Odoo Feature's With Muram

ياحلوين دي jobs فاتحه في قطر تبع odoo الحابي يقدم 🥰

ملاحظة: ما شرط حد مقيم في قطر 💃

https://www.nextmovebs.com/jobs

Jobs | NextMove Business Solutions We are a team of passionate people whose goal is to improve everyone's life through disruptive products. We build great products to solve your business problems.

Accounting basic part 4 👏👏👏

Asset depreciation

فيديو ظريف وبسيط 🥰🥰

بتكلم عن اهلاك الأصول،

و ال methods المستخدمه للأهلاك، حا نشوف اكتر من طريقة وكل طريقة بالمثال بتاعها

العمليات البتم على الأصول وطريقة تسجيلها في دفاتر اليومية



الهم اوزعني ان اشكر نعمتك التي انعمت علي🥰 ،
الحمد لله قدرت في الاجازة دي اغطي ولو جزء بسيط من المحاسبة،
اعفو لي اذا قصرت او أخطأت او ذكرت معلومه غلط ،او كان الشرح ما واضح🙏
ان شاء الله الناس تكون استفادت🥰🥰
ونحاول في زمن تاني نغطي حاجه تانيه😉

دا رابط الفيديو

https://youtu.be/yjtXiN1CZoU

Accounting basic part 3👏👏

فيديو مفيد جداااااا

دا باعتباره الحاجه الاساسية البحتاج ليها قسم المحاسبة ، التقاااااااااارير

ف

الليله حانتكلم عن القوائم المالية financial statement

قائمة الدخل income statement
قائمة المركز المالي balance sheet

حنشوف كيف بنعمل القوائم دي ، والمعادلات بتاعتها

طبعا في odoo القوائم دي بتجي automatically 😉

ركزو معاي شوية بالله كبر ال G وروق ال D 😂 وفتح لي عيونك ديل وشغل مخك دا معاي،وقول بسم الله ، مخك تعب والله من الفارغه🙊😂
، احتمال التفاصيل في الفيديو دي كتيرة شوية وفية معلومات دسمه ، بس ياريت الناس تطبق معاي وتجيب ليها ورقة وقلم عشان الفهم يقع ليها ، واحضر الفيديو مرة واتنين وتلاته😉 ، حاولت قدر الإمكان اختصر الزمن ، اذا راسك كبس مامشكله،خدلك سنيكرز انت مو انت ونت جوعان😂

ان شاء الله الحاجات تكون واضحه ليك 🥰

https://youtu.be/5lipO-utPGw

Accounting basic part 2👏👏

فيديو بنتكلم فية عن كيف احول المعاملات المالية في الحياه اليومية وانزلها في قولب محاسبية:

اولا : نعمل دفتر اليومية (Journal Entry ) ونراعي فيها نظرية القيد المزدوج double entry

ثانيا :نرحل الحسابات لدفتر الاستاذ (General Ledger)

ثاالثا :نرصد دفتر الاستاذ ونعمل ميزان المراجعه(Trail Balance )

وطلعنا الكبري ومشينا بحري😂

طبعا انت اذا شغال ب odoo كل الدفاتر دي بتنشأ automatically👏💃 , ابتداء من قيد اليومية ، دفتر الاستاذ ، ميزان المراجعه
وبتقدر تشوفها في اي زمن م الا تنتهي السنه المالية😍😍😍😍

غايتو ريقي نشف وانا بسجل في الفيديو دا ،🥵 ان شاء الله الناس تستفيد🥰🥰🥰

طلب بسيط ياشباب🙏، اي زول بحضر الفيديو ممكن يكتب لي comment تحت الفيديو زاتو ،اذا الشرح واضح ؟ اكون شاكره ليكم🥰

https://youtu.be/RGa3tUlRIlI

شباب كيفكم أن شاء الله كويسين ،🥰🥰
كل سنه وانتو طيبين عيد مبارك ، ينعاد علينا وعليكم بالخير واليمن والبركات، وكللل امانيكم محققة يارب
🥰🥰❤

عارفين طبعا انو اساس اودو النظام المحاسبي ،هو أهم وأقوى جزء فية عشان بربط كل المديولات مع بعض والقيود والتقارير بتجي automatically من غير ما تعمل الجوطه والورق الكتير البرا دا ، واحتمال الخطاء فية بسيط شديد
وساهل في التعامل لأنهم شالو standard العاملين للحسابات واشتغلو بيه
انت كزول عايز تطبق النظام دا لأي مؤسسه سواء كنت Consultant, implementor عشان النظام دا يشتغل بطريقة كويسه لازم تكون فاهم أساسيات المحاسبة ، لازم تكون فاهم الاساسيات ١٠ مرااات🖐🖐😂😂🙊🙈 لأنو انت اذا ما فاهم شوف المشاكل البتجي :
اولا: العميل الانت ماشي تشيل ال requirement منو دا ح تشيلها غلط ، في شركات كتيرة ما عندها محاسب وبعتمدو على النظام عشان يظبط ليهم اموروهم ، اااي عارفه دي ما مشكلتك لكن النظام ح يشتغل خطأ ،
طيب افرض انو الشركه العايزة تطبق النظام دا عندهم محاسب، يلا في خبرين ح اقولهم ليك (ربنا يكفينا شر العين والخبر الشين😂🙈) والاتين ح يعذبوك ويطلعو عينك✌ وح ابدا بالتانيه😂 يكون عندهم محاسب فاهم وفلسووووفي، دا ح ينجضك نجاض قبوره ، لكن انت اطلع مفتح واستفيد منو ح تطلع زول رهيييب😍
الاولى ، محاسب ما فاهم شي وما عارف ال debit من credit، ولو كنت انت وهو ما فاهمين (جبتك ياعبد المعين تعني ، لقيتك ياعبد المعين عايز أعانه مني ، اتلم المتعوس ع خايب الرجا- اكيد انت عارف نفسك اي واحد فيهم😉😂)، كدا انت ماشي تتونس ومقضيها طلعه ونزله وبيزا وفطائر😂، وما جاي تشتغل ،وضيعت لينا زمنا وقروشنا في الفاضي وحسبي الله ونعم الوكيل

ثانيا: ح تجوط لينا الشغل دا كلو يامعلم لأنو الأساس بتاع ال odoo الحسابات ، يبقى انت شغلت باقي المديول عشان تطلع منها تقارير بس ،وما استفدت من اهم وأقوى حاجه

اي زول اااااي زول عايز يشتغل implementor او odoo consultant او حتى اذا انت developer وماعرف الحاجات دي مربطه كيف وأطراف القيد شنو ،بدينا الشغل ناقص في حالة الزول الاداك التاسك ما اداك ليها كامله، انت كون زول كويس واعرف الحاجات البتتأثر 😉

وحكينا القصة دي لي
عشان انا عامله ليكم كورس For free فية الأساسيات بتاعة المحاسبة، لأي زول حابي يعرفها ، كل يوم فيديو 🥰
أساسيات ما عندها علاقة ب odoo وح نجي نشرح odoo وبشتغل كيف في الحسابات في فيدوهات تانيه ان شاء الله🥰

دا ال YouTube line

https://youtu.be/t5_mwb_AgPg

الحمد لله ،حمدا كثيرا وابدا ، اللهم اوزعني ان اشكر نعمتك التي انعمت على وعلى والدي وان اعمل صالحا ترضاه❤🤲

Officially odoo certified 15💃💃💃

شباب سلام عليكم ، اذا ف زول عايز يسأل من حاجه في اودو funcational , اول عندو case معينه عايزة يطبقها ممكن اساعده،
انا ح اجاوب على الاسئله فقط ، اذا اا standard بغطي ليه ولا لا، 🥰
العرض دا لمدة أسبوع فقط 😉

انت زول شغال اودو وتكتب كووود الله يرضى عليك اكتبه بي طريقة كويسه🙏🙏 ، اشتغل ب programing language stander code , دي اول حاجه مفروض انت كزول بتشتغل برمجه ،بغض النظر عن اللغه البتشتغل بيها، لازم تراعي ليها ،يعني انت م تكتب الكود عشان الحاجه المطلوبه منه تشتغل وبس ،
code cleaning
code refactoring

عشان يبقى reusable,
طبعا يدي بتاكلني اذا عايزة اشتغل مديول وما دخلت شفت الكود،
المديول ال customization بتجيني كورة شكرااااا، ووجع بطن لما القى الكود جايط ،

م تبدا ال field ب capital, ال capital م تعملو في بداية ال filed(ال field ببدا بي حرف صغير ، هو حتة field )

سمي ال field بالغرض منه ، وابعد من x,y,z,

اذا ال field بتكون من اكتر من كلمه شيل بداية الحروف من كل كلمه ، واكتب الاسم كامل في string او help , م ممكن البجي بعدك يقعد سنتين عشان يعرف انت مهبب شنو جوا الكود

وارجع للبوست تاني

السلام عليكم ورحمة الله
Odoo HR Skills Management:

قسم الموارد البشرية بحتاج للبيانات الموجوده في (cv) الخبرات والشهادات بتاعة الموظف تكون موجوده في ال profile بتاعة , بدل تمشي تعمل customization وتعمل ليه قومه وقعده, في مديول جاهز في الاودو ,بظبط ليك الشغله دي يامعلم 😍، بظبطها بظبها يعني ,🕺💃 بنفس طريقة ال cv , بس تدخل لي البيانات الموجوده فيها😍🥰 ,

طيب انا ح استفيد شنو ما ممكن ارفع ال cv في ملف الموظف وانتهي الموضوع🤔 , انتي عايزة تتعبينا وتتفلسفي ساي؟؟
ااي عايز اتفلسف شوية ,خلوني اتفلسف ياخ,🙈🙈🙈🙈🙊😂

انت حا تستفيد :
1. اول ما تدخل ملف الموظف, بتلقى الحاجات ظهرة ليك ومنظمه بنفس طريقة ال cv😚
2. مكن تعمل filter للموظفين ب skills او experience معينه في ثواني, ويفتش ليك كل الموظفين الموجودين في الشركه بالفلتر الانت اخترته 😊

الاودو فية feature ظريفة شديد او مديول, كيف انو اضيف في ال employee profile ال experience, skills بتاعتي زي لما اجي اعمل ال CV بتاعتي بطريقة professional
بنظم لي skills & experience بتاعة الموظف بطريقة رهيبة عديل🥰😍 , حتى ممكن اجي اعمل بيها filter او search مثلا: دايرة اشوف الموظفين البتكلمو لغة معينة مثلا فرنسبة, او اشوف الموظيفين مثلا العاملين ماستر , من الموظف الكاتب work under pressure 💪عشان نطلع عينة,😂
من غير م ادخل كل ملف موظف براه من ال search البرا
اعمل filter للناس في ثواني

بشتغل كيف المديول ؟؟؟؟؟؟🤔
مديول Skills Management في odoo13,14 community
بعد تنزل المديول ,تمشي ال employee profile بتلقى في tab ظهرت ليك ,اول tab اسمها Resume بتتكون من قسمين :

1. القسم الاول :
قسم ال resume بتكون من :

• ال name : اسم المرحلة التعليمية او الشركات الاشغلت فيها وهكذا ..
• ال type : النوع experience , education ,certificate , .... عشان كل كم item ماخده نفس النوع يختها في block , طبعا النوع دا م ثابت بكون configuration وبتضيف اي نوع عايزة في اي وقت
• ال : start date & end date تاريخ البداية وتاريخ النهاية للخبرة
• ال description : الوصف
• ال display type : بكون classic او classic ,certification اذا انت عامل install لمديول ال survey بنزل معاك مديلو اسمه Skills Certification
مديول ال Skills Certification : يلا دا اذا انت عامل certificate في ال survey وبمتحنها من نفس النظام , اول م الموظف المعين يكون عنده مستخدم في النظام وامتحن في مديول ال survey , طوالي الاودو automatically بنزل ليك في الموظف المعين انو امتحن الشهاده الفلانية , في التاريخ الفلانية ونجج, بنزلها النظام براه من غير ما انت تعدل ملف الموظف (بس انت تكون منزل المديول )

2. القسم التاني :

ال skills بتكون من الاتي:
• ال : skill type دي نوع الخبرة مثال: programing language وهكذا.. ,عشان كل كم item ماخده نفس النوع يختها في block , طبعا النوع دا م ثابت بكون configuration
• ال : skill هنا بتدخل ال skill التابعه لل skill type الفوق , مثال : odoo , python وهكذا
• ال : skill level بتكون معرف ال level في ال configuration ولازم تديها نسبة مئوية من (1-100)% عشان تظهر ليك في شكل progress bar

افتح ال developer mode :بتلقي 2 menu ظهرو ليك
• ال skills
• الResume type
• ال skills level داخل ال skills type


بتحفظهم الاتنين وبظهر ليك العرض بنفس شكل cv professional من غير تعب وبشكل منظم🥰👏👏

السلام عليكم ورحمة الله

الناس المتابعين للصفحه،
معليش انقطعت فترة منكم ، بس ح نرجع نواصل،ان شاء الله😊

كللل سنه وانتو طيبين ، وكللل امانيكم محققة يااارب، ينعاد علينا وعليكم باليمن والخير والبركات❤❤
وربنا يحقق لأي زول الحاجه البتمناها واحسن كمان ان شاء الله🥰
ان شاء الله بس تكونو ضربتو اللحمه والشربوت كويس😂

السلام عليكم ورحمة الله
Odoo Notifications

عملت implementation ل odoo system عند client معين ،
والكلاينت اشتكي ليك ،ياخ ممكن السيستم بتاعكم دا ملى لي الايميل، شنو فلان عمل approval وال state اتغيرت
انا مالي ومالهم ياخ😑، دي شنو كمية اا notifications البتجيني دي وانا ماعندي اي علاقة بيها؟؟
مالي ومال القواله (ربنا يكفينا شرها🤐)

معظم الناس الشغالين بالاودو بتلاقي مرات عميل بشكي من الحاجه دي ، وبي صراحه كريها شديد😖😣😫😕

عشان تحل المشكله دي بي بساطه وكل سهولة:
امشي ال preference او التفضيلات ، محل اف profile بتاعك ، انت اصلا بتكون كاتب الايميل بتاعك عشان كدا الرسايل بتجيك في الايميل
م مشكله ، بس خيار ال notification اعملو handle in odoo ,تاني الاشعارات بتجيك في الاودو وما بترسل ليك في الايميل، 🥰

وشكرااا

بقيتو ما متحمسين معاي🥺 اوقف؟؟؟

السلام عليكم ورحمة الله

Odoo 14 Inventory Costing Method

الشباب الحلوين , كيفكم🥰❤
دا الفيديو التاني , انا بواصل ال HR ان شاء الله 🥰
بس دي حاجه مهمه شديدة ودايما الناس بتغلط فيها , في ناس كتيرين ما بنتبهو ليها وماعارفنها شغاله كيف, بس دي ال core بتاع ال inventory .
عشان الناس تكون واضحه ليها وما في زول تاني يغلط فيها 🥰
اهم شي ال feedback وروني رايكم شنو في الشرح ؟؟

https://youtu.be/zO-CU9xultQ

Odoo 14 Inventory Valuation & Costing Method

السلام عليكم ورحمة الله

Odoo 14 Recruitment

اول فيديو اعملو ان شاء الله بس يكون مفيد للناس ويكون الشرح واضح

انا قاصده انو اكون جاده شوية في الفيديو عشان الزمن ما يكون كتير بس الناس تديني رايها ؟؟

اها يخوانا نكتر الفارغه ونزيد زمن الفيديو؟؟
ولا كدا مناسب؟؟؟

من الحماس نسيت باقي ال power point😂😂😂🙈

المديول المفروض تنزلها عشان تشتغل بالسناريو الانا شارحاه

Recruitment
Survey
Website
Online Job
Employee

#تعديل
دا link بتاع YouTube



https://youtu.be/VNIOIo7Pc2U

https://www.loom.com/share/f82c22741a9b48ec9966ce44f29b6962

Odoo 14 HR Recruitment

السلام عليكم ورحمة الله
HR process
عمليات الموارد البشرية:

يلا يا شباب انا بكتب ليكم عمليات الاتش ار العرافها ياريت تشير البوست وأي زول عارف عملية زيادة يتواصل معاي وانا بعدل البوست ، يتواصل بإي طريقة ، comment ، messages اي حاجه، ياريت نستفيد من الخبرة بتاعه ناس الاتش اار، بعد احصر العمليات، بشرح ليكم كل عملية بتعمل شنو في بوست براها ، واحدد النقاط في شكل analysis document , تكون بشكل واضح ، واي زول ممكن اي زول يستفيد ، واي زول ااااي زول عايز يبرمجها بإي لغه برمجه يلقى الحاجه جاهزة ،🥰
يلا بسم الله توكلنا على الله نبدا،🥰

1. الهيكل الوظيفي (Organization Structure)
2. التوظيف ( Recruitment )
3. ملف الموظف (Employee Profile)
4. العقودات (Contract)
5. هيكل المرتبات (Salary Structure)
6. الاجور والرواتب (Payroll)
7. الحضور والانصراف (ِAttenders )
8. الاجازات (Leaves)
9. ساعات العمل الاضافية (Overtime)
10. الاذونات (Permissions)
11. العقوبات والجزاءات (Penalty)
12. الانذارات ولفت النظر( Warning)
13. الحوافز والبدلات (Incentive & Allowances)
14. السلفيات (Loans)
15. النثريات / تصفية النثرية (Payment Request / Clearance)
16. العهد / تصفية العهد (Custody / Custody Clearance)
17. التأمين الصحي (Health Insurance)
18. تقييم الموظفين (Appraisal)
19. تعديل الامتيازات المالية اثناء فترة العقد (Promotion)
20. تحويل او نقل موظف من قسم الي قسم (Shift Management)
21. التكليف او تفويض (Delegation)
22. التدريب (Training)
23. المأموريات (Mission)
24. نهاية الخدمه (Service Termination)

يلا همتكم معانا ياشباب بالشير 👏👏

السلام عليكم ورحمة الله
HR (human Resource Management)
الموارد البشرية:

هي شنو ويعني شنو موارد بشرية hr ولي معظم الناس بالنسبة ليهم ال hr هم اكعب ناس في الشركه ، وهم وظيفتهم شنو؟؟

الموارد البشرية:
هي علم عدييل بحدد لي القواعد والاساسيات وبوريني كيف اهتم بالعنصر البشري (البني ادمين يعني) ، المكون للشركه.

هي كيف اهتم بإدارة الموظفين لتحقيق أهداف المنظمه،

يعني انت اذا عندك مؤسسه او شركه او اي نشاط تجاري او صناعي ، زي ما عندك رأس مال نقدي ، عندك رأس مال بشري ، وعشان المؤسسه او النشاط بتاعك ينجح لازم تهتم بإدارة الموظفين الشغالين معاك😊 ، كيف اوفر ليهم بيئه مناسبة مريحه للعمل😄 ، تهتم بتلبية جميع احتياجاتهم🤗 ، تطويرهم، تنظيمهم، تحفيزهم ...
وكيف انك تحافظ عليهم عشان ازود النشاط بتاعك بأيدي عاملة منتجه ، مستقرة وراضية، 😆
كل ما حققت الرضى الوظيفي من الموظفين بتاعك كل ما ذاد الانتاج بتاعك (اهو رأس المال الحقيقي للشركه🥰 )
• وكيف تهتم بإدارة الاجور والرواتب عشان تضمن الإنتاجية بتاعتك،
• وتوفير التكاليف المرتفعه علي المنظمه
• ‏تهتم بحل المشاكل الصعوبات التي تتعلق بالافراد عشان ما تعكس تأثير سلبي في المؤسسه والأداء
• ‏كيف تستفيد من الكفاءات الموجوده في المؤسسه ، وتدي أهمية كبيرة لتدريب الموظفين،

خلي عندك structure واضح عشان كلو زول يعرف البيه والعليه
في مؤسسات م بتهتم بالجانب دا ،
لي بكون معظم الموظفين كارهين بتاع الاتش ار()
والله ما كلهم كعبين ، وفي ناس طبيعة شغلهم بفرض عليهم كدا ، والشركات بتشيلهم وش القباحه عشان هم البتعاملو direct مع الموظفين:

ف رجاء يا بتاع الاتش🙏 ار زي م انت بتحاول تقلل من تكاليف الشركه ، وتحاول انك تظهر رهيب قدام مديرك ، واتعاملت بطريقة ماكويسة مع الموظف، كل ما الحاجه دي غتست حجر الشركه وجابت اجلها،😑😕 م تعاين تحت رجليك وخلي عندك بعد نظر شوية، ما عندك انا بديك نظارتي دي 😎🤓،انت عارف انو الموظف دا رأس مالك ، كل ما اشتكيت بيه ولبيت ليه كل احتياجاته كل ما زاد الانتاج بتاعه ودخل ليك قروش ،
تاني حاجه، في بند في الحسابات اسمو شهرة المحل او المنظومه، ممكن الموظف يكون جزء كبير منها ، سوق العمل ضيق أضيق من خرم الإبرة، وانت اذا عاملت الموظفين بطريقة ما كويسه ، اذا اي زول جا يسأل موظف عندك ح يطفشهم ويقول انت م كويس وبتعامل الموظفين بطريقة كعبة، وممكن تأثر الحاجه دي على ال customers بتاعين زاتهم، اذا انت ما بتحرم موظفين كيف حا يثق فيك،
انت عارف في ناس ممكن يقعدو في الوظيفة بتاعتهم عشان هم مرتاحين فيها وبيئة العمل مناسبة ومجهزة ليهم بطريقة كويسه، ، ومحترمنهم ،ممكن يستحملو اي شي،
اذا عندك جهاز شغال بية ، الجهاز كل فترة محتاج صيانه ،محتاج تغير حاجات ، عشان يقدر يواصل يشتغل معاك، انت عندك كائن حي ياخ، اخد فية اجر ، تخد اجر لي ، دا واجب والازمي عليك انك كل فترة تطورة، البني ادمين الكراكيب العندك ديل نفض منهم الغبار ، واعمل ليهم صيانه ، دخلهم ساونه ياخ، واشتري ليهم شيله ياخ، دلعهم شوية ، عشان يقدرو يواصلو معاك ويزيدو ليك الإنتاجية، طورهم ، حفزهم اغمت ليهم،🙈 دربهم ،علمهم حاجه جديدة ، خليهم مواكبين ، كل ما طلع حاجه جديدة دربهم عليها ☺😊

المؤسسه مفروض يكون عندها plan واضحه للترقية، عشان الموظف يجتهد ويتعب وعندو حاجه عايز يوصل ليها ، اذا ماعندك ترقية ، ح يكون بإدي في عمل روتيني ممل قاتل عشان يجيب قروش ، ويكون اليوم كلو صاري ووشو يقطع الخميرة من البيت ، دي بتأثر عليك وعلى المجتمع ، تخلي الزول كاره نفسو ويشاكل ضبان وشو☹😕😡😠، واخلاقو في نخرتو☹😕 ،ويسب ويلعن،🤬 نحن ذنبنا شنو شكيتك لى الله،🤣 شكيتك لى الله وحسبي الله عليك ياخ👆🤲🤣 حسبي الله علي كل جبار ظالم مفتري 👆

بإختصار الوظائف الاساسية للموارد البشرية
• تحليل وتوصيف الوظائف
• ‏تخطيط الموارد البشرية
• ‏تصميم وتنفيذ برامج الصيانه البشرية
• ‏تدريب وتنمية الموارد البشرية
• ‏تقييم الأداء
• ‏الاجور والحوافز
• ‏الترقية
• ‏ تعزيز العلاقة بين الموظفين
• ‏توفير المساعدات للموظفين
• ‏التوظيف
• ‏دعم الإبداع والابتكار
• ‏الاستفادة من الأفراد من خلال الإدارة الفعاله
• ‏الاعتماد على وسائل التكنلوجيا

الاتش اار يعني انتو ما شغلتكم الإنذارات والخصومات بس ، في حاجات تانيه مفروض تعملوها

بتاع الاتش ار نحن اخوانك يابليد 🥺

، دي مقدمه بسيطه قبل ما ادخل في العمليات بتاعة الموارد البشري
البوست الجاي بحاول احصر فية جميع عمليات الموارد البشري

كل سنه وانتو طيبين مبارك عليكم العيد😊، ينعاد علينا وعليكم بالخير واليمن والبركات وتامين ولااااامين ما ناقصين زول🥰 ، وكللل امانيكم محققة يارب ، ويعطيكم لما يرضيكم، زي ما عايزين ، وربنا يكتب ليكم الخير والسعاده وين ما كنتو🥰❤❤
وربنا يرحم جميع شهدائنا ويغفر ليهم ويسكنهم فسيح جناته
وربنا يصلح حال البلد
ربنا ينتقم من الظالمين ، وكل من عنده سلطه ، وعندو يد في قتل وسفك دم الابرياء، وخراب البلد
وربنا ينصر اخوانا في فلسطين ويفرج كربهم وينصرهم

قانون العمل في السودان

قانون العمل في السودان :
عقد العمل

قانون العمل في السودان:
عقد العمل

قانون العمل في السودان:

بما انو ف زول تاني ، بكتب في ال point دي ،
الناس تستفيد🥰🥰🥰
Knowledge Share

السلام عليكم ورحمة الله
الشباب الظريفين، عندي فكرة كدا جاتني وعايزة انفذها ف عايزه الناس تساعدني فيها 😊

بوستات (requiment gazarin) او بوستات ونسه مفيدة🥰 ،

انا ح اشتغل على مديول ال hr زي م قلت ليكم بس بي طريقة مختلفة شوية المرة دي،
انا عايزة الناس كلها تستفيد سواء كنت مبرمج زول بتاع قانون زول hr او اي زول عايز يستفيد من معلومه معينه في مجال العمل
الموضوع م odooبس
شغل ال hr مفروض يكون واااحد بغض النظر عن طبيعه الشركه ، خاصه، حكومية، نشاط تجاري، ، وهكذا ، العمليات واحدة
مثلا:معظم الشركات ما بكون عندها نظام hr ك systme يعني ، بكونو شغالين بالورق وعارفين القوانين او حافظتها ،ماف standard لل process غير قانون العمل ،، وكل شركه شغاله بي طريقتها ال concept بتاع ال process بكون واحد لكن الطريقة مختلفة ، وفي شركات عندها قواعد وأحكام براها لكن قانون العمل موافق عليها ، دي مادخله في قانون العمل لكن يطبقوها هلي موظفين الشركه المعينه
قانون العمل ما بوضح ليك الإجراء بصورة واضحه بكل تفاصيلها الصغير، ما بقول ليك الإجراء بمشي من وين ويجي لمنو ،
انا من خلال قعدتي مع الكستمر ، في كم عملية مثلا بعملها في حاجه واحدة، لكن الأفضل انها تكون مقسمه ومفصل، عشان لما تجي تعمل تقرير يكون فية analysis كاااامل للعمليات بأدق تفاصيلها

من جانب الناس الشغالين hr:
انت بتستفيد شديد ، بتعرف العمليات ماشه كيف بصورة سليمه وفي تفاصيل غايبة عنك ، وح تكتشف انك في عمليات كتيرة انت م بتشتغل بيها، انت ف الواقع لما يجيك case مختلف بترجع لقانون العمل وتطلع خطاب مثلا،، ونوصل مع بعض ل model stander لأي عملية بصورة perfect 👌

من جانب المبرمجين:
قبل ما تمشي للمؤسسه الانت عايز تشتغل ليها اي نظام اودو او غيرة ، اتعرف ال process ماشه كيف ، طبعا انت م ح تكون عارف و ما في زول فاضي عشان يوريك واحاتاخد زمن عشان تقراه وتعرف ، فا اختصار للزمن ، كل process ح تكون مشروحه بالتفصيل ، وانت امشي برمجها بي طريقتك

من جانب اي موظف بغض النظر عن شغال شنو:
‏انت ح تكون عارف الإجراء الانت عايزو دا شغال كيف بالطريقة السليمه عشان ما يخموك 🙊
‏
اها عايزة اختصر زمن analysis في بوستات جاهزة لكن عملية ؛ كل بوست ح يكون شرح تفصيلي للعمليه ، وإذا انا في حاجه ما ذكرتها ، او زول شغال بي طريق مختلفة يرجع لي ، بتعليق في البوست ، او يرسل لي massege في الصفحه ، اول يتواصل معاي ب اي طريق ، انا بتابع التعليقات والماس البتواصلو معاي وبعدل العملية،
عايزة اشوف الشركات شغاله كيف (القطاع الحكومي ،الخاص ) نشوف الفرق شنو بين طريقة اجراء العمليات ،
حتى الشركات الخاصه بتختلف من واحدة للتانيه ف الإجراء
انا عايزة احصر الحاجه دي

رجاء"🙏 اي زول بعرف زول شغال ف hr يتاقية ف البوست ،او مبرمج او زول قانوني او اي زول عندو علاقة بالمجال 🥰🥰 نستفيد من خبرات بعض يخونا🥰
Knowledge share

انا ح اشتغل كيف:
ح انزل بوست اول احصر فية كل العمليات ،واي شركه عندها عملية زيادة الناس تتواصل معاي عشان اضيفها في البوست

بنمسك عملية عملية ، انا بكتب الطريقة العارفاها انا بي خبرتي البسيطه، والناس تتواصل معاي ،اذا في حاجه ناقصة فيها (لمن نجضمها كووويس🙈😂) نمشي نمسك البعديها

بعد اجمع كل المعلومات عن العملية ، بعدل البوست فية ملخص العملية في شكل نقاط ممكن الزول يطلع منه analysis documne t في نفس البوست.

طيب انا مرام استفيد شنو من العمليه دي ؟؟؟ اكيد في ناس ح تقول هي بتعمل كدا لي ، وعايزة تصل لي شنو؟؟
بعد اخلص ال analysis من كل بوست واجمع ال requirement من اكتر من زول، عايزة اصل لي product او stander لكل عملية ،
ح اعمل ليها development براي واطلعها في شكل product stander من requiment جاية من الجهات المختصه 🥰🥰🥰🥰 لأنو ما كل العمليات موجودة في ال odoo

الناس تشير البوست وتقول لي ناس الاتششششش اررر افيدونا بخبرااااتكم يخونا🥰🥰

الاتششششش اااار نار الضلع💃

قانون العمل في السودان 1997
الفصل السادس :

السلفيات :
1- يجوز لصاحب العمل ان يمنح سلفية للعامل بشرط:
1) ان تكون بدون فائده (من غير ربا) على ان يجوز لصاحب العمل ان يتقاضى نسبة مئوية مخفضة لمقابلة المصاريف المتصلة بالسلفية
2)لاتزيد الاستقطاعات تصفية النثرية عن 15% من المرتب الاساسي
2- مع مراعة الفقرة 1 يقوم العامل بسداد اقساط السلفية الممنوحه له عند انتهاء عقد العمل بالطرق التي ينص عليها عقد السلفية
3 - لاتحكم المحاكم في اي دعوى يرفعها صاحب عمل ضد اي عامل لسداد سلفية مالم تكن منحن بعقد مكتوب

تكليف العامل بمهمه خارج محطه عملة:
1- صاحب العمل قال ليك تعمل اي حاجه تابعه للعمل لكن خارج المنطقة, علية انه يتحمل تكاليف جميع نفقات العامل ذهابا وايابا(قال ليك امشي لي كستمر وتدفع من جيبك م تمشي, قال ليك تمشي السما الاحمر يتحمل هو النفقات قرش م تدفعو من جيبك🤣🤣😂)
2- في حالة قضي العامل ليله كاملة خارج محل العمل في تكليف , لازم يدفع ليه بدل تكليف بالفئة المحددة في شروط خدمته , اذا لم يوجد اتفاق علي صاحب العمل ان يدفع التكاليف عن كل ليلة علي الا يقل مايدفعه صاحب العمل في كل الحالات عن الليله الواحده عن اجر 3 ايام
(بدل مأمورية الليلة الواحده بأجر 3 ايام😍😍)

مصروفات الانتفال :
1- يجب على صاحب العمل ترحيل العامل او دفع مصاريف نقلة الي الجهه الاخرى وذلك خلال 7 ايام من تاريخ انتهاء العقد
2-صاحب العمل اذا نقل عامل من مكان الي مكان اخر خلال سريان العقد يجب علية ان يتحمل مصاريف نقلة ونقل اسرته معاه الي ذلك المكان حسب فئات النقل المقرره
3- في حالة وفاة العامل يقوم صاحب العمل بترحيل افراد اسرته الي موطنهم الاصلي اذا طلبو ذلك
4- تثبت الكفالة الشرعية لأفراد اسرة العامل بشهادة الجهه الرسمية المختصة

بيانات الاستحقاق :
1- يجب على صاحب العمل عند انتهاء عقد العمل ان يعطي العامل بيانا تفصيليا بإستحقاقاته
2- مالم ينص القانون على خلاف ذلك يعتبر باطلا كل إبراء او مصالحة او تنازل بالنسبة للحقوق المقررة بموجبة

قانون العمل في السودان 1997:

الفصل السادس:
*** الاجور والسلفيات والمخصصات الاخرى
** الاجر:
1- اجر العامل يجب ان يدفع نقدا يستثني من ذلك(الترحيل, السكن , الوقود او الملبس ) ديل ممكن يدوهم له بحاجه عينيه , وممكن يحولو ليه قروشه في البنك او شيك (طبعا المرتب بنك او شيك دا ما كان موجود سنه 1997😁)
2- يجوز ان يدفع الاجر يوميا او اسبوعيا او شهريا حسب الاتفاق بإستثناء الحالات التي يصدر بها قرار من السلطات المختصه
3- يتفق صاحب العمل وعامل الانتاج الذي يعمل موجب عقد عمل غير مسمى الاجل علي اجر محدد وذلك بالنسبة للحد الادني من العمل اليومي وتحسب بمقتضى هذا الاجر استحقاقات العامل عدا المكاقأت
4- اذا اتفق العامل وصاحب العمل علي تغيير نظام التعيين بنقلة من اجر شهري الي اسبوعي او يومي , يظل العامل مستحق لكل الحقوق التي اكتسبها خلال العمل علي اساس الاجر الشهري
5- الناس المتفقين معاهم بأجر يومي , يدوهم قروشهم يوميا , في نهاية اليوم او اثناء ساعات العمل (اعطي الاجير حقة قبل ان يجف عرقة😊)
6- فيما عدا ما نص عليه البند 5 يستحق الاجر نهاية
7- في حالة انتهاء عقد العمل تدفع جميع الاستحقاقات خلال اسبوع من تاريخ الانتهاء(يعني م يتجرجرو ليك وتعال بعد شهر , الورق ما لقيناه والمدير مسافر والحركات الارعه البعملوها دي😒😑😐)
8-يدفع الاجر للعامل شخصيا او لمن يوكله , واذا في استتقطاع بكون بناء علي الاستقطاع الموجود في القانون , وفي حالة اجراء اي استقطاع يجي على صاحب العمل بيانا بما استقطع في حالة طلب العامل ذلك. (زمن الدسدسه والغتغيت انتهي🤭🤫)

** الاستقطاع بسبب الغياب:
1- لايكون العامل مستحقا لأجره في فتره الغياب الافي الحالات التي يسمح بها القانون او يسمح فيها صاحب العمل بالغياب بأجر
2- يستحق العامل الذي اكمل 3 اشهر في الخدمه المستمره اجرا عن فترة غيابة لأي سبب من الاسباب الاتيه:

1)انقطاع وسيله المواصلات العادية ( انت كملت 3 شهور و الترحيل وقف وما وفرو ليك ترحيل م مفروض يخصمو منك🙃🙂)
2) وقوع كوارث طبيعيه او حوادث تمنعه من العمل( جات مطره جات كتاحه ما جيتي م مفروض يخصمو منك🙃🙂)
3)الاستدعاء بواسطه المحكمه او اي سلطه عامه اخرى يخولها القانون ذلك
4)وفاه الزوج او الزوجه او احد الابناء او احد الابوين او الاخوه او الاخوات (القرابة من الدرجه الاولي والتانيه فقط) ناس عمي اتوفي وخالي طقشتو الركشه , وجيراني شالهم السيل ديل اختونا بالله🤣🤣🤣 وناس قريحتي راحتز🤣)
5)اي سبب يقبله صاحب العمل( انت وحنكك بعد دا يا معلم )القانون ذاتو فيه حنك

وربنا دايما يقدرنا علي فعل الخير، وييعدنا عن أذية الغير ،ويارب كتر من اللايك والشير🤲🤗