Hk9egg

無動態呀今日，去左做一個好重要既任務：幫阿仔送月餅！🫶

揸左200里，終於搵到身在異地既朋友，阿仔千叮萬囑要安排好既任務🥹終於，好彩揸車果個唔係我既情況下順利完成🫡（鳴謝：兵器巴幫忙，我心入面其實一直幫你打氣）

我同佢保證，下次我會拉埋阿仔一齊過去🥹

好撚攰，訓覺😘

呢堆野價值120蚊港紙🚬
係咪覺得我既cake好撚抵食🫠

#仆街啲豆係面頭入面無豆架！

讓大家久等了！
自從舖頭拉閘之後，好耐未出個post。
好多朋友喺最尾嗰幾日都特登走落嚟問究竟我哋會唔會玩完？答案係唔會。但係因為發生咗件咁大嘅事，我哋都需要唞一唞，將會以第二種方式再同大家見面。
呢兩個禮拜雖然舖頭結業，但店長比以前更忙。終於有返少少時間同心機去繼續行我嘅路 - 網店攻略！

首先推出嚟嘅係一直準備好，但係都仲未可以面世就已經收皮嘅貨物😂 聯乘「攻房」自家製作紅棗糖！
紅棗 - 補氣血，對身體健康好有幫助🥰（邊個話我哋長期賣炸嘢唔健康？）

（有幸俾支持開既朋友知道左，竟然未出post就俾佢掃左大半箱🥹以此特別感謝支持）

而家終於正式出post發售，售價$78一包（內共14粒）（圖中啡色包裝）
如慾購之朋友請inbox我哋，以相約進行交收。

#紅棗糖

9egg成功登錄viutv ！
去到最後，呢個係對我地既肯定。
經過多風多浪既一年時間，去到最後，我地既成績被受肯定。
感謝前人種樹，無大家既努力9egg唔會行到呢步。
係未來緊餘既時間入面，希望繼續見到大家❤️

早一個月百變怪來襲，一眾小精靈成功及時回防守住舖頭！🫡

不過…好似有啲唔妥…

9egg陪你放暑假系列！第一彈：
寵物小精靈回歸！我地當中出現左叛徒！

百變怪隨機變成其他小精靈入侵9egg, 怪啲幫手帶佢地方屋企🥹

#寵物小精靈 #馬卡龍

暑假到！但朋友仔去晒旅行點算！一條毒友到咁無地方去？
過黎葵廣！暑期來臨！9egg 陪你放暑假！

9egg暑期第一彈！

hk9egg x 邦爺 x 小黑糖！三黃鼎立！
而家係任何一間買完野，再去幫襯第二間，將你啱啱買嘅食物隊喺佢面前，即減$5！（hk9egg任何即食食品將會有減$5優惠）

第一步為大家帶黎歡樂暑期！

#小黑糖

夠鐘🥹即係待表又就黎收工了

今次答案係164隻🥹（老闆禾有做野架❤️）

小學雞問題又黎啦！🤩
請回答圖中有幾多隻蛋？
Inbox我正確答案！玉子燒一份🤩

又係到左今日，你地過得安好嗎？
今日要你地應承我，無論以後發生咩事，都要做到呢三個字。

Ok?

係生活過得好辛苦既時候，不妨試下同自己講返一次

或者係遇到困難既時候，同身邊既同伴講一次

又或者，落黎我地舖頭，同我地既同事講一次❤️

致睇到呢個post既大家

你地已經做得好好🫡

夠鐘！
正確答案：120隻🥚

答中左既egg粉請出示對話入面既兌換碼俾當值既店員睇🫠換玉子燒一份！

小學數學題，請答出圖中究竟有幾多隻蛋🙂
Inbox我留低你既答案，估中請你食一份🫠

#我愛返工 #愛返工力量🫠

全世界同我過去幫組貓姐打氣🥲

大家好，我是鋼鐵芋圓。

在此，我須先感謝於困境中向我伸出援手的hk9egg與hk9cake，這接近相濡以沫的支援並非必然。9egg的同仁實在仗義。備料、製作、烹煮、包裝……趕忙之中還得面對爐火，委實談不上舒適，加上我這個兩日店長的不熟練無疑倍增了同伴們的工作量，他們從沒怨言。這些額外的工作量並沒有增加他們和店鋪多少收入，他們的努力，僅僅是為了助我這個同伴渡過難關。
平心而論，親眼所見，9egg的食物實在稱得上足料味美，製作亦十分注重衛生。單論出品，亦絕對值得更多客人的賞識和支持。

幸甚，在9egg同伴們的努力與各位仁義之士的支持下，這兩天的收入讓我得以暫時舒緩眼下面對的壓力。

現實上的支援，固然感激。但更叫我心頭一暖的，是各位為我而來、匯集此地的意義；再次讓我見證這片土地上，依然站立着一些善良而固執的人。在此，我好想感謝每一位親身到場支持芋某的新交舊識。
芋某自從染疫後記憶力便有明顯的衰退，未必能認得到到場支持的每一位客人，說來慚愧。但你們送我的每一張字條、每份心意，我都有好好保存；保存不了的食物包裝等，我都有拍下照片。讓我以這些事物時刻提醒自己，這個世界雖然殘酷，卻也十分美麗。為了不辜負各位的善念和祝福，芋某會繼續邁步向前，努力修練出一顆無比強韌、強如鋼鐵的內心。

希望各位身壯力健，有緣再會。

Ps: 芋圓小弟現時在醇洒大亨工作，同時教授網球為生，如有需要請隨時聯絡🙇🏻‍♂️
（ig: winetycoonhk)

店長肺話：
芋圓係一個好文質彬彬嘅年輕人，每逢開口講嘢嘅時候都散發着一種知書識禮嘅氣質，好難想像佢係啱啱放學嘅手足。
過往幾年不斷接觸同類年青人，好難想像乜嘢叫牢獄之苦，越貼近佢哋更加了解唔到佢哋究竟個心情係點嘅樣。
但每次見到佢哋親切嘅笑容都覺得有一種慰藉。呢個係最主要點解一把年紀都群埋去呢班年青人身邊，引誘我去幫更多既人❤️

鋼鐵芋圓被捕後面對一年刑期，及後上訴失敗。出獄後需面對龐大的律師費用，所以希望透過店長計劃賺取少許收入以減輕負擔及應付生活。

5/30-31，葵涌廣場9egg，希望到場為放學同學打打氣❤️

睇圖，唔識講。

首先要多謝天下咪媽養珧你地既仔女咁大個。

其次要多謝 #封信紙 係百忙中製作左一份小小既心意禮物俾一聚母親（我都係得一個！所以係非賣品！）好靚，比起我咁多年送既花，呢份係我見過最靚既禮物💝

P.S. 9egg為左扮有孝心，今日可能會提早收工，返去同媽咪食餐飯，所以要黎既就早少少🙏

#封信子

https://instagram.com/fung1seon3zi2?igshid=MzRlODBiNWFlZA==

9egg之日常系列

客人：請問小火龍仲有無？
🥚：小火龍？未有喎，而家得暫時得百變怪，奇異種子同呢隻蛋（無錯！佢個樣的確係隻蛋！）
客人：呢隻咪小火龍囉！
🥚：……🙂

原來佢轉左髮型我一直認唔到…

9egg除左有蛋賣，仲有一系列既寵物小精靈造型馬卡龍！有需要送禮可以向🥚店員查詢哦～❤️

遠方光臨既客人，第二次到黎幫襯，問9egg仲記唔記得佢。

記得，我地一直都無忘記過任何一件事，包括咁多位一直支持我地既人。

好多謝你地再次光臨，證明我地既存在價值，係你地心入留低左一隻雞蛋既重量❤️

#9嗡

Meow的感言：

常想著如果被捕的事實就如愚人節、人們常掛在嘴邊的笑話就好了，我甚少與身邊的人談及過我的案件，想一個人由頭走過來，也獨自走下去。但我發現這是不可行的，不論身體還是精神上也被2019年纏繞，特別是2021後，各大組織、香港人也不敢發聲，雖然我知道總有堅持下來的人，但已不能輕易看見了。

雖則感到孤獨但日子總要過，心煩意亂的感覺於餘下的數個月發酵，但感謝各位於店長日過來支持的大家，有人哽咽成哭人、亦有人以歡笑與我度過，令我發現原來自己並不是一個人，還有很多人默默支持和關心。

「我沒有忘記，我仍然喺度」
「你一定要平安健康，你並唔係得自己一個」
「你已經做得很好」

那兩天，很多很多的祝福說話、大家寫給我的信、給我的支持與鼓勵，我不會忘記那種感覺，亦會陪伴我度過未來的日子，再次感謝大家。

提外話：Hk9egg d炸蛋同玉子燒好好食lol，我自己偷食左勁多舊，大家平時都要多多支持佢地。
— — — — — — — — — — — — — — — — — — —
以下係小弟嘅Patreon 及 ig，希望大家於能力範圍以內多多慷慨，亦可幫忙宣導，最重要的是不要感到有壓力，感謝大家。
Ig: https://instagram.com/852_meowsmileson?igshid=YmMyMTA2M2Y=

Patreon: https://patreon.com/Meow_SmileSun?utm_medium=clipboard_copy&utm_source=copyLink&utm_campaign=creatorshare_creator&utm_content=join_link

浪費警力🦮🤷🏻

Meow的話：

當年被捕嘅時候只是渡過了人生的十五年，早有預想過要進入冷冰冰的牆內，冠名為政治犯，但想不到需要做數年「準監躉」，遵守不同的保釋條件，每星期也要看到長官們，可幸的是數月後終於要榮升「真監躉」，對我來說是一個解脫，也是一個結局，亦是一個新開始。

牆外與牆內的距離有一種微妙，很多人和我一樣以前常思考牆內是一個我們永遠沒有機會接觸的地方，但想不到那盛夏之年是踏入這荒涼之地的契機，原來入牆內真係好容易，容易到有點可笑及可悲。

太多說話想同香港人講，希望你哋不論現在還是未來都一路平安，感謝一直陪伴身邊的同路人，過多幾年正式畢業搵你哋飲酒，餘下的說話在心中！

感謝Hk9egg比我參與店長交流活動，嚟緊3月25-26號，都會同大家交流，歡迎大家嚟支持下！

#明既就明


呢到有店長既Partreon link :
patreon.com/Meow_SmileSun

K的話：

大家好我叫K
我下個月就差唔多要入去了
由被人搭左至今已經三年幾了
當時中學都未畢業
到而家因為就嚟入去被逼停學 好kick
我想搵多少少俾我兩老 年紀老邁
希望可以幫保下佢地 唔洗佢地咁辛苦
同埋草下出返嚟啲學費
🙇🏻‍♂️🙇🏻‍♂️🙇🏻‍♂️

#20歲

#明既就明

Pokémon系列馬卡龍現而上線喇～
數量有限售完即止！

⚡️比卡超-芒果
👅百變怪-藍莓
💤卡比獸-焙茶
💧車厘龜-奶蓋紅茶
🐱喵喵怪-黑朱古力
🌸波波球-士多啤梨
🔥小火龍-阿華田
🌱奇異種子-抹茶紅豆

$34/

#苦中一點甜

唔識整圖…..希望唔好介意 盡左奶力🥲
終於收爐 初三啟市🫶🏻
希望2023一切會更好～

#店長有話兒

感言：

首先多謝嘅說話唔講了；要講嘅已經當面eye to eye講咗、high five咗、攬攬咗。你哋嘅心思我已經收到晒，希望你哋都收到我嘅回應。

我講多尐我personal嘅感受吧～

本身之前喺EdU讀Music時，都要讀好多Education嘅coursesss。讀完呢尐course我更加肯定左自己由細到大本身都有一定程度嘅社恐同輕度自閉；eye contact、身體接觸同對話都係我弱項。不過自從成為咗老師，我明白到自己點都要成為King of the classroom，所以學識咗望實人對眼講嘢。

今次做店長本身都有擔心以上嘅問題。

本身2019開始收到嘅關心同問候好多都係tg signal，咁社恐人最叻打千字文啦you know，所以都ok的。但呢兩日，本來由要提起勇氣以正臉示人，變成享受於同大家face to face嘅交流，係我自己都俾自己嚇親嘅地方。

平時喺茶記俾阿姐呼呼喝喝，依家發現原來賣一舊小小嘅玉子燒，都正眼望住客人講返聲「請問」「多謝晒」「小心熱」，客人係會開心尐，會enjoy舊炸蛋同玉子燒多好多，客人自然都會同你講返聲「唔該晒」。我覺得我哋香港人好需要呢種能量；喺香港生活已經夠苦，希望隻蛋你哋食到甜味啦。

當然，除咗賣蛋上嘅交流，當然唔少得一班特地嚟支持店長嘅客人同埋店舖嘅兄弟手足（+珊姨）。自2019開始，我真係未試過一次過接觸咁多人同我交流。喺同你地交流嘅過程入面，我係少少恐懼感都冇；我見到你哋嘅笑容同淚水、大力嘅抱抱，應該話，本來仲動搖緊嘅不安心情，依家我可以堅定咁入去了。

同埋想交代一下嚟支持我嘅朋友唔夠疊馬嘅問題🤡首先，我懶:0)。其次，其實我都三字頭幾了，同年齡層嘅朋友都事業有成會好忙，同埋我有好多朋友唔係忙於教育界就係體弱多病🙂所以支持嘅親友比較零星。我相信我嘅朋友都好關心我，只係佢哋用左唔同嘅方式啫～

個大風扇我放低畀你哋喇。呢幾年嘅夏天你地涼埋我嗰份啦。

Bri
倒數十三日

Bri的話:

就係因為我好中意香港，所以我好唔中意依家嘅香港
所以我決定出返黎之後走了
等待嘅時間同入冊嘅時間係1:1 ，依家終於叫做過左一半
多謝大家到呢一刻都仲存在喺呢度，都仲咁支持每一位

呢位店長本來有一班好珍惜嘅學生
亦都好想睇住佢哋成長
但無奈依家要放棄佢哋
出到嚟既時候希望班學生仍然喜歡音樂。

#店長有話兒

Joe:

2023年1月3,4日擔任HK9EGG嘅店長，既然日子同每年1月1日嘅叱吒頒獎禮咁近，我打算模仿下D歌手去講感言。

好多人想多謝。首先我最重要當然係多謝HK9EGG俾左呢個機會我做店長，之後我想多謝介紹我做店長嘅朋友。
除此之外，多謝HK9CAKE每一位手足、多謝每一位幫襯HK9EGG支持店長活動既熱心人士。

除咗多謝之外，有少少野想講。而呢一句係由我自己講出口會有D奇怪嘅說話。
「坐過監唔係大晒」
我知道有D熱心人士想盡自己能力睇下點樣幫到我，我固然感激，但請容許我婉拒各種新既援助。雖然我份人係幾懶，某程度上幾渴望不勞而獲，但呢個始終係幻想，無論係現實上、尊嚴上都唔容許我咁做。我唔希望自己成為我鄙視既嗰種人，我自問有手有腳，我會搵份正式既工作養活自己同家人，我唔想拎住坐過監呢個光環就攤大手板不斷問人拎錢。(某程度上我個人係唔認同單純坐過監就叫有光環有付出，但有機會再詳談。)

如果我認為我嘅負擔超出我個人能力範圍，我願意搵人幫忙，但到目前呢刻黎講，我認為自己所需接受既援助已經充足，之後既事我會靠自己。
我唔希望成為、亦唔認為自己係失去黃圈熱心人士幫助後就乜都唔係嘅人，我相信憑自己能力，能夠解決自己嘅負擔之餘，甚至做到有能力幫返其他人。

最後我想講嘅就係希望香港人學識打機，理解到就算補血能力再強，唔進攻都唔會贏。

HK9EGG仝人恭祝願大家新年平安 身體健康。

每一個人都有佢自己既定位去做應該要做既野。
不論思想、行為同能力都需要去增值，
共勉之🔥
#香港人加油

Joe的話 ：

我之前因為暴動罪入去2年幾左右，近排出番黎，目前失業中，由於一直係屋企既經濟支柱，所以好多儲畜都係呢2年幾洗左唔少，加上屋企人亦都有重症，經濟都造成一定負擔，希望可以靠店長活動幫補下~

知道因為身處香港既香港人仲係受緊苦，面對緊極權，我唔知有咩可以講，我反而想同D近年移左民身處海外既香港人講，就算去到外國，希望都能夠為香港既民主自由出一分力。