Seminari: “Njihe Vetën, Jetoje Jetën”

~ Idhujtarija Pozicionale

Ndër idhujtaritë ma të shpeshta në tokë, e sidomos në Kosovën tonë, osht ajo që ùn e qûj – Idhujtarija Pozicionale.

Idhujtarët pozicional jôn njêrz të përkulûn pozite, e piramide. Ata për të cilët “e arritun” quhet “ngritja në pozitë”. Ky lloj infektimi mendôr osht ma i shpêshti në planetë.

Ideja për “me hýp” në pozitë udhëheqëse osht shùm atraktive për njêrzt që nuk e dîjn kush jòn. Zakonisht të tillët, ata që jòn “ma pôsht” i kqyrin “prej s’nâltit” e ata që jôn “ma nàlt”, s’kàn opcion tjetër përveçse me i kqýr “prej s’pôshtit”.

Ky lloj ngujimi osht dominant në çdo struktûr shoqnôre. Struktûr osht vendi ku struket ai që tutet.

Osht interesant qysh fjâla “m’u bô” përdoret ma së shpeshti prej atyne që as nuk e kàn idenë as kuptimin e fjalës – bonû. Shih për këtë, kur dikush i tillë – bôhet – drejtor, atij edhe ma tutje i shtremôhet qênja, t’u iu ndërru krejt qëndrimet ndaj jetës edhe njêrzve që i ka përreth.

Edhe ai “drejtor”, jo q’i nuk “drejton” po veç vazhdueshëm – shtremon. Sepse, me atë “pozitë” edhe ma tutje i çakordoet qênja, edhe ashtu të çakordûme që e ka pâs. Dallimi osht te – fuqija. Pozita piramidale e amplifikon përmbajtjen e njêrit. Nëse je p*s, bôhesh p*s n’katrôr. Edhe këdo që e ki në sipërfaqen e veprimit, përfundon t’u e dhunû emocionalisht, verbalisht, me të vetmen gjuhë stresi si komunikim.

Fatësija osht që shumica e njêrzve e kàn kët korrupsion qenjësôr: Ata jòn të programûm me iu përkul pozitës, bàshk me njêrin që përkohësisht osht n’àt pozite. Po, e vërteta osht që Sistemi iu jep krah njêrzve të cilët nuk kàn kràh të vetët. Ktê ata e dîjn mîr, prandaj i thêjn “kôm e krye” veç njiher “me hyp” n’pozitë.

Ndërsa. pozita piramidale ka hypës përmbi hypës.

Të vetmit njêrzt të lirë, e të cilët numërohen me gishta në secilën shoqnî, jòn ata që jòn – Përtej Piramidës.

Fôl në gjuhën akademike, ata – s’ia _______ as pozitës, as njêrzve që jòn n’ato pozita.

Sepse, e kàn dinjitetin e vet, di – nji – te , Di – Nji – Ate, që iu jep krah, nâltsî e ditunî përtej çdo Pozite. Shih për këte, jòn njêrz të lirë, në shërbim veç të Zotit ma t’nâlt e ma t’Mirë. Prandaj, puna iu vizllon, e qênja iu shkëlqen. Ai lloj i njêrit, për piramidë osht mehlem.

Njêri i lîr, i pamvârun prej “pozitës” i kqýr e I sorton njêrzit – veç me nji kriter – atë njêrzôr. Ata që e meritôjn, i nderon. Të tjerët maksimalisht i toleron, e kur hiç s’bon – iu qepon, edhe brinat ia u rrafshon. Kto veprime, idhujtârët pozicional – as n’ôndërr s’guxôjn me i pâ, sepse jon të shtytun prej tutës, edhe pasigurisë së vazhdueshme personale.

Pozita osht mallkimi i njêrit që nuk e din kusht osht. Sepse, sa vartës i ka, aq osht i varûn prej tyne. Dikush që osht “në krye”, kryet e ka të ngarkûm me peshën e kusureve të atyne që jòn “pôsht” n’piramidë. Prandaj rrugëtimi i atyne që ngâjn “m’u ngrît” osht i njêjt me ata që ngâjn mas famës. Njihere e lypin, tani kqyrin me îk prej sâj, për shkak të presionit çmendues që masat përcjellëse ia u shkaktôjn.

Përfundimisht, nuk ka ma mîr se lirija e vërtêt. Po, ktô e gzôjn veç ata që dîjn kush jòn. Ata të cilët e kqyrin me synin e njêjt, si fundin e piramidës, si fillimin e saj. Sepse e dîjn që ajo osht njî lôj e kufizûme, ku sillen fillestârët e ekzistencës.

N’kët natë me bukuri, iu dëshiroj paqe, lirî e Mjeshtrî.

Lavdû kôft Nji Pérenî.

Rinon Hoxha

~ Çmimi i të Përparumit të Vërtêt

Të Përparumit e vërtêt ka jashtëzakonisht të mira të shumta. Po e ka edhe çmimin e vet.

Ai çmim quhet përshëndetje e thûjse hallashtisje me ata që s’dôjn me përparû. Sidomos me ata që deri dje je kôn shùm afër.

Njêrzt në shumicën e rasteve i afron graviteti i kusureve të përbashkëta. Edhe kur individi i atij grupi fillon e përparon, ajo çka zakonisht ndôdh osht që të tjetrët nuk jòn të interesûm as me konsiderû përparimin.

Kur osht fjâla te lamija e ndryshimit personal, ka prej tyne që dôjn me kôn në trend, t’u lexû libra, sa për me dît me fôl kur t’bôhet muhabet, ose me thôn ma sàkt, sa për m’u dôk q’i po dîjn, sa për mos me iu aktivizu programi i inferioritetit konstant që e kàn mrénda vetës. Po e vërteta osht, ata s’e kàn asnji eksperiencë personale të asaj për t’cilën flasin. Prandaj jòn hipokritë të dyfishtë, nji ndaj vetës, dy ndaj botës.

Kur njêri i përgjegjshëm për përmbajtjen e tij, përparon, ma s’pari e ndrròn status-quo-n e grupit të cilit i takon. Sepse nëse deri dje krejt bàshk jòn zhagît, ky sot fluturon.

Edhe sado prej zemër-gjônsîs që iu ofron të tjerëve bàshk me përparû, ai në vesh të shurdhët e sy qorr ka me takû. Ka me pà që ata me të cilët deri dje osht knâq, mô s’ka të tillë knàqësî.

Njêrzt që s’dôjn me përparû jôn kaca të mbylluna me kapak të dyfishtë në kanalet e tyne përceptuale. Osht thujse i pandalshëm tundimi i njérit përparimtâr për me ia ofrû mundësinë edhe atyne me përparû. Por osht e kotë. Shumica e njérzve jòn t’dékt për s’gjalli nëpër botë.

Msîmi osht, pa t’vetë, mos kallzo. Sepse t’a marrin energjinë kot,
edhe ti ia u merr kusuret e karmën e tyne.

Po kjo osht natyra e përparimit të vërtêt. Dikujt i thû ditën-e-mirë, e dikujt mirë-dita.

Lânja mbrâpa e atyne që s’jòn gati me përparû shoqnôhet me pak dhimbje e nostalgji, po falenderimi edhe konsiderimi i dritës që vjen me rastin e dâljes në nivelin e ri ekzistencial, e pastrôn çdo kusur që edhe ty dikur t’ka mâjt n’mal.

Të përparûmit e vërtêt ka çmim: Adios, krejt atyne që s’dôjn me përparû.

Zoti ma i Nâlt kôft Livdû.

Paqe,
Rinon Hoxha

~ Interviste Mréna Zemrës me Mentor Didën në Urban FM.

Mrena Zemrës - Rinon Hoxha - #10 Rinon Hoxha është mjeshtër i ndryshimit, autor i pesë librave, inxhinier dhe muzikant. Në këtë ep*sodë të podcastit “Mrena Zemrës”, bashkë me Rinonin kemi fo...

~ Kosova, Serbia, Kòftlargi & Kojshija

Çashtja kombtâre osht nyje e pazgjidhun në Ballkan. Osht polarizim i skajshëm aktual në dy taborre edhe dy oborre. Njôna e st­ërr-ngarkume me ultra-nacionalizëm, tjetra e ngarkume me nacionalizëm copa-copa.

Nëse nàjher dôjm me zgjîdh përfundimisht çâshtjen Kòmbtare, fokusin duhet me vnû në çâshtjen njérzôre - Ktû osht problemi i vërtêt Shqyptâr: Mungesa në thelb e edukatës, kulturës e ditunîs njêrzôre, me vlera Unverzale e Hyjnôre.

Shtô ktû edhe paganizmin kronik shùm-shekullôr, të mbështjellun me antidotin fetâr, edhe del peisazhi i vobektë aktual Shqyptâr.

Ùn fokusin kom qef me vendôs në oborrin têm:

- Sërbet i kemi përkujtues te kusureve tona kolektive.

Rilexoje edhe njiher thânjën e masipërme.

Edhe derisa ky fakt nuk kuptohet drejt, pastër edhe sinqêrte, na si kômb kurr nuk do të kemi zgjidhje të mirëfillta e të vlefshme.

Ajo çka po shohim rishtazi me “Vetë-Negociata, Nënshkrimosje…..e për udhe pak tymosje” osht tentim me gjetë zgjidhje përmes problemit.

Nëse kemi pâ diçka gjatë ktyne 23 vjetëve, osht krejt çka – Nuk funksionon. Dmth, nuk ka kokërr kuptimi me e përsërit gabimin, përveç nëse do me mbêt ngêlq në shkollën e jetës. Interesant osht puna e njêrzve të pa-pjekun: Pa i mshû murit me krye, nuk iu dhezet shporeti.

Problemi i vërtêt i Kosovës nuk osht Serbia. Po, vét Kosova. Historija jonë e vërtêt peshon në terren. Në përditshmënî. Na jemi pasqyre e historisë tonë. Historija osht veçse përkujtuese e kusureve tona aktuale e të kalûme, në kët epizodë jetësore e sidomos në ato para ksâj.

Historija osht jehonë e të bômave tona, e cila në të tashmen shfaqet me skenarin kolektiv që e kemi.

Bukurija e Sistemit’ Pérenîs osht që secilit njêri me shikim brenda vetës, iu osht dhânë mundësia me pshtu prej budallakîs kolektive, të cilën te na, nuk ka njêhsî që e mât.

Me nacionalizëm, nuk mund të luftohet nacionalisti. Fituesi duhet jetë së paku nji nivel ma i nâltë përkah vetëdija.

Derisa ktû dije ka shùm, po vetëdije pak.

Iu dëshiroj dije, të mbështetun në vét-dîje.

Krejt të Mirat vijnë prej Nji Pérenije.

Faleminderit Shùm,

Rinon Hoxha

Mjeshtër i Ndryshimit Personal / Strateg Shoqnôr

~ Seancat: Gjeje Vetën (c).

~ Seancat: Gjeje Vetën (c) fb: :

Kur flet Vepra: Rinon Hoxha

Seancat: Detoksi Digjital - Lirimi prej Varësisë ndaj "Rrjeteve Sociale".

Detoksi Digjital - Lirimi prej Varësisë ndaj "Rrjeteve Sociale". Faqja në FB: në Instagram:

~ Kirurgjia Estetike, Karroceria edhe Motorri i Personalitetit

Vërshima e intervenimeve sipërfàqsôre flet për pëmbysjen e vlerave shoqnôre. Për tejinvestimet në guacë, ku mungon margaritari.

Osht trend që i bon njérzt e trént.

Pa e llogarît kushtimin në çmim edhe vet-shkaktim të dhimbjes, bon me pyt: Cili osht motivimi?

- Për M'U DÔK bukur.

Po cili osht nën-motivi?
...okolla uqkurit.

M'duhet me adaptu nji thanje t'nji autori t'njoftun amerikan:

Tentimi m'u dôk bukur jàsht, pa punû thellë mrenda vetës për me nxjêrr bukurîn natyrore, osht si kur t'del mjekrra, edhe m'u çu me rrû pasqyren.

Ri-lexoje edhe njiher kët' thânje.
...mos e harro shkumën!

Kjo osht ajo që e bôjn, sidomos fémnat, me trendin aktual të kasapitjes trupore. E n'ktô kushte edhe kasapët e bukurîs edhe t'pareve, nuk mungôjn.

Tash m'bjen te motivi: Çdokush dëshiron m'u dôk bukur. Estetika osht natyrshmënî. Po me tentû m'u dôk bukur jàsht, pa punû mrenda osht si me polirat karrocerinë e kerrit pa motorr.

N'fakt, fémnat e tilla kàn dyzinë të çashtjeve personale të pazgjidhuna, prej vétbesimit deri te urrejtja e vetës.
..që m'kthen te Nën-motivi i bukurîs: Okolla uqkurit.

- Knàqësitë e Vërteta jòn të Rezervûme për Njérzt e Vërtêt.

Edhe njiher ri-lexoje thânjen e masipërme.

Njeri sipërfaqësôr lahet n'ûjna të cekëta.....deri te zogu i kâmbës. Derisa ata që punôjn mrénda vetës, kridhen thellësive të bukurive të jetës.

Çdo investim e intervenim sipërfaqësôr bjen sikur ndërtesa pa temel, kur nuk osht pastrû motorri prej bllokadave ndaj bukurisë natyrore.

Krejt ktô bllokada munden me u pastrû lehtësisht me disa seanca.

Atëhér ndoshta ki me vrêjt që s'ka nevôj për vet-shkaktim të dhimbjes, as për bukuri kukulle sh*toreje.

Iu dëshiroj përjetim të Vërtêt të jetës.

Lavdû kôft Zoti, Mjeshtri i t'Vërtetës.

Paqe,
Rinoni

Kur flet vepra.

Seancat: Hjeke tutën! (c)

Seancat: Hjeke tutën! (c) Përshkrimi i mundësive natyrore për heqjen e tutës.

Kur flet Vepra:

Seancat 1-1 për Nxënës e Studentë.

Seancat 1-1 për Nxënës e Studentë

~ Seancat: Lirimi i Vetës prej Rrethit.

~ Rrethi Shoqnôr edhe Pshtîmi prej Tij

Shkaktarët e KREJT smûndjeve e problemeve t'njerit jòn:

1. Tuta.
2. Komplekset.

edhe njihere se osht shuuum me ràndsî:

Shkaktarët e KREJT smûndjeve t'njerit jòn:

1. Tuta.
2. Komplekset.

Për me hjêk tutën ndaj çkadoje e prej çkadoje, ajo kryhet Veç me NJI seancë.

Për m'i hjêk komplekset.......disa seanca.

Mirupafshim.
Rinoni

Emisioni: Zgjimi i Potencialit Tonë, në "TABU me Nexhën", ku shtjellohen risi ne qasjen ndaj jetës dhe vetës.

https://youtu.be/9mtb61zx4v4

TABU® | Zgjimi i potencialit tonë! | EP-6 | 16.04.2022 | 🎯 EP-6📺 Tema: Zgjimi i potencialit tonë!⏰ E shtunë 16.04.2022 në ora: 22:30⏰ E diel (ritransmetimi) në ora: 12:30🧍‍♀️ Autor dhe moderator: Nexha Gjema ...

~ Esencialisht

Esencialisht, Jeta osht e Bukur.

Esencialisht, çka shofim osht kush jemi.

Esencialisht, ata që lypin vota, iu vyn energjia e tjerëve për m’i mlû dobsîtë e veta.

Esencialisht, ata që japin vota, i lypin te lideri i preferûm haletet të cilat vet i kàn hûmb dikun gjatë jetës.

Esencialisht, sistemi osht i dizajnûm m’i ngrît veç njêrzt e korruptûm, ideologjikisht ose materialisht.

Esencialisht, kërrkush s’un hin dhôndërr për ty, përveç nëse don msitit me ia dhôn at knaqsî.

Esencialisht, n’çdo kontekst t’jetës msitët jon t’panevojshëm.

Esencialisht, parazitët e bôjn delegimin e punëve, edhe i mbajnë shpresat te tjerët.

Esencialisht, shumica jetojnë për ciklin: Ha, pi, shprazu, shumohu.

Esencialisht, individi osht vlera e shoqnîs.

Esencialisht, shoqnîja osht përkujtues për korrupsionin e individit.

Esencialisht, shoqnija osht rrjet i kusureve të përbashkëta.

Esencialisht, niveli akademik jòn njêrzt ma disfunksional n’terren.

Esencialisht, politizimi osht tregues i korrupsionit shoqnôr.

Esencialisht, shkollimi osht tentim për edukim.

Esencialisht, edukimi formal osht kastrim shpyrtnôro-esencial.

Esencialisht, feja osht komenti i njêrit ndaj ligjeve t’Zotit.

Esencialisht, ma leht osht me gjyku botën se vetën.

Esencialisht, rrethi ma i ngûsht i ka kusuret ma t’mdhaja.

Esencialisht, njêri e njeh botën veç aq sa e njeh vetën.

Esencialisht, bota osht pasqyrë e jona.

Esencialisht, dukja nuk osht esenca.

Esencialisht, makijazhi nuk osht bukurija.

Esencialisht, titujt nuk jòn ditunija.

Esencialisht, shqisat jòn përgjegjsija.

Esencialisht, pastrimi osht shlirimi.

Lavdû kôft Zoti. Pshtimi.

Paqe Përtej Kuptimi.

Esencialisht,

~ Rinon Hoxha.

Shpyrti osht si balloni i heliumit: Ka qef me fluturu n'naltsî..., po për shkak t'ngarkesave t'memorjeve prej jêtnave t'kalûme edhe asaj t'tashme, ajo teta ku e blen ballonin ia vnon nji guri përfundi, që mos me fluturu.

Lidhësja mes ballonit e gurit osht lidhja karmike - kusuri që e parandalon fluturimin.

Ndersa, ajo teta poashtu e mbështjêll gurin me nji letër t'bukur vizlluese, që jon: titujt, pozitat e prestigji sipëfaqësôr shoqnôr.

Puna jonë individuale osht m'u shlirû prej peshës' sonë kolektive.

Edhe me pastrimin e duhun: Jeta bôhet nji Festë pa fund!

Jetoje!

N't'Vërtêt e dritë i jûji,
Rinoni

Thenie nga Rreze Blog

A collection of quotes by Rr. Xhaferi

...kur flet vepra.

Intervista në "Madam", ku për herë të parë flas për Quantum Healing Hypnosis Technique (QHHT).

Rreze Blog

https://m.youtube.com/watch?v=bnFvJNoOQ5I

Intervista në Madam - QHHT www.rreze.com20 Qershor 2021

...kur flet vepra.

Dëshmia e një pjesëmarrësi nga Webinari "Menaxhimi i Vetës"

~ ZGJIDHJA Prezenton

Workshopin e Parë Online: "Menaxhim i Vetës"

Çdo gjâ e keqe e ka nji t’mirë: Pandemia i ka zbulû pikat e dòbta të secilit prej neve. Sidomos ato emocionale.

Ky Workshop Online është i dizajnûm n’veçanti për Menaxhimin e Vetës në nivelin Emocional. Nëse doni me msû vegla për me ballansû edhe me neutralizû ÇDO pasigurî, tutë, stres e vshtirsî personale, atĥer ky Workshop osht për ju.

Në bagazhin tonë intenziv e ekstenziv 20 vjeçâr në lâmîn e Ndryshimit Personal, i kemi distilû, filtrû e efektivizû Metodat Ma Funksionale që ekzistôjn sot në Botë për “me ia bô çaren” vetës. Sidomos kjo kohe krize nëpër të cilën jemi t’u kalû ka nevôj ma shùm se kurr për me dît vegla të tilla me t’cilat e ri-gjeni Paqen, Ballansin Harmonik Natyrôr si dhe të bôheni faktôr stabiliteti në familjet e jûja.

Data e Mbajtjes së këtij Workshopi do të jetë: 31 Korrik 2020, prej orës 20:00.

Çmimi simbolik për pjes-marrje osht: 9.99 Eur.

Ditunija t’cilën do t’a përfitoni osht e Pa-çmueshme!

….ndërsa Eksperienca, Ndriçuese!

Urdhnoni e bôhuni p*shtar e p*shtare e jetës’ jûj.

Paqe e Dashnî,
Rinoni & Rrezja