Bellezza

و رجعنالكوا بعد فترة غياب و حابه أتكلم عن موضوع مهم ، كتير فى مجتمعنا المصري محبين للسكريات و فى استخدامهم للسكر بطريقه مبالغ فيها . اها هو بيضيف طعم حلو بس لاحق بقى على أضرار الكميه الكتيرة دي .
فالنهارده هنعرف سوا ايه الفايده لو قللت كميه السكر ؟
ف يلا بينا
*تعالوا الاول نعرف السكر لما بيدخل الجسم بيحصل ايه ؟!

السكر لما بيدخل الجسم بيتكسر إلى جلوكوز و فركتوز
و كل ما يزيد تناولك من السكر كل ما يزيد نسبه الجلوكوز و دا هيؤدي الى زياده هرمون الأنسولين و دا هيؤدي الى زياده تخزين الدهون و هيقلل من حرق الدهون ال فى جسمك و دا بيساهم فى ظهور الكرش و إصابتك بمرض السكري.
كمان زياده الفركتوز دا بتزود احساس الإنسان بالجوع فبياكل أكتر .
كمان الكبد مش هيكون قادر يخزن الجلوكوز على شكل glycogen و بالتالى هيؤدي إلى تكوين دهون على الكبد بما يسمى الكبد الدهني .
ف ليه بقا ده كله بما أن الحل فى ايدينا و هو أننا نقلل السكر 👌.

*تعالوا بقا نعرف ايه الفوايد ال هحصل عليها لما أقلل السكر ؟

لما تقلل السكر دا بيساعدك تحافظ على صحتك حيث انه بيحميك من السمنه ال هتؤدي إلى أمراض كتيرة و من ضمنها مرض السكري ، دا كمان وجود دهون كتيرة فى جسمك و إصابتك بمرض السكري دا هيساهم فى إصابتك بمرض ضغط الدم و كل مرض و ليه توابعه ، بالإضافة إلى :-
السكر مضر جدا بالبشرة بحيث أنه بيكسر الكولاجين فدا بيسرع من ظهور التجاعيد و ظهور حب الشباب بلس بيؤدي إلى ظهور دهون فى الايد و الرجل .
Reduce suger to live healthy without diseases .
Dr/Ola👩‍⚕️

النهاردة بقا هنتكلم عن موضوع مهم و هو تغذيه الحوامل
هنعرف مع بعض ايه المفروض تأكله و ايه المفروض تتجنبه و ايه الشائعات الغلط عن تغذيه الحامل و هل لما تمشى على نظام غذائى صحى متكامل خلال فترة الحمل مش هيأثر عليها و على الطفل ؟
يلا بينا نتكلم عن نقطه نقطه و النهارده هنتكلم عن ايه المفروض تاكله 🤔
العناصر الغذائيه بتنقسم لنوعين :-اولا عناصر رئيسيه بتسمى (Macronutrients) و دول عبارة عن الكربوهيدرات و البروتينات و الدهون
طبعا بعض السيدات الحوامل بيعتقدوا أنهم لما يقللوا الكربوهيدرات هيقدروا ينزلوا فى الوزن بسرعه بعد الولادة و دا معتقد خاطئ ، لأنها المفروض بتاكل كميه كربوهيدرات أكتر من الطبيعى على حسب النظام ال هيكتبهولها أخصائي التغذيه لأن الكربوهيدرات دا مصدر الجلوكوز الأول و لازم كميه الجلوكوز فى دم الأم تكون أكثر من الطفل عشان الجلوكوز بيتحرك فى الخلايا من التركيز الأعلى للتركيز الأقل و بالتالى ينتقل من دم الأم للطفل خلال المشيمه .
فى الحمل بنخلى الأم تقلل السكريات قدر الإمكان لكن وقت أنها حست بهبوط لازم تأخد حاجه فيها سكر لأن الجسم بيديها مؤشر أن السكر قل فى الدم فلازم تلحق نفسها لأن ده ممكن يضر الطفل .
تانى حاجه البروتينات من العناصر المهمه جدا و الحامل بتكون بتأخده بكميه اكبر عن ما قبل ذلك و يفضل أن البروتينات ال هتاخده تكون بروتينات حيوانيه زي اللحمه ، الفراخ ، البيض ، السمك ، و هكذا
طب اشمعنا تعتمد أكتر على البروتين الحيوانى مش النباتى ؟
لأن البروتين الحيوانى بيكون سهل الهضم و سهل الإمتصاص عن البروتين النباتى ، دا كمان فايدته أكتر للجسم .
أما بالنسبه للدهون و هو من الطبيعى أن الشخص ليه ٣٠٪ دهون فى اليوم منهم ٢٠٪ دهون غير مشبعة و دي دهون صحيه بس خد بالك مش معنى أنها دهون صحيه اننا نكثر من استخدامها لا دا ليها نسبه معينه فى اليوم و ١٠٪ دهون مشبعة و دي دهون غير صحيه .
الخلاصه يعنى أنها المفروض تعتمد على استخدامها للزيوت النباتيه زي زيت الزيتون و تاكل مكسرات بس بكميات محسوبه ، تاخد أوميجا ٣ و دي هتأخدها من السمك أو لو مش هتاكل سمك تاخد مكملات غذائيه . و هنتكلم عن حته مهمه للسمك فى الممنوعات تابعوا معانا البوستات الجايه عشان تعرفوا أكتر .
تانى حاجه من العناصر الغذائيه و هى ال (Micronutrients) و دي عبارة عن الفيتامينات و الفيتامينات برده عبارة عن نوعين نوع بيدوب فى المايه ال هما فيتامينC ، و فيتامينB و دول سهل امتصاصهم و لو زادت كميتهم عن احتياج الجسم هتخرج من الجسم عن طريق الكلى و نادرا أنها تعمل تسمم ، النوع التانى و هو الفيتامينات ال بتحتاج دهون عشان تدوب زي فيتامينA ، فيتامينD، فيتامينE ، فيتامينK . و دول مشكلتهم أنهم بيتخزنوا فى الجسم و لو زادوا هيعملوا تسمم عشان كده لازم ياخدوا الكميات ال محددها الدكتور .
🚫معلومة فيتامينA مش محبب كتير للحوامل لأنه هيؤدي إلى مشاكل و تشوهات فى الأجنة.

*كمان كميه المايه مهمه جدا لان المايه بتحافظ على التوازن ما بين الصوديوم و الكالسيوم و بالتالى نقص كميه المايه ممكن يعمل جفاف دا كمان ممكن يؤدي إلى الإصابة بضغط الحمل .

*مهم جدا التحاليل خلال الشهور الأولى من الحمل دي عشان لو فى نقص فى الحديد أو فيتامين C أو الكالسيوم أو فيتامين د لانه مهم جدا لان من غيره الكالسيوم مش هيمتص ، دا كمان الكالسيوم بيساعد على الحرق شوفتوا بقا و الكالسيوم من العناصر المهمه جدا لتجنب الإصابة بهشاشه العظام .
• مهم جدا للحوامل أنها تقسم وجباتها على مدار اليوم بكميات بسيطه و على فترات بحيث يكون الفرق ما بين كل وجبه و التانيه من ساعتين ل ٣ ساعات عشان تتجنب فترة القئ ال بتجيلها فى الشهور الأولى و تعتمد على الأكلات أيضا سهلة البلع زي الجيلى أو الكستر أو الأرز باللبن أو المهلبية .
استنونا فى معلومات تانيه أكتر عشان تعرفوا أكتر.

Dr/ Ola Abdullah🌻👩‍⚕️
Stay tuned for new info.🎉

أهلا بيكم فى معلومة يوم التلات الطبية :-
*لو عندك طفل و جاله مغص و عاوزة تعالجيه بحاجه متوفرة فى البيت فكملى البوست للأخر ، يلا بينا :-
كل بيت بيكون فيه أعشاب متنوعة ، الأعشاب دي بنلجأ ليها كحل أول للعلاج قبل اللجوء لأي أدويه، حتى لو بيحصل العكس دلوقتى ما علينا 😂.
ف هنعرف فى البوست ده ايه الأعشاب ال ممكن أديها لطفل رضيع أو طفل أكبر شوية فى حالة المغص و ايه الأعشاب ال مينفعش اديها للطفل .

*أولا كده أنا ليه بتكلم عن الأعشاب و متكلمتش عن أدويه لعلاج المغص علطول ؟
بإختصار كده احنا مش لازم نلجأ دايما للأدويه كحل أول ، يعنى مثلا لو حد زوره وجعه ممكن يشرب ينسون و متوفر فى كل بيت ، مش لازم يعتمد على الأدوية فى كل حاجه و يروح يجيب استحلاب زي strepsils و فى ناس بتلجأ للمضاد الحيوي من نفسها و دا طبعا غلط طبعا دا مش موضوعنا دلوقتى المهم أنه اصلا ممكن يشرب حاجه طبيعيه فى الأول و لو متحسنش بيلجأ للأدويه ال كتبها الدكتور ، بالإضافة ان معظم الأدوية الموجودة فى السوق مستمده من نباتات ليها غرض علاجى .
سوري على التطويل ، فتعالوا بقا نعرف الأعشاب ال ممكن أعالج بيها المغص للأطفال ؟
احنا ممكن نعالج المغص فى الأطفال بالكراويه أو بالشبت طبعا بيتغلوا و بعد كده بديهم للطفل .
🚫لكن فى حاجتين لازم نتجنبهم فى علاج مغص الأطفال و هما :- ١- النعناع ممنوع لانه بيعمل ارتخاء فى العضلات و دا هيؤدي إلى ارتجاع المرئ و الطفل هيرجع ال شربه .
٢- الينسون ممنوع لأنه من الأعشاب الملينه فممكن يعمل إسهال للطفل .
و بس كده استنونا كل يوم تلات فى معلومة طبية جديدة ☺️ .
Ph/ Ola Abdullah👩‍⚕️
Stay tuned for new info.🎉

السمنة و مقاومة الأنسولين و مرض السكري .
*هنعرف مع بعض النهاردة ايه هيا مقاومة الأنسولين ، و ايه هيا علاقة السمنه بمقاومة الأنسولين و مرض السكري ؟
-فى مقاومة الأنسولين المشكله مش بتكون ناتجه عن نقص إفراز الأنسولين و لكن الأنسولين بيفرز بشكل طبيعى ، دا كمان ممكن يكون إفرازه عالى ،
لكن المشكله ان الأنسولين مش بيكون عارف يمسك فى ال receptor و بالتالى الأنسولين مش بيعمل وظيفته و هو أنه يظبط مستوي السكر فى الدم (حيث ان الأنسولين دا بيعتبر المواصلة بتاعت الجلوكوز عشان ينقلها من خارج الخلية لداخل الخلية ) ، فإصابة الناس بمقاومة الأنسولين (Insulin resistance ) ده هيؤدي أن مستوي الجلوكوز يزيد فى الدم و هيؤدي إلى إصابته بمرض السكري النوع التانى .

*أكتر حاجه مميزة لمقاومة الأنسولين و هو إسمرار الرقبه و ظهور تشققات فى الرقبه و دول يعرفوا بإسم ال ( Acanthosis nigricans) .

*تحليل الكشف عن مقاومة الأنسولين هو :- HOMA-IR

*تعالوا نعرف ايه بقا علاقة السمنه بمرض السكري و خاصة النوع التانى و بمقاومة الأنسولين ؟
-السمنه دا عبارة عن نمو غير طبيعى للخلايا الدهنيه فزيادة الخلايا الدهنيه دا بيبعت اشارات كتيرة لخلايا بيتا الموجودة فى البنكرياس المسئولة عن إفراز الأنسولين فبتعمل (Negative feedback ) و بالتالى بتوقف إفراز الأنسولين و بالتالى الجلوكوز هيزيد و دا هيؤدي إلى إصابة الشخص بمرض السكري النوع التانى .
-أما بالنسبه لمقاومة الأنسولين دا مظهر أساسى من أعراض مرض السكري النوع التانى ، دا كمان مقاومة الأنسولين مرتبطه بمجموعه من المضاعفات و بتسمى بال( Metabolic syndrome or Syndrome X)
*Metabolic syndrome is composed of 3 aspects ( hyperlipidemia , hypertension , Atherosclerosis ) .
-دا كمان مقاومة الأنسولين ممكن تكون ناتجه عن تكيس المبايض (PCO) .
-و بما أن الخلايا الدهنيه من الخلايا الحساسة للأنسولين ، فالأنسولين بيحفز مخازن الدهون الثلاثيه (Triglyceride stores) بكذا ميكانيزم + أنه بيحفز عمليه تصنيع الدهون و بيقلل من عمليه تكسير الدهون و دا بيؤدي الى السمنه ال هيا أصلا أحد أسباب مقاومة الأنسولين و مرض السكري النوع التانى .

*References
-https://www.ncbi.nlm.nih.gov/pmc/articles/PMC380258/ #!po=1.82927
-https://www.ncbi.nlm.nih.gov/pmc/articles/PMC380258/figure/F1/?report=objectonly

Obesity and insulin resistance The new PMC design is here! Learn more about navigating our updated article layout. The PMC legacy view will also be available for a limited time.

Hibiscus (الكركديه)
دايما كلنا بنتسأل فى حالة لو حد ضغطه عالى هل يشرب الكركديه سخن و لا بارد ؟
تعالوا نعرف سوا :-
الأفضل للمريض ال ضغطه عالى إنه يشرب الكركديه و هو بارد ، لأن الكركديه بيحتوي على ماده فعاله بتسمى (anthocyanins) و الماده دي المسئوله عن تقليل ضغط الدم ، و بالتالى فى حالة لو حد شرب الكركديه و هو سخن المادة دي بتتكسر و بالتالى مش هتقلل ضغط الدم .

*فالخلاصه إن الكركديه بيتشرب و هو بارد عشان يقلل ضغط الدم و بس كده باي .
استنونا فى معلومة طبية كل يوم ثلاثاء .

Ph/ Ola Abdullah 👩‍⚕️
Stay tuned for new info.

Welcome to everyone in my group , I hope you are get a benefit from it .
أهلا بيكم فى الجروب ، و أتمنى أنكم تكونوا بتستفادوا من المعلومات ال عليه .

و عشان كدا حابه أزود الإفاده عليه أن مش بس أضيف معلومات عن الصحه و التغذيه بس ، دا كمان حابه أنزل معلومات طبية و أفيدكوا بأي معلومه اتعلمتها فى الكليه أو اكتسبتها جديد .

Ph/Ola Abdullah👩‍⚕️

و النهاردة هنتكلم عن موضوع جديد و مهم جدا فى يومياتنا الغذائيه ف يلا بينا :-
هتكلم فى البوست النهاردة عن البقوليات
أول حاجه تعالوا نعرف البقوليات دي بتتضمن ايه :- بتتضمن (الفاصوليا البيضا ، الفاصوليا الحمرا ، البسلة ، العدس ، الفول ، الترمس ، الحمص ، لوبيا )

*النقطه المهمه بقى ايه هى فوايد البقوليات :-

١- البقوليات غنيه بالبروتينات و هى من الأكلات التى يعتمد عليها الأشخاص النباتيه .
٢- كمان البقوليات غنية بالألياف ودا بيساعد على تحسين الجهاز الهضمى ، و بتقلل من خطر الإصابة بمرض القلب و السكري و السرطانات .
٣- كمان البقوليات بتكون غنيه بالحديد .
٤- بالإضافة إلى أنها تحتوي على كميه من المعادن و الفيتامينات .

#معلومة مهمة للناس ال بتشتري معلبات البقوليات أنها تبص على المكونات ال على العلبه و تشتري البقوليات التى تحتوي على نسبه أقل من السكر و الملح و المواد الحافظه .

Dr/ Ola Abdullah 👩‍⚕️🌻
First Wealth is a Health.

*هتكلم النهاردة عن ال Intermittent fasting ال هو الصيام المتقطع :-
فكرة الصيام المتقطع هو اه ليه كذا نوع بس الشائع هو أن الشخص بيصوم ١٦ ساعة و بيأكل فى ٨ ساعات و طبعا الوقت ال بيكون صايم فيه بيكون صايم عن الأكل ، لكن ممكن يشرب مايه أو سوائل خاليه من السكر ، أما بالنسبه لل ٨ ساعات ال هياكل فيهم لازم يكون ماشى على نظام غذائى صحى عشان يحصل على نتائج كويسه و مينفعش ياكل اي حاجه و خلاص لأن ده كده مش هيفيدك و مش هتخس صح ، و النظام كويس جدا و نتائجه كويسه بالخبرة ال شوفتها مع الناس ال مشيوا معايا على نظام الصيام المتقطع ، و الهدف كله فى نظام الصيام المتقطع أنه بيقلل عدد الساعات ال بتاكل فيها فده هيساعدك تخس ، بالإضافة إلى إن الصيام ليه دور فى مساعده الشخص أنه يخس و كمان بيساعد الجسم على التخلص من السموم و مش هتحس انك مهبط و لا حاجه ، واحده واحده هتمشى عليه و الدنيا هتكون كويسه ، نقطه مهمه إن النظام ده مينفعش شخص يمشى عليه اكتر من ٣ أسابيع لأن ده هيعمل اضطراب فى الهرمونات و هتقل كفاءة الحرق ، فعشان كده بمشى الشخص على نظام عادي بعد مدة الصيام المتقطع لمده أسبوع كده و بعدين برجعه على نظام الصيام المتقطع تانى و بس كده ☺️.

Dr/ Ola Abdullah 👩‍⚕️🌻
First Wealth is a Health .

الخيار من الخضروات الغنيه بالمعادن و الفيتامينات و غنيه كمان بالألياف ، ال ليها فوايد كتيرة سواء على مستوي الجهاز الهضمى وعلى القلب أو على البشرة و كمان على الشعر و تأثيره الكبير فى مساعدته على فقدان الوزن ، ف يلا بينا نعرف سوا كل المعلومات دي :-
*أول حاجه هنعرفها سوا و هو تأثير الخيار على الجهاز الهضمى :-
-الخيار مفيد جدا فى علاج حموضه و التهاب المعده .
-الخيار غنى بالألياف و ده بيساعد على علاج الإمساك و التخلص من السموم و تعزيز عمليه الهضم و عمل الأمعاء .

* تانى حاجه تعالوا بينا نشوف تأثير الخيار على القلب و الأوعية الدمويه:-
- الخيار بيحتوي على الكالسيوم و الماغنسيوم بالإضافة للألياف و ده بيساعد فى الحفاظ على ضغط الدم .
- كمان الخيار بيساعد فى تقليل مستوي الكوليسترول السئ (LDL) .

* تالت حاجه هنعرفها و هو تأثير الخيار على فقدان الوزن :-
- معظم فوايد الخيار بتدور حوالين احتوائه على الألياف و وجود الألياف دا بيساعد على امتصاص مايه كتير فى المعده و بالتالى هيملى المعده و بالتالى هيخليك تحس بالشبع لفترة طويله لحد ما يكون جه وقت معاد الوجبه التانيه و بكده هيساعد على فقدان الوزن .

* من الحاجات ال تهمنا كلنا و خاصة احنا كبنات شكل بشرتنا و شعرنا فعشان كده تعالوا نشوف تأثير الخيار على الحاجتين دول :-
اولا تأثيره على البشرة :-
الخيار مهم جدا حتى من اول قشرته ، قشر الخيار غنى بالمعادن و الفيتامينات و مضاد للأكسدة و بالتالى يستخدم فى علاج حروق الشمس .
-الخيار كليا بيستخدم بقى فى ترطيب البشرة و إغلاق المسام حتى بنلاقى الخيار بيدخل فى كتير من الكريمات و الكوزمتكس عموما .
-كمان الخيار بيساعد على تأخير ظهور علامات الشيخوخة .
-يتم استخدام شرائح الخيار لعلاج انتفاخ العين و علاج الهالات السوداء .
-اما تأثير الخيار على الشعر :-
-الخيار بيحتوي على السيليكون و الكبريت و دا بيساعد على نمو الشعر ، بالإضافة إلى احتواء الخيار على السيليكون دا بيساعد على تقوية العظام و بيستخدم فى علاج إلتهاب المفاصل و النقرس و يخفف الألم الناتج عن مرض النقرس و الأظافر و منع تكسيرها .

* الخيار كمان مفيد فى علاج الإلتهابات و بالتالى بيستخدم فى التهابات المسالك البوليه ، بالإضافة إلى أن الخيار غنى بالمايه فبالتالى بيساعد على منع تكوين حصوات الكلى و بيساعد على إدرار البول .
* الخيار بيساعد على إعادة ترطيب الجسم و حمايته من الجفاف و التخلص من رائحه الفم الكريهة

* و طبعا الخيار مش بس ليه الفوايد دي ، بس نكتفى بالفوايد دي النهارده عشان مطولش عليكوا .
Dr/ Ola Abdullah👩‍⚕️🌻
First Wealth is a Health

ما تيجوا النهاردة نعرف كدا معلومات عن المستردة و هل عادي ناخدها فى الدايت و لا لا 🤔.
يلا بينا :-
*المستردة بتساعد فى رفع معدلات الحرق بنسبة 25 ٪
المستردة فى منها طبعا الصوص ، و فى منها بودر ، و فى منها بذور .
# عند شراءه كصوص لازم تتأكد أنه خالى من السكر و النشا و الزيوت النباتيه لأن معظم المستردة الموجودة فى السوق بيكون فيها ال 3 مكونات دول فلازم نخلى بالنا و نبص على المكونات قبل ما نشتري .
أما البودر و البذور بيكونوا خاليين من النشا و السكر و الزيوت النباتية .

Dr/ Ola_Abdullah 👩‍⚕️🌻
First Wealth is a Health .

الزنجبيل أو الجنزبيل ليه فوايد كتيرة ، ما تيجوا نعرفها سوا .
يلا بينا :-
الزنجبيل مهم جدا للناس ال عاوزة تخس لأنه بيساعد على تكسير الدهون و سد الشهيه و دا بيساعد على التخلص من الوزن بالإضافة إلى النظام الغذائى المتبع .
كمان بيساعد فى علاج مقاومة الأنسولين ، و بيساعد على تحسين مستوي الكوليسترول الجيد (HDL) فى الدم .
وكمان مش بس الفوايد دي ، دا ليه استخدامات و فوايد تانيه كتير زي :-
أن الزنجبيل بيساعد على رفع المناعه ، تخلص الجسم من السموم ، بيساعد على رفع مستوي التركيز ، كمان مفيد فى علاج إضرابات الجهاز الهضمى و فى علاج آلام المفاصل و الروماتيزم ، دا كمان ليه تأثير على البشرة فالزنجبيل بيحسن من صحة البشرة ، و بيقلل من ظهور علامات تقدم السن و بيساعد على تحسين الحالة النفسيه .
و كدا عرفنا مع بعض فوائد الزنجبيل عشان كدا هو وجوده مهم فى كل بيت .
Dr/ Ola Abdullah 👩‍⚕️🌻
First Health is a Wealth .

لو فى حد بيظهر فى جسمه كدمات و هو متخبطش فى المكان الظاهر فيه كده يركز فى البوست ده ، يلا بينا :-
ظهور الكدمات من غير أي سبب دا ممكن يدل على نقص الحديد فى الجسم .
*طب ازاي و ايه علاقه الحديد بظهور الكدمات ؟
الحديد مسئول عن تحسين إنتاج الهيموجلوبين المسئول عن نقل الأكسجين فى الدم ، و الهيموجلوبين بيحسن من وظائف الصفائح الدموية و بالتالى بيقلل من ظهور الكدمات ، لذلك فى حالة لو الحديد قل الهيموجلوبين هيقل و دا هيأثر على إنتاج الصفائح الدمويه التى تعمل على تخثر الدم و دا هيؤدي لظهور الكدمات .
فالناس ال بيظهر فى جسمها كدمات من غير أي سبب تعمل تحليل دم (CBC) عشان تشوف هل عندها أنيميا فتبدأ تعالجها ، و لا مستوي الحديد تمام فنبدأ نشوف أيه الأحتمالات الآخري لظهور الكدمات .
*و نختم بمعلومة تانيه مهمة نحطها فى اعتبارنا انها ممكن تكون نتيجه نقص الحديد و هى متلازمة تنميل الرجل بشكل مستمر .

تابعونا عشان تعرفوا أكتر .

Dr/Ola_Abdullah👩‍⚕️🌻
Stay tuned for new info.🎉

معلومه كده مهمة جدا و لسه عرفاها من قريب فقولت أشاركها معاكوا :-
يلا بينا
لو فى حد عنده نقص فى الحديد هل ياخد ferroglobin ؟
الاجابه / لا ، لان ال ferroglobin دا دواء وقائى باخده عشان أحافظ على مستوي الحديد فى الدم لكن مش علاج خالص لذلك لو حد عنده نقص حديد مياخدهوش.
اومال ياخد ايه طيب فى بدائل كتير اكيد ، منها ماده ال lactoferrin و دي موجودة فى أدويه فى الصيدليات زي Pravotin .
لو حابين أن أعمل بوست و اتكلم فيه عن أدويه الحديد اكتبولى فى الكومنت ♥️.

Dr/Ola_Abdullah👩‍⚕️🌻
Stay tuned for new info.🎉

النهارده هنتكلم عن موضوع مهم جدا و هو أن هنعرف سوا مواعيد الفيتامينات و المالتى فيتامين (Multivitamins) و كمان هنعرف سوا ايه الأفضل أن اخد فيتامين محدد و لا أخد مالتى فيتامين و خلاص و هو كدا كدا بيكون ميكس من الفيتامينات و لا ايه الصح ، فتعالوا نبدأ ،
يلا بينا :-

*أول حاجة هنعرفها سوا مواعيد الفيتامينات زي الحديد ، و الكالسيوم و فيتامين د (Vitamin D) ، الزنك ، فيتامين ب .

اول حاجه الحديد و دا ال نقصه بيسبب أنيميا و بالتالى هيأثر على وظائف تانيه فى جسمنا :- لأن الحديد بيساعد على تحسين إنتاج الهيموجلوبين المسئول عن نقل الأكسجين فى الدم و بالتالى بيساعد على استخدم الجسم للطاقة بكفاءة و بالتالى الشخص يقدر يؤدي وظائفه اليوميه ، التقليل من أثر الكدمات ، و كمان بيحسن الجهاز المناعى ، و بجانب كده بيشارك فى تصنيع الناقلات العصبيه (Neurotransmitters) زي النورأدرينالين و الدوبامين و السيروتونين و بالتالى الحديد بيلعب دور مهم فى نشاط الخلايا العصبية و الدماغ .
*طب الحديد ده اخده امتى ؟🤔
الحديد دا هشبهه بمثل كده أنه " زي الفريك ما بيحبش شريك " عشان كده الحديد بيفضل أنه يتاخد بعد أي وجبه ب ٣-٤ ساعات أو قبل وجبه الفطار بساعة و عشان أزود امتصاص الحديد بيفضل أن اخد الحديد مع فيتامينC زي البرتقال أو الجوافه أو الفراولة أو الليمون أو ممكن نجيب فيتامينC من الصيدليه فى منه حبوب و فى منه فوار و انت ال يناسبك فانت كدا متوفر قدامك مصادر و حلول لفيتامينC كتيرة و انت بقى ال عليك تختار ال يناسبك .
*فى سناكس حلوة اوي يساعد أنه يزودلك الحديد ، يا تري هو ايه 🤔 ؟
تعالوا أقولكوا :- ميكس فاكهه الموز 🍌 ( لانه غنى بالحديد ) لما تاخده مع فاكهه الفراولة 🍓الغنيه بفيتامينC ، فانت كده اخدت مصدر حديد و زودت امتصاصه و دا مصدر طبيعى ممكن استخدمه عشان أزود مستوي الحديد فى الدم .
طبعا فى حاجات كتير طبيعيه بتساعد فى علاج نقص الحديد زي ( التمر من الحاجات المهمه ال بتزود مستوي الحديد فى الدم و كمان ممكن ناخده بنيه أنه سنه من رسولنا الكريم صلى الله عليه و سلم ) ، كمان الكبده و خاصة كبدة الفراخ ، العسل الأسود ، الباذنجان 🍆 ، و ذكرنا الموز قبل كده ، خلاص نقفل على الحديد كده و نتكلم عن فيتامين تانى ، يلا بينا .
و ثانيه قبل ما نبدأ نتكلم عن فيتامين تانى أحب أضيف معلومه صغيرة و لكن مهمه لما نيجى ناخد الحديد فى شكل أقراص الأفضل ناخدها بكوبايه مايه كبيرة عشان نتأكد أن الحديد امتص بشكل كويس و نتجنب الإصابة بالإمساك ال ممكن تنتج عن الحديد .

تانى فيتامين و هو( فيتامين ب ) :- من الفيتامينات التى تقلل من الإصابة بالصداع النصفى ، أيضا يساعد على إلتئام الجروح و تقليل الإصابة بالإكتئاب و القلق ، بيساعد أيضا على تقويه الأعصاب و منها أعصاب اليدين و القدمين و العينين ، و يعمل على حماية الجهاز الهضمى و تقليل الإصابة سواء بالإمساك أو الإسهال ، كمان بيحسن المناعه و يساعد على الوقايه من الإصابة بمرض الزهايمر .
فيتامين ب هو مش نوع واحد لا دا فى منه كذا نوع تعالوا نعرفهم سوا :-
فيتامين ب1 ( الثيامين)
فيتامين ب2 (الريبوفلافين)
فيتامين ب 3 (النياسين)
فيتامين ب5 (حمض البانتوثنيك)
فيتامين ب6 (البيريدوكسن)
فيتامين ب7 (البيوتين)
فيتامين ب 9 (حمض الفوليك)
فيتامين ب12 (كوبالامين)

*أفضل وقت لأخد فيتامين ب ( هو صباحا قبل وجبه الإفطار ) لأن فيتامين ب من الفيتامينات ال بتدوب فى المايه (Water soluble vitamins).

*تالت فيتامين و هو (فيتامين د )
بما أن فيتامين د من الفيتامينات المحبة للدهون (Fat soluble vitamins) لذلك يفضل أن أخد فيتامين د بعد وجبه فيها دهون و فى الغالب بتكون وجبة الغداء ، أو أخدهم بكوب لبن او بعد ما اكل علبه زبادي ، المهم أن أفضل وقت ليهم بعد أي وجبه دسمه عشان يكونوا امتصوا كويس .

أما الكالسيوم فأنسب وقت لأخذه قبل النوم .

*رابع حاجه هنتكلم و هو (الزنك) :-
تعالوا الأول نعرف ايه هى فوائد الزنك :-
تعزيز المناعة و بالتالى يساعد على تقليل مدة الذكام ، يساعد فى علاج الإسهال ، يساعد أيضا على تحسين قدرات الذاكرة و التعلم ، بيحفز التئام الجروح لأن الزنك بيكون متركز فى عدة خلايا و من ضمنها خلايا الدم البيضاء ، بيحسن الخصوبه لأن الزنك أيضا متركز فى السائل المنوي و غدة البروستاتا ، كمان الزنك بيقلل من خطر الإصابة بالأمراض المزمنة و بيحمى العين من ضعف النظر و من عدة مشاكل أخري .

*فيا تري ايه أنسب معاد اخد فيه الزنك :- كل المفروض تعرفه أن مينفعش تاخد الحديد و الزنك ورا بعض بمعنى لو اخدت الحديد بعد وجبه الفطار ب ٣ أو ٤ ساعات ، فكده انت مش هتنفع تاخد الزنك دلوقتى ، و بما فى أن فى الوقت ده هيكون معاد وجبه الغداء عند غالبية الناس فهتضطر تستنى ساعتين على الأقل بعد وجبة الغداء و بعدين تاخد الزنك .

كده عرفنا الجزء الأول من البوست ، استنونى فى بوست تانى عشان نعرف ايه الأفضل الفيتامين و لا المالتى فيتامين و لا الاتنين و لا ايه بالظبط .

Dr/Ola_Abdullah 👩‍⚕️🌻
Stay tuned for new info.🎉

النهارده هتكلم فى البوست ده عن الماغنسيوم و فوائده و الأكلات التى تحتوي على الماغنسيوم .

يلا نبدأ:-
الناس التى تتناول الماغنسيوم فى وجبتها دا بيحسن من كفاءة الخلايا المسئولة عن تصنيع الأنسولين فى البنكرياس و بالتالى بيزود حساسية الأنسولين و يحسن كفاءة هضم النشويات و بالتالى دا بيقلل من مقاومة الأنسولين و تراكم السكر فى الدم و بالتالى بيقلل من الإصابة من مرض السكري النوع التانى .

طب ما تيجوا نعرف ايه نوع الأكلات التى تحتوي على ماغنسيوم :-
الموز - الزبادي -لبن - الحمص - العدس -الفاصوليا الحمراء - الأرز البنى - الكينوا - السبانخ - حبوب الشيا - الماكريل و سمك التونه الفريش - المكسرات و أكثرهم اللوز - الشيكولاته الدارك بنسبه ٨٥٪ .

Dr/Ola Abdullah 👩‍⚕️🌻
The first wealth is Health ♥️

of common fault idea in diet
بعض الناس عندهم فكرة خاطئه عن حساب السعرات الحراريه فى اليوم ، ايه هى يا تري 🤔
ما تيجوا نعرف سوا :-
لو حد مسموح انه ياخد عدد سعرات معينه فى اليوم افتراضا أنها مثلا ٢٠٠٠ سعر حراري ، بيعتقد أنه بدام أخد ال ٢٠٠٠ سعر دول فى اليوم فهو كدا تمام و كدا هيخس لو عاوز يخس أو لو عاوز يحافظ على وزنه ، لا بالعكس دا ممكن يزيد فى وزنه ، طب ليه ما هو كده اخد السعرات ال محتاجها فى يومه ؟ 🤔
فأجى أقولك اه هو أخد ال ٢٠٠٠ سعر حراري ال محتاجهم فى اليوم بس موزعهمش بالنسبة الصح على الوجبات المفروض يأكلها فى اليوم ، موزعش ال ٢٠٠٠ سعر حراري دول بالشكل الصح مابين نسبه الكربوهيدرات و البروتين و الدهون فى الوجبات بالنسبه ال محتاجها جسمه ، فبالتالى ممكن يزود نسبه أي واحده فيهم عن التانيه و ده هيضر الجسم ، فعشان كده انت محتاج تروح لدكتور تغذيه عشان يوزعلك سعراتك اليوميه بالشكل الصح ال يقدر جسمك يستفيد بيها .

Dr/ Ola Abdullah 👩‍⚕️🌻
The first wealth is health ♥️

“I never dreamed about success. I worked for it.” —Estée Lauder ♥️
Dr/Ola Abdullah 👩‍⚕️🌻

Good Results 💪
Thanks for this positive feedback .
This is only a result in One week .
It's just a beginning ♥️
Dr/Ola Abdullah 👩‍⚕️🌻

Bellezza updated their website address.

Bellezza updated their business hours.

Now it's easier to send Bellezza a message.