Psychological Health

مش طبيعي ابدًا الواحد طول الوقت يبقى ضاغط على نفسه بشكل رهيب عشان بس يكون في نظر اللي حواليه "مميز" ومفيش منه اتنين وهو اصلاً بيكون حارق جهده في حجات مش مريحاه!

في رأيي إن قمة التميز في زماننا هي إني أعيش حياتي في هدوء من غير ضغوط ملهاش قيمة حقيقية، وطموحاتي متكونش حمل كبير عليا على قد ما تكون حاجة بتفرحني حتى لو موصلتلهاش.

مفيهاش حاجة يعني لو طلعت في النهاية شخص مش مميز ولا مبهر المهم ابقى رايق و راضي باللي أنا فيه وكافي غيري شري وخلاص.

من الافكار الجميله اللي لازم نقتنع بيها هي فكره: "إن أي شخص قابل للرفض والترك.."
مفيش حد فينا بيمتلك كل المهارات اللي تخليه مقبول ف اي حاجه يقدم فيها ومفيش شخص عنده كل المواصفات الجميله اللي تخلي الناس بإختلاف اذواقهم متمسكين بيه
لكن برضو عايزك تقتنع بفكره أحلي وأجمل..
-إن كل شخص فينا بإجتهاده ممكن يمتلك المهارات اللي تحوله لشخص "غير قابل للنسيان"
-كل معامله حسنه بتعاملها للناس ، وكل بصمه انت بتضيفها للمجتمع بتخليك تسيب اثر خالد في حياه الناس وحتي بعد موتك الاثر دا هيفضل موجود..من الاخر:-
"انت قابل للرفض والترك..بس غير قابل للنسيان"

ليس كل من يواسيك لا جرح عنده ، ولا كل من يعطيك يملك اكثر منك ، قد يعطيك احدهم اخر زاده من الصبر ، ويهبك ما تبقي في قلبه من امل ويقتسم معك اخر ابتسامه قبل ان ينفرد بحزن طويل.. فأحسن استقبال الود فإنه ثمين وحين يأتيك احدهم لاجئا اليك فأحسن إحتوائه واكرم قلبه فما أتاك إلا لأنه رأي فيك الامان❤️

رحلة الصبر صعبة، لكن نهايته جميلة.

فلو لقيت نفسك صابر وإنت في إيديك تجزع؛ لو بتقول لنفسك أنا هصبر والعوض على الله؛ تأكد إن ربنا اللي مثبتك.. وطالما من عند ربنا يبقى دايمًا خير..

اصبر على الضلمة اللي في حياتك، وبكرة النور هيحاصرك من كل مكان.
"ربنا يعوضنا على قد ما صبرنا🫀"

كل صفة فيك بتتشاف بطريقتين عين المحب وعين الغير محب
دي لذيذة .. دي خفيفة !
دي كريمة .. دي هبله !
دي صريحة .. دي بجحه !
دي طموحة .. دي واهمه !
دي طيبة .. دي عبيطة !
دي ذكية .. لئيمة !
مختلفة .. غريبة !
ضحكتها حلوه .. أوڤر!
راقيه اوى .. متكبره !
رقيقه كدة .. مسهوكه !
محترمة .. دمها تقيل !
اهم عين بقى هى عينك انت مرايتك اللي بتبص فيها على نفسك واللي انت شايفوا في المرايه هو اللي بيتشاف ❤️

قبل ما تستكتر على حد نعمة ظاهرالك، سواء شغل كويس، نجاح، شريك حياة حنيّن، أهل طيبين، قبول من الناس، أو حاجة تانية شايفها بتلمع في نظرك، ياريت تفهم إنه دافع تمنها غالي أوي ومُقدّم كمان، إتأكد إن ربنا بيعوّضه عن ابتلاء عظيم صبر عليه .. اللي ورا الكواليس عمرك ما هتشوفه ولا حتى هتقدر تتخيّل صعوبته !
ورا الحاجه المتشافة مليون حاجة مش باينة ..
فَـ لو عينك هتطلع على نعمة في إيد غيرك، أتمنى تشيل شيلته كاملة.. ومتتمناش النتيجة والظاهر وبس.

‏" أعلى درجات التعافي أن يصبح المرء معالجًا ذاتيًا لنفسه فيكون هو المنقذ لها وخط الدفاع الأول عندما تتهاوى وتتعثّر، وكما يُقال: من لم يكن نورًا لنفسه لن تسعفه كل أضواء المدينه"

• وأول حد محتاج لحبك هو انت ..❤️🦋

- حبك لطبيعتك وشكلك وأحلامك، طريقة لبسك طريقة كلامك، اعتزازك بنفسك وتقديرها وخوفك عليها يخليك تحب ليها النجاح ولا ترضى ليها التدني بكل أشكاله .. هتهتم انك تطورها وتقدمها للي بتحبهم في صورة مبهجة وراضية، لما تحب ذاتك وتقدرها، هتقرب من نفسك اكتر وتعرف انت عاوز ايه وعيبك ايه ومميزاتك ايه، وقتها بجد مش هتتأثر بأي رأي سلبي فيك ، لانك واثق من نفسك جدا وفاهم اوي طريقك رايح فين ... والواثق والمحب المتصالح مع ذاته بينور كدة وبينور للي حوليه ... شفت انك اكتر واحد محتاج الحب قد ايه..🖤

مقولة ان الدنيا مبتقفش علي حد غلط جدا لانها فعلا بتقف علي حد و بالذات لو كان الحد ده غالي عندك..
الصدمات اللي بنتعرض ليها كلها أشبه بحوادث بتسيب أثر ، مش شرط العلاقه تكون عاطفيه بس ممكن فقدان صديق أو فقدانك لذاتك وحلمك ، فقدان حد بتحبه و قريب منك يقدر يوقف حياتك او على الاقل متكونش عايش طبيعي.

لفت انتباهي إشعار في الهاتف يقول:

عليك إفراغ بعض المساحة لأن الذاكرة ممتلئة وذلك قد يؤدي إلى توقف بعض البرامج، فكرت في ذلك قليلاً، وقلت لنفسي ماذا لو أفرغنا ما في نفوسنا من مساحات زائدة لا معنى لها وتزعجنا كثيراً؛ كذكريات مؤلمة، مشاعر مؤذية، عادات سيئة، حسدٌ وضغائن وأحقاد تستنزفنا، أصدقاء سلبيون، زملاء محبطون، علاقات تضرُّ ولا تنفع، و كل ما هو مزعج في حياتك، أليست صيانة دواخلنا وتنظيفها من الشوائب أولى من صيانة هواتفنا.

الشيطان سطوته وسكنه في ثلاث أماكن..
١-وقت الخلاف.. فالزم الصمت وتكلم بحرص علشان متكسرش عشرة جميلة
٢-وقت الفراغ.. وده محتاج خطة إزاي تملأ فراغك
٣-عند الإنجاز.. علشان كده ربنا شرع لنا سجدة الشكر وكإن الإنسان بيطرد شيطانه ويعترف بفضل ربنا سبحانه وتعالى..

الإنسان لما بيتعود على الفقد، والخذلان، وحتى بعد تعافيه من الألم، بيبدأ بعد كده غصب عنه يتعامل مع المحيطين بيه بحذر، عن بُعد على أد ما يقدر؛ ما هو اتعود كل ما يقرب أوي من إنسان، يخسره غصب عنه بمرور الزمن، أحيانًا الاحتفاظ بعلاقات سطحية مع بشر كويسين أفضل من خسارتهم بعد ما نقرب ليهم.. فيه بشر كل فترة بيتقوقعوا على نفسهم من غير سبب، بينعزلوا كأنهم بيدربوا روحهم على الوحدة، خوفًا من إنهم يتسابوا لوحدهم تاني من غير ما يكونوا جاهزين..

خمس نصائح قد تغير حياتك للافضل وتجعلك قوي⁦💪🏻⁩
١-اراء الاخرين بك هي وجهه نظر..لا تجعلها الواقع.
٢-احكام الاخرين علي الاشياء تكشف حقيقه الاخرين وليست الاشياء..
٣-لا نستطيع ان نغير الماضي..ولكن نستطيع ان نتعلم منه..فقط انسي الماضي ولا تنسي الدرس.
٤-نحن لا نفشل عندما نتعثر فكلنا نتعثر ولكن نفشل عندما نتوقف لذلك( لا تتوقف عندما تتعب بل توقف عندما تنتهي)
٥-اترك لنفسك مسافه امان لقلبك ولنفسك.

‏الجميل أن عوض الله لا يأتي في مواقيت محدّدة أو متوقّعة، بل يأتي فجأةً كغيمةٍ ثقيلةٍ تحمل معها الغيث الذي يروي الأراضي الجافة، فتبتسم الأرض ويزداد جمالها، فتخضّر وتزدهر، عوض الله يأتي دائمًا في توقيته المُناسب لمرحلتك، لتفكيرك، لقدراتك، فيأتي أجمل مما تتخيل وتعتقد.💙☁️

"يصبح الانسان مخيف ، عند ما يستطيع التحكم بمشاعرة."

خلي عندك يَقين إن لسه في خير متشال ليك، لسه في لحظات حلوة هتعيشها، وأيام هتبكي فيها من كرم ربنا ومن شدة الفرح، حتى لو انت حاليًا بتعيش أيام صعبة فَمُستحيل حياتك هتفضل كدا، سيدنا علي بن أبي طالب بيقول: "الدهر يومان، فيوم لك ويوم عليك، فإذا كان لك فلا تبطر، وإذا كان عليك فاصبر"💙

"محدش بياخد كل حاجة"!!
جملة بتقدر تزرع رضا جوا ناس كتير جدا مننا او على العكس تماماً تحسسه بقلة الحيلة..
جميل إنك تبقى متصالح مع مبدأ المكسب والخسارة، ولكن لازم تدرك كويس إن الحياة مراحل مختلفة ولكل مرحلة تجاربها وصراعتها وأولويتها وراضي بكل حاجة فيها ومُيقن إن ربنا أكرم وأرحم من إنه يمنعك من حاجة كان يحتمل فيها خير ليك.
”واعلم أَنَّ مَا أَصَابَكَ لَمْ يَكُنْ لِيُخْطِئَكَ ، وَأَنَّ مَا أَخْطَأَكَ لَمْ يَكُنْ لِيُصِيبَكَ " ♥️

- عندما تتخذ القرار الصحيح لا تبالي لقلبك ، تألم يوم ، شهر ، بقرار عقلي صحيح ، أفضل من أن تتألم طيلة حياتك بقرار خاطئ من قلبك.

- مارتن لوثر كينغ

قبل ما تبدأ أي علاقه لازم تحدد إحتياجاتك وإحتياجات شريكك وإيه اللي ممكن نقدمه..

وكمان نقيم إحتياجات الطرف الأخر وإيه اللي ممكن يقدمهولنا .

"العلاقات اللي بنخش فيها ببلطجة بدون مانحدد إحتياجات بعض ونحققها عادة بتنتهي بخناق وبنكون مليانين مشاعر سلبية وإحباطات من الطرف الآخر عشان كده ضروري تحدد واجباتك وحقوقك إتجاه شريكك."

ليتنا نفهم أن جميع العلاقات خُلقت للراحة والرحمة:
"إذ يقول لصاحبهِ لا تحزن"
"وجعلَ بينكم مودةً ورحمة"
لم نُخلَق لإثبات حسن النوايا، أو لنسعى لننتصر على بعضنا في أوقات الخلاف
لم نخلق لنستنزف أيامنا في علاقات صعبة ولا لننفق أعمارنا فى خناق و كراهية..
كلمة صادِقة كفيلة بإنهاء الخلاف ، نظرة أمان ستنزع الخوف من القلوب..
الحياة تمر بشكل سريع والعلاقات وُجِدت لتكون بمثابة استراحة ومتّكأ للقلوب لا تعباً ومشقة لها.

صباح الخير 💙
مبشوفش حاجة أجمل من شخص اختار إنه يتجاوز ابتلاءاته ومشاكله النفسية بمجرد ما وعي بيها
وبالرغم من كونه فعلا ضحية، إلا إنه أختار ميبقاش ضحية وميفضلش تعيس، وقرر يتخطّي الابتلاءات اللي اتحط فيها غصب عنه
ويمكن هتلاقيه بيفشل كتير فالطريق ومبيوصلش، إلا إنه دايما مبييأسش وبيفضل عازم إنه يتجاوز الوضع السيء والعقد والمشاكل النفسية
وبيكون شايف إن إصلاح نفسه ده مسؤوليته هو مش مسؤولية اللي أذوه
مفيش حاجة أجمل من شخص بيشتغل علي نفسه وبيحاول يحسّنها دايما
تحية لكل محارب في معركته الخاصة
تحية لكل واحد عنده ابتلاءات وقرر يتجاوزها ويبقي نسخة أحسن من نفسه
اللي انت مريت بيه مش قليل، خليك فخور بنفسك.💙✨

في علم النفس القاعده بتقول..

"انك عندما تكون سعيد ستذهب لمن تحبه ، وعندما تكون حزين ستذهب لمن يحبك"🖤

" من داس على همومه إنتصر، ومن داست عليه همومه انكسر "

ستبدو البدايات صعبه ولكن الوقت سيكون كفيل بإن يحل كل تلك المخاوف..!

صباح الامل❤️✨

"ليسَ علَيك أن تكون قوياً دائماً، مُرّ بلحظاتِ الضُّعف ولا تَخجل منها لأنَّها جزءٌ من إنسانيَّتك."

على المرء أن يتوقف عن الركض خلف الأشياء، يبتعد عن العلاقات المؤذية، ويتوقف عن العطاء بلا مقابل، يحدد أولئك الذين يستهلكون مشاعره وطاقته.

على المرء أن يهدأ ويعيد حساباته إتجاه الحياة والاشخاص ، يتقبل حقيقة أنه معرض للهجر وللنسيان ، يتقبل فكرة أن بعض الأحلام لا تستحق كل هذا العناء ويبحث عن أحلام جديدة تستحق الركض والمجازفة، وبعض الأمنيات لن تتحقق لأنها لم تناسبه من البداية..

علم نفسك في كل الأحداث اللي بتشوفها إنك تبص لضعف الناس قبل الحكم علي غلطاتهم وخطاياهم ، مش عشان حاجه بس عشان إنت كمان في كل مره غلطت فيها مكنتش وحش ولا شرير "كنت ضعيف"..

التسامح والإمتنان هما أكتر الأشياء اللي بتنقي قلوبنا من رواسب الماضي .

ماضيك بيتحول لصفحه بيضا مش هتأثر على حاضرك و مستقبلك .. لو قررت تسامح من جواك اللي أذاك مهما كان أذاه كبير .. وتمتن بشده للي أكرمك مهما كان إكرامه ليك مش كتير.💙✨

يمكن من الحاجات العبيطه اللي الواحد بيعملها انه مبيعرفش يتحكم ف مشاعره، بيكون شخص مفرط بيبقي في دماغه إن دا طبيعي وعادي بس مع الوقت بيفهم إنه لازم يداري مشاعره واللي يمشيلك خطوه امشي خطوه زيها..
اتعامل بميزان متفضلش طول الوقت توزع في حب وحنية واهتمام وتقدير ومتخدش اي حاجه في الاخر ده منتهي الظلم ليك ولنفسك انت كمان بني ادم محتاج اللي يهتم بيك محتاج اللي يحن عليك ويحس بيك ويقولك كلمة حلوة محتاج اللي يحسسك انك شئ مهم في حياته..

الحب مشاركة وافعال متبادلة مينفعش حد لوحده يبقي هو اللي بيقوم بكل الافعال وشايل علاقة الحب دي علي كتافه ، في الاول ممكن يكون عندك شوية طاقة وحب ومشاعر حلوة عمال تدي منها بس انت متعرفش إن المشاعر والحب اللي بيخرج منك ده محتاج يتعوض وتاخد انت كمان عشان تفضل تدي ، لو مكنش الخطوة الزياده اللي بتعملها هتتقدر يبقي متتعملش ويبقي بلاش منها الخطوات والمجهود الزياده دا..