BAKIT NGA BA

Mga Benepisyong Pangkalusugan ng Balbas Pusa

Ang balbas pusa ay isang halaman na makikita sa Southeast Asia kabilang na ang bansang Tsina, Taiwan, Pilipinas, Thailand at Australia. Tinatawag itong balbas-pusa dahil ang bulaklak ng halamang gamot na ito ay may anyong parang balbas ng pusa.

Kilala din ang balbas pusa bilang Java tea at ginagamit ito bilang halamang gamot. Ilan sa mga gamot na nakakatulong ang balbas pusa ay pamamaga ng kidney, kidney stones, hindi makaihi, problema sa atay at pantog kasama na ang bato sa pantog, urinary tract infection, diabetes, rayuma, gout, pampababa ng cholesterol at blood pressure.

Ang balbas pusa ay may taglay na mga phytochemicals tulad ng hedargenin, B sitosterol, ursolic acid, glycolic acid at methylripariochromene A, na maganda panlaban sa iba't ibang sakit tulad ng mga sumusunod:
Kidney Stones - May isinagawang clinical trial gamit ang balbas pusa at nakakitaan ng pagliit ng kidney stones sa mga taong gumamit nito. Nakatulong din itong mawala ang sakit na nararamdaman ng mga taong may sakit sa bato.
Diabetes - Isang pag-aaral sa balbas pusa ang isinagawa at nakitang nakakapagpababa ng lebel ng asukal ang pag-inom ng balbas pusa sa loob ng anim na buwan. Nakatulong din ito upang maging normal ang blood pressue.
Proteksyon sa Atay - Isang pag-aaral ang nakakita ng antioxidant at free radical scavenging activity ng balbas pusa. Nakita din na nakakatulong itong protektahan ang atay.

Ang dahon ng balbas pusa ang kadalasang ginagamit sa panggagamot. Maaari itong ilaga at gawing tsaa. May mga gumagamit din nito bilang pantapal sa iba't ibang bahagi ng katawan.

Ang Renalin ay may sangkap na balbas pusa na nakakatulong panlaban sa sakit sa bato tulad ng kidney stones, gout, hirap sa pag-ihi, pananakit ng ngipin at problema sa pantog.

https://youtu.be/R4BBQ6K8u00 (Song is Happy Life... YouTube Channel)