Amr Rabie -Structural Engineer-

من أعمالنا الأخيرة : التصميم الإنشائي للنادي الإجتماعي بمدينة هليوبوليس الجديدة
نهتم في تصميماتنا بتحقيق معايير هندسة القيمة وتحقيق أفضل قيمة اقتصادية للمشروع في ظل ارتفاع مواد البناء

"يا جماعة ايه سبب المشكلة دي ؟"
واحد من أشهر الأسئلة في الجروبات الهندسية
عشان كده عملنالك فيديو فيه أشهر المشاكل والأخطاء اللي بتحصل في برنامج الإيتابس

لينك الفيديو في أول كومنت 👇

عرض مرة واحدة لمهندسين مدني 🔥
كل اللي عليك تسيب كومنت وفريقنا هيتواصل معاك
خصم إضافي عند عمل share للبوست 😎

العرض ساري لمدة أسبوع

انضم الآن للمجموعة الجديدة لكورس التصميم الإنشائي بالمنصورة لصيف 2023 - سجل اسمك من اللينك ده 👇
https://forms.gle/yFFYAK2NYewbeH4L6

الكورس هيبدأ معاك من الصفر وهيعلمك خطوة بخطوة لحد ما توصل لمرحلة تأهلك للعمل في المكاتب الهندسية
كمان الكورس بيغطي مشاريع التخرج (الخرسانة - الاستركشر - الأساسات)

هتتعلم في الكورس:
- برامج (الأوتوكاد - الإيتابس - السيف - السي اس كولوم - الاكسيل)
- هتتعلم عملية التصميم المعماري للمنشآت السكنية وهتتعرف على أهم متطلبات سوق العمل واشتراطات هيئة المجتمعات العمرانية الجديدة مع أهم الاشتراطات الأخيرة للحكومة المصرية
- هتدرس النظم الإنشائية بالتفصيل وهتعرف أنواعها المختلفة وازاي تقدر تختار النظام الإنشائي اللي يحقق أمان واقتصادية في نفس الوقت
- هتدرس الأحمال والإجهادات الخاصة بكل عنصر في المنشأ
- هتدرس تصميم جميع العناصر الإنشائية بالتفصيل (الأعمدة - الأساسات بأنواعها - البلاطات بأنواعها - الكمرات)
- هتدرس أحمال الرياح والزلازل وهتعرف ازاي تقدر تحسبها مانوال وباستخدام البرامج وكمان هتعرف ازاي تقدر تستخدم نظام إنشائي يقاوم الأحمال الجانبية وهنتعرف على أهم الأنظمة المستخدمة في مقاومة الأحمال الجانبية
- هتدرس تصميم الشير وول والكورس
- هتدرس حساب اتزان المبني ضد الدوران والانقلاب والإزاحة والطفو
- هندرس تصميم الأساسات المرتكزة على خوازيق وهنتعلم ازاي نقدر نحسب عدد الخوازيق اللازمة للمنشأ وازاي نقدر نوزعها بشكل صحيح
- هنتعرف على بعض الحالات التصميمية الخاصة

المحاضر: م. عمرو ربيع:
-----------------------
- مؤسس ومدير شركة أبك للإنشاءات والتدريب الهندسي
- مهندس تصميم إنشائي
- عمل على أكثر من 150 مشروع في مصر والسعودية والإمارات والسودان
- يدير عدد من المواقع الإنشائية التابعة للشركة
- له العديد من الكورسات والمؤلفات على الانترنت
- درب وحاضر لما يزيد عن 10000 مهندس
- صاحب الكلمة الافتتاحية لمؤتمر رواد الهندسة المدنية
- حاصل على دورة إدارة المشروعات الاحترافية PMP
- دارس بالماجستير المهني لإدارة الأعمال MBA

مدة الكورس:
-------------
24 محاضرة
3 محاضرات أسبوعيا
مدة المحاضرة 3:4 ساعات

سجل اسمك من اللينك ده
https://forms.gle/yFFYAK2NYewbeH4L6

تابعوا أعمالنا الهندسية الفترة القادمة من خلال صفحة مكتبنا الجديد
Concept Structural Solutions

https://www.facebook.com/Conceptstrsolutions

Concept Academy - Eng. Amr Rabie كونسبت للحلول الإنشائية هي شركة استشارات هندسية وتدريب هندسي لمجالات مدني وعمارة

هتدرس ايه في كورس التصميم الإنشائي ؟
--------------------------------------------

- مقدمة عن الكورس ونظام الكورس
- شرح برنامج الاوتوكاد من البداية والتعرف على جميع الأوامر المطلوبة للمهندس المدني
- شرح بعض الأوامر المتقدمة لبرنامج الأوتوكاد والتي تساعد بشكل كبير على توفير الوقت والجهد للمهندس المدني
- تطبيقات عملية على برنامج الاوتوكاد
- الطباعة من برنامج الأوتوكاد وكيفية ضبط إعدادات الطباعة
- مبادئ التقسيم المعماري للمباني السكنية وفقا لقانون البناء الموحد
- النظم الإنشائية
-- كيفية قراءة اللوحات المعمارية
-- تعريفات وخصائص هامة للخرسانة (Fcu – Fc – Fc' – Fc'' – Fco – …)
-- تعريفات وخصائص هامة للحديد (Fy – Fs – G – Es - - ....)
-- أنواع الأحمال المؤثرة على المنشآت الخرسانية (الأحمال الرئيسية – الأحمال الثانوية - ....)
-- كيفية تحديد الاحمال وحسابها (الأحمال الميتة – الاحمال الحية – أحمال التغطيات – أحمال الحوائط – أحمال الرياح والزلازل – أحمال الحرارة – الزحف – الانكماش - ....)
-- أنواع النظم الإنشائية المختلفة
-- البلاطات الكمرية
-- البلاطات اللاكمرية (الفلات سلاب)
-- الهولوبلوك
-- كيفية تحديد واختيار النظام الإنشائي الأنسب للمبني
-- كيفية تحديد سمك البلاطات المختلفة
-- اختيار أماكن الأعمدة وتحديد القطاعات المبدئية
-- اختيار أماكن الكمرات وتحديد أبعادها
-- أهم الاشتراطات والملاحظات اللازمة عند وضع الأعمدة والكمرات
-- تحويل المساقط المعمارية إلي إنشائية خطوة بخطوة
-- Transfer slab & Beam
- الأعمدة القصيرة
-- كيفية تحديد رد فعل العمود
-- حساب قطاعات الأعمدة
-- حساب الحديد الخاص بالأعمدة
-- اشتراطات الكود الخاصة بتصميم الأعمدة
-- القص في الاعمدة (تقليل القطاعات)
-- تغيير قطاعات الأعمدة
-- زرع الأعمدة
-- تغيير اتجاهات الأعمدة في الأدوار المختلفة
-- تصميم الأعمدة باستخدام Ultimate & Working
-- أهمية وضع الكانات في الأعمدة وكيفية حسابها
- برنامج الإيتابس
-- تعريف بالبرنامج والأوامر الخاصة به
-- كيفية رسم موديل كامل على برنامج الإيتابس
-- تعريف القطاعات
-- تعريف الأحمال واضافتها
-- تعريف حالات التحميل الخاصة بالمشروع
-- كيفية التعديل على الموديل
- ملفات الـ Dxf لبرنامج الإيتابس وكيفية تحويلها من الكاد للإيتابس
- التعديل على ملفات الـ DXF على الإيتابس مباشرة دون الرجوع لبرنامج الكاد
- استخراج نتائج الأعمدة وتصميمها باستعمال شيتات الاكسيل
- التعريف بأهم الأوامر المطلوبة في برنامج الاكسيل وكيفية برمجة شيت خاص
- رسم قطاعات الأعمدة وتحديد تفاصيل الكانات الخاصة بها
- رسم لوحة المحاور والأعمدة بطريقة احترافية
الأساسات
-- تقرير التربة ومعرفة أهم محتوياته وتوصياته
-- دراسة اتزان الأساسات (O.T.M – Uplift – Sliding – Settlement)
-- تصميم الأساسات السطحية مانوال
(القواعد المنفصلة – القواعد المركبة – القواعد الشريطية – الشداد – اللبشة)
-- تصميم الأساسات العميقة
-- القواعد المعرضة لـ M,N
- برنامج السيف
-- تعريف بالبرنامج والأوامر الخاصة به
-- كيفية رسم موديل كامل على برنامج السيف
-- تعريف القطاعات
-- تعريف الأحمال واضافتها
-- تعريف حالات التحميل الخاصة بالمشروع
-- كيفية التعديل على الموديل
-- كيفية عمل نمذجة للقواعد على برنامج السيف
- رسم تفاصيل تسليح القواعد
- رسم لوحة الأساسات بطريقة احترافية
- تصميم الكمرات (الساقطة – المدفونة – المقلوبة)
- التحقق من اجهادات القص على الكمرات
- أهم ملاحظات الكمرات
- اجهادات اللي وكيفية التحقق منها (Torsion)
- تصميم البلاطات السوليد سلاب
- تصميم البلاطات الهولوبلوك
- تصميم البلاطات الفلات السلاب
- الـ Drop panel
- التحقق من إجهادات القص وفقا للكود المصري الجديد
- التحقق من الترخيم طويل الأمد (الزحف)
- التحقق من الشروخ في البلاطات
- كيفية عمل نمذجة للبلاطات على برنامج السيف
- رسم اللوح الإنشائية للبلاطات المختلفة مع رسم تفاصيل التسليح المطلوبة
- تصميم السلالم واختيار النظام الإنشائي الأنسب لها

لحد هنا هتكون قادر على تصميم أي منشأ خرساني غير معرض لأحمال جانبية وبعدها تبدأ المرحلة التانية في الكورس:
- الأحمال الجانبية .. مفهومها وتعريفها
- النظم الانشائية المقاومة للأحمال الجانبية
- كيفية تحديد أماكن وقطاعات الحوائط الخرسانية والكور
- كيفية تحديد مراكز الكتلة والجساءة
- حساب أحمال الرياح بطريقة ستاتيكية ووفقا للكود المصري
- حساب أحمال الزلازل بطريقة ستاتيكية ووفقا للكود المصري
- حساب أحمال الزلازل بطريقة Response spectrum
- تصميم حوائط القص ورسم تفاصيل التسليح الخاصة بها
- كيفية إدخال أحمال الرياح والزلازل على برنامج الإيتابس
- حساب الحركة الأفقية Sway
- حساب الإزاحات الأفقية للأدوار Drift
- تصميم الشير وول والكور على برنامج CSI Column
- تصميم اللبشة الخرسانية المسلحة
- تصميم اللبشة على الخوازيق
- مقدمة عن الخوازيق وأنواعها
- كيفية عمل نمذجة للبشة على خوازيق على برنامج السيف

وبكده هتكون قادر على تصميم الأبراج الخرسانية .. وندخل على المرحلة التالتة من الكورس:
- الأعمدة الطويلة وحسابات النحافة
- تصميم القطاعات المعرضة لعزوم وقوي محورية
- مقدمة عن انظمة التغطيات واستعمالاتها
- تصميم نظام الكمرات المتقاطعة (Panelled Beams)
- الفواصل وأنواعها
- كيفية نمذجة الفواصل على برنامج الإيتابس
- كيفية عمل فتحات في الشير وول على برنامج الإيتابس
- الركائز وأنواعها
- التعامل مع فروق المناسيب
- تجهيز اللوحات النهائية للتنفيذ وطباعتها

الكورس هيمر بيك بمراحل مختلفة ومتدرجة عشان ينقلك من خطوة للتانية بكل سهولة وبساطة
وهيكون فيه تركيز كبير جدا على شرح الأساسيات الهامة والتصميم المانوال عشان تكون فاهم المعطيات والمتغيرات لكل حاجة هتشتغل عليها تصميم
كمان هنتعرض لكود الاحمال وكود التفاصيل الإنشائية

تقدر تشترك في الكورس من اللينك ده
https://forms.gle/yFFYAK2NYewbeH4L6

30 قاعدة عشان تحل امتحان #الخرسانة بالسنس 😃
-------------------------
لكل الناس اللي لسه هتمتحن خرسانة
"أنا عارف إن الوقت مش هيكفي .. أنا بس عاوز أشوف السنس بتاعك كمهندس" .. من أشهر الجمل اللي بنسمعها قبل امتحان الخرسانة .. وللأسف ساعات بعده بس بتكون الفرصة ضاعت وبنغني ظلموه
وعشان الفرصة دي متضيعش منك .. وعشان الخرسانة أهم مادة في مدني .. لازم تخلي بالك لأن مينفعش تلبس .. 😃
ركز كويس في المقال ده عشان تحبط المخطط الماسوني لدكاترة الخرسانة 😈

1- لازم تعرف إن أهم حاجة في الخرسانة إنك تكون فاهم مش حافظ ولو الدكتور حس إنك فاهم فده هيفرق في نفسيته وهو بيصححلك
2- كل العناصر اللي بتصممها ليها نفس المبدأ في التصميم غالبا وتقريبا الاختلاف بيكون في طريقة ال analysis عشان تحسب القوي والاجهادات اللي هتصمم عليها
3- كلمة تصميم دي معناها إنك بتعمل 4 حاجات (قطاع خرساني – حديد تسليح – قطاع آمن – قطاع اقتصادي) يعني لو حاولت تفرض حديد من دماغك .. حاول تخليه safe وفي نفس الوقت اقتصادي .. عشان متطلعش منك آوت
4- لازم تكون عارف إن الأقطار المتاحة في السوق هي 8 و 10 للكانات (وممكن 12 في الشير وول وبتتسمي برندات أو تسليح عرضي) أما الأعمدة والكمرات والبلاطات فمعاك 10 و 12 و 16 و 18 و 22 ... يعني إوعي تستعمل 14 أو 20 لأنهم مش موجودين في السوق (بيتعملوا طلبات خاصة فقط) .. أما بقي الأقطار الكبيرة زي 25 غالبا مش هتطلع معاك الا في مسائل التغطيات الكبيرة زي الفريمات وكده
5- الحاجات اللي إنت بتصمم عليها أو بتعمل check عليها وانت شغال هي:
- ال Moment .. غالبا بتستعمل طريقة C1 & J ماعدا لو انت في هندسة شبين مع دكتور مجدي طايل هتستخدم ال "كي يو والميو :D"
- ال Normal .. ودي ليها شوية قوانين كده في كتاب شاكر
- ال Shear .. وده في حال إنه اتطلب منك .. وليه حوالي 3 خطوات برده في كتاب شاكر
- ال Torsion .. وده برده في حال إنه طلبه .. أو في حال انه جابلك مثال مشهور انت عارف ان فيه تورشن زي كمرة مقوسة أو دائرية .. أو كمرة شايلة كابولي من ناحية واحدة مثلا .. وطريقته قريبة جدا من ال Shear
- ال Deflection .. وده نادرا اما بيتطلب .. وموجود برده في كتاب شاكر
- ولو جابلك فلات سلاب يبقي توقع انه عايز يختبرك في ال Check of punch
⬅️ كتاب شاكر ده هو الكتاب الأحمر الكبير اللي انت بتستعمله وانت مش عارف اسمه 😃والمفروض إنك تدخل بيه الامتحان ولو مدخلتش يبقي هتعمل زي ما هنقولك في النقطة رقم 23 (ويغني عنه أي كتاب design aids بتستخدمه في الكلية)
6- لازم تفهم كويس أوي ان الحديد بس هو اللي بيشيل الشد (لأننا بنهمل مقاومة الخرسانة للشد) عشان كده الحديد بيتحط في اتجاه المومنت (اتجاه الشد)
لحد هنا قشطة ؟
🎯عشان تبدأ تصميم بقي لازم تفهم شوية حاجات في ال Structure :
7- الشد بيكون ناحية المومنت
8- لما تكون الركيزة من تحت (زي الأسقف والكمرات مثلا) بيكون المومنت الموجب في نص البحر .. والمومنت السالب عند الركيزة .. والعكس صحيح (هتقابلك في اللبشة) (باستثناء حالات خاصة مش عندك في المنهج)
9- بناء عالنقطة رقم 6 و 8 .. حديد التسليح بيتحط ناحية المومنت .. يعني في حالة البلاطات .. في نص البحر الحديد الأساسي هيبقي سفلي .. وعند الركائز هيبقي علوي وبالتالي لو فيه إضافي هيبقي في نفس الأماكن
و ‼️ .. لو عندك بحر صغير بين بحرين كبار اتأكد ان المومنت لحق ينزل موجب فيه لانه ممكن يتعلق كله سالب فوق
10- لما تكون القوي مركزة بيكون شكل الرسم بتاع المومنت خطوط مستقيمة .. ولو الحمل موزع بانتظام بيكون شكل الرسم منحني درجة تانية وهكذا
11- القاعدة الأساسية في رسم ال Shear .... "اطلع مع الطالع .. وانزل مع النازل" 😃

⏱ ركز بقي شوية في النقط اللي جاية دي:
12- حاول متفرضش قيم اجهادات من دماغك وتصمم عليها .. لأنك كده هتضيع درجة الاستركشر كلها
13- بما إنك طلعت المومنت غلط في الخطوة اللي فاتت .. حاول متطلعش بقي حديد التسليح غلط .. لأنك هتعرفه انك مش فاهم .. يعني لازم قيمة التسليح تكون منطقية .. لا هو عالي أوي .. ولا هو قليل أوي .. (مينفعش مثلا سوليد سلاب تعمله تسليحها فاي 16 😃)
ولما تعطل استعمل القانون ده عشان تشوف الحد الأدني للتسليح
(min st= 0.15*b*d) وده بال كجم وال سم
وده طبعا لأنك بتحل عالماشي لكن ده مش لكل حاجة 😃
14- أي منطقة فيها Shear كبير .. بنكثف فيها الكانات .. وده غالبا عند الركائز من الآخر 😃 يعني مثلا ال Minimum بتاع الكانات في الكمرات 5 فاي 8 للمتر .. يبقي تيجي عند الركيزة وتضاعف مرة ونص .. فيبقوا مثلا 8 فاي 8 /م
15- احفظ دي كويس أوووووووووووووووي "تداخل مومنت يعني تباعد حديد .. والعكس صحيح" .. غير كده كل سنة وانت طيب .. Fatal mistake ! 🤡.. زي السلم كده .. ولو جابلك كمرة مكسرة ولا حاجة اعرف انه عاوز يختبرك في دي 😃
16- الحديد الثانوي للكمرات (اللي فوق يعني ... أيووووة اللي بيتعلق فيه الكانة ده) بتكون قيمته 20 % من الحديد الأساسي للكمرة ومتقللوش عن 2 فاي 12 (ولو انه ينفع فاي 10)
17- أقصي عدد أسياخ ممكن ترصه في القطاع بييجي من العلاقة
(n=(b-25)/(@+25))
ال n هي أقصي عدد أسياخ ... و b هي عرض القطاع (الكمرة) و @ هي فاي (قطر السيخ) والأبعاد بالملليمتر
18- أقصي عدد للصفوف ممكن ترصه في الكمرة هو 3 صفوف .. ولو هتستعمل أكتر من صف متنساش تحط Spacer عالرسم (تخانة تفصل بين كل صف والتاني)
19- تسليح العمود بيكون رقم زوجي واوعي تكتب جنبه (/م) وتسليح القواعد والبلاطات ممكن يكون رقم زوجي أو فردي عادي وبيكون /م وتسليح الكمر بيكون رقم زوجي أو فردي ومش بيكون /م
20- القانونين الأساسيين في تصميم الخرسانة هم C1 & J ... يعني من الآخر هات المومنت والأبعاد واشتغل .. ولو معرفتش تجيب الأبعاد افرضها 😃
21- كل ما قطاع الخرسانة بيزيد .. التسليح بيقل .. والعكس صحيح لكن اوعي تنسي ال Minimum .. (ماعدا الحالات اللي فيها الحديد نسبة مئوية من الخرسانة زي الأعمدة)
22- زتونة ال Minimum اهي 😃
- في الكمرات 12 سم ... 2 فاي 12
- في الكمرات 25 سم ... 4 فاي 12
- في البلاطات السوليد ... 5 فاي 10 /م ... واوعي تنسي لكل متر دي
- في البلاطات الفلات ... علوي 6 فاي 10 /م ... وسفلي 6 فاي 12 /م ... وممكن في السلم تزود سيخ عشان خاطري انا 😃
- في الهولوبلوك ... للأعصاب 2 فاي 12 /ع ... والشبكة اللي فوق 5 فاي 10 /م
طبعا كل القيم اللي فوق دي بالحب 😃 ... يعني دي حاجة تمشي نفسك بيها في الامتحان بس لما تتزنق .. لكن بره الموضوع مختلف وكل عنصر ليه القانون الخاص بيه والتصميم الخاص بيه 😃
23- متحاولش تبرشم .. كل القوانين تقريبا موجودة أصلا في كتاب شاكر ... مش مطلوب غير انك تعرف مكانها بس 😃 (لو بتدخل الامتحان من غير كتاب شاكر يبقي عدي النقطة دي وبرشم القوانين 💃)

🎯 بالنسبة للرسم بقي يا اسطي .. خلي بالك من النقط دي:
24- الرسم أهم من النظري في معظم الكليات
25- لو قفلت معاك ومعرفتش تجيب أي قيمة للتسليح اعمل الرسمة من غير قيم وبينله انك فاهم الحديد بيتحط فين وأهو نص العمي ولا العمي كله 🫠
26- كانات العمود بتكمل جوه الكمرة .. لكن كانات الكمرة بتبدأ بعد وش العمود
27- قفل الكانة لازم يظهر في ال Cross section بتاع الكمرة .. وبيكون ناحية الضغط يا هندسة .. مش الشد
28- الكانات بتكون عمودية على القطاع .. يعني لو عندك كمرة مايلة ارسم الكانات عمودية عالقطاع .. مش رأسية
29- نظافة اللوحة مهمة جدا واوعي تنسي الأبعاد وأسماء المساقط والقطاعات
30- اعمل Share للبوست ده ومتوقفش السنس عندك 🥸

إعداد مهندس

عرض مرة واحدة فقط!
10 مقاعد بخصم 50% علي كورس التصميم الإنشائي في شبين الكوم والمنصورة والقاهرة ليكون سعر الكورس 1000 ج فقط 🔥

للحجز : سيب كومنت بالمكان اللي حابب تحضر فيه وهيتم التواصل معاك

مهندسين طلبة بالفرق الهندسية المختلفة وحديثي تخرج بالمنصورة للعمل كـ :
- Sales engineer
- Lecturer Assistant

شروط التقديم:
- أن يكون المتقدم دارس أو خريج بإحدى كليات الهندسة بالمنصورة ومجاوراتها (قسم هندسة مدنية)
- ألا تزيد فترة التخرج عن سنتين
- يشترط للتقديم على وظيفة (Lecturer assistant) إجادة برنامج الأوتوكاد

* أجور مادية مميزة + حوافز إضافية

التقديم من خلال الرابط التالي

Assistant and Sales engineer application - APC Academy

كورس التصميم الإنشائي الأشهر بالمنصورة مع م. عمرو ربيع لصيف 2023 - سجل اسمك من اللينك ده 👇
https://forms.gle/yFFYAK2NYewbeH4L6

الكورس هيبدأ معاك من الصفر وهيعلمك خطوة بخطوة لحد ما توصل لمرحلة تأهلك للعمل في المكاتب الهندسية
كمان الكورس بيغطي مشاريع التخرج (الخرسانة - الاستركشر - الأساسات)

هتتعلم في الكورس:
- برامج (الأوتوكاد - الإيتابس - السيف - السي اس كولوم - الاكسيل)
- هتتعلم عملية التصميم المعماري للمنشآت السكنية وهتتعرف على أهم متطلبات سوق العمل واشتراطات هيئة المجتمعات العمرانية الجديدة مع أهم الاشتراطات الأخيرة للحكومة المصرية
- هتدرس النظم الإنشائية بالتفصيل وهتعرف أنواعها المختلفة وازاي تقدر تختار النظام الإنشائي اللي يحقق أمان واقتصادية في نفس الوقت
- هتدرس الأحمال والإجهادات الخاصة بكل عنصر في المنشأ
- هتدرس تصميم جميع العناصر الإنشائية بالتفصيل (الأعمدة - الأساسات بأنواعها - البلاطات بأنواعها - الكمرات)
- هتدرس أحمال الرياح والزلازل وهتعرف ازاي تقدر تحسبها مانوال وباستخدام البرامج وكمان هتعرف ازاي تقدر تستخدم نظام إنشائي يقاوم الأحمال الجانبية وهنتعرف على أهم الأنظمة المستخدمة في مقاومة الأحمال الجانبية
- هتدرس تصميم الشير وول والكورس
- هتدرس حساب اتزان المبني ضد الدوران والانقلاب والإزاحة والطفو
- هندرس تصميم الأساسات المرتكزة على خوازيق وهنتعلم ازاي نقدر نحسب عدد الخوازيق اللازمة للمنشأ وازاي نقدر نوزعها بشكل صحيح
- هنتعرف على بعض الحالات التصميمية الخاصة

المحاضر: م. عمرو ربيع:
-----------------------
- مؤسس ومدير شركة أبك للإنشاءات والتدريب الهندسي
- مهندس تصميم إنشائي
- عمل على أكثر من 150 مشروع في مصر والسعودية والإمارات والسودان
- يدير عدد من المواقع الإنشائية التابعة للشركة
- له العديد من الكورسات والمؤلفات على الانترنت
- درب وحاضر لما يزيد عن 10000 مهندس
- صاحب الكلمة الافتتاحية لمؤتمر رواد الهندسة المدنية
- حاصل على دورة إدارة المشروعات الاحترافية PMP
- دارس بالماجستير المهني لإدارة الأعمال MBA

مدة الكورس:
-------------
24 محاضرة
3 محاضرات أسبوعيا
مدة المحاضرة 3:4 ساعات

سجل اسمك من اللينك ده
https://forms.gle/yFFYAK2NYewbeH4L6

#أبك

No one !
Me: بعد العيد

ربط التعليم النظري بالواقع العملي واحد من أهم الحاجات اللي لازم أي مهندس يتعلمها ويعرف هو ازاي بيوظف العلم ده في الواقع
كمان مهم جدا الربط بين التصميم والتنفيذ

الصورة لأحد تسليماتنا بأحد الكومباوندات الشهيرة 👌

لو محتاج تعرف معلومات عن كورس التصميم أو التنفيذ تقدر تتواصل معانا علي رسايل الصفحة

ايه رأيك في شغل الحدادة ده ؟

بمناسبة اليوم العالمي للمرأة
أي مهندسة هتعمل كومنت علي البوست ده هنبعتلها عرضين تختار منهم 🌹

#مجانا
كورس تعليم برنامج ETABS (المستوى الأول)

لينك الكورس في أول كومنت 👇

متنساس الشير 👌😉

من أعمالنا الأخيرة بالتجمع الخامس
مقترحين معماريين لقطعة من القطع المميزة مع استخدام متميز للمساحات
جاري العمل علي الواجهات والإنشائي 👌

مجانا ولمدة 4 أيام فقط !
أي حد هيعمل كومنت على البوست ده هنبعتله كود يقدر يحصل بيه على كورس تصميم الأعمدة الخرسانية للمهندس عمرو ربيع على منصة يوديمي بشكل مجاني تماما بدلا من 25$

الكورس مكون من 11 فيديو تغطي:
- تعريف العمود واستخداماته
- مكونات العمود ودراسة وفهم كل مكون
- أهمية الحديد الرأسي وحديد الكانات
- أنواع الأعمدة
- الأحمال المؤثرة على العمود
- الإجهادات المتولدة على العمود والحالات التصميمية للعمود
- استنتاج معادلة تصميم العمود لحالتي الـ ULT & Working
- دراسة الفرق في التصميم بين العمود الخرساني والعمود الخرساني المسلح
- خطوات تصميم العمود
- النسب الدنيا والقصوى لحديد التسليح للأعمدة
- طرق حساب القوة على الأعمدة
- حساب قطاع العمود وكمية التسليح اللازمة وطريقة توزيع الأسياخ داخل قطاع العمود
- أهم ملاحظات واشتراطات الكود المصري فيما يخص تصميم الأعمدة الخرسانية
- حساب الكانات اللازمة للأعمدة ودراسة كيفية توزيعها واختيار أشكالها
- دراسة قص (تقليل) قطاع العمود في الأدوار العليا بالتفصيل

المحاضرة الأخيرة تشمل خبرات تصميمية:
- كيفية تصميم العمود في دقيقة واحدة
- ازاي أقدر اعرف أذا كان المبني يقدر يستحمل أدوار عليا ولا لا
- كيفية حساب قطاعات العمود بشكل تقريبي في الواقع قبل البدء في التصميم الفعلي
- الوصول للحس الهندسي في تصميم الأعمدة الخرسانية

10 نصائح لأي مهندس حابب يدخل مجال التصميم الإنشائي:
-----------------------------
1- قبل التصميم بييجي الـ Structure analysis فلازم تكون فاهم ستركشر كويس وفاهم سلوك المنشآت تحت تأثير الأحمال وعارف اتجاهات الإجهادات المختلفة

2- مهم جدا كمان تكون فاهم الـ Stability عشان متعملش ستاتيكال سيستم ويكون فيه نقط ضعف غير متزنة

3- التصميم الإنشائي عبارة عن عملية (Process) ليها مجموعة خطوات ثابتة أيا كان نوع وشكل ومادة التصميم اللي هتعمله وخطوات عملية التصميم هي:
1- فهم خواص المواد الداخلة في التصميم (ويهمنا الخواص الميكانيكية)
2- فهم ومعرفة الأحمال المؤثرة على المنشأ المراد تصميمه
3- فهم ومعرفة الإجهادات الناتجة على عناصر المنشأ نتيجة الأحمال
4- خطوة التصميم (أبعاد خرسانية - قيمة حديد التسليح - تحقيق قطاع آمن - تحقيق قطاع اقتصادي)
5- التحقق (Check) ودي بتختلف من منشأ للتاني حسب حالة المنشأ والفئة التصميمية
6- إنهاء المشروع (إخراج اللوحات + النوتة الحسابية)

4- أهم التحققات الواجب التأكد منها وفقا للكود المصري:
1- التحقق من الاتزان ضد (الانبعاج - الإنزلاق - الإنقلاب - الطفو)
2- التحقق من الترخيم
3- التحقق من الشروخ والتأكد من أنها وفق الحدود المسموح بها وخصوصا لفئتي التصميم الثالثة والرابعة

5- كل شغل التصميم اللي بتعمله وشغل البرامج والحسابات مش هتبان في الآخر .. الحاجة الوحيدة اللي هتبان هي اللوحات بتاعتك .. عشان كده مهم جدا تكون بتعرف تطلع لوح شكلها نضيف وموفية كل البيانات المطلوبة وتكون بتعرف تعمل قطاعات توضيحية لأي جزء مش واضح

6- مهم جدا تتعلم البرامج المستخدمة في التصميم الإنشائي وأشهر البرامج استخداما هي الإيتابس والسيف ومهم أكتر تكون فاهم إن البرنامج ما هو إلا أداة بتسهل عليك وقت ومجهود .. ولكن نتائجها معتمدة بشكل كامل على مدخلاتك انت .. ووارد جدا تدخل حاجة غلط والنتائج تطلع غلط .. عشان كده مهم تكون فاهم ستركشر وفاهم تصميم مانوال

7- مفيش مشروع زي التاني في التصميم .. إلا لو المعماري متطابق .. ممكن يكون فيه تشابه بينهم .. لكن مش هيكونوا زي بعض بالظبط .. عشان كده لازم تتعامل مع كل مشروع بشكل مستقل وتشتغل عليه من الأول على إنه مشروع جديد مختلف عن اللي فات

8- مهم جدا يكون عندك إحساس بالأرقام اللي بتطلع وتكون فاهم ازاي تقدر تتحكم في الأرقام دي .. سواء كانت أبعاد قطاعات خرسانية أو كميات حديد

9- ضروري جدا تقرأ الكود .. وتكون فاهم وعارف بنوده .. لأن فيه بنود أوقات بتعمل فروقات كبيرة في الشغل (مش مهم تقرأ الكود بالكامل .. ممكن تقرأ اللي يفيدك كمصمم حاليا)

10- لازم دايما تطور مهاراتك وتتعلم أفكار وحاجات جديدة وده ممكن يتم من خلال حاجتين أساسيين .. الكتب والكورسات .. ومستتقلش قراية كتاب لأن الكتب فيها كمية علم كبيرة جدا

قولولنا ايه أكتر بوست في دول حابين نشتغل عليه:
1- أهم الكورسات اللي ممكن تاخدها في مجال التصميم
2- أهم الكتب اللي ممكن تقراها في مجال التصميم
3- مقتطفات من الكود المصري لمهندسي التصميم

#عرض لمدة أسبوع فقط
تم فتح باب الحجز لأقوي كورسين بنقدمهم من خلال #أبك
دبلومة التصميم الإنشائي ودبلومة التنفيذ لصيف 2023

أول ٢٠ مشترك هيكون ليهم خصم ٢٠٠ ج .. واللي هيحجز الدبلومتين هيكون ليه خصم ٥٠٠ ج
(دفع الاشتراك هيكون مقسم لأقساط تخفيفا علي المشتركين)

دبلومة التصميم هتكون متاحة في القاهرة - المنصورة - شبين الكوم
دبلومة التنفيذ هتكون متاحة في القاهرة

للحجز سيب كومنت بالكورس اللي حابب تحجزه وهنتواصل معاك 👌

فيه مبدأ مهم جدا في التصميم الإنشائي اسمه "مبدأ الحدين" .. او قاعدة الحدين
اللي هم الحد الأدني .. والحد الأقصي ودي اللي اتكلم عنها م. خليل واكد في كتابه "الحس الهندسي في تصميم الخرسانة المسلحة"

مهم جدا لأي مهندس تصميم إنه يكون فاهم الموضوع ده كويس لأن ده بيساعده جدا في الإحساس بقيمة النتائج اللي بتطلع من البرامج الإنشائية 👷‍♂️
ولازم تفهم إن أي عنصر إنشائي أيا كان .. في أي مبني أيا كان .. ومهما كانت الأحمال الواقعة عليه فيه حدود معينة مينفعش يقل عنها سواء في الأبعاد الخرسانية أو في قيم الحديد .. وكذلك فيه حد أقصي مينفعش تزيد عنه الخرسانة أو الحديد

والمصمم الشاطر هو اللي بيقدر يلعب في المساحة الموجودة بين الحدين دول .. عشان يطلع بأفضل قطاع آمن واقتصادي 👌

قيم الحد الأدني بقي للتسليح والأبعاد للقطاعات المختلفة هتكون معانا في بوستات جاية.

البوست اللي فات اتكلمنا فيه عن الوصايا السبع لمهندس التصميم الإنشائي والبوست ده هنتكلم فيه عن الخطايا السبع:

1- اعمل ستاتيكال سيستم وحش وحط فيه أعمدة كتير
2- كتر من زراعة الأعمدة عالفاضي
3- زود معاملات الأمان بغباوة عشان تقنع نفسك إنك في الـ Safe side !
4- طلع لوحات سيئة وناقصة بيانات
5- اسمع المعلومة ونفذها من غير ما تتأكد منها وتقرأ عنها بنفسك
6- اعتمد على نتائج البرامج ودايما قول "ما هي طالعة كده في البرنامج"
7- متطورش نفسك ولا تتعلم جديد .. وارجع لوم الظروف انك مش لاقي وظيفة أحسن في مكتب كبير

الوصايا السبع لمهندس التصميم الإنشائي:

1- لوحاتك بتعبر عنك .. لازم تهتم جدا بإخراج لوحات نضيفة وفيها كل التفاصيل اللي مهندس التنفيذ محتاجها
2- لازم تخلي تصميماتك اقتصادية خصوصا مع الارتفاع الجنوني في أسعار مواد البناء
3- افهم أساسيات التنفيذ عشان تتجنب أي حاجة رخمة تنفيذيا زي مثلا إنك تعمل العمود من الناحيتين خمسات
4- اتقن البرامج كويس جدا بس دايما خليك فاكر إنها مجرد أداة بتنفذ اللي بتطلبه منها فمتعتمدش عليها وتلغي تفكيرك
5- اوعي تبطل تتعلم وتقرأ في مجال التصميم لأنه مجال كبير جدا
6- الاستاتيكال سيستم هو رمانة الميزان للتصميم .. لو تمام فالباقي تمام .. وإلا هتعك كتير
7- بالله عليك يا شيخ تقرأ الكود

من خلال خبرتي في سوق العمل قابلت لوحات كتير جدا .. والحقيقة إن في كتير من الأوقات كانت بتبقي اللوحات مليانة عيوب .. عشان كده حاولت أجمعلك هنا أهم النصائح اللي ممكن تحسن بيها إخراج اللوحات بتاعتك:

1- بشكل أساسي يفضل دائما أن نعطي سمك كبير نسبيا (0.35 أو 0.4) لأي خط يعبر عن حدود خرسانية مثل الأعمدة أو الكمرات أو حدود البلاطات الخرسانية أو القواعد وهكذا وفي الغالب يكون سمك الخطوط المعبرة عن الخرسانة العادية هو نفسه سمك الخطوط المعبرة عن الخرسانة المسلحة.

2- يفضل أيضا إعطاء نفس السمك أو أعلي درجة لأسياخ التسليح المرسومة سواء كانت مرسومة في المساقط الأفقية مثل تسليح البلاطات أو في القطاعات التفصيلية.

3- يفضل عدم إعطاء سمك كبير للأبعاد وللمحاور وللنصوص المكتوبة وذلك لأنها تؤثر سلبا على شكل اللوحات أثناء الطباعة.

4- في لوحات المساقط الأفقية يجب أن تكون المحاور مرسومة ويجب أن تحتوي المحاور على أسماء المحاور وعلى الأبعاد بين المحاور ويجب على المصمم أن يتحقق من أن المحاور واحدة لجميع اللوحات فلا يجوز أن تختلف المحاور من لوحة إلي أخري إلا في حالات محدودة سنتعرض لها لاحقا.

5- يجب على المصمم أن يتأكد من تطابق اللوحات الإنشائية مع اللوحات المعمارية وأن يراجع المحاور الموجودة على اللوحات الإنشائية بالمحاور الموجودة على اللوحات المعمارية.

6- في حالة وجود محاور معمارية فإن الأفضل أن يلتزم بها المهندس الإنشائي ويمكنه أن يضيف إليها على أن يضع هذه المحاور الجديدة المضافة على اللوحات المعمارية أيضا ويمكن للمصمم أن يعيد ترقيم المحاور مرة أخرى بناء على العدد الجديد أو أن يعطي تسمية جديدة للمحور المضاف (مثلا إذا وقع المحور المضاف بين محور 3 ومحور 4 يمكن للمصمم أن يسمي المحور الجديد 3^/ وعليه أن يضيف هذا المحور للوحات المعمارية).

7- من المتعارف عليه أن المحاور الرأسية تسمي بالأرقام والمحاور الأفقية تسمي بالحروف وقد يختلف ذلك في حال كان عدد المحاور الأفقية كبير جدا فيمكن استخدام التسمية بالأرقام للمحاور الأفقية لتجنب تكرار الحروف أو استخدام الحروف المرقمة مثل أ1 وب1 وهكذا (وهذا بخلاف ما ذكر في دليل التفاصيل الإنشائية).

8- في بعض المشروعات قد تجد أن هناك محاور على اتجاهات مائلة أيضا وفي هذه الحالة يكون تسميتها بالحروف المرقمة أو بالحروف الإنجليزية.

9- يفضل أن تكون مقاسات حدود اللوحات جميعا واحدة فلا تكون لوحة أكبر من الأخري ويكون الإطار العام لجميع اللوحات ثابت على أن تختلف البيانات المكتوبة داخله فقط.

10- يتم تنسيق جميع اللوحات على استقامة واحدة رأسية أو أفقية داخل ملفات الأوتوكاد.

11- يفضل أن يقوم المصمم بترقيم اللوحات الخاصة بالمشروع (انشائي 1 – انشائي 2 - ... إلخ)

12- يجب أن تحتوي كل لوحة على البيانات الأساسية مثل إسم المشروع وإسم اللوحة وفريق العمل وإسم المكتب ومقياس الرسم والتاريخ وهكذا.

13- يفضل أن تكون لغة اللوحات واحدة فإما أن تكون اللوحات بالكامل باللغة العربية أو تكون بالكامل باللغة الإنجليزية ولا يفضل استخدام أكثر من لغة داخل نفس اللوحة.

14- يفضل دائما اختيار ألوان متناسقة للعمل على برنامج الأوتوكاد وأن يتم اختيار ألوان مناسبة للخلفية فإذا كانت الخلفية بيضاء يفضل استخدام الألوان الغامقة وإذا كانت الخلفية سوداء يفضل استخدام الألوان الفاتحة لأن ذلك يكون أكثر ملائمة وراحة للعين (وتعتبر هذه الملحوظة خاصة بالعمل داخل برنامج الأوتوكاد فقط حيث أن الطباعة في الغالب تكون بالأبيض والأسود فقط).

15- نص دليل التفاصيل الإنشائية في بنوده رقم 2-4 و2-5 على أن تكون مقاسات اللوح بالمقاسات الدولية المتعارف عليها ووضع الدليل شكلا عاما لإطار اللوحات والحدود الدنيا للهوامش المتروكة من جميع الاتجاهات حول الرسم ولكن عمليا لا يتم الرجوع لذلك حيث أننا نضع في الغالب قيم أكبر منها لتوضيح اللوحات وكذلك لا مانع من وجود بعض التغيرات في الشكل العام للإطار عما ذكر في دليل التفاصيل الإنشائية.

16- كذلك نص الدليل في البند رقم 2-6 على مقاسات الرسم المستخدمة بحيث ترسم الرسومات العامة للأبعاد الخرسانية أو الرسومات التنفيذية بمقياس رسم 1:50 أو 1:100 ويمكن أن تزيد المساقط الأفقية والقطاعات لتصل إلي 1:25 ولكن أيضا عمليا فإن في الكثير من المشروعات لا نتقيد بمقاييس الرسم بشكل كبير حيث أننا نلجأ للطباعة بنظام (fit to paper) وهو ما يتيح إمكانية تكبير أي رسمة دون الحاجة لتغيير مقياس الرسم الخاص بها ,ولكن في حال وجود أكثر من رسمة مختلفة داخل نفس اللوحة فإنه يمكن استخدام مقياس الرسم لتكبير أجزاء معينة من الرسم مثل القطاعات.


17- يتم تحديد المناسيب على المساقط الأفقية خصوصا في الأسقف التي تحتوي على فروق في المناسيب ويفضل تأكيد هذه المناسيب على قطاعات رأسية كما يفضل أن تكون المناسيب لسطح الخرسانة وليس لسطح التشطيب.

18- في حالة استخدام طريقة الـ Pen assignment في الطباعة (أي تحديد ألوان وسماكات محددة للمشروع بالكامل) فإنه يجب توضيح تفاصيل ألوان وسماكات الخطوط المستخدمة حتي لا يحدث أي تغيير عند الطباعة.

19- يجب التأكد من تنسيب العناصر الخرسانية وخصوصا الأعمدة للمحاور الخاصة بها حيث أننا كثيرا ما نجد أعمدة دون تنسيب مما يعيق عمليى تحطيط العمود في الموقع

20- تأكد من كتابة ملاحظاتك الهامة في مكان واضح وملحوظ باللوحة (ويفضل في مكان الملاحظات) ولا تقم بتوزيعها بشكل عشوائي جانب وأسفل اللوحة

يجب مراعاة أن الملاحظات السابقة هي ملاحظات عامة وأنه يمكن لكل مكتب أو شركة أن تضع ملاحظات معينة خاصة بإخراج اللوحات بها وعلى العاملين بالمكتب التقيد بها وفي الغالب ستقع هذه الملاحظات ضمن الإطار العام للملاحظات أعلاه.

دي ملاحظات للوحات كلها بشكل عام وإن شاء الله في بوستات جاية هنركز على كل لوحة بتفاصيلها

متنساش تعمل شير للبوست

جاري العمل على كتاب "إخراج اللوحات الإنشائية بصورة احترافية"
الكتاب هيغطي إخراج اللوحات الإنشائية باللغتين العربية والانجليزية نظرا لمتطلبات وتغيرات سوق العمل حاليا وهيكون بإذن الله أول كتاب كامل مخصص في إخراج اللوحات
الكتاب هيكون مهم جدا نظرا لكم الملاحظات والأخطاء اللي بنقابلها كل يوم في اللوحات

احجز نسختك المجانية بعمل كومنت وشير للبوست ده

البوست ده لازم تقراه كمهندس مدني .. ولو مش فاضي اعمله save لأنه هيفيدك جدا 😉
100 معلومة لازم تكون عارفهم كـمهندس :
1- مبدئيا لو انت طالب لازم تفهم ان الوقت مش هيكفي انك تخلص امتحان الخرسانة 😃
2- انت المصمم يعني انت اللي تقول أكشن .. يعني من الآخر انت اللي تمشي الحمل زي ما انت عاوز
3- أهم حاجة في التصميم انك تكون فاهم مش حافظ
4- مفيش حاجة اسمها هي كده وخلاص .. أو احنا اتعلمناها كده .. في حاجة اسمها إنك تتقبل كل الآراء وتتعلم كل حاجة جديدة
5- معظم العناصر اللي بتصممها ليها نفس المبدأ في التصميم وتقريبا الاختلاف بيكون في طريقة الـ analysis عشان تحسب القوي والاجهادات اللي هتصمم عليها
6- كلمة تصميم دي معناها إنك بتعمل 4 حاجات (قطاع خرساني – حديد تسليح – قطاع آمن – قطاع اقتصادي) وركز على كلمة اقتصادي دي في الأوضاع اللي احنا فيها
7- لازم تكون بتعرف تعمل check علي أي حاجة وكل حاجة
8- الحديد بيشيل ضغط برده اقسم بالله
9- تزود خرسانة تقلل حديد .. تقلل خرسانة تزود حديد .. مالم تكن مقيد بنسبة (ده في القطاعات المعرضة لعزوم بشكل أساسي)
10- مفيش مهندس تصميم ميعرفش يعني ايه Long term deflection
11- متعترضش علي تصميم حد تاني من غير ما تسأله
12- يفضل تكون فاهم اساسيات التنفيذ عشان متعقدش مهندسين التنفيذ بتصميمك
13- في حاجة في الزلازل اسمها response spectrum حاول تعرف عنها أكتر
14- لو مش عارف متفتيش
15- مفيش مهندس تصميم مش فاهم ستركشر
16- مفيش fcu في شغل الاهالي قيمتها 350 كجم/سم2
17- مفيش تصميم أصلا لشغل الأهالي 😃
18- المهندس بيتعرف من سلمه
19- مينفعش تأخد حمل الرياح والزلازل في حالة تحميل واحدة .. ده مش critical .. ده كوكتيل
20- مفيش فاي 14 ولا فاي 20 في مصر (باستثناء الطلبيات الخاصة) .. فمتفكرش تستعملهم ومتكترش من فاي 25 في المنشآت الاعتيادية زي المباني السكنية
21- مهندس التصميم مرتبه أقل من مهندس التنفيذ .. متنساش إنك قاعد في التكييف ومحدش بياخد كل حاجة😃
22- مهندس تصميم = لوح نظيفة .. مش صح إنك تكون فاهم اوي .. بس لوحك مش حلوة
23- الحاجات اللي بتاخد بالك منها في تصميم الاساسات :stress, shear, moment
24- الحاجات اللي بتاخد بالك منها بشكل أساسي فى الأعمدة: العمود long ولا short .. حمل العمود .. والمومنت "إن وجد"
25- الحاجات اللي بتاخد بالك منها في الكمرات: deflection ,shear, moment
26- الحاجات اللي بتاخد بالك منها في البلاطات: Deflection, Punch, M11, M22
27- بصفة عامة ممكن تشيّك عالشروخ في اي عنصر خصوصا البلاطات

• بالنسبة للأساسات:
-----------------------
28- كفر القواعد من 5 ل7 سم
29- أقل قطر تستعمله في التسليح هو12مم
30- أقل مسافة عملية بين سيخيين 7سم
31- أقل ارتفاع قاعدة "عمليا" 50 سم (نص الكود 30 سم)
32- رفرفة القاعدة من وش العمود يفضل متقلش عن سمك القاعدة (نص الكود ألا تقل مسافة القاعدة المسلحة الحاملة عن 60 سم)
33- لازم كانات العمود تكمل جوه القواعد
34- تسليح السمل علوي وسلفي زي بعض طالما انك مش هتصمم السمل على حالات التحميل المختلفة
35- متفتحتش قاعدتين منفصلتين علي بعض وتسكت .. صممهم تاني combined
36- الـ strap ده الشداد والـ strip دي القاعدة الشريطية .. عيب لما تتلغبط بينهم
37- أفضل تصميم للقاعدة المنفصلة ان يكون الرفرفة في كل النواحي متساوية
38- القاعدة المنفصلة ملهاش تسليح علوي رئيسي
39- الإضافي السفلي في اللبشة في الحالات الاعتيادية عند الاعمدة والعلوي في نص البحر (عكس الفلات سلاب)
40- الBearing capacity مش دايما 1.5 والله

• بالنسبة للأعمدة:
-------------------
41- أقل قطاع عمليا 25*40 ولو شغال فلات سلاب خليه 30*40 باستثناء الاعمدة اللي شايلة دور واحد أو الشخشيخة مثلا
42- أقل بعد في الكود 20 سم بس احنا بنعمله 25سم (للاعمدة المربعة او المستطيلة)
43- اقل قطر لعمود دائري 30سم
44- اقل عدد اسياخ للعمود المربع او المستطيل 4 اسياخ بحد أقصي عمود (30*30)
45- اقل عدد اسياخ للعمود الدائري 6 اسياخ
46- اقل مسافة بين سيخين بناخدها عمليا 7 سم واقصي مسافة 25 سم
47- اقصي مسافة بين فرعي كانة 30 سم
48- العمود بصفة عامة بيشيل ضغط يعني مينفعش البرنامج يطلعلك رد فعل العمود بالسالب وباقي الاعمدة بالموجب وتكمل شغل عادي 😃
49- كانات الأعمدة بتكمل جوه الكمرات والاسقف
50- عدد أسياخ العمود زوجي فلو طلعلك مثلا 13 سيخ .. خليهم 14
51- بلاش تستعمل قطرين مختلفين ولا في عمود ولافي كمرة (عالرغم إنه ينفع بس مش مستحب)
52- متعملش عمود 35*55 ولا 35*75 خليه 35*60 او35*80 مثلا .. يعني خلي جنب 5 وجنب 10 عشان التنفيذ (عرض لوح الخشب وكده)
53- يفضل وضع العمود في الإتجاه الطويل للباكية

• بالنسبة للبلاطات:
---------------------
54- أقل قطر تستعمله فاي 10
55- أقل مسافة عملية بين سيخين 7 سم
56- البلاطة الهوردي هي الهولوبك بس متفهمش ليه بيقولوا هوردي
57- حط فواتير حول الفتحات في الفلات ساب
58- الاضافي بيكون من نفس قطر الشبكة أو الدرجة الاكبر
59- اقل شبكة تستخدمها 5 فاي 10/م
60- وزن الحوائط مش 0.2 t/m2 ولا هو قيمة ثابتة اصلا انت المفروض بتحسبه
61- وانت بتحسب بقي وزن الحوائط اضربه في 1.5 عشان تاخد وزن المحارة بالمرة
62- كذلك ال live load مش دايما 0.2 t/m2 ادخل في كود الاحمال وشوف كل مبني حمله عامل ازاي
63- الحديد الاضافي بيكون شبكة او نص الشبكة
64- طول الاضافي بيكون رقم من عوامل ال 12 يعني 12 تقبل القسمة عليه
65- مفيش كمرة مدفونة في سوليد سلاب
66- ابقي زود تسليح السلم شوية
67- متفتحش كمرتين علي بعض في لوحة الانشائي
68- تسليح الكمرات مبيبقاش (/م)
69- الفرش في كل حاجة في الاتجاه الطويل .. ماعدا السوليد سلاب
70- لازم تفهم كويس أوي ان الحديد بس هو اللي بيشيل الشد (لأننا بنهمل مقاومة الخرسانة للشد) عشان كده الحديد بيتحط في اتجاه المومنت
71- الشد دايما بيكون ناحية المومنت .. دايمااااااا
72- لما تكون الركيزة من تحت (زي الأسقف والكمرات مثلا) بيكون المومنت الموجب في نص البحر .. والمومنت السالب عند الركيزة .. والعكس صحيح (هتقابلك في اللبشة بس)
73- بناء عالـ 3 نقط اللي فاتوا .. حديد التسليح بيتحط ناحية المومنت .. يعني في حالة البلاطات في نص البحر الحديد الأساسي هيبقي سفلي .. وعند الركائز هيبقي علوي واللبشة العكس طبعا
74- احفظ دي كويس أوووووووووووووووي "تداخل مومنت يعني تباعد حديد .. والعكس صحيح" .. غير كده كل سنة وانت طيب .. Fatal mistake ! 😃 .. زي السلم كده
75- الحديد الثانوي للكمرات (اللي فوق يعني ... أيووووة اللي بيتعلق فيه الكانة ده) بتكون قيمته 20 % من الحديد الأساسي للكمرة
76- أقصي عدد أسياخ ممكن ترصه في القطاع بييجي من العلاقة (n=(b-25)/(@+25)) .. ال n هي أقصي عدد أسياخ ... و b هي عرض القطاع (الكمرة) و @ هي فاي (قطر السيخ)
77- أقصي عدد للصفوف ممكن ترصه في الكمرة هو 3 صفوف .. ولو هتستعمل أكتر من صف متنساش تحط Spacer .. اللي هي في الموقع اسمها "تخانة"
78- أي قطاع عليه M & N بيكون تسليحه أقل شوية من القطاع اللي عليه M بس وبيكون أقل بحاجة بسيطة .. (سيخين مثلا)
79- الإيتابس هو الساب بس علي نضيف شوية
80- لو هتشتغل تصميم يبقي تشتغل صح وطبقا للكود .. مش بالحب .. يا إما تخليك تنفيذ أحسن

81- أساسيات لوحة المحاور والاعمدة:
----------------------------------------
-- كل عمود يمر به محورين .. واحد في اتجاه X .. والتاني في اتجاه Y
-- كل عمود يتكتب بُعده عن المحور بتاعه
-- كل عمود يتكتب عليه اسمه (ع1,ع2, ..)
-- لازم تعمل جدول لقطاعات الأعمدة وتسليحها
-- ملاحظات الأعمدة

82- لوحة القواعد المنفصلة لازم يكون فيها:
-----------------------------------------------
-- أسماء القواعد (ق1 , ق2 , ....)
-- أسامي السملات
-- ملاحظات اللوحة
-- جدول لقطاعات القواعد العادية والمنفصلة
-- جدول تسليح السملات والشدادات

83- لوحة الأسقف أو اللبشة لازم يكون فيها:
-----------------------------------------------
-- سمك البلاطة أو اللبشة
-- أسماء الكمرات (ك1, ك2, ...)
-- أماكن التهبيط والـ drops
-- التسليح الأساسي والإضافي
-- جدول تسليح الكمرات
-- ملاحظات اللوحة

84- متنساش وزن البلوكات في الهولوبلوك
85- متاخدش ملاحظات أي لوحة كوبي وبيست بدون مراجعة
86- كل اللوح لازم يكون فيها المحاور والابعاد بين المحاور ويفضل الابعاد تكون من الـ 4 جهات
87- مينفعش تلغي محاور المعماري وتحط محاور خاصة بيك كانشإئي .. لو المعماري كان حاطط محاور لازم تلتزم بمحاورالمعماري (ومسموح بالزيادة لكن تطبق على كل اللوح)
88- احترس من قاعدة (الدائرة المغلقة) وانت بتحط الكمرات لأنها مش محبذة
89- انت والمعماري بتكملوا بعض .. مش لازم تحط عليه وتخليه يرحل الباب عِند
90- متاخدش نتيجة البرنامج عمياني لازم يكون عندك سنس
91- عشان يكون عندك سنس صمم مانوال كثير وراجع تصميمك مع حد كبير
92- في الخرسانة انت بتسيف القطاع بالحديد .. مش بتعمل check زي الاستيل
93- عدد مهندسين التصميم تقريبا 5% من المهندسين ففرصتك مش كبيرة إنك تشتغل تصميم زي التنفيذ .. عشان كده لازم تكون مؤهل كويس جدا عشان تجبر أصحاب الشركات إنهم يختاروك انت
94- برامج التحليل زي الEtabs والـ Safe مثلا بتعمل ديزاين كامل مش analysis بس .. اه والله بس احنا مش بنعمل تصميم بيها جوه مصر لأنها بتصمم على أكواد أجنبية
95- شيت الإكسيل هو نفسه التصميم مانوال بس بيوفرلك وقت .. لكنه مش برنامج ولا حاجة
96- حاول تقرأ ورق م. ياسر الليثي كله وتفهمه كويس كبداية ليك في تعلم التصميم
97- لازم تكون فاهم ازاي تتعامل مع البرامج كويس جدا
98- عمرك ماهتوصل لنهاية التصميم .. انت هتفضل تتعلم لحد ما تموت
99- الكتب والمراجع الكبيرة فيها علم كبير جدا .. متكتفيش بالكورسات والفيديوهات
100- متنساش تعمل شير للبوست ده بقي عشان أنا تعبت فيه :D