GV Black

وانا قدكم مكانش عندي كهربا اصلا يا حبايبي الصغار ، كنت شغال بضوء الشموع 🕯

إزاي تسخين الكمبوزيت 🔥
قبل إستخدامه بيفرق جدا في النتيجة النهائية؟

🟨 لو عملت pre-heating للكمبوزيت لدرجة حرارة معينة قبل إستخدامه ده بيخلي الكمبوزيت :
- عنده flow افضل و less viscosity
- بالتالي Better Adaptation و less leakage

والحلو إن ال mechanical properties بتفضل زي ما هي الحمد لله
ف بنقدر نستخدم الكمبوزيت بسهولة أفضل وناخد نتيجة أحسن بمجرد إننا نجهزه ونسخنه قبل الشغل

🟨 طب إزاي نسخنه؟
إحنا عايزين نوصله لدرجة حرارة 50-60 مئوية ، ونستخدمه في اقل من دقيقتين عشان نستفيد من الخواص دي.

🟨 عندنا الطرق دي لتسخين الكمبوزيت:

1- إستخدام composite heater متخصص

2- ال Wax heater الخاص بالمعامل

3- ال Coffee Heater ، وده يعتبر حل economical جميل

4- إنك تلزق ال composite في ال Dental Unit Light بحتة wrapping صغيرة قبل الشغل ، لو هو من النوع اللي بيسخن

5- اقل حاجة ممكن تتعمل هي إنك تمسك الكمبوزيت بإيديك وتدفيه بإيدك لمدة 5 دقايق ، او تخلي ال Assistant يخليه في إيده ، عشان ترفع درجة حرارته من ال room temp إلى ال body temp .

لو عايز يوصلك بوستاتنا متنساش تعمل Like و Follow للصفحة ❤️

جروب التيليجرام الخاص بنا :
https://t.me/myGVblack_bot

أول خطوة ناحية الذكاء الاصطناعي في عالم طب الأسنان 🤖

دلوقتي بقى متاح البوت الخاص بينا اللي تقدر تكلمه ويرد على استفساراتك ويقدملك خدمات كتير هتفيدك
😉 اللينك أول كومنت 😉

لو ناوي تفتح عيادة ..
عملتلك دليل كامل بكل الاجهزة والادوات والماتيريالز اللي هتحتاجها في كل التخصصات 😉
علشان تعرف تحسبها صح 👌

تقدر تحمل الفايل مجانا من هنا :
https://www.mygvblack.com/clinic-file-list

من سلسلة :

Your dental career should be more than just a job; It must be something you love to do. Something that fulls your passion..

Follow your heart, empower your head and train your hands ..
Treat your patients with compassion and sincerity. Master the necessary skills to enable you to deliver treatment to the very highest levels of care.

Have unquenching thirst for knowledge in everything, from BASIC BIOLOGY to the LATEST TECHNOLOGY.

لو هتفتح عيادة جديدة الكلام ده هيفيدك جدا ..

هنتكلم يا أولادي عن ازاي تختار الأجهزة المناسبة لعيادتك ..وتخلي بالك من ايه قبل الشراء ..وكمان ايه الأجهزة الأكثر مبيعا واللي اثبتت كفائتها فعلا في السوق..

وده بداية سلسلة :

تقدروا تتابعونا على تيليجرام (اللينك أول كومنت) واخر البوست فيه كلام مهم ..فكوباية شايك أم نعناع ويلا بينا 😉

دكتور مرام بتسأل :

-لو عندي حالة Diastema closure ومحتاجه كومبوزت يوفرلي شكل جمالي مفيش فرق بينه وبين السنة الأصلية واقدر استخدم الshade بتاعه في حالات تانيه ويكون ليه strength و wear resistance عالي .. تنصحني بايه ؟

قبل الاجابة اتأكد يا ابني انك متابعنا على التيليجرام (اللينك في اول كومنت)

كوباية شايك أم نعناع وتعالى بقى 😉

= خلونا نفكر الأول احنا محتاجين ايه من الكومبوزت في حالة class 4 restoration ..

1️⃣ محتاجين كومبوزت ليه strength و wear resistance عالي لأن الforces اللي بتنزل على الريستوراشن ده أغلبها lateral forces فسهل انها تكسر الrestoration بتاعتي.

2️⃣ عايزين esthetics عاليه واننا نقلد نفس الشكل بتاع الnatural tooth من Dentin بيكون opaque واناميل في الincisal edge بيكون translucent.

3️⃣ محتاجين كومبوزت يكون فيه ثبات عالي للونه ميحصلهوش internal discoloration بسهولة وكمان يحافظ على الsurface polish بتاعه علشان ميلمش stains مع الوقت.

4️⃣ سعره يكون كويس ويكون الشيد بتاعه مناسب لكذا حالة بحيث منجيبش شيد مخصوص لكل class 4 case تجيلنا العيادة.

الكيت اللي شايف انها بتجمع كل المميزات ده هي ال ENA HRi 3 syringes kit

الكيت ده بتتكون من 3 سيرنج اتنين منهم Dentin وواحدة Enamel
الشيد بتاع الاناميل يعتبر فاتح نسبيا (UE2) والدينتين سيرنج منهم فاتحه وسيرنج الشيد بتاعها غامق (UD2 , UD3) وبكده انت تقدر تmimic أغلب الshades اللي هتواجهك عن طريق استخدام أي لون الدينتين والتحكم في الthikness بتاع طبقة الاناميل على الاسنان (ومتقلقش الموضوع سهل مش بالتعقيد ده).

غير كده ان كومبوزت ENA اثبت نفسه ككواليتي مقابل سعر ويعتبر من المنافسين الاقوياء في السوق حاليا وكمان سعره في المتناول.


قبل الختام يا اعزائي محتاج أوضحلكم حاجتين مهمين :

أولا : ان سيرنج الكومبوزت بتكون 2.5 جرام مش 3 زي المعهود.

ثانيا : ده مش اعلان ورأي شخصي والنقاش مفتوح في الكومنتات.

ومتنساش تغسل كوباية الشاي بعد ما تخلص 🙂

كتير من اولادي الدكاتره بيسألني : ايه هو أفضل نوع composite موجود في السوق ؟؟ 🤔

للأسف الاجابة على السؤال ده تختلف من نوع لنوع وده لأن مفيش نوع كله مميزات فقط ...
علشان كده جمعتلكم أشهر أنواع composite منتشرة حاليا وايه عيوب ومميزات كل حاجه فيهم

ده غير انك هتلاقي recommendations لطيفه تستحق انك تجربها

Endodontics flare up
من أهم المواضيع اللي بتقابلنا كلنا بين الجلسات أو بعد الobturation 😒

١٠ نقاط علشان تتجنب الflare up تماما ولو عايز تقرأ أكتر عن الموضوع بالتفاصيل فجهزتلك فايل بكل الداتا هتلاقيه في آخر البوست 😉⁦🥰

1️⃣ أعمل Diagnosis كويس وتوقع الflare up قبل حدوثه علشان تاخد إحتياطاتك كاملة والمريض ميعديش بالتجربة السيئة ده 👌 ( هتلاقي التفاصيل كاملة في الفايل آخر البوست 🔥 )

2️⃣ استعمل نوع بنج كويس يستمر مفعوله لوقت طويل وأكتب للمريض analgesic بعد ما تخلص الجلسة بحيث يعدي فترة التعب ده من غير شكوى 😌

3️⃣ اتأكد إنك واخد working length صح ، وحاول لو تستعمل الاكس راي والايبكس لوكيتور الاتنين ✋⚠️

4️⃣ استعمل الrubber dam واتأكد إنك مركبها كويس ومفيش leakage نهائيا ⁦⚠️⁩⁦⚠️⁩

5️⃣ أعمل irrigation كويس جدا بالذات لو السنة كانت necrotic بحيث تطلع كل الdebris بره وتعمل proper disinfection للكانال لأن أسباب الflare up ممكن تكون bacterial 👌

6️⃣ استعمل instrumentation technique بيطلع ال debris لبره 🤔
زي مثلا الcrown down أو استعمالك لirrigation كتير و side vented needle فتطلع الdebris لبره الكانال 😉

7️⃣ حاول تخلص الChemo-mechanical cleaning في جلسة واحدة ، بمعنى لو دخلت بfile فحاول تكمل كل الcleaning and shaping بتاعك كله في نفس الجلسة بحيث المريض ميمرش بالتجربة ده بعد كل جلسة 😕😓

8️⃣ استعمل intracanal medication زي الCaOH أو الكورتيزون وهنتكلم عنهم مستقبلا بالتفصيل فاتأكد إنك متابع صفحتي 🧐😌

9️⃣ متسيبش أبدا الaccess مفتوح وتروح العيان كده ، سواء لغرض الdrainage او لأي غرض ، حط قطنة وtemporary filling نوع كويس متأكد إنه مش هيقع لحد معاد الجلسة الجايه😬🔥

1️⃣0️⃣ بعد ما تخلص الendo أعمل occlusion reduction لو المريض ناوي يركب عليها crown بعد العلاج ، إنك تعمل الخطوة ده دلوقتي بعد الcleaning and shaping مش بس هيقللك الflare up ... ده كمان هيحافظ على السنة من ال fracture 🤗

اقرأ عن الموضوع بالكامل وايه أسباب الflare up وإزاي تتجنبه 😉
https://drive.google.com/file/d/1r-Sb6Z7QIKqCVDWy1mNroCCIvNCfrxC-/view?usp=sharing

لبوستات ومعلومات أكتر تقدر تتابعنا على تيليجرام .. اللينك في الكومنتات 💌🔥

متعتمدش على الApex Locator في الحالات ده 😳

كتير من أولادي الدكاتره بيعتمد على الايبكس لوكيتور في شغله وللأسف ميعرفوش ان ليه limitations قد تؤدي لقرايه غلط وبالتالي فشل مستقبلي 😕

خلونا نعرف ايه هي الحالات اللي بتمثل تحدي لكل أجهزة الايبكس لوكيتور مهما كانت جودتها 🤔 (أفتح الصور) ..

In order to have success in an orthodontic treatment, two
factors must be combined:
a good treatment plan and excellent biomechanics.

😉
الFuji IX (أو تسعة) من أشهر الrestorations استخداما، وفيه منه ٣ أنواع متاحة في السوق؛ تعرف ايه الفرق بينهم ؟ 🤔

النوع الأول : وهو مجرد conventional self curing glass ionomer بيستعمل بالذات في الposterior region كحالات class 1&2 والأماكن اللي يصعب فيها الisolation زي class V
ولازم تراعي وقت استخدامه إنه مش معرض لforces عاليه لأنه سهل يحصله wear.. فاستخدمه في البيدو أو السن الكبير أو كprovesional restoration.

النوع الثاني Fuji fast : وده بيتميز إن الsetting reaction بتاعه أسرع، فبيحتاج مجرد ٣ دقايق بس وينشف بيبدأوا من وقت ما تبدأ الmix وده يعتبر أقل من نص الوقت اللي بيحتاجه النوع الأول.

النوع الثالث Fuji EXTRA : وده بيدي جانب جمالي أكتر لأن فيه translucent glass fillers اللي بتحسن بشكل كبير من الaesthetics بتاعته عن الconventional العادي.

وأخيرا لو حابب تعرف أكتر عن منتجات شركة Fuji فأنصحك تتابعني لأن قريب جدا هينزل بوست شامل كل أنواعهم وإزاي تختار أنسب حاجه وفقا للحالة فتقدر توصل لأحسن النتائج بأقل تعب ⁦❤️⁩😉

وتقدر تبعت كلمة tags في رسالة وهبعتلك دايما أجدد المقالات أول بأول 💌

Heros of past, Heros of now 🦸

أسمي "Greene Vardiman Black" ومعروف بـ "G.V .Black" ولدتُ في عام 1836 في الثالث من أغسطس بأمريكا بالقرب من وينشستر.

بدأت حياتي مبكراً في الزراعة وأصبحت مهتماً في العالم الطبيعي مثل الأشجار والحيوانات ، وبدأت بعدها بدراسة الطب وساعدني أخي الدكتور "توماس جي في بلاك" ⁦❤️⁩

وفي عام 1857 قابلت الدكتور "سبير" والذي بدأ بتعليمي طب الأسنان بعد الحرب الأهلية 🌸 ، وبعد أربعة أعوام من دراستي وممارسة الطب العام تحولت الى العمل بإحدى عيادات الأسنان بالمدينة ، ووقع هوى هذه المهنة فى نفسي فقررت أن أبدع فيها ⁦🌤️⁩

قمت بعدها بالبحث عن كل ما يتعلق بطب الأسنان بالإضافة إلى كيفية حشو الأسنان وسبب تسوسها 📖
ساهمت باختراعات كثيرة أهمها جهاز حفر الأسنان، ولجأت إلى فتح عيادتي الخاصة بعد تفرغي في هذا المجال 🤗
ذاعت شهرة العيادة فى كل أنحاء الولاية ، وتوسعت في دراستي ودرست علم الأمراض وعلم الطفيليات ووضعت أسياسيات لعلم حشوات الأسنان ✨
وكنت أول من أجرى عملية في نزع جزء من اللثة 🥰

لم أتوقف عند هذا بل استمريت ودرست وبحثت في جامعة "ايلنويز" عام 1890 ونلت شهادة البكالوريوس وبعدها الماجستير ثم الدكتوراه وأخيراً انتهى به الأمر لأكون بروفيسور ، وأصبحت عميداً لجامعة Northwestern 👨‍⚕️🌼

توفيتُ في عام 1915 لأترك بعد رحيلي أبحاثاً لازالت تدرس إلى وقتكم هذا ⁦🌸

التسوس هو أكتر حاجه بنتعامل معاها في عيادتنا .. بالرغم من ده فكتير من أولادي الدكاترة بشوفهم بيعملوا غلطات بتعصبني جدا 🙄
فعلشان كده قررت اكتبلكم مجموعة بوستات بعنوان "ما لا يسع طبيب الأسنان جهله عن التسوس"

زمان يا أولادي زي ما كلكم عارفين كان منتشر مبدأ اسمه "الامتداد للوقاية" أو Extension for prevention وده بسبب عدم توافر الامكنيات الكافية ليا فكنت مضطر اشيل التسوس كله أو ما يعرف حاليا Surgical management (complete caries removal technique).
وده بسبب ان مكانش عندي غير الامالجم وقتها ومكانش ينفع احطه الا على دينتين قوي يستحمل ال condensation ده وكمان علشان اضمن نجاح الحشوة
لكن ده للاسف كان ليه عيوبه وهو انه بيقللي من العمر الافتراضي للسنه (tooth restortion cycle) فبسبب اني شيلت كل التسوس بقى الدينتين اللي بيحمي العصب قليل ومع اي recurrent caries السنة هتقلب اندو وبعدها تتكسر وتتخلع وانا هزعل وانت ميرضكش زعلي 😁

علشان كده يا حبايبي فكرت أنا وصحابي العلماء ولقينا ان أفضل طريقة لتجنب ده هو أولا الوقاية ثانيا تجنب اننا نشيل من الدينتين قدر الإمكان ثالثا لو شيلنا تسوس منشيلهوش كله .. اه والله عادي منشيلهوش كله وده اللي المفروض حضرتك تعمله في عيادتك ..

فبالتالي علاج التسوس بينقسم لشقين :
الشق الاول التدخل غير الجراحي وده انت بتعالج التسوس وتمنعه وده هنتكلم عنه في بوست قدام فاتكد انك متابعني.
الشق الثاني هو امتى اشيل التسوس وامتى لا (وده اللي هقولك دلوقتي تعمل فيه ايه)🤔

بص يا حبيبي واحنا بنشيل التسوس هدفنا 3 حاجات اساسية هم أولا المحافظة على السنه قدر الامكان .. ثانيا الحفاظ على صحة العصب .. ثالثا ان الحشوة بتاعتي تعيش

فازالتنا للتسوس ولا لا يعتمد على عوامل اهمهم عمق الcavity بتاعتك كام .. ونوع الحشوة اللي هتحطها وال oral hygiene للمريض :

1 : لو عمق الكافيتي اقل من 2 مل وهتحط amalgam او composite فلازم تتأكد ان اقل عمق في كل الكافيتي يساوي 2 ملل لان لو اقل من كده الrestoration مش هتستحمل ,وهتتكسر
2 : لو عمق الكافيتي 3 مل فوقتها هنشي كل التسوس الsoft اللي بيتشال ككتله واحده بالexcavator وهنشيل اول طبقات من التسوس في الدينتين لحد ما نوصل لدينتين بيتشال بصعوبه شويه لما تحط فيه الاكسبلورر مبيعملش كاتش لكنه ممكن يتشال بالاكسكافيتور عادي وهنعتمد على تقفيل الحشوه بتاعتي ان البكتريا المتبقية ميدخلهاش اكل لحد ما تموت وهنحط composite ونتابع الحالة وده اسمه (peripheral seal concept)
3 : لو العمق وصل ل 4 مل فوقتها هنشيل كل الsoft caries بس وهنتاكد ان الwalls كلها نظيفة وهنسيب باقي التسوس على ال floor حفاظا على الpulp وهنحط حشوه مؤقته زي Glass ionomer لمده 6-8 شهور ونتابع المريض بعدها بكذا اشعه بحيث نراقب الدينتين اللي هيتكون .. بعد 6 شهور على الاقل نقدر نفتح تاني ونشيل كل التسوس أو نوطي الGlass ionomer اثنين مل ونحط Composite. وده اسمه step wise excavation.

لبوستات ومعلومات أكتر تقدر تبعت كلمة tags في رسالة ويوصلك كل الأخبار والمقالات العلمية أول بأول 💌🔥

الLedge هو خطأ شائع في الاندو كتير مننا بيقع فيه ..
النهارده هنتكلم عن أحسن طرق تقدر تعمل بيها الledge في كل حالاتك 😉

بس الأول ازاي تعرف إنك عملت ليدج بنجاح ؟؟ 🤔

لو نجحت في ده الفايل هيكون no longer negotiate the canal أو كما أحب أن اسميها Dead end 👌
فتحس ان الفايل بيخبط في حيطه صلبة ..
وتقدر كمان وقتها تاخد اكس راي وتتأكد إن ال xray cone عمودي على منطقة التصوير وهتشوف إن الفايل واخد ميل مختلف عن مكان الكانال الطبيعي ✅

طيب ازاي تقدر تعمل الليدج ده ؟؟ 🧐

1- متوسعش الاكسيس كويس بحيث تقدر توصل لاخر جزء في الكانال بسهولة (straight line access) .. فبكده الفايل هيكون عليه stress عالي وبيحاول انه يفرد نفسه وبالتالي هيقطع في wall أكتر من التانيه ويعملك الليدج اللي عايزه .

2- تجاهل ميل الروت في لاكس راي ودخل الفايل دايما في اتجاه عمودي بحيث لو الكانال مايله يقدر يعمل ليدج بسهولة.

3- دخل الفايل بقوة لحد ما يوصل للworking length ولو حسيت انه فيه حاجه بتوقفه أضغط عليه أكتر بحيث تعدي الجزء ده أسرع وتعمل أحلى ليدج .

4- استعمل دايما فايلات مش أصلية وابعد عن فايلات الNi-Ti

5- استخدم فايلات باحجام كبيرة في الcurved canals علشان تقدر تحقق ليدج أكبر .. فممكن بدل ما يكون الmaster apical file بتاعك 35 أو 30 وسعها لحد ال50 فتضمن وجود ليدج .

5- بلاش تستخدم الفايلات بالترتيب بتاعهم .. ممكن تستخدم فايل 20 وبعده فايل 30 على طول بحيث توفر وقتك وتكتر فرص حدوث الليدج وال broken file .

6- قلل من استخدام ال irregation لانه بيعمل lubrication action للفايل وبالتالي بيقلل فرص حدوث الليدج .

7- ابعد عن ال crown down tech وبكده يكون عندك debris اكتر في ال apical part فتزيد فرص الليدج .

وفي النهاية دكتوري العزيز بما إني مؤمن بمقولة " اللي حضر الليدج يصرفه " فاستناني في البوست الجاي هقولك إزاي تقدر تشيل الليدج تاني ولا كأن حاجه حصلت 😌

فاتأكد إنك متابعني واعمل منشن لصاحبك اللي شايف ممكن الكلام ده يفيده 💌

الفترة اللي بنعدي بيها حاليا هي فرصة عظيمة للتعليم الذاتي ، ومع التوجه لده بيقابلنا كلنا مشاكل كتير زي :

- بتزهق في نص الكورس ومتكملهوش.
- بتبذل في الكورس وقت ومجهود ولكن مستواك مبيتحسنش بالشكل المتوقع.
- بيقابلك مشاكل في نص الكورس بتحبطك إنك تكمل.

ده ألبوم كامل بيعرفك المشاكل اللي ممكن تقابلك في التعليم الذاتي ، وبيساعدك إزاي تقدر تتغلب عليهم وتحدد أكبر إستفادة ممكنة بأقل وقت ومجهود

- ليه فيه كونترا هاي سبيد وكونترا لو سبيد 🙄 ، ما ممكن نقلل ضغط الهواء في الهاي سبيد وتكون سرعتها أقل وتقوم بدور اللو سبيد ؟! 🤔

قبل ما نجاوب على السؤال يا أولادي لازم نشرح نقطتين مهمين أوي 👌

1️⃣ النقطة الأولى : وهي الفرق بين الspeed وال torque :

* الSpeed وهي سرعة الكونترا ، وبتتقاس بأن الكونترا لفت كام مرة في الدقيقة الواحدة (revolution per minute) واختصارها "rpm"

* الtorque معناه العزم ، وهو ممكن نطلق عليه الpower of cutting
كمثال ممكن شخص بالغ وطفل صغير بيزقوا كرسي بنفس السرعة ، طبعا الطفل الصغير أضعف فأقدر أوقف الكرسي بتاعه لكن البالغ أقوى فهوقف الكرسي بصعوبة أكبر
فهم الاتنين نفس السرعة لكن العزم أو الtorque مختلف

2️⃣ النقطة الثانية المهمة : إن في أساس الأمر فيه نوعين من الكونترا : air driven and electrical driven
الفروقات بينهم إن اللي شغاله بضغط الهواء بتدي سرعة أكبر بتعدي نص مليون rpm لكن العزم بتاعها قليل نسبيا ..

بينما الelectric driven بيكون سرعاتها قليلة في حدود ٤٠ الف بس rpm ، ولكن الtorque بتاعها أعلى نسبيا من التانيه
بالإضافة لنقطتين مهمين جدا جدا 🔥 .. أولا إن العزم بتاعها نقدر نتحكم فيه 🧡 وثانيا إن معنديش مشكلة الair empolism في الجراحة (فممكن استعملها في الimplants علشان التورك العالي ومفيش مشكلة الair impolism)

عدت الأيام وبدل ما النوعين اسمهم air driven و electric driven اتسموا بصفات كل نوع اللي هي high and low speed 🤷‍♂️

ففي الDental procedures العادية زي الpolishing مثلا أنت مش محتاج كونترا low speed بالتورك بتاعها ، فممكن عادي تركب الadaptor في اليونيت وعليه اللو سبيد فبكده قللت سرعة الكونترا والتورك واقع في الأرض .. خسرت الاتنين تورك وسرعة

إنما في ال procedures زي الendomotor أو implant placement فأنت محتاج very controlled torque فنلجأ هنا لنوع الelectric driven contra علشان نقدر نتحكم في الtorque بتاعها براحتنا وهنعرف ده البوست الجاي ازاي بتقدر نتحكم في الtorque والسرعة ، وازاي ممكن ال electric driven contra يوصل سرعتها لفوق ال ٢٠٠ الف rpm ... 🔥😉

الملخص :
- اه نقدر نستخدم الكونترا الهاي سبيد بضغط هواء أقل محل الكونترا اللو سبيد في الأمور اللي مش محتاجه تورك عالي ولا سرعة عاليه .. زي ال finishing & ال polishing .
- في الاندو موتور أو الامبلانت احنا بنحتاج تورك عالي وسرعة controlled فعلشان كده بنلجأ لelectric driven contra .
- توصيل الكونترا اللو سبيد باليونيت وتشغليها بالهواء عن طريق الair adaptor بيخليك تخسر التورك بتاعها العالي .

لبوستات ومعلومات أكتر تقدر تبعت كلمة tags في رسالة ويوصلك كل الأخبار والمقالات العلمية أول بأول 💌🔥

تعمل ايه لو الكونترا مبتطلعش مياه؟🤔
في حالة إن الNodule نفسها بتطلع مياه من غير الكونترا ، فالمشكلة ممكن يكون سببها إن الكونترا إتسدت من جوا.
تقدر تجرب حل بسيط جدا ممكن يحل المشكلة.🧐

أي كونترا بيجي معاها Accessory اسمه Cleaning wire ، بيبقى سلك رفيع.
لو مش موجود تقدر تستعمل سلك الأورثو .

بتجيبه وتدخله في :
1) فتحة ال "Water" وفتحة ال "chip air" اللي في الصورة ، اكتر من مرة.
2) فتحة/فتحات ال coolant اللي بيخرج منها المياه عند ال Head .

ولو المشكلة فقط في انسداد مجرى المياه ف ده كفيل ان شاء الله انه يحل المشكلة.👌

واخيرا تقدر تتابعني لمقالات أكتر وعلشان تعرف كل الجديد في مجال طب الأسنان .. وتقدر تبعت كلمة tags في رسالة وتشترك في المجالات اللي مهتم بيها ويوصلك رسائل دايما عنها 💌

هل ممكن سبب مشكلتك في التركيز في ال social media ؟🤔
في كتاب deep work الكاتب بيعرض مشكلة السوشيال ميديا .

في عرضه للفكرة بيقول اننا لما نكون مدمنين سوشيال ميديا بنبقى مستنيين النوتفكيشن اللي جايه .. نخلص من واحدة منبقاش قادرين نستنى التانية .↩
بنفضل في حالة تقرب مستمرة .. في جديد جاي .. واحيانا مبنكتفيش بمجرد انتظار الاشعارات وبنقعد نفتح ونقلب في الفيس والواتس وتويتر .

العادة دي تأثيرها على التركيز ضار جدا .. عشان عقولنا مبنية على اساس ال single-tasking مش ال multi-tasking .. بالتالي لو قاعد بتزاكر وقدامك النت شغال بتفتح كل شوية تشيك عالنوتفكيشن .. التاثير المباشر هو انك هتوقف الشيء اللي مركز عليه كل خمس دقايق او اقل عشان فلان بعتلك حاجة او علان منشنك .
لكن لو الموضوع مكتفي على التأثير ده كان الضرر هيبقى اخف .

الضرر الاكبر بيجي من التأثير غير المباشر .. عقلك بيبقى في حالة تشتيت مستمر DISTRACTED MIND 🙃.. وده بيخلي عملية التركيز في شيء محتاج تشغيل دماغ أصعب بكتير .

بالتالي حتى لو انت مبيطلعش لك notification 🔻الا كل ربع ساعة مثلا .. مجرد ان عقلك متبرمج انه لازم اشوف النوتفكيشن دي يبقى انت في حالة distracted mind وكدا فالشيء اللي المفروض ياخد ساعة هتاخد ٣.. مش عشان بتوقف كل شوية .. لا .. عشان مخك مش بيستفيد كويس من اللي بيزاكره .

بناء على اللي فات ده الكاتب اقترح فكرة جميلة جدا .. معاكسة لطريقة تفكير قديمة هبدء بيها الاول .. الفكرة القديمة هي تحديد عدد ساعات استعمال السوشيال ميديا ..بمعنى انا النهارده هفتح النت من ٩ ل ١٠ ومن كذا ل كذا ومن كذا ل كذا .. بمعنى التركيز على ان يكون وقت النت متحدد.✏📜

لكن الطريقة الجديدة اللي بيقترحها الكاتب هي ان الواحد يركز على فترات الشغل مش فترات النت .. ✨

بمعنى .. انا هشتغل ربع ساعة من غير اي نت ..بعد الربع ساعة هفتح النت خمس دقايق او اي وقت معين .. بس لما احي ازاكر تاني هقول انا مش هفتح النت ل ٢٠ د مثلا ابدا .

اهمية الموضوع ده ان دماغك بتبقى مركزة على الشغل نفسه مش فترات النت .. ده بيقوي الارادة ( اللي زيها زي العضلات ليها حدود وقابلة للتدريب) .

طبعا الموضوع فيه تفصيل اكتر من كدا في الكتاب للطريقة والمشاكل اللي ممكن تتعرض لها .. لكن اهم حاجة تطلع بيها من الكلام ده ان السوشيال ميديا بتخلي الدماغ متشتت حتى لو مش اونلاين .. ولازم تحل المشكلة دي لو عايزه وقت التركيز يكون مفيد فعلا .

واخيرا تقدر تتابعني لمقالات أكتر وعلشان تعرف كل الجديد في مجال طب الأسنان .. وتقدر تبعت كلمة tags في رسالة وتشترك في المجالات اللي مهتم بيها ويوصلك رسائل دايما عنها 💌

دايما في الجامعات بيكون التركيز الأكبر على المحتوى العلمي وكل ما يخص طب الأسنان من الناحية الطبية 🧪.. لكن وقت ما تبدأ تستقل عن الجامعة وتحتك بسوق العمل بتكتشف مهارات كتير أنت مفتقدلها وتعتبر أساسية ليك ⚠️ وبالرغم من كده مبيجيبوش عنها سيرة في كليات الأسنان 🙄 ..

1️⃣ إدارة الأعمال ( Buisness Management ) ..
أغلبية أولادي الدكاترة بيفتح عيادة .. اللي تعتبر كمثابة مشروع صغير ليه ومع الوقت ممكن يكبر ويدخل في حيز المشروعات المتوسطة ويجيب دكاترة تانيه يشتغلوا عنده أو يفتح أكتر من عيادة
كل ده وهو معندهوش أساسيات علوم إدارة المشاريع .. زي ازاي يدير المكان من غير ما يكون موجود ..ازاي يسجل ايراداته وديونه .. ازاي يحسب مكسبه كل شهر .. ازاي يسوق لمشروعه ويحط خطط مستقبلية ليه ويخطط لحملات إعلانية ..

وللأسف الجهل بده بيسبب مشاكل كتير زي القلق المستمر بالأمور المادية وإن بعض الأزمات اللي بيمر بيها مشروعك (عيادتك) ممكن متقدرش تعديها لو متعرفش الاستراتيجيات اللازمة وممكن ده يكون سبب فشل لمشروعك .

2️⃣ ليه ؟ ( ? Why ) ..
دايما في الكليات بيكون التركيز الأكبر على How .. بمعنى ازاي تعمل خطوات معينة أو ازاي تستخدم ماتريال أحدث في السوق .. لكن الاهتمام ب Why مكانش ليه شأن كبير ... ليه بنعمل الخطوات بالترتيب ده .. ليه الsectional matrix بقت أفضل من الtofflemire & ivory بالرغم إن بقالهم سنين كتير بنستخدمهم وما زال !
وفهمك ل Why بيقدر بيحسن من فهمك وتطبيقك للخطوات ويقدر يهيأك لخطوة الأبداع في مجالك وتبتكر خطوات ومهارات أسهل لتطبيق الخطوات المطلوبة .. فدايما أعرف Why مش How فقط .

3️⃣ مهارة قراءة الأبحاث العلمية ( Understanding research ) ..
كلنا في لحظة ما بنظن إن قراءة بحث علمي في مجالنا أمر سهل لمعرفتنا بالمصطلحات الأساسية .. لكن لما تبدأ تقرأ في أول text book ليك بتكتشف عكس ده وإن الموضوع مش بالسهولة المتوقعة .
فمثلا حاليا أبحاث طب الأسنان بتعتمد على evidence-based results فكونك مثلا متعرفش المصطلح أو ازاي بتتم الأبحاث ده وعدم قدرتك على تقييم مدى قوة البحث المنشور فده كلها مهارات تفتقد ليها ولازم تنميها لأن طب الأنسان كل يوم في جديد .

واخيرا تقدر تتابعني لمقالات أكتر وعلشان تعرف كل الجديد في مجال طب الأسنان .. وتقدر تبعت كلمة tags في رسالة وتشترك في المجالات اللي مهتم بيها ويوصلك رسائل دايما عنها 💌

لو لسبب ما يا دكتوري الصغير اضطريت تشتغل في أيام الحجر دي
لازم تعرف ازاي تتحكم وتقلل في كمية الرذاذ اثناء الشغل.💦

الموضوع فيه أساسيات لازم تكون متوفرة عموما 🧱، وTricks مهم تاخد بالك منها اثناء الشغل✨.

🅰🧱الأساسيات هي :
1️⃣تهوية العيادة بشكل مناسب
سواء ب air conditioning او غيره ، عشان تجديد الهوا في العياده

2️⃣تطبيق proper infection control 😷
هأكد بس هنا أهم حاجة عالMask وال face shiled شيء إلزامي

3️⃣تجنب إستعمال الكونترا وال ultrasonic scales تماما على قد ما تقدر.🛠
بديل الكونترا هي ال Atraumatic restorative treatment اللي فيها بنشتغل بالhand instruments بس
اللي ممكن نتكلم عنها مخصوص في بوست قادم ان شاء الله

🅱✨الTRICKS هي بالترتيب:
1️⃣استعمل أقل مياه ممكنه في الكونترا 🚿
في البحث الثاني مكتوب إن:
flow rates of 30 to 50 mL/min are adequate for cooling
ف تقدر تستعمل 30ml/min وهو أقل شيء ممكن ميسببش Iatrogenic thermal damage لل pulp .
وضروري برضه مع كدا تحاول تخلي الpressure بتاع الكونترا خفيف عشان تعوض النقص في الcoolant وتتجنب أكتر الdamage.

إزاي تحدد الكمية دي؟
هتجيب اي كوب بلاستك صغير وتشغل الكونترا فيه لمده 30 ثانية وتشوف هل فيه كمية 15مل ؟ لو اكتر زود ال flow بتاع المياه ، لو أقل العكس.

2️⃣المريض يتمضمض بmouthwash 😚
عشان يقلل ال bacterial load عالاخر لمدة 60 ثانية بيقلل بدرجة كبيرة

3️⃣ال Operator position 🕙
مهم تقعد في الاتجاه الصح بالنسبة للمريض
أكتر مكان أمن هو ال 9oclock ، بينما اخطرهم هو ال 12 oclock ، بفرق كبير جدا ، يوصل لعشر أضعاف في حالات معينة، زي ما مكتوب في البحث التالت في الكومنتات
ووجب التنبيه هنا برضه إن ال 15 Oclock ، مكان ال Assistant هو خطر برضه في بعض الحالات ، فمهم يكون ال assistant محافظ عال infection control هو كمان .

4️⃣استعمال الRubber Dam
وهي مهمة عشان بدل ما الرذاذ اللي بيطلع مصحوب ب saliva ، وبال microogranisms بتاعت البق كله ، هيبقى طالع فقط من السنة اللي شغال عليها والمياه اللي من الكونترا.

5️⃣ال High Volume Suction ، وهي الأهم إطلاقا.🌟🌟
لو مش هتعمل حاجة تانية في البوست ده غير استعمال ال High volume Suction ف ده كافي جدا.
لإنه زي ما مكتوب في البحث الاول:
The use of a high-volume evacuator, or HVE, has been shown to reduce the contamination arising from the operative site by more than 90 percent.
90% ده رقم كبير مهم.

لكن يبقى برضه في trick لازم تاخد بالك منها.
هي إن ال Suction يكون فتحته مقابلة تماما للكونترا او اي مصدر تاني للمياه.
عشان لو محطوط بعيد عنه ، او موازي للكونترا ، ف ده بيدي فرصة للcoolant إنه يخبط في ال tissues ويبعد بعيد عنه .
انما استعمال الsuction أمامه قدر الامكان بيزود فرصة انه يسحب أكبر كمية ممكنة .

وربنا يجنبنا شر أي عدوى ان شاء الله ويحفظنا من كل سوء

آخر الأخبار المحلية لطب الأسنان 🗞️📰

- للحد من الأزمات والتحكم في جشع البعض أعلنت الحكومة بيان بأسعار بيع السلع الآتية سواء للمستهلك أو سعر المصنع للتاجر وأهم ما ذكر فيها الآتي :
١- سعر علبة الماسك أستك أو رباط : ١٠٠ جنيهًا (سعره الحالي ٢٠٠ )
٢- سعر علبة الgloves : ٨٠ جنيها ( سعرها الحالي ١٢٠ - ١٦٠ )
٣- سعر لتر كحول ايثيلي : ٥٥ جنيها ويحذر بيع عبوات تزيد عن ٧٥٠ ملل للأفراد أو تقل عن ٣٠ ملل ، كما يحذر بيع التحزئة للتركيزات أكبر من ٩٠٪ ، ويقتصر بيع كميات ١ لتر بتركيز ٧٠٪ للمستشفيات والهيئات الطبية المعاونة .

وذكر مواد أخرى مهمة لتصنيع الخامات المهمة لمكافحة العدوى كأسعار العبوات البلاستيكية والبخاخات . وعقوبة من ١٠٠ ألف لاثنين مليون لمن يخالف تلك القوانين وقد يتعرض للحبس .

- تستمر أزمة الgloves في الأسواق المصرية حيث يصل متوسط سعر العلبة الlatex ب ١٢٠ جنيها ، وسعر الNetrile ب ١٥٠ جنيهًا ومع ذلك عدم توافرهم بكميات كبيرة تغطي حاجة الأسواق المحلية والعالمية .

- يبدأ الface shield المصنع محليا في إرتفاع سعره حيث يندر الآن وجوده في المحلات بعدما كانت متوفر وبسعر مناسب ، سعره الآن تقريبا ٥٠ جنيها بعدما كان ب ٢٠ جنيهًا .

لمزيد من الأخبار والمقالات العلمية الرجاء إرسال كلمة tags حتى يصلك كل ما هو جديد 💌

تابع اخر العروض الأسبوعية من الشركات 💌
** شحن لأى مكان لحد باب البيت بحد أقصى مصاريف شحن 40 ج **
للأستفسار يرجى إرسال رسالة بكلمة Offers

ولمتابعة جميع العروض في السوق لحظو توفرها يرجى ارسال رسالة بكلمة tags 🔥

كتير من أولادي الدكاترة بيسألوني يعملوا ايه لو حصل saliva contamination أثناء ال bonding 🤔

والله لو ال contamination حصل قبل ما تحط ال bond فببساطة هتعمل rinsing بعدين etching تاني وتكمل بقية الخطوات عادي جدا 😏

إنما مشكلتك لو الcontamination حصل بعد الbonding , وقتها تجيب كشكولك وتكتب ورايا بقى 😌

خلونا يا أولادي نستعرض الخيارات المتاحة مترتبين من الأسهل للأصعب :

0️⃣ نكمل شغل بالكمبوزيت عادي .
1️⃣ نعمل rinsing ثم drying ونحط كومبوزيت بعدها.
2️⃣ نعمل rinsing ثم drying ونضيف طبقة Adhesive تانية .
3️⃣ نحط etch ونغسله وبعدين Adhesive تاني .
4️⃣نشيل ال layer الأولى ونعيد من الاول خالص etching ونكمل .

قبل ما نتكلم يا حبايبي عن كل واحد من الحلول ده ، تعالوا نسأل سؤالين :

أولا : ايه مشكلتنا مع ال contamination ؟🧐

الcontamination هيخلي المياه اللي في ال saliva هتبقى فوق ال adhesive layer 💧
ولو خليناها ، هتفضل بين الكمبوزيت والبوند وده غلط ، هيقللي ال Bond strength بشكل كبيــر جدا
علشان هيحصل degradation لل interface بين الكمبوزيت والبوند. وبعدين ترجع تسألني باستغراب هي الrestoration فشلت ليه 🙄

غير كده ، الطبيعي اننا بعد ما بنعمل curing لل bond layer بيبقى ال surface فيه oxygen inhibted layer
ال layer دي مهمة عشان معنى انها inhibted إنها فيها resin monomers منشفش لسه .
وال resin monomers دول يقدروا يمسكوا في اخواتهم الموجودين في الكومبوزيت لما يتحط .

لكن ما دام حصل contamination وفيه مياه موجوده
فبنضطر نعمل rinsing and drying ، عشان نخلص من أي مياه زي ما قلنا في النقطة الأولى
بالتالي ال Oxygen inhibited layer دي بتطير ، وده برضه بيضعف ال bond ، صحيح مش زي ال water بس ليه تأثير 😒

ثاني سؤال مهم قبل ما نتكلم في الحلول هو : لو محصلش contamination قوة ال bond هتبقى قد ايه؟ 👀

حسب أولادي اللي هتلاقوا أسمهم في المصدر فالعينات والتجارب اللي عملوها طلعت لهم ب 10.61 Mpa
والقيمة دي اختلفت حسب الDecontamination Tech اللي استعملوه

خلونا بقى نتكلم عن الحلول الممكنة وعيوب ومميزات كل حل ... وهنا بقى تركزوا معايا جدا يا أولاد👌 :

0️⃣ نكمل شغل بالكمبوزيت عادي .

ده طبعا خيار مرفوض للأسباب اللي فاتت.

1️⃣ نغسل وننشف بس ونكمل كمبوزيت .

أقل خيار متاح ، فحسب البحث الأول في أول comment فالمتوقع ان ال SBS (Shear Bond Strength) تبقى تقريبا 8.84 MPa
وده رقم شبه درجاتكم في الإمتحانات للأسف فلا يصح إنه نمشي بيه الpatient .. فالحل ده كمان مرفوض 😏

2️⃣نغسل وننشف ونحط طبقة adhesive تانية .

حل أحسن بكتير ، البحث بيفسر تأثير الطبقة الزيادة بإن لما احنا غسلنا ونشفنا اتشال معانا ال oxygen inhibitng layer
وده قلل ال adhesive layer thickness فلما نحط طبقة زيادة بنعوض النقص ده ونزود الstrength

شخصيا لا أراه تفسير منطقي عشان سمك ال oxygen inhibited layer بيكون بالنانومتر بينما الAdhesive layer بالمايكرومتر فالتأثير مش كبير.
لكن يظل ده حل صحيح جدا لانه بيرجع قوة ال bond لزي ما كانت
وقيمة القياسات اللي طلع بيها البحث كانت تساوي 10.80 MPa

3️⃣ نعمل Etching ونغسل وننشف ونحط طبقة Adhesive .

وده أفضل حل تماما يا أولادي ، كانت النتيجة 16.22 MPa .. أعلى من لو محصلش contamination أساسا 😃

البحث بيذكر ان في بحث آخر كان تم بيقول ان عملية ال Etching نفسها بتزود من ال Bond Strength
وحطتلكم لينك البحث ده في أول كومنت علشان لو حد حابب يتطلع عليه

⁦4️⃣⁩ نشيل ال layer ونعيد من الأول خالص .

وده حل غير مرغوب فيه عشان ال damage الزيادة اللي هيحصل للسنة واننا هنشيل tooth structure أكتر . ونرجع ننهار لما نعمل perforation ونشك في قدراتنا

فما دام في حل conservative أكتر نمشي عليه

وطبعا يظل أحسن حل هو الوقاية ( proper isolation ) 😊

لو حابب تشترك ويوصلك كل البوستات الجديدة زي ده ابعتلي رسالة مكتوب فيها tags 💌

لايت كيور Premium Plus واحد من أقرب الأجهزة لقلبي لمميزاته اللي مش موجودة في أجهزة تانيه كتير ... خليني أكلمك عنه شوية يا أبني 😌

الجهاز صناعة أمريكي من شركة PremiumPlusuk

- Intensity : 1200- 2500 mW/cm
وده رقم عظيم فمهما الجهاز قلت شدته مع الاستخدام فهتقدر تستعمله لفترة طويلة .

- كواليتي الجهاز من حيث الماتريال كويس جدا .. خامات تصنيع وتقفيل فوق الممتاز 👌​

الجهاز فيه كذا mode of curing : واللي هنشرحهم بالتفصيل في بوست مستقبلا فاتأكد إنك متابعني 😉

- Tack – 2,000 mW/cm2 for 1 second ±10%
- Turbo – 2,500 mW/cm2 for 3 seconds ± 10%
- 3′ + 3′ – 2,000 mW/cm2 for 3 + 3 seconds ±10% (with 1 second blink in between)
- 6′ + 6′ – 1,500 mW/cm2 for 6 + 6 seconds ±10% (with 1 second blink in between)
- Full – 1,200 mW/cm2 for 5, 10, 15, 20 seconds ± 10%
- Ramp – 1st five seconds from 0 – 1,200 mW/cm2, next 5, 10 ,15, 20 seconds 1,200 mW/cm2 ± 10%
- Soft Cure – 1st five seconds from 0 – 900 mW/cm2, next 5, 10, 15, 20, 25 seconds 900 mW/cm2 ± 10

- بييجي مع الجهاز سينسور لقياس شدة اضاءته ودقته ممكن نديها 8/10

- ضمان الجهاز سنتين

- سعر الجهاز بيتراوح بين 2450 - 3450 حسب موديل كل جهاز زي ما موضح في الصورة اللي في أول كومنت بالtecnical data لكل نوع 👌

لو حابب تعرف أنواع اللايت كيور التانية الموجودة في السوق ابعتلي رسالة مكتوب فيها Light Cure

ولو حابب تشترك يوصلك رسايل باخر الأجهزة في السوق ومقالات علمية وأهم الtechiniques فابعتلي رسالة مكتوب فيها tags 💌