eatinglulum

💛

沙田分店排名一直喺沙田區人氣高企 次次行過都見到大排長龍 今日經過旺角店竟然唔使等位🥹

❣️招牌古法窩蛋烤牛肉生菜包撈檬 $92
落單嘅時候店員有講到話要等 見係全港獨家自創口味咁得意就貪得意試吓😛倒啲撈檬汁撈埋個溫泉蛋 牛肉燒得好香好惹味 不過整體上🥒多🥬好似同生菜包個名有少少出入

❣️手撕雞檬紙卷 +$32(跟餐價)
手撕雞份量滿瀉 餡料仲多過平時食壽司卷😚一口咬落夾心嘅青瓜絲好爽脆 無調味料淨食好fresh 點少少醋就仲開胃

❣️法式芝心蝦多士(四件) +$49(跟餐價)
真係我食過最好食嘅蝦多士 中間啲🧀熱辣辣流曬落碟 外皮炸到脆卜卜 面頭鋪滿芝麻 食落除咗蝦味仲有白芝麻香

❣️串燒沙嗲拼盤 +$49(跟餐價)
有齊豬牛雞各一串 可以一次試咁多款 沙嗲醬絕對俾得唔孤寒 每條正反鋪滿😍三款之中認為牛肉最好味 有啲似食緊沙嗲牛肉乾嘅感覺 但略嫌雞肉有啲鞋同乾身

❣️越南乳酪滴漏咖啡 +$29(跟餐價)
咖啡mix乳酪真係第一次見 酸酸甜甜嘅乳酪溝埋特濃咖啡意外地好飲 特別係食咗濃味野可以清清口腔🥺

-

🫧越男仔
旺角廣華街2-20號翠園大樓二期地下5號舖



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #生牛河湯粉 #越南料理 #撈檬粉

呢間留意咗好耐 聽講佢啲浜燒海鮮好好食即捕即燒 今次行開銅鑼灣竟然book到位🥹

❣️伊勢刺身set
(龍蝦活刺身＋甲羅焼 兩食) $668
上枱嘅時候🦞仲郁緊 龍蝦肉堆滿成個殼 唔需要點豉油調味料 超鮮甜好爽口 真係好似食蘋果咁索索聲

至於甲羅燒熱辣辣食真係超正 用鼻聞吓濃郁嘅松葉🦀膏 嫩滑蟹肉加上微濃嘅味噌 入口即溶嘅口感真係會上癮

❣️味噌蟹甲羅焼(配多士) $88/隻
食完之後仲嗌多咗份當麵包醬咁搽啲法包 再㗳啖清酒 一定係最正嘅開胃菜🤭

❣️活波士頓龍蝦浜燒 $398/隻
龍蝦面鋪滿嘅蛋黃醬燒到勁香 但依然保留蝦肉嘅鮮味 絕對唔會話被重口味搶走咗 店家仲要起晒啲肉方便食😳

❣️火炙帶子海膽包 $128
大大隻香甜帶子中間夾住一堆海膽 連埋脆卜卜嘅紫菜一啖食 真係好似食緊burger咁🤤帶子控表示一口氣食咗五粒左右咋

❣️蒜片煎厚切牛舌 $108
雖然牛舌冇想像中咁厚 但一口嘅大小足以喺口腔入面慢慢品嚐 牛舌再加上脆口嘅蒜片 口感好得意 蒜片香味唔算好濃但增加咗牛嘅層次🤭

❣️ A5和牛壽喜燒鍋 $298
一份五片鹿兒島和牛大過塊面 跟鍋嘅雜菜都唔少 店員哥哥貼心問想要幾成熟 一熟即夾嘅牛肉再撈🥚食 配搭一碗牛肉熬製嘅湯底 軟綿綿嘅牛肉一下子就sir咗落喉嚨

❣️水果雪芭 $88/個
今次嗌咗蘋果🍎菠蘿🍍檸檬🍋 容器就係水果自己本身 中間嘅雪芭成份天然食落好fresh 蘋果的話食完仲可以順便啃埋個生果 一舉兩得好健康😂

❣️越乃雪樁 直汲純米大吟釀原酒 720ml $1580
帶微碳酸嘅口感 40%精米步合 絕對係食海鮮嘅最好推薦🍶

-

🫧漁獲浜燒
銅鑼灣軒尼詩道525號澳門逸園中心18樓



-

#銅鑼灣 #香港食咩好 #食好西 #手機食先 #吃貨 #銅鑼灣美食 #香港美食 #香港好去處 #港島美食 #銅鑼灣好去處 #相機食先 #打卡 #打卡餐廳 #吃貨日常 #美食地圖 #美食攝影 #日本直送 #香港美食 #磯燒海鮮 #周末打卡 #日式居酒屋 #生日慶生 #紀念日 #周年紀念

呢間餐廳長期喺OpenRice處於極高人氣排名 之前見到連續三星期都係排頭三位 晚晚full house 今日終於book到枱啦🥹

❣️和風紫菜薯條 $58
份量多到滿寫 紫菜碎平均怖滿每條🍟 香口唔油膩嘅薯條即叫即炸 微鹹嘅調味粉增添薯仔香氣 絕對係一個必試嘅小食

❣️ 16小時慢煮法國油封鴨脾(每日限定) $318
喺呢間舖頭最有誠意嘅招牌菜 用慢煮形式煮足16個鐘 法式經典菜式之一估唔到呢度都可以煮到咁正宗 🦆肉啱啱好離骨但依然成型 鴨油油封有效保持肉質鮮嫩 鴨味甘香濃郁🤤

店員仲介紹埋底下有筍片完全吸收慢煮精華 另外一粒粒伴碟係石榴粒 酸酸甜甜嘅味道中和返油封帶嚟嘅淡油味 整體口感食落豐富有層次🍗

❣️龍蝦汁蟹肉意大利飯 $218
龍蝦汁多到十足泡飯咁 除咗本身啲飯用龍蝦汁煮 另外仲浸住上枱 幼滑濃厚嘅🦞味滲透到每粒飯粒 面頭兩隻蟹鉗已貼心地去埋殼 輕輕一挖就食得

-

🫧MEMOIR .causewaybay
銅鑼灣登龍街28號永光中心17樓



-

#銅鑼灣 #香港食咩好 #食好西 #手機食先 #吃貨 #銅鑼灣美食 #香港美食 #香港好去處 #港島美食 #銅鑼灣好去處 #相機食先 #打卡 #打卡餐廳 #吃貨日常 #美食地圖 #美食攝影 #茶餐廳 #窮遊 #香港美食 #情侶好去處 #周末打卡 #油封鴨脾 #生日慶生 #紀念日 #周年紀念

平時去廟街食煲仔飯就食得多 第一次留意到原來嗰邊有coffee shop😳仲要用心製作裝修夠文青

❣️酸種麵包+牛油果蓉 配 煙三文魚水煮蛋 $88
超大份放滿曬成隻碟 中間切開long下long下嘅蛋黃滲透整片麵包同🥑蓉 面頭大大疊嘅煙三文魚極吸睛 濃香麥味嘅酸種麵包做base 一口食落層次分明

❣️Hot Latte $20 (半價優惠)
咖啡師好應節整咗個中秋主題 🌕🐇拉得好仔細超靚 攞嚟打卡一流 整體飲落超香滑 重點係咖啡豆有得揀Nutty/Fruity 可按照個人喜好而選擇 場內仲有精選咖啡豆可以買返屋企自己沖 每朝懷念同一種味道話咁易🤤

❣️生酮鬆餅(伯爵茶）$34
竟然全面到有Keto Menu 不過今次淨係試試佢個甜品先 意外地好味 同平時食開嗰啲完全冇分別😌切片清楚見到伯爵茶粉 唔係偷工減料淨係倒味精個隻 每日供應三種口味 而且未必日日一樣㗎

-

🫧Heart Coffee
佐敦廟街285號地舖



-

#佐敦 #香港食咩好 #食好西 #手機食先 #吃貨 #佐敦美食 #香港美食 #香港好去處 #九龍美食 #佐敦好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #酸種麵包 #生酮飲食

平時去廟街食煲仔飯就食得多 第一次留意到原來嗰邊有coffee shop😳仲要用心製作裝修夠文青

❣️酸種麵包+牛油果蓉 配 煙三文魚水煮蛋 $88
超大份放滿曬成隻碟 中間切開long下long下嘅蛋黃滲透整片麵包同🥑蓉 面頭大大疊嘅煙三文魚極吸睛 濃香麥味嘅酸種麵包做base 一口食落層次分明

❣️Hot Latte $20 (半價優惠)
咖啡師好應節整咗個中秋主題 🌕🐇拉得好仔細超靚 攞嚟打卡一流 整體飲落超香滑 重點係咖啡豆有得揀Nutty/Fruity 可按照個人喜好而選擇 場內仲有精選咖啡豆可以買返屋企自己沖 每朝懷念同一種味道話咁易🤤

❣️生酮鬆餅(伯爵茶）$34
竟然全面到有Keto Menu 不過今次淨係試試佢個甜品先 意外地好味 同平時食開嗰啲完全冇分別😌切片清楚見到伯爵茶粉 唔係偷工減料淨係倒味精個隻 每日供應三種口味 而且未必日日一樣㗎

-

🫧Heart Coffee
佐敦廟街285號地舖



-

#佐敦 #香港食咩好 #食好西 #手機食先 #吃貨 #佐敦美食 #香港美食 #香港好去處 #九龍美食 #佐敦好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #酸種麵包 #生酮飲食

做完Facial自己一個冇嘢做就搵下午茶食😳見到呢間新開入面坐滿晒人 而且價錢都好抵就行咗入去

❣️蕃茄芝心豬扒烏冬(包熱飲) $38
30幾蚊嚟講份量唔算細 用托盤拎出嚟擺盤好靚好日式 上到枱熱辣辣第一時間望吓個豬扒係咪真係脆同熱 中間夾左🧀 真係識流心 輕輕拎起仲識拉絲 至於蕃茄烏冬紅色醬上面放左綠色蒂 賣相十足十新鮮蕃茄咁 撈起啲🍅醬 誠意之作估唔到係鮮茄肉 平時喺出面食開嗰啲都係茄膏 鮮茄唔會有啲又酸又甜嘅味道 濃味嘅芝士炸豬扒配咁fresh 嘅蕃茄湯底好正🫣

見到就算正價套餐都唔係好貴 睇落CP值幾高 如果之後同朋友諗唔到食咩 都可以推薦呢間😳

-

🫧饗樂町
油麻地彌敦道554號寶聲大廈地舖



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡

咁耐冇去日本 最想搵返係日本食到嘅味道🥹聽講呢間預約制而且成日坐滿晒日本人

❣️田樂豆腐 $68
見大家推薦話第一次必嗌 一份五件即叫即炸 熱辣辣食落索索聲😗有別於一般炸豆腐 外皮好酥脆 面頭嗰醬唔知係咪Honey Mustard 反正一齊食好開胃

❣️特選牛肉野菜鍋 $138
好鍾意飲啲清清甜甜嘅湯底 呢一鍋睇落好鮮艷 味道啱啱好唔過喊🤤牛肉仲要都幾多下 墊底啲菜全部食曬都幾飽肚 下次加埋個烏冬吸晒啲湯一齊食一定仲正

❣️鮮蟹肉蟹膏炒飯 $108
有一茶匙嘅蟹膏放喺飯嘅上面 清楚見到大量🦀肉 撈埋晒之後未至於見到啲飯沾滿蟹膏 但啖啖蟹肉的確唔簡單

❣️Suntory (生啤) $88 買一送一
咁啱遇到promotion 可以揀白啤或者黑啤 貪心嘅我哋揀咗兩溝😝 $44一杯真係好抵

🍶不過注意返前菜醃蓮藕同茶芥會收$20位😞一啖嘅份量食咗所以冇影到 如果可以嘅話大家喺坐低之前記得同店員講清楚

店員服務好又親切 仲見到壽司吧師傅會周圍同熟客聯誼 感情非常好🫶🏻
難怪開業超過7年都吸引到咁多日本人搵返家的感覺

-

🫧沃川自家料理
尖沙咀麼地道75號南洋中心UG5-8號舖



-
#尖沙咀 #香港食咩好 #食好西 #手機食先 #吃貨 #尖沙咀美食 #香港美食 #香港好去處 #九龍美食 #尖沙咀好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #日本料理 #壽司 #廚師發辦

💛

成日去到邊度都想食點心 之前喺OpenRice一早留意到呢間 完美地將電視劇見到嘅畫面搬入舖頭入面🤩

❣️老馮鮮蝦餃 $30
一籠四粒脹卜卜 每粒入邊都有兩三隻🦐好鮮味 唔使點任何醬汁就食得 真正嘅皮薄餡靚

❣️金牌炸芋角 $18
無可厚非係被個名吸引咗 點知嚟到真係勁鬆脆 炸到熱辣辣新鮮上枱 裏面芋頭餡都好大舊🥳必試之選

❣️咖喱蒸魷魚 $26
咖喱味超濃好惹味 🦑滑捋捋塊塊都好大塊唔係切爛晒個隻 咖喱汁淨係用嚟撈飯都啱晒

❣️古法牛肉球 $23
呢個size真係好意外超大粒 實際尺寸同長洲魚蛋一模一樣🤤入邊勁多配料 唔會話剩係得肉丸咁齋無乜味

❣️金牌叉燒包 $18
食唔飽用呢兩個填肚啱晒🤰🏻中間熱辣辣嘅叉燒 都佔咗個包嘅三份二 咁足料下次會想試埋奶皇包

-

🫧老馮茶居(大棠路)
元朗大棠路66號地舖



-

#元朗 #香港食咩好 #食好西 #手機食先 #吃貨 #元朗美食 #香港美食 #香港好去處 #新界美食 #元朗好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #點心 #茶樓 #酒樓 #懷舊香港

以前認識’懷舊’兩字都係要睇返啲八九十年代嘅港產片 竟然比我喺林林總總嘅餐廳入面搵到間做懷舊主題😍

❣️5CM蛋治 $20
中間夾住食指長度咁厚嘅🥚大嚿到用手食真係一路食一路跌 要用刀叉食先搞得掂😂雞蛋好實在 喺港島區賣咁嘅價錢真係超抵食

❣️ 香蔥碎牛炒蛋牛角包 $28
🥐唔係一般做法就咁叮翻熱就算 一口咬落去酥脆到直頭成個解體 餡包比例1:1 蔥香怖滿成個雞蛋 再撈埋啲碎牛一齊炒 更加惹味

❣️ 香蕉法蘭西多士 $26
法蘭西多士就食得多 但夾住🍌流心嘅真係未試過 熱辣辣嘅西多淋埋糖漿 切開中間嘅香蕉蓉流滿成隻碟 唔太甜嘅果蓉中和返面頭嘅糖漿 食晒成份都唔會話漏

❣️ 生炸大雞髀 $26
大過手掌嘅🍗不論店內店外都寫住必食之選 即叫即炸等候時間20分鐘 酥炸嘅外皮入邊包住滑捋捋嘅雞肉 做成強烈對比 完全係口痕必食

❣️鮮茄牛肉飯 $38
下午茶嘅價錢估唔到可以咁大份 洋蔥🧅菠蘿🍍蕃茄🍅牛肉🥩樣樣齊 牛肉片數量極多 驚仲有一隻蕃茄咁多嘅分量 紅卜卜嘅蕃茄鮮嫩多汁好鮮味

-

🫧 尚君如夢
灣仔天樂里6-18號恆安大廈地下D&E號舖



-

#灣仔 #香港食咩好 #食好西 #手機食先 #吃貨 #灣仔美食 #香港美食 #香港好去處 #港島美食 #灣仔好去處 #相機食先 #打卡 #打卡餐廳 #吃貨日常 #美食地圖 #美食攝影 #茶餐廳 #窮遊 #香港美食 #情侶好去處 #周末打卡 #下午茶 #茶餐廳 #懷舊香港

💛

間唔中都會買古早味蛋糕返屋企懷念下臺灣味道🥺有次喺IG見到呢間用水浴法蒸蛋糕 唔會燶邊 見咁得意即刻搭去深水埗望下

❣️ 陳皮紅豆蓉口味(全個) $75
全港首創口味 一開頭仲以為會似🫘沙帶有淡淡陳皮味 店家自打自做嘅夾心無將紅豆完全打爛 切開仲見到有啲紅豆粒 好驚喜

微甜嘅豆蓉口感有啲似豆沙包中間嘅餡 至於陳皮方面 味道唔算好濃 相信係為咗配合年輕一代更容易入口😌濕潤嘅蛋糕濃烈蛋味 即使用力㩒回彈性依然唔錯 一下子食左半個都唔會話喉嚨乾涸

❣️伯爵茶芋泥口味(全個) $80
甚少喺古早蛋糕店見到有伯爵茶嘅出現 本身係茶控知道已經流晒口水🤤蛋糕清楚見到茶粉一粒粒 打開就聞到好香伯爵茶味☕️

中間夾住嘅芋泥蓉相比起出邊嘅深色 店家解釋所有芋泥產品都用真芋頭打成 並非一般開粉混合 用原形食物係為咗大家食得更健康🤩

❣️OREO朱古力口味(全個) $80
相比起前面嗰兩個 呢個相對遜色🥹可能冇夾心關係感覺比較乾 成舊都係朱古力蛋糕 上面鋪左爆多Oreo餅乾碎 賣相好靚有加分 使用無糖可可粉淡淡地嘅🍫味用來做零食小蛋糕啱哂

🧑🏻‍🍳最得意嘅地方係佢哋全港唯一獨一無二客製化嘅做法 不論經WhatsApp/Openrice都可以預訂到一個月內嘅訂單 超過1️⃣0️⃣0️⃣種口味俾你揀 雙拼口味 三拼口味一樣做到

✅所有蛋糕均採用低糖少油配方 即使小朋友👧🏼糖尿病👨🏽‍🦱孕婦🤰🏻都啱食 無添加防腐劑 全家都食得 保質期四日內蒸返熱佢就食得㗎啦 健康又簡單

-

🫧 囍源古早蛋糕
深水埗北河街123號地舖



-

#深水埗 #香港食咩好 #食好西 #手機食先 #吃貨 #深水埗美食 #香港美食 #香港好去處 #九龍美食 #深水埗好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #古早味蛋糕 #台灣蛋糕 #夜市蛋糕

原先諗住食壽司 點知最後太多人排隊 係附近搵左另一間都好吸引嘅🤩原來環境好啱打卡

❣️忌廉蘑菇湯 + 酸種法國麵包 (跟餐) $0
估唔到個湯一撈起咁多🍄粒喺入邊 至於跟餐包 好少何見出面餐廳唔使加錢都食到酸種包 外酥內軟嘅口感 越咬越香😌

❣️ 四重芝味薄餅(配蜜糖) $138
上到枱切開嘅時候仲識拉芝 係我衰影相影耐左搞到無左😂成個Pizza用咗四種芝士
🧀Mozzarella
🧀Gouda
🧀Blue Cheese
🧀Camembert
超香芝士味 芝士控一定勁鍾意 薄薄地嘅批底 完全吸收曬芝士滲出嚟嘅油份 再淋啲🍯 連埋脆批邊一齊食唔覺得油膩 仲有啲似食緊甜品咁

❣️ 檸檬牛舌意大利青瓜手工意粉 $138
有少少意外冇諗過牛舌原條直出😐同平時喺日本嘢見到嗰啲好唔同 原來咬落有少少似雞腎 不過係淋啲😂意粉好爽好滑 檸檬味充斥着成個意粉同牛舌 好開胃

❣️招牌提拉米蘇 $55
用玻璃杯裝住嘅設計好啱直接拎住食 就算用匙羹不到最底大大啖食都唔使驚會散開😋奶香味好濃芝士好滑 浸過咖啡嘅lady finger都唔會話太苦

-

🫧GOCHI .hk
樂富聯合道198號樂富廣場UG&1樓L104A&B,L211-214號舖



-

#樂富 #香港食咩好 #食好西 #手機食先 #吃貨 #樂富美食 #香港美食 #香港好去處 #樂富美食 #樂富好去處 #相機食先 #打卡 #打卡餐廳 #吃貨日常 #美食地圖 #美食攝影 #茶餐廳 #窮遊 #香港美食 #情侶好去處 #周末打卡 #下午茶

💛

朋友介紹呢間印尼菜好正宗 好似咁大個人都未食過印尼菜🤪上網睇過啲相有啲似印度咖哩 今日book咗枱去試吓佢

❣️ 不是「南乳豬手」是「巴東豬手」$54
個顏色真係同南乳豬手一樣🤣 好彩Menu上面有強調 唔係真係以為南乳豬手嘅話無嗌到都試到 豬手唔算炆得好淋 但一份有三大舊都幾多下 每舊肉嘅比例都多過骨 咖喱有少少微辣 炆得好入味 係必食之選🤤

❣️ 峇里堂海鮮煎 $71
賣相同感覺都好似台灣嘅柯仔煎 只係多咗啲芽菜蝦片同海鮮🦞賣相唔算好靚 好似啲雜菜炒埋一碟咁 唯一有特色係中間pat咖哩 如果無的話真係可以唔洗嗌😞

❣️ 峇里式燒豬汁比高 $57
啲豬肉多到跌晒出嚟 而且啲燒豬汁好濃煮得好入味好淋 加埋啲青瓜 成個包食落好Juicy好開胃🤩一人一個都得

❣️ 巴東牛肉飯 $72
牛肉飯嘅咖喱同豬手咖哩個味道差唔多 牛肉粒都唔少 亦一樣煮得好淋好好味 飯嘅份量都多 啲汁多到撈埋每一粒飯😋

整體嚟講呢間餐廳嘅CP值幾高 兩個人食人均百幾蚊已可以試咁多唔同嘅菜式 可以列入二訪名單✌🏻😗

-

🫧峇里堂
尖沙咀彌敦道176號The Nate 3樓



-

#香港人美食地圖 #香港人打卡 #尖沙咀 #香港食咩好 #食好西 #手機食先 #吃貨 #尖沙咀美食 #香港美食 #香港好去處 #九龍美食 #尖沙咀好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #印尼料理

平時好少食甜嘢 今次第一次post甜品 去左食韓國好興嘅雪奶冰❄️

❣️韓式綠寶石香甜蜜瓜雪奶 $75
打開Menu第一眼見到就係呢個 綠色嘅生果同埋綠色嘅冰就好似嚟遠睇山上面啲樹一樣咁靚🌲到枱雖然蜜瓜嘅形狀由粒狀變成塊狀 但份量依然係覆蓋晒成個冰面

🍈咬落香甜多汁 淋返少少煉奶 水果嘅清香再加埋煉奶嘅奶香味 仲有半融化嘅雲呢拿🍦 自己一個食晒成碗都唔會太過分

❣️荔枝芒果雪奶 $75
芒果冰喺出邊就食得多 但加埋荔枝嘅真係第一次見 咁嘅配搭好驚喜😗成碗冰本身已經淋滿芒果汁 基本上唔使加煉奶都得 濃香芒果味嘅果醬甜度適中 爽脆清甜嘅荔枝肉可以將芒果比較高嘅糖分喺口腔入邊帶走 一碗甜品幾重層次🤤

呀 唔記得同大家講 成間舖頭嘅內牆都貼滿韓星poster 好似仲會不定時更換添㗎🤩如果咁岩遇着有你鍾意嘅明星 記得過嚟打卡啦💓

-

🫧 Nun Desserts Cafe
旺角通菜街119號地舖



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #甜品

Asia Miles兌換獎賞間唔中都會做promo 今次咁啱俾我哋留意到可以換自助午餐🤤🤘🏻

❣️即開生蠔
相信最吸引一定係呢個 2.5小時不限量任食🦪 Keep住都有10幾20人排隊 每人每次限拎兩隻 職員當場喺面前開再過水 蠔肉唔算大粒不過食落好香海水味🌊

❣️海鮮冷盤
種類唔算多剩係得三款 海蝦🦐海螺🐚青口 蝦肉無爛無散開尚算可以 海螺青口冇食到沙 都幾新鮮

❣️燒羊脾
竟然有燒🐏脾 普遍羊肉製作都比較麻煩 所以係自助餐好少見 燒到入味一啲騷都無 連埋燒肉汁食好juicy🤭

❣️清蒸石斑
即使長期焗住🐟肉質都仲好鮮嫩 魚皮彈口 值得一試

❣️麻辣口水雞
第一次係Buffet見到呢味餸 同平時喺四川舖食嗰啲味道差唔多 夠麻好正宗 可能因為太罕見好快俾人掃晒😂留意左陣無refill 後來已經轉左第二樣嘢

❣️咖哩
泰式咖喱印度咖喱都有 旁邊仲有手抓餅同薑黃飯🍛淨係行過都聞到飄香 因為唔係好食得辣 淨係試咗少少 泰式大頭蝦咖喱除咗有咖哩仲有海鮮食好正🤤

❣️紅洒燴牛尾
平時喺出邊食價錢都唔平 呢度任食任夾 仲要係紅酒炆過 唔會話乾爭爭冇味道🍷

❣️燒特級牛肉
除咗任食生蠔 呢個一定係另一個重點 廚師即叫即切 片片厚切 肉質幼嫩濃烈🐮香 唔食冷盤海鮮淨係食呢個都回本

❣️芒果拿破崙
八度海逸嘅招牌甜品 好多人都慕名而嚟食佢嘅甜品tea buffet 每次新鮮出爐都排晒長龍 酥脆嘅拿破崙餅層加埋涼浸浸嘅芒果味Cream 仲有鮮甜嘅🥭做toppings 難怪大家搶住食

❣️Häagen-Dazs雪糕配鬆餅
廚師一件一件新鮮焗製 拎到埋位仲係暖笠笠 配搭自己想食嘅雪糕🍦冰火透心

❣️Movenpick各式雪糕
比較少見嘅雪糕任食品牌 相比起其他牌子更加幼滑 果肉比例多 用呢個配搭即焗🧇更加分

-

🫧8度餐廳
土瓜灣九龍城道199號8度海逸酒店地下

📍假日自助午餐(2.5小時任食) $470
星期六及公眾假期 : 中午12:00 - 下午 02:30




-

#土瓜灣 #香港食咩好 #食好西 #手機食先 #吃貨 #土瓜灣美食 #香港美食 #香港好去處 #九龍美食 #土瓜灣好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #自助餐 #放題 #任食

💛

依間喺公司附近出名性價比高 今晚終於記得去食 好彩去到唔使排隊好開心🤭

❣️吉列牛脷∞ gram $98

26塊牛舌圍成一個圓形⭕️擺盤好精緻 塊塊大小平均都算厚切 食落好有咬口 唔會話有雪味 最爽係食完一盤又可以再order😛不過記得入座起計用餐時間90分鐘呀

❣️ 吉列Prime小牛排 140g $118
我哋都鍾意食6 7成熟 所以輕輕燒一燒已經放入口🤤牛味超重食落好滿足 連埋層吉列脆皮一齊點醬 帶有黑松露味嘅醬汁令牛香味更出 極致配搭

❣️ +$38 跟沙律+冷泡茶+紫菜月見飯
唔知係咪夜晚一定要跟套餐 坐低仲未揀嘢食 沙律紫菜飯已經上台🥗紫菜飯撈蛋再連埋飯入面啲牛肉汁好juicy忍唔住encore多碗 如果唔鍾意撈飯食嘅可以𢳂起隻雞蛋用嚟點肉食都得🥺

-

🫧 直燒和牛商店 .yu02
旺角長沙街2號地鋪



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #和牛燒肉 #燒肉放題

之前睇報道話超過80年歷史嘅豚肉丼專門店插旗九龍灣 今日專登過嚟試一試😌

❣️ 帶廣名物稀有豚肉丼（特盛）$112
嗌左大碗有六塊 塊塊都好大 攤開完全覆蓋晒個飯🤤呢間舖頭嘅豬肉都係嚴選日本頂級稀有嘅「かみこみ豚（KAMIKOMI豚）」 每一塊上面都平均鋪滿醬汁 味道好特別同平時一般嘅燒肉醬唔同 不過唔知係咪因為汁只係得個面有 咬落啲豬肉度都偏乾 莫講話最後想撈埋飯食🥹 感覺差少少

❣️和牛壽喜燒定食 $198
有前菜刺身蒸蛋主食甜品 見到咁多嘢都唔知食邊樣先好🤭刺身都好大份 唔係平時附送嗰啲迷你size 蒸蛋好足料足足有成兩隻蝦 壽喜燒火鍋比較淺 邊煮邊食都有啲淺到件衫🥺 牛肉片數量唔多少 豆腐好嫩滑 仲有金菇同雞蛋 最後甜品係黑糖寒天 滑劣劣勁消暑

❣️SAPPORO 生啤 $32
冇平時嗰啲咁濃 都幾易入口 一邊食住壽喜燒入邊飲冰凍啤酒🍻正呀

-

豚丼のぶたはげ(德福廣場一期)
九龍灣偉業街33號德褔廣場1期地下G54A2號舖



-

#九龍灣 #香港食咩好 #食好西 #手機食先 #吃貨 #九龍灣美食 #香港美食 #香港好去處 #九龍美食 #九龍灣好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #日本料理

疫情咁耐最掛住就係新加坡🇸🇬 次次去到一日三餐都狂食海南雞飯 真係好懷念 聽講長沙灣呢間食星馬野超正宗 即刻撲過嚟試試🤤

❣️豐盛海南雞飯(半隻) $128
半隻雞都咁大碟 雞飯用上特定份量電飯煲煮 令每粒飯都平均可以吸收到🐥油同斑蘭香 雞件則用上日本花菇🍄元貝同廿種香料一齊烹調 份外入味😋

❣️ 砂煲新加坡白胡椒肉骨茶 $120
新加坡潮式肉骨茶做法以胡椒味行先 即使係咁湯底亦做得比較清淡易入口 食唔慣重口味嘅都一定一試難忘🤩煲湯時仲加入豆卜 吸盡肉骨茶精華 一咬噴湯 胡椒味持續喺口腔徘徊 冬天飲極度暖身💗

❣️鮮油咖吔多士 $28
好耐冇食過啲咁邪惡嘅嘢🤤烘脆左嘅麵包餘溫溶化兩片不吝嗇嘅牛油🧈麵包完全吸收 咖哋醬加上微鹹嘅味道 仲有牛油嘅涼浸浸嘅口感 好似食緊甜品

❣️ 怡保扎肉雞絲湯粿條 $55
芽菜、通菜、扎肉、雞絲完全遮住曬個麵 超級足料🥳 四片扎肉超大塊 唔似出邊嗰啲得扎肉粒或者扎肉條 去咗皮嘅雞絲依然保留到肉質滑溜嘅口感 將青🍋同🌶加入湯中 粿條配搭清甜嘅湯底 就算食晒成碗都唔會飽濟

❣️凍椰奶 $12(跟餐價)
飲完香濃胡椒味嘅肉骨茶 最後用一杯冰凍嘅椰奶結束 即使食到啲冰融晒都唔會話將濃稠嘅🥥香味溝淡 超級推薦❗️

-

🫧蘇山雞飯
長沙灣元州街411號義華大廈地下



-

#長沙灣 #香港食咩好 #食好西 #手機食先 #長沙灣美食 #香港美食 #香港好去處 #九龍美食 #長沙灣好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #海南雞飯 #肉骨茶 #咖吔多士 #咖央多士

同朋友食飯有時勁驚食唔飽返到去又要煮麵食🥶今次食燒肉放題仲加咗$48 ASAHI任飲 最後嗌咗LEVEL 3😳價錢適中 但估唔到咁抵食

❣️LV 3 : 特上牛品海鮮放題 $368

🐮 牛舌（鹽味/辛味/味噌)
🐮 嚴選牛頭脊（原味/燒汁/黑椒）
🐮 骨付牛肋肉（原味/燒汁/ 黑椒）
🐮 安格斯牛小排（原味/燒汁 /黑椒）
🐮 極品三角牛肋肉（蒜香炭鹽)
🐮 煙燻壺漬封門柳（醫油味）
🐮 特上肩胛翼板肉（原味/境汁/ 黑椒）
🐮 嚴選牛肩里肌肉（原味/境汁/黑椒）
🐮 霜降一口牛

🐷 熊本豚角燒
🐷 秘醬豬肋骨
🐷 薄/厚切熊本豬腩肉（燒汁/鹽味/辛味/味噌)
🐷 白豚梅花肉（鹽味/辛味/味噌）
🐷 豚五花（鹽味/辛味/味噌）
🐷 霜降豬頭肉（鹽味/辛味/味噌）

🦐照燒帆立貝
🦐法國黃金螺
🦐清酒煮蜆
🦐多春魚
🦐半殼青口
🦐燒鯖魚

啲肉質素好 仲以為會落完單出餐會好慢拖延時間😦但意外地無發生 好Surprise

啲牛勁有牛味 特別係厚切食落超滿足🤤貼心地仲要已經醃好曬先上枱 喺落單時揀選想要咩口味 基本上燒完唔使再加調味已經即刻食得

❗️重點推薦招牌煙燻壺漬封門柳 封門柳一向被譽為「牛之零魂」 每隻🐮得一條㗎咋🥹超級珍貴 肉味香濃一啲都靭 用秘製醬汁醃完仲放大咗啲牛肉香 我哋一行10人每人最少食咗一條🤣

🐷嘅部份可以考慮試試秘製豬肋骨 平時喺出邊閑閑哋食一碟都要二三百🫠呢度俾你任食之餘仲要勁入味 唔會話過咸食唔出豬肉香

至於鍾意食海鮮嘅朋友照燒帆立貝🐚同鯖魚🐟都好好味☺️帆立貝唔會話雪到爛晒 解凍之後成個解體 輕輕係咁依燒一燒已經離殼食得 另外鯖魚除左吱檸檬汁仲可以配搭其他唔同嘅醬汁 想食咩味可以自己話事😛

出面buffet area仲有甜品供應 石磨豆腐花同自己吱嘅雪糕🍦抹茶 朱古力 雲呢拿 三款 朋友亦都極力推薦order 榴槤炸彈 出邊甚少任食嘅會提供榴槤甜品 加熱咗之後增強榴槤飄香 流心嘅內餡直達喉嚨 另外仲有椰汁波波 一樣係咬開流心 有啲似食緊熱嘅椰汁西米露🤭

-

🫧 佐賀燒肉谷（雅蘭中心)
旺角彌敦道625及639號雅蘭中心地下(部份)及1樓116號舖



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #小籠包

上次出咗個brunch終於得閒出埋個早餐😂食早餐嘅人數比我哋想像中多人 幾乎坐滿晒成個場

🍽早餐buffet $275

分開三個時段用餐:
📍07:00-08:00
📍08:00-09:00
📍09:00-10:00

❣️炸物
煙肉 炸春卷 薯餅🥔 麥樂雞 基本上平時酒店早餐offer嘅都有提供 長期有保溫燈warm住 唔會話怕凍左唔好食😼

❣️火腿
呢個用嚟夾麵包食啱晒 幾款火腿都有齊🤭塊塊咁大塊 夾多啲材料返個位度整三文治話咁易🥪

❣️沙律
同之前早午餐嘅一樣 凱撒沙律 薯仔沙律 雜果沙律🥗薯仔煮到好淋入口即溶 諗唔到食咩其實薯仔沙律都係一個唔錯嘅選擇

❣️煎餃子
真係推薦塊皮唔會好厚 即使煎完放喺度都唔會話變硬 之前食過一啲越放越油🥺淨係夾下都見到個夾漏曬油咁就怕怕 呢個唔算太油得嚟又唔使加任何調味料已經好香口好入味🥟

❣️麵包類
曾經聽過人哋講麵包好唔好食就睇得出酒店嘅水準 作為麵包控嘅我見到咁多款麵包真係勁興奮😋

全部麵包加埋差唔多有10款 最最最好食一定係酥款 牛角包🥐 丹麥酥 不論有餡無餡都係勁鬆脆一咬即刻成個散開一層層 偷偷話你哋知我一下子鯨吞左四五個🤣

至於Donuts🍩 冇出邊買嗰啲咁甜 而且咬落唔算好痴牙 味道都算唔錯

-

🫧café @ WM
西貢惠民路28號WM酒店LG樓



-

#西貢 #香港食咩好 #食好西 #手機食先 #吃貨 #西貢美食 #香港美食 #香港好去處 #新界美食 #西貢好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #自助餐

STILL主打精緻嘅西班牙Tapas 見到橙白綠嘅文青裝修好靚好吸引 但原來呢間係寵物有善餐廳嚟添㗎😳

❣️生牛肉他他多士 $98
啲料仲厚過塊麵包 啲🥩多到滿瀉 撈左蕃茄同洋蔥 咬落勁濃牛肉味 唔會話好鹹好重味精 拎來做開胃菜啱啱好😏

❣️日式天婦羅鮮魷魚 $98
擺盤好靚容器好精緻 但係份量一啲都唔少 加埋加埋都有成10舊 店員有介紹底下有🦑汁同炸蒜粒 食嘅時候點嚟齊食 可以增加魷魚天婦羅嘅香味🤩記得要趁熱食呀

❣️招牌西班牙海鮮炒飯 $228
兩隻大蝦放正正放係面 仲有比目魚 蜆 魷魚 魚子 一齊炒好足料 飯唔會過濕好鮮好香🤤感覺海鮮佔嘅比例仲多個飯 好正宗好正 果然係招牌 嚟到記得一定要嗌❤️‍🔥

❣️ 招牌西班牙水果茶 $58
第一次飲無糖嘅水果茶 識我嘅人都知我唔係好鍾意飲甜嘢 呢壺茶勁啱我口味💁🏻‍♀️茶同水果分開上 🫖+🍏+🫐+🍊=夏日嘅味道 食完西班牙炒飯咁濃味嘅食物飲番杯就啱啱好啦

-

🫧STILL
士瓜灣馬頭圍道63號啟岸1樓06號舖



-

#土瓜灣 #香港食咩好 #食好西 #手機食先 #吃貨 #土瓜灣美食 #香港美食 #香港好去處 #九龍美食 #土瓜灣好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #西班牙料理

OT到八點依然想食台灣嘢 返屋企附近搏下睇睇有冇機會 呢間一向都大角嘴區嘅必食名單入邊排頭三位🤭平時要排長龍㗎

❣️ 那個滷排骨便當 $69
個排骨完全遮蓋晒個飯 新鮮滾熱辣脆卜卜超脆口🤤一塊切咗六件 再加埋今日嘅配菜成碗超滿 胃口細啲嘅女仔真係可以食飽兩個人🤣

❣️ 限定-玖香啤酒豬軟骨便當 $76
原先仲以為會好似紅酒炆牛尾個啲有酒香味 唔知會唔會係因為啤酒有氣泡唔同性質嘅關係 煮完之後好似無乜味道😗或者可能個汁已經溝咗啤酒 醬汁味道好特別好開胃 豬軟骨好淋好淋 未咬含住都散開曬 好正🤩

是日配菜：
🥢黄薑炒野菜
🥢家常炒粉絲
🥢麻婆豆腐
🥢 焦糖玉子
🥢本日涼菜
* 可添飯/可少飯*

-

🫧那個ㄋㄚˋㄍㄜ˙
大角咀埃華街116-118號地下8A號舖



-

#大角嘴 #香港食咩好 #食好西 #手機食先 #吃貨 #大角嘴美食 #香港美食 #香港好去處 #九龍美食 #大角嘴好去處 #相機食先 #打卡 #打卡餐廳 #吃貨日常 #美食地圖 #美食攝影 #窮遊 #香港美食 #情侶好去處 #周末打卡 #台灣料理

估唔到酒店會升級我哋食晚餐 之前聽同事講過選擇多又好味 yeahhh😙

❣️冷盤
閞邊龍蝦🦞 麵包蟹🦀大蝦🦐青口 蜆 最方便一定係龍蝦大大隻方便食唔會整污糟手 一碟最多放3件
一嚟食個3 4 round 打底 回本靠呢度🤤

❣️ 開胃菜前菜
常見嘅巴馬火腿酸青瓜🥒醃青瓜 酸橄欖🫒 蕃茄🍅應有盡有 味道不過不失 不過可以開定個胃轉頭可以再試多啲正嘢

❣️ 芝士🧀
種類都唔少 空口就咁食的話好鹹 好彩隔離有啲梅同麵包中和下 夾住食🤭

❣️ 泰式串燒
因為今期做緊泰式主題 豬肉串 燒雞串 魷魚圈 腸仔
雞粒 一應俱全 如果唔點醬食有啲偏乾 不過好入味好香😝

❣️ 燒豬脾仔
即叫即切嘅服務 味道有啲似平時啲燒豬手 加埋個燒汁啱好 唔會話鞋囗 一時控制唔到食咗兩份🥶

❣️ 泰式烤魚🐟
有少少冬陰功嘅feel 不過切開啲魚皮入邊有啲乾 味
道就好濃香 又唔會好似冬陰功湯咁重香料 如果多番少少汁會好啲🫣

❣️ 泰式魚餅
同平時喺九龍城食嗰啲冇分別 好正宗 咬落好大魚味 唔會死鹹 鍾意食嘅可以食多少少🤏🏻

❣️ gelato
估唔到任食都有Gelato入口即溶嘅感覺 仲要低卡過平時雪糕 真係食多多都冇所謂😆

❣️ 甜品
一個二個都好靚好好味 食到尾聲己經勁飽 淨係試左圖中兩款 蛋糕好軟熟 無花果蛋糕好新奇 酸酸甜甜食落唔會濟😍

-

🫧The Farmhouse
北角香港維港凱悅尚萃酒店西座2樓



-

#北角 #香港食咩好 #食好西 #手機食先 #吃貨 #北角美食 #香港美食 #香港好去處 #港島美食 #北角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #自助餐

天氣熱唔想食咁重口味 想食啲清淡啲一諗就諗起越南生牛肉湯河😗

❣️ 生牛肉湯河粉 $46
份量都幾大碗🥩都好多 勁有牛肉香 唔知湯底係咪熬咗好耐呢 加埋配送嘅辣椒🌶️ 鮮甜得嚟有啲辣辣地好惹味 完全係可以當前菜餐湯咁飲

❣️香茅豬扒撈檬 $48
豬扒一大塊切成4份 一塊大概3 4啖左右 上枱嘅時候仲係熱辣辣 唔會太油膩太重味精 檬粉索埋啲酸辣汁 熱辣辣得嚟帶幾分清新🍋

❣️ 越式炸蝦餅(細）$28
份量唔細但食落好似冇乜味咁 食唔出🦐味或者任何海鮮味 但又唔會太粉 最後點泰式酸辣醬食埋佢

❣️ 招牌越式三文治 $40
超級無敵多🥒 扎肉細細塊 法包食落好香脆 包埋一齊食好厚好大份 未至於好正宗但都幾好食 之前食嗰啲芫荽勁多😂 好彩呢間無啫

-

🫧河內越式料理(西洋菜南街)
旺角西洋菜南街204號地舖



-

#相機食先 #打卡 #打卡餐廳 #吃貨日常 #美食地圖 #美食攝影 #攝影日常 #窮遊 #港美食

連續放幾日假入左西貢chill下 諗起WM有半自助午餐 Walk-in去試試😝首先要order main course🥘先再出去bar枱夾嘢食

🍽分別嗌咗兩個set:

❣️燴奥地利牛面頰肉配長法邊豆及松露薯蓉 $328

塊牛比想像中大 而且煮得好淋好入味 有啲似平時食嗰啲炆牛腩🤩牛味超濃再配埋個紅酒汁 食返啖黑松露薯蓉 Wonderful🤟🏻

❣️ 香煎紐西蘭鱈魚柳配蕃茄乾香草牛油汁 $288

相比起牛面頰 鱈魚相對清淡🥺略嫌有啲啲乾身 不過個香草牛油汁好出色 creamy得嚟又無油感 令到魚肉味更出

🍻任食部分🥂

❣️沙律
有Caesar salad 薯仔沙律 雜果沙律 三款🥗最鍾意係雜果沙律 雖然見到係罐頭水果但無罐頭糖水嗰啲甜味 反而仲帶酸酸甜甜 好啱開胃

❣️前菜
煙三文魚必備 仲要塊塊好似手掌咁大 唔覺意拎咗兩三塊兩個人都要分開幾round先食得晒 另外仲有火腿 煙肉🥓芝士🧀 芝士有四五款 淡到濃都有 重口味嘅Blue Cheese都有供應

❣️日式前菜/壽司
前菜海草沙律八爪魚螺肉 壽司基本款三文魚 鮑片 八爪魚 加州卷🍣無限量供應 款式唔多唔係我哋嘅目標 不過係室溫保存有少少意外🤨

❣️串燒/章魚小丸子
有雞肉串魚蛋串 雞肉咬落有啲硬有啲乾 魚蛋細細粒好咬口 有別於平時喺街度食到嘅🤣章魚小丸子原先仲諗住任食應該都唔會多料 結果切開一粒入面都有兩粒章魚肉 過下癮啱曬💓

❣️炸物
炸雞鎚🍗炸雞翼 麥樂雞 薯餅 應該係因為我哋第一輪 全部都炸得好香口好新鮮 鍾意食炸嘢嘅可以食多兩舊

❣️點心
居然喺出邊比較少見嘅種類 燒賣蝦餃小籠包任食 燒賣每粒都有兩隻蝦🦐蝦餃入面都包兩三隻 另外小籠包個皮就厚咗少少🤏🏻但入面依然有包湯 總括嚟講都唔差

❣️粉麵飯
有炒飯白飯 即煮廣東湯麵🍜 但個黑松露Risotto真心好食 可以話仲好食過原先主菜個魚 淨係行埋去都已經聞到黑松露味 拎到返位仲係熱辣辣🔥好濃好香 前面嗰啲唔啱食真係可以淨食呢個填飽個肚

❣️甜品
種類好多可以揀 芝士蛋糕Brownies海綿蛋糕mousse cake 朱古力蛋糕 芒果杯 蛋白泡沫蛋糕 啫喱 芒果燉蛋etc.新鮮生果 蘋果 橙 香蕉 啤梨都有齊😌

-

🫧café @ WM
西貢惠民路28號WM酒店LG樓



-

#西貢 #香港食咩好 #食好西 #手機食先 #吃貨 #西貢美食 #香港美食 #香港好去處 #新界美食 #西貢好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #自助餐

放假食飯諗住上網book咗位先再去就唔使排隊 點知比我哋發現到咁平嘅優惠🥺

❣️川味涼皮 $55
印象中涼皮係應該涼浸浸？ 但點知嚟到暖立立 suppose四川嘢應該麻辣 但食落好似得個辣字🥲都有少少酸嘅 幾開胃

❣️成都口水雞 $88
幾大份 呢個就真係有四川風味 醬汁麻口 雞件全部滑捋捋☺️好好味 最後剩低啲醬用嚟撈埋個涼皮

❣️皇朝話梅骨 $108
呢個酸酸甜甜幾有特色 側邊亦都放咗幾粒話梅核 但係成份全部真係得啲骨🦴 想搵少少肉都冇 咁嘅價錢性價比差左啲

❣️香辣蒜泥白肉 $83
一份8件 每一卷入邊都包滿蒜粒 連埋個面啲麻辣醬一齊食好鬼過癮🤩生蒜嘅辣連埋麻辣嘅辣一齊 個感覺好難講 你哋都應該試試先體驗到

❣️上海炒飯 $85
大碟過平時間茶餐廳食嗰啲碟頭飯😂成個完全係壓實晒 入邊有蔥有菜有蝦仁仲有啲蝦米仔🍤 連埋啲醬油一齊炒好香 而且勁有鑊氣

❣️四川抄手拌麵 $68
可能前面食咗口水雞同蒜泥白肉 呢個面嘅抄手汁覺得好似冇乜味😞不過個面係好味嘅 煮得淋但又幾彈牙

❣️特色皇朝小籠包(八色) $138
因為半價關係所以我哋兩個一人一籠🤣雜錦口味可以一次食曬八款 佢仲有個建議食法
🔹1 • 原味
🔸2 • 糟溜絲瓜
🔹3 • 鵝肝
🔸4 • 黑松露
🔹5 • 芝士
🔸6 • 蟹粉
🔹7 • 蒜香
🔸8 • 川味
大概係由最淡味食到最濃味🥺一層一層咁樣慢慢享受 係絲瓜個隻唔太食到咩味之外其他全部都好香好好味 黑松露嗰個最有驚喜 㨴開層皮未食已經聞到陣味😍

同大家分享返 今次係無意間係Eatigo碌到3PM - 5PM係樂天皇朝食下午茶有半價🫖計返一籠八件小籠包先60幾蚊真心抵😂有興趣就快啲打開個app睇吓仲有冇優惠啦

-

🫧樂天皇朝(雅蘭中心)
旺角彌敦道639號雅蘭中心2樓203及205號舖



-

#旺角 #香港食咩好 #食好西 #手機食先 #吃貨 #旺角美食 #香港美食 #香港好去處 #九龍美食 #旺角好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #小籠包

因為海港城有coupon呢間好難卜好難卜 足足一個月前就卜定枱😞

個日得反第二輪08:15入座 日頭返緊工有收到幾個miss call 大家都知道呢間餐廳個電話係要打幾個鐘先打得通😭

直至放工店員再打嚟 一pick up就講: 成日打左4 5個電話俾你 如果張枱無confirm就會release返😨心諗唔係呀 等左一個月時間又未夠鐘先6點幾就話放返我張枱 但朋友已經早到左現場又話唔入得🤯未食已經唔係咁愉快

❣️ 羲和小肉餅(四件) $58
造型好得意 有別於一般肉餅 中間插住個枝係醋😗隨自己口味調節 本身舊肉無乜味 外面小脆皮 食落有啲似春卷

❣️張氏獅子頭 $48/份
我哋四個人嗌左兩份試下 每份配一小口白飯🍚分開食一齊食都得 獅子頭個汁好濃好正宗 咬開連入面都入到味😆剩低嘅汁最後都分均撈飯食

❣️黑松露蠔仔煎蛋 $118
唔好見淨係個面得少少醬以為佢無乜味 其實切開真係入面撈咗好多黑松露同蠔仔🦪 煎蛋嘅時候一齊炒😍好香口好送飯 後來仲因為佢追加左白飯

❣️ 籠仔櫻花蝦魷魚蒸飯 $148
打開好大陣荷葉香 份量亦大份 雖然個面啲海鮮同參考圖有啲距離🥲不過要有嘅都叫有齊 蒸得好香好鮮 唔使加豉油就咁食過海鮮味都已經好夠 食開清清地嘅應該會鍾意

❣️ 羲和馳名烤鴨(一隻) $638
烤鴨要喺留枱嘅時候落埋單 其後不可更改份量🦆最出名嘅獨創的三種食前法 分別係
• 士多啤梨醬(唔係平時大家講嘅藍莓醬)
• 爆炸糖
• 芥末醬

因為我個人本身係🍓控 甜甜地嘅醬加埋怖滿油脂嘅鴨肉 覺得好好味😋但至於爆炸糖就唔係好夾 應該係本身隻鴨塊皮係脆皮 但爆炸糖跳嚟跳去令到口腔咬唔到嗰隻脆口感 好似嘥咗啲鴨咁☹️

另外芥末醬要包埋餅皮一齊食 同時可以加青瓜絲同埋甜醬 呢個都唔算好差反而可以接受😕不過可能平時食唔慣咁濃味嘅醬就未必鍾意

-

🫧 羲和雅苑
尖沙咀廣東道3-27號海港城海運大廈2樓OTE203號舖



-

#尖沙咀 #香港食咩好 #食好西 #手機食先 #吃貨 #尖沙咀美食 #香港美食 #香港好去處 #九龍美食 #尖沙咀好去處 #相機食先 #打卡 #打卡餐廳 #吃貨日常 #美食地圖 #美食攝影 #咖啡廳 #窮遊 #香港美食 #情侶好去處 #周末打卡 #北京烤鴨

佐敦通街都係居酒屋🏮今次揀咗呢間主打全部魚生都係日本即日空運 裝修都好有日本味

❣️ 三文魚刺身 $58
呢間餐廳啲魚生都係日本新鮮運到 一份四片 食落一啲雪味都冇 呢個價錢嚟講食到CP值好高🫶🏻

❣️ 蒲燒鰻魚飯 $98
成條鰻魚都幾大條 啲醬汁燒得好入味 連埋啲紫菜絲一齊食有啲少鹹香 便當盒上嘅份量不多不少 😎

❣️ 煎豬肉菜餃子 $68
喺我哋嗌餃子嘅時候 店員好親切問我哋要煎定炸 覺得煎餃子🥟唔會比炸粉覆蓋左個味道 最後揀咗煎 一份六粒都幾多 打開見到肉菜比例3:1 身為肉控嘅我哋好滿意😻

❣️ 燒雞扒飯 $88
見到幅圖塊雞扒幾大塊就諗住試吓 上枱都見到size的確圖文相符💁🏻‍♀️塊雞扒都完全覆蓋晒個飯面 不過可惜燒得耐左少少 食落稍為有啲啲乾

-

🫧 漁正居酒屋
佐敦庇利金街42號金陵大廈地舖



-

#佐敦美食＃香港美食＃香港好去處＃九龍美食 #佐敦好去處 #相機食先 #打卡 #打卡餐廳 #吃貨日常 #美食地圖 #美食攝影 #攝影日常 #窮遊 #香港美食 #情侶好去處 #周末打卡 #日式料理

同事話呢間嘢好有日本味道 而且對住海景 但係到店嘅時候店員話海景可能要排一個鐘 最後都係坐吧枱🥺

❣️ 南蠻炸雞年糕薄餅 $108
炸雞上面淋咗醬 冇咗脆口嘅感覺不過係好食嘅 年糕份量唔多 切成小塊嘅話每塊大概有一條倒😳但最意外係個餅底 一心以為係平時Pizza嗰啲麵粉猜出嚟 點知原來係米餅底🍘 食落好似旺旺雪餅咁 感覺好得意

❣️ 火炙三文魚壽司卷 $98
講真同平時食落嗰啲冇乜分別 餡係幾多但都冇咩特別 玉子🥚青瓜🥒吞拿魚🐟蟹柳🦀😗 如果冇乜Quota嘅話 呢個可以考慮下唔使嗌

❣️ 炭燒鹽麴大蒜豚里肌肉 $198
一份有10條 見個價錢咁貴就睇吓有咩特別 每條肉條都偏薄身 唔知係咪里肌肉本身就係咁🥺有啲乾要伴水先食到 $200食幾條肉真心CP值好差🥲

❣️ 吞拿魚長芋美人卷 $68
米漿做嘅皮薄薄地點埋豉油食 中間淨係包住啲蔬菜🥬入面包住嗰塊吞拿魚都幾厚幾大塊 覺得美人卷每款嗌晒都可以 似平時前菜食沙律好fresh好開胃

❣️ 塚田梳乎厘玉子燒 $98
之前喺YouTube見到好多次一直好想食 動L動L最啱用嚟打卡影 boomerang😂好鬆軟好軟熟真係好似梳乎厘 切開入邊勁香蛋味 啖啖都好Creamy

-

🫧 塚田農場
尖沙咀廣東道3-27號海港城海運大廈2樓OTE 202號舖



-

#相機食先 #打卡 #打卡餐廳 #吃貨日常 #美食地圖 #美食攝影 #攝影日常 #窮遊 #香港美食 #美食日記 #美食分享