Yan Naing Yan Linn Group

RAM နဲ့ CPU အကြောင်း

ဆိုတာ ဘာလဲ
အခြေခံ သိသင့်တဲ့ ဗဟုသုတလေးပါ။ မေးလာသူ ရှိလို့ မသိသူများ အလွယ်ကူဆုံး နားလည်အောင် ရှင်းပြလိုက်ရ ပါတယ်။

RAM ဆိုတာ ၁၀ တန်းတုန်းက သင်ရတဲ့ စာအတိုင်း ပြောရရင် Read and Write ရတဲ့ Memory လို့လွယ်လွယ်မှတ်ယူနိုင်ပါတယ်။ ရေးလို့လည်းရ၊ ဖတ်လို့လည်းရဆိုတော့ အဲ့ RAM အပြားအချပ်က စာအုပ်တစ်အုပ်များလား လို့ အဲ့တုန်းကတည်းက ကလေးတွေးနဲ့ တွေးဖူး ပါတယ်။ ဒီလိုရှိပါတယ် -

RAM ဆိုတာ

Random Access Memory ပါ။ မြန်မာလို တိုက်ရိုက် ဘာသာ ပြန်တော့ ကျပန်း ဝင်ရောက်နိုင်သော သိမ်းဆည်းသူပေါ့။ သို့ပေမယ့် နည်းပညာ ကျကျ ပြောရင် RAM လို အင်္ဂလိပ်လိုမှတ်တာ အကောင်းဆုံးပါပဲ။ ကျပန်း ဆိုတာ ဒီလိုပါ။ ၁ ကနေ ၁၀ အထိဆီစားရင် ROM က အစဉ်လိုက် ထုတ်ပေးပါတယ်။ ဥပမာ ကွန်ပြူတာ တစ်လုံး Power On လိုက်တဲ့အခါ Command Line ပေါ်လာမယ်။ Windows Version ဘယ်လောက်ဆိုပြီး Screen တက်လာမယ်။ ပြီးတော့ Home Screen အစရှိသဖြင့်တို့က ROM မှာ သိမ်းဆည်းထားတဲ့ Memory ဖြစ်ပြီး အစဉ်လိုက်ကို ထုတ်ပေးပါတယ်။ ဒါကြောင့် ကွန်ပြူတာဖွင့်ဖွင့်ချငး Home Screen အတန်းပေါ်လို့ မရပါဘူး။ ROM မှာကိုက အစဉ်လိုက်သွားလိုက် လုပ်ပေးထားပါတယ်။ ဖျက်လို့မရဘူး လို့အကြမ်းဖျင်း မှတ်သားထား နိုင်ပါတယ်။

RAM ကျတော့ ကျော်တာ၊ခွတာလုပ်လို့ရပါတယ်။ ဆိုလိုရင်းက လုပ်ဆောင်ချက်ကို ကိုယ်လိုတဲ့ နေရာကနေ ဆွဲယူလို့ ရပါတယ်။ ဒါကြောင့် Random လို့ခေါ်တာပါ။ Data တွေကို သိမ်းတဲ့အခါ C file ထဲသိမ်းရင် RAM ဖြစ်ပြီး ကွန်ပြူတာ Error အကြောင်းတစ်ခုခုရှိတဲ့အခါ အလွယ်တကူ ပျက်နိုင်ပါတယ်။ RAM မှာသိမ်းဆည်းထားလို့ပါ။ ပြီးတော့ RAM မှာသိမ်းဆည်း ထားတဲ့ ပရိုဂရမ်တွေက အသုံးပြုရ၊ Save လုပ်ရ မြန်ဆန် ပါတယ်။ ပြီးတော့ ဘယ်နေရာက ဘယ်လို ပရိုဂရမ်တွေကိုပဲ Run Run . RAM ပေါ်မှာ အလုပ်လုပ်ပြီး နောက်ဆုံးမှ ဒါကို ROM မှာသိမ်းမှာလား RAM မှာ သိမ်းမှာလား ရွေးချယ်နိုင်ပါတယ်။ လွယ်လွယ်မှတ်ရင် ကွန်ပြူတာဖွင့်ပြီး အင်တာနက်သုံးပြီ၊ ဂိမ်းဆော့ပြီ၊ အလုပ်လုပ်ပြီဆိုရင် RAM က မိမိလုပ်ဆောင်ချက်များ အတွက် အလုပ်လုပ်ပေးနေရ ပြီ ဖြစ်ပါတယ်။

RAM ရည်ရွယ်ချက်

RAM နဲ့ ROM ရှိရာမှာ RAM ထားရတဲ့ ရည်ရွယ်ချက် သိမ်းဆည်းထားတဲ့ မှတ်ဥာဏ်တွေဆီကို အလွယ်တကူ ဝင်ရောက်နိုင်ရန်၊ အလွယ်တကူ နှင့် ယာယီ သိမ်းဆည်းနိုင်ရန်၊ ပရိုဂရမ်များကို မြန်မြန် Run နိုင်ရန်၊ အသုံးပြုနိုင်ရန် လို့အလွယ်မှတ်ယူထားနိုင်ပါတယ်။

RAM အမျိုးအစား

DRAM ခေါ် Dynamic RAM နဲ့ Static RAM (SRAM) ဆိုပြီး ၂ မျိုး ရှိပါတယ်။ SRAM အတွေ့နည်းပြီး DRAM အတွေ့များပါတယ်။ ဘာလို့လဲဆို SRAM က ပိုကောင်းပြီး စျေးကြီးလို့ပါ။ သူ့ပါသူ အလိုအလျောက် Refresh ဖြစ်နေတဲ့ SRAM က တစ်စက္ကန့်မှာ အကြိမ် တစ်ထောင်မက Refresh လုပ်ပေးနေရတဲ့ DRAM ထက် လုပ်ဆောင်ချက်လည်း မြန်ဆန်ပါတယ်။ ကျနော်တို့ Windows မှာ F5 နှိပ်ပြီး Refresh ခဏခဏ လုပ်နေတယ်ဆိုတာ RAM အတွက်ပါ။ CPU utilize များတာနဲ့အမျှ RAM အလုပ်များပြီး Error ဖြစ်တတ်လို့ ဖြစ်ပါတယ်။ ဒီတော့ အကြမ်းဖျင်းအားဖြင့် RAM မှာ DRAM နဲ့ SRAM ဆိုပြီး ၂ မျိုးရှိတယ်လို့ အကြမ်းဖျဉ်းမှတ်သား နိုင်ပါတယ်။

အနှစ်ချုပ်

ကွန်ပြူတာတင်မက မိုဘိုင်းနှင့် အခြား ကွန်ပြူတာမှတ်ဥာဏ်ပါဝင် ပစ္စည်းတွေအများစုမှာ RAM က ပါကိုပါပါတယ်။ ဖုန်းမှာလဲ RAM ပါပါတယ်။ RAM များလေလေ လုပ်ဆောင်ချက်မြန်လေလေ ဖြစ်ပါတယ်။ ဒါကြောင့် RAM 2G က RAM 1GB ထက် ဂိမ်းဆိုဒ်ကြီးကြီးကို ဆော့နိုင်ခြင်း ဖြစ် ပါတယ်။ RAM 1GB ထက် RAM 2G ကတစ်ပြိုင်နက်တည်းမှာပဲ အလုပ်များများ လုပ်ပေးနိုင်ပါတယ်။ 2GB ထက် 3GB, 3GB ထက် 4GB အစရှိသဖြင့် သိမ်းဆည်းနိုင်မှုများလေလေ၊ လုပ်ဆောင် ချက်မြန်လေလေ ဖြစ်ပါတယ်။ ဒါကြောင့် ကွန်ပြူတာ တွေမှာ ROM နည်းပေမယ့် RAM များတဲ့အခါ Performance ကောင်းရခြင်း ဖြစ်ပါတယ်။ သူက ROM က အသေသိမ်းဆည်းထားတဲ့ မှတ်ဥာဏ်နဲ့ ပရိုဂရမ်တွေကို ဝန်မျှထမ်းပေးတဲ့ သဘောလည်း သက်ရောက်ပါတယ်။

သူကိုယ်တိုင်ကလည်းရှိတဲ့ ဝန်ကိုထမ်းပြီး ROM က အချို့ဝန်တွေကိုလည်း ခွဲထမ်းပေးတတ်ပါတယ်။ ဥပမာ Networking Devices တွေမှာဆိုရင် Command တွေကို RAM (Running Configuration) ကနေ ROM ထဲကို သိမ်းဆည်းလိုက်တာမျိုးဖြစ်ပါတယ်။ ပြီးတော့ Device ကိုပြန်စတဲ့အခါ ယင်းမှတ်ဥာဏ်က မပျောက်ပဲရှိနေပါတယ်။ RAM ရဲ့ မှတ်ဥာဏ်ဟာ ကွန်ပြူတာပိတ်လိုက်တာနဲ့ ပျောက်ပါတယ်။ ဒါကြောင့် RAM နဲ့ သုံးပြီး နောက်ဆုံးမှာ ROM ထဲကို ပြန် Save လုပ်ရလေ့ရှိပါတယ်။ ဒါကြောင့် တာဝန်ယူခွဲယူတဲ့ သဘောကိုဆိုခြင်း ဖြစ်ပါတယ်။ RAM က volatine memory, ROM က non volatine memory လို့လည်း အကြမ်းဖျင်း မှတ်ယူနိုင်ပါတယ်။

ဒီလောက်ဆိုရင် RAM ကဘာကိုခေါ်သလဲဆိုတာတင်မက ROM အကြောင်းကိုပါ အကြမ်းဖျင်း သိပြီလို့ မျှော်လင့် ပါတယ်။

By Tech Space

CPU အကြောင်းသိကောင်းစရာ
**********************

Computer ရဲ့ဦးနှောက်လို့တင်စားခေါ်ဝေါ်လေ့ရှိတဲ့ Microprocessor (ဝါ) CPU သည် transistor သန်းပေါင်းများစွာဖြင့်ပြုလုပ်ထားပြီး
motherboard (သို့) circuit board ပေါ်တွင် တိုက်ရိုက်တပ်ဆင်အသုံးပြုရသည့်အကြီးမားဆုံးသော Chip တစ်ခုပင်ဖြစ်ပါတယ်။

(၁၉၇၁) ခုနှစ်တွင် Intel company မှ
4004 processor ကိုပထမဦးဆုံးစီးပွားဖြစ် တီထွင်ထုတ်လုပ်ရောင်းချခဲ့ပါတယ်။
ထို 4004 processor ကို transistor ပေါင်း ၂၃၀၀ခန့်ဖြင့်တည်ဆောက်ထားပြီး 60 kHz ဖြင့်
အလုပ်လုပ်ဆောင်ပါတယ်။ 60 kHz ဆိုတာကတော့
တစ်စက္ကန့်မှာတွက်ချက်မှုပေါင်း(၆)သန်းခန့်ကို
လုပ်ဆောင်နိုင်ခြင်းပင်ဖြစ်ပါတယ်။
ယနေ့ခေတ်ပေါ် processor များကိုတော့
သန်းနှင့်ချီသော transistor များဖြင့်
တည်ဆောက်ထားပြီး တစ်စက္ကန့်မှာ
တွက်ချက်မှုပေါင်း သန်းထောင်ချီပြီး !။

Microprocessor ရဲ့ပါတ်လည်အနားတစ်လျှောက်မှာ
ရာနှင့်ချီသော pin များကို တွေ့ရပါလိမ့်မယ်။
ထို pin များထဲမှ အချို့ဟာ
Bus (data carrier) များမှလာသော
Signal Line များနှင့်ချိတ်ဆက်ရန်ဖြစ်ပြီး
အချို့ကတော့ Chip ကို ပါဝါပေးရန်ဖြစ်ပါတယ်။
CPU တစ်ခုကို ပကတိ မျက်စိဖြင့်ကြည့်မယ်ဆိုရင်
Component တစ်ခုတည်းအဖြစ်သာမြင်ရမှာဖြစ်ပြီး
အတွင်းပိုင်းမှာတော့ ALU (Arithmetic Logic Unit) ၊ Register ၊ CU (Control Unit) အစရှိသောအစိတ်အပိုင်းများကိုစုပေါင်းပြီး
ထည့်သွင်းတည်ဆောက်ထားပါတယ်။
ဖွဲ့စည်းတည်ဆောက်ပုံများသည် CUP အမျိုးအစားပေါ်မူတည်ပြီး အမျိုးမျိုးကွဲပြားကြသော်လည်းအခြေံကျသော
သဘောတရားများမှာတော့ အတူတူပင်ဖြစ်ပါတယ်။
CPU သည် Calculation နှင့် Data များကို
Program မှညွှန်ကြားသော Instruction များအတိုင်း
process လုပ်ရသောတာဝန်များကိုဆောင်ရွက်ရပါတယ်။
Instruction များဆိုတာကတော့ရောက်ရှိလာတဲ့
data များကို CPU မှဘယ်လိုထိန်းချုပ်လုပ်ဆောင်ရမလဲဆိုတာကို ညွှန်ကြားတဲ့ command များပဲဖြစ်ပါတယ်။
ဥပမာ 2 + 7 ရဲ့အဖြေကိုတွက်ထုတ်တဲ့အခါမှာ + (Add) သည်အခြေခံကျဆုံး instruction တစ်ခုပဲဖြစ်ပါတယ်။
2 နဲ့ 7 ကိုတော့ calculate မလုပ်ခင်မှာ
ခုနကပြောခဲ့တဲ့ Register ဆိုတဲ့အခန်းငယ်လေးထဲမှာ ခဏသိမ်းထားပါတယ်။

အလားတူပဲ program တစ်ခု (ဥပမာ Microsoft Word) ကိုအသုံးပြုပြီး file တစ်ခုရေးဖွဲ့တဲ့နေရာမှာဆို
ထို file အတွင်းပါစာသားများ ၊ ရုပ်ပုံများ ဟာ
data များပင်ဖြစ်ပါတယ်။
အဲ့ဒီ file ကိုသိမ်းဆည်းရန် (သို့)
printer ထုတ်ရန်အတွက် Print (သို့)
Save တွင် click နှိပ်ပြီး command ပေးရပါမယ်။
ထို Print (သို့) Save သည် CPU အား
data များအပေါ်မှာ ဘယ်လိုပြုမှုဆောင်ရွက်ရမလဲဆိုတာကို
ညွှန်ကြားသော Program (သို့ )
series of instructions များပဲဖြစ်ပါတယ်။
CPU ဟာ Instruction တစ်ခုလာတဲ့အခါ
ထို instruction သည် ဘာကိုလုပ်ဆောင်ဖို့ရန်
ခိုင်းစေသလဲဆိုတာကို နားလည်ဖို့လိုပါတယ်။
CPU အပါအဝင်
computer အစိတ်အပိုင်းအားလုံးအသီးသီးတို့သည်
Lowest-level programming language
ဖြစ်သော machine language ကိုသာလျှင်
နားလည်ပါတယ်။ ထို machine language ကို
CPU မှအလွယ်တကူနားလည်လက်ခံနိုင်သော်လည်း
လူသားများအတွက်တော့ ရေးဖို့ဖတ်ဖို့ရန်မဖြစ်နိုင်ပါ။

ဘာဖြစ်လို့လဲဆိုတော့ machine language တွင်
number (1 & 0) များသာ
ပါဝင်သောကြောင့်ဖြစ်ပါတယ်။

ဥပမာ - 0000 0001 0010
1000 0101 1100 00111
ဒါကြောင့် software ရေးသားသူ programmer များက Assembly (သို့)
high level programming language
လို့ခေါ်တဲ့ C ၊ Fortran ၊ Pascal တို့ကိုအသုံးပြုပြီး
software များကိုရေးသားရပါတယ်။
ဟိုးယခင် Programming ခေတ်ဦးကာလတုန်းကဆိုရင်
Program အားလုံးတို့ကို Assembly language ဖြင့်သာရေးသားခဲ့ကြပါတယ်။ Assembly language သည် machine language နှင့်ဆင်တူသော Structure နှင့် Command များပါရှိပါတယ်။

သို့သော် number များအစား name များဖြင့်
ရေးသားနိုင်ပါတယ်။
ဥပမာ - add $r2, $r3, $r4
ယနေ့အချိန်မှာတော့ Assembly language အသုံးပြုမှုနည်းပါးသွားပြီဖြစ်ပြီး
high level language များဖြစ်ကြသော
C ၊ Fortran ၊ Pascal တို့ကိုသာ
အဓိကထားအသုံးပြုပြီး program များကို
ရေးသားလျက်ရှိပါတယ်။
ထို high level language များသည်
human language နှင့်ဆင်တူသည့်အတွက်ကြောင့်
Program များကို အလွယ်တကူရေးနိုင် ဖတ်နိုင် ပြုပြင်ထိန်းသိမ်းနိုင်ကြပါတယ်။
သို့သော်ငြားလည်း speed သည် အရေးကြီးပြီး
high level language နှင့်ရေးသားဖို့ရန်မဖြစ်နိုင်သော
operation များအတွက် assembly language ကို ယနေ့တိုင်အသုံးပြုရဆဲဖြစ်ပါတယ်။

Program တစ်ခုကို မည်သည့် language နဲ့ရေးဖွဲ့စေကာမူ နောက်ဆုံးတစ်ချိန်မှာ CPU နားလည်လက်ခံနိုင်သော
machine language အဖြစ်သို့
translate လုပ်ပေးရပါတယ်။
ထိုသို့ translate လုပ်နိုင်ရန်အတွက်
high level language မှ
machine language သို့ပြောင်းလဲပေးသော
compiler ၊ interpreter ၊ assembly မှ
machine language သို့ပြောင်းလဲပေးနိုင်သော
assembler တို့ဖြင့် translate လုပ်ပေးရပါတယ်။ Microprocessor စျေးကွက်ကို လွှမ်းမိုးထားပြီး ယနေ့ computerအများစုတို့အတွင် အသုံးပြုလျက်ရှိသော Microprocessor များကို အဓိကထုတ်လုပ်သူ
company ကြီး၂ခုသာရှိပါတယ်။
Intel နဲ့ AMD (Advanced Micro Device)
တို့ပဲဖြစ်ပါတယ်။

Intel သည် processor စျေးကွက်ကိုလွှမ်းမိုးထားပြီး စျေးကွက်ဝေစုအများဆုံးပိုင်ဆိုင်ထားသော
CPU ထုတ်လုပ်သည့် company ဖြစ်ပါတယ်။
အစောပိုင်း CPU တွေကို အမည်ပေးတဲ့နေရာမှာ နံပါတ်တွေနဲ့ပေးသားခဲ့ပါတယ်။

8080 ၊ 286 ၊ 486 အစရှိတဲ့အမည်များနဲ့ဖြစ်ပါတယ်။
486 နောက်ပိုင်းအမည်ပေးတဲ့နေရာမှာ
Pentium ၊ Celeron ၊ အစရှိတဲ့
Pentium မျိုးဆက်ပဲဖြစ်ပါတယ်။
အဲ့ဒီနောက်ပိုင်းမှာတော့ Pentium မဟုတ်ပဲ
Core အမည်များနဲ့လာပါတယ်။
Core 2 Duo ၊ Core 2 Quad ကနေစပြီး
ယနေ့နောက်ဆုံးပေါ် Core i3 ၊ Core i5 ၊ Core i7 တို့ထိအောင်ဖြစ်ပါတယ်။
CPU အလုပ်လုပ်ပုံ Computer ပေါ်မှာ
software တစ်ခုကို install လုပ်ခြင်းသည်
series of instruction များပါဝင်သော
program code များနှင့် ဆက်စပ်လျက်ရှိသော
file များကို hard disk ပေါ်တွင် သိုလှောင်သိမ်းဆည်းထားခြင်းပင်ဖြစ်ပါတယ်။
အလားတူပင် image များ document များအစရှိသော
data များသည်လည်း storage device လို့ခေါ်သည့်
hard disk များ CD ROM များပေါ်တွင်
သိမ်းဆည်းထားပါတယ်။
Program ကို run တဲ့အခါမှာသော်လည်းကောင်း
data များ storage device ထဲမှနေပြီး
RAM (Random Access Memory) ပေါ်သို့ copy ကူးယူလိုက်ပါတယ်။ ထို RAM မှတစ်ဆင့် data များကို
Bus များမှတစ်ဆင့် ယူငင်အသုံးပြုပြီး
CPU မှစတင် process လုပ်ပါလိမ့်မယ်။
အလားတူပင် process လုပ်ပြီံးသွားသော data များကို
CPU မှ RAM ပေါ်သို့ RAM မှ
storage device (Hard Disk) ပေါ်သို့အဆင့်ဆင့်ပြန်ရေးရပါတယ်။
ဒီလိုနဲ့ data တွေကို memory ပေါ်ခဏတင်ထားပြီး
CPU မှ process လုပ်ကာ
အသုံးပြုသူက save လိုက်တာနဲ့တစ်ပြိုင်နက်
hard disk ထဲကိုပြန်သိမ်းပေးပါတယ်။

ကဲ…ဒါဆိုရင်စာဖတ်သူတို့လည်း
Microprocessor (သို့) CPU ဘယ်လိုအလုပ်လုပ်တယ် ဘယ်လိုဖွဲ့စည်းထားလဲဆိုတာကို သိသွားပြီဖြစ်ပါတယ်။
အစဉ်လေးစားစွာဖြင့်….

Credit:မူရင်းရေးသားသူ