Dr Jeewaranga Gunasekera
Contact information, map and directions, contact form, opening hours, services, ratings, photos, videos and announcements from Dr Jeewaranga Gunasekera, Doctor, .
25/10/2021
"𝗖𝗔𝗕 (𝗖𝗼𝘃𝗶𝗱 𝗔𝗽𝗽𝗿𝗼𝗽𝗿𝗶𝗮𝘁𝗲 𝗕𝗲𝗵𝗮𝘃𝗶𝗼𝘂𝗿) 𝘀𝗵𝗼𝘂𝗹𝗱 𝗯𝗲 𝗱𝗿𝗶𝘃𝗲𝗻 𝗯𝘆 𝗰𝗼𝗻𝗰𝗲𝗿𝗻 𝘀𝗮𝗻𝘀 𝗳𝗲𝗮𝗿"
𝙎𝙪𝙣𝙙𝙖𝙮 𝙊𝙗𝙨𝙚𝙧𝙫𝙚𝙧 - 24.10.2021
04/07/2021
ඩෙල්ටා ප්‍රභේදය රටවල් 96 කින් ..
ලෝක සෞඛ්‍ය සංවිධානය මගින් ජූනි 29 වන දායින් අවසන් වූ සතිය පිළිබඳව නිකුත් කරන ලද COVID-19 නවතම තත්ත්ව වාර්තාවට අනුව ඩෙල්ටා ප්‍රභේදය රටවල් අනූ හයකින් වාර්තා වී ඇති බව අනාවරණය කෙරුණා. ඔවුන් තවදුරටත් පවසා සිටින්නේ ජාන විශ්ලේෂණය (Genomic sequencing) මගින් ප්‍රභේද හඳුනා ගැනීමට යම් රටවලට ඇති පහසුකම් වල අඩුකම නිසා එහි සැබෑ පැතිරීම පිළිබඳව තොරතුරු නොලැබිමට ඉඩ ඇති බව යි. ඒ හේතුව නිසා ම එය වාර්තා වන ප්‍රමාණයටත් වඩා වැඩි ප්‍රදේශ ගණනක පැතිර ගොස් තිබිය හැකි බව සැක කෙරෙනවා.
ලොව පුරා ඩෙල්ටා ප්‍රභේදය වාර්තා වුණු රටවල් වල සති අටක් වැනි සුළු කාලයක් තුළ දී පෙර පැවති සියලු වෛරස් ප්‍රභේද අභිබවා ඩෙල්ටා ප්‍රභේදය එම රට තුළ ප්‍රධානතම ප්‍රභේදය බවට පත්වීමට හැකි වී ඇති බැවින් ගෝලීය තත්ත්වය ද ඒ හා සමාන ස්වරූපයක් ගනු ඇතයි සිතිය හැකියි. ඉදිරි මාස කිහිපය ඇතුළත දී මුළු ලොව පුරාම පැතිරී යන ප්‍රධානතම කොවිඩ්-19 වෛරස ප්‍රභේදය ලෙස ඩෙල්ටා පත්වනු ඇති බවට මෙම වාර්තාවේ දී තවදුරටත් පුරෝකථනය කෙරෙනවා. මෙවැනි තත්ත්වයක් යටතේ දී දැනට අප ශ්‍රී ලංකාව තුළ ද නිරීක්ෂණය කරනුයේ තරමක අඩු සීග්‍රතාවයකින් වුවත් මෙම නව ප්ප්‍රභේධය පැතිර යාම ආරම්භ වී ඇති බවයි.
පෙර කී ගෝලීය තත්ත්ව වාර්තාවට අනුව මෙහි ඇති ගැටලුකාරී ස්වභාවය වනුයේ එය කලින් පැවති ප්‍රභේදවලට වඩා 55% ක වැඩි වේගයකින් පැතිරීම සහ පූර්ණ ලෙස එන්නත්කරණයට ලක් නොවූ පුද්ගලයින් සඳහා මෙම තත්ත්වය වඩාත් ගැටලූකාරී ලෙස බලපෑ හැකි වීම යි. එම නිසා මේ මොහොතේ දී ශ්‍රී ලාංකිකයින් ලෙස අපට කළ හැකි ප්‍රධානම කාර්යය වන්නේ වන්නේ මෙම ප්‍රභේදය රට පුරා පැතිරී යෑම හැකිතාක් අවම කිරීම සඳහා රෝග නිවාරණ උපදෙස් අකුරටම පිළිපැදීම යි. එමෙන් ම කොවිඩ් එන්නතක් සඳහා තමන් සුදුසුකම් ලබා ඇති නම්, ලැබෙන මුල් අවස්ථාවේම එය ලබා ගැනීමෙන් ද මෙම ජාතික කර්තව්‍යයට සහයෝගය ලබා දෙන්න පුලුවන්.
අප විශේෂයෙන් මතක තබා ගත යුතු කාරණය වන්නේ සෞඛ්‍ය උපදෙස් වලට අනුගත නොවී නිවසෙන් බැහැර ගොස් යලි නිවස වෙත පැමිණෙන සෑම අවස්ථාවකදීම නව වෛරස් ප්‍රභේද අපත් සමඟම නිවසට ඇතුළුවිය හැකි බවයි. මෙමඟින් අවදානමට පත් වන්නේ ඔබේම සමීපතව ආශ්‍රය කරන ඔබගේ දෙමව්පියන්, දූ දරුවන් වැනි ආදරණීයන් බැවින් සෑම විටම රෝග නිවාරණ උපදෙස් අකුරටම පිළිපැදිම ඔබේත් ඔවුන්ගේත් ආරක්ෂාව පිණිස ම හේතු වනු නොඅනුමානයි.
01/07/2021
කොවිඩ් 19 ඩෙල්ටා ප්‍රභේදය හමුවේ එන්නත් කරණයෙන් සැපයෙන ආරක්ෂාව කෙබඳු ද?
මේ ප්‍රශ්නයට පිළිතුරු සොයා යෑමේදී අපි මුලින්ම දැන ගත යුතු කරුණු දෙකක් තියෙනවා.
1. මෙම ඩෙල්ටා ප්‍රභේදය ලෝකය පුරා විද්වතුන් තුළ කැළඹීමක් ඇති කරන්නට හේතු වෙන්නේ ඇයි? මින් පෙර වාර්තා වූ ප්‍රභේදවලට වඩා මෙය වෙනස් වන්නේ කොහොමද ?
2. එන්නත්කරණය මගින් කොවිඩ් වෛරසයට එරෙහිව ආරක්ෂාවක් ලබාදෙන්නේ කෙලෙසද? එන්නත්කරණය සම්පූර්ණ කළ කෙනෙක් කෝවිඩ් වෛරසයෙන් සම්පූර්ණයෙන්ම ආරක්ෂිතද ? ඩෙල්ටා ප්‍රබේධයට කොව්ඩ් එන්නත් වලින් ලබාදෙන ආරක්ෂාව කෙබඳු ද?
ප්‍රථම කාරණය ගත්තොත් මේ ප්‍රභේදය මෙයට පෙර සොයාගත් කොවිඩ් වෛරස ප්‍රබේධවලට වඩා සුවිශේෂ වීමට කාරණා දෙකක් බලපානවා. මේ දක්වා කරන ලද පරීක්ෂණ වලින් පැහැදිලිව පෙනෙන කරුණක් තමයි මේ ප්‍රභේදය මෙයට පෙර සොයාගන්නා ලද ප්‍රභේදවලට වඩා ඉතා වේගයෙන් පැතිර යන බව. පසුගිය අලුත් අවුරුදු සමයෙන් පසුව රට පුරා වේගයෙන් පැතිර ගිය ඇල්ෆා ප්‍රභේදය ටත් වඩා මේ කියන ඩෙල්ටා ප්‍රභේදය අතිශයින්ම වේගවත්.
මේ නිසා ඩෙල්ටා ප්‍රභේදය යම් රටකින් වාර්තා වී සාපේක්ෂව කෙටි කාලයක් තුළ එම රට තුළ දක්නට ලැබෙන ප්‍රධානම ප්‍රභේදය බවට පත්වන වෙන අවස්ථා අප බොහොමයක් දැක තිබෙනවා. එමෙන් ම මෙය නුදුරේ ම ලොව ප්‍රධාන වශයෙන්ම දකින්න ලැබෙන කොවිඩ් වෛරස ප්‍රභේදය වනු ඇති බවට විද්වතුන් සහ ලෝක සෞඛ්‍ය සංවිධානය අනුමාන කර ඇත.
අනෙක් කාරණය තමයි මෙම ඩෙල්ටා ප්‍රභේදය නිසා රෝග ලක්ෂණ උත්සන්න වීමට ඇති හැකියාව වැඩි බවට සාක්ෂි මතු වෙමින් පැවතීම. මේ නිසා ඩෙල්ටා ප්‍රභේදය බහුල රටවල් වල කෝවිඩ් රෝගීන්ට රෝහල් ප්‍රතිකාර, ඔක්සිජන් සහ දැඩි සත්කාර අවශ්‍ය වීම අනෙක් රටවලට වඩා බහුල වනු ඇතැයි සිතිය හැකියි.
එන්නතක් මගින් සිදු වන්නේ කුමක්ද?
එන්නතක් මගින් ප්‍රධාන වශයෙන් කරන්නේ යම් රෝගකාරකයකට එරෙහිව අපගේ ශරීරයෙහි ප්‍රතිශක්තිය තීව්‍ර කිරීමක් කියලා කියන්න පුළුවන්.
කෝවිඩ් වෛරසයට එරෙහි එන්නත්කරණය තුළින් අප විශේෂයෙන්ම බලාපොරොත්තු වෙන්නේ බරපතළ රෝග තත්ත්වයක් ඇති නොවී කොවිඩ් රෝගය මැඩ පවත්වා ගැනීමට ශරීරය සූදානම් කිරීමයි. වාසනාවකට වගේ, එන්නත්කරණය සම්පූර්ණ කරන ලද අය ඩෙල්ටා ප්‍රභේදයට එරෙහිවද ඉහල ආරක්ෂාවක් ලබාගන්නා බවට දැනට ලැබෙමින් තියන පර්යේෂණ සාක්ෂි මගින් පෙනී යනවා.
කෙසේ වුවත් තවමත් සාපේක්ෂව මුල් අවස්ථාවල පවතින මේ බොහෝ සාක්ෂි පදනම් වෙන්නේ, දැනට ඩෙල්ටා රෝගය සැලකිය යුතු ලෙසට පැතිර ගිය රටවල නිරීක්ෂණ මත හා ඒ රටවල දැනට ලබාදී ඇති එන්නත් වර්ග වලට සාපේක්ෂව යි. ඉදිරියේදී අපට මේ පිළිබඳ වඩ වඩාත් පැහැදිලි සාක්ෂි දක්නට ලැබේවි.
එන්නත්කරණය මගින් Delta ප්‍රභේදයට එරෙහිවද ඉතා ඉහල ආරක්ෂාවක් සැපයීම අප බොහෝ දෙනාගේ අස්වැසිල්ලට කාරණාවක් වුවද, මෙහිදී අප සිහි තබා ගත යුතු ඉතාමත් වැදගත් කාරණා කිහිපයක් තිබෙනවා.
වැදගත්ම කාරණය වන්නේ එන්නත්කරනය සම්පූර්ණ කළ අයෙකුට වුව ද කොරෝනා රෝගය ආසාදනය වීමට සැලකිය යුතු ඉඩකඩක් තිබීමයි. එවැනි අය හරහා තවත් බොහෝ දෙනෙකුට වෛරසය සම්ප්‍රේෂණය වීමට අවස්ථාවක් තිබෙනවා. ජනගහනයෙන් ඉතා ඉහල ප්‍රතිශතයක් එන්නත් ලබා ඇති රටවල පවා ඩෙල්ටා ප්‍රභේද හඳුනා ගැනීමත් සමගම රෝගීන් වාර්තා වීමේ ප්‍රවණතාවය වැඩි වීමක් නිරීක්ෂණය වී ඇත. මෙහි සුබදායි තත්ත්වය වනුයේ මෙම රටවල රෝගීන් වාර්තා වීම වැඩි වුවද දරුණු කෝවිඩ් තත්ත්ව සහ මරණ ඇති වීම ඉතා විශාල ලෙස එන්නත්කරණය සමගම අඩු වී ගොස් තිබීමයි.
එන්නත්කරණය නිසා රෝගය උත්සන්න වීමට ඇති ඉඩ ප්‍රස්ථාව බොහෝදුරට අවම වුනත් එය 100%කින් සිදු වන්නෙ නෑ. ඒ නිසා ඇතැම් අයට එන්නතක් සම්පූර්ණයෙන් ලබා තිබියදීත් රෝගය වැළඳෙන්න වගේම අසාධ්‍ය වෙන්නත් ඉඩ තියෙනවා. එන්නත යනු කොවිඩ් පැරදවීමට කරන සටනේ දී අප සතුව ඇති බලවත් ම අවියක් වුවත් එය ලබාගනීමෙන් පසුවත් දිගින් දිගටම නියමිත සෞඛ්‍ය උපදෙස් අනුගමනය කිරීම වැදගත් වන්නේ මේ නිසා යි. එන්නත්කරනය වගේම සෞඛ්‍ය පුරුදු නිසි ලෙස අනුගමනය කිරීම නිසා පවතින තත්ත්වය පාලනයකට ලක් කර ගැනීමට හැකි වුවහොත්, ඒ කාලයට උචිත ලෙස වසංගත පාලන විධිවිධාන ලිහිල් කිරීමක් දකින්නට පුළුවන් වේවි.
මෙය රඳා පවතින්නේ අපගේ වගකීම්සගත හැසිරීම මතයි. ඉදිරියේදී තව දුරටත් පුළුල් වීමට නියමිත එන්නත්කරණ ක්‍රියාවලියට, සෞඛ්‍ය පුරුදු දැඩිව අනුගමනය කරන පුරවැසි අපගේ සහයෝගයත් එක්වුවහොත් නව සාමාන්‍ය ජීවන රටාවට අනුගතව රටක් ලෙස ඉදිරියට යන්න අපට හැකිවනු නොඅනුමානයි!
05/06/2021