Heshi's Kitchen
Heshi's kitchen ,
23/07/2024
Post number 209
❤strawberry mousse pudding ❤
අවශ්‍ය ද්‍රව්‍ය
ස්ටෝබෙරි ජෙලි පැකට් එකක්
පොඩි ටින්කිරි ටින් එකක්
කෝන් පිටි මේස හැඳි දෙකක්
වතුර කෝප්ප දෙකක් පමණ
සාදාගන්නා ආකාරය
උණු වතුර කෝප්පයකට මදක් අඩුවෙන් ගෙන ජෙලි පැකට් එක එකතු කර හොදින් දිය කර ගන්න,හොඳින් දියකර ගත් පසු එයට ඇල් වතුර කෝප්ප බාගයක් එකතු කර කලවම් කර ගන්න,කෝන් පිටි ටිකට වතුර ටිකක් එකතු කර දිය කර ගන්න,ඉන්පසු එම මිශ්‍රණය ලිප තබා එයට තව වතුර මේස හැඳි තුනක් එකතු කර මද ගින්දරේ නොනවත්වා කලවම් කරමින් මදක් පිසගන්න,විනාඩි පහක් පමණ ගත වෙනකොට කෝන් පිටි මිශ්‍රණය පාප්පයක් ආකාරයට සෑදෙනු ඇත.එවිට ලිප නිවා එම මිශ්‍රණයට ජෙලි මිශ්‍රණය ටික ටික එකතු කරමින් හොදින් දියකර ගන්න.ඉන්පසු එම ජෙලි මිශ්‍රණය සහ ටින්කිරි එක blender cup එකට එකතුකර විනාඩි තුනක් පමණ හොඳින් බේලෙන්ඩ් කරගන්න,බටර් තවරාගත් භාජනේකට එකතුකර හොදින් වසා ශීතකරණයේ යට කොටසේ පැය හතරක් පමණ තබන්න..❤
ස්තුතියි
- Heshi's Kitchen -
ඇයට සහයෝගයක් ලබා දෙන මෙන් බොහෝම ආදරණීයව ඉල්ලා සිටිමී....🙏🙏
24/02/2022
Post Number 208
රසට කන ගමන් ඩයට් කරමු....
❤ඕට්ස් පිට්ටු ❤
අවශ්‍ය ද්‍රව්‍ය
ඕට්ස් කෝප්පයක් (instan )
පොල් කෝප්ප භාගයක්
කුඩාවට කපාගත් බී ළූණු ගෙඩියක්
කුඩාවට කපාගත් කැරට් ස්වල්පයක්
කුඩාවට කපාගත් අමුමිරිස් කරල් දෙකක් පමණ
ලුණු රස පදමට
සාදාගන්නා ආකාරය
මම ඉහත සඳහන් කළ සියලුම ද්‍රව්‍ය එකට එකතු කරගන්න ,එම මිශ්‍රණයට වතුර ද ඉතාම ස්වල්පයක් ඉහගෙන අත ගොඩක් තද නොකර කලවම් කරගන්න.ඉන්පසු එම මිශ්‍රණය පිට්ටු බම්බුව ට එකතු කර මදක් තදකර විනාඩි හතරක් පහක් පමණ හොඳින් තම්බා ගන්න...❤️❤️
(මම ඉහත සඳහන් කළ ද්‍රව්‍ය වලින් එක පිට්ටු බම්බුවක් සාදා ගැනීමට හැක )
ස්තුතියි
- Heshi's Kitchen -
21/02/2022
Post Number 207
උදේට......
❤️රතු කැකුළු හාල් ඉදිආප්ප ❤
16/02/2022
post Number 206
රසම රස
❤️මඤ්ඤොක්කා කෝච්චි පොල් මැල්ලුම ❤
අවශ්‍ය ද්‍රව්‍ය
මඤ්ඤොක්කා කිලෝ එකක්
ලුණු රස පදමට
කහ කුඩු
සුදු ලූණු බික් දෙකක් පමණ
කුඩාවට කපාගත් බී ලූණු ගෙඩි භාගයක්
කොච්චි මිරිස් කරල් දහයක් පමණ (ඔබේ කැමැත්ත අනුව අඩු වැඩි කරගත හැක )
උම්බලකඩ මේස හැන්දක්
ගම්මිරිස් තේ හැන්දක්
කෑලි මිරිස් මේස හැඳි දෙකක් පමණ
පොල් ස්වල්පයක්
දෙහි යුෂ ස්වල්පයක්
සාදාගන්නා ආකාරය
කහ කුඩු ස්වල්පයක් එකතු කර මඤ්ඤොක්කා ටික හොඳින් තම්බා ගන්න (මදක් තැම්බීගෙන එන කොට රස අනුව ලුණුද එකතුකර ගන්න ),වංගෙඩියකට සුදු ලූනු ,රස අනුව ලුණු ස්වල්පයක් ,බී ළූණු ,කෝච්චි ,ගම්මිරිස් ,කහ කුඩු ,උම්බලකඩ සහ කෑලි මිරිස් කුඩු පිලිවලින් එකතු කර හොඳින් කොටා ගන්න.ඉන්පසු එම මිශ්‍රණයට පොල්ද එකතු කර හොඳින් කොටා ගන්න ,දෙහි යුෂ ද එකතු කර කලවම් කර ගන්න.ඉන්පසු සාදාගත් පොල් සම්බෝලය තම්බාගත් මඤ්ඤොක්කා ටිකට එකතුකර හොඳින් කලවම් කරගන්න ..❤️
ස්තුතියි
- Heshi's Kitchen -
22/12/2021
Post Number 205
ගමේ රසට ....
❤️මාලු කිරට ❤
අවශ්‍ය ද්‍රව්‍ය
මාළු ග්‍රෑම් 500ක්(තලපත් මාලු වඩාත් සුදුසු වේ)
මිරිස් කුඩු මේස හැන්දක්
කහ කුඩු තේ හැදි දෙකක්
තුන පහ කුඩු තේ හැන්දක්
උළුහාල් තේ හැඳි බාගයක්
සූදුරු තේ හැඳි කාලක්
ගම්මිරිස් කුඩු තේ හැදි දෙකක්
කුරුදු කෑල්ලක්
අමුමිරිස් කරල් හතරක්
රම්පෙ සහ කරපිංචා
ගොරකා කෑලි දෙකක්
සුදු ළූණු බික් හතරක්
ලූනු පොඩි ගෙඩියක්
පොඩි දෙහි ගෙඩි බෑයක යුෂ
තෙල් මේස හැඳි දෙකක්
උකු පොල් කිරි
සාදාගන්නා ආකාරය
මාළු ටික ගෙන එයට ලුණු තේ හැන්දක් ,මිරිස් කුඩු තේ හැන්දක් ,කහ කුඩු තේ හැඳි බාගයක් සහ ගම්මිරිස් කුඩු තේ හැදි බාගයක් එකතු කර හොඳින් කලවම් කර විනාඩි විස්සක් පමණ තබන්න,තෙල් ටිකක් එකතු කර මැටි ඇතිලියක් ලිප තබා එයට ලූනු ,කරපිංචා සහ සුදු ලූනු එකතු කර සුවඳ හමන තුරු පමණක් මදක් තෙම්පරාදු කරගන්න,එයට සූදුරු,උලුහාල් ,කහ කුඩු ,මිරිස් කුඩු ,තුන පහ කුඩු ,කුරුඳු සහ ගම්මිරිස් කුඩු එකතු කර හොඳින් කලවම් කරගන්න .ඉන්පසු මාළු ටිකද එකතු කර කලවම් කර පොල් කිරි මාළු ටික වැහෙන ප්‍රමාණයට එකතු කරගන්න ,රම්පේ,අමුමිරිස් සහ ගොරකා ටිකද එකතු කරගන්,හොද්ද හොඳින් උතුරන තුරු නොනවත්වාම සියුම්ව ව්‍යංජනය හැඳි ගා ගන්න .මාළු ටික හොඳින් තැම්බුණු පසු ලිප නිවා විනාඩියක් පමණ නැවතත් ව්‍යංජනය හැඳි ගා ගන්න .අවසානයේ දෙහි යුෂ ටිකක් මිශ්‍ර කර හැදි ගා ගන්න ..
ස්තුතියි
- Heshi's Kitchen -
21/12/2021
නැවත වරක් මේවර 'අපේ අම්මා' සතිපතා කාන්තා පුවත්පතේ පල වූ මගේ රෙසිපි එක....😊❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
14/12/2021
Post Number 204
රස වෑහෙන .....
❤කොෆි කේක් ❤️
අවශ්‍ය ද්‍රව්‍ය
පවුඩර් කරගත් සීනි ග්‍රෑම් 125ක්
බටර් ග්‍රෑම් 125ක්
ලොකු බිත්තර දෙකක්
පිටි ග්‍රෑම් 125ක්
බේකින් පවුඩර් තේ හැන්දක්
චොක්ලට් පවුඩර් තේ හැන්දක්
ලුණු පිංචක්
ක්ෂණික කෝපි මේස හැඳි දෙකක් (ඔබේ කැමැත්ත අනුව අඩු වැඩි කරගත හැක )
කිරි මේස හැඳි තුනක්
Brandy තේ හැන්දක්
කෝෆි එසන්ස් තේ හැඳි බාගයක්
සාදාගන්නා ආකාරය
පළමු පිටි ,බේකින් පව්ඩර්,ලුණු සහ චොකලට් පව්ඩර් එකට එකතුකර හොඳින් හලා ගෙන පසෙකින් තබා ගන්න, මද රස්නෙ කිරි මේස හැඳි තුනකට ක්ෂණික කෝපි (නෙස්කැෆේ නම් වඩාත් හොඳයි )එකතුකර හොදින් දිය කර පසෙකින් තබා ගන්න ,සීනි සහ බටර් එකට එකතු කර සීනි දියවී බටර් වල පැහැය වෙනස් වෙනතුරු හොදින් බීට් කර ගන්න,එම මිශ්‍රණයට වරකට බිත්තර එක බැගින් එකතු කරමින් බීට් කරගන්න,බීට් කරගත් මිශ්‍රණයට සාදාගත් කෝපි මිශ්‍රණය,brandy සහ කොෆි එසන්ස් එකතුකර බීට් කරගන්න ,මේ අතරතුර පිටි මිශ්‍රණය ද ටික ටික එකතු කරමින් හොඳින් බීට් කරගන්න ....❤❤
සාදාගත් කේක් මිශ්‍රණය කේක් ට්‍රේ එකකට එකතු කර සෙල්සියස් අංශක 180 ට විනාඩි දහයක් ප්‍රී හීට් කර ගත් අවන් එකක විනාඩි 45 ක් කේක් එක බේක් කරගන්න ..❤️
(කේක් එක බේක් වීමට ගත වෙන කාලය අවන් එකෙන් අවන් එකට වෙනස් විය හැක )
ස්තුතියි
- Heshi's Kitchen -
08/12/2021
Post Number 203
රසම රස......
❤️Hotel style fish curry ❤️
අවශ්‍ය ද්‍රව්‍ය
ඕනෑම මාළු වර්ගයකින් ග්‍රෑම් 500ක් (තලපත් මාළු වඩාත් සුදුසු වේ )
සුදු ළූණු බික් තුනක්
කරපිංචා
රම්පේ
රතු ලූනු ගෙඩි තුනක් පමණ
අමු මිරිස් කරල් දෙකක් පමණ
ගොරකා කෑලි දෙකක් පමණ
කහ කුඩු තේ හැන්දක්
තුන පහ කුඩු තේ හැන්දක්
උළුහාල් තේ හැඳි කාලක්
ගම්මිරිස් කුඩු මේස හැන්දක්
මිරිස් කුඩු මේස හැඳි තුනක්
බැදපු තුන පහ කුඩු වලින් මේස හැන්දක්
කරද මුංගු 3ක්
කරාබු නැටි 3ක්
කුරුඳු කෑල්ලක්
තෙල්
ලුණු රස පදමට
අබ ඇට තේ හැදි භාගයක්
සාදාගන්නා ආකාරය
හොඳින් සෝදා ගත් මාළු ටිකට කහ කුඩු තේ හැන්දක් ,ගම්මිරිස් කුඩු තේ හැන්දක් සහ ලූණු එකතු කර කලවම් කර (මේ වෙලාවෙදි මාළු වල වතුර නොතිබිය යුතුය ) පැයක් පමණ සීසන් වෙන්න තබන්න,හොඳින් සෝදා පොත්ත ඉවත් නොකර ගත් සුදු ළූණු බික් ,කරද මුංගු ,කරාබු නැටි , සහ ගොරකා කෑලි දෙකක් පමණ වංගෙඩියට එකතුකර හොඳින් තලාගෙන පසෙකින් තබා ගන්න.ඉන්පසු මැටි ඇතිලියක් ලිප තබා තෙල් මේස හැඳි දෙකක් එකතු කරගන්න ,තෙල් ටික රත් වූ විට අබ එකතු කර පුපුරන විට ලූනු සහ කරපිංචා එකතු කර මදක් තෙම්පරාදු කරගන්න,ලූණු ටික රන්වන් පැහැ වූ පසු අමුමිරිස් සහ රම්පෙ එකතු කර කලවම් කරගන්න,ලිපේ ගින්දර හොදටම අඩු කර බැදපු තුන පහ ,මිරිස් කුඩු ,තුනපහ සහ තලාගත් සුදු ලුණු ගොරකා ,උලුහාල් ,කුරුඳු ටික එකතු කර හොඳින් කලවම් කරගන්න , ඉන්පසු වතුර කෝප්ප එකයි කාලක් පමණ එකතු කර ගන්න ,(මාළු ටික වැහෙන ප්‍රමාණයට වතුර තිබිය යුතුයි ) ලිපියේ ගින්දර ටිකක් වැඩි කර වතුර ටික හොඳින් උතුරවා ගන්න.ඉන්පසු මාළු ටික එකතු කර හොදින් තෙල් පෑදෙන තුරු පිස ගන්න.ලිප නිවා ගත් පසු නැවතත් ගම්මිරිස් කුඩු ස්වල්පයක් එකතු කර කලවම් කරගන්න..❤️
ස්තුතියි
- Heshi's Kitchen -
04/12/2021
Post Number 202
ග්‍රෙට් කරගත්ත කිතුල් හකුරු එක්ක ක්‍රීම්කැකර්....❤️❤️
කාල නැති අය මේ විදියටත් ක්‍රීම්කැකර් කාලා බලන්නකෝ හරිම රසයි.....❤❤❤❤
03/12/2021
Post Number 201
ශරීරයට ඉතාමත් ගුණදායි ....
❤හාතාවාරිය කොල කැඳ❤
අවශ්‍ය ද්‍රව්‍ය
හාතාවාරිය කොළ මිටියක්
ගා ගත් පොල් බෑයක්
සුදු ළූණු බික් 5ක්
පොඩි ඉඟුරු කෑල්ලක්
රස පදමට ලුණු
රතු බත් මේස හැඳි හතරක් පහක් පමණ
වතුර කෝප්ප දෙකහමාරක් හෝ තුනක්
සාදාගන්නා ආකාරය
පළමුව හොඳින් පිරිසුදු කර ගත් හාතාවාරිය කොළ,පොල් සහ වතුර බ්ලෙන්ඩ්ර් කප් එකට එකතුකර හොඳින් අඹරා ගන්න ,ඉන්පසු අඹරා ගත් මිශ්‍රණය ලොකු හිල් සහිත පෙනේරයකින් හොඳින් පෙරා ගන්න,(පේනේරයේ ඉතිරි වූ ටිකට නැවතත් වතුර ස්වල්පයක් එකතු කර හොඳින් අතින් මිරිකා යුෂ එකතු කරගන්න )රතු බත් සහ මිරිකාගත් යුෂ වලින් කොටසක් බ්ලෙන්ඩ්ර් කප් එකට එකතුකර එය හොඳින් අඹරා ගන්න.ඉන්පසු අඹරා ගත් කොළ මිශ්‍රණය ,බත් මිශ්‍රණය ,තලාගත් ඉඟුරු , සුදු ලූනු සහ ලුණු රස පදමට භාජනයකට එකතුකර ලිප තබා ගන්න .නොනවත්වා හැඳි ගාමින් විනාඩි 5ක් පමණ පිසගෙන ලිප නිවාගන්න..❤️
බැදලා කුඩුකරගත් සූදුරු කුඩු ස්වල්පයක්ද කැද එකට එකතු කරගනිමින් රස විඳින්න ...❤
ස්තුතියි
- Heshi's Kitchen -
27/11/2021
Post Number 200
මීට කලින් තක්කාලි මේ විදිහට කාලා තියෙනවද ?????
❤තක්කාලි තෙලට ❤
අවශ්‍ය ද්‍රව්‍ය
තක්කාලි
බී ළූණු (ටිකක් වැඩිපුර එකතු කරගන්න )
කරපිංචා
රම්පේ
උම්බලකඩ (අත්‍යවශ්‍ය නොවේ )
ලුණු රස පදමට
අබ ඇට
වියළි මිරිස් කරල් කිහිපයක්
සූදුරු
උලුහාල්
තෙල්
ගම්මිරිස් කුඩු
මිරිස් කුඩු
සුදුළූනු බික් කිහිපයක්
(මම ඉහත සඳහන් කළ සියලුම ද්‍රව්‍ය වල ප්‍රමාණයන් ඔබේ කැමැත්ත සහ අවශ්‍යතාවය අනුව වෙනස් කරගන්න )
සාදාගන්නා ආකාරය
පළමුව හොඳින් ඉදුණු තක්කාලි ගෙඩි දෙකක් පමණ බ්ලෙන්ඩ්ර් එකට එකතුකර අඹරාගෙන පේස්ට් එකක් සාදා ගන්න,අනෙක් තක්කාලි ගෙඩි ටික පෙති හැඩේට කපාගෙන පසෙකින් තබා ගන්න,තෙල් එකතු කර භාජනයක් ලිප තබා එයට අබ එකතු කරගන්න,අබ ටික පිපිරෙන විට උලුහාල්,උම්බලකඩ සහ සූදුරු එකතුකර තරමක් බැදෙන විට බී ළූණු ,වියලි මිරිස් කරල් ,කරපිංචා ,රම්පේ සහ සුදු ලූණු එකතු කර මදක් තෙම්පරාදු කරගන්න .ඉන්පසු එයට මිරිස් කුඩු සහ ලුණු එකතු කර කලවම් කර පෙති කපාගත් තක්කාලි,වතුර ස්වල්පයක් සහ තක්කාලි පේස්ට් එක එකතු කර කලවම් කර අඩු ගින්දරේ තේත ගතිය අඩු වෙන තුරු පිස ගන්න.ලිප නිවා ගම්මිරිස් කුඩු ස්වල්පයක් ද එකතු කර කලවම් කර ගන්න ..❤
ස්තුතියි
- Heshi's Kitchen -
23/11/2021
Post Number 199
පුලුන් වගේ බටර් නැතුව හදන රසම රස ...
❤චොකලට් කේක් ❤
අවශ්‍ය ද්‍රව්‍ය
පාන්පිටි කෝප්පයක්
චොකලට් පව්ඩර් කෝප්ප 1/3
පවුඩර් කරගත් සීනි කෝප්පයක්
ලුණු තේ හැඳි බාගයක්
බේකින් පවුඩර් තේ හැන්දක්
බේකින් සෝඩා තේ හැන්දක්
ලොකු බිත්තර දෙකක්
ෆ්‍රෙශ් මිල්ක් කෝප්ප භාගයක්
සන්ෆ්ලවර් ඔයිල් කෝප්ප කාලාක්
වැනිලා මේස හැන්දක්
ක්ෂණික කෝපි මේස හැන්දක්
මද රස්නෙ වතුර මේස හැඳි තුනක්
සුදු විනාකිරි මේස හැන්දක්
සාදාගන්නා ආකාරය
පළමුව ක්ෂණික කෝපි සහ මද රස්නේ වතුර එකට එකතු කර හොදින් දිය කර ගෙන පසෙකින් තබා ගන්න,පාන් පිටි ,චොකලට් පව්ඩර් ,සීනි ,ලුණු ,බේකින් පව්ඩර් සහ බේකින් සෝඩා මේ සියල්ල එකට එකතු කර හොඳින් හලා ගෙන භාජනයකට එකතු කරගන්න,එම පිටි මිශ්‍රනය හොදින් කලවම් කර එයට බිත්තර ,ෆ්‍රෙශ් මිල්ක්,සන්ෆ්ලවර් ඔයිල සහ වැනිලා එකතු කර මේ සියල්ල හොඳින් කලවම් වෙනතුරු හොදින් බීට් කර ගන්න. ඉන්පසු එම මිශ්‍රණයට සාදාගත් කෝපි මිශ්‍රණය සහ සුදු විනාකිරි එකතු කර නැවතත් හොදින් බීට් කර ගන්න.සාදාගත් කේක් මිශ්‍රණය බේකින් ට්‍රේ එකකට එකතු කර සෙල්සියස් අංශක 170 ට විනාඩි දහයක් ප්‍රි හීට් කර ගත් අවන් එකක විනාඩි හතලිහක් හතලිස් පහක් පමණ බේක් කරගන්න ..❤
ස්තුතියි
- Heshi's Kitchen -
21/11/2021
Post Number 198
රසට කන ගමන් ඩයට් කරමු .....
❤️ඩයට් කරන නොකරන හැමොටම ගැලපෙන පෝෂදායී ඕට්ස් රොටී ❤
අවශ්‍ය ද්‍රව්‍ය
ඕට්ස් කෝප්පයක් (instant )
රුලං මේස හැඳි දෙකක්
කඩල පිටි මේස හැදි දෙකක්
කුඩාවට කපාගත් ලොකු බී ලූනු ගෙඩියක්
කුඩාවට කපාගත් අමුමිරිස් කරල් තුනක් පමණ
කුඩාවට කපාගත් පොඩි තක්කාලි ගෙඩියක්
ඉඟුරු තේ හැඳි බාගයක්
කහ කුඩු තේ හැඳි කාලක්
සුදුරු කුඩු තේ හැදි බාගයක්
මිරිස් කුඩු තේ හැඳි බාගයක්
වතුර කෝප්පයක්
කරපිංචා
රස පදමට ලුණු
සාදාගන්නා ආකාරය
ඕට්ස් ටික භාජනයකට එකතු කර ඉතාමත් අඩු ගින්දරේ විනාඩි තුනක් පමණ හැඳි ගාමින් කබලෙ බැද ගෙන පසෙකින් තබා ගන්න, ඕට්ස් ටික හොඳින් නිවුනාට පසු එයට මම ඉහත සඳහන් කළ අනෙකුත් සියළුම ද්‍රව්‍ය (ලුණු හැර) එකතු කර හොඳින් කලවම් කර පියනකින් වසා විනාඩි දහයක් පමණ තබන්න,විනාඩි දහයකට පසු එයට නැවතත් වතුර මේස හැඳි දෙකක්,කුඩාවට කපාගත් කරපිංචා සහ රස පදමට ලුණු එකතු කර හොඳින් කලවම් කරගන්න.ඉන්පසු තෙල් ඉතාමත් ස්වල්පයක් තවරා ගත් තැටියක් ලිපතබා හොඳින් රත් වූ පසු ඕට්ස් මිශ්‍රණයෙන් ස්වල්පයක් එකතුකර රවුමක් හැඩේට සකසා ගන්න,අඩු ගින්දරේ පියනකින් වසා රොටීයේ දෙපැත්තම හොඳින් පිසගන්න ..❤
ස්තුතියි
-Heshi's Kitchen -
17/11/2021
Post Number 197
❤️කෘතිම රසකාරක නැතුව රසට සෝයාමීට් ව්‍යාංජනය ❤️
අවශ්‍ය ද්‍රව්‍ය
සෝයාමීට් ග්‍රෑම් 90ක්
ලුණු රස පදමට
සාමාන්‍ය ප්‍රමාණයේ අල ගෙඩියක්
බැදපු තුන පහ කුඩු මේස හැඳි දෙකහමාරක් පමණ
මිරිස් කුඩු මේස හැඳි දෙකක්
උළුහාල් තේ හැඳි බාගයක්
කහ කුඩු තේ හැඳි බාගයක්
අමු තුනපහා තේ හැන්දක්
උකු පොල් කිරි මිලි ලීටර් 500ක්
කුරුඳු පොතු කෑල්ලක්
එනසහල් තුනක්
කරාබු නැටි දෙකක්
තක්කාලි පොඩි ගෙඩියක්
තලාගත් සුදුලූනු බික් තුනක් පමණ
ලොකු ලූනු ගෙඩි භාගයක්
රම්පේ
කරපිංචා
අමු මිරිස් කරල් තුනක් පමණ
තෙල්
ගම්මිරිස් කුඩු
සාදාගන්නා අකාරය
පළමුව සෝයාමීට් ටික වෑහෙන ප්‍රමාණෙට නටන උණු වතුර සහ ලූණු කුඩු තේ හැන්දක් එකතු කර හොඳින් වසා විනාඩි පහළොවක් පමණ තබන්න,හොඳින් වතුර ටික මිරිකා ඉවත් කරගෙන සෝයාමීට් ටිකට ලුණු කුඩු තේ හැඳි බාගයක් ,කහ කුඩු,තෙල් තේ හැන්දක් සහ තුනපහ එකතු කර හොඳින් අතින් කලවම් කර විනාඩි දහයක් පමණ පියනකින් වසා තබන්න ,තෙල් මේස හැඳි දෙකක් එකතු කර මැටි ඇතිලියක් ලිප තබා එනසහල් ,කරාඹු නැටි,කුරුඳු පොතු සහ බී ළූණු එකතු කර අඩු ගින්දරේ තෙම්පරාදු කරගන්න ,උලුහාල් සහ සුදු ලූණු ද එකතු කරගන්න,හොඳින් තෙම්පරාදු වූ පසු ලිපේ ගින්දර හොදටම අඩු කර තෙල් තේ හැන්දක් , බැදපු තුනපහ සහ මිරිස් කුඩු එකතු කර හොඳින් කලවම් කරගන්න.ඉන්පසු සෝයාමීට් ටික ,අල ගෙඩිය ,තක්කාලි,රම්පෙ,අමුමිරිස් සහ කරපිංචා ද එකතු කර හොඳින් කලවම් කර අඩු ගින්දරේ විනාඩි දෙකක් පමණ පිසගන්න ,පොල්කිරි ටික එකතු කර හොඳින් කලවම් කර ලිපේ ගින්දර මදක් වැඩි කර විනාඩි දහයක් පහළොවක් පමණ හොදින් පිස ගන්න .ලිප නිවා ගම්මිරිස් කුඩු ස්වල්පයක් එකතු කර හොදින් කලවම් කර ගන්න ..❤️
ස්තුතියි
Heshi's Kitchen
10/11/2021
Post Number 196
ලොකු පොඩි හැමෝම කැමති රසම රස.....
❤️ Coin Biscuit ❤️
අවශ්‍ය ද්‍රව්‍ය
පාන් පිටි ග්‍රෑම් 150ක්
සීනි ග්‍රෑම් 80ක්
බිත්තර දෙකක්
දියකරගත් බටර් මේස හැන්දක්
කිරි පිටි මේස හැන්දක්
බේකින් පවුඩර් තේ හැඳි බාගයක්
වැනිලා ස්වල්පයක්
සාදාගන්නා ආකාරය
සීනි ටික සහ බිත්තර එකට එකතුකර සීනි දිය වෙනතුරු හොදින් බීට් කර ගන්න,(ඔබ භාවිතා කරන සීනිවල කැට ගොඩක් ලොකුයි නම් පව්ඩර් කරගෙන භාවිතා කරන්න )වැනිලා සහ බටර් ද එකතුකර බීට් කරගන්න ,පාන් පිටි ටික ,කිරි පිට් සහ බේකින් පවුඩර් ද එකතු කර නැවතත් බීට් කරගන්න.ඉන්පසු සාදාගත් බිස්කට් මිශ්‍රණය පයිපින් බෑග් එකකට එකතු කර බේකින් පේපර් එකක් යොදාගෙන සාදා ගත් බේකින් ට්‍රේ එකක් මත කුඩා රවුම් හැඩයට එකතු කරගන්න(මේ සඳහා ඔබට නොසෙල් එකක් වුවද භාවිතා කළ හැක )
සෙල්සියස් අංශක 170 ට විනාඩි දහයක් ප්‍රි හීට් කරගත් අවන් එකක විනාඩි විසිපහක් තිහක් පමණ බේක් කරගන්න ..❤️
*බේක් කරගත් බිස්කට් සියල්ල හොඳින් නිවුනට පසු බේකින් පේපර් එකෙන් ගලවා ඉවත් කරගන්න
ස්තුතියි
- Heshi's Kitchen -
04/11/2021
Post Number 195
❤️රසට බිම්මල් තේල් දාමු ❤️
අවශ්‍ය ද්‍රව්‍ය
ඔබ කැමති ඕනෑම බිම් මල් වර්ගයකින් ග්‍රෑම් හත්සියක්(මම භාවිතා කරේ වයිට් බට්න් මෂ්රූම් )
බී ළූණු ග්‍රෑම් 150ක්
තක්කාලි ග්‍රෑම් සීයක්
කුඩාවට කපාගත් සුදු ලූණු මේස හැඳි දෙකක්
කුඩාවට කපාගත් ඉඟුරු මේස හැඳි දෙකක්
අමු මිරිස් කරල් දෙකක් පමණ
කරපිංචා
කුරුඳු කෑල්ලක්
රම්පේ
උම්බලකඩ මේස හැඳි තුනක්
ලුණු රස පදමට
බැදපු මිරිස් කුඩු මේස හැඳි දෙක හමාරක්
මිරිස් කුඩු තේ හැන්දක්
කහ කුඩු තේ හැන්දක්
තෙල් මේස හැඳි හතරක්
සාදාගන්නා ආකාරය
තෙල් ටික එකතු කර භාජනයක් ලිප තබා (මැටි ඇතිලියක් නම් වඩාත් හොඳයි ) එයට ඉඟුරු සහ සුදු ලූනු එකතු කර විනාඩියක් පමණ බැදගන්න ,එයට බී ළූණු ටිකද එකතු කර තරමක් රන්වන් පැහැ වනතුරු තබා ගන්න.ඉන්පසු පිළිවෙලින් උම්බලකඩ ,කරපිංචා ,රම්පේ සහ කුරුඳු එකතු කර කලවම් කර විනාඩියක් පමණ තෙම්පරාදු කර ගන්න ,අමුමිරිස් සහ තක්කාලි ද එකතු කර විනාඩි දෙකක් පමණ අඩු ගින්දරේ පිස ගන්න ,මිරිස් කුඩු ,බැදපු මිරිස් සහ කහ කුඩු එකතු කර කලවම් කරන්න ,ලිපේ ගින්දර අඩු කර බිම් මල් ටික ද එකතු කර හොදින් කලවම් කර පියනකින් වසා විනාඩි දහයක් පමණ පිස ගන්න,රස අනුව ලුණු ද එකතු කර ගන්න.ඉන්පසු පියනකින් නොවසා අඩු ගින්දරේ වතුර ගතිය නැතිවෙන්න තුරු හොදින් පිස ගන්න ..❤️
ස්තුතියි
- Heshi's Kitchen -
01/11/2021
Post Number 194
බඩ පිරෙන්න රසට කන ගමන් ඩයට් කරමු ......❤️❤️❤️❤️❤️
❤️ඉතාමත් පෝෂදායි ඔට්ස් කොත්තු ❤️
(ඩයට් නොකරන කෙනෙකුට වුවත් ආහාරයට ගත හැකි පෝෂදායී කෑම වට්ටෝරුවකි )
අවශ්‍ය ද්‍රව්‍ය
ඔට්ස් ග්‍රෑම් තිහක්
කුඩාවට කපාගත් කැරට් ගෙඩියක්
කුඩාවට කපාගත් ලූනු කොළ කිහිපයක්
පිස ගත් කුකුල් මස් කැබලි කිහිපයක්
කුකුල් මස් හොදි ස්වල්පයක්
ලුණු රස පදමට
බිත්තරයක්
කුඩාවට කපාගත් බී ළූණු ගෙඩියක්
කුඩාවට කපාගත් අමුමිරිස් කරල් දෙකක් පමණ
කුඩාවට කපාගත් සුදු ලූණු බික් හතරක් පමණ
කුඩාවට කපාගත් ඉඟුරු කෑල්ලක්
බටර් හෝ තෙල් ස්වල්පයක්
ගම්මිරිස් කුඩු ස්වල්පයක්
සාදාගන්නා ආකාරය
පළමු තෙල් හෝ බටර් ටිකක් එකතු කර භාජනයක් ලිප තබා එයට ඉඟුරු, සුදුලූනු සහ බී ලූණු එකතු කර විනාඩියක් පමණ තෙම්පරාදු කර ගන්න ,පිසගත් කුකුල් මස් කුඩා කැබලි වලට කඩා ගෙන තමන් කැමති ප්‍රමාණයක් එකතු කර මදක් තෙම්පරාදු කරගන්න. (මේ සඳහා ඔබට මාළු වුවද භාවිතා කළ හැක )ඉන්පසු කැරට් ටික එකතු කර කලවම් කර පියනකින් වසා කැරට් ටික මදක් තැම්බෙන තුරු පිසගන්න,බිත්තරය ,ලුණු රස පදමට සහ අමු මිරිස් ටිකද එකතු කර කලවම් කරගන්න , විනාඩියකට පමණ පසු ඔට්ස් ටික,ගම්මිරිස් කුඩු සහ මස් හොදි එකතු කර හොඳින් කලවම් කරගන්න.ඉන්පසු පියනකින් වසා පිස ගෙන විනාඩි දෙකකින් තුනකින් පමණ ලිප නිවාගන්න.. ලිප නිවා ගත් පසු ළූණු කොල ටික එකතු කර කලවම් කර ගන්න ❤️
ස්තුතියි
- Heshi's Kitchen -
28/10/2021
Post Number 193
❤️ඉතාමත් පෝෂදායි ඕට්ස් ඔම්ලට් ❤️
(ඩයට් කරන අය සදහා ඉතාමත් සුදුසු වේ)
අවශ්‍ය ද්‍රව්‍ය
ඕට්ස් කොප්ප භාගයක්
බිත්තර සුදු මද දෙකක්
කුඩාවට කපාගත් අමුමිරිස් කරල් දෙකක් පමණ
ග්‍රේට් කර ගත් කැරට් ස්වල්පයක්
කුඩාවට කපාගත් බීලූනු ගෙඩියක්
කුඩාවට කපාගත් සුදුළූණු බික් දෙකක් පමණ
කුඩාවට කපාගත් කරපිංචා ස්වල්පයක්
ලුණු රස පදමට
ගම්මිරිස් කුඩු ස්වල්පයක්
මිරිස්කුඩු ස්වල්පයක්
කහ කුඩු ස්වල්පයක්
(මම ඉහත සඳහන් කර ද්‍රව්‍ය වල ප්‍රමාණයන් ඔබේ අවශ්‍යතාවය සහා කැමැත්ත අනුව වෙනස් කර ගත හැක)
සාදාගන්න ආකාරය
පළමුව ඕට්ස් ටික බ්ලෙන්ඩ්ර් කප් එකට එකතු කර හොදින් පව්ඩර් කරගන්න,පව්ඩර් කරගත් ඕට්ස් ටිකට මම ඉහත සඳහන් කර අනෙකුත් සියලුම ද්‍රව්‍ය එකතු කර හොදින් කලවම් කර ගන්න .තෙල් ටිකක් තවරාගත් රත් වූ තැටියකට සාදාගත් ඔම්ලට් මිශ්‍රණය එකතු කර පියනකින් වාසා පිසගන්න,මේ ආකාරයට දෙපැත්තම මාරුකරමින් හොදින් පිසගන්න..❤️
ස්තුතියි
- Heshi's Kitchen -
25/10/2021
Post Number 192
සුවඳ විහිදෙන රසම රස ......
❤️ සාම්ප්‍රදායික කහබත ❤️
අවශ්‍ය ද්‍රව්‍ය
හාල් ග්‍රෑම් පන්සීයක් (කීරී සම්බා හාල් නම් වඩාත් හොඳයි )
බටර් හෝ මාගරින් මේස හැඳි හතරක් (දුන්තෙල් වුවද භාවිතා කල හැක )
දියකිරි හා මිටිකිරි මිශ්‍ර කරගෙන පොල්කිරි කෝප්ප හතරක්
රතු ලූනු ගෙඩි පහළවක් පමණ
ලුණු රස පදමට
ගම්මිරිස් ඇට තේ හැඳි එක හමාරක්
කහ කුඩු තේ හැන්දක්
ලොකු කුරුදු කෑල්ලක්
කරාබුනැටි පහක් පමණ
කරද මුංගු 5ක් පමණ
සේර කෑල්ලක්
රම්පෙ කෑලි කිහිපයක්
කරපිංචා
වියලි මිදි (අත්‍යවශ්‍යම නොවේ )
කජු (අත්‍යවශ්‍යම නොවේ )
සාදාගන්නා ආකාරය
හාල් ටික හොඳින් සෝදා වතුර ටික හොඳින් බේරෙන්නට පසෙකින් තබා ගන්න,(හාල් ටික kitchen towel එකකින් ඔතා තැබීමෙන් හොදින් වතුර ටික ඉවත් කරගත හැක )බටර් ටික එකතු කර භාජනයක් ලිප තබා එයට කරපිංචා ,ලූණු සහ මදක් තලාගත් සේර එකතුකර විනාඩි තුනක් පමණ තෙම්පරාදු කර ගන්න ,කුරුඳු සහ කරාබුනැටි ද එකතු කර කලවම් කර ගන්න ,විනාඩියකට පමණ පසු ගම්මිරිස් ඇට ටික එකතු කර තප්පර තිහක් පමණ තෙම්පරාදු කර ගන්න ,කහ ටිකද එකතු කර ඒ සැනින්ම හොඳින් වතුර පෙරා ඉවත් කරගත් සහල් ටික එකතු කර විනාඩි තුනක් පමණ කලවම් කරමින් පිසගන්න .(අවශ්‍ය කෙනෙක් සිටීනම් මේ වෙලාවෙදි හාල් මිශ්‍රණය රයිස්කුකර් එකට මාරු කර අනෙකුත් කලමනා එකතු කර බත පිසගන්න )ඉන්පසු පොල්කිරි ,රම්පේ,මදක් තලාගත් කරද මුංගු සහ ලුණු රස පදමට එකතු කර බත හොදින් පිස ගන්න ..❤️
ඔබ කැමතිනම් වියලි මිදි ,බැදගත් කජු සහ බැදගත් ලූණු ටිකක් එකතු කර බත තවත් රස කර ගත හැක ..
ස්තුතියි
- Heshi's Kitchen -
20/10/2021
Post Number 191
රසම රස........
❤️ඉඟුරු බිස්කට් ❤️
අවශ්‍ය ද්‍රව්‍ය
බටර් ග්‍රෑම් 75ක්
පාන් පිටි ග්‍රෑම් 115ක්
දුඹුරු සීනි ග්‍රෑම් 70ක්
කිතුල් පැණි ග්‍රෑම් 30ක්
බිත්තරයක්
ඉඟුරු කුඩු තේ හැඳි දෙකහමාරක්
ලුණු ස්වල්පයක්
ගම්මිරිස් කුඩු තේ හැඳි කාලක්
කරාබු නැටි 5ක්
කුරුඳු කෑල්ලක්
වැනිලා තේ හැඳි කාලක්
බේකින් සෝඩා තේ හැඳි 3/4ක්
තවරා ගැනීම සඳහා සුදු සීනි ස්වල්පයක්
සාදාගන්නා ආකාරය
පළමුව කරාඹුනැටි ටික සහ කුරුඳු කෑල්ල එකට එකතු කර කබලෙ බැද ගෙන හොඳින් කුඩු කරගෙන පසෙකින් තබා ගන්න,පිටි ,බේකින් සෝඩා ,ලුණු ,ඉඟුරු කුඩු ,ගම්මිරිස් කුඩු සහ කුඩුකරගත් කරාබු නැටි කුරුඳු කුඩු එකට එකතු කර හොඳින් කලවම් කර පසෙකින් තබා ගන්න , බටර් ටික සහ සීනි එකට එකතු කර සීනි දිය වෙනතුරු හොඳින් බීට් කරගන්න,බිත්තරයද එකතුකර බීට් කරගන්න,වැනිලා සහ කිතුල් පැණි ද එකතුකර බීට් කරගන්න,පිටි මිශ්‍රණය බටර් මිශ්‍රණයට එකවර එකතු කර අත ගොඩක් තද නොකර සියුම්ව පෙරලමින් කලවම් කරගන්න .(පිටි ටික පේන්නේ නැති ගානට කලවම්කර ගන්න)ඉන්පසු එම මිශ්‍රණය පොලිතීන් කොළයකින් හොඳින් වසා පැය එකහමාරක් පමණ ශීතකරණයේ යට කොටසේ තබාගන්න,හොඳින් ඝන වූ බිස්කට් මිශ්‍රණය ගෙන සමාන කොටස් වලට වෙන් කර නැවතත් ශීතකරණයේ යට කොටසේ විනාඩි දහයක් පහළවක් පමණ තබන්න.ඉන්පසු වෙන්කරගත් එම කොටස් බෝල ආකාරයට සකසා ගෙන සීනි වල හොදින් දවටා ගන්න ,බේකින් පේපර් එකක් යොදාගෙන සකසාගත් බේකින් ට්‍රේ එක මත සකසා ගත් බෝල සියල්ල ඈතින් ඈත තබා තබාගන්න.ඉන්පසු එම බෝල සියල්ල මදක් තදකර ෆැලැට් කරගන්න(මේ සදහා ඔබට පතුල රවුල් පැතලි වීදුරුවක් භාවිතා කළ හැක )
* සෙල්සියස් අංශක 180 ට විනාඩි දහයක් ප්‍රී හීට් කරගත් අවන් එකක බිස්කට් සියල්ල බේක් කරගන්න .
මෘදුවට අවශ්‍ය නම් විනාඩි විස්සක් සෑහේ..
ඝනව සකසා ගැනීමට අවශ්‍ය නම් විනාඩි තිහක් හතළිහක් බේක් කරගන්න
ස්තුතියි
- Heshi's Kitchen -
19/10/2021
මේවර 'අපේ අම්මා' සතිපතා කාන්තා පුවත්පතේ පල වූ මගේ රෙසිපි එක....😊❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
15/10/2021
Post Number 190
රසම රස......
❤️Hotel style fish curry ❤️
අවශ්‍ය ද්‍රව්‍ය
ඕනෑම මාළු වර්ගයකින් ග්‍රෑම් 500ක් (තලපත් මාළු වඩාත් සුදුසු වේ )
සුදු ළූණු බික් තුනක්
කරපිංචා
රම්පේ
රතු ලූනු ගෙඩි තුනක් පමණ
අමු මිරිස් කරල් දෙකක් පමණ
ගොරකා කෑලි දෙකක් පමණ
කහ කුඩු තේ හැන්දක්
තුන පහ කුඩු තේ හැන්දක්
උළුහාල් තේ හැඳි කාලක්
ගම්මිරිස් කුඩු මේස හැන්දක්
මිරිස් කුඩු මේස හැඳි තුනක්
බැදපු තුන පහ කුඩු වලින් මේස හැන්දක්
කරද මුංගු 3ක්
කරාබු නැටි 3ක්
කුරුඳු කෑල්ලක්
තෙල්
ලුණු රස පදමට
අබ ඇට තේ හැදි භාගයක්
සාදාගන්නා ආකාරය
හොඳින් සෝදා ගත් මාළු ටිකට කහ කුඩු තේ හැන්දක් ,ගම්මිරිස් කුඩු තේ හැන්දක් සහ ලූණු එකතු කර කලවම් කර (මේ වෙලාවෙදි මාළු වල වතුර නොතිබිය යුතුය ) පැයක් පමණ සීසන් වෙන්න තබන්න,හොඳින් සෝදා පොත්ත ඉවත් නොකර ගත් සුදු ළූණු බික් ,කරද මුංගු ,කරාබු නැටි , සහ ගොරකා කෑලි දෙකක් පමණ වංගෙඩියට එකතුකර හොඳින් තලාගෙන පසෙකින් තබා ගන්න.ඉන්පසු මැටි ඇතිලියක් ලිප තබා තෙල් මේස හැඳි දෙකක් එකතු කරගන්න ,තෙල් ටික රත් වූ විට අබ එකතු කර පුපුරන විට ලූනු සහ කරපිංචා එකතු කර මදක් තෙම්පරාදු කරගන්න,ලූණු ටික රන්වන් පැහැ වූ පසු අමුමිරිස් සහ රම්පෙ එකතු කර කලවම් කරගන්න,ලිපේ ගින්දර හොදටම අඩු කර බැදපු තුන පහ ,මිරිස් කුඩු ,තුනපහ සහ තලාගත් සුදු ලුණු ගොරකා ,උලුහාල් ,කුරුඳු ටික එකතු කර හොඳින් කලවම් කරගන්න , ඉන්පසු වතුර කෝප්ප එකයි කාලක් පමණ එකතු කර ගන්න ,(මාළු ටික වැහෙන ප්‍රමාණයට වතුර තිබිය යුතුයි ) ලිපියේ ගින්දර ටිකක් වැඩි කර වතුර ටික හොඳින් උතුරවා ගන්න.ඉන්පසු මාළු ටික එකතු කර හොදින් තෙල් පෑදෙන තුරු පිස ගන්න.ලිප නිවා ගත් පසු නැවතත් ගම්මිරිස් කුඩු ස්වල්පයක් එකතු කර කලවම් කරගන්න..❤️
ස්තුතියි
- Heshi's Kitchen -
12/10/2021
Post Number 189
❤️රසම රස ලෙමන් කුකීස් ❤️
අවශ්‍ය ද්‍රව්‍ය
පිටි ග්‍රෑම් 180ක්
බේකින් පවුඩර් තේ හැඳි බාගයක්
ලුණු පිංචක්
බටර් ග්‍රෑම් 113ක්
සීනි ග්‍රෑම් 200ක්
බිත්තරයක්
ග්‍රේට් කරගත් ලෙමන් ගෙඩියක පොත්ත
ලෙමන් යුෂ කෝප්ප කාලක්
කහපාට ආහාර වර්ණක
තවරා ගැනීම සඳහා පවුඩර් කරගත් සීනි
සාදාගන්නා ආකාරය
පාන් පිටි ටික ගෙන එයට බේකින් පව්ඩර් සහ ලුණු එකතු කර කලවම් කර පසෙකින් තබා ගන්න,භාජනයකට බටර් සහ සීනි එකතු කර හොඳින් බීට් කරගන්න , එයට බිත්තරයක්,ග්‍රේට් කරගත් ලෙමන් ගෙඩියක පොත්ත සහ ලෙමන් යුෂ එකතු කර හොඳින් කලවම් වෙනතුරු බීට් කරගන්න.ඉන්පසු ටික ටික පිටි මිශ්‍රණයට එකතු කරමින් බීට් කරගන්න ,ආහාර වර්ණක ද එකතු කරගන්න(අත්‍යවශ්‍ය නොවේ),භාජනය හොඳින් වසා ශීතකරණයේ පැයක් තබන්න ,මිශ්‍රණය සමාන කොටස් වලට වෙන් කරගෙන බෝල සකසා ගන්න.ඉන්පසු පවුඩර් කරගත් සීනි වල දවටා බේකින් ට්‍රේ එකක මදක් ඈතින් ඈත සකසාගත් බෝල සියල්ල තබාගන්න...❤️
විනාඩි දහයක් ප්‍රි හීට් කරගත් අවන් එකක සෙල්සියස් අංශක 170 ට විනාඩි විස්සක් පමණ cookies ටික බේක් කරගන්න ..(ඔබට cookies ටික මදක් ඝන ගතියට අවශ්‍ය නම් බේක් කරන වෙලාව මදක් වැඩි කරගන්න )
ස්තුතියි
- Heshi's Kitchen -
06/10/2021
Post Number 188
❤️Restaurant Style Chicken Fried Rice ❤️
අවශ්‍ය ද්‍රව්‍ය
හාල් ග්‍රෑම් 350ක්(කීරි සම්බා නම් වඩාත් හොඳයි )
බිත්තර දෙකක්
සෝයා සෝස් මේස හැඳි දෙකක්
තක්කාලි සෝස් මේස හැන්දක්
සීනි තේ හැඳි එකක්
කුකුල් මස් ග්‍රෑම් 300ක්
කැරට් සාමාන්‍ය ගෙඩියක්
ලීක්ස් හෝ ලූනු කොල
ගෝවා
සුදු ළූණු බික් හතරක්
ඉඟුරු කෑල්ලක්
කරපිංචා
පොල් තෙල්
ලුණු රස පදමට
රතු ලූනු ගෙඩි දෙකක්
ගම්මිරිස් කුඩු තේ හැන්දක්
සාදාගන්නා ආකාරය
පොල් තෙල් තේ හැඳි දෙකක් හෝ බටර් ස්වල්පයක් එකතුකර බත පිස ගෙන පසෙකින් තබා ගන්න,චිකන් ටිකට වතුර සහ ලුණු තේ හැඳි භාගයක් පමණ එකතු කර හොඳින් තම්බා ගන්න ,තම්බාගත් ගත් මස් ටික රන්වන් පැහැ වනතුරු බැදගෙන තීරු වලට වෙන් කරගෙන පසෙකින් තබා ගන්න,ඉඟුරු සහ සුදුලූනු ටික හොඳින් සෝදා පොත්ත පිටින් ම තලාගන්න.ඉන්පසු ටිකක් ඉඩ තියෙන ලොකු භාජනයක් ලිප තබා තෙල් මේස හැදි තුනක් එකතු කර තෙල් ටික රත් වෙනවිට ඉඟුරු සුදුලූනු ,රතු ලූනු සහ කරපිංචා ස්වල්පයක් එකතු කර විනාඩියක් පමණ තෙම්පරාදු කර ගන්න(රන්වන් පැහැ වනතුරු තබන්න එපා ),කුඩාවට කපාගත් කැරට් ,ගෝවා,ලුණු සහ බිත්තර එකතු කර කලවම් කර ගන්න (එළවළු එකතු කරන ප්‍රමාණය වැඩි කරගන්න එපා,බිත්තර දෙක එළවළු එකතු කරපු සැනින්ම එකතු කරගන්න ) බිත්තර වල තෙත ගතිය මදක් තියෙද්දීම බත් ටික එකතු කර (මේ වෙලාවේ දී බත් ටික හොඳින් නීවී තිබිය යුතුය ) ලිපේ ගින්දර වැඩි කර විනාඩි තුනක් පමණ කලවම් කරගන්න.ඉන්පසු සෝයා සෝස් ,තක්කාලි සෝස් සහ සීනි ද එකතු කර නැවත වැඩි ගින්දරේ විනාඩි තුනක් පමණ කලවම් කර ගන්න ,බැදගත් චිකන් ටිකද එකතු කරගන්න.ඉන්පසු අවසානෙට ගම්මිරිස් කුඩු සහ ලීක්ස් එකතුකර කලවම් කර ලිප නිවාගන්න ..❤️
ස්තුතියි
- Heshi's Kitchen -
03/10/2021
Post Number 187
රසම රස ..........
❤️ හැලප ❤️
අවශ්‍ය ද්‍රව්‍ය
කුරක්කන් පිටි කෝප්ප එකක්
පොල් කෝප්ප භාගයක්
ලුණු ස්වල්පයක්
කිතුල් පැණි කෝප්ප භාගයක් (හකුරු ග්‍රෑම් 50 කුඩුකර වුවද භාවිතා කල හැක )
සාදාගන්නා ආකාරය
පොල් ටික භාජනයකට එකතු කර ලිප තබා හැන්දකින් හැඳි ගාමින් අඩු ගින්දරේ විනාඩියක් පමණ පොල් වල තෙත ගතිය අඩු කරගන්න ,පැනි ටික ටික එකතු කරමින් කලවම් කරගන්න,ලුණු ද එකතු කරගන්න.ඉන්පසු අඩු ගින්දරේ පැණි පොල් මිශ්‍රණයට පිටි ටික ටික එකතු කරමින් කලවම් කරගන්න,වරින් වර හොඳින් නටන උණු වතුර මේස හැඳි තුනක් පමණ එකතු කර මිශ්‍රණය තලපයක් වෙනතුරු හොඳින් කලවම් කරගන්න,(අතේ නොඇලි එක ගුලියට එන පදම එන තුරු කලවම් කරගන්න )කුරක්කන් පිටිවල සුවඳ හමන විට ලිප නිවාගන්න,රස්නෙ පිටින්ම බෝලයක් ආකාරය සාදාගෙන කැන්ද කොළය මැදට තබා කොළය දෙකට නමා ගන්න ,ඉන්පසු රොලීන් පින් එක උදව්වෙන් ඉදිරියට සහ පිටුපසට වැඩිය අත තද නොකර ෆැලැට් කරගන්න.කැන්ද කොළ නැති කෙනෙකුට මේ සඳහා රවුමට කපාගත් කෙසෙල් කොළ බේකින් පේපර් වැනි දෑ භාවිතා කළ හැක.සාදාගත් හැලප සියල්ල විනාඩි විස්සක් විසිපහක් පමණ හුමාලේන් තම්බා ගන්න .
ස්තුතියි
- Heshi's Kitchen -
29/09/2021
Post Number 186
රසම රස ...
❤️චිකන් කරිය ❤️
විශේෂ කරුණු
1.සෑම විටම මස් මාළු පිසීමේදී මැටි ඇතිලියක් භාවිතා කරන්න ..
2.ඔබ යොදා ගන්නා කරි පවුඩර් එක හෝ බැදපු තුන පහ නිවෙසේදීම සාදා ගෙන භාවිතා කරන්න ..
අවශ්‍ය ද්‍රව්‍ය
කුකුල් මස් ග්‍රෑම් 500ක්
මිරිස් කුඩු මේස හැඳි තුනක්
අමු තුන පහ කුඩු තේ හැන්දක්
බැදපු තුන පහ කුඩු මේස හැඳි තුනක්
මී පැණි තේ හැඳි හතරක්
සියඹලා ඇට තුනහතරක්
කහ කුඩු ස්වල්පයක්
ගම්මිරිස් කුඩු
පොඩි තක්කාලි ගෙඩියක්
රම්පේ
කරපිංචා
කුරුඳු කෑල්ලක්
පොඩි බී ළූණු ගෙඩියක්
සුදු ළූණු බික් 3ක්
ඉඟුරු කෑල්ලක්
කරද මුංගු තුනක්
කරාඹුනැටි තුනක්
සේර කෑල්ලක්
අමු මිරිස් කරල් දෙකක්
තෙල්
ලුණු රස පදමට
වතුර
සාදාගන්නා ආකාරය
පළමුව මිරිස් කුඩු ටිකට තුනපහා කුඩු ටික එකතු කර අඩු ගින්දරේ සුවඳ හමන තුරු පමණක් විනාඩියක් පමණ කබලේ බැදගෙන පසකින් තබා ගන්න,ඉඟුරු සුදු ලූනු ටිකද පේස්ට් එකක් කරගන්න,චිකන් ටිකට ලුණු ,කහ කුඩු තේ හැන්දක් පමණ සහ සියඹලා යුෂ එකතු කර කලවම් කර විනාඩි විස්සක් පමණ තබන්න,තෙල් මේස හැඳි දෙකක් එකතු කර භාජනයක් ලිප තබා එයට ඉඟුරු සුදු ලූනු පේස්ට් එක ,තලාගත් සේර කෑල්ල ,කරපිංචා ,කරාඹුනැටි,කරදමුංගු සහ බී ළූණු එකතු කර රන්වන් පැහැ වනතුරු බැදගන්න,ලිපියේ ගින්දර හොඳටම අඩුකර එයට බැදපු තුන පහ සහ බැදපු මිරිස් කුඩු එකතු කර හොඳින් කලවම් කරගන්න (මිරිස් කුඩු ටික කර කර ගන්න එපා )තප්පර කිහිපයකට පසු චිකන් ටික එකතු කර හොදින් කලවම් කර ගන්න ,කුරුඳු කෑල්ල ද එකතු කරගන්න, ගින්දර අඩුවෙන් කියාගෙන පියනකින් වසා විනාඩි 5ක් පමණ පිසගන්න.ඉන්පසු වතුර කෝප්ප දෙකක් ,තක්කාලි ,ලුණු රස අනුව සහ අමුමිරිස් එකතු කර කලවම් කර පිස ගන්න ,හොද්ද උතුරන විට රම්පේ සහ මී පැණි එකතු කර කලවම් කර විනාඩි දහයක් පමණ පිසගන්න.සම්පූර්ණ කාලය විනාඩි විසිපහක් තිහක් පමණ පිසගෙන ලිප නිවාගන්න.ලිප නිවා ගත් පසු ගම්මිරිස් කුඩු තේ හැඳි දෙකක් එකතු කර කලවම් කර ගන්න ..❤️
බැදපු තුන පහ කුඩු රෙසිපි එක පහලින් .මෙම තුනපහකුඩු එක භාවිතා කිරීමෙන් නියම රස ගත හැක ..
https://www.facebook.com/103986028305235/posts/244233450947158/
ස්තුතියි
- Heshi's Kitchen -
25/09/2021
Post Number 185
කිරි ව්‍යාංජන රස කරන ....
❤️ අමුතුනපහ ❤️
අවශ්‍ය ද්‍රව්‍ය
කොත්තමල්ලි ග්‍රෑම් 80ක්
සූදුරු ග්‍රෑම් 50ක්
මාදුරු ග්‍රෑම් 30ක්
ගම්මිරිස් ඇට තේ හැන්දක්
සුදු කැකුළු හාල් මේස හැඳි දෙකක්
ලොකු එනසාල් කරල් හයක්
පරිප්පු මේස හැඳි දෙකක්
කරාබුනැටි හයක් පමණ
කුරුදු කෑලි දෙකක් පමණ
කරපිංචා කොළ කෝප්ප භාගයක් පමණ
සාදාගන්නා ආකාරය
මම ඉහත සඳහන් කළ සියලුම ද්‍රව්‍ය එකට එකතුකර දවසක් පමණ හොඳින් අව්වේ වේලා ගන්න.,(තද අව්ව තියෙන පැත්තක නම් පැය හතරක් පහක් පමණ වේලා ගත්තත් ප්‍රමාණවත් වේ ) ඉන්පසු එම සියල්ල බේලෙන්ඩර් කප් එකට එකතුකර පව්ඩර් කර ගන්න ...❤️
සැලකිය යුතු විශේෂ කරුණු
1.බ්ලෙන්ඩර් එක උදව්වෙන් තුනපහ කුඩු කිරීමේදී බ්ලෙන්ඩ්ර් එක රත් වීමට පටන් ගනියි .එම නිසා තප්පර කිහිපයක් ක්‍රියාවිරහිත කරමින් කරමින් අඹරා ගන්න ,නැතහොත් බ්ලෙන්ඩ්ර් කප් එකේ රස්නෙට තුනපහකුඩු එකේ වර්ණය මෙන්ම රස ද වෙනස් විය හැක .
2.අඹරා ගත් පසු තුන පහ කුඩු මිශ්‍රණය හොඳින් පව්ඩර් නොවී කෑලි රැඳුනොත් කුඩා හිල් සහිත පෙනේරයකින් හොදින් හලාගෙන ඉතිරි වෙන කෑලි කොටස් නැවතත් හොඳින් අඹරා ගන්න ..❤️
ස්තුතියි
-Heshi's Kitchen -
21/09/2021
Post Number 185
ඕනෑම උත්සව කෑම මේසයකට ගැලපෙන
❤️රසවත් අලුකෙසෙල් බටු මෝජුව ❤️
අවශ්‍ය ද්‍රව්‍ය
අලු කෙසෙල් ග්‍රෑම් 250ක්
වම්බටු ග්‍රෑම් 350ක්
ලොකු ලූණු ගෙඩියක්
තුනපහ තේ හැඳි 1 1/2ක්
කහ කුඩු තේ හැඳි බාගයක්
මිරිස් කුඩු තේ හැන්දක්
ගම්මිරිස් කුඩු තේ හැදි කාලක්
සීනි තේ හැඳි දෙකක්
සියඹලා ඇට දෙකක්
කුරුඳු කෑල්ලක්
පොල් කිරි කෝප්පයක්
ඉඟුරු කෑල්ලක්
සුදු ළූණු බික් 5ක්
අමු මිරිස් කරල් 5ක් පමණ
රම්පෙ කරපිංචා
රස පදමට ලුණු
අබ තේ හැන්දක්
විනාකිරි තේ හැන්දක්
සාදාගන්නා ආකාරය
පළමුව අබ ටිකට විනාකිරි ස්වල්පයක් එකතු කර හොදින් අඹරාගෙන පේස්ට් එකක් සාදා ගන්න,එයට ලූණු ස්වල්පයක් සහ විනාකිරි තේ හැන්දක් එකතු කර කලවම් කර පැය භාගයක් පමණ තබන්න,ඉඟුරු සුදුලූනු එකට එකතු කර අඹරා ගන්න,අලු කෙසෙල් ටික සහ බටු ටික කොටු හැඩයට කපා ගෙන ගැඹුරු තෙලේ බැදගෙන පසෙකින් තබා ගන්න(බටු වල සහ අලු කෙසෙල්වල කහට පිපීම වළක්වාගැනීමට ඔබට කහ කුඩු ස්වල්පයක් එකතු කර කලවම් කර ගත හැක ,එසේ නැතහොත් වැඩි වෙලාවක් ගත නොකර කපන සැනින් තෙල් එකට එකතු කර බැදගන්න ),මැටි ඇතිලියකට තෙල් මේස හැන්දක් එකතු කර ලිප තබා එයට බී ළූණු ,රම්පේ ,කරපිංචා ,කුරුඳු ,අමුමිරිස් සහ සියඹලා එකතු කර සුවඳ හමන තුරු තෙම්පරාදු කරගන්න,රස අනුව ලුණු සහ ඉඟුරු සුදු ලූනු පේස්ට් එක ද එකතු කරගන්න,විනාඩියකට පමණ පසු මිරිස් කුඩු ,කහ කුඩු , ගම්මිරිස් කුඩු ,තුන පහ කුඩු එකතු කර කලවම් කර තප්පර කිහිපයක් බැදගන්න.ඉන්පසු පොල්කිරි ටික එකතු කර කිරි ටික නටන තුරු පිසගන්න ,හොද්දේ ලුණූ රස බලා බැදගත් අලුකෙසෙල් සහ බටු ටික එකතු කර සියුම්ව කලවම් කරගන්න ,අබ පේස්ට් එක සහ සීනි (සීනි එකතු කරන ප්‍රමාණය ඔබේ කැමැත්ත අනුව අඩු වැඩි කරගත හැක ) එකතු කර කලවම් කර විනාඩියකින් පමණ ලිප නිවාගන්න ..❤️
විශේෂ කරුණු
සාදාගත් මෙම මෝජුව හොඳින් නිවෙන්නට හැර ශීතකරණයේ තබා පහුවෙනිදාට ආහාරයට ගන්නවා නම් ඉතාමත් රසවත් ❤️
ස්තුතියි
- Heshi's Kitchen -
18/09/2021
Post Number 184
පොල්කිරි කිරි වලින් අනන රසම රස ...
❤️ පොල් රොටී ❤️
අවශ්‍ය ද්‍රව්‍ය
පාන් පිටි ග්‍රෑම් 500ක්
ටිකක් ලොකු බෑයක පොල්
පොල් කිරි මිලි ලීටර් හාරසියක් පමණ
ලුණු රස පදමට
කුඩාවට කපාගත් රතුලූනු ගෙඩි අටක් පමණ
කුඩාවට කපාගත් අමු අමු මිරිස් කරල් තුනක්
සීනි තේ හැන්දක්
සාදාගන්නා ආකාරය
පාන් පිටි ටිකට ,ලුණු ,සීනි, ළූණු ,පොල් සහ අමුමිරිස් එකතු කර කලවම් කරගන්න ,පොල්කිරි ටික ටික එකතු කරමින් පිටි මෝලිය අනා ගන්න ,(මේ සඳහා පොල් කිරි මිලිලීටර් 300 ක් පමණ ප්‍රමාණවත් වේ .නමුත් විවිධ පිටි වර්ග අනුව මේ ප්‍රමාණය වෙනස් විය හැක ) මදක් අතේ ඇලෙන පදමට පිටි මෝලිය විනාඩි හතක් අටක් පමණ හොදින් අනා ගන්න(පිටි මෝලිය ඇලෙන පදමට සාදා ගැනීමෙන් රොටීය ඉතාමත් මෘදුව සාදාගත හැක ),පියනකින් වසා පිටි මෝලිය විනාඩි පහළොවක් පමණ තබන්න.ඉන්පසු රොටී සාදා ගැනීම සඳහා ඔබ යොදා ගන්නා පිගාන මතට පොල් කිරි ටිකක් ඉහගෙන රොටී ටික සාදාගෙන පුච්ච ගන්න .ඔබ මේ සඳහා කෙසෙල් කොළ භාවිතා කරනවා නම් කෙසෙල් කොලේ සමඟම රොටී තැටියට එකතු කර පුච්ච ගත හැක.මෙහිදී රොටී මිශ්‍රණයේ ඇලෙන පදම වැඩි නම් අතේ මදක් පිටි තවරා ගෙන රොටී ටික සකස් කර ගන්න..❤️
ස්තුතියි
- Heshi's Kitchen -