Thuthangtha hi ka zahpi hrimhrim lo

Kutthlir in Thlacam rero
uhsih, Baamphar in
Bawipa sawm
uhsin.

Rev. Dr. Enoch Lai Nei Pui - Zumtu Nun Le Covo Zalennak Thupi : Zumtu Nun Le Covo ZalennakSpeaker : Rev. Dr. Enoch Lai Nei Pui 𝗣𝗲𝗵𝘁𝗹𝗮𝗶𝗵𝗻𝗮𝗸++++++++Phone + Viber + WhatsApp + Telegram+61 421 84 11...

Part (3)

966 BC
Solomon in Moriah tlang ah biakinn sak a thok. Moriah tlang cu Abraham in Isaac a rak hlantumnak kha a siih, David khalin biakṭheng a rak donnak tlang a si. Biakinn hi k*m 7 sung sak a siih pi 90 sau, pi 30 kau le pi 45 sang ih sak a si (1 Siang.6:2). Ziangkim David ih timlam cia a si bang in Biak inn an sak tikah thawmvang awn ruri a um lo (1 Siang.6:7).

930 BC
Uknak ṭhen 2 ah a phel: Solomon ih fapa Rohoboam in siangpahrang a ṭuan ih, mipi lam ihsin phur zang ter deuh dingih dilnak a cohlan sak lo ih tlun ah phur rit a bet ih Israel hrinhnam 10 ral an tho ih anmah ten uknak an din. Cutin Israel uknak cu ṭhen hnih ah a phel. Saklam ah hrin hnam 10 an um ih Israel uknak (Kingdom of Israel) tiah kawh a si, siangpahrang hmaisa bik cu Jeroboam a si. Cun thlanglam ih a tangmi hrinhnam 2 Judah le Benjamin cu Judah uknak (Kingdom of Judah) tiih theih a si.

930-722 BC
K*m 200 uak deuh sungah mi 20 in Israel siangpahrang an tuah. Israel siangpahrang lakah zohman Pathian ṭinzahtu an um lo. Siangpahrang neta bik hi Hoshea a si ih amah in siangpahrang a ṭuan laiah Assiria pawl in Israel pawl cu an do ih an khawpi Samari khal la in cutin Assiria sal ah an tang lanta, an kir sal ti vek khal um nawn loin an thuanthu a dai.

930-586 BC
K*m 344 sungah mi 20 in Judah siangpahrang an ṭuan. A ṭhen cu Pathian ṭihzah an siih a ṭhen cu Pathian ṭihzah lo an si.

605 BC
Jehoiakim in Judah siangpahrang a ṭuan laiah Babilon in Judah ram a do ih mi ṭhenkhat sal ah an hruai. Himi caan ih Babilon siangpahrang cu Nebuchadnezzar a si ih sal an kaihmi lakah Daniel, Meshach, Shadrach le Abednego pawl an tel ve (Dan.1:1-7).

597 BC
Jehoiachin in Judah siangpahrang a ṭuan laiah Nebuchadnezzar hohanak in Babilon pawl in Judah ram an run do sal ih Judah siangpahrang Jehoiachin tellin mi 10000 lai sal ah hruai an siih, mi farahtete pawl lawng tan an si (2 Siang.24:8-16). A tan sun pawl uktu dingah Nebuchadnezzar Zedekiah cu Israel siangpahrang ah a tuah.

586 BC
Judah pawl in Babilon an do ih cu tikah Babilon pawl in Jerusalem phar dawl cu an ti siat ih himi ṭum ahcun Judah mi an za te deuh thaw in sal ah hruai an si (2 Siang 24,25). Cutin Judah pawl cu profet Jeremiah ih a phuan cia vekin k*m 70 sung Babilon sal ah an tang (Jer.29:10).

539 BC
Babilon a duai: Babilon siangpahrang Belshazzar cun a pa Nebuchadnezzar in Judah ram a do laiih a rak lak mi Pathian biakinn sungih hmanmi khuathai pawl cu zu innak ah a hmang. Pathian in k*t hmangin phar parah siangpahrang a tluknak ding ca a run ngan. Cui zan rori ah Media mi Darias in Babilon ram cu a lak ih Belshazzar khal thah a si (Dan.5:1-30)

537 BC
Jeremiah ih a rak sim cia bangin sal an tannak k*m 70 a kim tikah, himi k*m ih Persia siangpahrang Sairas in Judah mi pawl cu an ram ih tlung dingin a siang ih minung tampi an tlung, an za ten an tlung lo. Himi ṭum ih Biakinn saksal ding hi an thupi bik a siih Nebuchadnezzar in a rak lakmi Biak inn kheng kho pawl khal Judah mi pawl hnenah a pe kir sal thluh ih an kir tikah Zerubbabel ho in biakinn an sak sal (Ezr.1-3). Zerubbabel cu Biakinn tung ding saltu a si.

516 BC
Biakinn an sak sal tikah harsatnak tampi an tong. Asinan Pathian in a umpi ih Darias in Babilon siangpahrang a ṭuanlai ah biakinn cu an sak theh thei (Ezr.6:13-15). Himi caan te hi Haggai le Zekhariah prophet an si lai caan a siih anmah ih thuphuanmi thawng in an hnaṭuan a sawt zet.

479-474 BC
Himi k*m le caan ah Judah mi Esther cu Persia siangpahrang bawinu ah a cang ih amah hmangin Pathian in Judah mi pawl cu Haman ih thusia tawlrelmi Judah mi pawl thah theh ding timi thihthluh theinak lak ihsin a run suak hai. Cumi cu Judah mi pawl hrangah thuanthu poimawh zet ah a rung cang Purin puai an tuah ringring nak san khal himi ruangah a si. Purin puai a rak hman thok hmaisa bik cu Esther san ah a si (Est.9:26)

458 - 457 BC
Persia siangpahrang Artaxerxes in Ezra cu Jerusalem ah a kuat. Ezra hoha nakin a tum hnihnak ah Judah mi ziang maw ti zat an ram ah an kir sal. Ezra in Pathian ih daan thu pawl a zirh ciamco. Cutik ah an lung tho te in ramdang mi nupi in an neihmi pawl cu 27, March, 457 BC ah an ṭhen (Ezr.10:3). Ezra cu Pathian ih dan tung ding saltu a si.

444 BC
Nehemiah hohanak in Judah pawl cu an ram ah an kir sal ih, amah ih hohanak in Jerusalem phar dawlpi an tungding sal. Nehemiah cu Jerusalem phardawl tungding tu a si. Cutin Judah pawl cu a ram tungding ngah sal in anmah te uk awknak nei sal theiin k*m tawk fang an rung feh Profet pawl hmangin Pathian in a thu a phuang.

(Thubet: Siangpahrang Nebuchadnezzar in a mang ih mi nung lem tumpi a hmuhmi a lu (sui ih tuahmi) cu Babilon uknak a si. Cun milem a hmuh mi ih a ṭaang le k*t – Ngun ih tuahmi cu Persia uknak a si. Babilon uknak san ah Judah pawl sal ih kaih an siih, Persia uknak san ah Judah pawl an ram ah an kir sal, Cutin Thukam hlun cu a net).

Peh lai dingmi : Thukam hlun le Thukam thar karlak k*m 400 sung ih thil thleng tlangpi

Source
(Sharon Rusten with E. Michael - The Complete Book of When & Where in the Bible and throughout History)

SAWMNAK
************
Duhdawtmi hmuntin(ram sung le ram leng) ih um facebook rualpipawl Pathian lamhruainak in Green Life Ministry in hmaizarhsung(January 22 - 28, 2024 ) ah NEHNAK NUN "Ziangrungah SUAL in, in NEH ṭheu?" ti mi thupi sirhsan in, online(ZOOM CRUSADE) thuthangṭha simnak, pawlkawmawk program kan nei ding. Can pein rak ngai cio dingah Bawi Khrih hmin in kan lo sawm.

SPEAKER : Evan Lal Hre Luai
Date : Jan 22 - 28, 2024
Time : 10:00pm ○SG/ MYS
8:30pm ●Myanmar
ZOOM : ID: 4368511979
Passcode : GLM 2023

Join Us!
You are invited
Thanks/ Kan lungawi

K*m 9 mi Sarmon rak ngai ve uh.

A RA CING DING - David Lal Nun Sang. Sarmon

A RA CING DING - David Lal Nun Sang. Sarmon

1/10 Ṭhenhra Ṭhenkhat - Rev. Dr. Rual Uk : 1/0 Ṭhenhra ṬhenkhatSpeaker: Rev. Dr. Rual Uk𝗣𝗲𝗵𝘁𝗹𝗮𝗶𝗵𝗻𝗮𝗸++++++++Phone + Viber + WhatsApp + Telegram+61 421 84 1138 (Aust...