Högskoleprovet och gymnasiet kurser på Arabiska

السلام عليكم
مرحبا أصدقائي بس حابب ذكركم انو التسجيل عكورسات الصيف مفتوح من ١٨ الشهر و باقي للتسجيل اقل من اسبوعين ليسكر، الي بدو يسجل عكورس بلصيف مشان ال CSN هي فرصتكم بس قفل التسجيل ما رح تقدرو تسجلو.
بتمنى التوفيق للجميع.

السلام عليكم أصدقائي متل ما قلتلكم رح أعمل منشور أشرحلكم خطوات التسجيل لفحص القبول الجامعي.
1- بتعملو حساب على موقع www.hogskoleprov.nu/
طبعا كتير سهل التسجيل بس الايميل ورقم الهاتف والرقم الشخصي وعنوان البيت وكلمة سر وبصير عندك حساب
2- بعد ما يصير عندك حساب بتسجل الدخول علموقع وبتروح عخيار Anmälan
وبتختار منظم الأمتحان الأقرب لمدينتك وبعدين بتختار المدينة الي بدك تقدم فيها متل مو مبين بلصور المرفقة مع المنشور.
3- بعد ما تختار المنظم والمدينة بتروح عأتمام التسجيل وبتجي لخطوة الدفع متل مو مبين بلصور المرفقة وخيارات الدفع كتييرة اسهل شي السويش بتحط رقم موبايلك وبتفتح السويش وبتدفع 450 كرون وبهيك بكون مبروك أنت سجلة.
بيصلك ايميل بتأكيد الدفع والمعلومات الي انت أدخلتها علايميل وبتنتظر بعد هيك أيميل تاني من منظم الأمتحان مشان تعرف عنوان الأمتحان والوقت وعلاغلب بيكون قبل بشهر من الفحص .
وبلتوفيق للجميع

السلام عليكم
أصدقائي رح أكمل بسلسلة الرياضيات وبفيديوهات المهن بس عبظبط كم شغلة تقنية ما بتوقع تجهز قبل الشهر التاني ، حابب الفيديوهات الي اعملها تكون مرجع للمستقبل للمهتمين لذلك دعواتكم بلكي بخلص بسرعه وبكمل المشوار

تكملة لدرس الأعداد العشرية
في هذا الدرس سوف تتعلم مقارنة الأعداد العشرية
https://www.youtube.com/watch?v=PbIX5V-a52U

مقارنة الاعداد العشرية Decimaltal تكملت درس الأعداد العشرية والعمليات عليها .في هذا الفيديو سوف نتعلم كيف نقارن بين عددين عشرين وكيف نرتب عدة أعداد عشريةرابط الفيديو الأول:https://www.youtube...

السلام عليكم الدرس السادس صار جاهز
محاور الدرس:
قراءة وكتابة الأعداد العشرية
جمع وطرح وضرب وقسمة الأعداد العشرية
ضرب الأعداد العشرية ب 10 او 100 او 1000 او .....
الي عندو أي سؤال عن الدرس او بدو شرح درس معين قبل مانوصل الو بيقدر يكتبلي شو بدو وانا ممكن سجل فيديو للدرس الي بدو ياه حتى لو ما كان بلتسلسل الي ماشي في, يعني مثلا لو في حدا بدو شرح درس من matte 4 بس يكتبلي اسم الدرس الي بدو ياه و أنا أن شاء الله ممكن أن سجلو ياه , هاد الشي من مبدأ انو ساعد أكبر عدد ممكن من الناس, لا تنسوني من دعائكم, الله يوفقك الجميع, سلام.
https://youtu.be/V7wPossFLCw

decimaltal قراءة و كتابة الأعداد العشرية والعمليات عليها في هذا الفيديو سوف تتعلم قراءة وكتابة الأعداد العشرية وسوف تتعلم ايضا جمع وطرح وضرب وقسمة الأعداد العشرية.وسوف تتعلم ضرب الأعداد العشرية ب10 او 100 او 1000

السلام عليكم الدرس الخامس صار جاهز
محاور الدرس:
ترتيب العمليات الحسابية Räkneordning
الأعداد الأولية Primtal
قابلية القسمة Delbarhet
شرح بسيط عن القوى potenser
بلفيديو نوهت لموضوع مهم الي هو أنو قررت أنو حل تمارين الكتاب ومشاركت الحل هون على صفحة الفيس بوك وما رح سجل شرح الحلول بفيديوهات لاني لاحظت بلفيديو السابق انو الفيديو صار كتير طويل ولو بدي أتبع هي الطريقة فلمنهاج رح ياخود وقت كتير طويل حتى ينتهي.
لذلك شرح الدروس بفيديوهات وحل التمارين ببوستات على الفيس بوك أن شاء الله. بتمنالكم التوفيق جميعاً.
https://youtu.be/sPCHmtT0qfU

ترتيب العمليات الحسابية والأعداد الأولية وقابلية القسمة في المنهاج السويدي. matte på arabiska. في هذا الفيديو ، ستتمكن من قراءة جميع حسابات المحاسبة العامة. هذا هو رقم الدليل الأساسي أو الدليل الأولي. تم إنشاء قاعدة بيانات Delbarhet باستخدام هذا الرابط...

السلام عليكم الدرس الرابع صار جاهز.
في هذا الدرس حلية تمارين موجودة في الصفحة رقم 10 في كتاب matematik 5000 1b.
وفي وصف الفيديو بتقدرو تلاقو كل سؤال بأي دقيقة موجود والي عبيدرس matte 1 بنصحو يشوف الفيديو كلو لاني في نصائح مهمة و مفيدة. ولكن بعد ما سجلت الفيديو لاحظت أنو مدة التسجيل صار كبير, فلذلك قررت أنو ما سجل حلول التمارين بفيديو بل سوف أكتب الحل كتابة وشارك الحل, و اذا حابين اني كمل تسجيل الحلول بفيديو عطوني رئيكم بس بعتقد اني أشرح الدروس بفيديوهات أهم من أني سجل فيديوهات للحل.
https://www.youtube.com/watch?v=CWav_QGu7h0&t=1551s

حل كتاب Matematik 5000 1b s(10). تدريب على العمليات في مجموعة الأعداد الطبيعية , حل كتاب Matematik 5000 1b s(10). نصائح لكي تتمكن من الحساب أسرع, التدريب على أستخدام مهارة الحساب الذهني العق...

الدرس الثالث
كتابة وقراءة الأعداد الطبيعية الكبيرة
الجمع والطرح والضرب والتقسيم في مجموعة الأعداد الطبيعية
الدرس مناسب للي عبيدرس رياضيات 1 و 2 او الي عبيدرس رياضيات 1b, 1c 1a. ولمستوى رياضيات 2 بمختلف فروعو جيد لمراجعة المعلومات القديمة وبنصح مستوى الرياضيات 2 وما فوق يشوف الفيديو لاني في بعض المعلومات الي ممكن تفيد حتى مستواهم.
الي عندو اي سؤال بيقدر يكتبو بلتعليقات. بتمنالكم التوفيق👋
https://youtu.be/EcYYFSqDCW4

Subtraktion och addition,Multiplikation och division.Skriva och läsa stora siffror.Matte 1A,1B,1,2,3 العمليات الحسابية في مجموعة الأعداد الطبيعية . تعلم الجمع والطرح والضرب والتقسيم من الصفر. قراءة وكتابة الأعداد الكبيرة. Subtraktion och addition,Multiplikat...

السلام عليكم
هاد الدرس الأول على القناة وبيحكي عن مجموعات الأعداد وأن شاء الله رح حاول كمل السلسلة بأسرع وقت ممكن, بس سؤال بتفضلو تبقى الفيديوهات 10 دقائق الا معلش يكون الفيديو طويل شوي؟
يعني ما عبلحق أسجل شي عبلاقي الفيديو صار 10 دقايق وعبخاف طول الفيديو تملو , بهمني أقرء أرائكم وبلنسبة للي عندو أي سؤال كتبولي وانا جاهز للرد ولو أحتاج الأمر رح أشرح السؤال بلفيديوهات الجاي .
https://youtu.be/-R5SMz1LmV0

مجموعات الأعداد Tal typer Naturliga tal مجموعة الأعداد الطبيعية. Heltal( Negativa tal, Positiva tal) مجموعة الأعداد الصحيحة . Rationella tal مجموعة الأعداد النسبية . Irrationella tal ...

السلام عليكم أصدقائي بعد أسبوع من محاولة صناعة أول فيديو في سلسلة تعلم الرياضيات للكبار , صار الفيديو جاهز, بتمنى أقرء تعليقاتكم و أن شاء الله الفيديوهات القادمة رح تكون أفضل من حيث التصوير والمونتاج لاني هاد الفيديو هو الفيديو الاول الي. وشكرا لتفهمكم
https://www.youtube.com/watch?v=KLf5y4XRh08

Matte på arabiska för komvuxالرياضيات باللغة العربية للكبار Matematik 1,2,3,4,5. فيديو يشرح طريقة التدريس في سلاسل تدريس الرياضيات للكبار في السويد

السلام عليكم
مرحبا أصدقائي بعتزر عن التأخير بنشر الفيديوهات الي وعدتكم اليوم اني رح بلش بنشرها بس مع الاسف التعديل على الفيديوهات طلع بياخود وقت أكتر من ما كنت متخيل وماني حابب نزل شي ما ينال أعجابكم , عبحاول أعمل شي أحترافي نوعا ما, بعتزر عن التأخير بس معلش الأنتظار أفضل من التسرع وأن شاء الله يطلع شي يعجبكم ويفيدكم أهم شي.

السلام عليكم
أصدقائي رح نكمل أن شاء الله الي بلشنا من سنة , وأن شاء الله الي جاي رح يفيدكم أكتر أن شاء الله.
رح نزل فيديوهات بشكل منتظم بيومي التلاتا والجمعة أن شاء الله, رح تكون الفيدوهات هي فيديوهات شرح للرياضيات بداية ورح أحكي عن فحص الكلية ورح أربط كل شروحي للرياضيات بفحص الكلية, يعني طبعا رح يحس الي بيعرف بلرياضيات انو المعلومات بلبداية هي لمستوى المبتدئين بس ما بصير نبلش بمستوى عالي لازم راعي أنو في طلاب بدها تراجع معلومات قديمة وممكن بدها تتعلم مصطلحات الرياضيات يعني أن مضطر أبدا بلأساسيات وصولا للمراحل المتقدمة بس أن شاء الله رح يكون الأسلوب ممتع. بشوفكم الثلاثاء أن شاء الله.

تكملة للمنشور السابق.....
رح كمل وأشرح طبعا بناء على حكي الكتاب الي مهتم وبدو أسم الكتاب بقدر أكتبلكون أسمو بلخاص بس متل ما سبق وذكرت ما بنصح بهلكتاب لبساطة المعلومات والشرح غير كافي لقسم الرياضيات وقسم اللغة رح اكتبلكون كل شي مهم بمنشوراتي.
läsförståelse
بهاد القسم في 20 سؤال مقسمين على الشكل التالي:
ستة نصوص قصيرة بين (300-500كلمة) وفي سؤالين لكل نص.
نصيين طوال بين (600-1200كلمة) في أربع أسئلة عكل نص.
ولازم أرجع ذكر انو بناء عكلام الخبراء بيعطو لكل سؤال بهاد القسم دقيقتين و 12 ثانية للأجابة, شو يعني هلحكي يعني النص الي طولو 1100 كلمة لازم ينقرا ويتجاوب ع اسئلتو ب 10 دقايق كحد أقصى.
طبعا سرعة القراءة هي أهم شي بهلحالة, يعني أذا بدكون تعرفو شلون بتقدرو تحسبو سرعة القراءة الخاصة فيكون ف الطريقة بسيطة:
عدد الكلمات في الدقيقة =( عدد كلمات النص / تفسم الوقت بلثانية) ضرب 60
مثال لو عبنقرا نص عدد كلماتو 1000 وخلصنا ب 500 ثانية رح تكون سرعة قرائتنا تساوي 120 كلمة في الدقيقة .
وحسب الكتاب كمان بيقولو انو السرعة الجيدة هي بين 350 ل 400 كلمة بلدقيقة, يعني الي سرعتو أقل من هيك ما رح يلحق يقرا ويحل النصوص.
هلق في كم نصيحة كتبولنا ياها مشان نزيد سرعتنا بلقراءة بس بشكل عام كل ما قرئنا نصوص أكتر و زاد مخزون الكلمات تبعنا رح نقدر نقرا أسرع ونفهم أكتر , تابعوني رح أكتب النصائح بلمنشور الجاي.
أخر شي لازم ذكركم أنو ضل للفحص 87 يوم, الفحص ب 18-10-2020.
يبدأ التسجيل للفحص ب 10-8-2020 وبينتهي 27-8-2020.
موفقين لا تنسوني من الدعاء أخوكم نذير.
يتبع

السلام عليكم ورحمة الله
اليوم رح أبدئ بتنزيل حلول ل أسئلة السنوات السابقة لفحص الكلية أو Högskoleprovet, لكن في البداية لازم اشرح أقسام الفحص وأحكي شوي عن الفحص طبعا هلشي مو من عندي من كتاب أشتريتو بيشرح كل هلتفاصيل بس ما بنصح الي قوي بلرياضيات انو يشتري هلكتاب لاني ما بفيد غير الضعفاء بلرياضيات بشرح بسيط كتير عن بعض المسائل وما بيشمل كل الأسئلة الي ممكن تجي بلامتحان وبلنسبة للشغلات المهمة الي بلكتاب انا رح اكتبلكون ياها هون, فلي رح يتابعني وعبيستفيد يكتبلي بلتعليقات.
كمان شغلة قبل ما أبدء بتمنى الي بدو وظايف الفيزياء او الكيمياء يبعتلي الأسئلة تبعتو واذا نفسها انا ببعتلو ياها ما بدي اتعذب علفاضي, والي عندو أسئلة كمان بخصوص كورسات اليومناسيت كمان يكتبلي بلتعليقات خلي الكل يستفيد من الأجابة.
أمتحان الكلية بصير مرتين بلسنة ومن خلاله بيقدر الطالب يدخل بلمنافسة على مقعد بلكلية الي بيحلم فيها علامة هاد الفحص من 2 وبينقسم هاد الامتحان ل 4 أقسام يعني الطالب رح يقدم 5 أمتحانات بيوم الأمتحان بس هنن رح يعتمدو ع 4 أقسام بس والقسم الخامس الي بيحلو الطالب ما بيحسبو علامتو ولكن هاد بيكون تجربة لمدى صعوبة الأسئلة الي رح تجي لطلاب الامتحان القادم طبعا الطالب ما بيكون عرفان أي قسم هو الي ما رح تحتسب علامتو ولكن اذا كان كتير مهتم بعد أنتهاء العام بيقدر يعرف.
الأمتحان بيبدأ دائما الساعة 9 كل قسم من الأقسام الخمسة وقته 55 دقيقة وبعد كل قسم هناك أستراحة على الشكل التالي:
القسم الأول(مدته 55 دقيقة) ثم أستراحة 25 دقيقة
القسم الثاني (مدته 55 دقيقة) ثم أستراحة 15 دقيقة
القسم الثالث (مدته 55 دقيقة) ثم أستراحة الغداء مدتها ساعه و 5 دقائق
القسم الرابع (55 دقيقة) ثم أستراحة 15 دقيقة
القسم الخامس (55 دقيقة) ثم خمس دقائق معلومات تشرح ما سوف يتم بعد انتهاء الفحص.
هلق ركزو معي الأقسام الأربعة الي رح تحتسب علاماتها تتألف من 160 سؤال موزعة على قسمين بلتساوي, قسم أسئلة متعلقة بلرياضيات وقسم أسئلة متعلقة بللغة الإنجليزية والسويدية الجدول تحت رح يوضح هلشي:
Kvantitativ del 80 frågor:
NOG-logisk kvantitativ problemlösning (12 frågor)
اقصى مدة مسموحة لكل سؤال هي دقيقة و40 ثانية
DTK-diagram, tabeller och kartor (24 frågor)
أقصى مدة مسموحة لكل سؤال هي دقيقة و 55 ثانية
XYZ-matematik (24 frågor)
أقصى مدة مسموحة لكل سؤال هي دقيقة
KVA-kvantitativa jämförelser (20 frågor)
أقصى مدة مسموحة لكل سؤال هي دقيقة

Verbal del 80 frågor:
LÄS-svensk läsförståelse (20 frågor)
أقصى مدة مسموحة لكل سؤال هي دقيقتين و 12 ثانية
ELF-engelsk läsförståelse (20 frågor)
أقصى مدة مسموحة لكل سؤال هي 18 ثانية
ORD-ordkunskap (20 frågor)
أقصى مدة مسموحة لكل سؤال هي 48 ثانية
MEK-meningskomplettering (20 frågor)
أقصى مدة مسموحة لكل سؤال هي دقيقتين و 12 ثانية

ملاحظة: تقسيم الوقت السابق هو كما ينصح به الخبراء وليس رئي شخصي.
لا تنسوني من الدعاء أخوكم نذير.
يتبع

السلام عليكم ورحمة الله
شباب انا عبحضر لأمتحان الكلية أو بلسويدي Högskoleprovet
انا عبحضر لفحص الكلية وعبحل القسم المتعلق بللغة السويدية وبهاد القسم في 10 أسئلة عن المرادفات, بيعطونا كلمة بلسويدي ونحن لازم نعرف المرادف لهلكلمة, في موقع عندو أمتحانات السنوات السابقة مع الحلول الي عبفكر في هو ك التالي: حتى نستغل الوقت ونوفر تعب علينا لو في حدا متلي مهتم بهلفحص بنحسن نقسم بيناتنا السنوات كل واحد بياخود سنة وبيترجم المرادفات وبنتبادل الشغل وبلمناسبة أنا أستاذ رياضيات أذا حدا بحاجة لشرح شيء سؤال بيقدر يسألني.
كل التوفيق للكل بتمنى نتعاون ولو حدا عندو أي معلومة بتفيدنا لا يبخل علينا, شكرا سلف