State Ministry of Coast Conservation & Low-Lying Lands Development

ශ්‍රී ලංකවේ ප්‍රතම ක්ෂුද්‍ර ප්ලාස්ටික් විද්‍යාගාරය විවෘත කෙරේ..
(Microplastic lab )

ගාල්ල දඩැල්ල සමුද්‍රීය පරිසර ආරක්ෂණ අධිකාරියේ දකුණු පළාත් කාර්යාලයේ ස්ථාපිත කර ඇති මෙම ක්ෂුද්‍ර ප්ලාස්ටික් විද්‍යාගාරය (Microplastic Lab ) වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා මැතිතුමන්ගේ ප්‍රධානත්වයෙන් අද දින විවෘත කරන ලදී 2021.03.07 මේ අවස්ථාවට වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍යාංශ ලේකම් අනිල් විජේසිරි , විදේශ අමාත්‍යාංශ සහකාර ලේකම් හසන්ති දිසානායක , සමුද්‍රීය පරිසර ආරක්ෂණ අධිකාරියේ සභාපතිනී නීතිඥ දර්ශනී ලහදපුර , එහි සාමාන්‍යාධිකාරී ජගත් ගුනසේකර, ගාල්ල කඩවත් සතර ප්‍රාදේශීය ලේකම් හිමාලි රත්නවීර යන මහත්ම මහත්මීන්ද සහභාගී විය එසේම මෙම විද්‍යාගාරය පරිත්‍යාග කළ මහා බ්‍රිතාන්‍ය රජයේ Cefas ආයතනය නියොජනය කරමින් ආචාර්ය Umberto Vinery ඇතුළු විශේෂඥ පිරිසක් ද මේ සමග එකවූ අතර ඔවුන් විද්‍යාගාරයේ උපකරණ පරිහරණය සහ පරීක්ෂණ කටයුතු වලට අදාල පූහුනුකිරීම් කටයුතු ද මේ වන විට ආරම්භ කර ඇත.
විදේශ කටයුතු අමාත්‍යාංශයේ සම්බන්ධීකරණය යටතේ
ජාත්‍යන්තර Cefas (Centre for Environment, Fisheries and Aquaculture ) අයතනය විසින් ලබා දී ඇති නවීන උපකරණයන්ගෙන් සමන්විත මෙම අංගසම්පූර්ණ විද්‍යාගාරය සමඟ
සමුද්‍රීය පරිසර ආරක්ෂණ අධිකාරියට සමුද්‍රීය සහ වෙරළ පරිසරයන්හි ක්ෂුද්‍ර ප්ලාස්ටික් අධ්‍යන කටයුතු සදහා අවස්ථාව හිමිවනු ඇත.
මෙතෙක් ශ්‍රී ලංකාව තුළ මෙම පරීක්ෂණ සිදු වූයේ අවම තාක්ෂණයක් යටතේ ඉතා අල්ප වශයෙනි.
මුහුදු ජල නියැදි පරීක්ෂණය , මුහුදු පත්ලේ අවසාදිත නියැදි පරීක්ෂණ (Seabed Sediment ) , ආදි ක්ෂේත්‍ර පරීක්ෂණ කටයුතු සඳහා අවශ්‍ය කරන සියලු පහසුකම් මෙම විද්‍යාගාරය සතු වෙයි
දශක කිහිපයක සිට ප්ලාස්ටික් ද්‍රව්‍ය අවිධිමත්ව පරිසරයට මුදා හැරීමේ ප්‍රතිඵලයක් වශයෙන් වෙරළ හා සාගර පරිසරය කොතෙක් දුරට ක්ෂුද්‍ර ප්ලස්ටික් මගින් දූෂණයට ලක්වී ඇත්ද යන්න ඉදිරි කාලයේදී මෙම විද්‍යාගාරය භාවිතයෙන් විද්‍යාත්මක සාක්ෂි මත පදනම්ව හෙළිදරව් කිරීමට හැකිවනු ඇත.
එමඟින් ප්ලාස්ටික් භාවිතය හා අවිධිමත්ව පරිසරයට මුදාහැරීම සම්බන්ධයෙන් වූ කාලෝචිත ප්‍රතිපත්තිමය තීරණයන් සඳහා එළඹීමට අවශ්‍ය පදනම නිර්මාණය වනු ඇත.

වෙරළ හා සාගර පරිසර දුෂණයෙන් වැලැක්වීම සදහා ජාතික වැඩපිළිවෙලක්

මිනිස් ක්‍රියාකාරකම් හේතුවෙන් එක් රැස් වෙන ප්ලාස්ටික් සහ අනෙකුත් අපද්‍රව්‍ය හේතුවෙන් අපගේ වෙරළ සහ සාගර පරිසරය දුෂණයට ලක් වෙමින් තිබේ. එබැවින් මෙම වෙරළ සහ සාගර පරිසර දුෂණය වැලක්වීම සදහා ජාතික වැඩපිළිවෙලක් ක්‍රියාවට නැංවීමට වෙරළ සංරක්ෂණ සහ පහත්බිම් සංවර්ධන රාජ්‍ය අමාත්‍ය මොහාන් ප්‍රියදර්ශන සිල්වා මැතිතුමාගේ ප්‍රධානත්වයෙන් සැලසුම් කර ඇත.එහි පළමු වැඩසටහන 2022 මාර්තු මස 01 දින මට්ටකුලිය වෙරළ උද්‍යානයේදී පැවැත්වේ

සමුද්‍රීය පරිසර ආරක්ෂණ අධිකාරිය

#නීලආර්ථිකයක්
#සයුරරකිනරැල්ල

ශ්‍රී ලංකාවේ පළමු “ නීල ධජ “ වෙරළ ලෙස ජාත්‍යන්තර සහතිකය ලබා ගැනීමට උණවටුන වෙරළ තීරය සූදානම් වේ.

රට හදන සෞභාග්‍යයේ දැක්මේ සමූද්‍රීය සම්පත් මනා කළමනාකරණය තුලින් නීල ආර්ථිකයට ප්‍රවිශ්ඨ වීම සුවිශේෂ ස්ථානයක් ගනී.
ඒ අනුව වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍ය නීතිඥ ගරු මොහාන් ප්‍රියදර්ශන ද සිල්වා මහතාගේ උපදෙස් පරිදි ලොව සුපතල උණවටුන වෙරළ තීරය " නීල ධජ " වෙරළ තීරයක් බවට පත් කිරීමට කටයුතු සමූද්‍රීය පරිසර ආරක්ෂන අධිකාරිය විසින් සැලසුම් කර ඇත.

“ නීල ධජ “ සහතිකය ලබාගැනීමට ප්‍රදාන නිර්නායක 4ක් ඔස්සේ අවශ්‍යතා 29ක් සම්පූර්ණ කල යුතු අතර මෙමගින් දෙස් විදෙස් සංචාරකයන්ගේ වැඩි ආකර්ශනයක් ගනු ඇත. එමගින් රටට හා ඒ අවට ජනතාවට විශාල ආර්ථික ප්‍රතිලාභ හිමිවනු ඇත.

මෙහි කටයුතු ආරම්භ කරමින් කළමනාකරණ කමිටුව පත්කිරීම සමූද්‍රීය ආරක්ෂන අධිකාරියේ ගරු සභාපති නීතිඥ දර්ශනී ලහදපුර මැතිනියගේ ප්‍රදානත්වයෙන් අද දින ( 2022-02-23) උනවටුණ ප්‍රදේශයේදී සිදුවිනි.
මෙම අවස්ථාව සදහා රාජ්‍ය නිළධාරීන්, උණවටුන නියෝජනය කරමින් සංචාරක හෝටල් හිමියන්ගේ සංගමය, ප්‍රදේශයේ වෙළද සංගම්, ධීවර සමිති, ප්‍රජා නියෝජිතයින් ඇතුලු පිරිස සහභාගි විය.

ඔබ සැමට තෙරුවන් බෙලෙන් නීරෝගී සුව හිමිවෙන පින්බර නවම් පුන් පොහෝ දිනක් වේවා!

බුදුරජාණන් වහන්සේ විසින් සැරියුත් මුගුලන් අග්‍රර ශ්‍රාවකයන් වහන්සේලා පත්කර ගැනීම, බුදුරජාණන් වහන්සේ ප්‍රථම වරට සංඝයා වහන්සේ රැස්කරවා සංඝ සම්මේලනයක් පැවැත්වීම, භික්ශූන් වහන්සේට ඔවාද ප්‍රතිමෝක්ශය දේශනා කිරීම, බුදුරජාණන් වහන්සේ ආයු සංස්කාරය අත්හැරීම අද වැනි නවම් පෝදා සිදුවූ වැදගත් සිදුවීම් වේ.

වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍යාංශයේ 2022 නව වර්ෂයේ කාර්යාලීය කටයුතු නිල වශයෙන් ආරම්භ කිරීම අද දින ( 2022-01-03 ) බත්තරමුල්ල , සෙත්සිරිපාය ගොඩනැගිල්ලේ පිහිටි අමාත්‍යාංශ කාර්යාල පරිශ්‍රයේදී ආගමික වතාවත් සිදුකොට ඉන් අනතුරුව 2022 වසරේ රාජ්‍ය සේවා දිවුරුම් ප්‍රතිඥාව ලබාදී වැඩකටයුතු ආරම්භ කරන ලදී.

මෙම අවස්ථාව විශයභාර රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා මැතිතුමන්ගේ හා අමාත්‍යාංශ ලේකම් අනිල් විජේසිරි මහතාගේ ප්‍රදානත්වයෙන් සිදුවුන අතර මෙම අවස්ථාව සදහා සියලුම අමාත්‍යාංශ නිලදාරීන් සහභාගි වන ලදී.

ලෝකවාසී සියලුම කිතුනු බැතිමතුන්හට,
ජේසුතුමන් පැවසූ සැබෑ ආදාර කරුණාව දැනෙන, සාමය සතුටු පිරි නිරෝගීමත් නත්තලක් වේවා !!

සමුද්‍රීය පරිසර ආරක්ෂණ අධිකාරිය විසින් දිනමිණ පුවත්පත සමඟ නිකුත් කරන ලද "සයුර රකින රැල්ල" නිල පුවත්පත විෂය භාර රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා මැතිතුමා වෙත සහ රාජ්‍ය අමාත්‍යංශ ලේකම් අනිල් විජේසිරි මහතා වෙත අධිකාරියේ සභාපතිනී නීතිඥ දර්ශණී ලහදපුර මහත්මිය අතින් පිළිගැන්වූ මොහොත . මේ අවස්ථාවට අධිකාරියේ සාමාන්‍යාධිකාරී ජගත් ගුණසේකර මහතා ද සහභාගි විය

වෙන්නප්පුව සිට හලාවත දක්වා මුහුදු තීරය, වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍යතුමන්ගේ නිරීක්ෂණයට...

තම ජීවිකාව මහ මුහුදත් සමග බද්දවූ ජනතාව වැඩි වශයෙන් ජීවත්වන වෙන්නපුව සිට හලාවත දක්වා දිවෙන මුහුදු තීරය හා එහි ජීවත්වන ප්‍රදේශවාසීන් මුහුනපා ඇති ගැටලු පිළිබඳ සොයාබැලීමට විශයභාර රාජ්‍ය අමාත්‍ය ගරු නීතිඥ මොහාන් ප්‍රියදර්ශන ද සිල්වා මහතා පසුගිය දින එහි නිරීක්ෂණක්ශන චාරිකාවක යෙදුන අතර ඉදිවෙමින් පවතින වෙල්ලමන්කරය ධීවර වරායද නිරීක්ෂණක්ශනයට ලක්විය.

එහිදී එම ප්‍රදේශ ආශ්‍රිතව ජීවත් වන ධීවර හමුවී ඔවුන් මුහුනපා ඇති ගැටලු පිලිබදව සොයා බැලූ රාජ්‍ය අමාත්‍යතුමා එම වෙරළ ප්‍රදේශවල සිදුවන වෙරළ ඛාදනයට කඩිනම් පියවර ගන්නා ලෙස නිලදාරීන්ට හට උපදෙස් ලබාදිනි.

මෙම අඅවස්ථාව සදහා ගරු රාජ්‍ය අමාත්‍ය අරුන්දික ප්‍රනාන්දු මහතා, අමාත්‍යාංශ ලේකම් අනිල් විජේසිරි මහතා, වෙරළ සංරක්ෂණ දෙර්තුමේන්තුවේ අධ්‍යක්ෂ ජෙනරාල් එස්. රණවක මහතා ඇතුලු නිලදාරීන්ට හා ප්‍රාදේශීය දේශපාලන අදිකාරියේ නියෝජිතයන් සසහාභාගිවිය.

සමුද්‍රීය පරිසර ආරක්ෂණ අධිකාරිය විසින් පවත්වන ලද FB posting තරඟයේ තෝරාගත් නිර්මාණ මේ මස පහළොස් වන දින sl mepa අපගේ FB පිටුවේ පළ කරනු ලැබේ
Selected designs from the FB posting competition conducted by the Marine Environment Protection Authority will be published on our
" sl mepa " FB page on the 15th of this month

- 2021.10.10 -
සමූද්‍රීය පරිසර ආරක්ෂණ අධිකාරිය විසින් ලෝක අන්තර්ජාතික වෙරළ පවිත්‍රතා සතිය තේමා කොටගෙන පැවැත්වෙන උත්සවය හෙට (11) පෙ.ව 10.00 ට අරලියගහ මන්දිරයේදී

ජාත්‍යන්තර වෙරළ පවිත්‍රතා දිනය සහ සමුද්‍ර සම්පතෙන් සුරැකීමේ සතිය සැප්තැම්බර් මස 18-23 දක්වා යෙදී තිබුන අතර රටෙහි පවතින කොවිඩ් වසංගත තත්ත්වය හේතුකොටගෙන ,
සමූද්‍රීය පරිසර ආරක්ෂණ අධිකාරිය විසින් මෙවර අන්තර්ජාතික වෙරළ පවිත්‍රතා සතිය ආකල්පමය වෙනසක් ඇති කිරීමේ තේමාව සහිතව විද්‍යුත් හා සමාජ මාධ්‍ය පදනම් කොට ගෙන 11-10-2021 වැනි දින පෙ.ව 10 ට අරලියගහ මන්දිරයේදී අග්‍රාමාත්‍ය අතිගරු මහින්ද රාජපක්‍ෂ මහතාගේ ප්‍රදානත්වයෙන් පැවැත්වීමට කටයුතු සූදානම් කර ඇත.

මෙම සමූද්‍රීය පරිසර ආරක්ෂණ අධිකාරිය අයත් වන වෙරළ සංරක්ෂණ හා පහත් බිම් සංවර්ධන රාජ්‍ය අමාත්‍යාංශයේ විශයභාර රාජ්‍ය අමාත්‍ය ගරු නීතිඥ මොහාන් ප්‍රියදර්ශන ද සිල්වා මහතාගේ සහභාගිත්වයෙන් පැවැත්වෙන මෙම උත්සවයේදී "සයුර රකින රැල්ල" ස්වේච්ඡා බලකායේ ක්‍රියාන්විතයත්, සමුද්‍රීය පරිසරය සම්බන්ධ රැකියා අවස්ථා බිහිකිරීමේ අරමුණ ඇතිව එය සදහා අවශ්‍ය දැනුම ලබා දීම සදහා "MEPA ඇකඩමියත්", සමූද්‍රීය පරිසර ආරක්ෂණ අධිකාරියේ නිල වෙබ් පිටුවද එළි දැක්වීමට නියමිතයි.

මෙම උත්සවයේදී සමූද්‍රීය පරිසර ආරක්ෂණ සතිය තේමා කොටගෙන සමරු මුද්දරක් ද එළි දැක්වීමට නියමිත අතර ඔස්ට්‍රේලියානු රජයෙන් ආධාර වශයෙන් ලැබීමට නියමිත නැව් අනතුරු වල දී සිදු වන තෙල් කාන්දු ජලයෙහි විසිරී නොයා එකතු කර ගැනීමේ උපකරණ කට්ටල කිහිපයක් ද ඔස්ට්‍රේලියානු මහ කොමසාරිස්තුමන්ගේ අතින් නිල වශයෙන් භාරගැනීමද එදින සිදුවනු ඇත.

🇱🇰

ලොව සුපතල වෙරළ තීරනයක් වන හික්කඩුව, නාරිගම වෙරළ තීරය පසුගිය දින කිහිපය සිට තුල දැඩි වෙරළ කදානයකට ලක්වී ඇත. මෙය පිළිබඳ සොයාබැලීම සදහා වෙරළ සංරක්ෂණ හා පහත්බිම් සංවර්ධන ගරු රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා මහතාගේ උපදෙස් පරිදි වෙරළ සංරක්ෂණ දෙපාර්තුමේන්තුවේ අධ්‍යක්ෂ ජෙනරාල් එස්. රනවක මහතා විසින් අද දින උදෑසන (26-09-2021) එම ස්ථානය පරීකශා කරන ලදී.

මුහුදු රළ දැඩි වීමත් සමගම වෙරළ කාදනය සදහා යොදාගන්නා රෙදි (Geotextile) එම ස්ථානය සදහා භාවිතා කළ නිසා හානිය යම්තාක් දුරකට අවම කරගත හැකි වූ අතර, ලබන වර්ශයේ මුල මෙම වෙරළ තීරනයේ ආරක්ශාව සදහා, වෙරළ පිවිසුම් හා එහි සුන්දරත්වයට හානි නොවන ආකාරයට විශේෂත වූ වැලිකොට්ට (Geobags )යෙදීමට නියමිතය.

පසුගිය සති අන්තයේ අම්පාර හා ත්‍රිකුණාමල දිස්ත්‍රික්ක වල වෙරළ හා පහත්බිම් සම්බන්ද ගැටලු සොයාබැලීමට ගිය වෙරළ සංරක්ශණ හා පහත්බිම් සංවර්ධන ගරු රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා මහතා නීතී විරෝධීව ගොඩකර, එහි ඉඩම් කැබලි අඅත්පත් කර ගැනීමට සූදානම වූ සාම්බල්තිව් කලපුවද නිරීක්ෂණක්ශනයට ලක්විය.

මෙම කටයුත්ත සදහා සම්න්ධ වූ පිරිසට තදින් නීතිය ක්‍රියාත්මක කරන ලෙස පැවසූ අතර මින් ඉදිරියට මෙවන් කටයුතු තවදුරටත් සිදු නොවීමට වග බලාගන්නා ලෙස නනිළධාරීන්හට උපදෙස් ලබා දෙන ලදී.

සුන්දර වෙරළ පරිසරයන් රැක ගැනීම අපගේ වගකීමයි. අපද්‍රව්‍ය බැහැර නොකොට පිරිසිදු සමුද්‍ර පරිසරය ඔබ අප සැමගේ අනාගතය වෙනුවෙන් ආරක්ෂා කර ගනිමු.

Let’s come together as responsible citizens to keep our marine environments clean, for the betterment of ourselves and for our future.

පෘථිවි පෘෂ්ඨයෙන් 70% ක් ආවරණය කරන්නේ මහා සාගරයයි. ලෝකයේ බොහෝමයක් පාරිසරික දේශගුණික ලක්ෂණ රඳා පවතිනුයේ මෙම සාගර ජලයේ සිදුවන ක්‍රියාකාරකම් මඟිනි. මේ නිසා බොහෝ ගොඩබිම් ක්‍රියාවලින් යාමනය කිරීමේ භාරදූර කාර්යයේ ප්‍රධාන කොටස්කරුවා වන්නේ මහා සාගරයයි.

ගෝලීය ජල සැපයුමෙන් 97% ක ඉහළ දායකත්වය සාගර ජලයයි. ඉතිරි 3% අයිස් කඳු, ග්ලැසියර, ජිවින් තුළ ඟංගා, ඇල දොල, ජලාශ, පාංශු ජලය ආදියේ පවතී. එම නිසා පෘඵීවියේ ජල ගෝලයෙන් 97% ක් දරා සිටිනුයේ මහා සාගරයයි.

මානව ක්‍රියාකාරකම් හේතුවෙන් ශ්‍රී ලංකාවේ වෙරළ සහ සාගරය දූෂණයට ලක් වෙමින් පවතී. මේ හේතුවෙන් පාරිසරික සහ සමාජ - ආර්ථික ගැටලු නිර්මාණය වී ඇත. අප බොහෝ විට ගොඩබිම දුෂණය ගැන කතා කලද, සමුද්‍ර දුෂණය ගැන අවධානය යොමු කරන්නේ අල්ප වශයෙනි. නමුත් ගොඩබිම දුෂණයේ අවසන් ප්‍රතිඵලය සමුද්‍ර පරිසරය දුෂණය වීමය.

සමුද්‍ර පරිසර දුෂණයට 90% ක් පමණ බලපාන්නේ ගොඩබිම ආශ්‍රිත දුෂිත ප්‍රභවයි. ගොඩබිම ක්‍රියාකාරකම් මඟින් නිපදවන අපද්‍රව්‍ය සෘජුවම හෝ වක්‍රාකාරව සමුද්‍ර පරිසරයට එකතු විය හැක. ගොඩබිම නිපදවන අපද්‍රව්‍ය කෙළින්ම වෙරළට හෝ සමුද්‍ර ජලයට මුදාහැරීමෙන් සමුද්‍ර පරිසර දුෂණය සෘජුවම සිදුවන අතර ගොඩබිම නිපදවෙන අපද්‍රව්‍ය ගංඟා වැනි ජල මාර්ග ඔස්සේ පැමිණ සමුද්‍රයට නිදහස් වීමෙන් වක්‍රාකාරව සමුද්‍ර පරිසරය දුෂණය වීම සිදුවේ.

අප සියලුදෙනා වෙරළ පිරිසිදු කිරීම දිනයකට පමණක් සීමා නොකර අපගේ වගකීමක් සලකමින් ආකල්පමය වෙනසක් ඇතිකරගත යුතුවේ.

#සයුරරකිනරැල්ල

සමුද්‍රීය පරිසර ආරක්ෂණ අධිකාරිය - සැප්තැම්බර් මස 18 දිනට යෙදී ඇති "ජාත්‍යන්තර වෙරළ පවිත්‍රතා දිනය" වෙනුවෙන් පවත්වනු ලබන
නිර්මාණ තරඟය සඳහා "දූෂණයෙන් තොර සමුද්‍ර පරිසරයක්" යන තේමාවට අදාලව ඔබේ නිර්මාණ යොමුකළ හැකිය .

තරඟ විස්තර :

• සමාජ මාධ්‍ය ජාලයන් තුළ (Fb) ප්‍රචාරය කිරිමට සුදුසු මට්ටමෙන් පරිගණක , ජංගම දුරකථන උපයෝගී කරගනිමින් කරන නිර්මාණයක් හෝ A4 ප්‍රමාණයේ කඩදාසියක් මත අදින ලද නිර්මාණ විය යුතුය

• ඔබගේ නිර්මාණය පැහැදිලිව පැහැදිළිව ඡායාරූපගත කර හෝ JPEG ආකාරයට 0772622915 අංකයට WhatsApp මාධ්‍ය මගින් පමණක් යොමු කල යුතුය එම නිර්මාණ තරඟය අවසන් වන තුරු මකා නොදැමිය යුතුය

• නිර්මාණ බාරගන්නා අවසාන දිනය 2021 සැප්තැම්බර් මස 20 වන දිනය වන අතර විනිසුරු මඩුල්ල විසින් මුලික වටයට තෝරා ගන්නා නිර්මාණයන් පමණ ක් 20/9/2021 වන දින SLMEPA (Marine Environment Protection Authority) නිළ Facebook පිටුවේ පලකරනු ඇත.
• එම නිර්මාණයන් සදහා 23/9/2021 රාත්‍රී 12:00 දක්වා Likes , Hearts ..මගින් මනාපයන් පලකළ හැකි අතර SL mepa පිටුව තුල වැඩිම ප්‍රතිචාර ලබාගන්නා 1 , 2 ,3 සහ තවත් 10 දෙනෙකු ජයග්‍රහකයින් ලෙස තෝරනු ඇත.

• අයදුම් කරුවන් සහප්‍රතිචාර දක්වන්නන් SLMEPA ( Marine Environment Protection Authority ) නිළ Facebook පිටුව Like කර තිබිය යුතුය
• නිර්මාණ වලට අදාලව සිදුකරන comments ජයග්‍රාහකයින් තේරීම'සඳහා නොසැලකේ

• ජයග්‍රාහකයන් වෙත වටිනා තෑගි සහ සහතිකපත් පිරිනැමෙන අතර , අනෙකුත් සියලුම තරඟකරුවන් සඳහා සහභ්ගිත්වය වෙනුවෙන් සහතිකපත් පිරිනැමෙනු ඇත
කොන්දේසි :

• මෙම තරඟය\සියලුම ශ්‍රී ලාංකික පුරවැසියන් සඳහා පමණක් විවෘතයඅතර , සිංහල , දෙමල, ඉංග්‍රීසි භෂා වලින් නිර්මාණ ඉදිරිපත් කල හැක

• සියලුම නිර්මාණ සමාජ මාධ්‍ය තුළ පළ කිරීමට සුදුසු තත්වයෙන් ,මාතෘකාවට අදාලව සිදුකල නිර්මාණ විය යුතුය.

• නිර්මාණයෙහි අන්තර්ගතය සහ අයිතිය පිළිබඳ වගකීම නිර්මාණකරුවා හෝ භාරකරු භාර ගත යුතු අතර වෙනත් අයකුගේ නිර්මාණයක්, නිර්මානයක කොටසක් මෙම තරඟය සඳහා භාවිත කල නොහැක
• නිර්මාණය තුළ කිසියම් පුද්ගලයෙකු හෝ කණ්ඩායමක් සෘජුව හෝ වක්‍රව හුවාදැක්වීම විවේචනය කිරීම ආදිය නොකළ යුතුය. නිර්මාණ සියල්ල SLmepa Fb පිටුවෙහි පමණක් පළ කරන අතර නිර්මාණ සමඟ පහත සඳහන් තොරතුරු නිර්මාණකරුවා විසින් එවිය යුතුය .
•
1. නම............
2. ජාතික හැදුනුම්පත් අංකය........
3. ලිපිනය..........
4. දුරකථන අංකය........
5. Whatsapp අංකය............
පාසල් අයදුම් කරුවෙකු නම් නම, වයස, පාසල, ශ්‍රේණිය සමග භාර කරුගේ පහත සඳහන් තොරතුරු එවිය යුතුය
තරඟයට අදාල කොන්දේසි වෙනස් කිරීමේ අයිතිය සමුද්‍රීය පරිසර ආරක්ෂණ අධිකාරිය ( SLMEPA ) සතුය
විනිසුරු මඩුල්ලේ තීරනය අවසන් තීරණය වේ

වෙරළ සංරක්ෂණ හා පහත්බිම් සංවර්ධන ගරු රාජ්‍ය අමාත්‍ය නීතිඥ මොහාන් ප්‍රියදර්ශන ද සිල්වා අද දින (12.08.2021) දකුණු පළාත් සමූද්‍රීය පරිසර ආරක්ෂණ අධිකාරිය අසල ගාල්ල, දඩල්ල වෙරළ තීරය පිරිසිදු කිරීමේ වැඩසටහනකට සහභාගි විය. මේ සඳහා නාවික හමුදා සාමාජිකයන්, ගාල්ල මහ නගරසභා කාර්ය මණ්ඩලය ඇතුළු පිරිසක් ශ්‍රම දායකත්වය ලබාදෙනු ලැබීය. මෙහි ඇති ආකර්ෂණීය වෙරළ තීරය නිරීක්ෂණය කල ගරු රාජ්‍ය අමාත්‍යතුමා එහි වෙරළ උද්‍යානයක් ඉදිකර සමුද්‍රීය පරිසර ආරක්ෂණ අධිකාරියේ අධීක්ෂණය යටතේ පවත්වාගෙන යන ලෙස නිළධාරීන්ට උපදෙස් ලබා දෙන ලදී.
ඉන් අනතුරුව ගරු රාජ්‍ය අමාත්‍යතුමන් විසින් සමූද්‍රීය පරිසර ආරක්ෂණ අධිකාරියේ දකුණු පළාත් කාර්යාල පරිශ්‍රය හා එහි ඇති විද්‍යාගාරද නිරීක්ෂණය කරන ලදී.
මෙම අවස්ථාව සදහා සමුද්‍රීය පරිසර ආරක්ෂණ අධිකාරියේ සභාපතිනි දර්ශනී ලහදුපුර මැතිනිය ,ගාල්ල මහ නගර සභාවේ හා හික්කඩුව නගරසභාවේ නගරාධිපතිතුමන්ලා ඇතුලු මන්ත්‍රීවරුන් ඇතුළු පිරිසක් සහභාගී විය.

සිංගප්පූරුවෙන් ඇමෙරිකානු ඩොලර් 180,000 ක් වටිනා වෙරළ තීර පිරිසිදු කිරීමේ උපකරණ පරිත්‍යාගක්...

X- press pearl නෞකා අනතුරෙන් අපිරිසිදු වූ වෙරළ තීරය පිරිසිදු කිරීමේ කටයුතු අතිගරු අග්‍රාමාත්‍ය මහින්ද රාජපක්ෂ මැතිතුමන්ගේ උපදෙස් පරිදි තවමත් පෙර ආකාරයෙන්ම ඉදිරියට සිදුවන අතර එම කටයුතු තව සාර්ථක කර ගැනීම සදහා වෙරළ පිරිසිදු කිරීමේ යන්ත්‍ර 8ක් පමණ සිංගප්පූරුවේ රාජ්‍ය නොවන සංවිධානයක් වන " The Alliance to End Plastic Waste “ මගින් එහි සභාපති රිචර්ඩ් ඩුවර් මහතාගේ මූලිකත්වයෙන් පරිත්‍යාග කල අතර 02-08-2021 දින වෙරළ සංරක්ෂණ හා පහත්බිම් සංවර්ධන රාජ්‍ය අමාත්‍ය ගරු නීතිඥ මොහාන් ප්‍රියදර්ශන ද සිල්වා සහ විදේශ කටයුතු අමාත්‍යාංශ ලේකම් අද්මිරාල් ජයනාත් කොළඹගේ මැතිතුමන්ලාගේ ප්‍රධානත්වයෙන් එම යන්ත්‍රෝපකරණ භාර ගැනීම උස්වැටකෙයියාව, සරක්කුව වෙරළ තීරයේදී සිදුවිනි.

මෙම යන්ත්‍ර මගින් වෙරළ තීරයේ ඇති ප්ලාස්ටික් පබලු එකතු කර ගැනීමට හැකියාවක් ඇති අතර මෙහි වෙළඳපොළ වටිනාකම ඇමරිකානු ඩොලර් 180,000 කි. මෙම වෙරළතීර පිරිසිදු කිරීමෙන් පසු මෙම යන්ත්‍ර විදේශීයන් හා දේශීය සංචාරකයන් බහුලව ගැවෙසෙන වෙරළතීර සදහා ලබාදීමට බලාපොරොත්තුවේ.

මෙම යන්ත්‍ර කඩිනමින් දිවයිනට රැගෙන ඒමේ සම්බන්ධීකරණ කටයුතු විදේශ සේවා කටයුතු අමාත්‍යාංශයේ සාමාන්‍ය අධිකාරිනී හසන්ති දිසානායක මැතිනිය, සිංගප්පූරුවේ ශ්‍රී ලංකා තානාපති ශශිකලා ප්‍රේමවර්ධන මැතිනිය, එහි ලේකම් මදුශංක ජයසිංහ මහතා හා ජර්මනියේ සිට මෙම යන්ත්‍ර දිවයිනට රැගෙන ඒමට ජර්මනියේ ශ්‍රී ලංකා තානාපති කාර්යාලයේ කොන්සියුලර් ජෙනරල් එම්. ඊ. එම්. විනිගර් මහත්මිය ඇතුලු පිරිස සහයෝගය ලබාදෙනු ලැබිනි.

විශේෂයෙන් ජාතික ගුවන් සේවාවේ සභාපති අශෝක පතිරගේ මහතාගේ මැදිහත් වීමෙන් කිසිදු අයකිරීමකින් තොරව මෙම යන්ත්‍ර ගෙන්වා දුන් අතර එහි සම්බන්ධීකරණ කටයුතු සදහා කළමනාකරු මොහාන් මීගොල්ල මහතා සහයෝගය ලබාදුනි.
තවද මෙම අවස්ථාව සදහා සමුද්‍රීය පරිසර ආරක්ෂණ අධිකාරියේ සභාපතිනි දර්ශිනී ලහදුපුර මැතිනිය, එම ආයතනයේ සාමාන්‍යාධිකාරී ආචාර්ය ටර්නි ප්‍රදීප් කුමාර මහතා ඇතුළු රාජ්‍ය නිළධාරීන් සහ ප්‍රාදේශීය දේශපාලන අධිකාරිය සහභාගි විය.