D.r /Shefaa El Sadek

الشلل الدماغي عند الاطفال ( cerebral pulsy ) :
- هو حاله مرضيه ف الجهاز العصبى تحدث بسبب نقص نسبه الاكسجين عند الطفل .
اسبابها :
1. اثناء فتره الحمل تعرض الام للاشعه السينيه أو شربها الكحوليات أو التدخين ..الخ
2. اثناء الولاده استخدام الطبيب للشفاط ( ventouse ) .
3. بعد الولاده وده بسبب مرض شائع جدا بيجى للطفل وهو الصفرا ( jaundice ) وكتير من الأمهات بتهمله بالرغم أن أضراره كتيره جدا منها cp او الشلل الدماغي .
أعراضه اى :
1.نوبات الصرع
2. اضطراب المشى
3.صلابه العضلات
4.اضطراب الكلام
*قد يصاحب ال cp اعاقه ذهنيه للطفل وقد يكون لا .
تتزايد إعداده فى مصر بحوالى 3 مليون طفل مصاب .
هو مرض غير وراثى وليس مميت.
التشخيص :
1.من اول الشهر الرابع مبيكونش فى head support للطفل يعنى راسه بتقع منه وبيكون جسمه مرخى.
2. عند سن 7 شهور الطفل مبيعرفش يقعد حتى مع support زى ما قولنا بيبقى جسمه مرخى خالص .
3. الإنتباه بيكون قليل جدا عن الطبيعى .
العلاج :
لحد الان مفيش غير علاج وحيد وهو العلاج الطيبعى ( وده هنتكلم فيه لوحده بالتفصيل ) ، لكن فى ادويه بتساعد وهى بتبقى اجتهادات شخصيه من دكاتره زى argenin ودى عشان تقوى الجهاز العصبى والعضلى وفى بعض العمليات زى spr ودى بتتعمل ف دول برا مصر زى اسبانيا .

* وطبعا واهم نتفادى الاسباب عشان نتفادى المرض ❤️ 🤍

الجفاف عند الاطفال ( dry children ) :
واحد من أهم وأخطر الأمراض ال بتيجى لجميع الفئات العمريه نتيجه قله السوائل وبالأخص بتيجى للاطفال والرضع بشكل كبير .

اى هى اهم أسبابه :
١- الاسهال , وده بيخلى الطفل يفقد كميه كبيره من السوائل الموجوده في جسمه .
٢- القئ الشديد , وبالتالى بيفقد الطفل اهم الأملاح وبيفقد سوائل بنسبه كبيره .
٣- الارتفاع الشديد ف درجه حراره الجو ف بيتعرض الطفل للعرق الشديد وده بيسهل فقدانه للسوائل .
٤- ادرار البول بكميه كبيره عن المعدل الطبيعى بسبب الأمراض المختلفه أو بعض الادويه زى مثلا ( Amiloride , Bumetanide ) .

اهم أعراضه اى :
١- الطفل بيشعر بعطش شديد .
٢- جفاف الجلد وفقدان المرونه والحيويه وبالأخص في مناطق الرقبه والبطن وبين الاصابع .
٣- قله نسبه التبول عن المعدل الطبيعى .
٤- جفاف الشفتين مع تقشر جلد الطفل .
٥- ارتفاع درجه حراره الطفل .

بنعالجه ازاى : ( treatment )
١- بنستخدم محلول معالجه الجفاف ، وبنحدد كميته عن طريق أننا بنضرب وزن الطفل × 5 .
٢- الرضاعه الطبيعيه مهمه جدا وتجنب المشروبات ال فيها صودا أو كافيين .

D.r /Shefaa El Sadek updated their website address.

سمنه الاطفال " child obesity "

- سمنه الاطفال حاله طبيه خطيره ومشكله عالميه ، فهى بتعرض طفلك لخطر المشكلات الصحيه ف المستقبل .

* اسبابها اى بقا :
١- الخمول وعدم النشاط البدنى
٢- تناول الكثير من الاطعمه وخاصه ال بتحتوى على كم كبير من السعرات الحراريه ( معظم حبوب الافطار - العصير المعلب - صلصه المكرونه - البطاطس المقليه - السكريات )
٣- استخدام طفلك الاجهزه والموبايل لساعات متواصله
٤- عوامل وراثية
٥- حالات هرمونيه زى ( hypothyroidism- حالات داون - حالات ternar )

* اعراضها اى بقا :
١- تمدد على الوركين والبطن
٢- اضطرابات الأكل
٣- بشره داكنه حول الرقبه وفى مناطق أخرى
٤- ضيق التنفس عند النوم وثناء النشاط البدنى
٥- الامساك احيانا

* ازاى بنشخص الطفل ونعرف أن عنده سمنه :
- باستخدام حاجه اسمها (BMI) وهى مؤشر كتله الجسم
لو كانت 95٪ او اكتر فبنعتبر الطفل ده عنده سمنه

* نعالجه ازاى بقا :
١- أننا نغير سلوك الطفل الغذاءى
٢- نبعد عن أننا نعاقبه أو نكافئه بالاكل
٣- المشروبات الغازيه طبعا ممنوعه
٤- نشجعه أنه يشرب مايه كتير
٥- مزاوله النشاط البدنى يوميا لمده ساعه زى أنه ( يلعب كوره - السباحه - نط الحبل )


*** وطبعا ف الآخر لازم نقول إن الوقايه خير من الف علاج ***