Hummy yummy _eman kitchen
مبحبش الاكل بس بحب اعلم واتعلم كل حاجة فالمطبخ��
14/05/2020
Bananas cake 🍌
كيك الموز بطريقة بسيطة وحلوة والنتيجة زى ما انتو شايفين كده
المقادير
٢ كوب دقيق
ملعقة صغيرة بيكنج صودا
١/٤ ملعقة ملح صغيره
٣ موز حجم وسط او ٢ حجم كبير والموز لازم يكون مستوى كويس
١/٢ كوب زبدة سائلة
١/٢ كوب سكر
٢ بيضة بدرجة حرارة الغرفة
١ ملعقة كبيرة لبن
١ ملعقة صغيرة فانيليا
١/٢ ملعقة من القرفة
الخطوات
نهرس الموز كويس قوى بالشوكة لحد مايبقى كله قوامه سائل وبعدين ننزل بالزبدة والسكر ونضربهم بالمضرب اليدوي كويس قوى قوى بعد كده البيض والفانيليا ونقلب كويس بالمضرب وبعد كده ملعقة اللبن والقرفة ونقلب كل السوائل دى مع بعض
ف طبق تانى نخلط الدقيق مع البيكنج صودا والملح ونقلبهم بعد كده ننزل بيهمعلى السوائل الى عندنا ونقلب كله مع بعض كويس
و بفرشة فيها زبدة وندهن القالب الى هنحط فيه الكيك
وطول الفترة الى بنجهز فيها الكيك نكون مشغلين الفرن على درجة حرارة ١٨٠
عشان الحرارة تتوزع على الفرن كله
ندخل الصينية على حرارة ١٨٠ وبتفضل فالفرن ٥٠ دقيقة ومنفتحش عليها خالص غير لما يعدى عليها ٣٥ دقيقة عشان شوية الهوا الى بيدخلو من فتح وقفل باب الفرن بتخلى الكيك يهبط وميستويش كويس
تطلع الكيك وتتزين ب صوص شوكلت او سكر بودرة🍌👌🏻
11/05/2020