Afropolitanu - Livraria y Iditora

Un nhaku livrinhu di stória pa nos mininu, y pa nos mai ku nos pai tanbe.
Stória di Amilcar Cabral kontadu pa es, na ses linguaji.
Un bibliotéka di surpréza, xeiu di informason, xeiu di strória.

Sen partidu nen patidarismu. Un livru di stória.

Gósi pa 700$00 (nobu inprimison)

Testu di Marilene Pereira
Idison di FAC – Fudason Amilcar Cabral.

Kontakita-nu na messenger di “Djuntamon Afrikanu” o fase bu kónpra online na https://nhakretxeu.com/afropolitanu

Tudu xintiméntu, pensamentu, imuson o opinion di un puéma e di si própi vós, kel ki ta papia déntu d’el, y nau di si otor, si puéta, ki e so, y so, si kiriador!

Alguns klásiku di literatura kabuverdianu.
Kontakita-nu: 918 91 01 o pa messenger di Djuntamon Afrikanu

Nhos txiga, Afropolitanu - Livraria y Iditora ta ba sta la, pa nhos. Nhos bizita-nu, nhos bizita y partisipa na fera panafrikanu di silebrason di 60 anu di Unidadi Afrikanu!

Portugal: Nhaba Kébra apresenta “Ecos da noite – delírios, devaneios e a própria loucura” - Primeiro diário caboverdiano em linha - A SEMANA O autor do livro “Ecos da noite – delírios, devaneios e a própria loucura”, Nhaba Kébra, apresenta a obra esta sexta-feira, 24, em Lisboa, contando ainda com um recital poético e performance musical.

Na Natal, Na Kwanzaa
ferese un livru
ferese nos kultura!

Na Natal, Na Kwanzaa, ferese un livru, ferese nos kultura!
www.https://nhakretxeu.com/afropolitanu

Nobidadi na nos pratilira:

“Ecos da Noite” di Nhaba Kébra (alterégu di Djuntamon Afrikanu) dja sta na bénda! Ofisialmenti, désdi ónti, 28 di Otubru, li na nos Lója Online: https://www.nhakretxeu.com/afropolitanu.

Ónti mé, nu da rinkada na ntréga di kes izenplar ki pré-kunpradu na un jéstu morabi di “patrosini” di alguns letor/amigu, ki prontifika pa djuda, y ki, li, nu sa ta gardise. Un jéstu rai di inpurtanti, ki djuda-nu na kel ki e pruméru publikason di Nhaka Kébra y pruméru produson di Livraria Afropolitanu.

El ta kunpradu li, online, ku tudu suguransa sibernétiku, y el ta ntregadu na bu morada, o na morada di kenha ki kre ferese-l.

Oxi, 26 di Otubru di 2022, nu rasebe, di gráfika, nos pruméru trabadju: Ecos da Noite — Delírios, Devaneios e A Própri Loucura. Un lívru di “Arlóse, Puéma y Kantiga” di otoria di Nhaba Kébra (alterégu di Djuntamon Afrikanu), un dzfnóde di “manifestason sonánbulu, spreson luzógrafu y nspirason sethániku”, y ki ta konta k’un prefasi, sublimi, di Apolo De Carvalho.

Na nos ajénda:

28 di Otubru:
— Disponibilizason pa bénda online, na nos loja:
https://www.nhakretxeu.com/Afropolitanu.
— Ntréga y otografaméntu di kes izénplar pré-konpradu – nos úniku forma di patrosini.

Nuvénbru - 1u sumana
— Prizentason/ Lansamentu pupular: Na un spasu y óra inda pa difini y/o konfirma. Li mé nu al anúsia-l, sen skese di bu konbiti, pa bo tanbe, bu pode ba sta la, prizenti, ku nos!

Na 18 di Otubru, Dia di Kultura y di Língua Kabuverdianu, Livraria y Iditora Afropolitanu inogura si kabésa ku lansaméntu di si loja virtual, na plataforma online “Nha Kretxeu”, ku mison di kontribui, ta partisipa, na formason di un sosiedadi kabuverdianu olistikamenti kultu — livri y indipendenti — dónu y sinhor di si própi distinu.

Un mison, un “nia”, inposivi sen antis konstruidu, na se alisersi, un bazi konxeméntu fórti, kapas di suporta tudu nos nisisidadi intilekitual, sentífiku y kultural, y ki nu konvensiona txoma “Bibliotéka Universal di Nos Língua y di Nos Própi Ser — Négru y Áfrikanu”.

Pa kel la, pa nu fase nos parti, nu ta propoi:

1u - Divulga y Promove Letura, Skrita, Publikason y Konsumu di óbra, di tudu tipu, skrebedu o traduzidu, na Língua Kabuverdianu.

2u - Produzi, Publika y Divulga bianda, skrebedu o traduzidu, na Língua Kabuverdianu.

3u - Divulga y Promove, konsumu y letura di bianda/óbra di, y sobri, nos kontinenti y nos díaspura, négru y afrikanu.

Pa konxe nos spasu virtual, un padas di nos prujétu, klika na kel linki li:

Livraria Afropolitanu Livraria Afropolitanu