اكلات ام روني

أكلة طيبة وبحبها كثير ..
لبن أمه ..
لبن ماعز رايب مطبوخ بالدجاج .... ورُز فلفل مع الشعرية والتزيين قرفة ..
وصنية بطاطا مع فخاد الدجاج والبصل بالفرن .
الف صحة 🥰👍

أطيب محشي كوسى مع ورق العنب وستيكات العجل ولبن رايب ..
ألف صحة 👍🥰

أجا عبالي اعمل جاط تبوله الف صحة 🥰👍

اجا عبالي إسا اعمل كمان مرة عجينة للبيتسا وزعتر مع جبنة عربية .. المقادير العجينة انا نزلتها قبل 6 ساعات . العجينة بالفطير بسبانخ ..

عجينة قُطنية بتجنن جربوها كثير طيبة وطعمها لذيذ جداً جداً الف صحة😍👍

اطيب فطير بسبانخ وبجبنة عربية ..
مقادير العجينة .. وهاي مقدار العجينة تصلح للبيتسا وكل المعجنات ... والطريقة ..
كيلو طحين ( دقيق )
ملعقتين كبيرة خميرة ..
ملعقطين كبيرة سكر ..
ملعقة كبيرة ملح ..
منخلطهن مع بعض .. ثم نضيف عليهم كوب زيت ذره .. منبسهن كثير منيح باليد لمدة 10 دقائق..
ثم نضيف عليهم كوب وثلاث ارباع من الماء الدافئ نعجنهن مع بعض باليد لمد ربع ساعة ..
ترتاح العجينة لمدة ساعة ..
ثم نقطع العجينة دوائر صغيرة .. وترتاح لمدة 5 دقائق.. ونباشر بالرق والحشة ..
والخبيز بالفرن على اعلى درجة حرارة ونضع الصنية بالفرن بالوسط ونشعل الفرن من الاعلى والاسفل ..

طريقة السبانخ ..كيلو ونص سبانخ..
نغسل السبانخ بالماء البارد ..
ونفرم السبانح فرم صغير ..ونرش عليهم ملح .. ومن حين لآخر نحركهن حتى تدبل ورق السبانخ..
نعصر السبانخ باليد ونضعهم في واع غميق ونرش عليهم رشة قرفة .. رشة بهار .. رشة جوزالطيب .. رشة ملحلمون و ثلاث ملاعق كبار سُماق ..
وفليفلة حلوة مهروسة .. وقليل من الفليفلة الحارة مهروسة ..

ملاحظة ..
طريقة البصل ..
5 راس كبير بصل مفروم ناعم ونضعهم بلمقلاة مع ملعقتين كبار زيت زتون حتى يتدبل البصل ويبرد ونضعهم فوق السبانخ ونخلطهم جيد.. ثم نباشر بالعمل ..
جربوها للعجينة كثير طيبة ..
الف صحة 👍😍

فطور خفيف . هذا فطوري اليوم .. بيض مسلوق والتزيين سلطة ملفوف . وسلطة جزر . وخيار . وزتون الف صحة 🙏🥰

اكلات طَيبين كثير ..
ونشكر الرب على نعَمهُ وعطايا ..
شيشبرك .. فصوليا بيضة (مو علب ) انا بنقعها .. رُز مفلفل مع الشعريه ..
الف صحة 🥰👍👍

هاي المقدار العجينة تصلح لكل المعجنات ..
اجا عبالي أسا اعمل فطير ..

اطيب فطير (ب السلق )
مقادير العجينه والطريقة

اول مرحلة. .
انا جبت طُشط غميق مخصص للعجين ..
وضعت في ثلاث ارباع من الكيلو الطحين .. وملعقة كبيره ونص من الخميره .. ملعقة كبيرة سكر .. ملعقة صغيرة ملح .. ثلاث ارباع من الكوب الزيت النباتي ..
خلطهن باليد كثير منيح حتى الطحين يتغلف بالزيت ..لمدة ربع ساعة ..
ومن بعد نضيف الماء الفاتر على الطحين حسب الحاجة وبعجن لمدة ربع ساعة .. ونغلف الطشط بكيس نايلول ونغطي بشرشف صغير مخصص للعجين ويتخمر لمدة ساعة ..ثم نباشر ب العمل ..
طريقة السلق ..
المرحلة الاولى بغسل السلق عدة مرات بالماء
ثم نقطع السلق حجم صغير .. ..
بضيف بصل المقدار حسب الزوء وبفرم قطع صغيرة وبضيفو بالمقلاة على النار مع الزيت الزيتون حتى البصل يدبل قليل وبضيف عليه رشة ملح ورشة فلفل اسود .. وبضيف فليفله حلوه مهروسة . وقليل من الفليفلة الحاره المهروسة ورشة ملح ورشة سُماق وبضيفهن على السلق مع رشة ملح اليمون ورشة بسيطة من الكمون ..بخلطهن كثير منيح .. وبحشي العجينة الف صحة 🥰👍👍

اطيب هريسة جربوها كثير طيبة ..
المقادير والطريقة. .
المرحلة الاولى بحضر طشط غميق . وبضيف في داخله 2 كوب سميد ناعم .. و كوب ونص برش جوز الهند .. ظرف باكم باودر .. ظرف سكرفانيل .. نصف كوب سكر .. رشة ملح ..بخلط كل الخليط مع بعض ..
المرحلة التانية ..
بضيف عليهن نصف كوب زيت ذره .. كوب لبن رايب .. وكوب ماء بارد .. بخلطهن كثير منيح .. وبحضر صنية وبمسحها قليل من الزيت وبغلفها برشة طحين .. . وبضيف الخليط بالصنية .
ونشعل الفرن قبل ب 10 دقائق من الاعلى والاسفل . وبضيف الصنية بوسط الفرن ..درجة الحرارة الفرن 180 درجة. ونراقب الصنية حتى تتحمر .. ثم بضيف القطر يكون بارد ..
مقادير القطر ..2 كوب سكر وكوب ماء وعصره حامض ..
ملاحظة .. الهريسة ساخنة والقطر بارد .. او بالعكس..
الف صحة 🤩

اطيب كُبه مع لحمة الماعز المطحوني مَرَتَين .. والتزيين خيار .. مع الحوسة الحمة مفرومه عجل وخروف .. والتزيين صنوبر ولوز محمص وبصل مفروم بالزيت الزيتون ..
وكوسى محشى وورق العنب .. ورقبة خروف مقطع شُقَف ..

طريقة الكُبه ..
اكيد الكل بعملها على طريقتهُ الخاصة ..
بالنسبة لي انا عملتها بهاي الطريقة ..

اول شي بغسل البرغل الناعم الاسمر ..
انا عملت مقدار 4 كوب برغل ..كيلو و200 غرام لحمة ماعز ..
المرحلى الاولى انا غسلت البرغل من غير نقع . وضعطهن على سِدر كبير .. ضفت عليهن رشة ملح حسب الزوء .. وملعقة صغيره حبق ( مطحون (فرِش ) ورشة مردكوش .. ورشة بهار .. ورشة جوزالطيب .. ورشة قرفة .. ورشة كمون .. ورشة بهار الكُبة .. وفليفلة (جمبه) حلوه مهروسة .. وقليل حسب الزوء فليفله حاره مهروسة .. بخلطهن باليد كثير كثير منيح .. وبكون محضرة من زيت الحوسه يكون بارد .. كثير طيبة منكها من الحمة والبصل .. بدعكهن باليد كثير منيح حتى يمتص البرغل بالنكهات ..
المرحلة التانية ..
بضيف الحمة على البرغل وبدعكهن باليد كثير منيح حتى تتنكه الحمة مع البرغل . جربوها هاي الطريقة طعمها لذيذ جداً ..
والف صحة 🥰👍

اطيب بيتسا بالجبن و مناقيش بالزعتر..

انا مش متوفر عندي حالياً عجينة المناقيش ..
انا استخدمت للبيتسا وللمناقيش بزعتر .. خبز عربي فتحته وعملت منه البيتسا والمناقيش بزعتر جربوها كثير طيبين ..
وبالنسبة للجبنة انا بحب اجيبها شقف وانا ابرشها وأفرزها .. وقت ما بحتاج بستعمل منها..
الف صحة 🥰👍

كعكة الشوكو السفنجية .. .
المقادير ..

المرحلة الاولى..
4 حبات بيض .. 1 كوب سكر .. 1 ظرف سكر فانيل .... 1 كوب زيت ذره .. 1 كوب حليب .. نخلطهم مع بعض ....
المرحلة التانية. ..
نضيف على الخليط ..
1 كوب شوكو بودرة ..
1 ملعقة كبيرة نسكافي ..
2 كوب طحين .. 1 ظرف باكم باودر .. ملعقة كبيرة روم سائل ....
نشعل الفرن مسبقًا قبل 10. دقائق .. ونشعل الفرن من الاعلى والاسفل ونضع الصنية بالوسط الفرن .. عيار الفرن 175 درجة .. نراقب الفرن حتى تنطهي الكعكة. .
التزيين رشة سكر بودرة ..
الطريقة الصالصا الشوكلاطة ..

نضع بالمقلاة
ملعقة كبيره زبده ..
نضع بالمقلاة 4 ملاعق كبار نوتيلا نضعهم على نار هادئة حتى يصبح معانا المزيج مثل الكريمة
جربوها كثير طيبة وطلعت معاي مثل السفنج .. الف صحة 🥰👍

اطيب جاط تبوله مع المعجنات .. بوريكَس بالدجاج ومعجنات بالجبنة الف صحة 👍🥰

اطيب خبز فينو ( لخمنيوت)
المقادير والطريقة ..
المرحلة الاولى ..
نصف كيلو طحين منخل
نصف ملعة صخيره ملح .. نمزجهن مع بعض ..
المرحله الثانية ..
نضيف في وعاء غميق ..كوب ماء دافئ .. ملعقة كبيرة سكر .. ملعقتين كبار من الخل الابيض .. 2 ظرف باكم باور .. ربع كوب زيت ذرة ..
ملعقة كبيرة خميرة فَوريه ..
المرحلة الثالثة ..
نمزج كل الخليط على الطحين ونعجنهن مع بعض ونضيف عليهم ماء دافئ حسب الحاجة.. ونعجنهن لمدة ربع ساعة حتى ترتاح العجينة ..
ثم نباشر بالعجن لمدة 20 دقيقة..
نغلف العجين بكيس نايلول ونغطي بمنشفه خاصة للعجين وترتاح لمدة ساعة . ..
المرحلة الرابعة ..
نطلع الهوى من العجين .. ونقطع العجينة ونرق العجين شكل دائرة ونشكلها شكل رول ونضغط الاطراف العجينة وندهن قاع الصنية الفرن بقليل من الزيت الذره وترتاح العحينة حتى تخمر .. ..
قبل الخبيز بضيف في القنينة المرش ماء وسكر مداب.. وبرش على كل قطعة من العجينة مع رشه سمسم ابيض ..
المرحلة الخامسة
نشعل الفرن مسبقاً على اعلى درجة حراره من الاعلى والاسفل ونضيف الصنية بالوسط الفرن لمدة 3 دقائق .. ثم نخفض درجة الحراة الفرن على 200 درجة.ونراقب الصنية حتى يتحمر الخبز والف صحة ..
جربوها كثير طَيب وطعمه لزيز جداَ👍🥰

اطيب بيتسا. .
مقادير العجينة. .
نص كيلو طحين ابيض منخل ..
ملعقة كبيره خميرة. ..
ملعقة كبيرة سكر ..
ملعقة صغيرة ملح ..
نصف كوب زيت ذره .. نص كوب لبن رايب ..
المرحلة الاولى ..
نضيف الطحين والخميره والسكر والملح وبخلطهن كثير منيح. ..
المرحلة الثانية ..
نضيف الزيت الذرة على الطحين ونبسهن كثير منيح لمدة 20 دقيقة حتى يصبح المزيج مثل الكعكبان..
المرحلة الثالثة .
ترتاح العجينة لمدة ساعة ..
المرحلة الرابعة ..
نفرد العجينة بالصنية ونضيف عليها المكونات ..
المرحلة الخامسة ..
نشعل الفرن قبل 10 دقائق ونشعل الفرن من الاعلى والاسفل على درجة حرارة 180 ونضع الصنية بالوسط حتى ينطهي الف صحة ..
ملاحظة ..هاي العجينة منقدر نستخدمها لكل المعجنات حتى للفطير بسبانخ .. والفطير بالزعتر والجبنة والحمة والف صحة 😍👍

اطيب جاط عِلط مع البصل والزيت الزيتون .. المقرمش . الف صحة 👍😍

اطيب سُفرة ..
ستيكات عجل انتريكوت .. ستيكات صدر الدجاج .. سلطة جميع الخضروات .. سلطة البطاطا مع الفليفلة الحلوه .. باذنجان مقلي بزيت الزيتون .. والتزيين بندوره .. خيار .. بقدونس .. زتون .. خيار مكبوس بالخل وخيار بالملح .. الف صحة🥰👍

اطيب زلابيه مقرمشة.. المقادير العجينه انا نزلتها على الصفة جربوها واكيد رح تحبوها .. بس ماتسنسو تستعمله وقت القلي نغمر الملعقة الصغيره بالزيت ثم بالعجينه ومباشر بالقلي ويكون الزيت متوسط الحراره .. والف صحة 🥰👍

اكلة طيبة كثير واكلة خفيفة على المعدة ..
ستيكات الدجاج مع الخضروات .. بصل يابس .. . وشومر .. وملفوف .. و قرنبيت .. وفقع .. و كوسى .. وفليفلة حمرة حلوه (جمبة) .. وقليل من الزيت الزيتون .. رشه ملح .. ورشة اورجانو ..رشة فلفل اسود .. رشة بهار .. رشة جوزالطيب .. رشة كاري .. رشة كركم .. رشة بهار الشوارما ورشة سوماق مشوي بطنجرة الكهربائي
. وسلطة مشكله .. خس .. ملفوف .. فليفلة حلوه ( جمبه ) خيار .. بندوره .. شومر .. بصل يلبس احمر .. نعنع .. بقدونس .. وزيت زيتون ..ورشة ملح .. وحامض .. الف صحة 🥰👍🙏🏻

من اكلات ام روني ..
ما عدا الكعكة الوتوس شغل حفيدتي بنت بنتي الله يحميها ..
الف صحة 🥰🙏🏻💐👍

اطيب اكل بهالشتويه ..
شوربا عدس بني مع الشومر ...
فصوليا ورُز مفلفل مع الشعرية ..
وكفتة بصالصا البندورة والبطاطا .. الف صحة ..🥰💐🙏🏻👍

انا طبخت قرع وباذنجان .. وبطاطا ..

بس بالنسبة لنقر الباذنجان انا ما بكِبه .. بستفيد منها متبل الباذنجان ..
الطريقة المتبل الباذنجان ..
انا بس انقر الباذنجان بضع وعاق غميق مع ماء ورشة ملح اليمون ..ملاحظة وظيفة الملح لليمون لكي نحافظ على لونه لكي يبقى لون النقر ابيض ... مو اسود ...بس انقر النقر بنزل بالماء وبضعهن النقر والماء بطنجرة على النار حتى ينطهي .. ثم بضعهن في المصفاه حتى يبرد ..
بفرم فليفله قطع صغيره على الوان مع الزيت والنعنع والبقدونس والثوم المهروس والزيت الزيتون ..
ورشة ملح . ودوقوا مطيبوا بشهي جربوها .. ما تكبوا الباذنجان النقر .. والف صحة 🥰💐🙏🏻👍

أكلة طيبة كثير ..
لبن معزه مطبوخ مع لحمه مخلوطة عجل وخروف ..
رُز مفلفل مع شعرية والتزيين قرفه .. خيار .. فجل .. زتون ..
الف صحة 🥰🙏🏻💐

اطيب منسف ب الرز بالزعفران وبالحمه المفروم ناعم على وجه الرز .. وفخاد الدجاج والصنوبر والوز المحمص .. ومنسف نفس الشي بالفريكي .. والبن الماعز المطبوخ والشنيتسل الدجاج شغلي والبطاطا الشبس . والتبوله وسلطة البندورة والبصل الاخضر والبصل اليابس والنعنع والبقدونس والحامض والزيت الزيتون والملح..
وسلطة البندوره والخيار والبصل الاخضر والبصل اليابس والبقدونس والنعنع والزيت الزيتون والحامض والملح .. والملوخيه مطبوخه بالحمه العجل والخروف مفرومه ناعمه .. الف صحة 🙏🏻🥰

الله يسعد مساكم ياغاليين اشتقتلكم كثير ..
سوري على تأخير تنزيلات اكلات ام روني على الصفحة ..
بسبب كنت مريضة وإيدي مكسوره ..
حسب ترتيب الرب هلاء رح ارجعلكم من جديد..

اكله كثير طيبة طبات الدجاج بالحمه والرز والبهاران ..الدجاج مع الجزر ولبطاطا بالفرن مع كأس ماء .. نضع الصنيه الدجاج بوسط الفرن ونشعل الفرن على اعلى درجة حراره من الاعلى والاسفل لمدة ساعتين .. .. ولبن معزه مطبوخ . وسلطة ملفوف وجزر .. ..
ملاحظة ..
من بعد ما ينطهي الدجاج ننزع ورق الزبده( يعني ورقة الخبيز ) مع ورقه القزدير .. ندهن الوجه الطبات بخلطة سماق وقليل من الزيت النباتي وملعقة كبيرة عسل ونحمرها لمدة 5 دقائق .. والف صحة 🥰🙏🏻💐