BSMS SL .
Medical Student.
16/09/2021
Best Fruits for Diabetes patients 🍓
26/08/2021
🙂
23/08/2021
💊🌿
09/08/2021
❤️
03/07/2021
ප්‍රතිශක්තීකරන ආහාර 🍹🍹
25/06/2021
🗣️
21/06/2021
පසුගිය දිනකදී ශ්‍රී ලංකාව තුළ, ඉන්දියාව පුරා වේගයෙන් පැතිර ගිය, කොවිඩ් වෛරසයේ ඩෙල්ටා ප්‍රභේදය හඳුනාගැනීම බොහෝ දුරට කතාබහට ලක්වුණා. මෙතෙක් ලංකාවේ පැවති ප්‍රභේද වලට වඩා සීඝ්‍රයෙන් ව්‍යාප්ත විය හැකි විභවතාවයක් පවතින මෙම ඩෙල්ටා ප්‍රභේදය සොයා ගැනීමත් සමග covid පැතිරීම තීව්‍ර දීමේ අවධානමක් ඇතිවෙනවා. එසේ සිදු නොවීමට නම් අප අත්‍යාවශ්‍යයෙන්ම ගත යුතු පියවර කිහිපයක් තිබෙනවා.
අනික් සෑම ප්‍රභේදයක් ම වගේම ඩෙල්ටා ප්‍රභේදයේ පැතිරයාම අවම කිරීමටත් ඉතාමත්ම තීරණාත්මක සාධකය වන්නේ අප විසින් හැකිතාක් අවදානම් අවස්ථා මග හැරීමයි.
1. සෙනග වැඩියෙන් ගැවසෙන ස්ථාන
2. ජනෙල් දොරවල් වසා ඇති හොඳ වාතාශ්‍රයක් නොලැබෙන අවකාශ
3. මිනිසුන් එකිනෙකා ආසන්නයේ ගැවසීමට සිදුවන ස්ථාන
එවැනි අවදානම් ස්ථාන අතරින් ප්‍රධාන වනවා.
ඩෙල්ටා ප්‍රභේදය නිසා ඇතිවිය හැකි අධි වසංගත තත්ත්වයකට රට ගමන් නොකිරීමට නම් වඩාත්ම වැදගත් වන්නේ මෙවැනි ස්ථාන මගහැර සිටීමයි.
යම්කිසි නොවැලැක්විය හැකි හේතුවක් නිසා මෙවැනි ස්ථානයකට යෑමට සිදු වුවහොත්, සියලු ආරක්ෂක පිළිවෙත් අකුරටම ක්‍රියාත්මක කිරීම මත කෙනකුගේ ආරක්ෂාව තීරණය වෙනවා.
1. නිවැරදි පරිදි මුඛ ආවරණ පැළඳීම
2. දෑත් පිරිසිදුව තබා ගැනීම
3. එකිනෙකා අතරේ අවම වශයෙන් මීටර් දෙකක වත් දුර පවත්වා ගැනීම
මේ අතරින් ඉතා වැදගත් වනවා
ඔබට යම් හෙයකින් උණ සෙම්ප්‍රතිශ්‍යා කැස්ස වැනි රෝග ලක්ෂණ කිසිවක් පවතී නම් ප්රතිකාර ලබා ගැනීමට මිස වෙන කිසිම දෙයකට නිවසෙන් පිට නොවීමත් වැදගත්. මෙය ඔබගේ සමාජ වගකීමක්.
ඔබ මේ වන විට එන්නත්කරණය සම්පූර්ණ කර ඇති අයකු වුවද, ඔබටත් කොව්ඩි රෝගය වැළඳීමේ යම් අවදානමක් තියෙනවා. එන්නත්කරණයෙන් ලැබුණු ආරක්ෂාව නිසා, ඔබට දැඩි සත්කාර අවශ්‍ය හෝ මාරාන්තික අවස්ථාවකට පත් වීමට ඇති ඉඩකඩ අඩු වුවද, ඔබ විසින් ඔබේ පවුලේ ආදරණීයයන්ට රෝගය සම්ප්‍රේෂණය කිරීමක් සිදුවිය හැකියි.
සංචරණ සීමා වල යම්තාක් දුරකට ලිහිල් කිරීමක් සිදු වන අවස්ථාවකදී, ඉහත උපදෙස් අකුරටම පිළිපැදීම තුලින් ඔබටත් ඔබගේ පවුලේ ආදරණීයයන්ටත් අන් කොවිඩ් ප්‍රභේද වලින් වගේම ඩෙල්ටා කොවිඩ් ප්‍රභේදයෙනුත් ආරක්ෂාව සපයා ගත හැකියි.
16/05/2021
15/05/2021
😊
05/01/2021
පීනස යනුවෙන් හදුන්වන්නේ පාරම්පරිකව හෝ පාරම්පරික නොවන ලෙස ඇතිවන ආසාත්මිකතාවයක්. මෙම රෝගී තත්ත්වයේ දී නාසය හා නාසයට සම්බන්ධ කෝටරක වැනි කොටස් වල බිත්ති ඉදිමීම හා ඒවා
ආශ්‍රිතව වැඩිපුර ශ්‍රාවයන් පිටවීම සිදුවෙනවා. මෙම රෝගී තත්ත්වය සමහර රෝගීන්ට එක් කාලයකට පමණක් ඇති විය හැකි (Seasonal Rhinitis) අතර සමහර රෝගීන්ට දීර්ඝ කාලයක් පුරා (Perennial Rhinitis) පැවතිය හැකියි.
මෙම රෝගයේ රෝග ලක්ෂණ පුද්ගලයාගෙන් පුද්ගලයාට වෙනස් විය හැකියි. සමහරෙකුට නාසය සිරවීම ප්‍රධාන රෝග ලක්‍ෂණය ලෙස හදුනාගත හැකි අතර සමහරෙකුට නිතර කිවිසුම් යාම ප්‍රධාන රෝග ලක්‍ෂණය විය හැකියි. මීට අමතරව
🔴නාසය කැසීම
🔴නාසය ඉදිමීම
🔴නාසයෙන් සොටු දියර ගැලීම
🔴උගුර කැසීම
🔴 නිතර උගුර පෑදීමට සිදු වීම
🔴ඇස් කැසීම
🔴ඇස් රතුවීම සහ සම කැසීම
වැනි රෝග ලක්ෂණ මෙම රෝගීන් තුළ දැකිය හැකියි. මෙම රෝග ලක්ෂණ එකක්, කිහිපයක් හෝ සියල්ලම ඔවුන් තුළ අඩු වැඩි වශයෙන් හදුනාගත හැකියි. මෙම රෝගීන්ට පීනස රෝගයට අමතරව ඇදුම රෝගය හා සමේ දද ඇති වීමට ද හැකියාවක් තිබෙනවා. මෙයින් එක් රෝගයක් පළමුව ඇති වී පසුව අනෙක්වා ඇති වන අවස්ථා තිබේ.
☑️ පීනස් රෝගය යම් අයෙකුට වැළඳීමට හෝ රෝගී තත්ත්වය වැඩි වීම කෙරෙහි බලපාන සාධක.
මෙම රෝගය සමහරෙකුට පාරම්පරිකව වැළදෙන රෝගයක්. මවට හෝ පියාට මෙම රෝගී තත්ත්වය ඇත්නම් දු දරුවන්ට එය ඇති වීමේ අවදානමක් තිබෙනවා. එසේම එක් සහෝදරයෙකුට හෝ සහෝදරියකට මෙම රෝගී තත්ත්වය වැළදී ඇත්නම් අනෙකුත් සහෝදර සහෝදරියන්ටත් මෙම රෝගය වැළදීමේ වැඩි හැකියාවක් පවතිනවා. එසේ වුවත් මෙය සෑම විටම පරම්පරාගතව වැළදෙන රෝගී තත්ත්වයක් මත් නොවේ.
රෝගය වැළදීමට, රෝග ලක්ෂණ මතු වීමට හෝ ඒවා උත්සන්න වීමට විවිධ සාධක බලපාන්න පුළුවන්.
🤢අධික ශීතල,
🤢අධික රස්නය,
🤢ඉහළ පරිසර ආර්ද්‍රතාවය එසේත් නැතිනම් ජල වාෂ්ප වැඩි බව,
🤢වැසිබර පරිසර තත්ත්ව වැනි කාළගුණ විපර්යාස
මේ සඳහා සෘජු ලෙසම බලපානවා.
🤢අප ගන්නා ආහාර වර්ග මේ කෙරෙහි බලපාන තවත් සාධකයක්.
🤢ශීත කළ ආහාර වර්ග,
🤢 ශීත කළ පාන වර්ග හා තැඹිලි
🤢අන්නාසි,
🤢 තක්කාලි,
🤢අච්චාරු,
🤢බිත්තර,
🤢කිරි,
🤢රටකජු,
🤢වර්ණ ගැන්වූ පැණි බීම වැනි ආහාර පාන වර්ග එක් එක් රෝගියාට වෙන් වෙන් වශයෙන් බලපාන්නට පුළුවන්.
🤢එමෙන්ම බූල් සහිත රෙදි, කාපට්, විසිතුරු භාණ්ඩ, මදුරු දැල්, ඇඳ ඇතිරිලි වල පවතින දුවිලි සෑම රෝගියෙකුටම පාහේ අහිතකර ලෙස බලපෑ හැකිය.
🤢දුම් වැටි වලින්/දර ලිපෙන් ඇතිවන දුම, සුවඳ විලවුන් වර්ග, මදුරු නාශක දඟර වලින් ඇති වන දුම මේ සඳහා බලපාන තවත් සාධක කිහිපයකි.
🤢විදුලි පංකා සහ වායු සමීකරණත් මේ තත්ත්වය කෙරෙහි සෘජුවම බලපානවා.
🤢රාත්‍රීයට දිය නෑම පීනස ඇති වීම හෝ උත්සන්න වීම කෙරෙහි බලපාන තවත් කරුණක්.
මීට අමතරව එක් එක් පුද්ගලයෙකුට පමණක් බලපාන විශේෂිත වූ සාධකත් හදුනාගත හැකි අවස්ථා තිබෙනවා.
සාමාන්‍යයෙන් ඕනෑම වයස් සීමාවක කෙනෙකුට මෙම රෝග තත්ත්වය වැළඳිය හැකි නමුත් ළමුන් තුළ මෙම රෝග තත්ත්වය බහුල ලෙස දැක ගත හැකිය. ශ්‍රි ලංකාවේ ළමුන්ගෙන් 30-40% වැනි අධික ප්‍රතිශතයකට මෙන්ම වැඩිහිටියන්ගෙන් 10-20% වැනි ප්‍රතිශතයකට මෙම රෝගය වැළඳී තිබෙනවා.
☑️ උදෑසනින් අවදි වීම පීනස් රෝගී තත්ත්වය කෙරෙහි බලපාන්නේ කුමන ආකාරයෙන් ද?
සාමාන්‍යයෙන් උදෑසන කාලයේදී පරිසර උෂ්ණත්වය අඩු මට්ටමක පවතින නිසා පීනස රෝගය ඇති වීමේ අවදානමක් ඇති කෙනෙකුට එය වැළඳීමට හෝ පීනස රෝගියෙකුට රෝග ලක්ෂණ උත්සන්න වීම කෙරෙහි උදෑසන අවදිවීම සමහර විට බලපාන්නට පුළුවන්. නමුත් එසේ අවදි විය යුතු අය විශේෂ සුදානම් වීමක් වුවහොත් එයින් වැලකිය හැකියි.
✔️ශරීරය උණුසුම්ව තැබිය හැකි ඇඳුම් ඇඳීම,
✔️ දොර ජනෙල් වසා තැබිම,
✔️ පිණි වැටෙන පරිසරයේ ගමන් නොකිරීම,
✔️උණුසුම් පාන වර්ග භාවිතා කිරීම,
✔️හැකිනම් කාමර උණුසුම්ව තබන උපකරණ (Heaters),
උඳුන් පාවිච්චිය
වැනි ක්‍රම තුලින් ඔවුනට රෝගය වැළඳීමේ හෝ රෝග ලක්ෂණ උත්සන්න වීමේ ඇති හැකියාව අවම කර ගත හැකියි.
✔️ මීට අමතරව ඒ සඳහා තිබෙන ඖෂධ වර්ග වෛද්‍ය උපදෙස් අනුව ක‍්‍රමානූකූලව භාවිතයෙනුත් ඔවුනට වඩාත් ආරක්‍ෂාකාරී විය හැකියි.
☑️ පීනස නිට්ටාවට සුව කළ හැකි රෝගයක් ද? මෙම රෝගය සුව කර ගැනීමට භාවිතා වන ප්රතිකාර විධි මොනවාද ?
මෙය නිට්ටාවට සුව කළ හැකි රෝගයක් නොවේ. නමුත් අපේ ජීවන රටාව නිසියාකාරව සකසා ගැනීම තුලින් මෙම රෝග ලක්ෂණ උත්සන්න නොවී සමනය කර ගැනීමට හැකියාව ලැබෙනවා.
😊 අප ජීවත් වන නිවස හා ගෙවත්ත පිරිසිදුව තබා ගත යුතු අතර නිවස තුළ වියළි පරිසරයක් තිබිය යුතුයි.
😊විශේෂයෙන්ම නිදන කාමර වල ඇඳ ඇතිරිලි, කොට්ට මෙට්ට, මදුරු දැල් ආදිය වියළි ඒවා විය යුතු අතර නිතර දුවිලි ගසා, සෝදා අවුවේ වේලා තැබිය යුතුයි.
😊බූල් සහිත රෙදි පාවිච්චියෙන් වැලකීමද සුදුසුයි.
😊එසේම නිවස තුළ තෙතමනය පැවතුනහොත් ඒ මත දිලීර වර්ග වර්ධනය වීමෙන් වෙනත් ශ්වසන ආබාධ පවා ඇති විය හැකියි. මේ නිසා වියළි පරිසරයක් පවත්වා ගැනීම ඉතා වැදගත්.
😊මීට අමතරව අප ජීවත් වන නිවස හා ගෙවත්තට හොඳින් හිරු එළිය, වාතාශ‍්‍රය ලැබෙන ලෙස සකසා ගත යුතුයි.
😊දුම්පානය කරන අය එම පුරුද්දෙන් මිදීම තමාට මෙන්ම අන් අයටත් මෙම රෝගයෙන් වැලකීම සඳහා කරන මහඟු උපකාරයකි.
😊නිවස තුළ දර ලිපේ දුම් එකතු නොවන ආකාරයට සකසා ගත යුතුයි.
😊නිවසේ හෝ රාජකාරී කරන ස්ථානයේ විදුලි පංකා සහ වායු සමීකරණ කරන යන්ත‍්‍ර අවම වශයෙන් භාවිතා කළ යුතුයි.
😊එක් එක් රෝගීන් තමන්ට නුසුදුසු වන ආහාර පාන වර්ග නිසියාකාර ලෙස තේරුම් ගෙන ඒවායින් වැලකිය යුතුයි.
😊දිය නෑම පෙ.ව. 11.00 සිට ප.ව. 2.00 අතර කාලය තුළ සිදු කිරීම වඩාත් යෝග්‍ය වන අතර පැහැබර වියළි කාළගුණයක් ඇති දින වලට පමණක් එය සීමා කළ යුතුයි.
😊මීට අමතරව නිසියාකාර ලෙස වෛද්‍ය උපදෙස් වලට අමතරව වෛද්‍ය ප්රතිකාර ගත යුතුයි.
මෙහිදී එක් කාලයකට පමණක් වැළදෙන පීනස් රෝගය (Seasonal Rhinitis )ඇති රෝගීන්ට එම කාල සීමාව තුළදී පමණක් ඖෂධ වර්ග ලබා දිය යුතු අතර, දීර්ඝ කාලීනව පවතින පීනස (Perennial Rhinitis) වැළදී ඇති රෝගීන්ට එම ඖෂධ වැඩි කාලයක් ලබා දිය යුතු වෙනවා. රෝග ලක්ෂණ සුව අතට හැරීමත් සමඟම ඖෂධ අඩුකර නවතා දැමිය හැකියි.
☑️ පීනස් රෝගීයෙකු නිසියාකාරව ප්රතිකාර නොගතහොත් කුමන සංකූලතාවන් ඇති විය හැකිද?
මෙම රෝගයට නිසියාකාරව ප්රතිකාර නොගතහොත්, ප‍්‍රවේශම් නොවුනහොත් එම රෝගීන්ගේ නාසය සහ මුහුණ ඉදිමීම, හා නාස් කුහරය වැසීයාම සිදු විය හැකි අතර එවිට මුඛයෙන් හුස්ම ගැනීම සිදු විය හැකියි. ඒත් සමඟ ම නාසය සහ කෝටරක වෛරස් හා බැක්ටීරියා ආසාදන වලට ලක් විය හැකි අතර එමඟින් දීර්ඝ කාලීනව පවතින කෝටරක ප්රදාහය (Chronic Sinusitis) වැන රෝග තත්ව ඇති විය හැකියි. මෙමගින් කාලයක් පවතින හිසරදයක් පැවතීමේ හැකියාවක් තිබෙනවා. කුඩා ළමුන්ට විශේෂයෙන්ම මෙම රෝග තත්වය උග්ර වන අවස්ථා වලදි උගුරේ ආසාදන ඇති විය හැකියි. කටහඬ වෙනස් වීම, නිතර උගුර පෑදීමට සිදු විම, පෙනහලූ වල ආසාදන, මුහුණ දුර්වර්ණ වීම, මුහුණේ පැහැය වෙනස් වීම සහ මුහුණේ ස්වරූපය වෙනස් වීම වැනි සංකූලතාද මැද කන ආශි‍්‍රත ආසාදන ඇතිවීම නිසා කන් ඇසීමේ දුර්වලතාද පසුකාලීනව අපට දැක ගත හැකි වන අතර, මෙම තත්ත්වයන් අධ්‍යාපනය ලබන ළමුන්ගේ අධ්‍යාපන කටයුතු වලට පවා අහිතකර ලෙස බලපානවා. මේ නිසා මේ සම්බන්ධයෙන් විශේෂයෙන් සැලකිලිමත් වීම තුලින් රෝග ලක්ෂණ නැවත නැවත ඇති විම වලක්වා ගැනීම සහ රෝගයෙන් පීඩා නොවිඳ නීරෝගී සම්පන්න ජීවිතයක් ගත කළ හැකි වෙනවා.
31/12/2020
මුරුංගා තවත් බොහෝ රටවල ජනතාව ආහාරයක් මෙන්ම ඖෂධයක් ලෙසද භාවිත කරති. ඉන්දුනීසියාවේ ජනයා මෙය හඳුන්වන්නේ මිරකල් ට්‍රී හෙවත් ප්‍රාතිහාර්යයේ ශාඛය ලෙසිනි.
මුරුංගා කරල් වෑංජනයක් ලෙස සකසා ගැනීම කා අතරත් ප්‍රචලිත දෙයකි. එහෙත් මුරුංගා කොළ ඉතා වටිනා ගුණයකින් යුක්ත බව පර්යේෂණ වලින් ද ඔප්පු වී ඇති අතර අතීතයේ සිටම ඉන්දිය ජනතාව විවිධ ක්‍රම අනුව මුරුංගා කොළ ආහාරයට ගත්හ.
විටමින් ඒ සහ සී මෙන්ම කැල්සියම් මුරුංගා කොළ වල බහුලව අඩංගු වන බවත්, මුරුංගා කොළ යුෂ කෝප්පයක් බීමෙන් සිරුරට ලැබෙන ශක්තිය කිරි කෝප්ප 80කි. දොඩම් ගෙඩි 06කි. කෙසෙල් ගෙඩි 08ක් සහ අඹ කිලෝ 8 2/1ක් තුළින් ලැබෙන ශක්තියට සමාන බව කියති. මුරුංගා කොළ යුෂ බාල, තරුණ, මහලු කාටත් ගුණදායක බීමකි. කොළ මැල්ලුමද ජනප්‍රිය කෑමකි. මුරුංගා කොළ කොටා මිරිකා ගත් යුෂ කෝප්පයකට කිරි මිශ්‍ර කළ විට රසවත් බීමක් සැකසෙන බවත් එය සෙඛ්‍යයට බෙහෙවින් හිතකර බවත් කියති. මේ හැර අස්ථිවල වැඩීමටත්, ලේ පිරිසිදු කිරිමටත් ප්‍රතිශක්තිකරණ ගුණය සිරුර තුළ පවත්වා ගැනිමටත් ඒවා උපකාරි වෙයි.
ගර්භනී මවුවරුන්ට මෙය පාවිච්චි කිරිමෙන් සිරුරට අවශ්‍ය කැල්සියම්, යකඩ සහ විටමින් වර්ග ලැබේ. එසේම දුර්වල ගති මග හැරී දරු ප්‍රසුතියද පහසු කර දරුවෙකු බිහි කිරිමට මග පාදන බව ද කියති. ඉන්දීය ජනතාව අතර බෙහෙවින් ජනප්‍රිය මුරුංගා ඖෂධයක් ලෙසින් සැකසීමට ඔවුහු පුරුදු වී සිටිති.
මුරුංගා වල තිබෙන අසීමිත ගුණය නිසාම එය ආහාරයක් ලෙස පමණක් නොව දැන් රුපලාවන්‍ය සඳහා භාවිත කරන ඖෂධයක් ලෙසින්ද ලොව පුරා බොහෝ රටවල් විසින් හඳුනා ගෙන තිබෙනවා. විශේෂයෙන්ම කාන්තාවන්ගේ අලංකරණය සඳහා මුරුංගා ඇසුරින් නිපද වූ රුපලාවන්‍ය නිෂ්පාදන දැන් ලොව පුර වේගයෙන් අලෙවි වනවා.
විටමින් සහ ඛනිජ මෙන්ම ප්‍රතිඔක්සිකාරක ගුණයෙන් සපිරි
මුරුංගා කොළ කෝප්පයක් මගින් ශරීරයට පහත දැක්වෙන පෝෂණය සැපයෙනවා .
🌱දිනකට අවශ්‍ය වන විටමින් B6 – 19%
🌱විටමින් C – 157%
🌱ප්‍රෝටීන් – 2g
🌱විටමින් A – 9%
🌱විටමින් B2 riboflavin – 11%
🌱යකඩ – 11%
🌱මැග්නීසියම් – 8%
මුරුංගා අමුවෙන් මෙන්ම අතිරේක පෝෂණයක් ආකාරයට වියළි මුරුංගා කොළ වුවත් අපිට පාරිභෝජනය කරන්නට පුළුවන්.
#මුරුංගා පාරිභෝජනයෙන් ලැබෙන වැදගත් සෞඛ්‍යය වාසි
1.අස්ථි සවිමත් කිරීම
මුරුංගා තුල ඇති විශාල යකඩ සහ කැල්සියම් ප්‍රමාණය නිසා මුරුංගා අහාරයට ගැනීම මගින් අස්ථි වල ක්ෂයවීම වළක්වා ශරීරයට සවිබල ලබා දෙයි.
2.පිළිකා ඇතිවීම වැළක්වීම
මුරුංගා තුල අන්තර්ගත වන ප්‍රතිඔක්සිකාරක, විටමින් C, බීටා කැරොටීන්, “chlorogenic acid” සහ “quercetin” මගින් පිළිකා කාරක ඇතිවීම වලකයි.
3.හිසරදය ට සහනය
ඔබට තදබල හිසරදයක් ඇත්නම් මුරුංගා මුල් වලින් යුෂ ලබාගෙන ජලයත් සමග කවලම් කර පානය කරන්න. මහා ඖෂධයකි.
4.ඇස් රෝග දුරු කිරීම
මුරුංගා ආහාරයට ගැනීම මගින් ඇස් ඉදිමීම සහ සංසන්ධිතදාහය “conjunctivitis” නමැති සෞඛ්‍යය ගැටළුව සුව කර ගන්නට පුළුවන්. මුරුංගා පත්‍ර අඹරා ඇස් මත තබන්න. පෙනීම බොදවීමට සුවය සලසා ගැනීමට එම මිශ්‍රණයට මී පැණි එක්කර ආලේපනයක් සකසා ඇසිපිය දාරයේ ආලේප කරන්න.
5.රුධිරයේ ඇති සීනි මට්ටම නියාමනය කිරීම
ඔබ දියවැඩියා රෝගියෙක් නම් දිනකට මුරුංගා පත්‍ර කුඩු ග්‍රෑම් 7 බැගින් මාස තුනක කාලයක් ආහාරයට ගන්න. මේමගින් රුධිරයේ සීනි මට්ටම සාර්ථකව පාලනය කර ගත හැකි බව නවතම අධ්‍යයනයන් මගින් තහවුරු කර තිබෙනවා.
6.රුධිරය පිරිසිදු කිරීම
මුරුංගා ආහාරයට ගැනීම මගින් සමේ ඇතිවන කුරුලෑ සහ වෙනත් ආසාදනයන් සුව කර ගනිමින් රුධිරය පිරිසිදු කර ගන්නට පුළුවන්. මුරුංගා එක්කර සුප් පානයක් සකස් කර පානය කරන්න. එමෙන්ම මුරුංගා යුෂ මුහුණේ ඇතිවන කුරුලෑ මත ආලේප කරන්න. මුරුංගා සතුව ඇති ප්‍රතිජීවක බලය මගින් මෙවන් ආසාදනයන් සුවපත් කර ගන්නට පුළුවන්.
7.වයසට යාම ප්‍රමාද කිරීම
මුරුංගා තුල අන්තර්ගත විටමින් A මගින් ශරීරය වියපත්වීම ප්‍රමාද කර ගන්නට පුළුවන්. මුරුංගා ආහාරයට ගැනීම මගින් ප්‍රතිශක්තිකරණ පද්ධතිය වේගවත් කර ඇස් පෙනීම වර්ධනය කරනු ලබනවා.
දැන් ලොව පුරා රටවල ජනතාව බොහෝ රෝග වලින් වැළකී සිටීම සඳහා මුරුංගා පත්‍ර ඇසුරින් සැකසු මුරුංගා බෙහෙත් කරල් භාවිත කරනවා.
30/12/2020
මේ ඉරුවාරදය එක්ක ඔළුව කැක්කුම ආවම එක පැත්තක තමයි ඉස්සෙල්ලාම වේදනාව ඇතිවෙන්නේ. ඊට පස්සේ ඇහ පොඩ්ඩක් නටනවා වගේ එනවා. සමහර විට වමනේ යන්න පටන් ගන්නවා. සමහර විට ඔළුව උස්සන්න බෑ. බර ගතියක් එනවා. මේ විදියේ විවිධ රෝග ලක්ෂණ ඇති වෙනව.
ඉරුවාරදය හෙවත් මිග්‍රේන් යනු ඉතා දිගු කාලයක් තිස්සේ වරින් වර ඇති වන හිසේ කැක්කුමයි. මෙම හිසරදය ඇති වන වාර ගණන පවතින දින ගණන පුද්ගලයාගෙන් පුද්ගලයාට වෙනස් වේ. හිසේ කැක්කුමක් සමග බොහෝ විට ආහාර මාර්ගය හා ඇස්වල පෙනීම ආශ්‍රිතව රෝග ලක්ෂණ හට ගනී.
ඉරුවාරදය කුඩා දරුවාගේ සිට මහලු වියේ පසු වන අය දක්වා දක්නට ලැබෙන රෝගයකි. වයස අවුරුදු 10 සිට 45 දක්වා පිරිස අතර ඉරුවාරදය බහුලය. තරුණ පරම්පරාව අතර මෙම රෝගය වැඩි වශයෙන් දක්නට ලැබේ. එසේම පිරිමි අයට සාපේක්ෂව කාන්තාවන් අතර බහුලය.
#ඉරුවාරදය ඇති වීමට හේතු
ඉරුවාරදයට නිශ්චිත හේතුව තවම සොයා ගෙන නැත. ඉරුවාරදය සඳහා ජානමය හේතු බලපාන බවක් ද මෙතෙක් සොයා ගෙන නැත. එහෙත් එක ම පවුලේ සාමාජිකයන් අතර මෙම රෝගය වැළදීමේ හැකියාව වැඩිය.
ඉරුවාරදයට මොළය ආශ්‍රිත ජීව රසායනික සංයෝගවල ඇති වන යම් යම් අසමතුලිතතා හේතු වන බවට මතයක් තිබේ. යම් උත්තේජනයකින් පසුව මොළය ආශ්‍රිතව රුධිරවාහිනි විස්තාරණය වීම ඊට බලපාන බව විශ්වාස කෙරේ.
#රෝග ලක්ෂණ
හිසේ එක් පැත්තකින් හට ගන්නා තදබල හිසේ කැක්කුමක් ඇති වෙයි. මෙය පැය කිහිපයක සිට දින කිහිපයක් දක්වා එක දිගට පැවතිය හැකිය. එසේම,
1.ඔක්කාරය හා වමනය
2.කරකැවිල්ල
3.ආහාර අරුචිය
4.ආලෝකය දෙස එක එල්ලේ බැලීමේ අපහසුව
5.සමහර ළමයින්ට ඉරුවාරදය වැළඳුණු විට හිසරදය නොමැතිව වමනය ඔක්කාරය ඇති විය හැකිය.
6.ඉරුවාදය ඇති වීමට පෙර ඇතැම් අයට තරු හෝ සිග්සැග් ආලෝක දහරා වැනි දෑ දිස් වීම, දර්ශන පථයේ අඳුරු ලප දිස් වීම, එක් ඇසක් නො පෙනී යාම ආදි පූර්ව රෝග ලක්ෂණ පහළ විය හැකිය.
#ඉරුවාරදය උත්සන්න වීමට හේතු
ඉරුවාරදය උත්සන්න වීමට බලපාන හේතු සාධක පුද්ගලයාගෙන් පුද්ගලයාට වෙනස් විය හැකිය. ඇතැම් රෝගීන්ට පහත සඳහන් හේතු නිසා ඉරුවාරද තත්ත්වය උත්සන්න විය හැකිය.
1.තද හිරු එළිය
2.නිදි වැරීම
3.තද බඩගින්න
4.මානසික ආතතිය
5.මාස් ශුද්ධිය
6.ඇතැම් විට චීස්, චොකලට්, ඇඹුල් බීම ආදී ඇතැම් ආහාර වර්ග නිසා ද ඉරුවාරදය උග්ර වේ.
#ප්රතිකාර අවශ්‍ය කුමන තත්ත්වයක දී ද?
ඉරුවාරදය සාමාන්‍ය හිසරදයට වඩා බරපතළ වීම, ඉරුවාරදය වැඩි වාර ගණනක් සෑදීම හෝ සාමාන්‍ය ප්‍රතිකාරවලට සුව නොවීම, අවුරුදු 50 ට වැඩි වයසක දී මුල් වරට ඉරුවාරදය ඇති වීම, හිසරදය සමග උණ ඇති වීම වැනි අවස්ථාවල දී වෛද්‍ය උපදෙස් ලැබිය යුතුය.
#ඉරුවාරදය නිට්ටාවට සුව කළ හැකි ද?
ඉරුවාරදය සම්පූර්ණයෙන් සුව කළ හැකි රෝග තත්ත්වයක් නොවේ. ඉරුවාරදය නිසා ඇති වන රෝග ලක්ෂණ වෙන රෝග නිසා ද ඇති විය හැකි නිසා වෛද්‍යවරයකු විසින් රෝග නිර්ණය කිරීම වැදගත්ය.
#ප්රතිකාර
රෝග ලක්ෂණ ඇති අවස්ථාවල දී ඒ සඳහා වේදනා නාශක හා වමනය සඳහා ඖෂධ ලබා දෙයි. නිශ්ශබ්ද අඳුරු ස්ථානයක විවේක ගැනීම ද රෝග ලක්ෂණ අඩු කිරීමට හේතු වේ. ඉරුවාරද රෝග ලක්ෂණ පහළ වන විට ම අදාළ බෙහෙත් පාවිච්චි කිරීමෙන් ඉක්මනින් සුවය ලැබිය හැකිය.
ඔබ නිතර නිතර ඉරුවාරදයෙන් ඉතා බරපතළ ලෙස පීඩා විදින, ඒ නිසා ඔබේ එදිනෙදා ජීවිතයට බලපෑමක් ඇති අයකු නම් ඔබේ වෛද්‍යවරයාගෙන් ඉරුවාරදය පාලනය කිරීම සඳහා ඇති ඖෂධ භාවිතය ගැන උපදෙස් ලබා ගත හැකිය. එහෙත් මෙම ඖෂධ බොහොමයක් ගර්භණී කාලයේ දී හා මව්කිරි දෙන අවස්ථාවල දී භාවිත කිරීමට නුසුදුසු නිසා ඒ පිළිබඳ ව ඔබේ වෛද්‍යවරයා දැනුම්වත් කිරීම වැදගත්ය.
එමෙන්ම ඉරුවාරදය පාලනය කර ගැනීම සඳහා ඖෂධ ප්‍රතිකාරවලට අමතරව එදිනෙදා ජීවිතයේ දින චර්යාව වෙනස් කර ගැනීම අතිශය වැදගත්ය. ඉරුවාරදය පාලනය කර ගැනීමට ව්‍යායාම කිරීම, යෝගි අභ්‍යාස කිරීම, මානසික සමතුලිතතාව රැක ගැනීම, පෝෂණීය ආහාර පාන ලබාගැනීම, නිරාහාරව නොසිටීම සහ ප්‍රමාණවත් නින්ද ලැබීම උපකාරී වෙයි.
29/12/2020
🚭🚫🚭
28/12/2020
ඔබ දුම් පානය කරයි නම්, එය නතර කිරීමට පවසමින් ඔබේ මිතුරන් හා පවුලේ සාමාජිකයන් කොතෙකුත් බලපෑම් සිදු කරනවා ඇත. ඔබ දුම් පානය කරනුයේ දුම් පානය නිසා හෘද රෝග, ආඝාතය, පිළිකා, නිදන්ගත පෙනහළු අවහිරතා රෝග (COPD), සහ වෙනත් ශාරිරීක අඩපණතාවන් ඇතුළු රෝග ඇති වීමේ ඉඩකඩ වැඩි බව හොඳ අවබෝධයකිනි.
එවැනි දිගු කාලීන අවදානම් පිළිබඳව දැන දැනත් විශේෂයෙන්ම තරුණ වයසේ පුද්ගලයන් ඉන් ඉවත් වීමට ස්වයං පෙළඹවීමක් සිදු කිරීමට තරම්වත් උත්සහ කරනවා විය නොහැක. නමුත් වසර ගණනාවකට පසුව ඉතා අවදානම්, වේදනාකාරී රෝග හට ගෙන ක්ෂණික මරණයකට හෝ සදාකාලික විඳවන්නෙකු බවට පත්වනවා යැයි දැන දැනම දුම් පානය කිරීමත් ඔබට සැබවින්ම අසීරු විය හැකිය.
දුම් පානය කිරීමට කිසිදු ආරක්ෂිත ක්‍රමවේදයක් ද නැත. දුම් බීමේ දී සුරුට්ටු හෝ දුම් පයිප්ප යොදා ගැනීම දුම්කොළ නිෂ්පාදනවලින් ඔබේ සෞඛ්‍යට සිදුවන අවදානම වළක්වා ගැනීමට කිසිදු උපකාරයක් සිදු කරන්නේ නැත. දුම් පානය කරන්නා සිය කර්තව්‍ය සාධාරණීකරණය කිරීමට කොතෙකුත් වදන් ගොනු කළත් ලෝකයා පිළිගන්නා විද්‍යාත්මක හා අධ්‍යාත්මික (ආගමික) පරම සත්‍යය නම් දුම්බීම ඔබේ සෞඛ්‍යට බරපතලව හානි සිදුකරයි යන්නයි.
දුම් වැටියක අමුද්‍රව්‍ය 600ක් පමණ අඩංගු වේ. දුම් වැටිය දැල්වෙන විට 7000කට අධික රසායනික ද්‍රව්‍ය උත්පාදනය වන බව ඇමරිකානු පෙනහළු සංගමය පවසයි. එම රසායනික ද්‍රව්‍ය බොහෝමයක් උග්ර විෂ වර්ග වන අතර ඉන් අවම වශයෙන් විෂ 69ක් පිළිකා කාරකයන් විය හැක. ජාතික පිළිකා ආයතනය පවසන අයුරින් දුම් වැටියට වඩා සුරුට්ටුවක ඉහළ පිළිකා කාරක, විෂ හා තාර (Tar) ඇත.
දුම්බීම භින්නෝන්මාදය (schizophrenia) වර්ධනය වීමට ප්‍රබල සාධකයක් ලෙස ක්‍රියා කළ හැකි බව පර්යේෂකයෝ පවසයි. භින්නෝන්මාදය යනු මනස තල දෙකක ක්‍රියාත්මක වීම නැතහොත් සන්නිවේදනය සහ ක්‍රියාව අතර සම්බන්ධය නැතිව ගොස් ඇති වන උමතුව නැතහොත් මනෝ විකාරය වශයෙන් විස්තර කළ හැක.
දුම් පානයේ ප්‍රධාන සෞඛ්‍ය අවදානම පෙනහළු පිළිකා, හෘද රෝග හා ආඝාතය (Stroke) වේ. දුම් පානය නිසා හට ගන්නා පෙනහළු පිළිකා හේතුවෙන් සියයට 90ක් මිය යන අතර නිදන්ගත පෙනහළු අවහිරතා රෝග (COPD) හේතුවෙන් සියයට 80ක් පමණ මිය යයි. හෘද රෝග මරණ සියයට 17ක් පමණ සිදු වේ.
දුම් වැටියේ වඩාත් භයානක සංරචක කිහිපයක් පිළිබඳ මෙම ලිපියෙන් නිරාවරණය කරන්නේ දුම් පානය කරනා ඔබ වෙනුවෙනි.
තාර: දුම්කොළ දුම ආශ්වාස කරන විට, සමහර තාර පෙනහළුවල තැන්පත් වේ. විෂබීජ හා වෙනත් දේවල් පෙනහළුවලින් සම්පූර්ණයෙන් පිටතට ගෙන යාමට උපකාර වන ඉතා කුඩා කෙස් පෙනහළුවල පේළි ගැසී පිහිටා ඇත. දුම් පානය නිසා ආශ්වාසවන තාරවලින් මෙම කෙස් ආවරණය වීම හේතුවෙන් එම ස්වාභාවික ක්‍රියාවලිය හැසිරවීම දුෂ්කර වේ. සිගරට් දුම ආශ්වාස කර තාරවල පිළිකා සෛල වර්ධනය කරන පිළිකාකාරක රසායනික ද්‍රව්‍යයන් ද අඩංගු වේ.
කාබන් මොනොක්සයිඩ්: කාබන් මොනොක්සයිඩ් රුධිරයේ ඇති හිමොග්ලොබින් හා ආබද්ධව රුධිර සංසරණයේ දී ශරීරය පුරා අවශ්‍ය තරම් ඔක්සිජන් රැගෙන යාම වළක්වයි. ඒ අනුව පෙනී යන්නේ දුම් පානය කරන පුද්ගලයෙකු වාතය ඉක්මණින් ශරීරයෙන් බැහර කිරීමටත් ඉක්මණින් වෙහෙසට පත් වීමට ඉඩ ඇති බවයි. අවසානයේදී, ඔබට නිදන්ගත පෙනහළු අවහිරතා රෝග (COPD) නම් වු පෙනහළු රෝගය නොමිලයේ ලබා ගත හැක. ඔබටත් නොදැනීම දැනටමත් මෙම රෝගය වැළඳී ඇත්නම්, ඉදිරියට ආශ්වාස ප්‍රාශ්වාස කිරීම ඉතා බරපතල ලෙස අපහසු වනු ඇත.
ඔක්සයිඩ් වායුව: ඔක්සයිඩ් වායුව ඔක්සිජන් සමඟ ප්‍රතික්‍රියා කරන වායුවකි. එය හෘදයාබාධයක් හෝ ආඝාතය වැළඳීමේ අවදානම වැඩි කරමින් ලේ කැටි තැන්පත් වීමේ ඉඩකඩ වැඩි කරනු ඇත.
බෙන්සීන්: බෙන්සීන් වෙත නිරාවරණය වීමෙන් ජාන මට්ටමින් සෛලවලට හානි පැමිණිය හැකි අතර, එවැනි තත්ව ලියුකේමියාව, වකුගඩු පිළිකා වැනි විවිධ පිළිකා රෝග ඇති වීමට ප්‍රබල සම්බන්ධතාවක් දක්වයි. අතීතයේ දී බෙන්සීන් පෙට්‍රල් හා මිශ්‍ර කිරීමට භාවිත කළ නමුත් සෞඛ්‍ය පිළිබඳව වැඩි සැලකිලිමත්භාවය හේතුවෙන් මෙය ප්‍රායෝගිකව සිදු කිරීම නතර විය. යන්ත්‍රයක දැවෙන්නට හැරීමෙන් පිටවන දුමාරය නිසා සෞඛ්‍ය පිරිහීමේ ප්‍රවණතාව වැළකීමට ලෝකයම එක්ව ක්‍රියා කළත් දුම් පානය කරන්නන් තමන් විසින්ම තමන්ගේ ගෙල මිරිකා ගැනීමට දුම් වැටියෙන් බෙන්සීන් ලබා ගනියි.
#දුම්පානය කිරීම මගින් හානි සිදුවිය හැකි අවයව.🤨
දුම්පානය කිරීම ඔබේ සෞඛ්‍යයට අහිතකර ලෙස බලපෑම් කලහැකි බව ඔබ දැනටමත් දන්නවා වියහැක. නමුත්, සැබැවින්ම එය සිදුවන්නේ කෙලෙසද යන්න පිළිබඳව අවබෝධයක් ලබාගැනීමට මෙය වැදගත් වේ. එමෙන්ම, අක්‍රීය දුම්පානය සහ සක්‍රීය දුම්පානය යන ආකාර දෙකෙන්ම එකලෙස ඔබගේ සෞඛ්‍යයට හානි සිදුවන බව ඔබ දැනගත යුතුය. එමනිසා, ඔබ දුම්පානය කිරීම නොකලත් අක්‍රීය දුම්පානයට නතුවන අයෙක් නම්, ඔබේ දිවිය අනතුරට ලක්වීම වැලැක්වීමට අපහසු වේ.
පෙනහලු
පෙනහලු පිළිකා වලින් 90% ක් පමණ ඇතිවන්නේ දුම්පානය කිරීම නිසාවෙනි. ශ්‍රී ලංකාවේ පිරිමි අයට ඇතිවන පිළිකා වලින් දෙවන ස්ථානය ගන්නේ පෙනහලු පිළිකා බව ඔබ දන්නවාද? දුම්පානය කිරීම පිළිකා ඇතිකරන්නේ පෙනහලු වල පමණක් නොවේ. එය, මුඛයේ, වකුගඩු වල, අක්මාවේ, මුත්‍රාශයේ, අග්න්‍යාශයේ, ආමාශයේ, මහා බඩවැල් වල, සහ ගුදයේ පිළිකා ඇතිකිරීමට සමත්ය. එමෙන්ම, දුම්පානය කිරීම chronic obstructive pulmonary disease (COPD) නැමැති නිදන්ගත හතිය ඇතිකරන රෝගය ඇතිකරන ප්‍රධානම සාධකය වේ. මෙම රෝගයේදී, පෙනහලු වල කුඩා ශ්වාස නාල සහ ගර්ත වලට හානි සිදුවීම දක්නට ලැබේ.
හදවත
ශ්‍රී ලංකාවේ රෝහල් තුළ සිදුවන මරණ වලට වැඩිම දායකත්වය (14.8%) දක්වන හෘද රෝග සඳහා හේතුවන ප්‍රධාන අවදානම් සාධකයක් ලෙස දුම්පානය දැක්විය හැක. දුම්පානය කිරීම මගින් හෘදයේ ඇති රුධිර වාහිනී ඝනවී, සිහින් වන අතර, රුධිරයේ ඝනකමද වැඩිකර කැටිගැසීමට ඇති හැකියාවද වැඩිකරයි. මෙම ක්‍රියාවලිය, දුම්පානය කරන්නන්ට හෘදයාබාධයක් ඇතිකිරීමට සමත්ය.
ලිංගික අවයව
දුම්පානය කරන පුරුෂයන්ගේ ලිංගික අවයව නිසි පරිදි ප්‍රාණවත් නොවීමට වැඩි අවදානමක් ඇත. ඔබ වැඩි වැඩියෙන් දුම්පානය කරන පුරුෂයෙක් නම්, ලිංගික අවයව ප්‍රාණවත් නොවීමට ඇති අවදානමද එයට සමානුපාතිකව ක්‍රමයෙන් ඉහළ යයි. එමෙන්ම, දුම්පානය කිරීම මගින් පුරුෂයන්ට වෘෂණ පිළිකා ඇතිවීමේ අවදානම වැඩිවන අතර, කාන්තාවන්ට ගැබ්ගෙල පිළිකා ඇතිවීමට වැඩි අවදානමක් ඇතිවේ.
සන්ධි
ඔබගේ සන්ධි ඉදිමීමකට ලක්වී වේදනා ගෙනදෙනවාද? දුම්පානය කරන්නන්ට රූමැටොයිඩ් පර්වදාහය (Rheumatoid arthritis ) නැමැති සන්ධි ප්රදාහය වැළඳීමට වැඩි අවදානමක් ඇතිබව පර්යේෂණ මගින් හෙළිවී ඇත. එමෙන්ම, රූමැටොයිඩ් පර්වදාහය ඇති අයෙක් දුම්පානය කරන්නේ නම්, එම රෝගය මර්ධනය කිරීම සඳහා ලබාගන්නා ඖෂධ නිසි අයුරින් ක්‍රියානොකරන බවද සොයාගෙන ඇත. කෙසේ වුවත්, එසේ වන්නේ ඇයිද යන්න තවමත් පැහැදිළි නොවූ කාරණයකි.
සම
වයස්ගත වීමත් සමග ක්‍රමයෙන් සමේ රැළි ඇතිවීම දක්නට ලැබෙන දෙයකි. දුම්පානය කිරීම, සමේ රැළි ඇතිවීම ඇතුළු සමේ වයස්ගතවීමේ ක්‍රියාවලිය ඉක්මන් කරයි. ඇතැම්විට, දුම්පානය කරන අවුරුදු 40 ක පුද්ගලයෙකුගේ සම, දුම්පානය නොකරන අවුරුදු 70 ක පුද්ගලයෙකුගේ සමෙහි පෙනුමට සමාන වන අවස්ථා දක්නට ලැබේ. විශේෂත්වය වන්නේ, දුම්පානය කිරීම මගින් ඔබේ සමට හානි සිදුවුවහොත්, එය නැවත යථා තත්ත්වයට පත්නොවීමයි. එමෙන්ම, එය සමේ පිළිකා ඇතුළු සමේ රෝග ගණනාවකටම හේතුවන අතර, දැනට පවතින සමේ රෝග දුම්පානය මගින් උත්සන්න වනු දැකිය හැක.
ඇස්
ඔබගේ දෘෂ්ටි පථය තුළ එනම්, ඔබට පෙනෙන පරාසයේ මැද ඇති පෙනුමට හානිකරන රෝගයක් ලෙස macular degeneration නැමැති තත්ත්වය හැඳින්විය හැක. ඔබ දුම්පානය කරන්නෙක් නම්, මෙම රෝගය වැළඳීමට ඇති අවදානම දෙගුණයකින් ඉහළ යයි. මෙම රෝගය වැළඳුන විට කියවීම, ලිවීම, සහ ඔබ ඉදිරියේ සිටින අයෙකුගේ මුහුණ දැකගැනීමට අපහසු වේ. එමෙන්ම, දුම්පානය කිරීම, ඇසේ සුද මතුවීමට ඇති අවදානම තුන් ගුණයකින් ඉහළ දමයි.
විදුරුමස
විදුරුමස් රෝගය, දත් දිරායාමට සහ දත් වැටීමට ප්‍රමුඛතම හේතුව ලෙස දැක්විය හැක. මෙම විදුරුමස් රෝගයේදී, විදුරුමස වේදනාකාරී වීම, ලේ ගැලීම, ආහාර සැපීමේදී වේදනා ඇතිවීම, සහ මුඛයෙන් දුගඳක් හැමීම ඇතිවේ. ඔබ දුම්පානය කරන්නේ නම්, විදුරුමස් රෝගය වැළඳීමට ඇති අවදානම දෙගුණයකින් ඉහළ යයි. එමෙන්ම, ඔබ දුම්පානය කරන ප්‍රමාණයට සමානුපාතිකව විදුරුමස් රෝගය වැළඳීමට ඇති අවදානම ක්‍රමයෙන් වැඩිවනු දැකිය හැක.
මොළය
දුම්පානය කරන්නෙකුට, එසේ නොකරන්නෙකුට වඩා අංශභාගය හෙවත් ආඝාතය (Stroke) වැළඳීමට තුන් ගුණයකටත් වඩා වැඩි අවදානමක් ඇතිබව ඔබ දන්නවාද? මොළය ආශ්‍රිතව ඇති රුධිර වාහිනියක ලේ කැටියක් සිරවී අවහිරවීමෙන් අංශභාගය ඇතිවන අතර, එය මුහුණේ පැත්තක් පණ නැතිවීම, ශරීරයේ පැත්තක් පණ නැතිවීම, පෙනීම අඩුවීම හෝ නැතිවීම, කථාකිරීමට අපහසුවීම, ඇවිදීමට අපහසුවීම මෙන්ම, ඇතැම්විට මරණයද ඇතිකරයි. එමෙන්ම, දුම්පානයට ඔබේ රුධිර පීඩනය ඉහළ දැමීමට හැකියාව ඇති අතර, එමගින් මොළයේ රුධිර වාහිනී වල උපුලුව (Cerebral aneurysm) නැමැති තත්ත්වය ඇතිවිය හැක. මෙහිදී, රුධිර වාහිනී බිත්තිය දුර්වල වී, රුධිර පීඩනය නිසා බැලුමක් ආකාරයට පිම්බීම සිදුවේ. උපුලුව හරහා මොළය තුළට රුධිරය කාන්දුවීම හෝ එය පිපිරීම නිසා මොළය තුළ රුධිර වහනයක් සිදුවීම මගින්ද, අංශභාගය වැළදීම සිදුවිය හැක.
ආහාර ජීර්ණ පද්ධතිය
ඔබ දුම්පානය කරන්නේ නම්, ආමාශයේ තුවාළ, අග්න්‍යාශයේ ප්රදාහය (Pancreatitis), මහා අන්ත්‍රයේ ගෙඩි හටගැනීම (Colon polyps), අග්න්‍යාශයේ පිළිකා, සහ ක්‍රොන්ගේ රෝගය (Crohn’s disease) නැමැති මහා අන්ත්‍රයේ තුවාළ හා සිදුරු ඇතිකරන ප්‍රදාහමය රෝගය වැළඳීමට ඇති අවදානම වැඩිය. එමෙන්ම, ඔබගේ අක්මාවට සහ අග්න්‍යාශයට බළපෑම් ඇතිකරන දෙවන වර්ගයේ දියවැඩියාව (Type 2 diabetes melli
ඔබ තවමත් ප්‍රමාද නොවූවා විය හැකියි. දුව යන කාලය ආපසු හැරවීමට ඔබට නොහැකියි. එබැවින් කෙටි කාලීන වින්දනයක් පතා දීර්ඝ කාලීනව විඳවීමක් අත්පත් කරගන්නේ ද යන තීරණය ඔබ සතුයි. 😊
27/12/2020
අද ලෝකයේ මෙන්ම අප රටේ ජනතාව ද මුහුණ දී තිබෙන ප්‍රධාන සෞඛ්‍ය ගැටලු අතර දියවැඩියා රෝගය ප්‍රමුඛ ස්ථානයක් බවට පත්වී තිබෙනවා. මෙහි තවත් භයානක පැතිකඩක් වශයෙන් තරුණ පරපුර විශාල වශයෙන් මෙම රෝගයට ගොදුරු වී තිබීම සහ ඒ බව නොදැන සිටීමයි. මිනිස් ජීවිතයේ ඇවතුම් පැවතුම් මෙන්ම ආහාර රටාව නිසි ආකාරයෙන් පවත්වා නොගැනීම, නිසි අයුරින් ව්‍යායාම නොකිරීම, ක්ෂණික ආහාර වැඩි වශයෙන් භාවිතය, මානසික ආතතිය මෙම ප්‍රතිශතය වසරින් වසර වැඩි වීමට හේතු වී තිබෙනව.
#කුමක්ද මේ දියවැඩියා රෝගය කියන්නේ?
මිනිස් සිරුරේ අග්න්‍යාශයේ ලැන්ගර්හැන්දීපිකා (බීටා) සෛල මඟින් නිපදවන ඉන්සියුලින් හෝමෝනය කිසිසේත්ම නිපද නොවීම, ශරිරයට අවශ්‍ය ප්‍රමාණයට නිපද නොවීම සහ ඉන්සියුලින් ක්‍රියාකාරී සෛල එයට ප්‍රතිරෝධීතාවය දැක්වීම, මෙම රෝගය ඇති වීමට ප්‍රධාන ලෙස බලපානවා. මෙම හේතුව නිසා රුධිරයේ ඇති සීනි (ග්ලුකෝස්) ප්‍රමාණය සාමාන්‍ය අගයට වඩා දිර්ඝ කාලයක් නිරන්තරයෙන් ඉහළ යාම මෙලෙස හඳුන්වන්න පුළුවන්. මීට අමතරව සමහර ඖෂධ වර්ග, ජානමය හේතූන් මත, සමහර වෛරස් රෝග නිසා, ඉන්සියුලින් ප්‍රතිරෝධි හෝමෝන නිසාත්, අග්න්‍යාශයේ වෙනත් විවිධ රෝග නිසාත් මෙම රෝගය වැලඳෙන අවස්ථා දැකිය හැකියි.
#දියවැඩියා රෝගය වැළඳීමට අවදානමක් ඇත්තේ කාට ද?
ඔබ වයස අවු. 45ට වැඩි නම්, තරබාරු අය, පවුල් ඉතිහාසය, ව්‍යායාම අඩු අයට, හෘද රෝග, අධිරුධිර පීඩනය සහ අධික කොලෙස්ටරෝල් ඇති අයට, මානසික ආතතියට, ක්ෂය රෝගය ඇති අයට, ගර්භණී සමයේ දියවැඩියාවට ගොදුරු වූ අයට, උපත් බර ඉතා වැඩි හෝ අඩු අයට (POCS-Polycystic Ovarian Syndrome), විටමින් D ඌනතාවය ඇති අයට, අයහපත් ආහාර රටාවක් ඇති අයට, අධික දුමිපානය කරන අයට, පූර්ව දියවැඩියා අවස්ථාවේ සිටින අයට මෙම රෝගය වැළඳීමේ අවදානමක් තිබෙනවා.
#නිසි අයුරින් මෙම රෝගය පාලනය නොතිබීමෙන් කුමක් සිදුවිය හැකි ?
කෝමා තත්වය, වකුගඩු අක්‍රීය වීම, හෘද රෝග, දෙපා අහිමි වීම, අන්ධභාවය, ආඝාතය, ස්නායු දුර්වල වීම, ලිංගික අප්‍රාණිකත්වය, රුධිර නාල සම්බන්ධ රෝග සහ ආසාදන තත්වයන් ඇති වීමට පුළුවන්.
#මෙම රෝගය වැළැක්වීමට අර ගත යුතු ක්‍රියාමාර්ග මොනවා?
සෑම කෙනෙකුම යහපත් ආහාර රටාවන්, නිසි ව්‍යායාම, මානසික යහපැවැත්ම, අවශ්‍ය ප්‍රමාණයට නින්ද ලබා ගැනීම, නිසි කලට අවශ්‍ය රුධිර පරීක්ෂාවන් සිදුකිරීම, දුම් පානයෙන් වැළකීම සහ ඉහත සඳහන් සියලු අවදානම් පුද්ගලයන් සඳහා දියවැඩියාව හඳුනා ගැනීමේ පූර්ව පරික්ෂාවන් සිදුකිරීම, මෙය නිසි ලෙස වළක්වා ගත හැකියි. මෙයට අමතරව පහත සඳහන් රෝග ලක්ෂණ පෙන්නුම් කරන අය ද පූර්ව පරික්ෂාවකට ලක් කළ යුතුයි. (නිතර මුත්‍රා පහවීම, අධික පිපාසය, ක්ෂණික බර අඩු වීම, පාදවල හිරිය ඇති වීම, කල්ගත වන තුවාල ඇති අය, ලිංගික අවයවවල දිලීර ආසාදන (සුද යාම), ඇසේ සුද ඇති වීම.)
#මෙම රෝගය පාලනය කිරීමට නම්,
1. වෛද්‍ය උපදෙස්වලට අනුකූලව ඖෂධ භාවිතා කිරිම.
2. නිවැරදි ආහාර රටාවන් අනුගමනය කිරීම සහ පාලනය කිරීම.
3. නිසි අයුරින් සුදුසු වයයාමයක නිරත වීම.
4. වෛද්‍ය උපදෙස් අනුව අවශ්‍ය පරීක්ෂා සිදුකිරීම හා follow-up (පසු පරික්ෂා), උපදෙස් හා ප්රතිකාර ලබා ගැනීම නොකඩවා සිදුකිරීම ආදියයි.
5. මානසික ආතතිය අවම කිරිම.
ආහාර රටාව වෙනස් කිරීම
පිෂ්ඨය, සීනි, එලකිරි ආශ්‍රිත කිරි ආහාර, පාන් පිටි ආහාර සහ මධ්‍යසාර සහ අසංතෘප්ත තෙල් ආහාර භාවිතය නැවතිය යුතුය.
තන්තුමය ආහාර, අසංතෘප්ත මේදය,මත්ස්‍ය මේදය, කෝමාරිකා, ප්‍රෝටීන් බහුල ආහාර,පලතුරු (අන්නාසි සහ කොමඩු හැර ) ආහාරයට ගැනීම වැඩි කල යුතුය.
විටමින් සහ අතිරේක අයන සංඝටක බහුල ආහාර පරිභෝජනය ඉහල දැමිය යුතුය.
ක්‍රෝමියම් බහුල ආහාර- බිත්තර කහ මදය,කෝපි,මස්,ධාන්‍ය
මැග්නීසියම් බහුල ආහාර- යෝගට්,ආමන්ඩ්,නිවිති
වැනේඩියම් බහුල ආහාර-
විටමින් C බහුල ආහාර- දෙහි,දොඩම්,පලතුරු
Co enzyme-Q අඩංගු ආහාර- මස්,මාලු,ඉස්සන්,දැල්ලන්
කුළුබඩු පරිභෝජනය- ඉඟුරු,කුරුඳු,කරවිල යුශ
දිනපතා ව්‍යායාම වල යෙදීම
තරබාරු බව දියවැඩියාවට පාර කියන්නේ, සිරුරේ සෛල ඉන්සියුලින් හෝමෝනයට දක්වන විරෝධීතාවය වැඩි කිරීමෙනි. ව්‍යායාම මගින් සිරුරේ තරබාරුව අඩුකර සෛලවල ඉන්සියුලින් සංවේදීතාවය වැඩි කරයි. ව්‍යායාම මෙන්ම, Zumba, aerobics, පිහිනීම වැනි ක්‍රියාකාරකම් ද තරබාරු බව අඩු කිරීමට උපකාරි වේ.
අවශ්‍ය ප්‍රමාණයට ජලය පානය කිරීම
රුධිරයේ සීනි මට්ටම ඉහල රෝගීන් දිනපතා පානයට නිර්දේශිත ජල ප්‍රමාණයට වඩා ජලය පානය කල යුතුවේ. එයට හේතුව වන්නේ, රුධිරයේ ඇති අමතර සීනි අංශු- මුත්‍රා සමග පෙරා ඉවත් කිරීමට වැඩි ජල ප්‍රමාණයක් අවශ්‍ය වීමයි.
ආතතියෙන් තොර ජීවන රටාවක් පවත්වාගෙන යාම
මානසික ආතතිය මෙන්ම ශරීරයේ ආතතිය මිනිස් සිරුරට පීඩා ගෙන දේ. ආතතිය නිසා ශරීරයෙන් cortisol, adrenaline, glucagon වැනි හෝමෝන වර්ග සාමාන්‍ය ප්‍රමාණයට වඩා ස්‍රාවය වේ. එමගින් ශරීරයේ සංචිත ග්ලූකෝස් රුධිරයට මුදා හැරේ. එමගින්, සීනි මට්ටම ඉහල යාම ද සිදු වේ.
හොඳ නින්දක් ලබා ගැනීම
දියවැඩියා රෝගීන්ට මෙන්ම සියලුම දෙනාට සුව නින්දක් යනු අත්‍යවශ්‍ය සාධකයකි. නින්ද මූලික මිනිස් අවශ්‍යතාවයකි. නිසි නින්දක් නොලැබුනොත් එය ශරීරයට ආතතියක් වන අතර, ඉහත කී ක්‍රියාදාමය නැවත ක්‍රියාත්මක වීමෙන් රුධිරයේ සීනි මට්ටම ඉහල යයි.
ජීවන රටාව වෙනස් කරමින්, ඍණාත්මක සිතුවිලි වලින් බැහැර යමින්, ධනාත්මක සිතුවිලි වර්ධනය කර ගනිමින් ස්වභාවධර්මය සමග කල් ගෙවීම
කාර්යබහුල ජීවන රටාව වෙනස් කරගනිමින්, පරිසරය රස විඳීමට කාලයක් වෙන්කර, මත්පැන් දුම් පානය ආදියෙන් ඉවත් වී උසස් ජීවන රටාවක් කරා යොමුවීම මගින් රුධිරයේ සීනි මට්ටම පාලනය කරගත හැකිය.
27/12/2020