UG Civilianz

It starts our 'Vivencia'23' [Spanish: insight, experience] Camp towards a region, famous for its serene environment, lush green forests and tall mountains. It is also known for the coffee and is often referred to as the coffee land of Karnataka. The city is situated in the Deccan Plateau of Indian subcontinent and the Western Ghats start from just outside the city. Metaphorically, with a pleasant climate it is the panacea for those hearts are heaved with pains and worries.
{THIS IS CHIKMANGALURU}
Wherever we went it wasn't the normal and easy as everything we do, but we struggled for every steps we took ahead in the trip.
We struggled a lot to climb the mountains and touch its peak. We again towards the new route struggled to cross the hills taking the seats in old-fashioned and dirty-dusted jeep, felt for a while, we are in team of wildlife discovery and conversation.

And it's absolute sorry, we couldn't capture more And we won't be able to tell you all we have seen. It's only Arts what ones eyes hold. Nature itself speaks we talked a lot to each other but it's secret between us what we asked and what they answered.
After toiling form dawn to dusk on the high-peak mountains we reached to this conclusion that, with all sette , scennee, lookk and vibbe [ malayali-styled pronunciations] it was absolutely nice experience.

Vivencia'23
Explore. Dream. Discover


Uzair Ahmed

#വിവെൻസിയ
#സിവിലിയ

സക്രേപട്ടണത്തിന്റെ ഐതിഹാസിക നായകൻ രുഗ്മാംഗദന്റെ ഇളയ മകളുടെ മാംഗല്യ ചടങ്ങാണ് വേദി. മുതിർന്ന മകൾക്ക് ഹിരെമംഗളൂരുവിന്റെ വിസ്തൃത ദേശം തന്നെയും സ്ത്രീധനമായി നൽകിയ രാജാവിന്റെ പുതിയ പ്രഖ്യാപനത്തിനായി കതോർക്കുകയായിരുന്നു ഭരണീയർ. പ്രകൃതി വിസ്മയങ്ങളുടെ അൽഭുതഭൂമിയായ ചിക്മംഗളുരുവായിരുന്നു തൻ്റെ ഒടുവിലത്തെ മകളുടെ കല്യാണ ദിനത്തിൽ രാജാവ് സ്ത്രീധനമായി പ്രഖ്യാപിച്ചത്. അദ്വിതീയമായ ചാരുതയോടെ പ്രകൃതി വരച്ച അനശ്വരച്ചിത്രങ്ങളുടെ സംഗമസ്ഥാനിയായ, കന്നടനാടിന്റെ ദക്ഷിണപാശ്ചാത്യൻ ഹൃദയഭൂമി അങ്ങനെ രുഗ്മാംഗദന്റെ ഇളയ മകളടെ അധികാരഭൂമിയായി മാറി.

1947 ൽ പാരതന്ത്ര്യത്തിന്റെ ചങ്ങലക്കെട്ടുകൾ പൊട്ടിച്ചെറിഞ്ഞ് ഇന്ത്യ പുതിയൊരു പ്രഭാതത്തിലേക്കുണർന്നെഴുനേൽക്കുമ്പാൾ കടൂർ എന്നായിരുന്നു പ്രസ്തുത ദേശത്തിൻ്റെ നാമം. എന്നാൽ, സ്വാതന്ത്രാനന്തര ഭാരതത്തിൽ അതൊരു നിർണായകമായ പേരുമാറ്റത്തിന് സാക്ഷിയായി.
"ചിക്കമഗളൂരു"
(ചിക്ക+മഗള+ഊരു)
കന്നട ഭാഷയിൽ "ഇളയ മകളുടെ പട്ടണം".
സഞ്ചാരി ലക്ഷങ്ങളൊഴുകിയെത്തുന്ന ഈ അസാധ്യ ഭൂമിക തന്റെ ഐതിഹാസിക നാമം ലോകർക്ക് മുമ്പിൽ അഭിമാനത്തോടെ മുഴക്കി കൊണ്ടിരിക്കുന്നു.
"ചിക്ക്മംഗ്ളൂർ..."
മാമലകളും ജലാത്ഭുതങ്ങളും കാപ്പിയും കൊണ്ട് അലംങ്കൃതമായ, ട്രക്കിംഗ് പ്രേമികളുടെ സ്വർഗം - "ചിക്ക്മംഗളൂരു"

ചിത്രത്തിൽ : ചിക്ക്മംഗളൂരുവിന്റെ നായിക ഇതിഹാസത്തിലെ രുഗ്മാംഗദന്റെ ഇളയപുത്രി

ചിക്ക്മക്ക് ഡയറീസ് -2


അതിസാഹസികമായിരുന്നു രാവിലെയുള്ള കുളി. പ്രഭാത നടത്തത്തിന് പോയ പലരും കുളിക്കാതെ ആദ്യ സെഷന് അണിഞ്ഞൊരുങ്ങി. ആകർഷകമായ മുഹമ്മദലി ഉസ്താദിന്റെ സോഷ്യൽ വർക്ക് സംബന്ധമായ ക്ലാസ് എല്ലാവരുടേയും മനം കവർന്നു. ഗംഭീരമായ നാശ്തയായിരുന്നു ദാറുൽ ബയാനിലെ കാന്റീനിൽ ഒരുക്കിയത്. വൃത്താകൃതിയിലുള്ള പുട്ടിനെ അനുസ്മരിപ്പിക്കുന്ന ബിണ്ടി എന്ന കാസർകോഡ് സ്പെഷ്യലും അതിലേക്ക് മുളകിട്ട കോഴിക്കറിയും. തികഞ്ഞില്ലെങ്കിൽ കോഴി ബിരിയാണിയും സജ്ജമായിരുന്നു. ഉച്ചയ്ക്കു ശേഷം നടന്ന ഫീൽഡ് വർക്ക് തികച്ചും അനുഭവവേദ്യമായിരുന്നു . മഹല്ലിലെ മതവും ഭൗതികവുമായ വിദ്യാഭ്യാസ നിലവാരം അളക്കുകയായിരുന്നു സർവേയുടെ ആത്യന്തിക ലക്ഷ്യം. രാത്രി പള്ളിയിൽ വെച്ച് വിദ്യാർഥികൾക്കും പൊതുജനത്തിനും സംഘടിപ്പിച്ച നസ്വീഹത്തിന് സാലി മുസ്താദ് നേതൃത്വം നൽകി. അതേസമയം ഖർനി ഉസ്താദിന്റെയും മുഹമ്മദലി ഉസ്താദിന്റെയും മേൽനോട്ടത്തിൽ സർവേ അവലോകനവും റിപ്പോർട്ട് തയ്യാറാക്കലും നടന്നു. ശേഷം ഇരുവർക്കും വേദനകരമായ വിടവാങ്ങലാണ് നൽകിയത്. തലേന്നു രാത്രി ഉറക്കമൊഴിച്ചത് മൂലം എല്ലാവരും നേരത്തെ തന്നെ നിദ്രയിലേക്ക് വീണിരുന്നു.

ചിക്ക്മക്ക് ഡയറീസ് -1


മംഗലാപുരം സെൻട്രലിലിറങ്ങി വിശാലമായ പോലീസ് ക്വാർട്ടേഴ്സിനിടയിലുള്ള ഇടവഴികളിലൂടെ പള്ളി ലക്ഷ്യമാക്കി നീങ്ങുമ്പോൾ തണുപ്പ് സ്വാഗതം വീശിക്കൊണ്ടിരുന്നു. നിസ്കാര ശേഷം ഹംഗലിലേക്ക് തിരിയുന്ന അഖീദക്കാരോട് താൽക്കാലിക വിടവാങ്ങി സകലേഷ്പൂരിലേക്കുള്ള വണ്ടിയിൽ ഇരിപ്പുറപ്പിച്ചു. ശാന്തമായ റെയിൽവേ സ്റ്റേഷൻ ചെറുതാണെങ്കിലും വൃത്തിയുള്ളതായി തോന്നി. ഘനീഭവിച്ചതെങ്കിലും നിലാവു പെയ്യുന്ന കൊടുംകാടുകൾക്കിടയിലൂടെ കൊച്ചു കൊച്ചു തുരങ്ക പാതകൾ താണ്ടി ട്രെയിൻ കുതിച്ചു. മങ്ങിയ നിലാവെളിച്ചത്തിൽ നിലം കാണാത്ത കൊക്കകളും നെടുനീളൻ അരുവികൾ ഇടവിട്ടൊഴുകുന്ന അംബര ചുംബികളായ പർവത നിരകളും കണ്ടപ്പോൾ ഇതുവഴിയുള്ള പകൽ യാത്ര എത്ര ആസ്വാദ്യകരമായിരിക്കുമെന്ന് ഒരുവേള ചിന്തിക്കാതിരുന്നില്ല.സുഖകരമായ തണുപ്പിന്റെ തലോടലേറ്റ് ഒട്ടുമിക്ക പേരും സുഷുപ്തിയിലാണ്ടു പോയിരുന്നു.
സകലേഷ്പൂരിലെത്തുമ്പോൾ പതിനൊന്നര കഴിഞ്ഞിരുന്നു. തീക്ഷ്ണമേറിക്കൊണ്ടിരിക്കുന്ന തണുപ്പ് വകവെക്കാതെ ഒരു കിലോമീറ്ററിനുള്ളിൽ വ്യത്യസ്ത വഴികൾ പരീക്ഷിച്ച് ഒടുവിൽ ബസ്റ്റാന്റിലെത്തി. അവിടെ മൻസൂറിക്കയുടെ ഹോട്ടൽ ഞങ്ങളെ കാത്തിരിക്കുകയായിരുന്നു. ഇരുപത് മിനുറ്റിനുള്ളിൽ ആവിപാറുന്ന കുഷ്ക്കയും ചിക്കൻ കബാബും തയ്യാർ. സാലിമുസ്താദിന്റെ വാക്കുകൾ കടമെടുത്താൽ മൻസൂറിക്ക അന്നേരം നാസറിക്കയായി മാറുകയായിരുന്നു. സ്വാദേറിയ ഭക്ഷണം വയറു നിറയെ കഴിച്ചതിനു ശേഷം മുഡിഗെരെയിലേക്കുള്ള ബസിനായി നീണ്ട നേരത്തെ കാത്തിരിപ്പായിരുന്നു. അതിനിടെ ഖർനി ഉസ്താദിന്റെ നേതൃത്വത്തിൽ രണ്ടു പേരുടെ ബർത്ത്ഡേ ആഘോഷിച്ചത് വേറിട്ട അനുഭവമായി. പൊതു ഗതാഗതത്തിന്റെയും കെ.എസ്.ആർ.ടി.സി യുടെയും കൗതുകമുണർത്തുന്ന ഇബ്രാഹിമുസ്താദിന്റെ ചരിത്രാവതരണം പുത്തൻ അറിവുകളാണ് പകർന്നു നൽകിയത്. മുഡിഗരെയിൽ നിന്ന് പുലർച്ചെ ആറ് മണിയോടെ ലക്ഷ്യസ്ഥാനമായ ചക്ക്മക്കിയിലെത്തിയപ്പോഴേക്കും എല്ലാവരും കമ്പിളിയണിഞ്ഞിരുന്നു...

UG Civilianz

Explore, Dream, Discover
Vivencia'23

UG Civilianz

Congratulations..

ഇലാഹീ വിശ്വാസത്തിൽ സർവതും സമർപ്പിച്ച ഇബ്റാഹിം നബിയുടെയും മകൻ ഇസ്മാഈൽ നബിയുടെയും ത്യാഗസ്മരണകളുയർത്തി ഒരു ബലിപെരുന്നാൾ കൂടി വന്നെത്തി. സാഹോദര്യത്തിന്റെയും മാനവ മൂല്യങ്ങളുടെയും സന്ദേശം പ്രചരിപ്പിച്ച പരിശുദ്ധ അറഫയും കഴിഞ്ഞ് പെരുന്നാൾ ആഘോഷിക്കുന്ന മില്ലത്ത് ഇബ്റാഹീമിന് ദാറുൽ ഹുദാ ഡിപ്പാർട്ട്മെന്റ് ഓഫ് സിവിലൈസേഷൻ സ്റ്റഡീസിന്റെ ബലിപെരുന്നാൾ ആശംസകൾ.

Core Committee 2022-'23