Kamal Enghi

Kadokave chesong rapet songjapo songjapi doan aphan kachesong adap keme akardom deho:

Non apor k kachesor sa kacheputot apor kalilo khei longri ke vir lo lasi aphlc along chingrum rapet nangpo.Tangka ajoine jongsi bjp pen link dodun bom dambom chingkidunbom ruling party pen arlo arlo pen link dodun kok aparty ke badu aparty ta kachesong Chun chedetji lasi chere peme nangji. Khei longri rengverji aphan ning ingthir et pen aphlc along vang pet non akaprek aparty along mate party kimi along kachingrum ke kevir dap prangji angring lo.

Rengjite khei apharman lapen ke thijita khei longri aphan nangji don atum

Karbi anglong along bjp govt.,GOA,GOI atum nang chari tong khei longri cheraikom unjima ?mate APHLC a*ong atum sixth sche dule ajakong,Aron atang pen kacharilo? Karbi Anglong along kethe kere atumlapen ke kadokave arat atu mta non apor k**a tha akenangsot bino ng lo.Kachingthur kapaprang amen pen jongsi longri kep ta keche kebe arideng dam thujui te non eprang kevangji arni ke itum Karbi akhei aphan kanahok thetan ji pusi neli mathadam. Longri mate longle k nangbatbelo,bonta itum council kachari atum jongsi longri kep ta pakonthudet pulote kisunglo athema longle ke nangbatbelo bonta itum Karbi akheita arnikevangsi nangkebatlo,lasi mo arnisi k longle phela ng chetangtesi metha ng methang angbong si chebohong nangpo. Lasi kedamtang bjp kachari arni pen k khei longri kacherai komji kali itum ing long a*o ajakong ta pavedetlo,longri kep ta k/Anglong pen nangthak dundak lo lasi phere meme binonglo lasi non matha hurtha jongsi kedamtang kaac kilik aphlc a*ong aphan le pahaidet pusonte longri kep ta imple ment longledet ji council ajakongta Assam govt. arideng damdedetji apot lo,karbi atum aphan eviction mate hem kepri asaita paklem longledetji apotlo. Athema Aphlc ke khei lapen longri kacheraikomji aphansi amahang kapathek. Momota aphlc a*ong atum inglong a*o doan aphan ke cheraikomverji lapen keche a*o doan aphan ke refugees paman etji. Lasi jongsi khei longri rengver nangji,jokvan nangji pulote aphlc a*ong along kadokave bjp along kedo atum anta aphlc along nang che song dunrap petji aphan choningrilo lapen k you are most welcome lo. Kardom:

MLA Dorsing rongha ng nangli Aphlc amei phu akehai JI kathar lapen lamjai sarpo akehai angtong Ingti kathar banghini apha n karbi anglong arat aphan kachongthui pon lapenke banghini phanta areng ahu pe sodap prangpo pu aronre pen ketherpon apot nangpinremlo. Nangli inut MLA puset le lapuson violence alam kaningje therak rema?Karbi Anglong arat doan chinipame lo nonke, nanglitum bjp atum ke karbi arat aphan kachongthui lokpen longrikep ta kachojor atumlo.MP, 4MLA,CEM ta karbi saidelo,pipotsi hem prek vanthek the detlo? Longrikep keche atum phan ka chojor atangka pensi karbi anglong arlo development nang keklem ji puke thek olo putong chematha ma nanglitum?Mo arnisi karbi anglong arat nang ingsaivekji nanglitum phan ning chebitu. APHLC a*ong atumke bjp atum kemanme kevanthek the,keklemthekthe akam si chesongpen kepachunpo.Mate APHLC atum Kevan hemprek along ke dodunde Mota pu press meet chepidak haijima?Nanglitum bjp atum ke methang karbi aphansi chohai unchot,chepesung the kchot kalima?Nang litum bjp atumta khei longri phan kaching hon dopulote aphlc a*ong ahotur nang mandun dedet non. Kevangjilang arni nanglitum lapuson aronre pen kether kehap kavedetjiphan si choningrilo.Aphlc atum ke akemang plengplektik ke sangselo.

APHLC a*ong mate karbi anglong arat atum BJP atum 26MAC kehai kroithek thedet,ningkangsam se ajoine 4th July Diphu rongsopi along Re election padovek nangji pusi kachesong pakruhak anpilo. Jong si BJP aparty aphan karbi anglong arat atumsi pahaivek lo pulotangte, pisi Re election kapado phere nangjilang?BJP atum jongsi Re election pado haihedet pulote lake BJP aparty atum rigging, proxy voting aronre pensi chepa haivek lo pu angthek lo.Lasi jongsi Re election padolongle det te karbi anglong kopi manji?BJP aronre pen chepahai bor edet chiklo ejon ta pleng ple lang ahut pensi aphlc spokesperson Akehai Angtong Ingti kathar aphanta aronre pen arrest ponpadolo, puthot arni Rongpang thir 4km lumding road along menai akhei karbi arongsi eviction pado pon tanglo. Lasi non ningkan 5 jongsi bjp govt.charipulote mena karbi akhei aphan kopipi plang jilang?Chiklo ejon angbong ke mena akheilok si kisung saide lang. Lasi BJP along kedo karbi arat doan ta ningchiruira khei longri apharman kachesong rapet aporlo.Development pu ajoine pen mo longri virthudet te ale avedetji. Development ke ilitum 6th schedule ajakong pen chechari longlote dopikji.

Pini Diphu Ru semsonsing Ingti memorial park along aphlc mass rally padopon. Prapjin pen re election padovek nangji pusi suri suri armu chejeng si diphu rongsopi pakruhak.Bjp atum 26 mac ta chepahai bor edet lake rigging votes,proxy votes pen,athema pirthe adang nahokta seats 100% haidet pu ave, asdc atum ningkan 15 kachari ahut ta seats 26 ke hai un e det,puthot congres kachari thu ningkan 15 ahut ta seats 26 ke hai un eh binong lasi bjp atum seats 26 hai et puke karbi anglong arat kroi thekthe. Latum chepahai bor edet atheke prapjin pen inghoi 10 keche a*o aphan kipidet,kaac kilik conduct ajakong Assam state election commission aphan kachehodaidet ,lapuhai implement vek ji aphan si bang 26 mac aphan pahai bor e detlo aridak kepapidunji aphan . Athema kaphere meme seats 10 keche a*o apharman implement ji pulote mac 26 atum chekroi angthek aridak pivek nangji tahai lasi mac 26 atum phan Delhi ponsi prapjin pen implement dampo pusi angkrak pen birta longdun.lasi inut bahini mac jongsi ridak pidundedet te implement un edet tahai jongsi mac26 jongsi ridak chepidundet te lake implement vekpo inghoi 10 ke karbi anglong kalidet binongpo lasi choningrilo komane inut banghini mac jongsi mena khei longri chinghon do pulote ridak pidun dedet ji aphan.Kardom

Pini diphu aphlc mass rally along dambom ahut jirpo atum pen pen jo

Bjp atum 26 mac kehai et puke karbi anglong arat kroike,proxy votes,rigging votes pensi chepahai bor e lasi re election padovek nangji.