Dr.Sanjaya Pushpa Kumara

Whats app
Sri Lanka 0094 771 871 871
Malasiya 0060 14 +60 14-911 2079

https://helarahas.lankaonline.info/health/nellie-drink/

මානසික ආතතිය - පළමු කොටස

මානසික ආතතිය යනු චිත්තවේගීය හෝ ශරීරයේ ඇතිවන නොඉවසුම් ගතිය පිළිබඳ හැඟීමකි. එය ඔබට කලකිරීමක්, කෝපයක් හෝ නොසන්සුන්තාවයක් ඇති කරන ඕනෑම සිදුවීමකින් හෝ සිතුවිල්ලකින් පැමිණිය හැකිය. ඒ අනුව ආතතිය යනු අභියෝගයකට හෝ ඉල්ලුමකට ඔබේ ශරීරයේ ප්‍රතිචාරයයි. ආතතිය සරලව ගත්විට ආකාර දෙකකි.

1. Eustress:- (ධනාත්මක ලෙස) එනම් එය ඔබට අනතුරක් වළක්වා ගැනීමට හෝ නියමිත කාල සීමාවක් සපුරාලීමට උපකාරී වේ. නිදසුනක් ලෙස විභාග කාල සීමාවකදී පාඩම් කිරීම ගත හැකිය.

2. Distress:- (සෘණාත්මක ලෙස) මෙවැනි මානසික ආතතින් දිගු කාලයක් පවතින විට එය ඔබේ සෞඛ්‍යයට හානි කළ හැකිය. නිදසුනක් ලෙස මිනිසුන් ඇසුරු කිරීම.
කණස්සල්ල, නොසන්සුන් බව, බිය, කාන්සාව, කෝපය හා වෙහෙස ආදී feelings ආතති හැඟීම් සඳහා උදාහරණ වේ. එනම්, මානසික ආතතිය සාමාන්‍ය හැඟීමකි.

නැවතත් ආතතිය ප්‍රධාන වර්ග දෙකක් ඔස්සේ බෙදා දැක්විය හැක:

1. Acute stress:- මෙය කෙටිකාලීන ආතතියකි. උදාහරණ:- ඔබ ඔබේ සහකරු සමඟ රණ්ඩුවක් වන විට හෝ බෑවුමකින් පල්ලම් බැස යන විට ඔබට දැනෙන ආතතිය. භයානක තත්වයන් කළමනාකරණය කිරීමට එය ඔබට උපකාරී වේ. ඔබ අළුතිනම දෙයක් කරන විට, අත්හදා බලන විට එය සිදු වේ. අපි සියලු දෙනාම එක් වරක් හෝ මේ අත්දැකීම ලබා ගෙන ඇත.

2. Chronic Stress:- මෙය දිගු කාලයක් පවතින ආතතියයි. ඔබට මුදල් ගැටළු, අවාසනාවන්ත විවාහයක් හෝ රැකියාවේ කරදරයක් ඇත්නම් ඔබට මෙවන තත්වයක් ඇතිවිය හැකිය. සති හෝ මාස ගණනක් තිස්සේ පවතින ඕනෑම ආකාරයක ආතතියක් මෙලෙස හැඳින්වෙයි. Chronic Stress ඔබ කොතරම් පුරුදු වී ඇත්ද යත් එය ගැටලුවක් බව ඔබ නොදැන සිටියි.
ඔබ මානසික ආතතිය පාලනය කිරීමට ක්‍රම සොයා නොගන්නේ නම්, එය මානසික සෞඛ්‍ය ගැටළු වලට තුඩු දිය හැකිය. (අධි රුධිර පීඩනය, හදවත් රෝග, දියවැඩියාව, තරබාරුකම, මානසික අවපීඩනය හෝ කාංසාව, කුරුලෑ හෝ දද වැනි සමේ ගැටළු, ඔසප් වීමේ ගැටළු)
ආතතිය සඳහා ප්‍රතිචාර දැක්වීම පාලනය වන්නේ අන්තරාසර්ග පද්ධතිය හෙවත් Endocrine System එක මඟිනි. ශාරිරිකව හා මානසිකව අපට අවශ්‍ය ඉල්ලීම් සඳහා ප්‍රතිචාර දැක්වීමට මෙම පද්ධතියෙන් හෝමෝන (ex:- Adrenaline) නිපදවයි. ඔබේ ශරීරය හෝමෝන මුදා හැරීම මඟින් ආතතියට ප්‍රතික්‍රියා කරයි. (උදා:- Fight or Flight) එනම් මෙම හෝමෝන මගින් ඔබේ ආතතින් පිළිබඳව මොළය වඩාත් අවදියෙන් තබා මාංශ පේශි ආතතියට පත් වන විට ඔබේ ස්පන්දනය වැඩි කරයි (increasing pulse). කෙටිකාලීනව, මෙම ප්‍රතික්‍රියා යහපත් වන්නේ ආතතියට හේතු වන තත්වය හැසිරවීමට ඒවා ඔබට උපකාර කළ හැකි බැවිනි. මෙය ඔබේ ශරීරය ආරක්ෂා කර ගැනීමේ ක්‍රමයකි.

මානසික ආතතිය බොහෝ ආකාරයේ කායික හා චිත්තවේගීය රෝග ලක්ෂණ ඇති කරයි. සමහර විට, මෙම රෝග ලක්ෂණ ආතතියෙන් ඇති වන බව ඔබ නොදැන සිටිය හැකිය. ආතතිය ඔබට බලපාන බවට ලකුණු කිහිපයක් මෙන්න:
මලබද්ධය, අමතකවීම, නිතර කැක්කුම සහ වේදනාව, හිසරදය, අවධානය පවත්වා ගැනීමේ ගැටලු, ලිංගික ගැටළු, වෙහෙස, වැඩිපුර නිදා ගැනීම හෝ නිදා ගැනීමේ අපහසුතා, ආතතිය නැති කරගැනීම සඳහා මත්පැන් හෝ ඖෂධ භාවිතය, සිරුරේ බර අඩු වැඩි වීම්.

වෛද්‍ය සංජය පුෂ්පකුමාර

කුඹුක් ගස කෙතරම් වටිනවද දන්නවද ?

ටර්මිනලියා අර්ජුන යනු ටර්මිනාලියා කුලයට අයත් ගසකි. එය පොදුවේ හැඳින්වෙන්නේ ඉංග්‍රීසියෙන් අර්ජුන හෝ අර්ජුන් ගස,
තෙළිඟු භාෂාවෙන් තේලා මඩි, සිංහලෙහි කුම්බුක්, දෙමළ භාෂාවෙන් මරුදා මාරම් සහ මලයාලම්හි නීර් මරුතු යනුවෙනි.
මෙය ශ්‍රී ලංකාවට සහ ඉන්දියාවට ආවේණික වූ ශාකයක්
කුඹුක් ගසේ තිබෙන්නා වූ මිල කළ නොහැකි හැකියාව වන්නේ ජලය පිරිසිදු කිරීමයි.
මෙහිදී ජලය මෘදු කිරීම(ජලයේ කිවුල ගතිය අඩු කිරීම) හා පිරිසිදුකරණයද සිදුවන අතර ඒ මඟින් මනුෂ්‍ය වර්ගයාට සිදු කරන සේවය අති මහත්ය.
විශේෂයෙන්ම වියලි කලාපයෙ දැන් දකින්නට ලැබෙන වකුගඩු රෝග ඇතිවීමට එක ප්‍රධාන හේතුවක් වී ඇත්තේ,
කිවුල් ජලය හෙවත් කඨින ජලය භාවිත කිරීම බව වෛද්‍යවරු පවසති.
ජලයේ බහුලව අඩංගු වන කැල්සියම් අඩංගු ලවණ සාන්ද්‍රණයෙහි අධික බව මේ තත්වයට හේතු වී ඇත.
කුඹුක් ගහ කියන්නෙ මේ ගැටළු විසඳා ගැනීමට ස්වභාවධර්මයා විසින් ලබා දී තිබෙන එක් දායාදයක්.
කුඹුක් වැව් ලිං පොකුණු ගංගා ඇළආශ්‍රිතව වගා කිරීමෙන් පිරිසිදු පානීය ජලය ලබා ගැනීමට හැකිවනු ඇත.
මතක තියා ගන්න අපේ මුතුන් මිත්තො විශේෂයෙන් සෑම වැවක් හා අනෙක් සෑම ජල මූලාශ්‍ර ආශ්‍රිතවත් කුඹුක් ගස් සිටෙව්ව කියල.
හිතට ගන්න
පරිසරයට හානි කරන අයට පරිසරයෙන්ම දඬුවම් ලැබීම ස්වභාවිකය.
එම නිසා ස්වභාවධර්මයාට විරුද්ධව කටයුතු නොකිරීම මානව වර්ගයාගේ ප්‍රධාන යුතුකම හා වගකීම වන්නේය.
සැබෑ පරිසර හිතකාමියෙකු ලෙස විනාශ වෙමින් පවතින පරිසරය අනාගත පරපුර උදෙසා රැක දීම කළ යුතුය.
ඒ සදහා එක් පියවරක් ලෙස සෑම වැවක් ආශ්‍රිතව මෙන්ම ළිං හා අනෙකුත් ජල මූලාශ්‍ර ආශ්‍රිතව හැකිතරම් කුඹුක් පැල සිටුවීම,
පිරිසිදු පානිය ජලය ලබා ගැනීමටත් එමඟින් නිරෝගී සෞඛ්‍ය සම්පන්න භාවයත් ලබා ගැනීමටත් හේතු වනු ඇත.
කුඹුක් ගස ගැන කිවුවොත්
අඩි 40-50 ක් උසට වැවෙන මහත කඳක් සහිත ඉතා විශාල ගසකි.
මෙහි අතු හරස් අතට විහිදී යයි.
පොත්ත ඉතා ඝනය, සිනිඳුය, ළා රෝස පාටය. මෙම පොත්තේ පහසුවෙන් පතුරු ගැලවී යයි. ළපටි රිකිලිවල සියුම් බූවක් ඇත.
පත්‍ර සම්මුඛය, ආනතය, අඟල් 3-6 අතර දිගැතිය. පත්‍රයේ දෙකෙළවරම වටකුරුය. පත්‍ර දාරය කරපත්‍රිකය. පත්‍ර නටුව ඉතා කෙටිය.
කක්ෂීය ශුකිවල හෝ කුඩා අග්‍රස්ථ සංයුක්ත ඒකාක්ෂවල පුෂ්ප හට ගනී.
සාමාන්‍යයෙන් පුෂ්ප දක්නට ලැබෙන්නේ අප්‍රේල් හා මැයි මාසවලදීය.
මේ පුෂ්පවලින් තද පැණි සුවඳක් හමයි. පුෂ්ප කොළ පාටට හුරු සුදු පාටයි. පුෂ්පයක රේණු 8-10 අතර ඇත.
ඵලය තුඩක් සහිත නොපැලෙන අෂ්ටිලයකි. එහි මධ්‍යාවරණය මාංසලය. පිටට නෙරා සිටින දුඹුරු පාට පියාපත් 5 ක් ඵලයෙහි ඇත.
ලංකාවේ පහතරට ගං ඉවුරු අසල කුඹුක් ගස් බහුලව වැවේ. වියළි ප්‍රදේශවලද වැව් ආශ්‍රිතව දක්නට ලැබේ.
කුඹුක් පොත්තේ අගනා ඖෂධීය ගුණයක් ඇත. කුඹුක් ලීය තදය, ශක්තිමත්ය. එහි අරටුව රතු පාටට හුරු දුඹුරු පාටය.
ටර්මිනලියා අර්ජුනා (Terminalia Arjuna) යන විද්‍යාත්මක නාමයෙන් හඳුන්වනු ලබන කුඹුක් ශාකය ශ්‍රී ලංකාවේ වියලි කලාපයේ සශ්‍රීකව වැඩෙන ඉතාමත් වටිනා ශාකයක් වේ.කුඹුක් ශාකය කොම්බ්‍රෙටාසේ (Combretaceae) කුලයට අයත්ය.
ඖෂධීය වටිනාකම
කුඹුක් කසටය, සිසිල්ය, සෙම් පිත් නසයි, හෘදයට හිතකරයි, වණ ශුද්ධ කරයි.
කැඩුණ බිදුණ ඇට සන්ධි කරයි, ශක්තිය වඩයි.
හෘදයාබාධ, ලේ මදිකම, විෂ, මේදය වැඩිකම, රුධිර දෝෂ, වණ හා මුත්‍ර අඩස්සිය යනාදිය සුවපත් කරයි.
පිපාසය සමනය කරයි.
එහෙත් වාතය කුපිත කරයි.
ආයුර්වේදයේදීත් දේශීය වෙදකමේදීත් කෂාය, පත්තු, මැල්ලුම් හා ආලේප රැසකට කුඹුක් පොතු හා මුල් භාවිතා වෙයි.
පැරැන්නන් විසින් කුඹුක් ගසෙන් ගත් ප්‍රයෝජන
කුඹුක් පොත්තෙන් ලබා ගන්න අළු ගර්භනී මව්වරුන්ට සාම්ප්‍රදායික ඖෂධයක් වශයෙන් ලබා දීම.( වර්ථමානයේදී ගර්භනී මව්වරුන් ට කැල්සියම් පෙති ලබාදීමෙන් බලාපොරොත්තු වන කලලයේ වර්ධනය මෙමඟින් ඉටුකරගෙන ඇත)
කුඹුක් පොතු කුඩු කර ලේ ගලන තුවාල වලට තැබීමෙන් සුව කර තිබෙන අතර, සමේ ඇතිවන රෝග සඳහාද ඖෂධයක් වශයෙන් භාවිතා කර ඇත.
කුඹුක් පොතු හීනියට කුඩු කර දත් මැදීමෙන් දත් දිරා යාම වළක්වා දත් ශක්තිමත් කර ගැනීම සිදු කර ඇත.
මුඛයේ ඇතිවන ආසාදනයන් සඳහා කුඹුක් පොතු තැම්බු වතුරෙන් කට සෝදා ගැනීම කර ඇත.
ඓතිහාසිකව ගත්තොත්
අලව්ව, පරමාවුල්ල අම්බලම අසල පිහිටි ඓතිහාසික ගැට කුඹුක්‌ ගස දුර්ලභ ගණයෙහි ශාකයක්‌ ලෙස මධ්‍යම පරිසර අධිකාරියෙන් නම්කර තිබේ.
මෙම ශාකය ක්‍රි. ව. 1200-1300 සමයේ III විජයබාහු රජු විසින් ඉදිකරවන ලද වැවේ බැම්මෙහි මෙම කුඹුක්‌ ගස පිහිටි බව සැලකේ.
අටවිසි බුදුවරුන් අතරින් යසවන්න රජු හා යශෝධරා දේවිය මවුපියන් වු අනෝමදස්සී බුදුරජාණන් වහන්සේ
මාසයක් පමණ කෙටිකලක් දුෂ්කර ක්රියා කොට කුඹුක් ගස සෙවණේදී බුදු බවට පත්වූ බව සාසන ඉතිහාසයෙහි වේ.
වෛද්‍ය සංජය පුෂ්පකුමාර

වැල් කොහිල
🌿 අප රටෙහි දක්නට ඇති , කිරි, ගුරු, කළු, රට, ගොඩ, ආදි විවිධ ප්‍රභේද වලින් යුත් කොහිල වර්ග අතරට වැටෙන වැල් කොහිල ආධාරක මගින් ඉහල නැගෙන, වේගයෙන් පැතිර යන වැල් ශාකයක්. සුදු ඉරි සහිත පත්‍ර වලින් යුක්තව වැඩෙන පැළෑටි, ලා කොළ හා තද කොළ පැහැයෙන් සැරසෙමින් ඉහල නගිනවා.

🌿 ඇන්තූරියම් මලට හුරු මල සුදු පාටින් පිපී, මෝරනවිට රත් පැහැ ගැ නෙනවා ආසියානු රටවල මෙන්ම මැක්සිකෝ, නිකරගුවා, ගෝතමාලා ක්වීන්ස්ලන්ඩ් ආදි ,අමෙරිකානු ඕස්ට්‍රේලියානු මහාද්වීපික රටවල ද දක්නට ලැබෙන වැල් කොහිල ප්‍රභේද 32 ක් හඳුනාගෙන ඇති බව සඳහන්. Goose foot, Arrow head vine, Five fingers ආදි විවිධ නම්වලින් හැඳින්වෙනවා. Araceae කුලයට අයත්.

🌿 ඖෂධිය ගුණයෙන් යුත් ශාකයේ කොළ ආහාර පිණිස ගන්නවා. දිග හැරීගෙන එන පත්‍රත් , දිග හැරුණු. අළුත තෙල් ගතියෙන් යුතු පත්‍රත්, වෑංජනයට, මැල්ලුමට, කොළ කැඳට එක්කරගන්නවා. මඳක් මේරූ කොළ කට කසන ගතියෙන් යුතු බැවින්, ආහාරයට සැකසීමේ දී, කඩා දිනක් මැළවෙන්නට හැරීම, (withering) ගොරක එක්කර පිස ගැනීම, වැනි ක්‍රම අනුගමනය කළ යුතු වෙනවා. පරිප්පු හෝ කොස්ඇ ට මිශ්‍ර කරගත් දලු වෑංජනයත්, ගොරක සුදුලූනු මිශ්‍ර දලු ඇඹුලත් ඉතා, රසවත් මෙන් ම ගුණවත්.

🌿 ප්‍රති ජීවක හා ප්‍රතිඔක්සිකාරක ගුණ සපිරි වැල් කොහිල ඇස්වලට හිතකරයි. ඇස් රෝගවලින් සිරුරට ආරක්ෂාව ලබා දෙනවා විටමින් ඒ හීනතාවෙන් ඇතිවන ගැටළු අවම කර දෙනවා.

🌿 ගිනියම් බව නසන සිසිල ගුණයෙන් යුතුයි. අම්ල පිත්ත රෝගය ආමාශ ගත තුවාල, අන්ත්‍ර රෝග වලට එරෙහිව ක්‍රියා කරමින් කුසගිනි වඩනවා. ආහාර ජීර්ණ පද්ධතිය ට උපකාරීවෙමින් මල බද්ධය දුරු කරනවා. අර්ශස් රෝගයට හා මල මාර්ගයේ අපහසුතාවලට එරෙහිව ප්‍රතිචාර දක්වනවා.

🌿 අර්ශස් රෝගය සඳහා වැල් කොහිල කැඳත් දලු වෑංජනයත් ආහාරයට ගැන්ම ඉතා ගුණ දායකයි.

🌿 වැල්, කොහිල කඳ කැපූ විට එන කිරි පැහැ ශ්‍රාවය කැක්කුම් දෙන දතකට දැමීමෙන් කැක්කුම අඩුවන බව සඳහන්.

🌿 එසේම කුහුඹුවන් සපාකෑ විටත් එම යුෂ තැවරීමෙන් සහනය අත්වෙනවා.

🌿 ශාකයේ මුල් හා පොත්ත ඉදිමුම් නැසීමේ ගුණයෙන් යුක්තයි , සමේ රෝග හා ගැඹුරු තුවාල සුව කිරීමට එය යොදා ගන්නා බව සඳහන්. බෙල්ලේ වායු ගෙඩි ඇතිවිට වැල් කොහිල දලු ඉදෙන බත මත හුමාලයේ තැම්බෙන්නට හැර ආහාරයට ගැනීම හිතකරයි.

වෛද්‍ය සංජය පුෂ්පකුමාර

Vine cochlea
දක්නට A fast growing vine that grows in our country among the different varieties of kohilas such as milk, guru, kalu, rata, goda, etc. Plants with white striped leaves, light green and dark green.

මල Anthurium is a white flower that blooms and turns red when ripe. Goose foot, Arrow head vine, Five fingers etc. Belongs to the genus Araceae.

The leaves of the medicinal plant are taken for food. Leaves elongate, elongate. Freshly oiled leaves are also added to curries, mallows and leaf porridge. Slightly mature leaves are prone to itching, so when preparing food, withering and wiping must be followed. Leaf curry mixed with lentils or jackfruit and sour garlic mixed with goraka are very tasty and good.

වැ Antioxidant and antioxidant vines are good for the eyes. Vitamins protect the body from eye diseases and reduce the problems caused by that deficiency.

It has a cooling effect that kills flames. Acid reflux disease causes hunger by acting against gastric ulcers and intestinal diseases. Helps the digestive system and eliminates constipation. Responds to hemorrhoids and urinary tract infections.

සඳහා For hemorrhoids, eating vine kohila porridge and leaf curry is very beneficial.

It is said that the milky discharge that comes when the vines and cochlea stems are cut is put on a sore tooth to reduce the pain.

🌿 Also, when the ants bite, the juice gives relief.

මුල් The roots and bark of the plant are said to have anti-inflammatory properties and are used to heal skin diseases and deep wounds. When there is gas in the neck, it is better to eat it by steaming the vine kohila leaves on the steaming rice.

Dr. Sanjaya Pushpakumara

https://life.nethtv.com/2019/03/14/%E0%B7%80%E0%B7%90%E0%B6%BD%E0%B7%8A-%E0%B6%B4%E0%B7%99%E0%B6%B1%E0%B7%99%E0%B6%BD-%E0%B7%81%E0%B7%8F%E0%B6%9A%E0%B6%BA%E0%B7%9A-%E0%B7%80%E0%B7%92%E0%B7%81%E0%B7%8A%E0%B6%B8%E0%B7%92%E0%B6%AD/

Watts app 0771871871

Sri Lanka Original Gems
Pls Contact Dr.Sanjaya

Dr.Sanjaya Pushpa Kumara updated their website address.

@ KL

Watts app 0094 771 871 871

Whats app
Sri Lanka 0094 771 871 871
Malasiya 0060 14 911 2079

Contact On Watts app 0149112079

මානසික ආතතිය පාලනය

මානසික ආතතිය යනු මිනිසාට ඇතිවන ස්වභාවික හැඟීමකි. ඔබ මානසික පීඩනයක් යටතේ හෝ චිත්තාවේගයකින් කටයුතු කරන විට, මානසික ආතතිය ඇතිවේ. එමෙන්ම, ඔබ දෛනික කටයුතු කරගෙන යාමේදීත්, ඔබට මානසික ආතතිය මදක් දැනෙනට පුලුවන්. එය ඔබගේ ජීවිතයේ සාර්ථකත්වය කෙරෙහි බලපායි. මක්නිසාද, එය ඔබට දෛනික කටයුතු ක්‍රියාශීලීව කිරීමට උනන්දුව ඇතිකරයි. නමුත්, ඔබ අධික මානසික ආතතියක් යටතේ කටයුතු කරයි නම්, එය ගැටළුවක් බවට පත්විය හැක. මානසික ආතතිය දරාගැනීමට ඇති හැකියාව පුද්ගලයාගෙන් පුද්ගලයාට වෙනස් වේ. එමෙන්ම, මානසික ආතතියට ඔබගේ සිතුවිලි වලට, සිතීමට, සහ ක්‍රියාකාරකම් වලට බලපෑම් කිරීමට හැකියාව ඇත.

මානසික ආතතියේ රෝග ලක්ෂණ

නොරුස්සනා සුලු බව
අනිසි බිය (Anxiety)
මනෝභාවය (Mood) පහත වැටීම
ආත්ම අභිමානය පහත වැටීම
සෘණාත්මක සිතුවිලි ඇතිවීම
සිත එකඟ කරගැනීමට අපහසු වීම.
අධික මත්පැන් භාවිතය සහ දුම්පානය
වැඩිපුර කථා කිරීම
ආහාර පුරුදු වෙනස්වීම
අමතක වීම
තීරණ ගැනීමට අපහසු වීම
හිසරදය
ශරීරයේ වේදනාව
උදරාබාධ ඇතිවීම
දහඩිය දැමීම
කට වියලී යෑම
කරකැවිල්ල
මුත්‍රා පිටවන හා වැසිකිලි යන රටාව වෙනස්වීම
හුස්ම ගැනීමේ අපහසුව
ලිංගික කටයුතු අකර්මණ්‍ය වීම
මානසික ආතතිය සඳහා ඇතිවන රෝග ලක්ෂණ ද, පුද්ගලයාගෙන් පුද්ගලයාට වෙනස් වේ.

මානසික ආතතිය ඇතිවීමට හේතු

මානසික ආතතිය ඇතිවීමට නියම හේතුව හෝ හේතු හඳුනාගැනීම අපහසුය. ඒවා පුද්ගලයාගෙන් පුද්ගලයාට වෙනස් වේ.

ඇතැම් සුලබ හේතු,

ආර්ථික ගැටළු
රැකියා ගැටළු
සමීපතයෙකුගේ මරණය
පවුලේ ඇතිවන ගැටළු
අන් අය සමග පවතින සම්බන්ධතා වල ගැටළු
විභාග
රෝග
ආදරය කරන පුද්ගලයන් අතර ඇතිවන ගැටළු
ඔබ මානසික ආතතියකින් පෙලෙන විට, ඔබගේ ශරීරය කෝටිසෝල් (Cortisol), ඇඩ්‍රිනලින් (Adrenaline), සහ නොරැඩ්‍රිනලින් (Noradrenaline) වැනි ආතති හෝමෝන (Stress hormones) වැඩිපුර ශ්‍රාවය කරයි. ඔබට මානසික ආතතිය ඇති විට, මෙම හෝමෝන රුධිරයට වැඩිපුර එකතු වේ. එමගින්, මානසික පීඩනය සහ අවදානම සමග කටයුතු කිරීමට ඔබේ ශරීරය හැඩ ගැසේ. මෙම සංකල්පය “සටන් කිරීම හෝ පලා යාම (Fight or flight)” ලෙස හැඳින්වේ. නමුත්, ඔබ දිගටම මානසික ආතතියෙන් පෙලෙන්නේ නම්, ඔබගේ ශරීරයේ ආතති හෝමෝන මට්ටම දිගටම ඉහළ ගොස් පවතින අතර, එය රෝග ලක්ෂණ ඇතිකිරීමට හේතුවේ.

රෝග විනිශ්චය කරන්නේ කොහොමද?

මානසික ආතතිය යැයි රෝග විනිශ්චය සඳහා විශේෂිත පරීක්ෂණයක් නොමැත. ඔබගේ වෛද්‍යවරයා ඔබෙන් රෝග ලක්ෂණ, පවුළේ තොරතුරු, සමාජීය තොරතුරු, සහ රැකියාව (පෞද්ගලික ජීවිතය සහ රැකියාව) ආදියෙහි ඉතිහාසය විමසා රෝග විනිශ්චය කරනු ඇත. ඇතැම් විට, ඔබේ වෛද්‍යවරයා, ඔබට ආතති දිනපොතක් (Stress diary) පවත්වාගෙන යාමට නිර්දේශ කරනු ඇත. එමගින්, ඔබගේ මානසික ආතතියට හේතුව හෝ හේතු සහ ආතතිය වැඩිකරන සාධක සොයාගැනීම පහසු වේ.

මානසික ආතතිය නිසා ඇතිවිය හැකි සංකූලතා

දිගුකාලීන මානසික ආතතිය නිසා සංකූලතා ඇතිවිය හැක.

අධික රුධිර පීඩනය
අංශභාගය
හදවත් රෝග
දියවැඩියාව
ගැස්ට්‍රයිටිස් සහ ආමාශයේ තුවාළ හටගැනීම
නින්ද ආශ්‍රිත ගැටළු (නින්ද නොයාම, අධික නිදිමත)
විෂාදය (Depression)
අසාමාන්‍ය බිය (Anxiety)
ආහාර ගැනීමේ රටාවෙහි ඇතිවන රෝග (Eating disorders)
ප්‍රතිශක්තිය අඩුවීම
මත්පැන්, දුම්වැටි, සහ මත් ද්‍රව්‍ය භාවිතය ඉහළ යෑම
අනතුරු වලට ලක්වීමට ඉඩකඩ වැඩිවීම
ලිංගික කටයුතු වල ඇතිවන ගැටළු

මානසික ආතතිය පාලනය කරන්නේ කොහොමද?

සති කිහිපයක් ආතති දිනපොතක් පවත්වාගෙන යන්න. ඔබගේ මානසික ආතතිය වැඩිවන අවස්ථා, දිනය, වෙලාව, ස්ථානය, ඔබ සමග සිටි පුද්ගලයන් පිළිබඳ විස්තර, ඔබට ඇතිවූ හැඟීම්, සිතුවිලි, කායික රෝග ලක්ෂණ, සහ ඔබ කරමින් සිටියේ කුමක්ද යන්න දිනපොතෙහි සටහන් කරන්න. ආතති දිනපොතක් පවත්වාගෙන යාමෙන් ඔබට මානසික ආතතිය ඇතිකරන හේතු, වැඩිකරන සාධක, සහ ආතතිය පාලනය කිරීමට කුමක් කල යුතුද යන්න පිළිබඳ අදහසක් ගත හැක.

මානසික ආතතිය මගහරවා ගැනීමට යොදාගන්නා සෞඛ්‍ය සම්පන්න නොවන උපාය මාර්ග වලින් වලකින්න.

දුම්පානය
මත්ද්‍රව්‍ය භාවිතය
මත්පැන් පානය
අධික ලෙස ආහාර ගැනීම හෝ ආහාර ගැනීමෙන් වැළකීම
සමාජයෙන් (පවුළෙන් සහ මිතුරන්ගෙන්) ඈත්වී හුදෙකලා වීම
අධික ලෙස නිදාගැනීම හෝ නොනිදා සිටීම
කේන්ති ගැනීම සහ ප්‍රචණ්ඩත්වය
ඒ වෙනුවට, මානසික ආතතිය පාලනය කලහැකි සෞඛ්‍ය සම්පන්න උපාය මාර්ග අනුගමනය කරන්න.

ඇවිදින්න.
පිහිනන්න.
බයිසිකල් පදින්න.
මිතුරකු සමග දුරකථනයෙන් සම්බන්ධ වන්න.
මදක් ස්වභාවික පරිසරයක ගතකරන්න.
ගෙදර වැඩ කරන්න.
සුරතල් සතුන් සමග ගතකරන්න.
සංගීතය රස විඳින්න.
චිත්‍රපටයක් නරඹන්න.
හොඳ පොත් කියවන්න.
ලිපියක් හෝ කවියක් ලියන්න. නැතහොත්, චිත්‍රයක් අඳින්න.
ඔබේ කය හා මනස ලිහිල් කරගන්න. භාවනාව, ශ්වසන ව්‍යායාම (Breathing exercises) වැනි ලිහිල් කරන ප්‍රතිකර්ම (Relaxation therapies) පිළිබඳ ඉගෙන ගන්න. නිතර ව්‍යායාම කරන්න. බොහෝවිට, ව්‍යායාම මගින් මානසික ආතතිය අඩු නොවන මුත්, ඒවා මානසික ආතතියට මුහුණ දීමට ශරීරයට ශක්තිය ලබාදේ. ඔබගේ විනෝදාංශ වලට ද කාලය වෙන්කර ගන්න.

තමාගේ හැකියාවන් අනුව, තමාට ලඟාවිය හැකි ඉලක්ක පමණක් ජීවිතය තුළ ඇතිකර ගන්න. ජීවිතයෙහි අන්තයන් අත්හරින්න. ඔබගේ ජීවිතයෙහි වටිනා අංගයන් සොයාගන්න. හොඳ කාලසටහනක් සාදාගෙන ඔබගේ කාලය සැලසුම් කරගන්න. සැමවිටම, එක් වරකට එක් කාර්යයක් බැගින් කරන්න උත්සාහ ගන්න.

හැකිනම්, මානසික ආතතිය ඇතිවන අවස්ථා මගහරින්න හෝ වෙනස් කරන්න. නැතහොත්, එවැනි අවස්ථා වලට හැඩගැසෙන්න හෝ එවැනි දේ ඇතිබව පිළිගන්න. මානසික ආතතිය ඇතිකරන අවස්ථා වල සහ පුද්ගලයන්ගේ හොඳ අංගයන් පිළිබඳ සිතන්නට ඉගෙන ගන්න. මානසික ආතතිය සඳහා ඔබගේ නරක ප්‍රතිචාරයන් වෙනස් කරගන්න.

ඔබ ආදරය කරන සමීපතම කෙනෙකු හා නිතර කථා කරන්න. මිතුරන් සමග කාලය ගතකරමින් සතුටෙන් සිටින්න.

මානසික ආතතිය වැඩිකරන සාධක පාලනය කිරීමට කලහැකි ක්‍රම පිළිබඳ සිතන්න. සැමවිටම ධනාත්මකව සිතන්න.

සමබර සෞඛ්‍ය සම්පන්න ආහාර වේලක් ගන්න. කැෆේන් (Caffeine) සහ සීනි අඩංගු ආහාර ගැනීමෙන් වළකින්න.

ප්‍රමාණවත් අයුරින් නිදන්න. හොඳ නින්දක් ඔබගේ වෙහෙස දුරු කරන බැවින්, ඊලඟ දිනයේදී ඔබට නැවුම් බවක් දැනේවි.

ඉහත උපක්‍රම අනුගමනය කිරීමෙන්, ඔබගේ මානසික ආතතිය පාලනය කල නොහැකි නම්, ඔබගේ වෛද්‍යවරයා හමුවීම සුදුසුය. ඔබගේ වෛද්‍යවරයා, ගැටළුකාරී ආතතිය පාලනය කිරීමට මෙන්ම හේතුකාරක වෙනත් රෝග සහ ආතතියෙහි සංකූලතා වලට ප්‍රතිකාර කිරීමට ඔබට මග පෙන්වනු ඇත. අනුශාසනය (Counseling), බුද්ධිමය-හැසිරීම් ප්‍රතිකර්ම (Cognitive-behavioural therapy/CBT), කෝපය පාලනය කිරීමේ උපක්‍රම (anger management techniques), සහ ආතති පාලන කණ්ඩායම් (Stress management groups) ආදිය මානසික ආතතිය සඳහා හොඳ ප්‍රතිකර්ම වේ. ඔබට මානසික ආතතියෙහි සංකූලතා ලෙස විෂාදය හෝ අනිසි බිය පවතී නම්, ඔබගේ වෛද්‍යවරයා ප්‍රතිවිෂාද ඖෂධ (Antidepressants) හෝ අනිසි බිය දුරු කිරීමට ඖෂධ (Anxiolytics) ලබාදෙනු ඇත. ඖෂධ මගින් මානසික ආතතිය සුවකල නොහැක. නමුත්, ඒවා කෙටි කාලීන සහනයක් ලබාදීමට සමත්ය.

https://m.facebook.com/story.php?story_fbid=156369099201361&id=103857961119142

කාන්තාවකගේ සෞඛ්‍ය තත්ත්වයට මානසික ආතතිය බලපාන අයුරු

බොහෝමයක් ශාරිරීක පීඩා වලට මූලික හේතුව ලෙස සොයාගෙන තිබෙන්නේ මානසික ආතතියයි. මේ මානසික ආතතිය නිසා කාන්තාවකට ඇතිවිය හැකි සෞඛ්‍යමය ගැටළු 10ක්

ශරීරයේ ආරක්ෂාව වෙනුවෙන් ශරීරයේම ඇති වන ස්වභාවික ප්‍රකාශනය මානසික ආතතිය ලෙස හැඳින්විය හැකි බව පර්යේෂකයන් පවසනවා. කාන්තාවකගේ මානසික ආතතිය පමණක් නොව විවිධ හේතු නිසා ස්ත්‍රී පුරුෂ භේදයකින් තොරව ඇති වන මෙම තත්ත්වය ඇතැම් විට ඉතා පීඩාකාරී විය හැකියි.

වර්තමානයේ කාර්යබහුල ජීවන රටාව සහ තරඟකාරීත්වය මෙයට වැඩිපුරම බලපාන බවයි පෙනී යන්නේ. නමුත් මානසික ආතතියෙන් මිදෙන්නට යැයි කියා අපට එදිනෙදා ජීවිතයේ වගකීම්වලින් මිදෙන්නට හැකියාවක් නැහැ.

අප කළ යුත්තේ මෙම තත්ත්වය නිසි ලෙස කළමනාකරණය කිරීමයි. එසේ නොවුණහොත් මෙය දිගු කාලීනව පැවතීමෙන් පුද්ගලයාගේ ශාරීරික හා මානසික සෞඛ්‍යයට සෘණාත්මක බලපෑම් ඇති විය හැකියි.

කාන්තාවකගේ මානසික ආතතිය

කාන්තාවකගේ මානසික ආතතිය නිසා පහසුවෙන් දැකගත හැකි සෞඛ්‍යමය ගැටළු
1. ප්‍රතිචාර දැක්වීම කාන්තාවකගේ මානසික ආතතිය
මානසික ආතතිය යම් තරමකට පැවතීම ජීවිතයේ ජයග්‍රහණ අත්පත් කර ගැනීමටද හේතු වන අතර අතීතයේ සිට මිනිසාට ආරක්ෂක යාන්ත්‍රණයක් ලෙසද ක්‍රියා කර තිබෙනවා.

නමුත් එය පාලනය කරගත නොහැකි තරමට සීමාව ඉක්මවා යාම සුදුසු නැහැ. ඒ අතර අද ලිපියෙන් අප කතා කරන්නට යන්නේ කාන්තාවකගේ ශාරීරික සහ මානසික සෞඛ්‍යයට මානසික ආතතිය බලපාන්නේ කෙලෙසදැයි කියායි.

එදිනෙදා ජීවිතයේ බොහෝ කාරණාවලට ස්ත්‍රීන් සහ පුරුෂයන් දෙපිරිසම ප්‍රතිචාර දක්වන ආකාරය එක සමානයි.

නමුත් මානසික පීඩනයක් ඇති වූ අවස්ථාවකදී මේ දෙපිරිස ප්‍රතිචාර දක්වන ආකාර එකිනෙකාට වෙනස් වෙනවා.

එහි නිවැරදිම යාන්ත්‍රණ පැහැදිලි නැතත් විවිධාකාර ආතති තත්ත්වවලදී පිරිමින්ට සාපේක්ෂව කාන්තාවන් වැඩි වැඩියෙන් මානසිකව සහ ශාරීරිකව සංවේදී වන බව ඇතැම් පර්යේෂණ වලින් සනාථ වී තිබෙනවා

2. හොමෝනවල බලපෑම කාන්තාවකගේ මානසික ආතතිය
කාන්තාවන් මානසික ආතතිය ඇති වූ විට හැසිරෙන ආකාරය පිරිමින්ට සාපේක්ෂව බොහෝ වෙනස්.

ඔවුන් එවන් අවස්ථාවලදී උද්වේගකාරීව හෝ ගැටුම් ඇති වන ආකාරයේ ප්‍රතිචාර නොදක්වන අතර බොහෝ විට සාකච්ඡා කිරීමෙන් එය නිරාකරණය කර ගැනීමට කැමැත්තක් දක්වනවා.

මෙයට හේතුව දරු උපත අතරතුර කාලයේදී කාන්තාවන්ගේ ශරීරයේ නිපදවෙන ඔක්සිටොසින් හොමෝනයේ බලපෑම බවයි ඇතැමුන්ගේ මතය.

කාන්තාවකගේ මානසික ආතතිය

3. එදිනෙදා ජීවිතය
නිවසේදී, රැකියා ස්ථානයේදී හෝ සමාජයේ ඕනෑම තැනකදී මුහුණ දෙන්නට සිදුවන ඇතැම් සිදුවීම් නිසා කාන්තාවන්ට මානසික ආතතිය ඇති විය හැකියි.

ඔබේ රැකියාව, දරුවන්, අසල්වාසීන් සහ විවාහයේ යම් යම් ගැටළු නිසා මානසික පීඩනය එක් වරම ඇති වනවා නම් එය සැලකිය යුතු මට්ටමේ තත්ත්වයක්.

ඔසප් චක්‍රය අනුව කාන්තාවකගේ මානසික ආතති මට්ටම් වෙනස් විය හැකියි.
මෙම තත්ත්වය දිගින් දිගටම පැවතීම නිසා කාන්තාවන්ගේ හිසකෙස් ගැලවී යාම හෝ ඔසප් චක්‍රය අක්‍රමවත් වීම සිදු වෙනවා.
මීට අමතරව හිසරදය, ආමාශගත ගැටළු සහ ශාරීරික වේදනා ඇති වීමටද හැකියි. එවැනි අවස්ථා කිහිපයක් පහතින් විස්තර කර තිබෙනවා.
4. උදරාබාධ
ඔබව බොහෝ ආහාර ගැනීමට පෙළඹවීමට හෝ ආහාර අනවශ්‍ය යැයි සිතෙන මට්ටමට ඔබගේ උදරය පත් කිරීමට මානසික ආතතිය හේතු වෙනවා.

එමෙන්ම උදරයේ තද බව, උදරය ඉදිමීම, අම්ල පිත්තය සහ අන්ත්‍රය සම්බන්ධ රෝගද ඇති විය හැකියි.

පමණට වඩා ආහාර ගැනීම සහ ආහාර වේල් මඟහැරීම අනුව ශරීරයේ බර අඩු වීම හෝ බර වැඩි වීම සිදු විය හැකියි.

5. සමට බලපෑම
මානසික ආතතිය දරුණු ලෙස සමට බලපෑම් කිරීමට හැකි තත්ත්වයක්. කැසීම් සහ කුෂ්ඨ ඇති කිරීමට මෙය හේතු වෙනවා.

6. චිත්තවේගාත්මක තත්ත්ව
ශෝකී හෝ නොරුස්සන මනෝභාවයක සිට බරපතල මානසික ගැටළුවක් දක්වා මෙය වර්ධනයක විය හැකියි.

බොහෝ විට විෂාදය වැනි තත්ත්වයන් ඇති වීමද සිදු වෙනවා.

7. නින්ද සම්බන්ධ ගැටළු
මානසික ආතතියෙන් පීඩා විඳින බොහෝ දෙනෙකුට තිබෙන පොදු ගැටළුවක් වන්නේ නින්ද නොයෑමයි.

නින්ද නොයෑම නිසා මානසික ආතතිය තවත් වැඩි වන අතර එසේ සිදු වීමෙන් නින්ද නොයෑම තව තවත් වැඩි වෙනවා.

8. අවධානය යොමු කිරීමේ අපහසුව
මානසික ආතතිය යමකට අවධානය යොමු කිරීම අපහසු කරවන නිසා ඵලදායී ලෙස නිවසේ සහ කාර්යයාලයේ වැඩ කටයුතු කිරීම අතපසු වෙනවා. මෙය තිබෙන ගැටළු තවත් වැඩි වීමට හේතු විය හැකියි.

9. හදවත සම්බන්ධ ගැටළු
මානසික ආතතිය මුළු රුධිර වාහිනී පද්ධතියටම සෘණාත්මක බලපෑමක් ඇති කරනවා. මෙය වක්‍රාකාරව බලපෑමෙන් අධි රුධිර පීඩනය, ආඝාතය සහ හෘදයාබාධ ඇති විය හැකියි.

කාන්තාවකගේ සෞඛ්‍ය තත්ත්වයට මානසික ආතතිය බලපාන අයුරු

10. ප්‍රතිශක්තිය අඩු වීම කාන්තාවකගේ මානසික ආතතිය
රෝගයකට එරෙහිව සටන් කරන්නට නොහැකි තරම් ශරීරය දුර්වල කිරීමට මානසික ආතතියට හැකියාවක් තිබෙනවා.

සෙම්ප්‍රතිශ්‍යාවකට හෝ නිධන්ගත රෝගයකට වුව මෙය පොදුයි.

කාන්තාවකගේ මානසික ආතතිය තත්ව අඩු කර ගන්නේ කොහොමද?
ඇමරිකානු මනෝ විද්‍යාඥ රොබට් එප්ස්ටන් පුද්ගලයන් 3000ක් යොදාගෙන කළ පරීක්ෂණයක් සඉදු කළා.

එහි ප්‍රතිඵලයට අනුව, අප මානසික ආතතිය හසුරුවන ආකාරය අපගේ සතුටට 25%ක බලපෑමක් කරන බව සොයාගෙන තිබෙනවා.

ඔහු නිරීක්ෂණය කළ පරිදි මානසික ආතතිය කළමණාකරණය කළ හැකි හොඳම ක්‍රමය වන්නේ කටයුතු සැලසුම් කිරීම,.තමන්ව ආතතියට පත් කරන දේවල් පිළිබඳව අවබෝධයෙන් සිටීම සහ එය වළක්වා ගැනීමට සූදානම්ව සිටීමයි.

1. ආහාර වේල
කෙටි ආහාර, පැණි බීම, ලුණු, තෙල් සහ සීනි අධික ආහාර වලින් වැළකී සමබල ආහාර ගැනීමෙන් ඔබට ඔබේ ශාරීරික සුවතාවය වැඩි දියුණු කර ගත හැකි අතර එමඟින් මානසික සුවතාවයද යහපත්ව පවත්වා ගත හැකි වෙනවා.

කාන්තාවකගේ සෞඛ්‍ය තත්ත්වයට මානසික ආතතිය බලපාන අයුරු

2. ව්‍යායාම කිරීම සඳහා වෙලාවක්
ව්‍යායාම කිරීම මානසික ආතතිය අවම කිරීමට සහ විෂාදය හසුරුවා ගැනීමටත් උපකාර වන බව බොහෝ දෙනා දන්නා දෙයක්.

ක්‍රියාශීලී වීම, යහපත් මානසික තත්ත්වයක් ඇති කිරීමට උපකාර වන හෝමෝන සහ ස්නායු රසායනික ද්‍රව්‍ය ප්‍රමාණය වැඩි කිරීමට හේතු වෙනවා.

3. සැහැල්ලු වීම සඳහා විනෝදකාමී ක්‍රම සොයා ගන්න
පවුල, මිතුරන් සහ ඔබ ප්‍රිය කරන පුද්ගලයන් සමඟ කල් ගත කිරීම මෙයට හොඳම ක්‍රමයක්.

ඒ වගේම කාර්යබහුල වීම නිසා ඔබෙන් ගිලිහී තිබූ විනෝදාංශ නැවත ඇරඹිය හැකියි.

අවධානය දිගටම පවත්වා ගත යුතු විනෝදාංශයකට (චිත්‍ර ඇඳීම, කලා නිර්මාණ කිරීම) යොමු වීමත්, යෝගා හෝ භාවනා ක්‍රමයකට හුරු වීමත් කළ හැකියි.

මේ කිසිවකින් යහපතක් නොලැබෙන තරමට ඔබේ මානසික ආතතිය කරදරකාරී නම් වෛද්‍යවරයකු හමු වීම කළ යුතුයි.
සංජය පුෂ්පකුමාර

Contact on watts app 0771871871

@ K L

@ i city K L Malasiya

@ Kuwala Lumpur

0771871871