെ സ്വീകരിക്കുവാന് അദ്ദേഹത്തിന്റെ ഹൃദയം സദാ സന്നദ്ധമായിരുന്നു” ജോണ് പോള് രണ്ടാമന് പാപ്പാ യൌസേപ്പ് പിതാവിനെ അനുസ്മരിച്ച് പറഞ്ഞ വാക്കുകളാണിത്.
വിശുദ്ധകുര്ബ്ബാനയിലും, ആരാധനാക്രമങ്ങളിലും, വിശ്വാസത്തിന്റെ വെളിച്ചത്തില് മനുഷ്യ അദ്ധ്വാനത്തിന്റെ പ്രാധാന്യത്തെ എടുത്ത് കാട്ടുന്ന മതപ്രബോധനങ്ങളുടെ ഒരു സമന്വയം തന്നെ കാണാവുന്നതാണ്. ആധുനിക ലോകത്തെ സഭയെക്കുറിച്ചുള്ള രണ്ടാം വത്തിക്കാന് കൗണ്സിലിന്റെ രേഖകളിലെ പ്രാരംഭ പ്രാര്ത്ഥനയില് തന്നെ, പ്രപഞ്ചത്തിന്റെ സൃഷ്ടാവും പാലകനുമായ ദൈവം, എല്ലാ പ്രായത്തിലുള്ള പുരുഷനേയും, സ്ത്രീയേയും തങ്ങളുടെ കഴിവുകള് വികസിപ്പിക്കുവാനും മറ്റുള്ളവരുടെ ഉപകാരത്തിനായി ഉപയോഗിക്കുവാനും ആവശ്യപ്പെടുന്നതായി പ്രസ്താവിച്ചിരിക്കുന്നു.
പ്രാരംഭ പ്രാര്ത്ഥനയുടെ രണ്ടാംഭാഗത്തില്, 'ദൈവം നമ്മോടു പറഞ്ഞ ജോലി പൂര്ത്തിയാക്കുമെന്നും, ദൈവം വാഗ്ദാനം ചെയ്ത പ്രതിഫലം സ്വീകരിക്കുമെന്നു പറയുന്നുണ്ട്. സക്കറിയായുടെ ലഘു സ്തോത്ര പ്രാര്ത്ഥനയില് ഇപ്രകാരം പറയുന്നു, “വിശുദ്ധ യൗസേപ്പ് വിശ്വസ്തതാപൂര്വ്വം തന്റെ മരപ്പണി ചെയ്തു വന്നു. എല്ലാ തൊഴിലാളികള്ക്കും അദ്ദേഹം ഒരു തിളങ്ങുന്ന മാതൃകയാണ്.”
വിശുദ്ധ യൌസേപ്പ് പിതാവിന്റെ തിരുനാളിന് വേണ്ടിയുള്ള ആരാധനാക്രമങ്ങള്, ജോലി ചെയ്യുവാനുള്ള അവകാശത്തെ സമര്ത്ഥിക്കുന്നവയാണ്.ഈ ആധുനിക സമൂഹത്തില് കേള്ക്കേണ്ടതും, മനസ്സിലാക്കേണ്ടതുമായ ഒരു സന്ദേശമാണത്.
മാര്പാപ്പാമാരായ ജോണ് പോള് ഇരുപത്തി മൂന്നാമന്, പോള് ആറാമന്, ജോണ് പോള് രണ്ടാമന് എന്നിവര് പുറത്തിറക്കിയ രേഖകളിലും, രണ്ടാം വത്തിക്കാന് കൗണ്സിലിന്റെ രേഖകളിലും, വിശുദ്ധ യൗസേപ്പിന്റെ മാതൃകയെ അവലംബിച്ച് ഒരാളുടെ തൊഴിലിലേക്ക് ഊറിയിറങ്ങേണ്ട ക്രിസ്തീയ ആത്മീയതയെക്കുറിച്ചുള്ള പരാമര്ശങ്ങള് ഉണ്ട്. കുടുംബത്തെ സംരക്ഷിച്ചുകൊണ്ട് തൊഴില് ചെയ്യുന്നതിന് ഒരു പ്രത്യേക അന്തസ്സ് ഉണ്ടെന്നും രേഖകള് കൂട്ടി ചേര്ക്കുന്നു.
ഇതര വിശുദ്ധര്
1. ആമീന്സിലെ എയിക്ക്, എക്കെയുള്
2. ഫോസ്സംബ്രോണ് ബിഷപ്പായ ആല്ഡെബ്രാന്ഡൂസ്
3. ഔക്സേര് ബിഷപ്പായ അമാത്തോര്
4. വിവിയേഴ്സിലെ ആന്ടായോളൂസ്
5. ഗാപ്പു ബിഷപ്പായ അരിഗിയൂസ്
ഇടുക്കിയുടെ പ്രഥമ മെത്രാന് കാലംചെയ്തു
ഇടുക്കി രൂപതയുടെ പ്രഥമ ഇടയന് മാര് മാത്യു ആനിക്കുഴിക്കാട്ടില് (77) അന്തരിച്ചു. കോലഞ്ചേരി മെഡിക്കല് മിഷന് ആശുപത്രിയില് വെള്ളിയാഴ്ച പുലര്ച്ചെ 1.38നായിരുന്നു അന്ത്യം. വാര്ദ്ധക്യസഹജമായ അസുഖത്തെത്തുടര്ന്ന് ഒരുമാസത്തോളമായി കിടപ്പിലായിരുന്നു.
ഭൗതിക ശരീരം മുവാറ്റുപുഴ നിര്മല മെഡിക്കല് സെന്ററില് സൂക്ഷിച്ചിരിക്കുകയാണ്. മൃതസംസ്കാരം സംബന്ധിച്ച വിവരങ്ങള് പിന്നീട് അറിയിക്കുന്നതാണെന്ന് ഇടുക്കി രൂപതാ ബിഷപ്പ് മാര് ജോണ് നെല്ലിക്കുന്നേല് അറിയിച്ചു.
വര്ഷങ്ങളായി പ്രമേഹരോഗത്തിന് ചികിത്സയിലായിരുന്ന മാര് മാത്യു ആനിക്കുഴിക്കാട്ടില് മൂന്നുവര്ഷമായി കിഡ്നി സംബന്ധമായ അസുഖത്തിനും ചികിത്സതേടിയിരുന്നു. മുരിക്കാശേരി അല്ഫോന്സ, അടിമാലി മോര്ണിംഗ്സ്റ്റാര്, എറണാകുളം ലിസി, രാജഗിരി, കോലഞ്ചേരി മെഡിക്കല് മിഷന് തുടങ്ങിയ ആശുപത്രികളില് ചികിത്സ നടത്തിയിരുന്നു.
അവസാന കാലത്ത് മോര്ണിംഗ് സ്റ്റാര് ആശുപത്രിയിലും കോലഞ്ചേരി മെഡിക്കല് മിഷന് ആശുപത്രിയിലുമായിരുന്നു ചികിത്സ. രണ്ടാഴ്ച മുമ്പ് അടിമാലിയില്നിന്നും കോലഞ്ചേരിയിലെത്തിച്ച പിതാവിനെ തീവ്ര പരിചരണ വിഭാഗത്തില് പ്രവേശിപ്പിച്ച് ചികിത്സ തുടരുകയായിരുന്നു. വ്യാഴാഴ്ച രാവിലെ അതീവ ഗുരുതരാവസ്ഥയിലായതിനെതുടര്ന്ന് വെന്റിലേറ്റിലേക്ക് മാറ്റി.
2003ല് കോതമംഗലം രൂപത വിഭജിച്ച് രൂപീകൃതമായ ഇടുക്കി രൂപതയുടെ പ്രഥമ മെത്രാനായിരുന്നു കാലം ചെയ്ത മാര് മാത്യു ആനിക്കുഴിക്കാട്ടില്. ഇടുക്കിയുടെ സമസ്ഥമേഖലയെയും പുരോഗതിയിലേക്കു നയിച്ച ജനകീയനായ മെത്രാനായിരുന്നു മാര് മാത്യു ആനിക്കുഴിക്കാട്ടില്.
മാർ മാത്യു ആനിക്കുഴിക്കാട്ടിൽ പിതാവിന്റെ ആരോഗ്യനിലയുമായി ബന്ധപ്പെട്ട് ഇടുക്കി രൂപതാ സർക്കുലർ.
മലയാറ്റൂർ കുരിശുമുടി.
ഭാരതത്തിന്റെ ശ്ലീഹയായ മാർത്തോമ്മായുടെ നാമത്തിലുള്ള ,ഏഷ്യയിലെത്തന്നെ ഏക അന്തർദേശീയ തീർത്ഥാടന കേന്ദ്രമാണ് മലയാറ്റൂർ കുരിശുമുടി.ഭാരത ക്രൈസ്തവ സഭയുടെ ചരിത്രഭൂമിയായ അങ്കമാലി പട്ടണത്തിനടുത്തെ കാലടിയിൽ നിന്നും പത്ത് കിലോമീറ്റർ മാറിയാണ് സമുദ്രനിരപ്പിൽനിന്നും 386.7 മീറ്റർ ഉയരത്തിൽ ഈ പുണ്യഭൂമി സ്ഥിതിചെയ്യുന്നത്.മാർതോമാശ്ലീഹാ സുവിശേഷം അറിയിച്ചുകൊണ്ട് ഏഴ് വിശ്വാസസമൂഹങ്ങൾ സ്ഥാപിച്ചതിനുശേഷം പാണ്ട്യരാജ്യത്തിലേക്ക് പോയി ,തിരികെ മലയാളത്തിലേക്ക് വരുവാനുള്ള കുറുക്കുവഴിയെ അദ്ദേഹം ക്രിസ്തുവർഷം അറുപത്തിരണ്ടിൽ മലയാറ്റൂർകരയിൽ എത്തി.അക്കാലത്തു മലയുടെ ചുവട്ടിലുള്ള മണപ്പാട്ടുചിറയുടെ തീരം(വാണിഭ തടം) പ്രമുഖ വാണിജ്യകേന്ദ്രമായിരുന്നു. രണ്ടുമാസം അവിടെത്താമസിച്ചുകൊണ്ടു സുവിശേഷം അറിയിക്കുകയും ഇരുനൂറ്റി ഇരുപതില്പരംപേരെ മാമ്മോദീസായും മുക്കി അരപ്പള്ളി സ്ഥാപിച്ചുകൊണ്ട് ഒരു ക്രൈസ്തവസമൂഹത്തിനു അവിടെ രൂപംകൊടുത്തു.ഇക്കാര്യങ്ങൾ പുരാതന ഈരടികളായ റമ്പാൻ പാട്ടിന്റെ വരികളിൽ രേഖപ്പെടുത്തിയിരിക്കുന്നു. ഇതിനാൽ തന്നെ കേരളത്തിലെ വിവിധ ക്രൈസ്തവ സമൂഹങ്ങളും അക്രൈസ്തവ സമൂഹങ്ങളും ഈ പ്രദേശത്തെ ഒരു വിശുദ്ധ സ്ഥലമായി കരുതിപ്പോരുന്നു.
ധ്യാനത്തിനായി ശ്ലീഹ തിരഞ്ഞെടുത്ത മലമുകളിലെ പാറയിൽ കുരിശ് മുദ്രവരച്ചു അവിടെ പ്രാർത്ഥനയിൽ മുഴുകിയപ്പോൾ കുരിശടയായാളം രക്തംവിയർത്തുവെന്നും ,പരിശുദ്ധ മറിയം അദ്ദേഹത്തിന് ദർശനം നൽകിയെന്നും വാമൊഴിയായി വിശ്വസിച്ചുപോരുന്നു.ആ സ്ഥാനത്താണ് ഇന്നുകാണുന്ന പൊൻകുരിശു സ്ഥാപിച്ചിരിക്കുന്നത്. അതിനാൽ ഈ പ്രദേശം കുരിശുമുടി എന്നറിയപ്പെടുകയും സർക്കാർ രേഖകളിൽ അങ്ങനെ എഴുതുവാനും ആരംഭിച്ചു. മലമുകളിൽ വിശുദ്ധന്റെ കാലിന്റെ അടയാളം പതിഞ്ഞതായും കരുതിപ്പോരുന്നു, അതിനാൽ കുരിശുമുടിയുടെ അടുത്തപട്ടണം 'കാലടി' എന്നനാമത്തിലും ഈ രണ്ട് പ്രദേശങ്ങൾക്ക് ഇടയിലുള്ളതായ മലയും ആറും ചേരുന്നഇടം മലയാറ്റൂർ എന്നും അറിയപ്പെട്ടു.മലമുകളിൽ വിശുദ്ധൻ സ്വന്തം കൈകൊണ്ട് നിർമിച്ചതെന്ന് വിശ്വസിക്കുന്ന ഒരു ഉറവയും സംരക്ഷിച്ചുപോരുന്നു.
മലമുകളിൽ ആനകുത്തിയപള്ളി ,വലിയപള്ളി എന്നീ രണ്ട് ദൈവാലയങ്ങൾ സ്ഥിതിചെയ്യുന്നു.കൂടാതെ മാർത്തോമാ മണ്ഡപം ,പൊന്നുംകുരിശു മണ്ഡപം ,കാൽപാടുകൾ കണ്ടയിടത്തെ കപ്പേള എന്നിവയും സംരക്ഷിച്ചുപോരുന്നു. സാധുക്കൾക്ക് ധർമ്മം കൊടുക്കലും ,എള്ളും ,കുരുമുളകുമാണ് പ്രധാന വഴിപാട്. മലമുകളിൽ വനത്തിനാൽ ചുറ്റപ്പെട്ടിരുന്നതിനാൽ ക്രിസ്തുവർഷം 900ൽ പെരിയാറിന്റെകരയിൽ ഒരുദൈവാലയം സ്ഥാപിച്ചു.
വലിയ നൊയമ്പുകാലം തീർത്ഥാടനമായി ,പുതുഞായർ തിരുനാൾ പ്രധാനത്തിരുനാളായികൂടാതെ ദനഹാ ,ദുക്റാന ,ശ്ലീവായുടെ പുകഴ്ച എന്നിവയാണ് മറ്റ് തിരുനാളുകൾ.നെടുമ്പാശേരി അന്താരാഷ്ട്ര വിമാനത്താവളത്തിൽ നിന്നും ഏകദേശം പതിനഞ്ചു കിലോമീറ്റർ ദൂരെയാണ് മലയാറ്റൂർ.
വിവരങ്ങൾക്ക് കടപ്പാട് : ഫാദർ ബിജു തേയ്ക്കാനത്തിന്റെ 'വിശുദ്ധ തോമാശ്ലീഹാ പ്രേഷിതയാവേലയും രക്തസാക്ഷിത്വവും'എന്ന ഗ്രന്ഥം.
പുതുഞായർ
ക്രിസ്തുവിന്റെ പീഡാനുഭവ മരണോത്ഥാനത്തിലൂടെ നാമെല്ലാവരും പുതുജീവൻ നേടിയതിന്റെ ഓർമ്മ. അതോടൊപ്പം നമ്മുടെ വിശ്വാസത്തിന്റെ പിതാവായ തോമാശ്ലീഹായുടെ വിശ്വാസപ്രഖ്യാപനത്തിന്റെ അനുസ്മരണവും. പുനരുത്ഥാനത്തിന്റെ സമാധാനം നമ്മിൽ നിലനിൽക്കട്ടെ.
ഏവർക്കും പുതുഞായറിന്റെ മംഗളങ്ങൾ.
❤️ 🙏
ഫ്രാന്സിസ് പാപ്പ അര്പ്പിക്കുന്ന ഈസ്റ്റര് വിശുദ്ധ കുര്ബാന | പൂര്ണ്ണ ദണ്ഡവിമോചനമുള്ള 'ഉര്ബി ഏത് ഓര്ബി' ആശീര്വ്വാദം | തത്സമയം
EASTER SUNDAY MASS | POPE FRANCIS | VATICAN LIVE | HOLY WEEK 2020
ഉയിർപ്പ് തിരുനാൾ
🕯സുവിശേഷം 🕯
സാബത്തിനുശേഷം ആഴ്ചയുടെ ഒന്നാം ദിവസം രാവിലെ മഗ്ദലേനമറിയവും മറ്റേ മറിയവും ശവകുടീരം സന്ദര്ശിക്കാന് വന്നു.
അപ്പോള് വലിയ ഒരു ഭൂകമ്പം ഉണ്ടായി. കര്ത്താവിന്െറ ദൂതന് സ്വര്ഗത്തില് നിന്നിറങ്ങിവന്ന്, കല്ലുരുട്ടിമാറ്റി, അതിന്മേല് ഇരുന്നു.
അവന്െറ രൂപം മിന്നല്പ്പിണര്പോലെ ആയിരുന്നു, വസ്ത്രം മഞ്ഞുപോലെ വെളുത്തതും.
അവനെക്കുറിച്ചുള്ള ഭയം നിമിത്തം കാവല്ക്കാര് വിറപൂണ്ട് മരിച്ചവരെപ്പോലെയായി.
ദൂതന് സ്ത്രീകളോടു പറഞ്ഞു: ഭയപ്പെടേണ്ടാ; ക്രൂശിക്കപ്പെട്ട യേശുവിനെയാണു നിങ്ങള് അന്വേഷിക്കുന്നതെന്ന് എനിക്കറിയാം.
അവന് ഇവിടെയില്ല; താന് അരുളിച്ചെയ്തതുപേലെ അവന് ഉയിര്പ്പിക്കപ്പെട്ടു.
മത്തായി 28 : 1-6