Mohamed AlFakhrany
Contact information, map and directions, contact form, opening hours, services, ratings, photos, videos and announcements from Mohamed AlFakhrany, Financial Consultant, .
31/08/2022
يؤسفني أقولكم إنه في ناقلة بترول طولها أكتر من ٢٥٠ م، شحطت دلوقت تاني في قناة السويس بالعرض زي ايفرجرين بالظبط، ووقفت حركة الملاحة كلها ومعطلة سفن وراها في المنطقة إللي فوق نفق الشهيد أحمد حمدي بالظبط.
الجدير بالذكر إنه النوع دا من السفن بيبقى الغارز بتاعه إللي تحت أكبر، بس اتمنى يكون عندنا استعداد وخبرة كفاية من المرة إللي فاتت إنه نخرجها بسرعة.
31/08/2022
الاستيراد لما اتعطل مصانع مصرية ابتدت تظهر في السوق والشغل بتاعها ينتعش دى حاجة كويسة 😀
المصانع بقي لما لقت فيه اقبال وتجار التجزئة بيسحبوا كميات .. جزء من المصانع دى ابتدى يشتغل online ويبيع مباشر للعميل بسعر الجملة اللي التاجر بيشتري بيه .. ودى حاجة مش كويسة 😏
مشكلة السوق المصري مش في الموارد ابدا .. مشكلته الازلية هي الناس اللي بتدير الموارد دي 😌
31/08/2022
#عاجل
للمرة الثالثة على التوالي .. البنك المركزي المصري يسحب 100 مليار جنيه من سيولة البنوك
31/08/2022
لما تبقي غني جدا بيبقي عندك مشاكل مختلفه
مشكله مثلا زي انك عاوز تروح الساحل بعربيتين عشان تبدل فيهم طبعا الحل الاعتيادي هيكون انك تخلي صاحبك يسوق العربيه التانيه أو مثلا تاجر سواق لكن تويوتا حلتها خلاص طبعا دا تطوير للقياده الذاتيه الي بقاله سنين موجود فعلا في كتير من العربيات وهيا انك يبقي عندك عربيه ليدر ودي الي انت سايقها وباقي العربيات تمشي وراها auto tracking
طبعا التطبيق للتكنولوجيا مش هيكون العربيات الساحل بس 🤣
خلينا نبص علي عربيات الشحن وممكن الموضوع دا ينجز شغل شركات الشحن بشكل أفضل وأسرع ازاي
31/08/2022
معلومه صغيره ممكن متكونتش واخد بالك منها
الدولار الأمريكي $1 = 61.00 روبيل روسي
الدولار الأمريكي 1$= 19.24جنيه مصري
سعر الروبيل دا مش وليد الحرب خالص الكلام دا من زمان اوي
تابعت وزير الماليه المصري طالع بييطمن المواطنين ودا كان عنوان الحلقه دخلت اشوف بيقول اي
لقيت الراجل بيتعامل مع المشكله تعامل اي راجل مغلوب علي أمره
وزير الماليه بيقول ببساطه انا عندي مشكله والتضخم زايد في العالم كله بيقول أنه مبقدرش ميجبش زيت وسكر ودقيق ومواد بتروليه ومش عارف اي
في حين أن الدب الروسي الي هو سبب المشكله من وجهه نظره أو الحرب الروسيه الاوكرانيه وعامل الازمه العالميه دي نسب التضخم عنده نزلت من 18% الي 15% في شهر واحد
ودا في ظل تراجع صادرات روسيا من الغاز الطبيعي وعلي العكس في مصر في نمو متزايد في تصدير الغاز وطلب عليه
لما يكون الأداء الاقتصادي بتاع دوله في وضع حرب وعليها عقوبات عاليه جدا افضل بكتير من الاداء الاقتصادي بتاعك يبقي لازم ت
31/08/2022
سعر الدهب في هبوط عالميا لكن احنا ف مصر عندنا الأمر مختلف دايما في ظل الهبوط الي بيحصل الدهب عالميا بتلاقي الدهب في مصر في ارتفاع مستمر طبعا دا شغل مافيا لأنهم مسعرين الدهب اصلا علي 22.6 جنيه للدولار ومفيش اي نوع من الرقابه واي مسئول من غرفه الذهب بيكون رده أن السعر خاضع للعرض والطلب وطبعا كلنا عارفين أن المصالح بتتصالح
سعر اونصه الذهب عالميا في وقت البوست دا متوسط 1711$ والسعر دا طبعا لعيار 24
اونصه الذهب هي بالجرامات 31.1034768 جم
سعر الدولار الواحد 1$ اليوم في نفس التوقيت 19.24جنيه
يعني بحسبه بسيطه هتلاقي أن سعر الجرام العادل لعيار 24 هو 1058
بينما السعر الان في مصر 1243 جنيه
م الاخر كل واحد بيروح يجيب شبكته دلوقت عشان يبتدي حياته بيتقلب في حوالي 185 جنيه في كل جرام طبعا غير المصنعيه الي بتوصل ل 100 جنيه الجرام يعني بإجمالي حوالي 300 جنيه خساره من فلوسك في كل جرام بتروح لمافيا الذهب في مصر
قيس علي كده كام مافيا في كام مجال بدون ظابط ولا رابط
31/08/2022
خبر غالي اوي قريبا جدا خلال أيام
فتح الرخص والمبانى والتصالح كمان
31/08/2022
ثغره في جوجل كروم تم استغلالها من ايام وتم سحب باسووردات 2.5 مليار مستخدم ياريت الي خايف علي حساباته يغير الباسورد ويحدث جوجل كروم للتحديث الاخير سواء موبايل او PC
30/08/2022
أنت مش مضطر تتغرب في الخليج زي زمان: 💰💲
فرص الربح أسهل كل يوم مع التكنولوچيا؛ وفيه مجالات كتير زي التدريس، والترجمة، والتصميم، والبرمجة، وإدخال البيانات، والتسويق نقدر نشتغلها Online عادي ونقبض بالعملة الصعبة واحنا قاعدين في البيت
يعني ممكن تبقى قاعد في بيتك البسيط في الريف وتدير شغل لشركة في الصين، ولعميل في السعودية، وتبيع كمان منتجات على متجر في أمريكا، وفلوسك هتوصلك في حسابك وأنت قاعد في بيتك مُعزز مكرم.
بينما الفرص أصعب كل يوم على الناس اللي مش عايزة تطور نفسها تقنياً في كل المجالات
الموضوع بسيط اتعلم لغه ومهاره محتاجها السوق وكل يوم هيتفتحلك باب شغل كويس
30/08/2022
فكر فيها كده ... لما بتتعلم فى الجامعة انت بتاخد محاضرات محتواها ممكن يتلخص فى 3 ساعات كل اسبوع وسكاشن عملي محتواها يتلخص فى ساعتين ... يعنى 5 ساعات ... وبتذاكرلك فوق ده ساعتين عشان تنجح يبقى كده محتوي يستحق مجهود 7 ساعات انت بتاخده فى الاسبوع وبتبقى منتظر لما تتخرج انك تكون مؤهل!
فى حين الى بيتعلم لوحده تعليم ذاتى عادي جدا ممكن يكون بيتعلم ويطبق 7 ساعات فى اليوم مش فى الاسبوع! وبيتقدم اسرع ... يعنى انت بتتخرج بعد اربع او خمس سنين ... خلاصة الوقت الى انت اديته للمجال ... غيرك عمل مايفوقه 7 مرات!
فطبيعى تلاقي شركات عالمية بتركز على الخبرة العملية والمهارة اكتر من الشهادة ... لان فى بديل متمثل فى شخص عبقري سبقك بسنين ضوئية فى حين انت ملتزم بالمنهج!
الحل: كل المجالات المنافسة فيها عالية ... لو انت بتدرسه كتخصص لازم جنب الدراسة تعلم نفسك بنفسك يوميا
هتهزر؟ ... مش هتلاقى نفسك ف اي مجال اساسا!