PRIYA Abayarathne

හැම අම්මා කෙනෙක්ම එකම විදියෙ කැපකිරීම් කරන්නෙ නෑ.
එහෙම කරන්න ඕනෙත් නෑ.

අම්මා කෙනෙක් වුණාම දරුවෝ නිසා වැහැරෙන්න ඕනෙ නෑ. හැමදේම හරි විදියට කළමණාකරණය කරන කාන්තාවකට පුළුවනි තමන්ගේ දරුවන්ට පුළුවන් හොඳම දේ ලබා දෙනගමන්, තමන් වෙනුවෙනුත් පුළුවන් හොඳම දේ ලබාගන්න.

අම්මා කෙනෙක් තමන්ගෙ දරුවන් වෙනුවෙන් කැපකරන්නෙ ඇගේ කාලය. ඒ කැපකිරීමේ ප්‍රථිපලය එක එක විදිවලින් ඇයට ලැබෙන්න පුළුවන්. සමහර අය තමන්ගේ ආහාර වේල වෙනුවෙන් තියෙන කාලය කැපකරද්දි, තව සමහර අය තමන්ගේ රූපය, ශරීරය වෙනුවෙන් වෙන්කරපු කාලය කැප කරනවා. තවත් සමහර අය තමන්ගේ රැකියාව වෙනුවෙන් තිබුණ කාලය කැපකරන්නත් පුළුවන්. ඒ එක්කම මේ හැම එකටම තියෙන කාලය කැප කරන අම්මලත් ඇති. ඒත් ඒ කැපකිරීම් වල උස දිග පළල මැනලා, ඒ අම්මලාව සංසදනය කිරීමක් කරන්න කොහෙත්ම බැහැ.
අම්මා කෙනෙක් වුණ පළියට දරුවො නිසා ජීවිතයම කැප කළ යුතුයි කියලා නීතියක් කොහේවත් ලියවිලා නෑ.

"අපි උඹලව උස් මහත් කරේ බඩට නොකා, හරියට නොඇඳ" කියලා කවුරු හරි මවක් හෝ පියෙක් කියනවා නම්, තමන්ටවත් හරියට කන්න අඳින්න නැති තත්වයක් උඩ දරුවො නොහදා ඉන්න එක තමයි කරන්න තියෙන හොඳම වැඩේ. මොකද, දරුවොත් හදලා, උනුත් දුක් විඳලා, දරුවනුත් දුක් විඳලා අන්තිමට ඔහොම කතාවකුත් අහගන්න වෙන එක සෑහෙන්න මානසික අඩන්තේට්ටමක්.

ඒ වගේම ලස්සන, හැඩට අඳින, කොණ්ඩෙ නියපොතු අඟ පසඟ පිළිවෙළට තියාගෙන ඉන්න අම්මා කෙනෙක් කියන්නෙ දරුවන්ගේ යුතුකම් පැහැර හරින අම්මා කෙනෙක් ය කියලා කියන්න කිසිම පදනමක් නෑ. කාන්තාවකට ආර්ථික සහ ශරීර ශක්තිය තියෙනවා නම් ඇගේ දරුවන් වෙනුවෙන් යුතුකම් ඉටුකරලා තමන් ගැනත් ඒ විදියටම හිතන්න, ඒකේ කිසි වරදක් නෑ.

"අම්මා කෙනෙක් වගේ අඳින්න" "අම්මා කෙනෙක් වගේ හැසිරෙන්න" කියන වාක්‍ය අම්මා කෙනෙක් වෙත දමලා ගහන්න කලින් එක දෙයක් තේරුම් ගන්න ඕනෙ. අම්මා කෙනෙක් වුණාම අඳින්න ඕනෙ කියලා වෙන් කරපු ඇඳුම් තියෙනවද? මේ මේ දේවල් නොකළ යුතුයි කියලා වෙන් කරපු දේවල් තියෙනවද? අම්මා කියන චරිතය මේ තරම්ම උතුම් තැනක තියන සමාජය විසින් ඇයි ඒ අම්මා කියන චරිතය ඇගේ ජීවිතේ නිදහසේ විඳින එකෙන් කොටු කරන්න හදන්නෙ කියන දේ මට නොතේරෙන දෙයක්.

අම්මා කියන්නෙ ගැහැණියක්. ගැහැණියක් කියන්නෙත් මනුස්සයෙක්. ඉතිං ඕනෙම මනුස්සයෙක් තමන්ගෙ ජීවිතේ දි කරන්න ආස දේවල් තියෙනවා. මව් පදවිය ලැබුවා කියලා ඒ දේවල් කරන්න එපා කියන්න තරම් සමාජයට මොකද්ද ඒ කාන්තාවගේ ජීවිතේ ගැන තියෙන අයිතිය?

හැම මනුස්සයෙක්ම මැරෙන්න කලින් තමන් ආස දේවල් වලින් අඩක්වත් කරලා තියෙන්න ඕනෙ කියලා මම විශ්වාස කරනවා. එහෙම පුළුවන් වෙන්න කියලා මම ප්‍රාර්ථනා කරනවා. දරුවෙක් නිසාවත් මනුස්සයෙකුට ඒ දේවල් නැති වෙන්න ඕනෙ නෑ. නැති කරගන්න ඕනෙත් නෑ.

ඉතිං, කවදම හරි දවසක ටයිට් ස්කර්ට් එකක් ඇඳලා, ලස්සන මේකප් එකක් දාලා, කොණ්ඩෙ පාට කරපු අම්මා කෙනෙක් දැක්කොත්, සතුටු වෙන්න. වැඩිපුර ඉඩ තියෙන්නෙ ඇය තමන්ගේ දරුවන්ට හොඳම දේ දීලා අතිරික්තයෙන් තමන්ගේ ජීවිතේ විඳින කාන්තාවක් වෙන්න.

මොකද, හැම අම්මා කෙනෙක්ම එකම විදියෙ කැපකිරීම් කරන්නෙ නෑ.

Sh Y No
පිංතූරය අන්තර්ජාලයෙනි.

ඔබේ ළදරුවාට මව්කිරි මෙතරම්ම වැදගත් වන්නේ ඇයි?
දස මසක් පුරා කුස තුළ අම්මාගෙන් පෝෂණය වූ කිරිකැටියා මෙලොවට බිහිවීමත් සමග එම පෝෂණ මාර්ගය නතර වන අතරම එතැන් පටන් දරුවා පෝෂණය වන්නේ අම්මාගේ කිරෙනි. මන්ද මොලොවට බිහි වූ විගස කිරිකැටියෙකුගේ සිරුර ආහාර මගින් පෝෂණය වීමට අවශ්‍ය පරිදි සකස් වී නොමැත. අන්න ඒ නිසාම සොබා දහමේ අපූර්වත්වය කියාපාන්නට මෙන් දරුවෙකු බිහිකරන සෑම මවකටම තම දරුවා පෝෂණය කිරීමට මව්කිරි නිපදවීමේ හැකියාව ලබා දී ඇත.

මව්කිරි නිපදවීමේ ක්‍රියාවලිය

අම්මාගේ මොළයේ පිහිටා ඇති පිටියුටරි ග්‍රන්ථිය උත්තේජනය විමෙන් ප්‍රෝලැක්ටීන් නම් හෝමෝනය ස්‍රාවය වන අතරම එමගින් මවගේ පියයුරේ ඇති කිරි නිපදවන ග්‍රන්ථියේ බිත්තියේ ඇති සෛල උත්තේජන කරයි. එමගින් කිරි නිපදවීම ආරම්භ වේ. ප්‍රෝලැක්ටීන් හෝමෝනය ශ්‍රාවය වන ප්‍රමාණය මත නිපදවෙන කිරි ප්‍රමාණය තීරණය වේ.

දරුවා කිරි උරා බීම, හැඬීම, දැකීම, මවගේ සිරුරේ ස්පර්ශ වීම වැනි තත්ත්ව මවගේ ප්‍රෝලැක්ටීන් හෝමෝනය වැඩිපුර ශ්‍රාවය වීමට හේතු වේ. එසේම රාත්‍රියට ප්‍රෝලැක්ටීන් හෝමෝනය වැඩිපුර ශ්‍රාවය වේ.

මවට ඇති වන අසතුට, වේදනාව, ඍණාත්මක සිතුවිලි හේතුවෙන් ප්‍රෝලැක්ටීන් හෝමෝනය ශ්‍රාවය වීම අඩු විය හැකිය. කෙසේ වුවද මවගේ වයස, සිරුරේ ප්‍රමාණය, පියයුරුවල ස්වභාවය, පියයුරුවල ප්‍රමාණය කිරි නිපදවීමට කිසිලෙසකින් බාධාවක් නොවේ.

මව්කිරි ලබාදීම

ප්‍රසූතියෙන් පසු පැයක් ඇතුළත ළදරුවාට මව්කිරි ලබා දීම සිදු කරන අතරම මේ සඳහා මවට රෝහල් කාර්ය මණ්ඩලයේ උපරිම සහයෝගය ලැබෙනු ඇත. මෙහිදී නිවැරදිව දරුවා පියයුරට ස්ථිපිත කිරීම සම්බන්ධයෙන් මව දැනුවත් වීය ඉතා වැදගත් වේ.

දරුවාට කිරි පෙවීමේදී දරුවාගේ මුව තුළට තන පුඩුව පමණක් නොව ඇරියෝලාවෙන් (පියයරේ කලු පැහැති කොටස) වැඩි කොටසක් ඇතුළත් විය යුතුය. දරුවාගේ මුව හොඳින් විවර වී යටි තොල පිටතට පෙරලී තිබීම දරුවා නිවැරදි ලෙස පියයුරට සම්බන්ධ වී ඇති බවට හොඳ සාධකයකි.

ළදරුවා වෙත පියයුර ළං කළ විට ළදරුවා කිරි ඉරීමට පටන් ගන්නා අතරම ඒ හා සමගම මවගේ මොලයේ පිටියුටරි ග්‍රන්ථියේ අපරභාගයෙන් නිපදවෙන පෝලැක්ටින් හෝමනය ශ්‍රාවය වී කිරි නිපදවීමට පටන් ගන්නා අතරම ළදරුවා හොඳින් කිරි උරා බීමේදී කිරි නිපදවීමත් ගලා ඒමත් හොදින් සහ වේගවත්ව සිදු වේ.

ළදරුවෙක් දිනයකට වාර හත අටක්ම කිරි උරා බොයි. ළදරුවාට ලබාගන්නා කිරි ප්‍රමාණවත් බවට හොඳම සාධකය වන්නේ වාර හත අටක්වත් දිනකට මුත්‍රා පිටකිරීමයි. එසේම දරුවාගේ වර්ධන සටහනට අනුව නිසි පෝෂණයක් සිදුවනවාද යන්න පිළිබඳව දැනුවත් විය හැකියි.

මව්කිරෙහි අන්තර්ගත පෝෂක පිළිබඳව

මවගේ රුධිරයෙන් නිපදවෙන ජීවී දියරයක් වන මව්කිරෙහි රුධිරගත රතු රුධිරාණු හැර සුදු රුධිරාණු ඇතුළු අනෙකුත් ජීවී සෛල සියල්ල අන්තර්ගතය. මවගේ පියයුරෙන් මුලින්ම ශ්‍රාවය වන කොලෙස්ට්‍රම් ලා කහ පැහැති ඝනකම ශ්‍රාවයකි. මෙය ශ්‍රාවය වන්නේ ඉතා සුළු ප්‍රමාණයක් වුවත් ළදරුවා ඒ හරහා ලබාගන්නා පෝෂණය සහ රැකවරණය ඉතා ඉහළයි.

විටමින් ඒ බහුල කොලෙස්ට්‍රම් දරුවාගේ ප්‍රතිශක්තිය වර්ධනය කර බෝවන රෝගවලින් රැක ගනී.
නොමේරූ ආන්ත්‍රය මත ආස්තරයක් සේ පැතිර උදරය වෙත ඇතුළු වන බැක්ටීරයා විනාශ කරයි.
විරේකයක් ලෙසද ක්‍රියා කරමින් කලු පැහැති මළපහ සිරුරින් බැහැර වීම ඉක්මන් කර පිත්ත ලවණ අවශෝෂණය කරගැනීමට සහය වේ.
මව්කිරිවල ස්වභාවය මෙන්ම සංයුතිය

මව්කිරිවල ස්වභාවය මෙන්ම සංයුතිය වරින් වර වෙනස් වේ. ඝණත්වයෙන් අඩු අවර්ණ ද්‍රාවණයක් ලෙස කිරිකැටියාට මුලින්ම ලැබෙන කිරි වල 90% ක ප්‍රමාණයක්ම ජලය ඇති අතරම එමගින් සිරුරට අවශ්‍ය ජල ප්‍රතිශතය ලබා දීමත් මුත්‍රා පිටවීමත් සිදුකෙරේ. දෙවනුවට ශ්‍රාවය වන කිරි සුදු පැහැති මෙන්ම ඝණකමින් යුක්ත කිරි දරුවාගේ වර්ධනයට දායක වන්නේ පෝෂණයට සඳහා අවශ්‍ය මේදය සහ ප්‍රෝටීන ලබා දෙමිනි. මේ දොකොටසින්ම දරුවෙකුට අවශ්‍ය සියලු දේ හිමි වන නිසා එක් පියයුරකින් අවසන් වන තුරු කිරි ලබා දීම අත්‍යවශ්‍යය.

මව්කිරිවල ලැක්ටෝස් සහ ලිපිඩවලට අමතරව තවත් එක් සුවිශේෂී ව්‍යූහාත්මකව විවිධ වූ ඔලිගොසැකරයිඩ වර්ග අන්තර්ගත වීම දැක්විය හැකියි. මෙම මව්කිරිවල අන්තර්ගත වන ඔලිගෝසැකරයිඩ, (HMO – Human Milk Oligosaccharides) සුවිශේෂී සංඝටක වර්ගයක් වන අතරම, ළදරුවාගේ ප්‍රතිශක්තිකරණ හැකියාව වර්ධනය කිරීමට ද සැමවිටම සහය වේ. මෙය මව්කිරිවල පමණක් අන්තර්ගත වුවද, අද වන විට විද්‍යාවේ දියුණුවත් සමගම ඇතැම් ළදරු නිෂ්පාදන සඳහාත් යොදා ගැනීමට හැකියාව ලැබී ඇත.

මව්කිරෙන් මවට මෙන්ම දරුවාට ලැබෙන වාසි

මවත් දරුවාත් සතුටෙන් තබයි.
රුධිර වහනය අවම වේ.
පසු ප්‍රසූති සමයේ ඇති විය හැකි මානසික ව්‍යාකූලතා අවම කරයි.
මවට අධික තරබාරු බවින් වළක්වාලයි (මව‍ගේ සිරුරේ තැම්පත්ව ඇති මේදය බවත්වන නිසා)
පසුකාලීනව මවට ඇතිවිය හැකි පියයුරු පිළිකා, ඩිම්බකෝෂ පිළිකා සහ අස්ථි දුර්වල වීම වැනි දේ පිළිබඳව ඇති අවධානම අවම කරයි.
ළදරුවා තුළ කුසගිනි නිවා ගැනීමට තමා වෙහෙස විය යුතුය යන සිතිවිල්ල වර්ධනය වේ
කුස පිරුණු විට පියයුරෙන් ඉවත්වන ළදරුවා වයසින් වැඩෙත්ම ඇති පමණට පමණක් ආහාර ගැනීමට හුරු වන අතරම එය අධික තරබාරුව, දියවැඩියාව වැනි රෝග තත්ත්වයන් වැළක්වීම දායක වන සංකල්ප වේ

සංවර්ධනය වන රටවල ළදරු මරණවලට පවා හේතුවක් විය හැකි පෙකෙණිය, නිවැරදිව සුව කරගනිමු.


අම්මාගේ කුසේ ඇති දැඩි වෙන පුංචි පැටියෙක් එයාට අවශ්‍ය පෝෂණය වගේම ඔක්සිජන් ලබාගන්නේ අම්මාගෙන්මයි. ඒ අපරාව එහෙමත් නැත්නම් වැදෑමහ හරහායි. ගර්භාෂයේ ඇතුළු බිත්තියට සවි වෙලා තියෙන මේ වැදැමහ පුංචි පැටියට සම්බන්ධ වෙන්නේ පෙකණිවලෙන්. පුංචි පැටියා මේ ලෝකෙට බිහිවෙද්දී අම්මාගෙන් වෙන් කරන්නේ මෙන්න මේ පෙකෙණි වැල කපලා. මේ කැපුමේදී ළදරුවාට වේදනාවක් ඇති වෙන්නේ නැහැ කියලා තමයි වෛද්‍යවරු පවසන්නේ. මෙන්න මේ විදියට අම්මාගෙන් පැටියා වෙන් කළාම පෙකෙණි වැලේ හරිම පුංචි කොටසක් පැටියාගේ කුස මත ඉතිරි වෙනවා. එය වියළී යන්න සති දෙක තුනක කාලයක් ගත වෙනවා. පෙකෙණිය වියළී වැටෙන කොට නාභිය මත ඇති වන පුංචි තුවාලයත් දින කිහිපයකින් සුව වෙනවා. ඉතිං අලුත් අම්මලාට මේ පෙකෙණිය ගොඩක් ලොකු ප්‍රශ්නයක් වෙන්නේ ඒක පරිස්සම් කරගන්නේ කොහොමද කියන එක ගැන නිවැරදි අවබෝධයක් නැති නිසයි. ඒ නිසාම පුංචි පැටියාගේ කමිසයේ ලේ බිංදුවක් තිබුණම අම්මලා ගොඩක් බය වෙනවා. ඇත්තටම නිවැරදිව දැනුවත් වුණොත් පුංචි පැටියාගේ පෙකණිය අම්මලාට කිසිම විදියකින් ගැටලුවන් වෙන්නේ නැහැ.

පෙකෙණිය සම්පූර්ණයෙන් වියළී ස්වභාවිකව වැටෙනවා මිස එය ඉවත් කිරීමට කිසිදු විටෙක උත්සහ නොකළ යුතුයි. ඔබ කළ යුත්තේ එතෙක් එය පිරිසිදුව හා වියළිව තබාගැනීමයි. දරැවා නැහැවීහට පෙකෙණිය හැලෙන තුරැ සිටීම අත්‍යවශ්‍ය නොවේ. ඔබ කළ යුත්තේ දරුවා නැහැවීමෙන් පසුව හොඳින් තෙත මාත්තු කර වියළිව තබාගැනීමයි.

පෙකෙණිය පිරිසිදු කිරිමේදී කළ යුත්තේ උණුසුම් වතුරේ ගිල්වූ පුළුන් කැබැල්ලක ජලය මිරිකා ඉවත් කර පෙකෙණි වැල සමට සම්බන්ධව ඇති පෙදෙස වටා ඉතා සෙමින් පිස දමා පිරිසිදු වියළි රෙදි කැබැල්ලකින් තෙතමාත්තු කිරීමයි.

පෙකණිය හැලුණු ආසන්නතම දින කිහිපයේදී ඇඳුමේ රුධිර පැල්ලමක් තිබීම ඉතාම සාමාන්‍ය තත්ත්වයක් වන අතරම එසේ වන්නේ ඒ කාලයේදී ළදරුවාගේ අත වැදීම ඇඳුමේ පැටලීම වැනි කරුණු නිසා විය හැකිය. එහිදී කළ යුත්තේ හොඳින් පිරිසිදු කර තෙත මාත්තු කිරීමයි. යම් හෙයකින් පෙකෙණිය ආසාධන තත්ත්වයකට පත්ව ඇත්නම්, ඒ අවට සම රත් පැහැ වී ඉදිමුම් ස්වභාවයක් ගන්නා අතරද ස්පර්ශ කිරීමේදී දරුවා හඩා වැටේ. තවද සැරව හෝ දුගඳ ශ‍්‍රාවයක් එහෙමත් නැතිනම් දිගින් දිගටම රුදිරය පිටවීමක් දැකිය හැකිය. ආසාදිත අවස්ථාවකදී ළදරැවාට උණ ඇති වීම, කිරි ප්‍රතික්ෂේප කිරීම වැනි ලක්ෂණ ද පෙන්නුම් කරයි. මේ තත්ත්වයේදී වෛද්‍ය උපදෙස් පැතීම අත්‍යවශ්‍ය වේ. එසේම ඇතැම් අවස්ථාවලදී ග්‍රැනියුලෝමා වැනි තත්ත්ව ඇති විය හැකි බැවින් පෙකෙණිය හොඳින් නිරීක්ෂණය කොට මස් දල්ලක් වැනි යමක් තිබේද අවර්ණ ශ්‍රාවයක් නිකුත් වේද යන්න පිළිබඳව අවධානය යොමු කර වෛද්‍ය උපදෙස් කරා යොමු වන්න.

පුංචි පැටියාගේ පෙකණිය සම්බන්ධව මේ කරුණු ගැන සැලකිලිමත් වෙන්න

සැමවිටම පෙකණිවැල පිරිසිදුව හා වියළිව තබාගන්න.
පෙකණිය වාතයට නිරාවරණය වීම වැදගත් වන නිසා ළදරුවාට නැපි ඇන්දවීමේදී ඒ ආශ්‍රිතව නොවැසෙන සේ අන්දවන්න
මුත‍්‍රා තැවරීමෙන් ආරක්ෂා කරගන්න
පෙකණිය මත කිසිවක් ගැල්විම හෝ සැරහුම් යෙදීම නොකරන්න
[කුරුණෑගල ශික්ෂණ රෝහලේ හෙද නිලධාරිනී ක්‍රිෂාන්ති ගංගා කුමාරි මහත්මිය සමග

පොල්ගහවෙල සිංහ සමාජයේ අපි පසුගිය දිනවලදී සිදුකල ප්‍රජා සේවා කීපයක මතක සටහන්...

මැණික මම අල්ලගන්නම්..හෙමින් වාඩිවෙන්න මම ඉන්නවනේ..
"අනේ කමක් නෑ මට පුලුවන් ඔයා එලියට යන්න..."

හරි හරි මම ඉන්නම්කෝ පන්ඩිත නොවී ඉන්න!!!

මචං ඒ තමා අපෙන් උරුම වෙන්න ඉන්න දරුවා කුසේ තියන් ඉන්න අම්මෙක් විදින එක දුකක්..ඒක මාරයි මදුරුවෙක් කාපුවමත් ගෙඩි එනවා කියපු හම කැතවෙනවා කියපු කෙල්ල තමුන්ගේ හම ඉරි තැලෙද්දී රැලි වැටෙද්දී පුංචි මැසිවිල්ලක්වත් නොකරන කාලේ...වෙනදට එහෙ මෙහෙ ගිහින් කමු කියපු මේ ඩෙනිම මට ලස්සනයි නේද මම පොඩ්ඩක් මහත් වෙලා කියලා කියපු ඒ කෙල්ල උබ වෙනුවෙන් අම්මා කෙනෙක් වෙන්න ලෑස්ති වෙන හැටි ඒක මාර කැපවීමක් මචං පිරිමි අපිට ඒ උත්තම පදවියට පත් වෙන බෑ එක සොබාදහමෙන් දීලා තියෙන්නේ ගෑනුන්ට විතරයි ඒත් අපිට පුලුවන් ඒ කාලෙට ඒ උතුම් චරිතෙට හයියක් වෙන්න...

තමුන්ගේ කෙල්ල ප්‍රෙග්නන්ට් උනාම පිරිමියෙක්ට මාස ගානක් ඒ කෙල්ලගෙන් ඈත් වෙලා ඉන්න වෙනවා කායිකව අන්න ඒ කාලේ පුලුවන්නම් උබට පුලුවන් උබ නියම පිරිමියෙක් කියලා ඔප්පු කරන්න උබටම ඒ ස්පා ගානේ නොගිහින් ක්ල්බ් ගානේ වෙන ගෑනු හුරතල් කරන්න යන්නේ නැතුව ඒ දේ කරන්න හැම පිරිමියටම බෑ ...මොකද උබ නිසා දරුවෙක් බඩට ආපු ඒ කෙල්ල උබ වෙනුවෙන් දරුවා වෙනුවෙන් කැප වෙද්දී උබට උරුම නෑ අර වගේ දේවල් කරන්න උබ උබ විසින්ම පාලයන උනු පිරිමියෙක් වෙයන් ඒක පට්ට ඒක මාරයි...

දවසක උබටම හිතෙයි උබේ දරුවා දිහා දකිද්දී උබ පට්ට තාත්තා කෙනෙක් කියලා මොකද හර්ද සාක්ශියට වඩා දෙයක් මේ ලොකේ නෑ... ගෑනි බඩ කරලා ගිහින් වෙන ගෑනු එක්ක ආතල් දාන වෙන ගෑනුන්ට වියදම් කරන යාලුවෝ ගෙදරට ගෙනල්ල බොන ගමන් බයිට් හදන්න කියලා අර බඩදරු කෙල්ලට කියන පො** පිරිමියෙක් වෙන්නෙපා කවදවාත් ගෙවලා ඉවර කරන්න බැරිවෙයි...

සමහර අම්ම්ලාගේ කකුල් ඉදිමෙනවා කුසේ බරට කකුල් බකල් වෙනවා කොන්දෙ අමාරු එනවා ඒ හැමදේම ඒ අය ඉවසනවා ඒ මචං අර කකුලක් චුට්ටක් රිදුනත් අඩපු කෙල්ල මේ දේ ඉවසනවා උබ වෙනුවෙන් පවුල වෙනුවෙන් උපදින්න ඉන්න දරුවා වෙනුවෙන්...මේ අහපන් මේ කාලේ තනි කරන්නපා එකිව සැරින් සැරේ මතක් කරලා දීපන් එයා ඉස්සර කොච්චර ලස්සනද කියලා ඉස්සරට වඩා දැන් ලස්සනයි කියලා පුලුවන්නම් එයා එපා කියද්දීත් පිටිපස්සෙන් ගිහින් තුරුල් කරගනින් කරගෙන කනට ලන් වෙලා කියපන් එයාට කොච්චර ආදරෙයිද කියලා බඩදරු අම්මෙක්ට දෙන්න පුලුවන් ලොකුම දේ මානසික නිදහස ඒක දෙන්න පුලුවන් හරි පිරිමියෙක්ට විතරයි... වැඩත් එක්ක උබ බිසී ඇති කිලිනික් දවසට පුලුවන් තරම් උබම එක්කන් යන්න ට්‍රයි කරපන් අනිත් අම්මලා අස්සේ උබේ කෙල්ල තනි වෙලා කියලා හිතෙන්න දෙන්නෙපා කවදාවත්...

මේ අහපන් මචං මෙන්න උයන්න පුරුදු වෙන්න හොදම කාලේ😁 ශේප් එකේ හාල් මැස්සෝ හොද්දක් රතු බත් ටිකක් පොඩි මාලු හොද්දක් එල්වලු ටිකක් තම්බලා දෙන්න ඉගෙනගන්න පුලුවන් හොදම කාලේ පුලුවන්නම් හදලා දීපන් කෙල්ලට උබ පොඩි කින්ඩියකුත් දාලා ආසාවෙන් උබටම කියලා කවාගනී ඒ සතුට එකිට හිල්ටන් එකෙන් කෑවත් හම්බෙන්නෑ ...
මේ අහපන් මචන් උබ බිසී ඇති ගෙදර ඉන්නේ වීකෙන්ඩ් එකේ විතරක් වෙන්නැති උබට නිදහසේ ඉන්න ටික දවසකට ඒ නිදහස කැප කරපන් උබේ පන වෙනුවෙන් හවසකට බීච් එකකට එක්කන් පලයන් ගගක්.අයිනටකට ගිහින් එයාහේ කකුල් දෙක ගගට දාන් ඉන්න දීපන් එය එක්ක එකතුවෙලා ෆිල්ම් එකක් බලන්න පලයන් මචං එයාගේ හිත නිතර සතුටින් තියපන් මේ දේවල් ඒකක්වත් මහා ලොකු සල්ලියක් යන දේවල් නෙමේ හැබැයි ඒකෙන් එයාට ලැබෙන සතුට මිල කරන්න බෑ ...

අන්තිම පාරට කියන්නම් කෙල්ලව සතුටින් තියපන් එයා කොච්චර ලස්සනද කියලා එයාට නිතර මතක් කරපන් තරාහා ගියත් ඒක පාලනය කරගනින් පුලුවන් හැමවෙලේම උබ එයාට කොච්චර ආදරෙයද කියලා මතක් කරපන් මොකද බඩට දරුවෙක් ආවම ඒගොල්ලො හිතන දේ තමා දැන් ඉස්සර වගේ මම ලස්සන නැති නිසා අපි ආදරේ නෑ කියන එක....සාමාන්‍ය පිරිමි අතරේ මේ වගේ පිරිමියෙක් වෙයන් එයා උබට දෙයි ඒ ලෝකේ ඉන්න ලස්සනම හොදම දරුවා..කෙල්ලෙක්ගේ ඒ කැපවීමට මිලක් ගුනක් නෑ ඒක අනන්තයි ❤️🙏

හිතට දැනුන නම් ශෙයා කරලා තව කොල්ලෙක්ට තමන්ගේ කෙල්ල ගැන මෙහෙම හිතන්න ඕනී කියලා හිතවන්න උදව් කරන්න❤❤👉👉

උපුටාගැනීම. 👉 Ashan siriwardane

ලැබුවාවූ නව වසර සියලු යහපත් ප්‍රාර්ථනාවන්, සිතුම් පැතුම් ඉටු වන, නිදුක් නිරෝගී, සුභ නව වසරක්ම වේවා....!!

දාරක සමාජානුයෝජනය හා දරුනැළවිලි ගී

ඊයේ මා දරුනැළවිලි ගී දෙකක් මුහුණු පොතට යොමු කළා. ඒවා මගේ මිණිබිරිය නළවන විට මට ඉබේටම කියැවුණු කවි. ඊට ඔබ සියලුදෙනා විසින් දැක්වූ ප්‍රතිචාර සමඟ ඉදිරිපත් කළ දරුනැළවිලි ගී රැසක් තිබුණා .මේ අතර මා සුමිතුරු ,රත්න මුත්තෙට්ටුපොළ කිවිඳුන් ගේ සටහන මෙය ලිවීමට මා පොළඹවනු ලැබුවා. එය මෙය ලිවීමේ ආසන්න නිමිත්ත වුවත් ,ඔබ සියලුදෙනාගේ ම ප්‍රතිචාර ඊට හේතු වූ බව මෙහි සඳහන් කිරීමට මා අමතක කරන්නෙ නැහැ.

මිනිස් දරුපැටියෙකු තරම් මව් තුරු⁣ළෙහි දිගුකලක් රැකවරණය ලබන අන් සත්ත්වයෙකු නැති තරම්. එය පුදුමාකාරයි. විශේෂයෙන් ම දකුණු ආසියාකරයේ අපේ රටට. මෙය ජීව විද්‍යත්මක කරුණක් සේ ම, සමාජ සංස්කෘතික වශයෙන් ද වැදගත් වෙනවා.

සමාජානුයෝජනය කියන්නෙ සමාජයට හුරුකරනවා කියන එක. සංස්කෘතිය , සදාචාරය , දැනුම , විශ්වාස , ආදී සියලු දේ මීට අයත්වෙනවා.දරුවෙකු සමාජානුයෝජනය කිරීමේ මුල්ම ක්‍රියාවන් සිදුවන්නේ පවුල තුළින්. ඒකට මූලික ,නැති නම් ප්‍රාථමික දාරක සමාජානුයෝජනය කියා කියනවා. අම්මා තමයි එම ගුරු භූමිකාවෙ මුල් ගුරුවරිය. මෙහිදී මව ප්‍රධාන , පවුල වෙත පැවරෙනුයේ අසීමිත වගකීමක්.මේ මූලික දාරක සමායෝජනයේ පියවර පහක් ගැන සඳහන් වෙනවා.

1. දරුවා කිරි උරා බීම.

2. දරුවා සිනාසීම.

3. දරුවා කනට ඇසෙන දේ ගැන අවධානය

යොමු කිරීම.

4. දරුවා ඇහැට පෙනෙන දේ ගැන අවධානය

යොමු කිරීම සහ

5. දරුවා බඩගෑම හා දණගෑම.

ඒ අවස්ථා පහයි.

උපන් හැටියෙම දරුවා මවගෙන් කිරි උරා බොනවා.දසමාසයක් කුස දරා සිටි බිළිඳු දරුවා මෙලොව දී මව හා සමඟ පවත්වන පළමු සම්බන්ධතාව එයයි.මව සහ දරුවා අතර මේ සබඳතාව කෙසේ පවත්වා ගෙන යා යුතුදැයි උපදෙස් ආයුර්වේදයේ, චරක සංහිතාවෙහි දැක්වෙනවා.මව දරුවාට කිරි දෙන විට පළමුව දකුණු පියවුරෙන් ද , ඊ ළඟට වම් පියවුරෙන් ද කිරි දියයුතු බවත් , දරුවා වඩා ගැනීමේ දී මුලින් දකුණු පසින් ද ,දෙවනුව වම් පසින් ද වඩා ගත යුතු බව එහි සඳහන්.හරහට වඩා ගන්නා විට දරුවා ගේ හිස වම්පැත්තට සිටින සේ වඩා ගැනීම කළ යුතු බව එහි කියනවා.මේ මවගේ හද ගැස්ම දරුවගේ ස්නායු පද්ධතියට වහා දැනෙනවා.මව හා සමඟ දරුවා සංවේදී වෙනවා.මව ගේ උණුසුම , දයාව, ආදරය , කරුණාව දරුවාට දැනෙනවා . කිරි දීම හා කිරි බීම කොතරම් වැදගත්ද කියලා මෙයින් අපට හිතා ගත හැකියි. සෙසු කාරණා හතරත් එමෙන් ම වැදගත්.මවගේ ක්‍රියා සඳහා දරුවා දක්වන ප්‍රතිචාර මේවායේ ගැබ්වෙලා තිබෙනවා.

දරුනැළවිලි ගී මේ සඳහා විශාල බලපෑමක් කරනවා. අපේ පුරාණයේ සිට පැවත එන නැළැවිලි ගී ගැන සිතා බලන විට ඒ බව පැහැදිලි යි. නැළැවිලි කව් ගී , පරිසරය , ජීවන රටාව, ආගමික විශ්වාස , සංස්කෘතිය හා සමඟ සබැඳියාවක් සහිතයි. සිරිත් විරිත් , ගුණ ධර්ම ඒවා ඇතුළෙ දකින්නට පුළුවන්.

දරුවන් ගේ පෞරුෂ සංවර්ධනයට ඉවහල් වන දරුනැළවිලි කවියක් තමයි මේ ;

ඔන්න බබෝ ඇතින්නියා

ගල් අරඹේ සිටින්නියා

රණබටකොළ කඩන්නියා

බබුට බයේ දුවන්නියා

මේ කවිය අහන දරුවා එහි රිද්මය හා ගායන විලාසයට නැළවෙනවා. නිදා ගන්නවා.දරුවා ලොකුමහත් වෙන කොට අර්ථය වටහා ගන්නවා. දිනෙක අලියෙකු දකිනවා. කළුම කළුපාට ලොකු ඇඟක්. වංගෙඩි වගේ කකුල්. කුලු වගේ කන්. එහෙ මෙහෙ කරකවන දිග හොඩේ.

දරුවා තම මතකය අවදි කරනවා. මෙයා තමයි මට බයේ දිව්වෙ එහෙනම්. ළමයා අලියට බිය වෙන්නෙ නැහැ.එදා දරුවා නළවන විට අම්මා හිතට දුන් දේ ළමා පෞරුෂයට බල පෑ අපූරුව.

මේ ගී යේ තුන්වැනි පදය ඒ ඒ පළාත් අනුව වෙනස්වන අවස්ථා අපට හමුවෙනවා.

" ගලින් ගලට පනින්නියා "

"කොබනිය කොළ කඩන්නියා "

ආදී වශයෙන්.

අපේ ඤාති සම්බන්ධතා ඉතා ප්‍රබල යි. ඒවා ගැනත් නැළැවිලි කවිවල තිබෙනවා.දරුවා ළමාවියට පත් වෙන කොට නෑකම හඳුනා ගන්නවා.ඒක නෑ සබඳතා පවත්වා ගෙන යන්න පිහිට වෙනවා.

පුතේ නු⁣ඹේ ලොකු අම්මා

අතේ කාසි නැත නිම්මා

බසේ මියුරු තෙප ලම්මා

කනේ අරුංගල් දැම්මා

පුතේ මෙනුඹ දොයි දොයියා

ගතේ එරන් පැහැ දෙයියා

අතේ වළල්ලක් ලයියා

ඔන්න පුතේ ලොකු අයියා

පුංචි අම්ම සී දේවී

නුඹට හිනා මල් දේවී

හඳ මාමා පෙන් නාවී

දිළිසි දිළිසි හිනැ හේවී

ඤාති චරිත ගැන කියැවෙන මේ ගීවලින් ලොකු අම්මා ධනවත් කෙනෙකු බව හා අරුංගල් තෑගි කළ බව ,පුංචි අම්මා ගේ හිනාව , ලොකු අයියා දුන් තෑගි ගැන දරුවා ලොකු වන විට හඳුනා ගනී. පරිත්‍යාගය යන ගුණය ගැන සංවේදී වෙයි.

නුඹෙ අම්මා ඉතා කළුයි

නුඹෙ අප්පත් ඉතා කළුයි

නුඹ නළවන මාත් කළුයි

නුඹ විතරක් තල එළලුයි

එකි⁣නෙක අතර වෙනස හඳුනා ගැනීමටත්, තමා සුවිශේෂී බවත් ,දරුවා හඳුනා ගනියි .එහි පෞරුෂය සම්බන්ධයෙන් සමාජානුයෝජනයක් අපට දැකිය හැකිය.

මා මෙය අවසන් කරනුයේ රත්න මුත්තෙට්ටුපොළ කිවිඳුන් තැබූ සටහනක උපුටා ගත් කොටසකිනි.

" අද දරුවන්ට තාල නෑ. රිද්මයක් නෑ. සං⁣වේදී බවක් නෑ. රස විඳීමේ හැකියාවක් නෑ. සිත් ගල්වෙලා. එදා මිනිසුන් හීලෑ වුනේ නැළැවිලි

කවියෙන් අම්මා ගේ උකුළේ ඉඳලාමයි."

මේ වචන ටික ඇතුළෙ කියැවෙන දේ ඔබ අවධානයට ගනු ඇතැයි මම සිතමි.

කේ.එල්.ගුණවර්ධන

2017.08.01.

පසු ගිය දිනක පොල්ගහවෙල සිංහ සමාජය මගින් මෙහෙයවූ වීරඹුගෙදර ප්‍රදේශයේ වැඩිහිටියන් සදහා වන ඇසේ සුද ඉවත් කර කාච බද්ධ කිරීමේ වැඩසටහනේ එක් අවස්ථාවකට සහභාගි වෙමින්.

| ගැහැණිය |

#දෙවියන්වහන්සේ ගැහැණිය නිර්මාණය කිරීමෙ කාර්ය යේදී සය වන දින මධ්‍යම රාත්‍රීයත් එලැඹිණ..

දේවදුතයෙක් ඔහු වෙත පැමිණ

"ඇයි මෙතරමි කාලයක් මේ වෙනුවෙන් ගත කරන්නේ..?"

"" ඔබට අනුමාන කල හැකිද මැයව කෙතරමි සංකීර්ණ පිරිවිතර ප්‍රමාණයක් අඩංගු කරමින් එකලස් කරාද කියලා.?""

""මැය ඔනෑම දුශ්කර තත්වයක්,අවස්ථාවක් මැද්දේ උවත් ක්‍රීයාත්මකයි..""

""මැයට එකවර දරැවන් කිහිප දෙනෙකු උවත් වැලද ගත හැකියි..""

""මැයගේ එක් වැලදගැනීමකින් තැලුනු දනහිසේ සිට බිදුනු හදවත දක්වා සියල්ල සුවපත් කල හැකියි..""

මෙ සියලු කල යුත්තේ ඇයගේ අත් දෙකෙන් පමණයි..""

ලෙඩවූ විට ඇයම පිලියම් කරගනිමින් දිනකට පැය 18ක් වැඩ කරයි...""

පැහැදීමට පත් දේවදූතයා..

"මෙ සියල්ල මැයගේ අත් දෙකෙන් පමණක්..? හිතාගන්න වත් බෑ.!!එතකොට මේ සමිමත ආකෘතියක් ද..???"

දේවදූතයා මදක් ලංවී ඇයව ස්පර්ශ කලේය..

"මැයව මෙතරමි මෘදු ස්වභාවයෙන් නිර්මාණය කලේ ඇයි සමිඳාණන්වහන්ස..?"

""ඔව්.. ඇය මෘදුයි..""

ඒත්,මම ඇයව ශක්තිමත් කර තිබෙනවා.ඇයට මුහුණ දී ජයගත හැකි දේ ඔබට හිතාගන්න වත් බෑ ""

"ඇයට සිතන්න පුලුවන්ද ?" දේවදුතයා විමසීය.

"" ඇයට සිතන්න පමණක් නොව ඇයට තර්කානුකූලව කරැනු ඉදිරිපත් කරන්නත් පුලුවන් ""

දේවදුතයා ඇයගේ කමිමුල් ස්පර්ශ කලේය..

"ස්වාමීනි,

මේ නිර්මාණයෙන් යමක් කාන්දු වෙනවා පෙනවා!

ඔබ මැය මත බොහෝ බර තබා ඇති නිසා විය හැකියි"

දෙවියන්වහන්සේ එය නිවැරදි කරමින්..

""ඒ කදුළු""

"ඒ කුමක් වෙනුවෙන් ද?"

""කඳුළු යනු ඇගේ ශෝකය,ඇයගේ සැක සංකා, ඇගේ ප්‍රේමය, ඇගේ තනිකම, ඇගේ දුක් වේදනා සහ ඇගේ අභිමානය ප්‍රකාශ කිරිමක් වේ...""

දේවදුතයා තව තවත් පැහැදීමට පත් වි..

"සමිඳාණන්වහන්ස.. ඔබේ බුද්ධීප්‍රභාව ශ්‍රේෂ්ඨයි.. ඔබ සියල්ල කල්පනා කළා..

#කාන්තාවක්_නියත_වශයෙන්ම_විශිෂ්ටයි "

""ඇත්ත වශයෙන්ම ඇයට පිරිමියෙකු පුදුමයට පත් කල හැක...

ඇයට දුක් කරදර කන්දරාවක බර රැගෙන යාමේ හැකියාව ඇත.

ඇයට ආදරය සතුට සහ අදහස් සිරකරගෙන සිටීමෙ හැකියාව ඇත..

#කෑමොර_දීමට_සිතෙන_විට_සිනාසීමෙ_හැකියාව ඇත..""

#හඩන්නට_සිතෙන_විට_ගීතයක්_මුමුනයි..

සතුටක් ඇතිවු විට හඩයි.. බියක් ඇතිවු විට සිනා සෙයි..

ඇය විශ්වාස කරන දේ සඳහා සටන් වදියි.

ඇගේ ආදරය කොන්දේසි විරහිත වේ..""

සමීපතමයෙකු මිය ගිය විට සිත බිදී යන මුත් ඇය ජීවිතය ඉදිරියට ගෙන යෑමට ශක්තිය ලබා ගනියි " දෙවියන්වහන්සේ කීය..

"එසේ නමි මැය පරීපුර්ණ කෙනෙක්.. "

""නැත..""

මෙහි එක් දුර්වලතාවයක් ඇත.""

""ඒ ඇයට නිතරම අමතක වෙනවා තමන් කෙතරමි වටීද යැයි කියා..!!""

| ගැහැණිය උපුටා ගැනිමකි..

Now it's easier to send PRIYA Abayarathne a message.