Doaa Abdel-Moniem
if you face life traumas, shocked or suffered from toxic relationships. I can help women suffering t
شويه نصائح الواحد كان يحب يعرفها بدري عن كده
١.استثمر في عيلتك علشان محدش هيحبك ولا هيخاف عليك زيهم
٢.أوعي تعيط علي حاجه فاتت ومكنتش من نصيبك علشان هي أكيد مش خير و ربنا مش هيكتبلك غير الخير
٣.حط كل واحد في مكانه الصح ومتديش حد أكبر من حجمه علشان أول ما بيشوف نفسه بيشوف نفسه عليك
٤.أخر وأهم نقطه الحياة قصيرة جدا انك تخلي جواك كلام نفسك تقوله لحد علشان محدش ضامن عمره بس الندم بعد ما يكون مش موجود في الحياه صعب قوي
عجيبه قوي المشاعر دي والبشر اعجب منها
ان ممكن حد يوصلك بتصرفاته وكلامه انه ميبقاش ليه اي قيمه عندك .
لا وتقفل منه خالص بعد ما كان ليه قيمه كبيره في حياتك
والعكس صحيح ان ممكن حد تقول دا اخر حد في الدنيا بس يدخل قلبك بكلمه حلوه
العلاقات زيها زي الزرع هتسقيها مهما كانت جافة لازم هتطرح في يوم من الأيام
ولو اهملتها هتموت.
الوقت عمره ما كان متأخر إنك تقفل كل أوجاع وصفحات الماضي وتنوي وتكون عايز من جواك إنك تبدأ صفحة جديدة
تتعلم من أخطائك ( علشان إحنا مش ملايكه وكلنا بنغلط) وتغير حياتك للأحسن
بس إنت بس خد النيه وإبدأ 😊
وأن ليس للإنسان إلا ما سعي وأن سعيه سوف يري
الواحد مع ان ذاكرته زي ذاكره السمكه بس فاكر كلمات من وهو صغير لحد دلوقتي
كلمات اتقالت سايبه اثر يا بالسلب يا بالإيجاب لحد وقتنا هذا
ماتستهونش أبدا بالكلمة الجارحة
دي تأثيرها أشد من السهم
ومتبخلش بكلمه حلوه دي قادره تغير مود وحياة حد ١٨٠ درجه
"انتي عصبيه أووي" 😡
بنسمع الجملة دي ساعات كتير بس لمعلوماتك مفيش حد بيبقى عصبي من فراغ
للأسف ضغوطات الحياة بتحط الواحد في موود بيبقى غصب عنه مش مستحمل أي ضغط عصبي تاني 😏
فكل واحد يلتمس العذر لغيره لان الانفجار اللي بيحصل ده بيكون غصب عنهم استحملوهم لحد ما المرحله دي تعدي وحاولوا تقفوا معاهم وتدعموهم ❤️
كل واحد فينا عنده ابتلاء شكل
كل واحد ابتلائه علي حسب اللي يقدر يستحمله (لا يكلف الله نفسا الا وسعها)
فاحنا مش في سباق مين ابتلائه اشد حسوا ببعض وهونوا علي بعض
الحياه لوحدها صعبه بما فيه الكفايه
صحيت من النوم مخنوقه وبفكر في موقفين فقط ليه حصلي كده؟؟؟وليه متصرفتش التصرف الفلاني من الاول ؟؟؟وليه وليه؟؟؟
وربنا هداني ووقفت وقفه مع نفسي
طيب بدل ما انا مش بافكر غير في دول تعالي نعد كام موقف فيه نعمه من ربنا ؟
🔅كام موقف حصلي والدنيا مشيت بطريقه معينه كان في قمه الستر واليسر وكان احسن اختيار؟؟؟
🔅الصحه التي لا تقدر بمال
🔅الستر
🔅الاهل
🔅الصحبه الجدعه اللي بتضحكي معاهم من قلبك
وغيره وغيره وغيره اللي لو عدينا مش هنخلص
بس احنا بس اللي بنحب نقتل نفسنا ونركز ونفكر في الوحش بس
اللهم لك الحمد حمدا طيبا مباركا فيه كما ينبغي لجلال وجهك وعظيم سلطانك علي كل جميع نعمك
والحمد لله
أخصائي تعديل سلوك اطفال كمان 😊
الحمد لله الذي بنعمة تتم الصالحات
تم اليوم رسمياً إستلام شهادة دبلومة
١. الصحة النفسية
٢.الإرشاد الأسري
٣. تحليل رسوم الأطفال
المعتمدة من جامعة عين شمس
أسأل الله ان ينفعنا بما علمنا ، وأن يعلمنا ما ينفعنا وأن يزيدنا علماً ♥️
الناس بتستغرب قوي من تغيرك معاهم معرفش ليه 🤷♀️
علشان الواحد منهم ميعرفش ان الغلاوه والحب والموده ما هما الا رصيد لو مستثمرش بيقل
وبيفضل يقل لحد ما يروح خالص للاسف
والرصيد ده غير قابل للشحن مره اخري لو خلص😔
استثمروا كويس مع الناس اللي بتحبوهم ❤ بدل ما الرصيد يخلص وتندموا
صباح الخير🥰
عدت سنه كانت مليانة اللهم لك الحمد بالنعم الكتييييييير بفضل الله.
🔹️اتعلمت فيها حاجات كتير قوي علي سبيل المثال أولها وأهمها المواقف بتبين فعلا مكانتك في قلوب الناس.
🔹️في مواقف ابسط مما يكون بتعرفك اللي في قلب الناس ليك بس للاسف بتكدب نفسك ومش بتصدقها (نصيحه لله صدق احساسك الداخلي قوي).
🔹️اتعلمت ان محدش هيحبك حب غير مشروط ولا هيتقبلك زي ما انت غير عيلتك ❤وبعض الأصدقاء 🥰
🔹️أخدت كورسات وطورت من نفسي بفضل الله ودماغي أختلفت تماما.
🔹️ناس خرجت من حياتي ومتبسطش بده (بس أكيد لحكمه من ربنا هو أعلم بيها)بس في نفس الوقت اتعرفت علي ناس كتييييير كلهم أحسن من بعض.
اللهم لك الحمد علي نعمك حمدا طيبا مباركا فيه.اللهم ديم علينا نعمك وسترك وارزقنا حسن خاتمه.❤
اوعي تبص وراك غير لو هتتعلم درس معين من الماضي واطمن واتأكد ان مفيش حاجه بتحصل غير وليها حكمه من ربنا هتعرفها في الوقت المناسب 😊
ممكن يحصل موقف حلو من حد يقربك منه بعد ما كان بعيد
او العكس موقف وحش يخليه عادي بالنسبالك بعد ما كان قريب
فسبحان مغير مقام الناس في القلوب
ماتحكمش علي حد ما اتحتطش في مكانه
ماتحكمش علي حد ما مرتش باللي مر بيه
بلاش نعيش دور الملايكة في الحكم علي الناس
كل واحد بيغلط غلطه مش بيشوفها اصلا
بس بيعرف يشوف غلطات الناس بمكبر
كفايه ادعاء للمثاليه واشغل نفسك باصلاح نفسك
❤
No body can fight all his battles
محدش يقدر يحارب كل معاركه
جملة قراتها وعجبتني جداااا وبالصدفه مريت بموقف اكدها لي
👈مش لازم تحارب وترد وتبرر في كل المواقف اللي بتمر بيها
ساعات التجاهل والصمت وترك الرد للأيام هو أحسن وأبلغ تصرف ممكن الأنسان يعمله
لان في مواقف مجرد الوقوف عندها أو ان تخليها تاخد حتي لو جزء بسيط من تفكيرك يعتبر مضيعة كبيرة للوقت
صباح الخير والسعاده 🥰
الفله دي كانت عبارة عن خشبه من غير أي ورق وافتكرت إنها ماتت ودلوقتي بدأت تطلع ورق تاني سبحان الله من مجرد حتة خشبه 😍
زيها زي الحياة أما بيحصل حاجة تخليك تفتكر ان الحياة وقفت وانها اخر الدنيا 😑
يحصل بعدها حاجات تانية من كرم ربنا علينا تثبت لك وقتها إنها عمرها ما هتقف علي موقف معين ولا هتقف علي حد وإن الحياة مستمرة❤
Never Give Up🥰
أخصائي صحة نفسية وأرشاد أسري
معتمد من جامعة عين شمس
أخصائي تعديل سلوك أطفال
وتحليل رسوم أطفال
معتمد من جامعة عين شمس 😊
للتواصل برجاء أرسال رساله علي الصفحه
مش معني ان حد بينصحك معناه ان الشخص ده حد كامل
بلاش نقول جملة "شوف مين بيتكلم" أو "أنصح نفسك انت الأول "
🔅يمكن اللي بينصحك نفسه يشوفك احسن منه
🔅يمكن اللي بينصحك قلبه عليك
🔅يمكن نفسه يوصل للجزء ده ومش عارف
🔅يمكن نفسه يبطل ذنب معين ومش عارف وبيتمني محدش يقع فيه
أحسنوا الظن في الناس 😊
❤
اللهم امين❤
من فتره ركزت كده فلاقيت ان عندى على حساب الفيسبوك عدد أصدقاء مجرد رقم
فقررت اني اراجع نفسي في الناس الموجوده عندي علي الفيس بوك وبالفعل شيلت ناس كتييير منهم
مش ده المهم....
المهم ان بعد مرور وقت مش كتير
لاقيت الليست زادت تاني
وبفضل الله ناس اقل حاجه اقدر اقولها عنهم انهم فعلا نعمه كبيره جدااااا ليا
كلنا بنخاف من التغيير ومن اننا نخرج بره ال comfort zone بس ده ساعات بيكون علامة صحية جداااا وبيغيرنا وبيغير اختيارتنا للاحسن 🥰
❤
صباح الخير والسعاده ❤
🔅اكثروا من الصلاه علي النبي
"اللهم صل وسلم وبارك علي سيدنا محمد"
🔅ادعوا باللي نفسكم فيه بيقين فالدعاء كالسحر
🔅استغفروا فبه تُفتح مغاليق الأمور وبالأستغفار تُستمد الأرزاق وتُستمطر الرحمات
🔅تفائلوا بأن الخير قادم لا محاله
جمعه مباركه عليكم جميعا 🥰
كلنا بنغلط ودا عادي علشان أحنا مش ملايكة 😊
بس الناس اللي من جواهم عمرهم ما حبوكي بجد بيشوفوا غلطاتك بمكبر وللأسف عمرهم ما شافوا عيوبهم وغلطاتهم.
🔹️تقبلي أنك بني أدم مش ملاك
🔹️أشتغلي علي نفسك وطوري من نفسك ومتكرريش غلطاتك
🔹️شيلي الناس دي من حياتك علشان وجودهم ضرر نفسي كبير أكتر من ضرر بعدهم
❤
صباح الخير والرضا واليقين بأن الخير قادم لا محاله 🥰
❤
كل عام وانتم بخير 🥰
وعيد أضحي مبارك عليكم
تقبل الله منا ومنكم صالح الأعمال
❤
أي كلام جواك حابب تقوله لحد متأجلوش لبكره علشان الله أعلم هيكون هو موجود بكره ولا لا؟؟؟؟؟
علشان إحساس الندم اننا مقولناش للي فقدناهم قد ايه احنا كنا بنحبهم وقد ايه هما غاليين علينا احساس وحش جداااااا 😢
قولوا كل اللي جواكم اول باول سواء كلمات حب اوامتنان او عتاب ومتاجلوش التعبير عن احساسكم ابدا
كن علي يقين ان اختيارات ربنا كلها خير لو بعد عنك حاجه من وجهة نظرك كويسه تأكد انه هيرزقك خير منها اضعاف 😊
جمعة مباركة عليكم 🥰
❤
"أنا حياتي انتهت ومبقاش ليها معني ومش قادرة أكمل😏"
بنسمع الجملة دي كتير بس أوعي تسيبي أي موقف أو تجربه توقف حياتك لأن كل موقف بتعدي بيه بيأثر في شخصيتك وفي طريقة تفكيرك
ولو رجع بيا الزمن مش هاغير أي حاجه من أخطائي علشان لو مكنتش عديت بالمواقف دي كان الله أعلم ممكن اقع في أيه أكبر
حاولوا تبصوا علي المحن بشكل إيجابي وان فيها منح كتير وبتبني شخصيتك وبتصحح بصيرتك🥰
❤
اول مقال عني في الأهرام ويكلي😊🥰
باشكر كل الشكر الصحفية الجميلة مي سميح اللي أتاحت لي الفرصه دي كل الشكر والتقدير ليكي وربنا يوفقك دايما❤️
Finding a new life through therapy - Living - Al-Ahram Weekly - Ahram Online https://english.ahram.org.eg/News/414835.aspx
❤
Finding a new life through therapy - Living - Al-Ahram Weekly Mai Samih finds out how it is possible to bounce back from a traumatic experience and lead a more positive life
"كنت فين لما احتاجت لك"
الجمله دي بتختصر علاقتك باللي حوليك
علشان الجمله دي بتبين حقيقة علاقتك بالناس ومين فيهم كان موجود لما احتجت لهم و مين وقف جنبك ومين عمل مش من هنا.
الأفوره في التعبير عن علاقتك بالناس هي أساس المشكله
دا أكتر من أخويا
دي صحبة عمري
وغيرها من عبارات بتعلي سقف التوقعات جدا
أحكم علي الناس بعد المواقف اللي بتعدي بيها مش قبلها😉
"كله بالوقت بيعدي" بس إنتي اللي بتستعجلي 😉
هتتعودي علي بعد ناس كنتي عمرك ما تتخيلي انك هتعرفي تبعدي عنهم
ومش بس كده حياتك هتمشي عادي من غيرهم.
إصبري بس انتي شويه علشان الموضوع بياخد شوية وقت علي حسب قرب الشخصية دي منك وغلاوتها عندك
بس انتي أهم حاجه متسبيش نفسك للفراغ علشان هو قادر يقتل كل حاجه
❤
الحمد لله الذي بنعمة تتم الصالحات
تم اليوم رسمياً إستلام شهادة دبلومة
١. الصحة النفسية
٢.الإرشاد الأسري
٣. تحليل رسوم الأطفال
المعتمدة من جامعة عين شمس
أسأل الله ان ينفعنا بما علمنا ، وأن يعلمنا ما ينفعنا وأن يزيدنا علماً ♥️
كل عام وانتوا طيبين وبخير وسعاده وراحة بال 🥰
تقبل الله منا ومنكم صالح الأعمال ❤
محدش بيعرف يشوف الحقيقة بقلبه سواء حقيقة الأشخاص أو حقيقة المظلوم أو حقيقة المواضيع.
أقفل عين القلب وبص بعقلك علشان عين العقل أبصر بكتييييييير من عين القلب.
ساعتها وساعتها بس هتقدر تشوف حقيقة كل حاجه حوليك 😊