Alwayshungryy_hk

✿✿【炑八韓烤x魷魚遊戲｜今日MVP
梨汁雞肉❗️月見牛腹肉❗️】✿✿

📍 #炑八韓烤 (黃大仙中心南館) (黃大仙)
黃大仙正德街103號黃大仙中心南館地下低層LG01號舖

♡人均消費: $1023 @ 2

▪️▪️▪️▪️▪️▪️▪️▪️▪️▪️▪️▪️▪️▪️
呢間炑八韓烤，相信大家點都會聽過，最鍾意就係佢嘅路邊蛋同芝士粟米，每次都會encore幾round!依家最新推出咗紅綠燈魷魚遊戲套餐⚠️ 現凡惠顧🚦紅綠燈魷魚遊戲套餐，都會送貼紙一張同年曆一張‼️‼️

✨ #紅綠燈魷魚遊戲套餐

▫️梨汁雞肉
必點推薦❤️‍🔥今日MVP一定係呢個雞肉！雞肉非常之嫩滑，而且燒肉都幾Juicy，好有肉汁，總共有四件，燒到微微金黃色之後食係最滿足😌 同朋友一齊大讚😍

▫️月見牛腹肉
今日MVP第二名❤️‍🔥❤️‍🔥❤️‍🔥 月見牛腹肉！ 係油脂感幾重嘅牛肉，每一片都係薄切，輕輕燒一燒就食得～ 最鍾意佢好香油脂，配埋溫泉蛋同特有嘅醬汁，夾埋生菜食一流🥹🥹 諗起都流口水🤤

▫️新鮮魷魚
大大條 魷魚咁上枱🦑 仲好friendly咁預先剪開咗一個個魷魚圈，燒嘅時候非常方便。

▫️醬油五花肉
五花肉肥瘦適中，滿有油香，加埋醬油一齊食，不錯。

▫️深海鱈魚肉
鱈魚肉有3件 都幾厚肉，不過口感唔算好滑，味道正常

▫️韓式香腸
有4條，比較似芝士腸～～

▫️安格斯外群肉
相對下，安格斯肉口感比較韌～

▫️和牛牛肋條
相較下和牛牛肋條肉質比較柔軟、肉味比較香濃～

▫️椪糖曲奇雪糕
椪糖餅都係魷魚遊戲最好睇嘅環節之一～ 一路同朋友食嘅時候都有劇集入邊嘅緊張刺激感！ 椪糖香脆，帶點奶黃嘅味道，配雲呢拿雪糕，整體不錯。

▫️紅燈沙冰▫️綠燈沙冰
沙冰非常colorful，而且係波子汽水味～

▪️▪️▪️▪️▪️▪️▪️▪️▪️▪️▪️▪️▪️▪️

✿✿【每日限量｜鑊仔焦糖金寶雪山熱香餅！】✿✿

📍 オシオ (鑽石山)
鑽石山龍蟠街3號荷里活廣場2樓283-284號舖

♡人均消費: $260 @ 2

▪️▪️▪️▪️▪️▪️▪️▪️▪️▪️▪️▪️▪️▪️
位於鑽石山嘅Cafe店，晚餐有套餐提供，包括：意大利飯、長通粉、all day breakfast 及肉眼扒等等～ 比起晚餐，我認為佢嘅甜品更加吸引，有朱古力心太軟系列、soufflé Pancake🥞 、waffle等😍

✨ #鮮茄醬羊柳長通粉💰$148
鮮茄醬夠濃淍😋 羊柳份量適中，口感幾腍，帶有點羊膻味，長通粉夠哂掛汁，一個人食剛好😋

✨ #鑊仔焦糖金寶雪山熱香餅💰$89
📌每日限量12份！ ！熱香餅口感好軟熟，口感似蛋糕🍰 超好食🤤😍😍😍 旁邊有焦糖餅碎好香口，加上融融地既雲厘拿雪糕同焦糖醬，每一啖都係幸福☺️

▪️▪️▪️▪️▪️▪️▪️▪️▪️▪️▪️▪️▪️▪️

✿✿【富士山🗻x蠟筆小新｜必飲豐盈綿密奶蓋！】✿✿

📍 #御來光茶社 (土瓜灣)
土瓜灣馬頭圍道63號啟岸地下17號舖

▪️▪️▪️▪️▪️▪️▪️▪️▪️▪️▪️▪️▪️▪️
御來光茶社係位於土瓜灣區既茶飲店😋 店舖裝修以日式設計，仲運用富士山燈飾同蠟筆小新作簡單佈置～環境舒適～

✨ 💰$46
Tiramisu上灑滿朱古力粉，外型好似毛巾卷🩷 食落口感軟熟，而且佢係非常濕潤嘅Tiramisu，幾啱我口味， Tiramisu裏面帶有微微嘅酒香，不過味道偏甜少少，整體非常之唔錯。

✨ #開心果芝士蛋糕💰$48
自從朋友買過開心果蛋糕俾我之後，一直都念念不忘，今日終於比我喺度重遇開心果蛋糕🩷 蛋糕分咗三層，上面嗰層係糖漿、中間係cream、下面係開心果蓉，仲有花生碎，口層豐富之餘，個人覺得甜度剛好，開心果味好香😝

✨ #咖啡芝士奶蓋🧀💰$42
飲廢水之必選奶蓋😋 朋友特登揀咗咖啡奶蓋配Tiramisu 真識食！ 一個字: 夾！😌 咖啡香濃，奶蓋質地夠厚，擺得耐都唔會融左落去😝

✨ #紫薯芝士奶蓋🧀💰$40
紫薯味奶蓋有漸變色效果，外貌滿分😋 入口有紫薯粒粒，頗有口感，加上豐盈既奶蓋，無得輸了！

▪️▪️▪️▪️▪️▪️▪️▪️▪️▪️▪️▪️▪️▪️

✿✿【必食日式栗子甜品系列🤪Q彈提拉米蘇梳乎厘！】✿✿

📍 #グリル滿天星 (尖沙咀)
尖沙咀海港城海運大廈3樓OT301-301A號舖

▪️▪️▪️▪️▪️▪️▪️▪️▪️▪️▪️▪️▪️▪️
今日到訪尖沙咀滿天星，餐廳主打食蛋包飯，不過日日都食蛋包飯，我又要食蛋包飯咩？🫨🫣一於試吓佢嘅長通粉😎 不過最重要係一定要留返另一個胃食佢既甜品😎

✨ #白汁芝士海鮮焗長通粉💰$158
白汁芝士海鮮焗長通粉即叫即焗，需時20分鐘～
白汁芝士味香濃，芝士做到少少拉絲嘅效果😋
海鮮就有蝦、蜆肉等等，整體唔錯。

✨ #日式栗子提拉米蘇梳乎厘💰$158
餐廳推出日式栗子全新甜品系列，係幾有驚喜😋
梳乎厘上佈滿日式粟子蓉同一整粒大栗子🌰
栗子味好香，驚喜嘅地方係側邊仲有一小杯
估唔到咖啡同栗子都夾得唔錯！
再加上雪糕，真係一啲都唔Hea，好食！

✨ #熱朱古力💰$42
每個月都總係有幾日需要熱朱古力😮‍💨
呢度嘅朱古力都算幾香濃，奶味重，唔錯。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【九龍城居酒屋小店🏮飲酒必食燒鱈魚乾！】✿✿

📍 #禮 (打鼓嶺道) (九龍城)
九龍城打鼓嶺道79號地舖

♡人均消費: $1144 @ 2

▪️▪️▪️▪️▪️▪️▪️▪️▪️▪️▪️▪️▪️▪️
今次位於九龍城既居酒屋小店 店內店外都佈滿日式擺設，窗邊位放滿精緻有格調既招財貓，非常吸晴。

✨ #燒鱈魚乾💰$48
鱈魚乾作為送酒小食一流👍🏻 燒得夠乾身
入口好脆，非常喜歡👍🏻😍

✨ #赤蝦蟹籽飯卷💰$188
赤蝦蟹籽飯卷賣相不錯，赤蝦頗新鮮～

✨ #極上刺身三品💰$238
三品係油甘魚、三文魚同帶子，
刺身用料新鮮，帶子味道鮮甜😋

✨ #煙腩肉秋葵串💰$48
一向都幾鍾意食秋葵，煙肉燒得好香 唔會乾🥓
卷埋秋葵一齊食口感更豐富😋

✨ #赤雞肉香蔥卷💰$32
雞肉入口頗滑溜，配上濃味及爽脆香蔥，不錯。

✨ #厚切牛舌心💰$68
牛舌心好厚切，入口彈牙！ 入面亦好嫩
唯一美中不足係太多海鹽，入口有啲鹹😢

✨ #蒜蓉燒生蠔💰$88
今日嘅MVP之一就係燒蠔，蠔味好岀🦪
即使上面鋪滿芝士同蒜蓉，蠔肉亦好juicy!!! 推薦🩷

✨ #南蠻炸雞💰$78
雞皮香脆，上枱時熱到岀唒煙😋
但南蠻炸雞扣咗少少分既都係味道太鹹🥹

✨ #蟹肉玉子燒💰$88
蟹肉玉子燒都幾好食😝😝😝 蟹肉大方，玉子燒熟度剛好😊

✨ #月見醬唐揚飯團💰$48
飯團表層煎得好香脆，入口脆卜卜，加上日本蛋黃，賣相、味道同口感更昇華😌

✨ #薯上白雪💰$58
呢份甜品選用左番薯🍠配抹茶雪糕，帶比我幾大新鮮感，原來呢個配搭都唔錯，番薯即口感同雪糕都好夾😋

▪️▪️▪️▪️▪️▪️▪️▪️▪️▪️▪️▪️▪️▪️

✿✿【銅鑼灣•懷舊復古隱世Fusion Cafe】✿✿

📍 #悉尼樂園 (銅鑼灣)
銅鑼灣邊寧頓街9-11號登龍閣2樓A室

▪️▪️▪️▪️▪️▪️▪️▪️▪️▪️▪️▪️▪️▪️
位於銅鑼灣鬧市嘅呢間隱世Cafe，裝修風格同設計以復古懷舊同伴玩味風為主，每樣擺設都充滿特色。

✨ #白酒忌廉藍青口配法包
白酒忌廉汁做得幾唔錯，忌廉味夠濃郁，好出色😋法包炸得勁香脆，入口係鬆脆嘅感覺，口感唔會太硬，美中不足係少少太油，食一塊就剛剛好了😗

✨ #南瓜蟹肉燴飯
南瓜蟹肉燴飯上面鋪滿蟹肉，Risotto整得啱啱好，帶點Creamy嘅感覺又不會膩，如飯質選用珍珠米會更加分🥰

✨ #喇沙龍蝦汁配大蝦長通粉
喇沙龍蝦汁配大蝦長通粉係今日嘅驚喜款式，用喇沙配龍蝦汁配搭新奇，而且好夾，出到嚟有少少似沙嗲味，帶點泰式風情嘅色彩，好好食！長通粉好掛汁，加上四隻大蝦，份量大方。

✨豆腐花抹茶latte
Order呢款飲品嘅原因係俾佢新奇有趣嘅豆腐花同抹茶配搭吸引❤️ 豆腐花同抹茶完美融合，飲嘅時候配合非常滑溜嘅豆腐，好有新鮮感。

✨豆腐花焙茶latte
另一款就叫做焙茶latte，個人覺得焙茶都唔錯，茶味好香濃，配搭豆腐花都有一種幾fresh嘅感覺😝

▪️▪️▪️▪️▪️▪️▪️▪️▪️▪️▪️▪️▪️▪️

✿✿【圍方假日brunch Menu之選】✿✿

📍 Captain’s House (大圍)
大圍車公廟路18號圍方3樓321A號舖

♡人均消費: $453 @ 2

▪️▪️▪️▪️▪️▪️▪️▪️▪️▪️▪️▪️▪️▪️
呢一度出名食海鮮袋，之前都有試過好幾次，今次一於試吓佢哋嘅Tea Set😋

✨ # 龍蝦湯半熟蛋💰$188
龍蝦湯好濃郁裏面亦都打咗三隻雞蛋，龍蝦湯用鐵板上枱，好處係令到個湯非常夠熱，同時雞蛋都太熟，做唔到半熟蛋嘅狀態。龍蝦湯選用咗紅蘿蔔、西芹等配料，多款食材，口感豐富。

✨All day breakfast 🍳 💰$168
最欣賞佢個薯仔，煮得夠淋，而且入味，入口又軟綿綿嘅感覺。另外炒滑蛋都唔錯，滑蛋加入咗牛奶，入口更加香滑。😜

✨Dark Chemistry 💰$55
特別之處係咖啡上加咗芝麻，味道更加豐富。

✨Nutella Messy💰$60
咖啡味道OK～ 特別之處係加入咗唔同嘅堅果🥜飲嘅時候有豐富嘅口感。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【20年老店•人情味大圍小店】✿✿

📍 #大圍小食 (大圍)
大圍富嘉花園22號地舖

▪️▪️▪️▪️▪️▪️▪️▪️▪️▪️▪️▪️▪️▪️
大圍20年老店，每逢經過大圍都要食大魚蛋燒賣過下口癮！店舖充滿人情味之餘，食物味道大件夾好食，值得支持🔥🔥🔥

✨ #足料糯米飯 💰$48
可以自行選大或者細，糯米飯名副其實非常足料，糯米飯軟硬適中，仲有潤腸同臘腸，淡淡滋味，糯米飯上亦有好多花生，配搭得宜，非常有口感。

✨ #煎釀三寶💰$20
煎釀三寶$20 5件，有茄子、青椒、紅腸、炸餃子、辣菜脯餃子、炸番薯，選擇豐富😋😋😋 每款都大件夾好食！

✨ #燒賣💰$20
燒賣$20 ，10粒 ，燒賣嘅醬汁簡直係靈魂所在，每食一啖都要點一點佢嘅秘製醬汁😋😋😋！

✨ #燒豬頸肉💰$18
✨ #燒司華力腸💰$18
呢度嘅串燒都唔錯，豬頸肉燒到金黃色，配上孜然粉好惹味！ 司華力腸都係必點之一，食得非常滿足。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【油麻地霓虹燈下的串燒小店】✿✿

📍 #串燒王 (祥興樓) (旺角)
旺角砵蘭街147號祥興樓地下A號舖

▪️▪️▪️▪️▪️▪️▪️▪️▪️▪️▪️▪️▪️▪️
今日去咗油麻地book蘭街覓食，試下呢間串燒王😛 門口好大個霓虹燈牌，好容易認。店舖傳黎陣陣嘅串燒香味～香到流晒口水！

✨ #錫紙花甲粉💰$65
花甲粉上枱嘅時候熱辣辣，除咗花甲之外，亦有娃娃菜同金菇，花甲份量都OK，但係新鮮程度就麻麻哋，亦有少少沙～

✨ #阿拉伯羊肉串💰$32
羊肉串冇臊味，比較多調味料粉，味道正常😛

✨ #魷魚鬚💰$25
魷魚鬚叫咗中辣，辣粉好惹味，魷魚鬚唔會好韌，幾好食😋

▪️▪️▪️▪️▪️▪️▪️▪️▪️▪️▪️▪️▪️▪️

✿✿【回歸秋冬火鍋季節🍲雞煲•羊腩煲·火鍋應有盡有！】✿✿

📍 #二鍋頭 (福苑) (旺角)
旺角西洋菜南街138號福苑2樓

▪️▪️▪️▪️▪️▪️▪️▪️▪️▪️▪️▪️▪️▪️
今晚同朋友到訪二鍋頭食火鍋放題，呢度有得揀120分鐘火鍋😍 時間都算充裕，而且仲有埋雞煲，我哋仲額外加咗$88食埋佢嘅羊腩煲😛！

✨二鍋頭惹味雞煲
雞煲非常惹味，上枱嘅時候店員會幫你輕輕炒一炒，啲香味出晒嚟～ 加上少少辣味，食唔停口啊！

✨羊腩煲
冬天必食羊腩煲，羊腩冇咩羊膻味，件件肥瘦平均，羊腩煲亦有筍、腐竹等等非常吸味，加上腐乳醬，非常好食！

✨套餐B 嚴選安格斯牛💰$268
火鍋湯底我哋揀咗健康必選嘅蕃茄薯仔濃湯😛 蕃茄同薯仔湯味道鮮甜，唔係勁假嗰種蕃茄😎呢個套餐可以已經order到唔少靚肉， #安格斯牛板腱
#安格斯封門柳 都係全晚MVP!!!! 總共食咗六碟🙈

自助區亦有唔少配料，例如：餃子、炸芋頭、三斤、多款蔬菜類 ，非常滿足😊

除此之外，可以用QR code落單order海鮮類、墨魚滑等等嘅食物😝我哋叫咗墨魚滑、蜆、帶子等等，質素都唔錯。😝

▪️▪️▪️▪️▪️▪️▪️▪️▪️▪️▪️▪️▪️▪️

✿✿【旺角彌敦道受歡迎泰國菜！】✿✿

📍 #泰屋 (旺角)
旺角彌敦道726號2樓

♡人均消費: $395 @ 2

▪️▪️▪️▪️▪️▪️▪️▪️▪️▪️▪️▪️▪️▪️
旺角彌敦道726號全座都係餐廳，今次揀咗呢間泰國菜，估唔到星期一至五嘅晚市時段都坐滿咗人，原來呢間泰國菜咁受歡迎！

✨ # 醃肉碎生菜包💰$92
永遠食泰菜都一定要食泰式生菜包🤣 生菜包鋪滿滿滿嘅豬肉碎，份量令人非常滿足，豬肉碎非常入味，還有少少濕，炒得再乾身少少會更加加分！

✨ # 炭燒豬頸肉💰$86
炭燒豬頸肉燒到香噴噴，加上秘製醬汁，令人非常開胃。

✨ # 冬陰功鮮蝦炒飯💰$88
冬陰功炒飯充滿滿滿嘅蛋香😚 用料十足，性價比亦非常高🔥如果炒飯炒得再乾身啲，會更加加分！

✨ # 馬拉盞炒椰菜苗💰$88
馬拉盞特汁好好食，配上椰菜苗係一流，每條椰菜苗都沾滿咗嘅醬汁🤤 加上馬拉盞嘅微辣，不錯。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【尖沙咀蠔迷必到·新鮮生蠔•法式鵝肝多士！】✿✿

📍 #蠔灣 (金巴利道) (尖沙咀)
尖沙咀金巴利道73號新業廣商業大廈地下A號舖

♡人均消費: $1500@ 2

▪️▪️▪️▪️▪️▪️▪️▪️▪️▪️▪️▪️▪️▪️

✨ 🦪
我哋共order咗五款生蠔，味道又淡至濃開始食，每隻都各具特色。

1️⃣Tia Maraa
比較甜，細隻，少少金屬味
2️⃣Speciales de claire
爽口，金屬味重
3️⃣Cocolios
大隻，味道較鹹，海水味重，爽口
4️⃣Tia Maraa Pearl
鮮甜、帶子大粒、爽口，最無金屬味
5️⃣Tarbouriech Oyster
蠔味重，最濃，回甘最強
▶️北海道帶子
帶子肉非常厚身，味道新鮮，入口有非常飽滿嘅感覺。
▶️北海道活赤貝
赤貝用料新鮮 亦非常爽口 值得叫！
▶️車厘蜆
蜆肉相對比較重海水味，不錯。

✨ #法式鵝肝多士💰$198
鵝肝多士非常岀色，香噴噴鵝肝入口即化，配上香脆又薄既小多士，口感豐富，油香滲入小多士裏面，非常好味。

✨ #安格斯肉眼扒伴沙律配自家制洋蔥汁💰$298
安格斯肉眼扒叫左3成，肉質柔嫩，入口軟腍，加上非常特色嘅自家製洋蔥汁，同大量洋蔥，鍾意食洋蔥嘅人必點，味覺都擁有雙重享受😋

▪️▪️▪️▪️▪️▪️▪️▪️▪️▪️▪️▪️▪️▪️

✿✿【裕民坊必試高質手工意粉🍝價錢合理裝修具格調】✿✿

📍 (裕民坊YM²) (觀塘)
觀塘協和街33號裕民坊YM²3樓305號舖

▪️▪️▪️▪️▪️▪️▪️▪️▪️▪️▪️▪️▪️▪️
今次去觀塘覓食，係裕民坊比我搜索到一間有格調且價錢合理既高質cafe💞🥂🥂

✨湯 🎃
是日湯底係南瓜湯🎃配合Halloween節日氣氛😆南瓜湯味道濃郁，自然鮮甜，湯質感順滑🤤

✨ # 新鮮青口配煙肉💰$118
(風乾豬面頰肉、橄欖油、酸種多士)
青口新鮮，大大粒，肥嫩且鮮甜🤤湯底加咗煙肉，仲配埋麵包🧡真係要試下😍

✨ #白鯷魚茄子蓉多士
(白龍魚、茄子、橄機油、酸種多士)
食之前擔心會有腥味😖！點知食落去又幾好口感😝唔會覺得好腥，食落去又鹹又酸，好有層次感，而且好開胃👍🏻讚

✨ #意大利風乾火腿拼盤
（24個月巴馬火腿、莎樂美腸、寇帕火腿、新鮮水果）
咸度啱啱好😛加埋提子一齊食，唔會覺得太肥膩🧡都係一個開胃嘅前菜🤨

✨ #新鮮波士頓龍蝦意粉🍝
(羅勒、車厘茄、手工意粉)
手工意粉係呢間餐廳嘅特色，質感彈牙又煙靭～波士頓龍蝦醬整得幾岀色，芝士味濃得來又唔會好搶～ 龍蝦肉都非常爽口彈牙👍🏻

✨ #意大利香草醬闊扁麵
香草醬味道好出，每條闊扁麵都沾上香草醬，味道香濃，闊扁麵質感同樣彈牙又煙靭，手工意粉做得好岀色。

✨
呢度既TIRAMISU蛋糕好軟滑，入口細密，而且真係帶有濃郁嘅咖啡酒味，必試！

✨Mystical Rose 🌹 💰$88
Mocktail裡用冰整成好靚嘅玫瑰花🌹又用左芒果汁、菠蘿汁、橙汁、梳打水，入口味道酸酸甜甜，唔錯。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【十月當造季大閘蟹二人套餐·配莆田福建菜！】✿✿

📍 #莆田 (形點 I) (元朗)
元朗朗日路9號形點 I L2樓2040號舖

▪️▪️▪️▪️▪️▪️▪️▪️▪️▪️▪️▪️▪️▪️
每年10月左右都係大閘蟹當做季節！ 所以今次好快就落到決定一定要試吓佢嘅大閘蟹二人套餐👏🏻🎉🎉🎉

✨蝦苗頭水紫菜
呢款前菜有青瓜同埋紫菜製成，紫菜份量好多，食極都有，味道酸酸甜甜，係個幾開胃嘅前菜 。

✨清蒸大閘蟹🦀
大閘蟹二人套餐可以自選蟹公$698/蟹乸$598，我地order左蟹乸，蟹膏拖到流晒出嚟，名副其實真正嘅爆膏🤤🤤🤤 入口係啖啖滋味😚 每一啖都沾上薑醋 好好味。細心位係食完之後餐廳會上薑茶驅寒，杯薑茶好濃郁，好飲😛

✨莆田荔枝肉
荔枝肉即係平時大排檔食開嘅咕嚕肉，味道酸酸甜甜，而且冇骨啖啖肉😋

✨莆田扁肉湯
莆田扁肉湯味道正常足料，仲加入咗唔少海帶😋

✨興化炒米粉
炒米粉用上最幼新嘅米粉～ 咸味適中，而海鮮有
蝦、蜆及聖子，味道亦正正常常

✨建蓮雪耳湯/薄荷枇杷凍
估唔到結尾呢個糖水做得幾出色～建蓮雪耳湯加入紅棗同雪耳煲成，非常滋潤而且甜度適中。朋友就食薄荷枇杷凍，枇杷凍帶有少少嘅薄荷味，口感較fresh。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【太子靚裝西班牙Cafe🇪🇸】✿✿

📍 #2 Soon Cafe (太子)
太子西洋菜北街324號地舖

▪️▪️▪️▪️▪️▪️▪️▪️▪️▪️▪️▪️▪️▪️
位於太子西洋菜北街既2 Soon Cafe，裝潢適合打卡，樓高2層，樓下有室內，亦有室外位置😛 今次揀左餐廳推岀既2人套餐，總有四個頭盤，二個主食、甜品同飲品，真心性價比好唔錯💞

✨頭盤
👉🏻伊比利亞火腿忌廉薯餅
薯餅香脆，粉唔厚，忌廉味比較重～
👉🏻西班牙青椒仔
青椒仔爽口，就咁食都唔錯。
👉🏻煙三文魚蕃茄牛油果沙律
今日mvp係呢份沙律，三文魚捲成花狀略有心思，加上牛油果打成牛油果蓉 再配上健康又好味既蕃茄仔，配撘好加分😋
👉🏻蒜片欖油大蝦
大蝦口感味道正常，略嫌少少太油～

✨明太子忌廉煙肉菠菜大蝦扁意粉
意粉賣相頗有誠意，以cafe標準黎講，賣相同味道都有真係好唔錯👍🏻 扁意粉有4隻大蝦，味道正常，明太子醬份量恰到好處，唔會太咸。

✨紅酒燴牛臉頰伴忌廉薯蓉
好推介紅酒燴牛臉頰～牛臉頰炆得好夠腍，而且好入味，配上勁滑身既忌廉薯蓉，好好食！ ！ ！ 🔥🔥🔥必點之一！

✨自家製西班牙油炸鬼💰+$48
西班牙特色甜品好有驚喜，油炸鬼比較硬身好香脆，配上朱古力醬又係另一個感覺。

✨法式西多士•花生醬•煉奶•香蕉•焦糖曲奇碎•雲尼拿雪糕💰$88
必點推薦🔥🔥🔥 一定要留肚食呢個甜品😮‍💨 法式西多士整得好香脆，做到少少外脆內軟既感覺，加上左花生醬•煉奶呢兩種配搭，唔會岀錯🔥💞 一定要配埋雲尼拿雪糕同焦糖曲奇碎一齊食😍味道又昇華到另一層次☺️

✨晚霞💰$68
mocktail系列揀左晚霞，入口酸酸甜甜，充滿檸檬同蜜糖既香氣～加上蝶豆花做裝飾，不錯。

✨紫霞💰$68
紫霞加入左柚子、蔓越莓，再配上青檸同梳打水，係一杯好fresh 既Mocktail

▪️▪️▪️▪️▪️▪️▪️▪️▪️▪️▪️▪️▪️▪️

✿✿【有質素大喜屋·新推出榴槤放題🍨！】✿✿

📍 #極尚大喜屋 (鱷魚恤中心) (觀塘)
觀塘開源道79號鱷魚恤中心3樓

▪️▪️▪️▪️▪️▪️▪️▪️▪️▪️▪️▪️▪️▪️
大喜屋一定揀極尚！款式最多之餘，用料亦都係比較好～ 而家仲新推出咗榴槤放題，有榴槤泡芙、榴槤布丁、榴槤芝士撻、榴槤糯米糍、榴槤雪糕，仲有超級好食嘅烤金枕頭，依家晚市放題星期一至五夜晚時段$308一位加一～

食放題打頭陣嘅一定係刺身拼盤😋赤蝦、北海道帶子、甜蝦、赤貝、油甘魚，松葉蟹腳，全部都滿足到你😋 食完一餐之後我哋再encore咗帶子同油甘魚😋 唔錯唔錯！

刺身之後就到特色小卷/手卷/壽司類，最深刻印象係鵝肝塔，鵝肝好有油香好好味，而京蔥拖羅蓉塔都有記憶點，味道唔錯👍🏻 另外encore得最多嘅就係海膽卷😝 海膽鮮甜，無腥無臭，美中不足係紫菜唔夠香脆。

然後order左少少串燒同熱食，如：牛舌、芝麻雞翼、香草牛油煮蜆等等，質素唔錯，有驚喜！

食完主食就落重頭戲！榴槤😏😏！好彩身邊嘅朋友都食～ 順理成章地將榴槤變成甜品🍮 烤金枕頭係encore左2次既甜品！烤過既金枕頭變得更加香同更加甜😣！ 好好食💞 另外，仲可以去自助區食任食榴槤蓉。私心推介 自創榴槤雪糕😛，榴槤蓉配雪糕區既自選雪糕都好正㗎🥹 ！

▪️▪️▪️▪️▪️▪️▪️▪️▪️▪️▪️▪️▪️▪️

✿✿【必食重慶火鍋首選！係方叔叔既味道啊！】✿✿

📍 #方叔叔重慶老火鍋 (apm) (觀塘)
觀塘觀塘道418號創紀之城五期(apm)5樓L5-2號舖

♡人均消費: $822 @ 2

▪️▪️▪️▪️▪️▪️▪️▪️▪️▪️▪️▪️▪️▪️
每次想起重慶火鍋，都會掛住方叔叔既味道，位置寬敞舒適，每個座位都配有調味料架，唔洗行黎行去，非常方便。餐廳亦選用QR CODE落單，仲可以每款order半份，好岩2個人既份量，仲可以試多d唔同既種類。

✨ #鴛鴦鍋麻辣鍋
麻辣鍋(普通辣)
皮蛋香菜鍋
食重慶火鍋必點麻辣湯，最鐘意係佢既辣，辣得好過癮，而皮蛋香菜鍋都唔錯，配料就係大大條芫茜同皮蛋，飲落都幾清~

✨ (半份) 💰$138
打邊爐一定要食牛，牛小排油脂好平均，份量同味道都唔錯

✨ #黑豚腩肉(半份)💰$48
豚腩肉油脂好豐富，每塊都偏肥美，同麻辣鍋係絕配。

✨ # 十秒牛舌(半份)💰$58
今日既性價比之選，份量都算幾多，不過佢係薄切既，淥十秒左右就食得，好爽口。

✨ # 手打魚籽蝦滑(半份)💰$58
魚籽蝦滑都幾彈牙，味道不錯。

✨ # 手打豬肉丸貢菜滑(半份)💰$48
豬肉丸貢菜都係預期之內既味道，正正常常。

✨ #潮汕手打牛筋丸(半份)💰$28
反而幾鐘意食呢粒丸，入口頗彈牙，而且真係好香濃牛味，裡面亦有少少汁，正！

✨ #衝上雲宵百香果雞尾酒💰$48
餐廳加入左無限暢飲系列，可以無限添飲，入口有少少酒味，不過唔算好濃，百香果酸酸地，好開胃。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【大圍人食好西！座滿席木子居酒屋】✿✿

📍 #木子居酒屋 (大圍)
大圍積富街33號積康樓地下E-G號舖

♡人均消費: $627

▪️▪️▪️▪️▪️▪️▪️▪️▪️▪️▪️▪️▪️▪️
最近個個都去圍方，其實圍方以外都有好多好西食😎今次介紹呢間居酒屋都唔少客人，晚市幾乎座滿席，所以order後都要等比較耐既時間～但食物質素個人覺得係ok既～價錢都屬於正常價位。

✨ #精選火炙壽司拼盤💰$208
火炙壽司拼盤有六款，包括: 火炙帶子、火炙三文魚、火炙油甘魚等，每款都好新鮮，個人最鍾意帶子同油甘魚，燒過更加香。

✨ #胡麻豆腐蕃茄沙律💰$78
沙律選材非常健康，由豆腐、蕃茄同沙律菜為主
加入胡麻醬即刻變好味🤤

✨ #日本番薯拼南瓜💰$78
日本番薯拼南瓜🎃 南瓜每片都好大塊，而且好甜好好味。反而日本番薯都無咩味。

✨ #厚燒牛舌心💰$118
今日MVP就係厚燒牛舌心🤭 每片都好腍身，裡面仲係粉紅色㗎！最鐘意佢拌碟既蜜糖芥末醬，唔會好甜，但配上牛舌又幾好食😋

✨ #西京味噌豬腩💰$88
西京味噌豬腩燒得岩岩好，個邊好香，肥瘦適中，味道都唔錯。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【性價比之鬼！牛站(駅)麻辣火鍋放題】✿✿

📍 #牛站(駅)麻辣火鍋放題 (旺角)
旺角彌敦道593-601號創興廣場2樓

♡人均消費: $576

▪️▪️▪️▪️▪️▪️▪️▪️▪️▪️▪️▪️▪️▪️
牛站(駅)麻辣火鍋放題係性價比之鬼，環境幾大幾乾淨，除左火鍋配料區，亦有雪糕櫃🍦、飲品區、熟食區、同自助醬料區～值得一讚係各區擺放好乾淨同整潔，印象分大增。而且佢哋食物種類都好豐富，都係打邊爐常見既都會有！

以下係encore左好多次既特別推薦😍！

✨鴛鴦鍋
每次食火鍋都必選麻辣鍋，其次就係同樣咁愛既胡椒豬肚鍋。兩者互相配撘，係最無敵既鴛鴦鍋！ ！ 麻辣叫左中辣，都真係幾辣，而我仲會愈食愈辣，好過癮😻而胡椒豬肚鍋就真係幾重胡椒味，而且都有唔少豬肚😼 兩個湯底都好食！

✨美國極黑和牛片
肉類都係任叫，我哋比較鐘意呢款 #美國極黑和牛片，靚牛肉加落麻辣湯到淥，加上日本雞蛋，好食都停唔到！

✨鮮甜沙白
隆重介紹，次次黎都要叫20份以上既沙白，隻隻無沙粒粒飽滿，落埋去個胡椒湯到，成個湯都因為啲蜆昇華左，湯都飲埋。

✨紐西蘭青口
啖啖肉既青口，唔會太勁冷藏味，加上調味既XO醬，係海鮮愛好者既最愛。

✨牛丸
特別介紹係出面攞既牛丸！牛丸入面係芝心架！好好味！不過食既時候記得小心辣親個嘴！

▪️▪️▪️▪️▪️▪️▪️▪️▪️▪️▪️▪️▪️▪️

✿✿【韓式清新cafe•特色限定恐龍主題！】✿✿

📍 in seaside (新城市廣場) (沙田)
沙田沙田正街18號新城市廣場一期L6樓609號舖

♡人均消費: $356 @ 2

▪️▪️▪️▪️▪️▪️▪️▪️▪️▪️▪️▪️▪️▪️
呢間係位於沙田新城市廣場韓式小清新cafe～位置開場，而我就被恐龍為主題既餐牌吸引而來🦕

✨ #韓式魚糕飯卷💰$78
有蘿蔔絲、醃蘿蔔、蛋、同大大片魚糕整成嘅飯卷，估唔到魚糕同醋飯又幾夾，食落有少少似腐皮壽司，不錯

✨ #菠菜雞肉千層麵💰$78
清淡輕量首選，白汁喺主要嘅味道來源，配上菠菜同雞肉嘅千層麵，味道唔會濃，食落去冇乜罪惡感，減肥首選！

✨ #恐龍地帶提拉米蘇💰$52
超多忌廉，蛋糕偏小，但都有咖啡味，有啲啲失望

✨ 💰$58
抹茶沙冰唔會太甜，加上微甜嘅紅豆，加上忌廉上面嗰塊恐龍餅乾，睇見都開心，塊餅乾仲要幾好食。十分推薦。

依家點恐龍款式既食物，再消費滿$200，即可參與小遊戲，成功同店員battle，更可獲小恐龍蛋一隻。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【旺角人氣店•爆餡足料台式紫米飯團🍙！】✿✿

📍 #阿杏飯團 (富時中心) (旺角)
旺角彌敦道585號富時中心地下3號舖

▪️▪️▪️▪️▪️▪️▪️▪️▪️▪️▪️▪️▪️▪️
台灣過江龍爆餡足料台式紫米飯團，即叫即製，有多款口味選擇，亦有台式飲品～ 又飽肚又方便！

✨ #網紅蟹肉飯團💰$41
阿杏飯團餡料出名豐富，大大件又好食，蟹肉飯團以蟹柳為主打，加入咗沙律醬、肉鬆、油條、生菜，食半件已經飽飽地～

✨ #鹹蛋鴨胸飯團💰$43
呢個飯團有齊我最愛嘅鹹蛋同鴨胸，其他餡料仲有肉鬆、油條、生菜，包得好實淨，加埋口感煙靭嘅紫糯米，一百分滿足😽

✨ #黑糖珍珠奶茶💰$27
黑糖珍珠奶茶嘅珍珠非常煙韌，又有咬口🧋比較重奶味，甜度屬於正常～

✨ #椰果四季春💰$23
椰果四季春係非常fresh嘅飲品，椰果甜度啱啱好，又有咬口，同飯團比較夾。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【香港本土地道手信·經典小熊四味曲奇！】✿✿

📍 #香港小熊 (尖沙咀)
尖沙咀樂道36-50號華源大廈地下7A號舖

▪️▪️▪️▪️▪️▪️▪️▪️▪️▪️▪️▪️▪️▪️
香港小熊係香港本土地道手信之一，以可愛小熊、曲奇餅、肉鬆蛋糕作為青睞～～～

✨ #小熊四味曲奇
經典四味曲奇🍪包括: 原味、咖啡、抹茶、朱古力。口感鬆脆，相較下個人最鍾意咖啡同抹茶味，味道相對較突岀👍🏻

✨ #海苔肉鬆卷
海苔肉鬆卷，蛋糕好鬆軟，而海苔同肉鬆絕對係天生一對，兩者夾埋一齊非常好食。

✨ #惡魔肉鬆卷
惡魔肉鬆卷即朱古力肉鬆蛋糕，驚喜之處係裏便有少少流心朱古力～ 朱古力味好香濃，少少蓋過肉鬆味～唔錯。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【尖沙咀抵食酸菜魚•拼北京烤鴨套餐優惠！】✿✿

📍 #姚姚酸菜魚 (港威商場) (尖沙咀)
尖沙咀廣東道3-27號海港城港威商場2樓2307號舖

♡人均消費: $600 @ 2

▪️▪️▪️▪️▪️▪️▪️▪️▪️▪️▪️▪️▪️▪️

✨ #姚姚酸菜魚拼北京烤鴨（2-3人套餐）

二至三人份套餐包括左前菜 #酸辣土豆絲，仲有半隻 #北京烤鴨、 #孜然椒鹽鴨架、姚姚酸菜魚，以套餐價個人認為非常抵食👍🏻

🔺酸辣土豆絲
土豆絲唔算好辣，作為前菜，酸酸辣辣都唔錯。

🔺北京烤鴨（半隻）
北京烤鴨份量唔算多，2人既話都算足夠～ 美中不足係烤皮有點乾同硬，烤鴨中規中矩，再肥美啲相信會更有油香～

🔺孜然椒鹽鴨架
鴨架加入左孜然同椒鹽兩種調味，好入味之餘都好香口👍🏻

🔺姚姚酸菜魚
姚姚酸菜魚係今晚既主角，用上大盤盛載，上枱非常覇氣😌 酸同辣落單時都可以根據個人喜好選擇，夠哂個人化👍🏻 我哋揀左少辣、酸度正常，味道都唔錯，鐘意食辣既朋友可嘗試中辣🤪 魚片份量多，魚質滑溜無骨，加上酸菜一齊更滋味😋

✨ #彩虹烏龍冰粉
彩虹烏龍冰粉賣相吸引，冰粉加入左烏龍，入口冰冰涼涼滿有茶香，我同朋友都好鐘意👏🏻 上面仲有多種配料，如:芝麻、提子乾、紅豆、丸子等等，口感非常豐富。

▪️▪️▪️▪️▪️▪️▪️▪️▪️▪️▪️▪️▪️▪️

✿✿【性價比之選·晚市一人干鍋套餐！】✿✿

📍 #川辣皇 (旺角)
旺角花園街3-5號鴻威大廈地下9號舖

♡人均消費: $184 @ 2

▪️▪️▪️▪️▪️▪️▪️▪️▪️▪️▪️▪️▪️▪️
川辣皇新推出咗晚市一人干鍋套餐，免加一之餘，亦配白飯同飲品， 驚喜嘅一人干鍋都非常有質素～ 性價比很不錯!!!!

✨ #晚市一人干鍋套餐💰$98
晚市一人干鍋套餐可以自選一款鍋底、四款配菜，鍋底方面老闆娘表示最多人選就是香辣，一於try try佢😎😚 辣度揀咗大辣😝 覺得唔算好辣😀🥳 反而係幾香～ 配菜就揀咗金錢肚、豬軟骨、炸芋頭、豬腩肉，每款配菜份量平均，金錢肚好腍身😋豬軟骨爽脆有口感。除咗四款小菜仲配有白飯同飲品，而且免加一，性價比唔錯。

✨ #萵筍炒臘肉💰$78
萵筍大大件，炒埋一齊上有臘肉嘅鹹香味～ 臘肉份量適中，而且唔會太鹹，同萵筍一齊有中和嘅作用。

▪️▪️▪️▪️▪️▪️▪️▪️▪️▪️▪️▪️▪️▪️