Dr. Sufian Elakkari د. سفيان العكاري

اليوم اول يوم في الاسبوع الماراثوني اللي قبل رمضان ليبيا كلها تبي تجي مراجعة في الاسبوع هذا حتى اللي مش مركب تقويم
الحمد لله مشى بسلاسة و هلبه توفيق من ربي
ً

يوم طويل انتهى على خير مع وجود شوية مناوشات مع الحالات عن التاخير عن المواعيد وانتهت بالتراضي و لله الحمد
زوارنا اليوم كانو من المدن التالية:
#القرابولي. #ترهونة. #ورشفانة. #صبراتة. #الزنتان. #زوارة
ياجماهة التراكمي عالي و السكر اهلكنا نزلناكم منشور على البازيليا مافهمتوش نزلناكم على حبهان مافهمتوش غيرولنا على الموالح و فكونا من الحلو
هذه هدية من احدى الحالات اللي كملت تقويمها من فترة وجت اليوم جابتها مش قلنالكم أسرة مع بعضينا

حالتنا اليوم كانت متابعة للصفحة و جتنا من القرابولي عمرها 12 سنة تعاني من عضة معكوسة تم الكشف و وضعنا خطة علاجية تتكون من #مرحلتين المرحلة الاولى تركيب #جهاز متحرك لتعديل العضة المعكوسة و المرحلة الثانية تركيب #تقويم ثابت لتعديل الاسنان
والصورة اللي امامكم بعد ثلاثة شهور من استعمال الجهاز المتحرك صار تغيير واضح و كبير في العضة الله يبارك و الشكل بصفة عامة
الجهاز طبعاً من تصميم المبدع دائماً و أبداً الباش مهندس @ابوعبد الله درب

قد مادير روحك حادق و بتتفادها هيا هيا وتحصل في وحدة وله اثنين تاكلهم
نبي علاش اللي يطيب مايصفيهمش بعد تجهز الطبخة تحسه دواره باش ينكد عليك
حقه اسمه حب هال او حبهان ؟؟

1/3/2014
صورة زي هاليوم من 9 سنوات في قسم جراحة الفم و الأسنان الجامعة الطبية الحكومية البيلاروسية BSMU الحمد لله على مافات و الحمد لله على ما نحن فيه الآن و الحمد لله على ما هو آت .

قريباً في رمضان الساعة 4:00 صباحاً
كان مازال فيك الروح نوضي ديري عصيــدة ولا مــكرونه

🇺🇸: I’ve gained weight
🇸🇦: لقد زدت في الوزن
🇱🇾:ميزانكم مش مزبوط يبي تعديل

تشوف الزحمة على المطاعم و بالذات قسم الوجبات الشعبية يوم الجمعة تقول مفيش حد يطيب في الحوش ،المشكلة كل طلعة تلقاها تشري في كمشة طناجر و طواجين شن ادير بيهم مش عارف ؟؟؟

بين كل خير وخير مسافة مرهقة تسمى الابتلاء ، مليئة بالأجر لمن يصبر و يحتسب .

🇺🇸 He might be a sleep
🇱🇧 راح اتصل بيه بعدين
🇸🇦 شكله الجوال مش جنبه
🇱🇾 عاودله لعند مايرد
🇱🇾 خش عليه عالواتس
🇱🇾 شوف اخر ظهور امتى
🇱🇾 اخر بوست امتى؟
🇱🇾 شوفه اونلاين عالفيس؟
🇱🇾 ايدير في الجو علينا
🇱🇾 عاودله من رقم غريب

لما تمشي لمكان و تلقى فيه الكراسي هادم اعرف انه النهار راح

ويكتب الله خيرا أنت تجهله
وظاهر الأمر حرمان من النعم

ولو علمت مراد الله من عوض
لقلت حمداً إلهى واسع الكرم

فسلم الأمر للرحمن وارض به
هو البصير بحال العبد من ألم

《واصبر على ما أصابك إن ذلك من عزم الأمور》

الحمد لله الواحد معاش عرف شن يرد
ان شاء الله ديما عند حسن ظن الناس

سامح باعتلي على صفحة الخدمة يبي يتعرف تو حتى كان باعت على صفحتي الشخصية الموضوع مقبول نوعاً ما مع انه الكلام هذا انقرض من ايامات غرف الدردشة امتع الياهو و النيمبز
يا والله سامح و خلاص

كل ما الواحد يحس بالتعب تجيه رسالة من رب العالمين بمثابة شحن للمعنويات
ً_و_أبداً

عليك أن تعلم أن ما أصابك لم يكن ليخطئك ،وأن ما أخطاك لم يكن ليصيبك.
علاش التفرفيش ؟؟

الدكتورة نيفين من الاردن الشقيق من زملاء الدراسة ،الحمد لله شهادة نعتزبها
ان شاء الله ديما عند حسن الظن

تعالى نقروا اسنان هيا خمسة سنين نقروا فيهم 32 سن و لسان و نتخرجوا بسرعة

يقال انه الاطفال مايعرفوش يكذبوا يا يحبوا يا يكرهوا
من المسجات اللي فرحتني هلبه بعد يوم عمل طويل
الصورة مع البنوتة طبعا قديمة من ايامات الدراسة

حب الناس يا جماعة ❤️

قولُ الله تعالى (إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ)
{ وَمَا كَانَ رَبُّكَ نَسِيًّا }
{ مَا وَدَّعَكَ رَبُّكَ وَمَا قَلَى }
ثلاث آيات كفيلة أن تنزع الحزن و القلق من قلبك لماذا القلق مادمت تعلم أنّ كل شي بأمر الله عليك أن تعلم أن امره لم يحن بعد و أن الله الذي خلقك لن ينساك و أنه سبحانه و تعالى لايزال معتنياً بأمرك فما ودعك ربُّك و ماقلى عليك بحسن الظن بالله و بالأجتهاد في الدعاء.

الضيف اللي يجي على غفلة لو يسمع شن يقولو عليه في الكوجينة لفرّ هارباً من هول ما سمع

#تعديل للأجواد أبناء البادية اللي طلعوا يذبحوا في صغارهم للضيوف راهو نبصروا هذا المنشور هزلي و لايمت للواقع باي صلة

يوم كان طويل و متعب من بدايته لكن وين الواحد يشوف الناس اللي جت من خارج طرابلس و من جميع انحاء ليبيا على خاطر التقويم يهون عليه التعب تصوروا حالات اليوم
من #الخمس
من #الجميل
من #القرابولي
من #ترهونه
و من #طرابلس طبعاً و فيه حالة من سوريا الحبيبة حتى هيا انتخبوني رئيس نلملكم شمل البلاد 🤣🤣
وفيه خونا محمد عرجون Daraji Mouhamed حالة من تونسنا جى اليوم حتى هو كبر المشروع يا شباب نبو رئاسة الجامعة العربية

ذات يوم ذهب رجل إلى الإمام على بن أبي طالب، رضي الله عنه، وسأله: أريد أن أعرف، هل أنا من أهل الدنيا أم من أهل الآخرة؟
ان كنت تحب من يأخذ منك فأنت من أهل الآخرة، وإن كنت تحب من يعطيك فأنت من أهل الدنيا، لأن من يأخذ منك يحمل حسناتك إلى الآخرة، وأما من يعطيك فيزيدك من الدنيا ولا يعطي آخرتك شيئًا.

الساعة واحد في الليل لما تتفكر انت و صاحبك انه غدوة ضروري تقدموا برزنتيشن لدكتور المادة باش تقوا اعمال السنة
#البرزنتيشن للي مايعرفاش هو نفسه الكرطوني امتع المدرسة غير بطريقة حديثة

يا أخي التعامل مع أصحاب العقول الراقية و اللي تستوعب و تقدر ظروفك قداش ما مريح و سلس
حالة موعدها 12:30 نظراً للزحمة عرفت اني حنتأخر بعتلها مسج صوتي قلتلها فيه موعدنا الساعة 12:30 لكن زحمة نخلو الموعد الساعة واحد و لو فات فيك وطلعتي من الحوش و وصلتي قبلي بنتاخر عليك أسف جداً و ياريت تتقبلي اعتذاري ؟؟
و هذا كان ردها

لافتة اختصرت حال المواطن الليبي