Eman Ezzat

صباح الخير 💗
بتبدأو يومكوا بشرب ايه 🥰🥰

لا يري الجمال إلا كل جميل 🤍

🔴لو زهقتى من الاكل 😅😅
ومش عارفة تعملى ايه تعالى اقولك

🍳ممكن تعملى بطاطس تديها غلوه فى ملح وخل وتطلعيها تصفيها وتقليها تطلع معاكى فارم فريتس🍵

🍳وممكن تعملى شكشوكة بيض وهى انك تقطعى بصلة قطع صغيرة خالص وتشوحيها مع حتة سمنة وتقطعى طماطميتين وتنزليهم على البصل وتحطى فلفل اسود وملح تخليهم لحد ما لطماطم تتهرى وتنزلى البيض لحد مايستوى مع التقليب💙

🍳او قشرى بتنجان وتبليه بالملح واقليه واعمليلة دقة عبارة عن توم وفلفل مدقوقين وملح وكمون تبلى بيهم البتنجان المقلى واعصرى عليهم فى الاخر نص لمونة👌
🍳ممكن تعملى مسقعة مشطشششطة تجيبى طاسة تقلى فيها بتنجان وبعدين تجيبى طاسة تانيه تحطى فيها زيت وتقلى فى الزيت قرون فلفل وقطعيها من الجنب علشان مايطرطش زيت برة وتكونى مقطعة فصين توم وتنزليهم على الفلفل وبعد كده نزلى عليها طماطم مقطعة صغير سيبيهم لحد مايقربوا يتسبكوا وحطى عليهم كمون وملح ونزلى البتنجان وسبيه لحد مالطماطم تتسبك ( وكل مالفلفل كتر كل مالطعم بقى اجمد)👌

🍳وفى كمان كشرى اصفر وهو عبارة عن عدس اصفر ورز بنفس الكمية او العدس اكتر شوية فى حلة حطى شوية سمنة شوحى بصلة صغيرة خالص وبعدين نزلى الرز والعدس وحطى عليهم ميا وملح وفلفل اسود سيبيه يتشرب وبعد كده وطى النار عليه واعملى جنبه سلطة خضرا او اقلى فلفل وحطى عليه فص توم وبعد كده طماطم لحد مايتسبكوا وبعدين اغرفيه وكليه مع الكشرى ده👌

🍳وفى فكرة حلوة قوى وانتى بتقورى الكوسة للمحشى اوعى ترمى القلب لااااا شيلى الباقى فى كيس فى الفريزر وفى مرة خرجيه وافرمى بصلة مع بقدونس وكزبرة خضرا واخلطيهم مع فلفل اسود وملح وحطيهم فى صينية وعليهم بيض مخفوق ودخليه فى الفرن👌

🍳او لما بتعملى الفراخ كل جمعى الكبد والقوانص وفى يوم تكونى عايزة تمشيه خرجيهم وشوحيهم مع البصل وجنبهم شويه مكرونه محمره أو بالطماطم👌

🍳وممكن كمان تسلقى بطاطس وتحطى عليها ملح وكمون وتهرسيهاا فى بعض وتغرفيه فى طبق وتحطى على الوش زيت زيتون 🎁

🍳البيتزا لما تيجى تعمليها وتزيد من العجينة حطيها فى كيس فى الفريزر وطلعيها وقت ماتحبى وهتفضل محتفظة بالخميرة فيها وهتنفش عادى💚

🍳ممكن كمان تعملى صينية بتنجان باللحمة المفرومة تقلى البتنجان وترصيه فى صينيه فرن وتعصجى لحمة مفرومة تفرديها على وش البتنجان وتحطى على وشها حلقات فلفل رومى وفوق على الوش اعصرى كام طماطمية من غير ميا وحطيها ورشى عليها ملح وفلفل وبهار.

كيكة شكولاتة اقتصادية وجميلة جدا 👇
المقادير ✍️😍
نص كوب زيت
كوب سكر
كوب حليب او ماء لاكن يفضل لبن
نصف كوب كاكاو
2 بيضة
٢ كوب دقيق😍
كيس بيكنج بودر
معلقة خل
فانيليا
رشة ملح
طريقة التحضير😍
نضرب السكر مع الحليب كويس جدا في الخلاط ونضيف عليهم الزيت والكاكاو ورشة الفانيليا ونضرب تاني.
نشيل مقدار كوب من الخليط ده على جنب ونضيف لباقي الخليط الدقيق والبيض والبيكنج بودر ورشة الملح وباقي الفانيليا والخل ونضربهم في الخلاط.
ندهن الصينية ونصب فيها الخليط وندخلها فرن مسخن مسبقاً على درجة حرارة 160 لمدة 25 دقيقة.
بعد ما تبرد نصب عليها الصوص اللي شيلناه على جنب ونقطعها والف هنا وشفا ❤️

مطبخ تحفه 🌸💐

🥰

لا يري الجمال إلا كل جميل 🤍

البانيه بدون بيض ولبن 🤗 حاجة كده كريسپى وآخر طعامة 😁

#الطريقة
المقادير لكيلو من شرايح صدور البانية

⭕ التتبيلة ..
🔸عصير اتنين بصلة كبيرة (متصفية تماما من التفل)
🔸توم وبصل بودرة
🔸سكر وملح وفلفل ومسترده
🔸شطة حسب الرغبة
🔸ولو عاوزين طعم مميز اوى زى المطاعم ضيفوا كيس مرقة فورية 👍

⭕ الطريقة ..
هنضيف على عصير البصل معلقة كبيرة بصل بودرة ومعلقة صغيرة ثوم بودرة ومعلقة كبيرة مستردة ونص معلقة صغيرة سكر ونص معلقة صغيرة فلفل أسود وملح وشطة حسب الرغبة
وكيس المرقة الفورية (إختيارى)

نقلب كله مع بعض الأول عشان التوابل يمتزجوا كويس
وبعدين هنحط البانية بتاعنا فى كيس تلاجة ونضيف عليه التتبيلة ونسيبوا فى التلاجة مش اقل من اربع ساعات ونقلبوا كل ساعه .. وكل ما هيقعد اكتر هيبقى طعمه اجمل كتير ..
ممكن يقعد لغاية ٢٤ ساعة فى التلاجة
ملحوظة (((مانضيفش زيت فى التتبيلة الكوفر كده يفك)))

مقادير الخلطة الجافة (البريدينج)
لتر مية يفضل تكون ساقعه بتلج
كوبايتين دقيق
معلقة صغيرة نشا
معلقة صغيرة بيكينج بودر
معلقتين كبار بصل بودرة
معلقة كبيرة توم بودرة
معلقة كبيرة بابريكا
معلقة صغير فلفل إسود
ملح وشطة حسب الرغبة

(((نتبل الدقيق كويس جدا عشان الكوفر يبقى له طعم حلو)))

هنخلط كل المكونات على بعض كويس وننزل بالبانية نقلبه كويس فى الخلطة
بعدين ننفضة من الدقيق الزيادة وننقعه فى المية 3 اربع ثوانى ونرجعه على الخلطة تانى ياخد كام لفه وننفضه بالراحة هيعمل معانا القشور اللى احنا شايفنها دى

🔴 ملحوظة (((ماينفعش نسيبوا كتير بعد ما نغطيه بالكوڤر)))
اللى اتغطى يروح على الزيت على طووول
لو عاوزين نفرزن منه يبقى بعد التتبيل مباشرة ، ولما يخرج يتلف فى البريدنج ويتقلى 👍

الزيت يكون غزير على نار عالية لمدة اول دقيقة وبعدين نهدى النار تكون متوسطة
ماننزلش بكمية كبيرة مرة واحده عشان الزيت ما يبردش
بتاخد ٨ دقائق تقريباً حسب سماكة وحجم القطع
وبالهنا والشفااااا 😍

جميل جدا 🥰

وعلشان الجو حر ده 🥵🤥 نرطب علي نفسنا شويه وتحليه منعشه ولذيذه 🤗🥰😋

مكوناته 🤩
فواكه مشكله (حسب رغبة )
3 كوب من اللبن البارد او زودي براحتك
2 ملعقه كبار من بودره الكاسترد
ملعقه كبيره من الكريم الشانتيه البودر
السكر (حسب رغبة )

طريقة 🤩

هنجيب حله نحط فيها اللبن البارد وبودرة الكاسترد والشانتيه والسكر ونقلبهم كويس جدااا علي البارد وعلي نار متوسطه ونفضل نقلب لحد ما نوصل قوام مناسب لا ثقيل ولا خفيف اوووي ونسيبه يبرد تماما وعلي الثلاجه لمده لا تقل عن ساعتين وبعدين نبدأ نجهز الفواكه بتاعتنا وننزل عليها بخليط الكاسترد ونقلب كله مع بعض ونغرف في الكاسات وتقدم وبالف هنا جربوها حكاااااااااايه 🤗🥰😋

🔴عشان الرز ميعجنش☺️😋
معاكي ويطلع مفلفل بالشكل دا اعملي الخطوات اللي هقولك عليها👌🏻😌

❤️اول خطوة تشوحي الزر بمادة دهنية قبل متضيفيله الماية الرز لما يتغلف كله بماده دهنية مبيعجنش.

❤️تاني خطوة لكل كوباية زر اققل من كوباية ماية🤭ايوااا
الكوباية مش هتتملي ماية هتقللي شوية ماية زي ٥معالق
السبب الرئيسي انه يعجن هو كتر الماية👌🏻

❤️لما تضيفي الماية لازم النار تكون عالية اوي لغاية متتشرب كلها وبعدها تهدي النار علي الاخر زي الشمعة
وهيفضل ربع ساعة من غير متفتحي عليه لانه هيطبب علي البخار.

❤️ولما بعدها هتلاقيه طاب وبقي مفلفل تحفه ضفيله بقا معلقة سمن بلدي وهيكون عندك احلي طبق رز😍👌🏻

❤️جربي بقا وانتي بتشوحي الرز تضيفيله ورقة لورا وهتدعيلي😋بتنقل طعمه في حته تانية وكمان مرقة دجااج😍

باتيه الأفران بالجبنه🌹🌺🌹

المقادير👌🌷
ثلاث كوب دقيق
ربع كوب زيت
معلقة خميره
معلقة سكر
معلقة صلصة
كوب ماء دافيء للعجن
الحشو اي نوع جبنه
لدهان الوجه حليب وحبة البركه

الطريقة:👌🌹
في بولا نضع الماء الدافيء وعليه الخميرة والسكر والزيت والصلصه ورشة ملح ونقلبهم كويس مع بعض ونضع الدقيق ونعجن حتى لما العجينه تلم معانا ونتركها تخمر وبعد التخمر نفرد العجينه ونقطعها على شكل دوائر بالكوبايه او قطاعه ونحشيها بالجبنه ونقفلها زي القطايف ونرصها في صينية مدهونه بالزيت وندهن وجها بالحليب ونرش حبة البركة وندخلها الفرن علي درجة حرارة ٢٠٠ إلى أن تأخذ لون ذهبي من أعلى واسفل 🌺👌

🌺🌹 بألف هنا 🌹🌺

أنا كائن يعشق البيتزا 🍕😋❤️😍

٣٠فكره للفطار 😋😋

حصل 😂

أحب فكرة البيت نفسها والباب المنغلق،
مهما كان الخارج ممتعًا وشيّقًا،
لا شيء يساوي الشعور بالطمأنينة داخل حدودك."✨⁦❤️⁩

السلام علیکم ورحمة الله وبرکاتە
عیدکم مبارك أخواتي الغالیات، تقبل الله منا ومنكم وغفر لنا ولكم🌹
نور الله قلوبکم بالإیمان، ورزقکم القبول والعتق من النیران🌹
وأعاد علیکم العید وفرحتە وأنتم في خیر وعافية🌹💎
حفظکم الله

كيف توفر المساحة في المنزل بدون فشل في المحاولة ✨👏

#نصائح
نصائح منزليه روووعه 😘😘😍😍
#المكنسه
1- عند تشغيل المكنسه حطي فيها الاول اي نوع معطر عندك وشمي روايح المسك😊😊
#البرتقال
2- عندك قشر برتقال هاتي وحطي في حله علي النار مع كوب من الماء مع حبات من القرنفل وسيبهم يغلوا علي نار هادئه وشمي احلي الروايح للبيت😍😍
#ملابس
3- عند كوي الهدوم هاتي بخاخه حطي فيها ملعقه من الدواني مع الماء ويترج كويس وابدي ريحه تدوم لفترات طويله 😃😃
#ارضيات
4- عند مسح الارضيه امسحي بنقطه من المسك في لتر من الماء هتخلي ريحه شقتك رووووعه😊😊
#تتظيف
5- عند تنظيف شيش البلكونه هاتي ربع كوب من عصير الليمون عليهم نص كوب من الماء وملعقه من الزيت الشعر ويترج كويس جدا في بخاخه وابدي بس بعد ما تشيلي التراب الاول منه وشوفي احلي لمعه والنظافه👌👌😍😍
#فانيليا
6- عندك ورقه فانيليا ملهاش لازمه هاتيها وارميها في النيش هتشيل ريحه الكمكمه الي جوا 😗😙
#صابون
7- عندك بواقي صابون بريحه هاتي وحطي في حله علي النار مع قليل من الماء واعملي احلي معطر جو 👏👍 #ديتول
8- هاتي كيس ديتول او كيس برسيل جيل اسود وحطي في السيفون نظافه اول باول 😀😀
#نظافه
9- هاتي بخاخه يكون فيها سائل بريحه الافندر وبخي الخزانات والدولاب من الداخل روووعه 😁😁
#حمامات
10- خلي حمامك منعش علي طول هاتي ربع كوب من اي مسحوق اريال عليهم مقدار من المياه وسيبهم يغلوا على النار وبعد ما يبرد خالص صبي في وعاء عندك او بخاخ وحطي في الحمام وشمي الانتعاش 😘😘
تبعونى عشان يوصلكم كل جديد💙🌿
ودعوة حلوة من قلبك ليا بصلاح الحال💙🌿
ومتنسوش تحمدو ربنا على كل نعمه علينا💙🌿🌿

كفتة الحاتي
كفتة الحاتي علي أصولها خاليه من أي افتكاسات هي تلت مكونات فقط
المقادير :
١_كيلو لحم مفروم ٨٠٠جرام لحم و٢٠٠جرام دوش وياسلام لو خليط لحم ضاني ع كندوز هتاكل احلي كفته
٢_بصله مبشورة متوسطه مع طماطمايه مبشورة ونصفيهم من المياه في طبق ع جنب
٣_ملح وفلفل اسود فقط
الطريقه :
نخلط كل المكونات مع بعض كويس جدا في الكبه او المفرمه اوحتي بايدك لما الكفته تبقي عمله زي العجينه كده عامله خيوط نعرف انها كده اتشمعت
نجيب اسياخ ونصبعها عليها عشان ماتبقاش مكتومه من الداخل ونبل ايدينا من مياة الطماطم والبصل واحنا بنصبع
ولما نخلص الكميه ممكن ندخلها التلاجه ترتاح نص ساعه يبقي افضل
ونشويها ع الشوايه او في جريل ع النار
ونقدمها مع سلطة الطحينه وبالف هنا

وبألف هنا

مريح للعين 🧡🌿

ثمرات مانجو كبيرة
٢ كوب من عصير البرتقال الطازج
نصف ليمونه
ماء مثلج
طريقة التحضير
１- يتم تقشير المانجو وتقطيعها لمكعبات ، وبعد ذلك خذي ثمرتين من المانجو المقطع فقط واتركي الثمرة الثالثة ، وضعيهم في الخلاط الكهربائي.
２- أضيفي عليهم عصير البرتقال والماء المثلج ، وافرميهم جيدا بواسطة الخلاط الكهربائى.
３- حلي العصير حسب الرغبة سواء بعسل النحل أو السكر.
４- قومي بتقطيع المانجو الثالثة لقطع كبيرة وضعيها في العصير ستعطي له مذاقا رائعا.
يفضل تحضير العصير قبل موعد الإفطار بنصف ساعة حتى لا يتغير لونة أو مذاقه ، ولكن إذا اضطررت إلى ذلك قومي بعصر نصف ليمونة إلى المحتوى.

#عصائر
#مشروبات
#سموزى

بنخرج عشانهم....و بنعمل الفتة عشانهم...و اقصى طموحنا يتصورا صورة و هم مبسوطين....نتفرج عليها بالليل قبل ما ننام...تطبطب علينا....و تحسسنا إننا عملنا حاجه....

عيدنا إحنا فين؟
عيدنا عيدهم...
سواء سافرنا...او قعدنا....عيدنا عيدهم❤️

ما تخليش حد يحسسك وحش ابدا

انتى طاقة حب ما بتخلصش....

خدى حضن كبييييييييير اوى❤️❤️❤️❤️

و كل سنة و انتى فى ضهرهم....

يارب راضي جوزي ويسرله امره ونور طريقه للخير وارزقه الطيب❤️🙏🏻

لقد وصلت للتو إلى ‏‏٢٫٥ ألف‏ متابع‏! شكرًا على المساهمة في الدعم. لم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏

🍎♥️

المقادير :
- تفاحة كبيرة مقشرة ومقطعة مكعبات
- كوب حليب
- 2 معلقة كبيرة سكر
- ربع معلقة صغيرة قرفة
طريقة التحضير :
- حطي التفاح والحليب والسكر ونصف كمية القرفة في الخلاط واضربيهم كويس.
- صبي العصير في اكواب التقديم ورشي القليل من القرفة المطحونة للتزيين وقدميه.

#عصائر
#مشروبات

( ويسكي الغلابة ) مية السلطة❤️❤️
💥المكونات
طماطم
خيار
بصلة صغيرة
حزمة بقدونس
طماطم مبشورة
نصف ملعقة صغيرة ثوم مفروم
فلفل حار حسب الرغبة
٣ كوب ماء مثلج مع قطع ثلج
نصف ملعقة صغيرةملح
ربع ملعقةصغيرة فلفل
ربع ملعقة صغيرة كمون
ملعقة صغيرة باريكا
ربع ملعقة صغيرة شطة
نصف ليمونة
ملعقة كبيرة خل
💥الطريقة
في طبق عميق نضع الطماطم المبشورة والبهارات والليمون والخل والماء والثوم ونقلب جيداا
ثم نضيف السلطة طماطم والخيار والبقدونس والبصل متقطعين قطع صغيرة ويقلب معا
وتغطي وتترك في الثلاجة لمدة ساعتين
وتقدم السلطة في اطباق وماية السلطة في اكواب مثل محلات الحاتي
وبالهنا والشفا❤️❤️
صلوا على النبي الحبيب