Ma Ma pyome (2024)

26/02/2024

🙏ဘဝကြွေချိန်🙏
ရောက်တော့မည်
🙏💞🙏💞
ဆံဖြူ သွားကြွေ
တွန့်လိပ်ရေနှင့်
သွေးလေမမှန်
ဖောက်ပြန်ယိုယွင်း
ရုပ်ဆင်မလှ
ဘဝဟောင်းအို
နဂိုဇာတိ
ဘယ်မရှိတော့
မျက်စိကမှုန်
ခေါင်းကတုန်နှင့်
ထုံထုံထိုင်းထိုင်း
စေတိုင်းမရ
ဘဝယွင်းယို
ဟောင်းနွမ်းအိုလျှက်
နဂိုဇာတိ
ဘယ်မရှိတော့
အကြောတွေဆိုင်း
ခါးကကိုင်းနှင့်
ထင်တိုင်းမပေါက်
စိတ်၏နောက်သို့
လှမ်းလျောက်မရ
နွမ်းနယ်လှလျှက်
ဘဝမခို
သွေ့ခြောက်ညိုနှင့်
နဂိုဇာတိ ဘယ်တော့မရှိ။
သြော် ခန္ဓာကိုယ်အား
ဖွဲ့စည်းထားသည့်
သွေးသားတွေက
နိမိတ်ပြမို့
အနိစ္စတရား
အစဉ်ပွားလျှက်
တရားကျင့်မှ
တန်ကာကျမည်
ဘဝကြွေချိန်
ရောက်တော့မည်
🙏💞🙏💞

Crd:
JoePhyucr shwegyon