DR.Maha Kids Clinic

❇ كتير من الأمهات بيبقوا متخوفين جدا من موضوع حساسبه الطعام عند أطفالهم وخصوصا عند بدايه دخول الطعام

❇ تعالوا نعرف ليه الحساسيه بتحصل و ايه اكتر الاطعمه اللى ممكن تحصل معاها وكمان بنعرف ازاى ان الطفل عند تحسس من طعام معين 👌👌

❇ الحساسيه بتحصل نتيجه فرط فى رد فعل الجهاز المناعى ضد طعام معين .. واللى بتزيد نسبه حدوثها 40 فى الميه لو أحد الاباء عنده اى نوع من انواع الحساسيه

⛔ أكثر الوجبات الي ممكن الطفل يتحسس منه
توت
شوكلاتة
قرفة
حمضيات
جوز الهند
الذرة
مكسرات و الفول السوداني
حليب البقر
بياض البيض
بازيلاء
سمك
موز
طماطم
قمح
خميرة
فراولة

✳ اقل الوجبات الي ممكن الطفل يتحسس منه
تفاح
مشمش
افوكادو
بروكلي
جزر
دجاج
تمر
عنب
مانجا
شوفان
خس
زبيب
سلمون
قرع
بطاطا حلوة
لحمة

✅ عشان كده لما ندخل الوجبات الاكثر احتمالية ان يحصل منها تحسس ، نعطي كميات قليلة ، و نراقبه ، لو ماحصلش تحسس ، يبقى الامور تمام ، اذا تحسس ، الافضل نوقف الطعام ده شهرين الى ثلاثة شهور و نرجع نعطيه تانى بس ... ⛔⛔
بعد استشارة الطبيب و تقييمه لشدة التحسس .👩‍⚕️👨‍⚕️

✅ اعراض التحسس
سيلان بالانف ، طفح جلدي ، اسهال ، ترجيع، تورم اللسان ، و بعض الاحيان كحة و صعوبة او صفير عند التنفس

دمتم وأطفالكم بكل خير 🤗

👩‍⚕️د.مها عبد العاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

تعالوا نتكلم النهارده عن موضوع مهم وبنشوفه كتير فى العياده .. أمهات كتير أول ماالطفل يصاب بالاسهال .. أول حاجه يعملوها يعطوا الطفل الفلاجيل وده يعتبر تصرف غير صحيح للأسف وكتير بيكون بدون داعى‼ 😔

🔺️ طيب عشان ايه بدون داعى 🤔 👈لان الاسهال هو عرض وليس مرض يعني بيحصل نتيجة امراض مختلفة وكل مرض يسبب الاسهال له طريقة معالجة خاصة به👇
♦️الاسهال ممكن يكون بسبب متلازمة القولون المتهيج وهنا علاجه مش الفلاجيل 😑.

♦️والاسهال ممكن يكون بسبب زيادة بنشاط الغدة الدرقية وعلاجه مش الفلاجيل 😑.

♦️والاسهال ممكن يكون بسبب قلق وضغط نفسي وعلاجه مش الفلاجيل😑 .

♦️والاسهال ممكن يكون بسبب تاثير جانبي لعلاج مثل Omeprazole او بعض المضادات الحيوية وعلاجه مش الفلاجيل 😑.

♦️والاسهال ممكن يكون بسبب مرض inflammatory bowel disease مثل تقرح القولون وعلاجه برضه مش الفلاجيل😑 .

♦️والاسهال ممكن يكون بسبب فيروسي وعلاماته هي انه يكون مائي وليس شديد وارتفاع بسيط بدرجة الحرارة وهو الشائع في الاطفال وعلاجه مش الفلاجيل😑
♦️والاسهال ممكن يكون بسبب بكتيري وعلاماته انه يكون فيه blood or mucus( دم او مخاط)وشديد ومعه ارتفاع شديد بدرجة الحرارة وعلاجه مش الفلاجيل😑 .

♦️والاسهال ممكن يكون بسبب الديدان مثل الاسكارس وعلاجه مش الفلاجيل 😑.

♦️والاسهال ممكن يكون بسبب secondary infection (التهابات ثانوية)في الجهاز التنفسي وهنا علاجه برضه مش الفلاجيل 😑.

♦️والاسهال ممكن يكون بسبب intussusception وهي حالة جراحية طارئة وعلاجه مش الفلاجيل😑 .

♦️والاسهال ممكن يكون بسبب حساسية من طعام معين وعلاجة مش الفلاجيل😑 .

🔷️ الفلاجيل فقط👈👈 يعالج الاسهال الذي يحدث بسبب الطفيليات مثل الجيارديا والاميبيا وعلاماته :

✔ انه قد يحتوي على دم او مخاط او يكون دهني
✔ وغياب ارتفاع بالحرارة او ارتفاع بسيط وكونه يستمر لفترة طويلا نوعا ما .

🔷️عرفتو انتوا بتحبوا الفلاجيل أد أيه 😁 وهو
لا يغني ولا يسمن من جوع 👌👌

🔷️لازم نتعاون وننشر الثقافة الطبية الصحيحة
عشان بالنهاية نقدر نحمي اطفالنا ونخليهم ينشئوا نشأة صحيحة 😊

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

طبعا دخلنا على الصيف وكل الأمهات بيعانوا من حمو النيل ومشاكله مع أطفالهم 🤕 طيب تعالوا نعرف ايه هو حمو النيل وازاى نتجنب حدوثه وطريقه علاجه

✍️اولا ماهو حمو النيل ⁉️
🔸حمو النيل هو #طفح جلدى #أحمر اللون يظهر على الجسم فى وخصوصا شهرى (يوليو وأغسطس ) على هيئة #حبوب ويظهر عند الكبار والأطفال أى انه لا يرتبط بعمر أو سن معين ولكنه اكثر انتشارا عند الأطفال ...

👈 #مرض حمو النيل مرتبط بدرجة حرارة الجو بمعنى انه كلما زادت #حرارة الجو أدى ذلك الى تعرق الجسم بسبب إرتفاع نسبة الرطوبة ...

✴️ويظهر حمو النيل بالترتيب كالآتى على الرقبه والصدر والظهر ثم يبدأ فى الظهور على الزراعين..
👈ومن المفترض فى هذه الحاله وبجرد ظهوره الأسراع فى #العلاج وعدم التهاون فيه حتى لا تظهر الدمامل نتيجة حك الاظافر فى الجسم ومن الممكن ان تترك علامات على الجسم حتى بعد الشفاء منه....
⛔كيف نقى الطفل من حمو النيل ⁉️

👈🔸 ارتداء الملابس القطنية خاصة الداخليه....
👈🔸 تهوية المنزل يوميا...
👈 🔸تغيير المفروشات كل يومين و استخدام المفروشات القطنيه ...
👈 🔸الاستحمام يوميا بماء فاتر وليس بارد او ساخن وذلك لترطيب الجسم ونظافته بصوره يوميه ...
👈 🔸قَص الأظافر بصوره مستمره. .
👈🔸 عدم التعرض الطويل لأشعة #الشمس.
👈🔸 التهويه أثناء النوم التكييف عادى على درجة ٢٦ أو مروحة سقف او #مروحه استاند غير موجهه على الطفل مباشرة وذلك كله لتجنب التعرق....
👈🔸 الرضع أثناء النوم على الأم ان تقلبهم باستمرار حتى لايعرق الطفل و يظهر حمو النيل ونضع فوطه قطنيه تحت الطفل لتمتص #العرق ...

⛔ ماهو #علاج حمو النيل ⁉️

👈 الاستحمام يوميا بماء فاتر كما ذكرنا من قبل ...
👈 دهان لوسيون مرطب للجسم مثل كلامينا او برينجو على الجسم ٣-٥ مرات يوميا
👈 واذا زادت الحكه عند الطفل من الممكن استخدام #مضادات الحساسيه عند اللزوم مثل زيرتك او تليفاست وذلك حسب سن الطفل ....

⛔ متى يوصى بضرورة #زيارة الطبيب⁉️
✴️فى الحالات التاليه 👇

👈🔸 الطفح الجلدى يزداد سوءا مع الوقت.
👈🔸 زيادة الالم أو تورم حول المنطقة المصابة.
👈 🔸خروج #صديد من البثور.
👈🔸 تورم الغدد الليمفاوية فى الرقبه أو الإبط أو الفخذ.
👈🔸 ظهور #ارتفاع فى الحرارة أو رعشه لاقدر الله...

دمتم وأطفالكم بكل خير 🤗
👩‍⚕️د.مها عبدالعاطى شلبى
👩‍🎓أخصائى طب الأطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

فجوه الحديد عباره عن انيميا نقص حديد شديده بتحصل للاطفال وتبفى ذروتها عند عمر ال ٦ شهور لان فى العمر ده حليب الأم و مخزون الحديد عند الطفل مش بيبقوا كفايه😑😑😑

وطبع الحديد مهم جدا لاكتمال وظائف المخ والتطور الذهني والادراكي عند الاطفال غير أنه من أسباب فقدان الشهية الي بيحصل للأطفال قرب عمر السنة.

🔺️طيب ايه الحل؟🤔🤔
تقديم أكل يحتوي على نسب عالية جدا من الحديد و بصورة مناسبة.

الأكل ده ببساطة جدا هو اللحوم الحمراء.🥩🥩

اللحوم الحمراء طعام مثالي يمكن البدء به كطعام أولي يعطى للطفل ونعتبره أفضل مصدر على الإطلاق للحديد و الزنك ..

🔺️امتى ندخل اللحوم الحمراء ؟ 🤔🤔
يفضل الانتظار أسبوعين بعد بداية تقديم الأكل في آخر السادس او للشهر السابع و يكون الطفل تمكن من مهارات الأكل و حركة اللسان الجانبية✅. يعنى مش زى ماكان معروف زمان انه ممنوع قبل السنه ❎

_____________
🔺️أول سؤال ممكن نفكر فيه 👇👇
ليه ما نعطيش السبانخ و الورقيات الخضراء مل هي
مليانة حديد🤔🤔

🔺️ خلينا نجاوبكم ....

الحديد اللي باللحم اسمه heme iron هو الي يساعد على امتصاص الحديد اللي موجود بالخضروات و باقي الأكل.
يعني حتى الحديد اللي بالخضروات محتاج اللحم الأحمر.

_________

🔺 ازاى ️نحضر اللحم؟ 🤔🤔

هنسلقها عادي جدا لحد ما تستوي كويس

نضيف توابل بسيطه باستثناء الملح وتطحن في ماكينة الطعام و تخلط مع قوام الشوربة

اللحم أو البروتين بصفة عامة يفضل يوميا أو يوم و يوم " لحم احمر أو سمك أو دجاج أو بقوليات" من معلقة كبيرة لمعلقتين باليوم و تتحدد الكمية حسب رغبة الطفل والصح نزيده تدريجيا .
______________

🔺️مهم جدا متابعة علامات حساسية من طفح أو اسهال شديد أو مغص،مثل اي نوع أكل.

البيض والسمك والدجاج و الكبده الهم اهمية كبيرة وهم لازم ندخلهم تدريجيا باكل النونو لكنهم ليسوا بديل عن اللحم الأحمر باستثناء الكبده .
____________

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 0114837400

من الحاجات الي بنشوفها كتير بالعياده هي الام الي جايه بإبنها الرضيع - خصوصا اذا كانت ماما لأول مره -..ومن أشهر الشكاوى الي نسمعها هي..ابني وانا شيلاه او بغيرله البامبرز او اغيرله هدومه مفاصله نسمع منها(طقطقة)!!!😢😢😢..وطبعا بتبقى قلقانه ومحتاجه علاج .. طيب تعالوا نعرف امتى نقلق فعلا وامتى لا 😊

👇👇👇

الطبيعي ان احنا نسمع او نحس طقطقه بمفاصل الرضيع (الرسغ او الكتف او اسفل الظهر والركبه) واحنا شايلنه أونحركه وهو في اشهره الاولى من عمره وهذا سببه ان هرمون البروجستيرون انتقل من الام للطفل اثناء الحمل والهرمون ده يسبب ليونه العظم ومفاصل الطفل عشان الولاده تتم بسهوله 😊..وكل ما الطفل يكبر الهرمون ده يقل عنده بالتدريج وصوت الطقطقه بيختفي تماما..

🔺️ 🤔🤔

اذا سمعتي اوحسيتي الطقطقه ومعاها صراخ وبكاء للطفل لا يتوقف وخصوصا مفصل الفخذ ..هذا معناه انه بيتألم وهذا غالبا سببه خلع بالمفصل ولازم تراجعى اقرب دكتور لمعرفة السبب والعلاج الصحيح.👌👌

الخلاصه👈👈👈 صوت طقطقة المفاصل عند الرضيع طبيعي جدا و بيختفي كل ما يكبر شهر بشهر..نقلق لو الطقطقه معاها بكاء مستمر لا يتوقف بسهوله ..

👩‍⚕️د.مها عبدالعاطى شلبى
👩‍🎓أخصائى طب الاطفال وحديث الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

دي تطعيمات للأطفال مش موجودة ضمن التطعيمات الأساسية لوزارة الصحة ولكنها مفيدة للوقاية من الأمراض خصوصا للأطفال اللي بيعانو من أمراض مزمنة.

١- تطعيم الروتا .... عن طريق الفم

(Rotarix ... جرعتين ) أو(Rotateq .. جرعات 3)
للوقاية من النزلات المعوية
🔥 غالبا بندي ال Rotarix جرعتين
🔥 لو حندي Rotateq يبقي 3 جرعات
🚫 تنويه
📌 لا يأخذ قبل عمر شهر ونصف
📌 أخر جرعة لا تأخذ بعد عمر ٨ شهور
📌 أقل فترة مسموحه بين الجرعتين هي شهر (4 اسابيع)

٢- تطعيم المكورات الرئوية ..... حقنة عضل

( Prevenar_13) أو ( Synflorix)
♻ للوقاية من الالتهابات الرئوية وإلتهابات الاذن الوسطي وإلتهابات المخ
🔥 2،4،6،15 شهر (4 جرعات) ... (يمكن للجرعه الرابعه المنشطة ان تعطي حتي عمر 18 شهر)
🚫 تنويه
🔻 لو نسينا ومخدش اول جرعة عند عمر شهرين >>
📌 لو لسه مكملش 6 شهور ياخد ال 3 جرعات الاولي عادي بين كل جرعة والتانيه شهرين (بمعني لو أخد اول جرعه عند عمر 4 شهور ..ياخدهم 4،6،8 ولو اخدها عند عمر 6 شهور يبقي 6،8،10 ) وياخد الجرعه المنشطه ف ميعادها عادي (15 شهر)
📌 لو عمره مابين 7 ل 11 شهر >> حياخد جرعتين بينهم شهر + الجرعة المنشطة ( 15 شهر )
📌 لو عمره من سنه ل سنتين >> حياخد جرعتين بينهم شهرين فقط
?? لو عمره من سنتين ل 17 سنة >> حياخد جرعة واحدة فقط

٣- تطعيم الجديرى المائي .... حقنة تحت الجلد

( Varilrix ) أو ( Varivax)
♻ للوقاية من الجدري
❌ لا يأخذ قبل سن سنه
🔥 لو عمره اقل من 13 سنه >> حياخد جرعتين بينهم 3 شهور
🔥 لو عمره فوق 13 سنه >> حياخد جرعتين بينهم شهر
📌 اللي جاله جدري قبل كده مياخدش التطعيم
📌 لازم نفصل شهر بينه وبين اي تطعيم حي زي ال ( الروتا..نقط شلل الاطفال .. MMR )

٤-تطعيم الإلتهاب الكبدي الوبائي_A .... حقنة عضل

( Havrix )
♻ للوقاية من الالتهاب الكبدي الوبائي A
❌ لا يأخذ قبل سن سنه
🔥 اي سن فوق سنه >> ياخد جرعتين بينهم 6 شهور او ممكن بينهم حتي 18 شهر لو نسينا
🔻 ف منه تركزين
📌 720 للاطفال .. 0.5 مل
📌 1440 للكبار .. 1 مل (بندي الطفل نص الحقنه لو ال 720 مش متوفر )

٥- تطعيم الإنفلونزا الموسمية ... حقنه عضل

( VAXIGRRIP ) أو ( INFLUVAC)
♻ للوقاية من نزلات البرد
❌ لا يأخذ قبل 6 شهور
🔥 لو عمره 6 شهور ل 3 سنوات >> نص الحقنه (0.25 مل)
🔥 لو اكبر من 3 سنين >> الحقنة كاملة (0.5 مل)
📌 تأخذ سنويا ف شهر اكتوبر او نوفمبر وحتى شهر مارس ( جرعة واحده )
📌 ماعدا ف الاطفال من 6 شهور ل 9 سنوات .. في اول مره ياخدوا فيها التطعيم بياخدوا (جرعتين بينهم شهر) وبعدين عادي ياخدو (جرعة واحده سنويا )

٦-تطعيم الإلتهاب السحائى.....حقنة عضل
وموجود منه نوعين

(Nimenrix )
♻للوقاية من الالتهاب السحائى (الحمى الشوكية)
🔥يؤخذ من عمر شهر و نصف فيما فوق
🔥لو عمره اقل من ٦ شهور >> يؤخذ ٣ جرعات عند شهر و نصف &و ٣ شهور و نصف & و سنة
🔥لو عمره اكبر من ٦ شهور >> يؤخذ جرعتين فقط
🔥لو عمره اكبر من سنة >> يؤخذ جرعة واحدة فقط

(Menactra )
🔥يؤخذ من عمر ٩ شهور فيما فوق
🔥لو عمره من ٩ شهور الى ٢٣ شهر >> يؤخذ جرعتين بفاصل ٣ شهور
🔥لو عمره اكبر من ٢٣ شهر >> يؤخذ جرعة واحدة فقط.

دمتم وأطفالكم بكل خير 🤗
👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

تعالوا نتكلم النهارده عن موضوع مهم اوى وكتير جدا بنتسأله



🔹الموضوع فيه أراء شخصية كتييييرة بطريقة عشوائية وغير علمية 😎
لكن الموضوع حسب الإرشادات الدولية وحسب الأكاديمية الأمريكية لطب الأنف والأذن هو كالآتي:

⬅️ مش موضوع الواد بيجيلوا التهاب حلق ولا سخونية كتيير يبقي نشيل اللوز.

⬅️ أو ابني عنده التهاب في اللوز ومش عارف يبلع و مأثرة علي وزنه والواد اتهري مضادات حيوية فاحنا عاوزين نشيلها.

‼️دى الشكوي اللي دايماً بنسمعها من الأهل بخصوص موضوع اللوز. وطبعا مقدرين قلقهم جدااا 😔

بس هل كل الأطفال اللي عندهم التهاب في اللوز محتاجين فعلا إنهم يستأصلوها ؟!

لازم نعرف الأول إيه فايدة وجود اللوز وإزاي بنعالجها وامتى ناخد قرار إنها تتشال أو لأ .

🧑‍⚕️اللوز دي خط الدفاع الأول في الجهاز المناعي للجسم اللي بيمنع دخول الميكروبات للجسم ويحميه من الإصابة ، وعشان كدة هي أول حاجة معرضة للعدوي والالتهاب أثناء الدفاع عن الجسم.

🔺السؤال بقي إمتى أشيل اللوز؟؟؟

فيه معايير معينه لو لقيناها يبقى اللوز لازم تتشال وهى :

1️⃣ أولا :

👈 لو التهاب اللوز جاله أكتر من 6 مرات في سنة واحدة.

والالتهاب ده ليه مواصفات طبعاً 👌

⬅️ التهاب صديدى علي اللوز مع حرارة مرتفعة مع التهابات والغدد الليمفاوية كبيرة في الحجم مع وجود احتقان وصعوبة في البلع.

📝 يبقى لازم الأم تسجل عدد المرات وتحسبهم خلال السنة👌

➕ بالإضافة لواحدة من الحاجات دي :
👈درجة حرارته أكتر من 38.5.
👈تضخم والتهاب بالغدد الليمفاوية بالرقبة.
👈إفرازات من اللوز.
👈تحليل الميكروب السبحي إيجابي.

2️⃣ ثانيا :

⬅️ الحجم:
👈 لو أصبحت كبيرة جدا لدرجة إنها قربت من بعضها. (Kissing tonssils)
👈 وكمان بتسد مجرى التنفس وبتعمل مشاكل أثناء النوم من شخير وعدم راحة أثناء النوم.
👈 و كمان البلع فيه مشكلة.

👩‍👦 تعرفوا كمان إن الطفل بيبدأ يفقد تركيزه وتحصيله الدراسي و يحصل تأخر في نموه وأحيانا تبول أثناء النوم.. 😭

3️⃣ ثالثا :

⬅️ لو جاله خراج علي اللوز ولو لمرة واحدة يبقى تتشال علي طول 👌

4️⃣ رابعا :
⬅️ التهاب لا يستجيب للمضادات الحيوية

5️⃣ خامسا :
⬅️ لو فيه أورام علي اللوز لازم تتشال علي طول.

🔹هم دول الخمس أشياء اللي لو موجودين لازم أشيل اللوز فورا.

👌يبقي الموضوع مبني على أسس و معايير علمية و طبية، مش أي التهاب أو نزلة برد يبقى " أشيل اللوز يادكتور"!!

📢 طيب لما تلتهب اللوز بقي نعمل إيه ؟؟

🔹 الالتهابات بتبقي إما بكتيرية أو التهابات فيروسية...

لو فيروسية يبقي راحة وسوايل ومضاد للالتهاب و لا يحتاج مضاد حيوي وده طبعا النوع الاكثر حدوثا ويمكن نسبته تتعدى ال ٩٠ فى الميه ويبقى لما نقول مش محتاجين مضاد يامامى نسمع الكلام ✊😄😄

⬅️ ✅ إنما لو التهاب بكتيري بقى ابنك هياخد مضاد حيوي من أسبوع ل 10 أيام متواصلة وحتي لو حصل تحسن بعد كام يوم لازم يكمل مدة علاج المضاد الحيوي بالكامل عشان نضمن إننا قضينا على البكتيريا.

🔹طيب أعرف إزاي هو التهاب فيروسي ولا بكتيري؟
⬅️⬅️ دا دور الطبيب المعالج اللي يقدر يقرر و يفرق بينهما👌😎

🔹فلكل مقام مقال فالمضاد الحيوي💊 دواء عظيم؛ نعم. لكن، لو تم توظيفه في الحالة المرضية الصح وبالجرعة والمدة الصح ، ولكن استخدامه طول الوقت بيقلل من مقاومة جهازك المناعي ومن جهاز طفلك المناعي بأنه ياخد فرصته في مهاجمة الميكروب وتكوين أجسام مضادة ضده وبالتالي إنت بتضعف مناعة طفلك بإيدك غير إن فيه بكتيريا نافعة موجودة داخل أجسامنا منها أنواع ليها دور في عملية الهضم .. بسوء استخدامك إنت بتقضي عليها.

دمتم وأطفالكم بكل خير 🤗
👩‍⚕️د.مها عبدالعاطى شلبى
👩‍🎓أخصائى طب الأطفال وحديثى الولاده
👩‍🎓أخصائى مكافحه العدوى والأمراض المعديه
📞تليفون العياده 01014837400

كتير بنتسأل السؤال ده فى العياده بالذات من الأمهات الجديده 🤱🤱 خلينا نجاوب على أشهر أسئلتهم😊

💥أنواع الأكل اللي هتبدأي بيها بعد تمام ٤ شهور

يفضل اننا نبدأ ب أرز مسلوق ومطحون ومتخفف ب حليب الام أو الحليب الصناعي .. بعد كده الإختيارات كتير زي

#الحبوب أرز.. شوفان

#الفواكه تفاح.. موز.. كمثرى.. برقوق.. خوخ

#الخضروات بطاطا حلوة.. بطاطس.. جزر.. كوسا.. قرع

. قبل اكتمال ٦شهور
قبل اكتمال ٦شهور

👈طفلك ينفع ياكل عند_تمام ٤ شهور ...بشرط يكون عنده العلامات اللي بتعرفك انه مستعد وجاهز للأكل 👌👌
١- بيقدر يصلب رأسه
٢- بيحرك الفم كويس زي ما يكون بيمضغ
٣-بيتفرج ويتابعك وانتي بتاكلي
٤-بيفتح بقه لما تقربي منه المعلقة

❎ممنوع منعا باتا إدخال الأكل قبل إتمام ٤ شهور ( ١٢٠ يوم)



👈 نفذي قاعدة ١ × ٣
يعني تجربي نوع واحد فقط لمدة ٣أيام عشان لو حصل منه حساسية أو أي مشاكل تبقي عارفه السبب....و طبعاً لو ظهرت أعراض الحساسية زي الطفح الجلدي أو الكحة أو تورم في الجسم لازم نروح نكشف

👈 قدمي وجبة الأكل ٣مرات في اليوم و لا تتعدى ٣معالق صغيرة

👈 الأكل اللي بتقدميه لازم يكون مسلوق و مهروس كويس جداً و متخفف بميه أو حليب صناعي أو لبن الأُم و تزودي سماكة و كثافة الأكل بالتدريج كل ما الطفل يكبر

👈 لو رفض إبنك نوع مُعيَّن من الأكل وقفيه و إرجعي قدميه بعد فترة

👈 توقعي لما تدخلي أكل إنه يحصل شوية إمساك أو إسهال للطفل لإن جهازه الهضمي لسه بيتعود يهضم الأنواع الجديدة اللي إنت دخلتيها

👈 أكلي إبنك و هو قاعد دايماً ...عشان ما يشرقش

👈 مع الوقت و تدخيل الأكل بكميات أكبر بالتدريج الرضاعة هاتقل و دي حاجه ما تقلقش

👈 بلاش إلهاء الطفل في الكارتون أو الموبايل أثناء الأكل لإن دا ممكن يصرف إنتباهه عن الأكل خالص ..خليه وقت تلاعبيه فيه و تتكلمي معاه

👈 كل طفل مختلف عن التاني ف بلاش تقارني إبنك بإبن فلانة و دا بياكل كتير و دا بياكل قليل ..أهم حاجه يكون نشاطه كويس و معدل زيادة وزنه طبيعي

👈 لو الطفل رافض الأكل سيبيه ما تغصبيش عليه ...خليه يلعب بالأكل مرة يتفه مرة يوقعه مرة لإنه في الوقت دا عنده رغبة الإستكشاف ف إديله مساحته من فضلك و هياكل هياكل ما تقلقيش

👈 لو بدأتي تأكلي مسموحلك تشربي ماء لحد ٦٠ مل في اليوم عشان يسهل الهضم و نتفادى الإمساك.وكمان بتساعدهم على البلع

👈 ممكن بعد ما تخلصي الوجبة تكملي رضاعة طبيعي أو صناعي

💥 ايه هى الممنوعات وخصوصا قبل السنه❎


ممنوع تقديم الحليب البقري او الجاموسي قبل عمر السنة نهائياً لعدم قدرة الجهاز الهضمي للطفل على هضمه بشكل كامل و إحتوائه على كميات كبيرة من البروتينات و المعادن التي تزيد العبء على الكلي وعلى المدى البعيد فقد اظهرت الكثير من الدراسات عن وجود علاقة بين إدخال الحليب البقري او الجاموسي بعمر أقل من سنة و زيادة نسبة حدوث الربو والأكزيما الجلدية و داء السكري عند الأطفال


ممنوع تقديم العسل للأطفال قبل نهاية السنة الأولى من العمر نهائياً لإحتمال تلوثه ب نوع من الجراثيم تسمى Clostridium Botulinum و التي من الممكن أن تسبب تسمم للطفل وتشنجات عضلية قد تؤدي للوفاه لا قدر الله


توصي الأكاديمية الأمريكية لطب الأطفال AAP بعدم تقديم عصير الفواكه سواء كان طازجاً أو معلباً للأطفال قبل عمر السنة لإحتوائه على كمية كبيرة من السكر و الماء التي تقلل من شهية الطفل كما أن الإكثار من العصائر يسبب تسوس الأسنان و الإسهال

#الملح
ممنوع إضافة الملح الى طعام الطفل إطلاقاً لأن كلية الطفل لا تستطيع في هذا العمر التخلص منه وهيسبب عبئ زائد عليها وممكن يسبب مشاكل في الكلي والقلب

#السكر
ممنوع إضافة السكر الى طعام الطفل عشان
🔅 إن عملية تصنيع و تكرير السكر تخليه بيحتوي على بعض المواد الكيميائية المضرة للطفل
🔅 يخلي الطفل يرفض انواع تانيه من الطعام زي الخضروات
🔅 مممكن يخليه يرفض حليب الأم
🔅 يسبب تسوس في الأسنان اللبنية
🔅 يزيد من خطر السمنه عند الاطفال اللي ممكن يؤدي لمرض السكر ( النوع الثاني )


يعتبر الدسم ضرورياً لنمو الطفل خلال اول سنتين من عمره لذلك يفضل تقديم جميع منتجات الألبان زي الزبادي ابتداءا من الشهر السادس و الأجبان على أن تكون كاملة الدسم و من غير اضافة سكر او عسل



1- أرز مطحون ومهروس بحليب الثدي أو الحليب الصناعي

2- صفار البيض المهروس برشة زعتر وكمون صغيرة

3- فاكهة مهروسة مسلوقة مع رشة قرفة مثل التفاح والجوافة

4- شوفان مطحون ومسلوق مع الموز المهروس

5- قطع البطاطا الحلوة المشوية



1- شوربة خضروات مع الأرز الأبيض المسلوق وقطعة دجاج فيليه مسلوقة ومضروبة في الخلاط مع الخضروات

2- شوربة لسان عصفور مفتت جدًّا مع قطع كبدة الدجاج المهروسة

3- لحم السمك المشوي دون جلد مع الأرز الأبيض المهروس مثل السمك البوري أو السلمون أو الفيليه مع الحرص على إزالة الشوك تمامًا

4- مكرونة مسلوقة ومفتتة في الشوربة مع قطع الدجاج المسلوقة والمهروسة بالزعتر

5- مهروس الكوسة والبطاطس مع اللحم المفروم واخلطيهما سويًا



1- كوب زبادي كامل الدسم

2- سلطة فواكه مهروسة (جوافة وكنتالوب وبرتقال وتفاح)

3- بطاطس مهروسة مع صفار بيضة مسلوقة

4- أرز مطحون ومهروس بحليب الثدي أو الحليب الصناعي

#ملحوظة
يمكنك إدخال الوجبات بعد عمر ٦ شهور شرط تجربة كل مكون لوحده لمدة ٣ ايام لاستبعاد وجود حساسية

بدائل الملح الطبيعية

الكمون القرفة الحبهان الكركم
الثوم البصل عصره ليمون

طعام الأصابع للرضع

من الخطأ الاستمرار في تقديم الاكل المطحون بشكل مستمر ... بعد كده الطفل هيرفض الاطعمة الغير مطحونه عند تقديمها

عشان كده الأفضل اننا نبدأ في تخفيف درجة طحن الطعام وسيولته تدريجيا لحد ما يتعود على مضغ الطعام العادي مبكرا

؟؟؟

ممكن تقديم طعام الأصابع مع اكتساب طفلك مهاره مسك الأشياء بأصابع يده و بتختلف من طفل لآخر بس تقريبا من ٧ ل ٩ شهور

طفلك هيستفيد من تجربة طعام الأصابع انه هيتعلم الإمساك بالأكل وتوجيهه للفم مع تمرين جيد لعضلات اليد وكمان هيتعود على مضغ الاكل كويس



♦️ يجب أن يكون الأطعمة المقدمة سهلة في المضغ
♦️ تقطيع الأطعمة الي أجزاء صغيره والطفل قادر يمسكها
♦️ لازم الطفل يكون جالس في وضعية الاكل
♦️ لازم تكوني موجوده أثناء تناول الطفل للطعام
♦️ مش لازم وجود أسنان للدخول في مرحلة طعام الأصابع
♦️ الطفل حر في طريقه اكله ومتحاوليش تقولي له ياكل ايه وازاي من الأطعمة المقدمة
♦️في حالة انه مقدرش يمضغ الاكل هنأجل المرحلة دي اسبوعين ونجرب مرة أخرى



♦️ الكوسة تتقطع بالطول و تطبخ على البخار لمده ٥ دقايق وممكن تضيفي رشه كمون

♦️ البطاطس والبطاطا الحلوة تقطع بالطول وتطبخ على البهار ويضاف لها زعتر

♦️التفاح ويتقشر ويطبخ على البخار ويقدم مع رشه قرفه

♦️ الافوكادو تختارها طريه وتقطع وممكن تقدم بدون طبخ

#البيض
يعتبر إختيار جيد لنمو و تطور الجهاز العصبي لإحتوائه على مادة الكولين...كمان بيعتبر مصدر غني بالدهون المشبعة و البروتين وفيتامين A ممكن نقدم البيض صفار وبياض بعد اكتمال ٦ شهور

#الدجاج

ممكن نقدمه من عمر ٦ شهور .. ويعتبر من الأغذية المهمة لزيادة الوزن و لذيذة في نفس الوقت.. يقدم مع أي نوع الخضروات بعد ضربه بالخلاط

#الأسماك
ممكن من عمر ٦ شهور ... غنية بالأحماض الأمينية و الأوميجا ٣و فيتامين D و مهمة جداً لنمو و تطور الجهاز العصبي و زيادة الوزن و ممكن نقدمها ٣ مرات في الأسبوع

دمتم واطفالكم بكل خير 🤗🤗

د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه ااعدوى والامراض المعديه
📞تليفون العياده 01014837400

💠 تعتبر أنيميا نقص الحديد هى أشهر انواع الانيميا واكثرها انتشارا وكتير من اطفالنا بيعانوا منها للاسف 😔

#اسبابها :👇👇👇

💠- سوء التغذية وعدم الاعتماد على الأطعمة الغنية بالحديد.
💠- النزيف بكل أنواعه وزيادة الطمث عن الاناث

💠- الإصابة ببعض الطفيليات التي تسبب فقدان الدم و فقدان الشهية
-💠 تناول تناول الشاي بعد الأطعمة الغنية بالحديد لأنه يقلل امتصاص الحديد.

💠- عدم تناول فيتامين سي مع مصادر الحديد النباتية كالجرجير، العسل الأسود، السبانخ، والتي تساعد على امتصاص الحديد.

* #اعراضها :👇👇👇

🟣الحديديلعب دورًا أساسيًا في تصنيع الهيموجلوبين في الدم والميوجلوبين في العضلات والذي يساعد على نقل الدم المؤكسد إلى خلايا أعضاء الجسم المختلفة لتساعدها على القيام بوظائفها الحيوية، وبالتالي نقصه يؤثر على كافة الأعضاء الحيوية ويؤثر أيضا على كفاءة جهاز المناعة، لذا يعاني مريض الأنيميا من هذه الأعراض:

🔸️الصداع والدوخة.
🔸️ضعف الذاكرة.
🔸️تشتت الانتباه والتركيز.
🔸️التعب والإرهاق الدائم.
🔸️شحوب البشرة.
🔸️ظهور الهالات السوداء.
🔸️ضعف الأداء العضلي.
🔸️اضطراب ضربات القلب.
🔸️ألم في الصدر.
🔸️برودة الأطراف

* :👇👇👇👇

🟣 علاج الأنيميا يعتمد بشكل كبير على النظام الغذائي المتوازن والغني بكل العناصر الغذائية خاصة الحديد وحمض الفوليك وفيتامين ب12،مثل :

🔹️اللحوم بأنواعها والدواجن وهى المصدر الاهم للحديد
🔹️التمر.
🔹️التين المجفف .
🔹️المشمش.
🔹️عصير الرمان.
🔹️البنجر.
🔹️السبانخ.
🔹️الخضراوات الورقية الداكنة، كالسبانخ والجرجير.
🔹️العسل الأسود.

🟣وهناك علاجات دوائية لانيميا نقص الحديد فى صورة اقراص💊💊 او حقن 💉💉وذلك بعد استشارة الطبيب👩‍⚕️👨‍⚕️ وعمل التحاليل اللازمة ...لان ليست كل انيميا هى انيميا نقص حديد 👌👌وهناك أنواع من الانيميا الوراثيه مثل انيميا البحر المتوسط والتى تتشابه مع انيميا نقص الحديد وعلاجها مختلف تمام ويكون فيها مستوى الحديد مرتفع ولا يستدعى علاجها استخدام الحديد ابدا ...ولذلك من الأخطاء الشائعه ❎ علاج اى نوع من الانيميا باقراص الحديد بدون عمل التحاليل اللازمه للتأكيد واستشارة الطبيب المختص .✅

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📱تليفوم العياده 01014837400

كل سنه وحضراتكم طيبين .. أعاده الله عليكم بالخير واليمن والبركات 💕💕 ان شاء الله مواعيد العياده فى رمضان من ٧ مساء ل ٩.٥

🤔🤔في أي عمر يصوم الأطفال؟👫

مع حلول شهر رمضان المبارك بيسأل كثير من الأباء والأمهات حول إمكانية صيام الأطفال والعمر المناسب لذلك من الناحية الطبية

👈وللإجابة عليهم والوصول لتجربة صيام آمنة للطفل يجب أن نضع العوامل الأربعة التالية بعين الاعتبار وهي:

١- 🔷️عمر الطفل

🔹️ أقل من ٧ سنوات: لا ينصح بالصيام.
🔹️ ٧-١٠ سنوات: يكون الصيام بالتدريج بزيادة ساعات الصيام مع تقدم الأيام مع كسر الصيام عند إحساس الطفل بالتعب أو الجوع أو العطش.

🔹️ أكثر من ١٠ سنوات: يمكن أن يصوموا متى ما تسحروا جيدًا مع مراقبة ومتابعة علامات الجوع والتعب لدى الطفل وكسر الصيام إذا تطلب الأمر.

٢-🔷️ الاستعداد النفسي للطفل:

🔹️يجب تهيئة الطفل نفسيًا لصيام شهر رمضان المبارك بالحديث معه حول فوائد الصيام خصوصًا وان الأطفال يميلون الى تقليد الكبار.

٣-🔷️ وزن/بنية الطفل

🔹️لا ينصح بصوم الطفل قليل الوزن أو الهزيل أو المصاب بسوء التغذية فقد ينخفض لديه مستوى السكر بشكل سريع لعدم وجود مخزون كافي من الجليكوجين في العضلات والكبد خصوصًا عند الأطفال النشيطين وكثيري الحركة والذين يملكون بمعدل حرق عالي للسعرات الحرارية.

٤- 🔷️الحالة الصحية للطفل
🔹️تختلف الحالة الصحية للطفل من مرض الى آخر كما تختلف في نفس المرض بين طفل وآخر، وبشكل عام لا ينصح بصيام الأطفال في الحالات التالية:

🔹️الأمراض الحادة كالتهاب المعدة والأمعاء الحاد، ارتفاع الحرارة وغيرها.
🔹️الأمراض المزمنة غير المستقرة مثل الداء السكري وامراض الكلى وغيرها أما اذا كانت مستقرة فيجب استشارة الطبيب ومناقشته حول إمكانية صيام الطفل من عدمه

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

🔷️مشكله كبيره بقت تقابلنا و شكوى متكرره من الأهل هى تأخر الكلام عند أطفالهم وخاصه قبل عمر السنتين .. وللأسف الموضوع مش بس فى مصر ده احصائيات عالميه كمان 😔 عشان كده محتاجين نعرف أكتر عن التطور اللغوى فى الاطفال وأشهر أسباب تأخر الكلام وازاى نقدر نتجنبها 👇👇

🔹التطور اللغوى فى الأطفال مثله مثل أى مهارة يكتسبها الطفل بشكل متدرج و بترتيب معين مع تقدم العمر عشان كده من الضروري جداً متابعة الأبوين المستمرة للتطور اللغوى للطفل للتأكد من سلامته.👌👌

⁦☘️⁩⁦☘️⁩التطور الطبيعى للغة فى الأطفال:

✅عند سن ٩ شهور:
🔸ينطق الطفل( بابا + ماما + دادا ) دون قصد لمعناهم.
🔸يفهم معنى ( لأ ).
✅عند سن السنة:
🔸ينطق (بابا + ماما) بقصد لمعناهم.
🔸ينطق كلمة إضافية أخرى.
🔸يبدأ فى فهم الإيماءات و يقوم بتنفيذ الأوامر المكونة من خطوة واحدة ( جيب اللعبة أو امسك الملعقة ).
✅عند سن السنة و النصف:
🔸يعرف ١٠ كلمات + أجزاء الجسم المختلفة.
✅عند سن السنتين:
🔸يعرف حوالى ٥٠ كلمة.
🔸يُكون جملة من مقطعين ( مثل: ماما مي)
🔸يستطيع تنفيذ أمر مركب من خطوتين مثل ( اقفل الباب و جيب اللعبة).
✅عند سن ثلاث سنوات:
🔸يعرف حوالى ٣٠٠: ٥٠٠ كلمة.
🔸يستطيع أن يحكى القصص.
✅عند سن أربع سنوات:
🔸يتحدث جمل سلمية و يتحدث كلام يفهمه أى شخص.
وطبعا كل المهارات دى ممكن يبقى فيها اختلافات فرديه من طفل لأخر .. عشان كده لازم نعرف مؤشرات تأخر الكلام 👇👇

💣💣علامات تأخر الكلام❓
⁦⚠️⁩يجب عرض الطفل على الطبيب فى الحالات الآتية:
⛔عند سنة :
🔹 لا يستخدم الإيماءات و لا يشاور على الأشياء.

⛔عند سنة و نصف:
🔹لا يصدر أى أصوات و لا يحاول حتى تقليد الأصوات.
🔹 يستخدم الإيماءات و الإشارات فقط للتعبير.
🔹يعانى من صعوبة فى فهم الأوامر البسيطة.

⛔عند سن سنتين:
🔹لا يُصدر أى كلمات أو جمل.

🚨🚨هام جدا ⁦⬅️⁩ أى شك من الأبوين فى قدرة الطفل على السمع فى أى توقيت من العمر يؤخذ بجدية شديدة و يجب ابلاغ الطبيب فورا (التدخل خلال أول ستة أشهر قد يساهم فى السمع و الكلام بصورة طبيعية للطفل فيما بعد)💣💣

⁦✍🏻⁩أسباب تأخر الكلام❓
🔺 ضعف أو فقدان السمع👂🏻.
⁦⬅️⁩يجب استبعاد مشاكل السمع فى أى طفل يعاني من تأخر فى الكلام💣.

🔺 العوامل الوراثية: حيث توجد بعض العائلات يتأخر أطفالها فى الكلام عن أقرانهم و يكون الطفل في هذه الحالة طبيعيا تماما و يتحدث بشكل طبيعى مع الوقت.

🔺 مشاكل فى البيئة المحيطة بالطفل مثل : قلة تحدث الأبوين لأطفالهم و المبالغة فى عزل الطفل عن الأطفال الأخرين أو إهماله.

🔺 الإفراط فى مشاهدة الشاشات مثل التليفزيون و التابلت.

🔺 التوحد( autism).

🔺 التأخر الذهنى و العقلى
🔺 بعض الأمراض الوراثية و الجينية التى تؤثر على اللسان و الفك و سقف الفم.

👨🏻‍⚕️نصائح هامة للأبوين للمساعدة على التطور اللغوى السليم لأطفالهم⁦👍🏻⁩:

⁦1️⃣⁩ قضاء وقت أطول فى التحدث و الكلام مع طفلك يومياً🗣️🗣️.
⬅️تعلم الكلام يعتمد على السماع و التقليد ، لذلك يجب عليكي التحدث و الغناء دائما لطفلك حتى فى الشهور الأولى من عمره.
⁦2️⃣⁩ قراءة الكتب و القصص 📚المناسبة لسن طفلك باستمرار.
3️⃣ الحفاظ على روتين ثابت حيث تقوم الأم بترديد أسماء الأشياء الموجودة فى الغرفة أو المنزل كل يوم على أذن طفلها لمساعدته على تعلم أسماء الأشياء ( التكرار يعلم الشطار🙂).
4️⃣ تشجيع طفلك على ممارسة الألعاب و مشاركة الأنشطة مع الأطفال الأخرين⁦💪🏻⁩ لزيادة التفاعل و تعزيز سلوكه الاجتماعى.
5️⃣ ممنوع تماما مشاهدة التلفزيون و الموبايل 📺📱قبل سن السنتين❎❎. وبعد سن السنتين يكون بمواعيد محدده 👌👌

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

⬅️ أيه هي التشنجات الحراريه
وازاي اتعامل معاها وهل هي خطيره؟؟؟🤔.
🔸هي نوبة تحدث عند الأطفال عند الإصابة بحمى شديدة اكتر من 39 .🛌🤦🤦

⬅️ معنى كده يادكتور ان اى تشنجات تحصل للطفل اللى عنده سخونيه تبقى تشنجات حراريه واطمن كده خلاص 🤔

⬅️ لا طبعا التشنجات الحراريه ليها خصائص معينه تعالوا نتعرف عليها 👇
♦️ عاده تحدث عند الأطفال من سن ٦أشهر إلى ٦ سنوات.

♦️ تستمر النوبة ثوانى أو لحد ١٥ دقيقة وبعدها الطفل ينام . تدوم معظم النوبات أقل من دقيقتين إلى ثلاث دقائق.

♦️أحاديه الحدوث فى اليوم الواحد يعنى مش ممكن تتكرر اكتر من مره فى نفس اليوم

♦️بتحصل فى اليوم التانى او التالت من الحراره وبتحصل بعد حدوث السخونيه مش قبل

♦️بتاخد الجسم كله يعنى ايد ورجل وعين الطفل بتغرب

⬅️طب هل هو صرع والطفل هيفضل كده علي طول ؟؟😰😱😨
لا يعتبر التشنج الحراري صرعًا ولا يسبب تلفًا في الدماغ.

⬅️طب ايه أعراض التشنجات الحرارية ؟؟
🔸الطفل يفقد الوعي،، يغمي عليه ومش بيرد
🔸 تشنج في الذراعين والساقين
🔸 صعوبة في التنفس مع رغوة في الفم
🔸 لونه شاحب أو ازرقاق الشفايف اكتر
🔸دحرجة العين ، بحيث يظهر بياض عيونهم. فقط(يعني العين بتغرب زي وصف الام 🧕)
🔶 ممكن يستغرق طفلك من 10 إلى 15 دقيقة ليستيقظ بشكل صحيح بعد ذلك

⬅️ طب اتعامل ازاى مع طفلى لو حصلت التشنجات الحراريه ؟
اهم حاجه لازم اخفض الحراره بوضع الطفل بماء فاتر اولا واروح الطوارئ لو لسا بيتشنج🌡️💊💉💦🛀🌦️

⬅️ طب ازاى احمى طفلى من حدوث التشنجات الحراريه؟
1️⃣ قياس الحراره بالترمومتر🌡️و خاصه فى الشتا🌦️
2️⃣ كمادات بالماء الجارى أو وضع الطفل بماء فاتر فى وجود السخونيه💦💦🛀
3️⃣ اعطاء دواء خافض للحراره حسب وصف الطبيب🧑‍⚕️
4️⃣ عدم زياده قطع الملابس أثناء السخونيه.
5️⃣ تهويه الغرفه المحيطه بالطفل .

⬅️ ابنك اللي بيعاني من تشنجات حراريه عنده سخونه 🔶 لازم تعطيه دواء خافض للحراره وتروحى للدكتور عشان يوصف الدواء اللي يسيطر علي العدوي المسببه للحراره.

دمتم واطفالكم بكل خير 🤗

👩‍⚕️د.مها عبدالعاطى شلبى
👩‍🎓 أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400

لاحظنا كلنا الفتره اللى فاتت انتشار مرض الجديرى المائى بصوره كبيره جدا وخاصه بين أطفال المدارس والحضانات 🤒
👈ايه هو الجديرى المائى

👈الجديري المائي ده فيروس🦠🦠 بيجي لأصحاب المناعة الضعيفة في الغالب صغار 👶👶وكبار 👪وخصوصا من سن عام ل 10سنين وهنا هنركز معاكم عليهم...

😳الجديري المائي بيبدأ غالبا بألاعراض دى 👇👇👇👇

📌برد سخونية🫡
📌 .وجع في الجسم.🤕
📌عطس🤧
📌رشح 😤

والاعراض دي غالبا بتظهر بعد حوالي ١٠ أيام من إلاصابة بالمرض ...يعنى (التقاط العدوى)

بعد حوالي يومين تلاقي جسم الطفل 👶👶كله حبوب زي الحساسية 🤔🤔كده بعد كده تنتشر وتزيد وتتحول لحبوب جواها مياه💦💦 وممكن صديد وبعدين تعمل قشرة وبعدين تقع القشرة دي وتخف ان شاء الله والطفل مش بيبقى معدى خلاص ..

👈طيب فين المشكلة؟🤔

😲المشكلة ان المرض ده معدي جدا جدا والعدوى بتكون عن طريق الجهاز التنفسي🫁🫁و (كحة ..عطس.)وممكن عن طريق اللعاب. وممكن من الملابس والاحتكاك المباشر بالحبوب .

طيب ايه المطلوب منى يا دكتور؟❓

👪المفروض على حضرتك كأم للطفل المصاب انك تاخدي بالك من ال كام نقطة دول👇

📌1:✂قصي ضوافر ابنك كويس لأن الطفل بيكون عاوز يهرش فى جسمه وعاوز يهرش جامد في الحبوب وده هيزود الحبوب دي ويخليها تعمل صديد والحالة تزيد 😫

📌2:👕لبسي ابنك ملابس قطنية 👚👚👗👗واسعة علشان العرق وعلشان ماتلزقش في الحبوب وتخليه يهرش أكتر.
📌3:🍟🍝بلاش الاكل الحادق والاكلات الدهنية والشيبسي والشيكولاتات🍫🍫 والحاجات اللي هتزود الهرش

📌4:🍵🍷اهتمي بالسوائل🥤🥤 وشرب المياه كتير والعصاير الطازة 🍹🍹علشان تساعد في ترطيب جسم الطفل ومايدخلش فى جفاف 🥶 وتسرع الشفاء بإذن الله

📌5:🚿الاستحمام:
الاستحمام مش ممنوع زى الاعتقاد السائد ولكن بضوابط:👇
👈بلاش استخدام اللوف علشان مايجرحش الفقاقيع وتفرقع وتزود المشكله
👈الاستحمام بماء فقط ويفضل ماء بارد او فاتر وبدون صابون

📌6:👬ماتوديش ابنك الحضانة او المدرسة لأن كده هيعدي اصحابه.وكمان خلي بالك من اخواته..👪

دمتم وأطفالكم بكل خير 🤗

👩‍⚕️د.مها عبدالعاطى شلبى
👩‍🎓أخصائى طب الاطفال وحديثى الولاده
👩‍🎓أخصائى مكافحه العدوى والامراض المعديه
📞تليفون العياده 01014837400