大交合 - 大圍交通資訊綜合 TaiWai Transport Hub

【81來回不平衡】

出市區要自轉3圈覆蓋大圍新村、美輝街、美桃樓、松嶺路，及遷就當年起青沙公路造成嘅道路改變。
回程夠快，但又服務唔到美輝街站乘客。

若果沿綫各個站都可以有少少犧牲或讓步，而相關部門又樂意做小型工程俾巴士行到下城門道走，就可以改善81出市區嘅車程，幫助維持路綫班次。

另一邊廂，回程亦應積極考慮加停美輝街或美楓樓，服務目前有去無回嘅美輝街站。

#大圍交通資訊綜合 #大交合

[小編閒談🤓💬 出九龍好慢，返沙田超快嘅81]

呢條巴士線可以話係徹底地身不由己，自從20年前青沙公路工程開始，九龍方向嘅81隨住工程進展不斷改道。試過加停美輝街換取飛走積輝街，點知而家要喺大圍調頭3次，招牌快線名譽掃地💩

以小編嘅實際體驗，可以肯定來回車程相差10分鐘。聞說巴士公司亦相當無奈，去程過度迂迴，回程依舊直接，搞到來回客量好唔平均。由市區返沙田市中心同瀝源禾輋爽快到識飛，但係出九龍真係不了。

其實仲有個快啲嘅行法🤡 停咗美輝街之後，直行美田路到大圍街市，右轉積運街 (新強記對面)，經下城門道可以落返大埔道🫶🏻。現場冇牌禁止大車咁行，實際可唔可行就巴士公司先知，唔停積輝街可以改停街市作為補償。咁行應該快返6-7分鐘。

行咗幾十年大埔道嘅81看似過時，搭開嘅就知係好嘢。呢條暢通無阻嘅山路捷徑🚀，美林往返深水埗只係15分鐘，多年以來深受歡迎，北河街永遠有條人龍排隊等81返沙田，只係出九龍實在太過不濟。如果可以行下城門道，有望變返條車程吸引嘅巴士線。

IG: https://instagram.com/shatin_transport
更多內容: https://linktr.ee/shatintransport

【下下星期六起，八爪魚迴旋處將會改為螺旋處】

駕駛者需時適應，但本頁仍然睇到螺旋處嘅好處，樂見其成。

螺旋處四邊都有左轉專綫，有助消化主要路段嘅車流。

-- S

#大交合 #大圍交通諮詢綜合
#大圍 #大圍迴旋處 #螺旋處

[最新消息] 23/3起大圍迴旋處改為螺旋 🐚🔄

【大圍站有蓋小巴總站站位重組】

61M、68K、403X會搬入大圍站上蓋工程擴建部份（如圖所示），803K、481B及其他居民巴士／仁安接駁車將會維持原位。

64A（繁忙時間往返培僑書院、大圍新村）上落客位置應一直都係村南道64K站位。如有需要，建議向營辦商富新聯熱綫6972 6032 或村南道小巴站長（只於個別時段當值）查詢。

相信站位重組過後，各條路綫尤其68K嘅候車環境會較以前稍為改善。

#大交合 #大圍交通資訊綜合

[大圍小巴站位重組 - 61M, 68K, 403X]
有冇人知64A站頭喺邊(?)

⏰由今日(7/10)起，大圍站總站內嘅各條小巴路線將會重整停站位置，牽涉以下小巴線:
61M 大圍站 - 世界花園
64A* 大圍站 - 培僑書院
68K 沙田站 - 瑞峰花園
403X 大圍站 - 北葵涌(石籬及安蔭)

最近車站出口嘅依次為68K，403X，61M。至於小編喺站內只見到64A嘅通告，但未見有站牌，請向大圍站A出口嘅村南道64K站頭查詢有關詳情。

IG, Youtube, Buy Me a Coffee, Payme
贊助持續運作 ➡️ https://linktr.ee/shatintransport

【機場綫重組：冇咁大個頭戴咁大頂帽】

#前情提要
大圍及沙田其他地區多年來一直爭取直達機場的A綫。適逢2020年初運輸署鋭意推動「區區有A綫」，運輸署表示龍運會增加10部巴士到沙田區A綫，開辦兩條新A綫覆蓋沙田區大部分住宅區。方案一再討論及修訂後，因武漢肺炎而一直未有實施。

#龍運彈弓手 #方案新不如舊
近日，運輸署提出最新方案（附圖下半），路綫分工不完美但勉強可接受。然而，先前一直計劃全日行走嘅兩條新綫A42、A46，於最新方案被改為只提供「半全日服務」，只行走早上至中午往機場、下午至晚上返沙田。「半全日服務」未能服務到夜機離港或早上抵港嘅乘客，兩條新綫同樣為「半全日服務」，對於沙田大圍居民是一個倒退。

#重組難關是資源問題
根據最新方案，沙田區A綫只會加派最多4部巴士，當日加10部車的承諾已經被作廢。要在減低對A41現有路段乘客影響之下，只新增4部巴士，但新增服務逾半個沙田區，根本不可能。

#魔鬼細節層出不窮
此外，儘管A42被建議為「半全日服務」，黃泥頭總站位置不再緊絀，服務大圍、第一城、小瀝源嘅82K，縮短至威爾斯醫院而放棄逾三成乘客嘅方案未有撤回。此外，A46往機場行法為「先大橋後機場」，亦是需要關注之處。

#市中心保留逃生路綫 #實質上是保障全區
大交合以大圍為本位，但全區性質嘅路綫改動仍然要考慮全區利弊。由於道路網問題，機場綫無可避免一定有未能覆蓋嘅區域，仍然需要依靠包括沙田市中心在內嘅轉乘點；又或者未能趕及其他A綫班次時，A綫沿途居民亦會照樣搭A41到沙田市中心轉車返區。沙田市中心繼續享有一條合理地頻密嘅A綫，一來可以服務遊客到市中心及帝都酒店，二來更加係保障全區居民利益，作為A41P/A42/A46送車尾嘅「逃生門」。因此，A41繁忙時間最密開30分鐘並不是一個理想安排。

#總結
大交合大致認同 沙田交通關注組 Shatin Transport 嘅A綫分工方案（附圖上半），並期望運輸署及龍運就班次問題能夠「適可而止」。關於重組細節，包括82K縮短到威爾斯醫院嘅計劃，大交合會繼續密切留意。

-- S
#大交合 #大圍交通資訊綜合
#十變四
#一次比一次更加諷刺

[小編再同大家分析機場線重組🫶🏻]
乙明冇咗全日A41 換來半日A42 無啦啦整笪疤？

我哋好幾個月前去信運輸署提出咗圖上嘅建議，運輸署近日亦修訂咗重組方案，引起街坊激烈討論。尤其在於乙明邨冇咗半日嘅機場線服務，同埋關注市中心冇得直出公路。我哋分析下兩個方案先:

#乙明得返半日車？
⚠️ 我哋建議嘅A41除咗延長至石門之外，愉翠苑至市中心一段不變，然後直落公路。原意係希望現時乘搭A41嘅人繼續搭返原線，盡量減低對原有乘客嘅影響。不過署方方案嘅A41飛起乙明，並稱受影響乘客可改搭半日服務而班次極疏嘅新線A42。就呢點而言，小編認為我哋嘅方案之下，即使署方決定新線只開半日，乙明嘅乘客仍不受影響。

#市中心冇咗直出？
🚀 另外我哋建議A41繼續行經市中心，並維持直出公路嘅走線，相信呢個都係不少街坊最希望保留嘅。不得不提，歡迎署方建議A41及A46一同服務市中心，確保需求龐大嘅市中心有足夠班次。但係署方建議A41入市中心後繞經秦石及大圍，令走線變得較迂迴，與經大圍嘅E42相近。

#獅隧公路好無謂？
🛣️ 不少街坊亦關注A42繞經獅隧公路，有區議員亦擔心受繁忙時間塞車影響。況且新田圍嘅街坊又會唔會拎起個喼行上山路樓梯去搭車？我哋早前建議嘅A42與署方大同小異，但係過咗沙田圍後直行去秦石及大圍，不繞經獅隧公路。如果A42唔使上山而服務秦石及大圍，A41就可以繼續行經乙明及市中心，同時理順A42走線，一家便宜兩家着。

IG, Youtube, Buy Me a Coffee, Payme
贊助持續運作 ➡️ https://linktr.ee/shatintransport

【颱風後，路綫恢復服務】

九巴大部份全日路綫於16:30後逐步恢復服務。
72、72A、81因大埔道／大埔公路仍有塌樹，暫時仍然停駛。
46P並非全日路綫，因此今天不會提供服務。
不過，非全日路綫嘅900（灣仔經金鐘、中上環、西隧、青沙返回源禾路、白石角）會提供回程服務。

城巴B8據悉已於3點起恢復服務。

80X往觀塘不停彩虹邨碧海樓（大老山出斧山道有塌樹）

80K、249X、283、286X等路綫已恢復正常，毋須改道

詳情可參考九巴網頁（留言附上連結），並請以巴士公司即時公佈或外勤職員資訊為準。

-- S
#大交合 #大圍交通資訊綜合
#風暴後消息都有大交合

秦石巴士總站爆水管，因巴士總站已經更改為車輛通道，47X, 80X 總站遷至石瑩樓站，秦石巴士總站臨時取消。

--J
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
‼️大交合已經開咗 IG (taiwai_t.hub) 啦～快啲follow啦～

#大交合 #大圍交通資訊綜合

Threads 有嘅嘢
呢度應該冇
呢度有嘅嘢
Threads 應該冇
所以
麻煩大家 follow 曬 Threads & Instagram 🙃

--J
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
🥇大交合已經開咗Threads (taiwai_t.hub) 啦～快啲follow啦～

#大交合 #大圍交通資訊綜合

市中心改道安排現正實施，據悉現場亦有九巴外勤職員在場。

🛎再次提醒大家，駕駛者請避免進入市中心，乘客亦請預留額外時間；
如乘搭282、283往市中心，建議於希爾頓中心落車步行。

【🚨市中心整路，災難級改道🚧】

🚨所有由希爾頓中心進入沙田市中心總站嘅巴士路綫
🚨星期一（6/19）10:00 - 翌日 05:00 改道，大部份路綫都係改停市中心總站出口位置（88往九龍除外）。

⏳改道期間如需乘搭經過沙田市中心嘅巴士路綫，請務必預留額外時間。駕駛者如非必要，亦請避免途經沙田市中心一帶⋯⋯

🚨大交合亦特別提醒大圍街坊，乘搭282、283往市中心，請考慮於希爾頓中心落車，以免要繞經市中心一圈方可返回總站落車⋯⋯

A41往機場站位不變，但改道較複雜：
先停希爾頓→繞經鄉事會路進入市中心總站停站→返回原綫停好運中心
🚨乘搭A41往機場，特別係外遊或接送機嘅街坊，亦請注意

-- S

#其實可唔可以臨時徵用出面的士站做巴士站
#起碼會好過而家嘅臨時站安排

[💣塞車預告 💥市中心總站 #沙田正街入口臨時封閉進行工程，大量巴士線改停站外]

沙田市中心總站位於沙田正街嘅入口於19/6 10:00 - 20/6 05:00 進行道路工程，🫠 14條由沙田正街進入市中心總站嘅路線將分別改停沙田正街兩個臨時站。由於施工時間橫跨下午繁忙時間，預計屆時將非常擠塞，我哋呼籲駕駛人士避免駛經。

⚠️ 改停沙田廣場 (28K 814小巴站): 80M, 81, 85, 86, 89, 249X, E42, E42C, N42 以上路線沙田方向，80K往愉翠苑，88K往駿景園，72, N271往大埔
⚠️ 改停偉華中心: 88往九龍

282, 283 及A41機場方向站位不變* 過希爾頓中心後直行沙田正街，繞經鄉事會路及大埔公路入市中心總站，A41再停靠好運中心，繼續行程往機場。

IG, Youtube, 贊助平台Buy Me a Coffee / Payme
支持持續運作 ➡️ https://linktr.ee/shatintransport

大交合支持保留82K全日途經第一城，及返放學時間往返小瀝源學校區；並增設80K/81K/88K/282/28383K/83S/86轉乘優惠，以多條路綫同時提供優惠，彌補班次問題，方便小瀝源往返大圍各區。

延長至美田及石門，亦可以方便美田邨居民往返威爾斯醫院、第一城；並惠及遠離馬鐵嘅屋邨有直達路綫往返商業及消費活動日益增加嘅石門。

區內乘客嘅需求，同沙田各區希望有機場A綫嘅訴求，並非二選一嘅矛盾，期望運輸署及九巴考慮採納兼顧兩方面嘅方案，使更少乘客受影響。

-- S

[反對署方將82K縮短至圓洲角 本組建議遷往石門]

機場巴士重組計劃中，運輸署建議82K由黃泥頭縮短至圓洲角，以騰出黃泥頭嘅總站空間俾A線。經查詢後，運輸署提供全日調查數據，顯示擬取消路段 (黃泥頭至愉田苑) 竟佔全線客量逾1/3。受影響乘客卻只獲82X轉乘82K嘅優惠 (兩線分別為20及40分鐘一班)，我哋同不少街坊均感到非常不滿。

⚠️ 我哋建議82K #改往石門， #返放學時間維持一至兩班往返黃泥頭。根據客量分析，受影響乘客中，第一城客量散布全日，黃泥頭山上一段集中喺返放學。繁忙時間維持往返黃泥頭，能夠照顧小瀝源往返沙田圍/新田圍嘅通學需求 (因為上晝804根本供不應求)，而黃泥頭亦騰出空間，只要繁忙時間夾啱班次，機場巴士就可以全日遷入。

⏰ 其餘時間則經第一城往返石門站，保留全日途經銀城街，減少受影響人數。署方方案影響全線逾1/3人，我哋嘅方案就降到約15%。我哋同時建議增設廣泛轉乘優惠，幫助餘下嘅乘客。例如83K, 83S, 8680K, 85A, 282, 283 等等，即使而家唔少路線班次好疏，只要組合夠多就縮短到候車時間。

自從石門開咗新商場，人流漸多，更衍生65M及806M，分別接載小瀝源及白石角居民往返石門消費。建議82K改往石門，能夠喺唔增加資源嘅情況下方便新田圍，隆亨，美林美田等等較遠離鐵路嘅社區一程過往返石門，同時為石門帶來第一條全日巴士線。雖然班次真係好疏，但係都快過去市中心轉車。即使A41會拉去石門，都夠位俾82K，唔會影響石門獲得機場線 ✈️

歡迎留言討論以上建議，我哋會集合大家嘅意見同運輸署以及九巴商討 🤓

IG, Youtube, 贊助平台Buy Me a Coffee / Payme
支持持續運作 ➡️ https://linktr.ee/shatintransport

【82K縮短影響超過三成乘客，大交合與沙交持續跟進】

事源去年曾經向運輸署索取客量數據，去年六月分享過數據[可參考留言備註]後，發現運輸署提供嘅數據指標未能清楚準確地反映受影響人數，以及佔全綫乘客嘅比例，大交合及後再向運輸署作進一步查詢，終於取得一份完整嘅客量數據。

署方以「最繁忙一小時載客率」低於20-30%為縮短路綫嘅指標，一直避開關於受影響人數及佔全綫乘客百分比，可見有關「已落實」不日實施嘅改動，決策過程草率。

以往巴士路線計劃仍然稱為「RDP」嘅年代，運輸署文件會詳細列出受影響乘客嘅乘搭範圍、人數、佔全綫乘客比例，以至替代服務及車資變化；但今時今日嘅「RPP」或其他向公眾交代嘅文件，類似列表買少見少，亦係一樣值得關注之處。

大交合會繼續與 沙田交通關注組 Shatin Transport 一同持續跟進82K縮短嘅計劃。

-- S

[82K被建議縮短路線 ☠️署方邏輯後患無窮]

運輸署2020年喺機場巴士重組中提出將82K由黃泥頭縮短至圓洲角。友台 大交合 - 大圍交通資訊綜合 向運輸署查詢，被取消嘅路段 (黃泥頭至愉田苑) 嘅乘客人數，發現咗驚人嘅結果。

署方回覆指，即將被cut嘅一段全日有550人次，佔全線乘客總數35%😰。友台一再追問下，運輸署提供咗調查當日嘅所有原始數據。⚠️ 成件事最得人驚係，呢段路佔全線明顯一部分嘅客量，署方竟然想話cut就cut，令人質疑署方訂定巴士路線計劃時如何準確運用數據，建議 #閹割佔客源重要比重嘅路段。而且三分之一客量流失，豈不是會再減班？

署方更指有關路段最繁忙一小時載客率不足30%，可被縮短。⚠️ 咁就仲危險，以普通12米巴士計， #如果頭站上唔夠40人， ，咁全港幾多路線可以縮短？先例一開，後患無窮。

我哋認為運輸署制定82K方案上有缺失，呼籲署方擱置方案，我哋正尋求下一步投訴渠道。

IG, Youtube, 贊助平台Buy Me a Coffee / Payme
支持持續運作 ➡️ https://linktr.ee/shatintransport

由4月17日起， 以下路線將調整班次:
1. 287X
現時287X實際時間表比編定時間表所列班次頻密，此安排將獲取消，以編定時間表提供服務。
2. 287P
加強服務，增加07:20 & 08:00 班次。
3. 982X
調整服務，愉翠苑-1班車，水泉澳-2班車。

287P現時提供直達大角咀嘅特快服務，但係兜完大角咀之後仲要行佐敦，對大角咀以外嘅區域，都慢咗，咁點解唔順勢 將287P改為先經大角咀，再經旺角，以佐敦為尾站？

--J KY
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
🥇大交合已經開咗IG (.hub) 啦～快啲follow啦～

#大交合 #大圍交通資訊綜合

798P兩個方向都係開奇怪時間：
返將軍澳8點尚可（但其實有幾多人真係返8點？相比9點），返將軍澳9點就太早。

沙田返9點而言，會遲到，
而且朝早實在冇必要途經美松苑。

小結：比起改經將藍，最重要一定係修改兩邊開車時間先😅

此外，如果往將軍澳方向能夠停寶邑路「將軍澳中心」站，就可以方便乘客前往對面即將啟用嘅2座政府大樓返工，改善路綫客量。

-- S

前兩日將隧因意外癱瘓，所有將軍澳路線無一倖免，部分路線臨時改行將藍。新路通車之後，點解運輸署淨係安排繁忙時間路線行經將藍，冇全日路線作分流？鐵路通車時全世界大規模調整同減班，但係新公路通車卻顯得非常保守。

將藍隧道通車時，運輸署表示通車後3個月考慮將4條路線改行新路，包括90 (石門站調景嶺彩明)，798P (大圍站將軍澳工業邨)，但至今未有消息。會唔會又再引起九巴新巴將軍澳南之爭呢？

有啲街坊認為90去唔到工業邨，好似到喉唔到肺咁，有人覺得798P開得太早，搭唔到。大家有咩睇法？呢兩條線又可以點樣改善呢？

#沙田交通關注組 #將沙大戰

既然地契「可以修改」，運輸署又對保留通道「沒有意見」，各部門應從善如流，盡快啟動程序修改地契，永久保留「八爪魚天橋」現有出入口！

-- S

#大交合 #大圍交通資訊綜合
#八爪魚天橋

沙田區議會再傾大圍「八爪魚天橋」拆出入口 運輸署：交通運輸角度可接受 | 獨媒報導 | 獨立媒體 （獨媒報導）大圍的「八爪魚天橋」因應2015年大圍站上蓋項目的地契，其美田路與車公廟路行人天橋北端的有蓋行人及單車通道、自動扶手電梯及樓梯被圍封並準備拆卸，天橋只接入商場「圍方」，大量居民稱不便。沙田區議.....

【80應實施半日分拆，平衡大圍各區車程】
較早前提到「巴士路綫計劃」(RPP)提出一條新路綫T80繞經沙田圍、大老山隧道出九龍；及80P取消星期六服務。

我哋認為80嘅服務安排需要改善，但唔係單純削減80P服務令到半區兜路，半區要迫返一部80正綫，更加唔係浪費資源加開疑似並非以服務大圍為目的嘅路綫。

80系列嘅問題，從來都唔係在於行獅隧，而係：
1. 繞經顯徑令大圍、美田、美林嘅乘客較不願意利用80往返九龍。
2. 然而，乘客一向會當80係短途綫乘搭，往返大圍區內。
3. 「屯馬綫」通車導致乘客減少，尤其係昔日客似雲來嘅顯徑，但隆亨（及下徑口村一帶）嘅乘客仍對80有較大需求。

80應該根據以上現況重組，平衡照顧大圍各區乘客需要。大交合建議，80應該仿效今年RPP提出87D分拆半日路綫87C（加快馬鞍山往返九龍車程，與87D共同提供服務），分拆快綫唔經顯徑，同時維持有班次以現時路綫行走。（路綫如圖所示）此舉可以避免80直接改快令顯徑全區冇車搭，亦避免影響大圍區內穿梭需求，同時仍然可以加快大圍、美田、美林車程。

為照顧唔算近鐵路而又對80服務有殷切需求嘅隆亨，我哋建議快綫去程出九龍仍然途經田心街，回程返大圍就以紅梅谷路新翠邨站為落客點（即與81C相同）。同時，我哋亦建議80及快綫回程加停積運街站（近名城三期入口），以便大圍站上蓋物業居民乘搭80系列路綫。我哋建議快綫亦可以善用節省嘅行車時間，回程加經美松苑，覆蓋一直冇80系列停站嘅美松苑、美城苑。

建議分拆嘅快綫上半日服務大圍居民出九龍，下半日接載大圍居民返區，並同仍然途經顯徑嘅80正綫梅花間竹開車；早上繁忙時間仍然由現時嘅80(經新翠班次)及80P提供服務。

上述建議未必係最理想方案，但已盡可能平衡大圍北面加快對外車程，同時維持南面出區有車搭、南北往來有車搭，歡迎各位留言表達意見。

-- J KY S
#大交合 #大圍交通資訊綜合
#半日分拆其實唔難 #平衡車程改善路綫

【2023-2024年度巴士路綫計劃】
【T80捨近求遠，繞經沙田圍、大老山隧道】

今年嘅運輸署「巴士路綫計劃」(RPP)已經公開，關係到大圍區嘅改動有兩大項，嚟緊會先講較重要嘅80系改動：

1. 開辦T80，分別由美林、顯徑各開2班，上午繁忙時間經沙田圍、大老山隧道直達觀塘碼頭，再經偉業街往九龍灣。新路綫會由80、80A（美林經顯徑直達九龍灣、觀塘商貿區）、80P、80X各抽調一個班次。
2. 80P（顯徑往觀塘）取消星期六服務，由80正綫繞經顯徑取代。

既然現時已經有80A服務美林美田、大圍市區、顯徑、隆亨嘅居民直達九龍東商貿區，點解仲要開多條經沙田圍、大老山嘅T80？原來T80建議收費係$8.8，較現時80、80A收貴一蚊，比起80X就再貴多少少。此外，都有可能係為日後進一步縮減馬鐵沿綫嘅巴士服務探路，對象有機會係80X嘅乘客，或者80喺顯徑一帶嘅乘客？

大交合認為，80A已經提供相對合理嘅路綫俾大圍居民直達九龍東，如果希望改動服務，點解唔先善用80A，或考慮將80A分拆，分別由美林、顯徑開出？小編唔止係質疑有冇必要行大老山隧道，而係質疑整個改動本身有咩意義。

至於80P取消星期六服務，可以話係五天工作制下相當普遍嘅改動😢，下篇會講講我哋認為80可以有咩具體改善。

-- J KY S
#大交合 #大圍交通資訊綜合
#全部都係調轉嚟行

#交通消息 火車服務受影響，請善用馬鐵或其他路面交通工具；例如青沙公路巴士路線。

有消息指墮軌人士已被證實不治🙏🏻

— S

#的士都冇乜

因各種原因一段時間未有更新，不過都更新一下:
admin今日亦有參與大圍站嘅「乘客聯絡小組」，提出大交合對大圍巴士路線嘅意見。

「乘客聯絡小組」演變至今時今日，已變成單純填寫問卷，與其話係調查乘客對路線及服務意見，倒不如話係巴士公司交功課俾運輸署，以及乘機做「市場調查」。問卷設計籠統、樣式化可從問題中見到，例如有一題問本區居民有冇買月票，admin聽完都不禁反問一句，喺沙田大圍應該難啲搭到呢個車費？

電子問卷表格方式，只方便巴士公司處理問卷內容，但對乘客反映意見而言，未見特別方便。因問卷設計所限，今次只能表達大交合對本區個別路線班次嘅關注，並簡單地反映路線規劃不符合居民需求，及就個別有緊密關注嘅路線提出意見……

更加可笑嘅係，呢次問卷調查做到7點，試問有幾多放工街坊趕得切返到嚟大圍呢？
即使好似admin本人趕及到場，都未必搵得到問卷訪問員，要向聚集於電動巴士後面嘅疑似中高層九巴職員們查詢，先知道訪問員喺站長室外面……

-- S

#大交合 #大圍交通資訊綜合
#乘客聯絡小組 #問卷調查

#持續跟進
#密切留意86系路線修改計劃

【大圍終於有車去將軍澳啦！不過...咁早開邊個搭？】

由今日(10/3 星期一)起，新巴將開辦全新「將沙線亅798P，由大圍站開出，經美松、美林、沙田市中心、將軍澳站、日出康城往將軍澳工業邨。新線大圍開06:40，將軍澳開08:15，星期六/日及公眾假期不設服務。

大交合認為，大圍有798P可謂得物無所用。將軍澳方向班次過早，大圍方向班次亦算遲，未能配合到通勤乘客返工時間。因此，大交合建議，延遲大圍開車時間至07：30，提早將軍澳開車時間至07：40，並增設放工時間服務。長遠亦可以考慮途經預料明年完工嘅「將軍澳政府合署」，方便大圍街坊往返該處工作或辦理公共事務。

此外，本組十分關注798P上晝往大圍班次繞經美松苑一帶嘅必要性，乃因往大圍站方向客群係大圍站附近返工客，上晝前往住宅區需求實在薄弱，恐怕只有「插旗霸地盤」作用而已。不過，如果開設放工時段大圍方向服務嘅話，說話就唔係咁講啦😶

P.S.: 順帶一提，686今日起已改經西隧變身986，加經北角及調整開車時間，由沙田圍經秦石、顯徑，取道青沙公路及西隧往返北角至西灣河。

抱歉小編們太多嘢做，又潛咗成個月水🙇🏻‍♂️🙇🏻‍♂️

--J S
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
⚠️大交合已經開咗IG啦～快啲follow啦～ .hub

#大交合 #大圍交通資訊綜合

#986因禍得福

東鐵過海真的很興奮～
相信大家都聽過啦～
東鐵過海係唔係真係咁興奮？
大交合為大家實測東鐵線過海段通車後客量和車程！

以下係早上繁忙時間由大圍站開出嘅東鐵線列車嘅客量～

日期：2022年6月22日

開出時間 0815
載客率 90％
備註：/

開出時間 0817
載客率 70％
備註：/

開出時間 0819
載客率 90％
備註：/

開出時間 0821
載客率 70％
備註：/

開出時間 0825
載客率 60％
備註：表定大埔墟起載車

開出時間 0828
載客率 90％
備註：/

開出時間 0830
載客率 90％
備註：/

開出時間 0834
載客率 50％
備註：表定沙田起載車

開出時間 0835
載客率 70％
備註：子彈車（非編訂車次）

開出時間 0837
載客率 60％
備註：/

開出時間 0841
載客率 50％
備註：/

開出時間 0843
載客率 80％
備註：/

開出時間 0848
載客率 90％
備註：/

開出時間 08 0
載客率 80％
備註：/

--KY
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
🥇大交合已經開咗IG啦～快啲follow啦～

#大交合 #大圍交通資訊綜合

[989更改開出時間 加經北角]

由2022年8月8日起，989線將更改開出時間及加經北角。

開出時間：
往東區：
07:10 -> 07:05
07:30 -> 07:20
07:50 -> 07:40
08:10 -> 08:05

往火炭：
18:15 -> 18:05
18:35 -> 18:25
19:00 -> 18:50
19:30 -> 19:20

增停站點：
往東區：
1. 美輝街
2. 琴行街
3. 電氣道

往火炭：
1. 健威花園
2. 琴行街
3. 美輝街

大交合對此方案持有觀望態度，城巴今次改動雖能夠方便前往北角的打工仔，增加覆蓋範圍，惟同時拖慢前往側魚涌商業區之車程，可謂利弊參半。而美輝街加站相信係為咗服務美田嘅居民，惟距離美田總站較遠，可以吸引多少乘客乃係疑問，舊有乘客會否因為車程增加而轉投地鐵? 相信實施後就會有答案。

--J S
✅ Follow 大交合 專頁，獲取大交合提供嘅大圍區交通資訊
⟳ 幫手Share，等其他朋友/群組可以一齊了解大圍區交通資訊
🥇大交合已經開咗IG啦～快啲follow啦～

#大交合 #大圍交通資訊綜合

【大圍村南道球場地】
【擬興建公營房屋及綜合大樓】

政府計劃於大圍村南道球場興建公營房屋及綜合大樓，41層高，將包括公營房屋、公眾停車場、小型圖書館、普通科門診、社福機構及民政處辦公室/會議室/多用途室。

起樓又關大交合咩事？ #規劃與交通息息相關。一個地區以至屋邨、屋苑嘅交通好唔好，除咗睇後天路線規劃、交通安排，更重要係建基於前期嘅土地規劃、交通規劃。

單從交通角度討論，大交合關注發展計劃位置係咪適合車輛進出，圖則可見擬建車輛出入口位於三叉口位置，附近一帶係違例泊車黑點，亦係區內幾條重要小巴路綫前往大圍站(村南道)必經之處。新建大樓帶嚟嘅人口及交通需求增長，係唔係現時車滿為患嘅街道可以承受？

即使計劃包括興建停車場，又能否有助紓緩大圍內街嘅違泊問題？

有熱心嘅大圍街坊自發聯同沙田大圍幾位現任/前任區議員，現正進行 #問卷調查 ，並會繼續關注跟進興建計劃。
各位大圍街坊可以填寫網上問卷(連結張貼於留言處)，更可考慮加入相關Whatsapp群組，持續了解事態發展。

✅Share✅Comment✅Follow
大交合有埋IG喇📸 taiwai_t.hub
#大交合 #大圍交通資訊綜合
#規劃 #大圍球場 #持續關注
-- S

【持續文字更新】【大交合風暴消息】
天文台已宣布 19:10 改掛八號風球。
港鐵：今晚將維持正常服務至收車。
九巴及龍運：日間路線將於晚上十時陸續開出尾班車後停駛，通宵線全停
城巴新巴：於晚上八時起將陸續停止服務。

大圍63/64小巴一般於掛風球後一小時停駛。

請以現場或最新消息為準
避免外出，留喺安全室內地方🏠

#大交合 #大圍交通資訊綜合

-- S

【86系重組定綫錯配，未能善用資源】
長文析述，最簡單結論就係86系重組定綫錯配，令到沙田大圍以至深水埗各區都輸多贏少。

1️⃣ 近日多個小道消息指出九巴已就開辦286及86C改往大角咀備妥電子顯示牌及車長訓練，86系改動如箭在弦，包括：

86 - 由最密15-20分鐘一班減至20-30分鐘一班
286 - 新綫開辦，黃泥頭-長沙灣，經第一城、大涌橋路、青沙公路、海盈邨、深旺道、深水埗；班次為20-30分鐘一班
86C - 九龍端總站遷往大角咀區，不經深水埗(黃金)及長沙灣，最新小道消息指出以奧運站為總站，回程將途經大角咀道
286C - 由最密9-20分鐘一班加至7-15分鐘一班
源自2021-2022巴士路線計劃及其後續修訂

本年度2022-2023巴士路線計劃提出將86A改為「青沙出獅隧入」循環綫（已修訂為只於上午繁忙時間實施）亦有傳將同步實施。
（以上各方案詳情可參考留言連結）

2️⃣可惜以上方案缺乏通盤考慮86系各條現存路綫，只有逐條各自修修補補：
86 黃泥頭⇄美孚
減班影響沿綫眾多乘客，尤以未能受惠於286嘅石硤尾、沙田市中心、源禾路、新田圍為甚。

86A 沙田圍⇄長沙灣甘泉街
循環綫方案影響由沙田前往石硤尾及深水埗乘客嘅車程，亦有機會導致上繁時間入沙田班次變得唔穩定，方案亦未能回應86A沙田區客源較薄弱嘅問題。

86C 利安⇄長沙灣廣場 及 286C 利安⇄深旺道
九巴一直希望縮減86C服務，但未能成功取消，惟有順應個別區議員意見，將86C改入大角咀。然而86C未能取消，某程度上都可能阻礙286C進一步加密班次。此外，一直希望有86系路綫服務嘅馬鞍山77區(寧泰路一帶)亦未有任何受惠。

286 黃泥頭⇄長沙灣廣場
明顯出現「定綫錯配」。
九龍段定綫繞經海盈邨及深旺道，方能到達對沙田區乘客希望前往嘅深水埗、長沙灣，令到車程時間未如理想；但長沙灣填海區一帶乘搭286只能去到大圍及城門河東岸，未能直達沙田市中心。

86系定綫有其歷史因素（例如城河東及馬鞍山於近廿幾年間有多個新落成住宅，及青沙公路路綫網絡發展較遲緩等），除沙田區定綫「牽一髮而動全身」，亦需顧及九龍石硤尾「舊區」，以至係「新區」長沙灣填海區及荔枝角站工商廈區往返沙田嘅需求。因此，只有將上述幾條路綫通盤考慮，方能得出更符合居民需求嘅改動方案。

3️⃣ 大交合又有咩高見？
首先，286九龍段應改為先途經美孚、長沙灣、深水埗，專注服務沙田城河東居民往返長沙灣、深水埗為主。好處係能夠透過286做埋86A循環綫方案希望做嘅客源，亦能使城河東往返長沙灣、深水埗車程有所改善。

長沙灣填海區一帶，則應另設能夠直達沙田市中心嘅路綫，以服務該區往返沙田（包括但不限於沙田市中心）為先。

至於86C及286C，就要視乎沿綫乘客意願，到底希望保留經獅隧往返石硤尾及西九龍地區嘅服務，抑或用有限資源去改善青沙公路特快路綫服務。筆者個人認為，往返大角咀嘅服務並非只有86C可以做到。

基於286使城河東乘客無須再過兩次河，86需考慮縮短路綫，專注服務石硤尾居民往返沙田（包括但不限於沙田市中心），及城河西居民往返深水埗區，為「舊路」用家提供合理服務。與此同時，需注意86現時同49X、89X一齊輔助80K、83K兩條區內路綫服務小瀝源、第一城往返源禾路、沙田市中心，縮短86時亦須顧及區內乘客嘅需要。

最後，由於經修正嘅286能提供城河東往返長沙灣特快服務，86A亦需考慮縮短路綫，專注服務城河東居民往返石硤尾、深水埗。

縮短86及86A，有助抽調資源開辦286服務城河東往返長沙灣、深水埗，及開辦服務長沙灣填海區往返沙田市中心嘅路綫，同時盡可能維持86及86A往返石硤尾乘客仍可享有合理班次水平。

此外，86系路綫亦可以考慮能否覆蓋到現時並無服務嘅火炭、碩門邨。

4️⃣ 新增資源須善用，避免回收落黑洞
運輸署就整個86系各項重組計劃，建議指明會新增資源（而非單純只有調配其他路綫用車）作開辦286（黃泥頭⇄長沙灣填海區⇄長沙灣廣場）之用，「理論上」86系整體資源應有增加。而現時各項建議方案仍不符合各區需要，新增資源開辦路綫甚至錯配兩邊需求，可見方案亟需改善。重組應善用路綫資源提供最合適服務予各區乘客，而非隨意改動後就動輒以客量偏低為由將「新增資源」回收，使服務落入一個只有「削減、趕客、改綫」存在嘅惡性循環。

同樣，討論86系以至其他路綫重組時，亦需理解巴士路綫資源並非無限，應著力爭取妥善分配使用資源及爭取改善資源調配機制（例如離地多時嘅加減班標準，以及僵化指標導致決策者容易忽視「非繁忙時段乘客」），而非單純反對削減特定服務。重組關鍵係在於如何善用有限資源，為最多及最有需要乘客提供合理甚至理想嘅車程服務。

✅Share✅Comment✅Follow
大交合有埋IG喇📸 taiwai_t.hub
#大交合 #大圍交通資訊綜合
#86系重組
#但86另外三綫亦服務部份大圍屋邨乘客
-- KY S

東鐵過海真的很興奮～
相信大家都聽過啦～
東鐵過海係唔係真係咁興奮？
大交合為大家實測東鐵線過海段通車後客量和車程！

0％=空車
20％=座位坐咗一半
40％=座位坐滿，只有少量人需企位
50％= 座位坐滿車廂中間其為空間開始有使用但人同人之間仍然有一隻手位距離
60％=座位坐滿，車廂中間其為空間開始有使用但人同人之間仍然有半隻手位距離
70％=座位坐滿，車廂中間其位位置大致用盡，仍可以有足夠空間睇手機
80％=座位坐滿，企位集中喺車廂中間，向著兩邊車門延伸，開始有壓迫感
90％=座位坐滿，車廂內籠空間大致用盡,已經要企近門邊
100％=座位坐滿，門邊空間日用盡無法載盛載更多乘客

起點：馬鐵大圍站3號月台
終點：東鐵金鐘站8號月台

開始時間：30/5 13:37
結束時間：30/5 13:54
班次(分鐘/班)：4
車卡-車門：1-1

車程：
～有車 0 mins
～九龍塘 4 mins
～旺角東 7 mins
～紅磡 10 mins
～會展 14 mins
～金鐘 17 mins

客量：(約%)
大圍～九龍塘

【80K今日出通告 將於下月起減班】
由7月4號開始，80K將被削減班次。暫時觀察，今次減班主要變動係:
1. 平日上晝返學時間過後出現20分鐘一班
2. 黃昏起20-25分鐘一班

由於九巴通告列出班次較為「大包圍」，載有各時段確實班次嘅正式「服務詳情表」更新後，我哋會再比對了解具體變化。

撇開減班，另一樣耐人尋味嘅係，今次早於實施前十日就出通告。但較早前85B及馬鞍山路綫286M永久削減為繁忙時間路綫，正式通告要實施前六日先出現。

✅Share✅Comment✅Follow
大交合有埋IG喇📸 taiwai_t.hub
#大交合 #大圍交通資訊綜合
#巴士公司眼中 #區內客唔係客 #少數乘客亦都唔係客
#削減服務陸續有來 #大交合嚴陣以待
-- KY S

【供電網絡問題成功見報，區議員表明關注】
大交合琴日指出大圍疑似係供電樞紐，大批電力須途經大圍區內電力設施輸送到沙田區以至九龍，唔夠24小時就有相關報導出現，受訪區議員亦表明會去信中電或於區議會再作跟進。留言附上報導全文供各位街坊參考。

報導另提及喺火炭、大學一帶有類似電纜橋結構，小編暫時未見到相關資訊或街景圖片，如果有讀者知道都可以留言分享🤗

#大交合 #大圍交通資訊綜合
#電力安全
#謝絕張貼黨媒01連結
-- S

【 #積存的記憶】002
【原來大圍係交通樞紐兼供電樞紐？】
眾所周知，大圍係香港其中一個交通樞紐。昨晚元朗天水圍停電事故後，多咗好多街坊醒起城門河近美柏苑都有一條電纜橋（據中電所述全港只有四項類似結構）。
小編今日翻查香港⚡電力供應相關資料，先發現原來大圍仲係供電樞紐！

由中電供電網絡圖可見，中國嘅兩間發電廠（發電量佔中電總數約22%）及龍鼓灘發電廠（約28%）輸送到沙田區以至九龍半島東部嘅電力，都好大機會途經大圍嘅電力設施，包括位於香粉寮新村嘅沙田400仟伏變電站，及鄰近海福花園嘅積運街變電站。

全港四條電纜橋，除咗元朗同城門河仲有邊度有？屯門河上面都有一條，更位於行人橋中間😳至於最後一條位於咩地方，小編未能搵到；中電早前回應記者就事故提問時，就話保安理由不便透露地點。如果有讀者知道第四條電纜橋喺邊，不妨留言分享🙂

✅Share✅Comment✅Follow
大交合有埋IG喇📸 taiwai_t.hub
#大交合 #大圍交通資訊綜合
#電力安全
-- S

【運輸署一意孤行縮短82K，罔顧區內乘客利益】
早前曾經提及，運輸署單方面計劃落實將82K由黃泥頭全日縮短至威爾斯醫院。大交合一直關注改動，Admin兩個月前去信運輸署，了解82K客量統計數據，並且反建議考慮將82K改為途經第一城嘅循環綫，及保留返放學時段往返黃泥頭班次，以便82K仍可服務往返第一城乘客，以及沿綫學生。

等咗兩個月，運輸署終於近日回覆提供客量數據。根據一個2020年底進行嘅全日調查，82K全綫單日有775人次會使用愉田苑至黃泥頭呢一個將受影響路段，證明非繁忙時間確有乘客願意等待班次疏落嘅82K往返第一城及新田圍甚至大圍其他地點，而唔係只會用82K往返威爾斯醫院。大交合主張保留82K往返第一城服務，減低對現有乘客影響，亦能避免82K只能服務醫院乘客引致客源更為狹窄。

另一個2021年底進行嘅繁忙時間調查，係上學日7-9點於新田圍邨富圍樓巴士站進行，相信係以定點計算巴士途經該站時客量人數嘅方式做。調查期間82K往美林方向每班車平均有40人，而往黃泥頭方向更高達每班車平均86人，可見82K作為大圍及城河東嘅通學路線佔一席位，大圍各區學生依賴82K前往第一城及小瀝源一帶學校返學。

(⛑️頭盔：以上調查數據由運輸署回函提供予大交合Admin，大交合不會為數據是否準確負責)

然而，運輸署就保留往返第一城及小瀝源服務訴求，花上兩個月時間回應只重提縮短82K騰出位置予機場綫A42，及認為80K、86、小巴804已能服務「往返第一城及美林」及「區內學生往返黃泥頭及區內大部份學校」，未有正面回應「六美」及新田圍往返第一城及小瀝源一帶受影響車程。

大交合認同82K有必要騰出位置俾A42，但機場需求同區內需求並非對立面，改動區內路綫時，決不能罔顧非繁忙時間乘客及學生乘客嘅利益。即使82K行車時間可能緊張得必須維持縮短至威爾斯醫院，運輸署仍然可以安排九巴新增282或283轉乘80K或83K優惠，並保留返放學時段一至兩班車依現時走綫行駛，維持大圍學生前往第一城及小瀝源一帶學校服務。

大交合將繼續跟進有關改動，繼續爭取為區內乘客保留合理服務。

✅Share✅Comment✅Follow
大交合有埋IG喇📸 taiwai_t.hub
#大交合 #大圍交通資訊綜合
#非繁客都係客 #學生客都係客
#順帶一提
-- S