Sharing - General knowledge

Google သုံးတတ်ရင် တော်ရုံကတော့ အေးဆေးပဲနော်
လေ့လာကြည့်ကြပါဦး

ပြည်တွင်းရှိ ကျောင်းသားများအတွက် Google သည် မရှိမဖြစ် အရာတစ်ခုဟုသာ အဓိပ္ပာယ် ဖွင့်ဆိုရမည် ဖြစ်သည်။
သို့သော်လည်း ကျောင်းသားအများစုက မည်သို့အသုံးပြုရမည်ကို သေချာစွာ သိရှိခြင်း မရှိသေးပေ။ မိမိရှာဖွေလိုသည့်
အကြောင်းအရာ၊ အချက်အလက်များကို တိကျစွာရှာဖွေခြင်း၊ သိမ်းဆည်းမှတ်တမ်းတင်ခြင်းတို့ကို သေချာစွာ မသိရှိခြင်းကြောင့်
အချိန်ကုန်၊ လူပင်ပန်း၊ ငွေကုန်ကြေးကျ များရသည့် အဖြစ်မျိုးနှင့်လည်း ကြုံနေရသည်။ ယင်းကဲ့သို့ အခြေအနေများရှိသည့်
အတွက် ပြည်တွင်းရှိ ကျောင်းသားတိုင်းအတွက် Google အသုံးပြုနည်း လမ်းညွှန်အနေနှင့် အချက်အလက်များ ရှာဖွေခြင်း၊
သိမ်းဆည်းမှတ်တမ်းတင်ခြင်းတို့အတွက် နည်းလမ်းများကို စုစည်းဖော်ပြပေးအပ်ပါသည်။

Google Web Search (Tips and Tricks)

၁။ စာအုပ်တစ်အုပ်ကို pdf file format နှင့် ရှာဖွေလိုပါက filetype:pdf ဟု ထည့်သွင်းရေးသားပြီး ရှာဖွေနိုင်မည် ဖြစ်သည်။
ဥပမာ ။ ။ electronics filetype:pdf

၂။ အချို့စကားလုံးများကို မိမိရှာဖွေသည့် အဖြေရလဒ်အတွင်း ထည့်သွင်းမဖော်ပြစေလိုပါက ” – ” ( အနုတ်လက္ခဏာ) ခံပြီး ရှာဖွေနိုင်မည် ဖြစ်သည်။
ဥပမာ။ restaurant -japan (Japan စားသောက်ဆိုင်မရှာရန် လုပ်ဆောင်ခြင်း ဖြစ်သည်။)

၃။ တစ်မျိုးမဟုတ်တစ်မျိုး တစ်ခုခုကို ရှာဖွေမှုရလဒ်မှာ ထည့်သွင်းဖော်ပြစေလိုပါက ‘OR’ ခံပြီး ရှာဖွေနိုင်မည် ဖြစ်သည်။
ဥပမာ။ Drone OR UAV

၄။ Google တွင် အင်္ဂလိပ်ဘာသာမှ အင်္ဂလိပ်ဘာသာ အဓိပ္ပာယ် ဖွင့်ဆိုချက်ကို ရှာဖွေလိုပါက "Define" ကို အသုံးပြုနိုင်မည် ဖြစ်သည်။ ဥပမာ။ define Drone

၅။ ကိုယ်ရှာဖွေလိုတဲ့ အကြောင်းအရာရဲ့ စာလုံးပေါင်းကို မသိဘူးဆိုရင် "*" ကို အသုံးပြုပြီး ရှာဖွေနိုင်မည် ဖြစ်သည်။
ဥပမာ။ electroni*s

၆။ ရှာဖွေမှုရလဒ်မှာ ကိုယ်ရှာချင်တာကို ရေးထားတဲ့အတိုင်း အတိအကျရှာဖွေဖို့အတွက် ဆိုရင်တော့ " " ကို အသုံးပြုပြီး ရှာဖွေနိုင်မည် ဖြစ်သည်။
ဥပမာ။ “I am student”

၇။ Google မှာ Graph ရေးဆွဲလိုပါက ကိုယ်ရေးဆွဲမည့် Graph ၏ ညီမျှခြင်းကို ရိုက်ထည့်ပြီး လုပ်ဆောင်နိုင်မှာ ဖြစ်သည်။
ဥပမာ။ y=x^2+6x+9

၈။ Website တစ်ခုကနေ မိမိရှာဖွေလိုတာကို Google အသုံးပြုပြီး ရှာဖွေဖို့ဆိုရင် site:easy devboards.com Bluetooth ဟု ရိုက်ထည့်ပြီး ရှာဖွေနိုင်မည် ဖြစ်သည်။

၉။ အင်တာနက် ဆက်သွယ်မှု မရှိစဉ် ယခင်ရှာဖွေထားသည့် ရှိပြီး Cache များကို ပြန်လည်ကြည့်ရှုလိုပါက cache: ကို ခံပြီးရှာဖွေနိုင်မည် ဖြစ်ပါသည်။
ဥပမာ။ cache:easydevboards.com

Advanced Google Web Search

ရှာဖွေခြင်းနှင့် ပတ်သက်သည့် အချက်အလက်များ နောက်ထပ်မံပြီး Webpage များတွင် ရှာဖွေခြင်းနှင့် ပတ်သက်သည့်
အချက်အလက်များကို သိရှိထားရန် လိုအပ်ပေသည်။
• စကားလုံးတိုင်းသည် ရှာဖွေမှုတိုင်းတွင် အရေးပါသည်ကို သတိပြုပါ။ who, the who, a who သုံးမျိုးကို ရှာဖွေကြည့်ပါက
ရှာဖွေမှုရလဒ် မတူညီသည်ကို တွေ့မြင်ရမည် ဖြစ်ပါသည်။
• အကြောင်းအရာများကို ရှာဖွေရာတွင် စကားလုံး ရှေ့နောက်အထားအသိုသည်လည်း မှန်ကန်ရန် လိုအပ်ပါသည်။
ဥပမာအားဖြင့် blue sky, sky blue အထားအသို နှစ်ခုအပေါ်တွင် ရှာဖွေမှုရလဒ် မတူညီသည်ကို တွေ့မြင်နိုင်မည် ဖြစ်သည်။
• မိမိရှာဖွေလိုသည့် စကားလုံးများကို စာလုံးအကြီးဖြင့်ဖြစ်စေ၊ စာလုံးအသေးဖြင့်ဖြစ်စေ ရေးသားနိုင်ပါသည်။ ရလဒ်ကွဲပြားမှု မရှိနိုင်ပါ။
•comma (,) ကဲ့သို့သော စာလုံးများကို မည်သို့ပင် ထည့်သွင်းစေကာမူ အရေးမကြီးလှပေ။
• သို့သော် အချို့သော C #, C++, Google+ စသည်ဖြင့် Programming language အမည်များ နောက်တွင် တွဲလျက်ပါသည့်
# သို့မဟုတ် + စသည်တို့မှာ အရေးပါသည်ကို သတိပြုရန် လိုအပ်ပေသည်။
ရံဖန်ရံခါ မိမိရှာဖွေသည့် အချက်အလက်များကို မတွေ့ဘဲ လည်နေခြင်းမျိုး ကြုံလာပါက Keyword လွဲမှားခြင်းကြောင့် ဖြစ်နိုင်ပါသည်။ Keyword ကို ပြောင်းလဲရှာဖွေ ကြည့်နိုင်ပါသည်။
ရှာဖွေမှုရလဒ်များ
တစ်စုံတစ်ခုကို ရှာဖွေမည်ဆိုပါက ကြော်ငြာများကိုလည်း ရလဒ်များတွင် ထည့်သွင်းဖော်ပြထားသည်ကို တွေ့မြင်ရမည် ဖြစ်သည်။
အဓိက မိမိရှာဖွေသည့် ရလဒ်အဖြေကိုသာ တိုက်ရိုက်ဖတ်ရှုဖို့ လိုအပ်မည် ဖြစ်ပါသည်။ Search Bar ၏ အောက်ဘက်ရှိ Filter တွင်
Web, image, maps, shopping စသည်ဖြင့် မိမိလိုအပ်သည့်အရာကို ရွေးချယ်နိုင်ပါသည်။ ပုံများကိုသာ ရှာဖွေလိုပါက image ကို
ရွေးချယ်နိုင်ပါသည်။ ရှာဖွေသည့် စကားလုံးကလည်း အတိအကျရှိမည်၊ Google ဘက်ကလည်း ရလဒ်ရှိမည် ဆိုပါက Knowledge
အနေနှင့် ဘေးဘက်တွင် သီးခြားပြသထားခြင်းမျိုးလည်း ရှိပါသည်။ အထူးသဖြင့် နေရာများကို ရှာဖွေရာတွင် သီးခြားပြသမှုများကို
မြင်တွေ့ဖတ်ရှုနိုင်မည် ဖြစ်ပါသည်။

Advanced Searching

Advanced Searching ကို နည်းလမ်းနှစ်မျိုးဖြင့် အသုံးပြုနိုင်မည် ဖြစ်သည်။

၁။ Advanced Search page ဒီနေရာမှာ ပုံတွေကို ရှာဖွေဖို့ လိုအပ်တယ် ဆိုရင်တော့ https://www.google.com/advanced_image_search တွင် ရှာဖွေနိုင်မည် ဖြစ်ပြီး၊ Website တွေကို ရှာဖွေဖို့ လိုအပ်တယ် ဆိုရင်တော့ https://www.google.com/advanced_search တွင် ရှာဖွေနိုင်မည် ဖြစ်ပါသည်။

၂။ ဒုတိယ နည်းလမ်းတစ်ခု အနေနှင့် Operator များကို အသုံးပြုပြီးလည်း ရှာဖွေနိုင်မည် ဖြစ်ပါသည်။ Operator List များကို https://support.google.com/websearch/answer/2466433 ဤလင့်ခ်တွင် ကြည့်ရှုနိုင်မည် ဖြစ်ပြီး Operator များ အကြောင်းကို အထက်တွင် Tips and Tricks အနေနှင့် ဖော်ပြပြီး ဖြစ်ပါသည်။

စာအုပ်များ ရှာဖွေခြင်း မိမိဖတ်ရှုလိုတဲ့ စာအုပ်တွေကို ရှာဖွေမည် ဆိုပါက Google Book မှတစ်ဆင့် ရှာဖွေပါက အဆင်ပြေနိုင်မည် ဖြစ်ပါသည်။ ယင်းအပြင် Google Book တွင် စာအုပ်တစ်အုပ်လုံးကို မဟုတ်သော်လည်း အချို့အစိတ်အပိုင်းများကို နမူနာဖတ်ရှုခွင့် ပေးထားသည့်အတွက် စာအုပ်ရှာဖွေ ဒေါင်းလုပ်ရယူမည့်သူများ အတွက် အထူးပင် အဆင်ပြေစေနိုင်မည် ဖြစ်ပါသည်။
https://books.google.com/ တွင် စာအုပ်များကို ရှာဖွေနိုင်မည် ဖြစ်ပါသည်။
နမူနာအနေနှင့် Wireless Communication နှင့် ပတ်သက်သည့် စာအုပ်စာတန်းများ ရှာဖွေလိုပါက အထက်ပါလင့်ခ်တွင် Wireless
Communication ဟု ရိုက်ထည့်ပြီး ရှာဖွေပါက စာအုပ်စာတမ်းများ ကျလာမည် ဖြစ်သည်။ ယင်းစာအုပ်များ၏ လင့်ခ်တွင်
“https://books.google.com/books?isbn=_______” ဟု ဖော်ပြထားမည် ဖြစ်သည်။ ယင်းကွက်လပ်နေရာတွင် ဂဏန်းများပါရှိမည် ဖြစ်ပြီး
ယင်းနံပါတ်များသည် အပြည်ပြည်ဆိုင်ရာသုံး စာအုပ်နံပါတ် (ISBN) ဖြစ်သည်။
အကယ်၍ မိတ်ဆွေ၊ သူငယ်ချင်းများက စာအုပ်တစ်အုပ်ကို ညွှန်းပါက ISBN ကို ကွက်လပ်နေရာမှာ ရိုက်ထည့်ပြီး အလွယ်တကူ
ရှာဖွေနိုင်မည် ဖြစ်ပါသည်။

ISBNနံပါတ်တွေကို စာအုပ်တွေရဲ့ ရှေ့ဆုံးစာ မျက်နှာမှာလည်း တွေ့မြင်နိုင်မည် ဖြစ်ပါသည်။
စာအုပ်များကို ဖတ်ရှုပြီးပါကလည်း စာအုပ်ကို မိမိ Library တွင် သိမ်းဆည်းထားနိုင်မည် ဖြစ်သည်။ Google Account လိုအပ်မည်
ဖြစ်သော်လည်း ကျောင်းသားအများစုက gmail အသုံးပြုတာကြောင့် Google Account ရှိပြီး ဖြစ်ပေလိမ့်မည်။

Library အတွင်း သိမ်းဆည်းထားခြင်းဖြင့် မိမိဖတ်ရှုပြီး စာအုပ်များကို မှတ်သားထားနိုင်ပြီး ဖတ်ရှုရန် လိုအပ်သည့် စာအုပ်များကိုလည်း အ
လွယ်တကူ ကြည့်ရှုနိုင်မည် ဖြစ်ပါသည်။

အထက်ပါအချက်များကို Google မှာ လေ့လာရှာဖွေမည့် ကျောင်းသူ/သားများအတွက် အထောက်အကူဖြစ်ရန်အတွက် အသုံးများသောအချက်များကို
ဖော်ပြလိုက်ရပါသည်။ တကယ်တော့ Google SE ကသင်တို့ထင်တာထက် အများကြီးကျယ်ပြန့်ပါတယ်။

...Phone Yan Soe Moe
- General Knowledge

သင်ဖုန်းကိုင်တဲ့ပုံစံက သင့်အကျင့်စရိုက်ကို ဖော်ပြနေတယ်ဆိုတာ သိပါသလား။
(A B C D မန့်မှာရေးသွားကြည့်ပါဦး ကိုယ်နဲ့တူတာဘယ်သူတွေရှိလဲသိရအောင်)...

▪️𝗔
(လက်တစ်ဖက်တည်းဖြင့် ကိုင်ပြီး လက်မဖြင့်နှိပ်သူ)

ခန့်မှန်းရခက်ပါတယ်။ အာရုံခံစားမှုအား ကောင်းပါတယ်။ ပြိုင်ဖက်ကင်း sexy ကျပါတယ်။ အမှတ်သညာ ကြီးပါတယ်။ မိမိကြိုက်နှစ်သက်ရာကို စွန့်လွှတ်ဖို့ ခက်ခဲပါတယ်။ လျှို့ဝှက်တတ်ပါတယ်။ အလုပ်အလွန် ကြိုးစားပါတယ်။ အလုပ်ကို လေးစားတတ်ပါတယ်။ အိုင်ဒီယာ ကောင်းပါတယ်။ ချက်ဆိုနားခွက်က မီးတောက်ပါတယ်။ မိတ်ဆွေအပေါင်းအသင်း များပါတယ်။ တီထွင်ဆန်းသစ်မှု ကောင်းပါတယ်။ ညှို့ဓာတ်ပြင်းပါတယ်။

အတွင်းစိတ်
-------------------
သင်ဟာ အမှန်တကယ်ဆိုရင် အလွယ်တကူ လိုက်လျောတတ်သူတစ်ယောက် မဟုတ်ပါဘူး။ ဘယ်သူက သင့်အပေါ် အမှန်တကယ်ကောင်းတယ် မကောင်းဘူးဆိုတာ အသေအချာသိပါတယ်။ ကောင်းမွန်စွာ ထိန်းချုပ်တတ်ပြီး အချစ်နှင့်အမုန်း သေသေချာချာ ကွဲကွဲပြားပြား သိသူပါ။ အခြားသူက သင့်အပေါ်မှာ တရားလွန်မလုပ်ရင် သင်ဘက်က အမောက်ထောင်ပြမှာ မဟုတ်ပါဘူး။ တစ်ခါတရံမှာ တစ်ပါးသူအပေါ် အမှီပြုချင်ရင်လည်း သင့်ဘက်ကနေ ဟန်ဆောင်နေမှာလည်း မဟုတ်ပါဘူး။ တစ်ခါတစ်လေ နှုတ်မြန်တတ်ပြီး စိတ်ထဲမှာမပါပဲ ပြောလိုက်မိတတ်ပါတယ်။ သင့်စိတ်ထဲမှာ ကမ္ဘာကြီးကို ငြိမ်းချမ်းစေလိုပြီး လူတွေကိုလည်း စိတ်ချမ်းမြေ့စေလိုပါတယ်။

အချစ်စိတ်
-----------------
သင်အခြားလူအပေါ် ယုံကြည်မိပြီဆိုရင် အဲ့ဒီလူအပေါ်ကို အပြစ်မမြင်တတ်ပါဘူး။ သင့်ကိုယ်သင်လည်း အရမ်းကို ကာကွယ်တတ်တဲ့သူပါ။ တစ်ခါခံစားရဖူးပါက နောက်တစ်ကြိမ်ဒီလို ထပ်ဖြစ်မှာကို မလိုလားသလို မဖြစ်အောင်လည်း ကြိုတင်ကာကွယ်လေ့ ရှိပါတယ်။ နောက်တစ်ကြိမ် ယုံကြည်ဖို့လည်း ခက်ခဲသွားပါတယ်။ အချစ်ကိုတန်ဖိုးထားပြီး မိမိချစ်တဲ့သူအတွက် တစ်သက်လုံး အနစ်နာခံ ချစ်တတ်ပါတယ်။
...

▪️𝗕
(ဘယ်ဘက်လက်မှ ဖုန်းကိုကိုင်ထားပြီး ညာဘက်လက်မှ လက်မဖြင့် အသုံးပြုသူ)

ခံစားမှုပြင်းထန်သူဖြစ်ပါတယ်။ စိတ်ကူးယဉ်တတ်သူတစ်ဦး ဖြစ်ပါတယ်။ အာရုံခံစားမှုအား ကောင်းပါတယ်။ အခြားသူများကို ကူညီတတ်ပါတယ်။ လုံခြုံမှု အားနည်းပါတယ်။ ကိုယ်ချင်းစာစိတ် အလွန်ကြီးပါတယ်။ လှိုက်လှိုက်လှဲလှဲ ရှိပါတယ်။ အသေးစိတ် လေ့လာမှု အားနည်းပါတယ်။ စိတ်လောသူတစ်ဦးလည်း ဖြစ်ပါတယ်။ အတွေ့အကြုံ ကြွယ်၀ပါတယ်။ သိလိုစိတ်အား ကြီးပါတယ်။ စွန့်စားရတာကိုနှစ်သက်ပါတယ်။ ကလေးဆန်ပါတယ်။ ကိုယ်ကိုယ်ကို ယုံကြည်မှုအား ကြီးပါတယ်။

အတွင်းစိတ်
-------------------
ကာကွယ်ခံရတာကိုနှစ်သက်ပါတယ်။ ကိုယ့်အပေါ် စိတ်ရင်းမှန်နဲ့ ဆက်ဆံသူကို လိုချင်တတ်ပါတယ်။ တစ်ခါတစ်လေမှာ သင်ကသိပ်ကို သဘောကောင်းလွန်းအားကြီးလို့ အခြားသူများရဲ့ အသုံးချမှုကို ခံရတတ်ပါတယ်။ ဒါပေမယ့် အချစ် နဲ့ အမုန်းကိုတော့ သေချာခွဲခြားသိပြီး ခံစားချက်အတိုင်း တုန့်ပြန်တတ်ပါတယ်။

အချစ်စိတ်
-----------------
သင်ကစိတ်ထဲမှာ ရှိတဲ့အတိုင်း ထုတ်ဖော်မှုအပိုင်းမှာ အားနည်းတတ်ပါတယ်။ စိတ်ထဲမှာ ကြိုက်နှစ်သက်သော်လည်း အခြားသူက မိမိကြိုက်နှစ်သက်နေတယ် ဆိုတာကို ခံစားလို့မရနိုင် ဖြစ်တတ်ပါတယ်။ သင်က မရိုးမသား လုပ်တာ မဟုတ်သော်လည်း တကယ်ဖော်ပြနိုင်စွမ်းကတော့ အားနည်းတယ်လို့ပဲ ဆိုပါရစေ။ တစ်ခါတစ်ရံ စိတ်အတွင်း ခံစားချက်ကို ထုတ်ဖော်လေ့ မရှိပဲ သိမ်းထားတတ်ပါတယ်။ ဒေါသ မရှိတာတော့မဟုတ်ပဲ အချစ်ကြောင့် မိမိစိတ်ကို ချိုးနှိမ်ထားတတ်ပါတယ်။ သင်က အခြားသူ အပေါ်မှာ ကောင်းတာ အကျင့်ဖြစ်နေတော့ တကိုယ်ကောင်းဆန်တယ်ဆိုတာ ဘာလဲဆိုတာတောင် မေ့နေသူပါ။
...

▪️𝗖
(လက်နှစ်ဖက်ဖြင့် ဖုန်းကိုင်ပြီး လက်မဖြင့်ဖုန်းကို အသုံးပြုသူ)

တီထွင်မှုစွမ်းအားကြီးမားပါတယ်။ စွဲဆောင်မှုကောင်းပြီး အပေါင်းအသင်းများပါတယ်။ သဘောထားကြီးပါတယ်။ သင်ယူတာလည်း မြန်ဆန်ပါတယ်။ မိမိကိုယ်ကိုယ် ယုံကြည်မှုရှိခြင်းဟာလည်း သူ့ရဲ့တစ်ခုတည်းသော စန်းလို့လည်း ပြောနိုင်ပါတယ်။ မာနကြီးသူ တစ်ဦးလည်း ဖြစ်ပါတယ်။ အလုပ်အပေါ်တန်ဖိုးထားပြီး အလုပ်ကိုသေချုာ ဇောက်ချလုပ်တတ်ပါတယ်။ ဘ၀ရည်မှန်းချက် ကြီးသူတစ်ဦးလည်း ဖြစ်ပါတယ်။

အတွင်းစိတ်
-------------------
အတွင်းစိတ်က အရမ်းကိုပျော့ညံ့ပါတယ်။ တစ်ခါတစ်ရံ လုပ်ချင်သော်လည်း စိုးရိမ်စိတ် လွန်ကဲတတ်ပါတယ်။ ရည်မှန်းချက် ကြီးမားသော်လည်း ကျရှုံးမှာကို အလွန်စိုးရိမ်သူပါ။ ဘေးနားမှာ နားလည်တတ်ပြီး အားပေးမည့် သူတစ်ယောက် အမြဲလိုအပ်ပါတယ်။ သင်လိုချင်တာက အမှန်တကယ်ဆိုရင် အများကြီး မဟုတ်ပါဘူး။ သင့်ကို နားလည်ပေးမယ့်သူတစ်ယောက် ရှိနေချင်တာပါ။ အမှန်တကယ်က မိမိကိုနားလည်ပေးပြီး မိမိလုပ်ချင်တာကို အားပေးမယ့်သူတစ်ယောက်ရှိရင် သင့်ဘ၀ကပြည့်စုံပါပြီ။

အချစ်စိတ်
-----------------
အစဉ်းစားလွန်တတ်ပါတယ်။ အရင်ကဇာတ်လမ်းလိုမျိုး ပြန်လည် ခံစားရမှာမျိုးကို ကြောက်ရွံတတ်ပါတယ်။ကိုယ့်ကို ဂရုစိုက်မယ့်သူ ရှိတာတောင် တစ်ခါတစ်ရံမှာ တွေဝေနေတတ်ပါတယ်။ အရမ်းချစ်တတ်တဲ့အတွက်လည်း ချစ်သူမုန်းတီးသွားမှာကို အင်မတန် စိုးရိမ်တတ်သူတွေပါ။ ဒါကြောင့် ချစ်သူတွေ အနိုင်ကျင့်တာ ခံရတတ်ပြီး မိမိကတော့ ဘာမှမဖြစ်သလို ဟန်ဆောင်နေတတ်ပါတယ်။ တစ်ယောက်တည်း နေရမှာကို ကြောက်တဲ့အတွက် ကိုယ့်ဘက်ကတော့ အမြဲအလျော့ပေးနေရတယ်လို့ပဲ ဆိုချင်ပါတယ်။
...

▪️𝗗
(ဖုန်းကိုလက်တစ်ဖက်က ကိုင်ထားပြီး အခြားတစ်ဖက်က လက်ညှိုးကိုအသုံးပြုကာ ဖုန်းသုံးတတ်သူ)

ဥာဏ်ထက်မြက်ပါတယ်။ တီထွင်လိုစိတ်ကြီးမားပါတယ်။ ခံစားချက်အတိုင်း ဖော်ပြတတ်ပါတယ်။ စကားကြွယ်၀သူ တစ်ဦးလည်းဖြစ်ပါတယ်။ တုန့်ပြန်မှုမြန်ဆန်ပါတယ်။ အလှအပနှင့် အနုပညာအပေါ် စိတ်၀င်စားသူလည်း ဖြစ်ပါတယ်။ အခြားသူများကို နားလည်တတ်ပြီး တစ်ခါတစ်ရံ အခြားသူများ၏ ခံစားချက်ကို ဂရုစိုက်လွန်းတတ်ပါတယ်။

အတွင်းစိတ်
-------------------
သင်ဟာတစ်ခါတစ်ရံမှာ တိတ်တဆိတ် နေတတ်ပါတယ်။ ဒါဟာအမှန်ဆို သင့်ရဲ့နွေးထွေးသော အပြုအမူတစ်ခုပါ။ အခြားသူများ ကိုယ့်အတွက် ဒဏ်ရာရမှာ စိုးတဲ့အတွက် ကိုယ်ပဲအနစ်နာခံလိုက်တဲ့ သဘောပါ။ သင့်ကိုကြည့်ရတာ နားလည်ရခက်ခဲမယ်လို့ ထင်ရသော်လည်း သင်က အမှန်တကယ်ဆို နားလည်ရခက်တဲ့လူ တစ်ဦးတော့ မဟုတ်ပါဘူး။ တစ်ခါတစ်ရံမှာ တုန့်ပြန်မှု မြန်လွန်းတာကြောင့် အခြားသူများကိုတော့ စိတ်ထိခိုက်မှု ဖြစ်စေနိုင်ပါတယ်။ သင့်အိပ်မက်ကတော့ သင့်ကို နားလည်ပေးမယ့်သူတစ်ဦး ရှိနေဖို့အတွက်ပါပဲ။

အချစ်စိတ်
-----------------
သင်က ငြိမ်သက်တဲ့အချစ် အေးချမ်းတဲ့အချစ်ကိုပဲလိုချင်သူ တစ်ဦးဖြစ်ပါတယ်။ သွားနေကျ နေရာတစ်ခုဟာ သင့်အတွက်တော့ စိတ်ပျော်ရွှင်မှု ပေးနိုင်တဲ့ အကောင်းဆုံးနေရာပါပဲ။ သင့်ရဲ့ အားနည်းချက်ကတော့ စိတ်ပျော့တာပဲ ဖြစ်ပါတယ်။ ကိုယ့်ကို ဘယ်လောက်ထိ ထိခိုက်စော်ကားခဲ့သူ ဖြစ်ပါစေ သူ့ဘက်က ခေါင်းလေးငုံ့ပြီး တောင်းပန်လိုက်ရင် ချက်ခြင်း ကျေအေးပေးတတ်ပါတယ်။ ကိုယ်ချစ်တဲ့သူတွေ ကိုယ့်သူငယ်ချင်းတွေ မျက်ရည်ကျတာကို လုံး၀မကြည့်ရက်တဲ့သူပါ။ သူတို့ကပဲ ကိုယ့်ကို မျက်ရည်နဲ့ အနိုင်ယူသွားမှာပါပဲ။
...

#𝘾𝙧𝙚𝙙𝙞𝙩 𝙩𝙤 𝙊𝙧𝙞𝙜𝙞𝙣𝙖𝙡 𝙐𝙥𝙡𝙤𝙖𝙙𝙚𝙧
- General Knowledge

ရှားစောင်းလက်ပပ်..........................
(ဆေးဖက်ဝင်)

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

ရှားစောင်းလက်ပပ်အပင်ကို ဟိုးအရင်နှစ်ပေါင်းထောင်ကျော်ကတည်းက ဆေးဖက်ဝင်အပင်အနေနဲ့ အသုံးပြုခဲ့တာ ဖြစ်ပါတယ်။ စိုက်ပျိုးရတာလည်း အလုပ်မရှုပ်သလို နေရာလည်းသိပ်မယူတဲ့ ရှားစောင်းလက်ပပ်ပင်တွေကို လူအတော်များများကတော့ အရေပြားအလှအပအတွက်ပဲ အသုံးပြုနေကြတာကို တွေ့ရတာမို့ တခြားအသုံးပြုနိုင်တဲ့ နေရာတွေကိုလည်း ပြောပြပေးချင်ပါတယ်။

၁။ ရှားစောင်းလက်ပပ်မှာ ဓာတ်တိုးဆန့်ကျင်ပစ္စည်းတွေနဲ့ ပိုးမွှားတွေသေစေနိုင်တဲ့ ဓာတ်တွေပါဝင်ပါတယ်

ရှားစောင်းလက်ပပ်ထဲမှာ ပါတဲ့ polyphenols လို့ခေါ်တဲ့ ဓာတ်တိုးဆန့်ကျင်ပစ္စည်းက ကင်ဆာရောဂါအချို့နဲ့ နှလုံးရောဂါကို အတိုင်းအတာတစ်ခုထိ တားဆီးပေးနိုင်ပြီး ကိုယ်တွင်းရောင်ရမ်းမှုကိုအနည်းငယ်သက်သာ အောင်လုပ်ပေးပါတယ်။ နောက်ပြီး ခန္ဓာကိုယ်ကိုဒုက္ခပေးနိုင်တဲ့ ပိုးမွှားတချို့ မပွားလာအောင်လည်း ရှားစောင်းလက်ပပ်က တားဆီးပေးနိုင်ပါသေးတယ်။

၂။ သွေးတွင်း သကြားဓာတ် ကျစေတယ်

တစ်ရက်ကို ရှားစောင်းလက်ပပ်အရည် စားပွဲတင်ဇွန်း ၂ ဇွန်းစာလောက် သောက်ပေးရင် အမျိုးအစား (၂) ဆီးချိုဖြစ်နေသူတွေမှာ သွေးတွင်းအချိုဓာတ်ကျသွားအောင် လုပ်ပေးနိုင်စွမ်းရှိတာကို လေ့လာတွေ့ရှိထား ပါတယ်။ ဒါ့ကြောင့် အနာဂတ်ဆီးချိုရောဂါကုသဖို့ ဆေးတွေထုတ်လုပ်ရာမှာ ရှားစောင်းလက်ပပ်က အရေးပါတဲ့နေရာက ပါဝင်လာမယ်လို့ ယူဆကြပါတယ်။ တစ်ခုရှိတာက ရောဂါမရှိတဲ့သူတွေစားသုံးမိရင်တော့ သွေးတွင်းအချိုဓာတ်အရမ်းကျဆင်းသွားပြီး မလိုလားအပ်တဲ့ ပြဿနာတွေ ဖြစ်လာနိုင်တာကို သတိပြုရပါမယ်။

၃။ အရေပြားအတွက်လည်း သုံးနိုင်တယ်

ဒါကတော့ လူအတော်များများ သိပြီးသားအချက်ဖြစ်မှာပါ၊ အခုခေတ်ထုတ်လုပ်တဲ့ အလှကုန်တွေမှာလည်း ရှားစောင်းလက်ပပ်ကို ထည့်သွင်းထုတ်လုပ်လာကြတာ တွေ့ရပါတယ်။ ရှားစောင်းလက်ပပ်အပင်မှာ ရေဓာတ်အများကြီးသိုလှောင်ထားသလို အစိုဓာတ်ကိုထိန်းပေးနိုင်တဲ့ ဒြပ်ပေါင်းတွေလည်း ပါဝင်ပါတယ်။ ဒါ့ကြောင့် ရှားစောင်းလက်ပပ်ပင်ကို သဘာ၀ အစိုဓါတ်ထိန်းပစ္စည်းလို့ဆိုရင် လွန်မယ်မထင်ပါဘူး။ နောက်ပြီး ရှားစောင်းလက်ပပ်ကို အရေပြားပေါ် မှန်မှန်လိမ်းပေးရင် collagen (ကော်လာဂျင်) ပိုထွက်ရှိအောင် အားပေးတာကြောင့် အရေပြားပေါ်က အရေးအကြောင်းတွေကို လျော့နည်းသွားစေတယ်လို့ ဆိုပါတယ်။ ဒါပေမဲ့ ဒီအချက်ကိုအတည်ပြုဖို့ ကျယ်ကျယ်ပြန်ပြန့် သုတေသနပြုလုပ်မှုတွေ လိုအပ်ပါသေးတယ်။

၄။ မီးလောင်ဒဏ်ရာတွေကို သက်သာစေတယ်

ဒါလည်း ရိုးရာဆေးကုသနည်းတစ်မျိုးပါ။ ရှားစောင်းလက်ပပ်ကို မစားသုံးဘဲ အရေပြားပေါ်ပွတ်လိုက်ခြင်းက အသားအရေလှပစေတဲ့အပြင် နေလောင်ဒဏ်၊ မီးလောင်ဒဏ်ရာ၊ နဲ့အရေပြား အနာတချို့ကိုပါ သက်သာ စေတာကြောင့် ဟိုးအရင်ကတည်းက အာရှတိုက်နိုင်ငံတချို့နဲ့ အီဂျစ်နိုင်ငံမှာ ဆေးဖက်ဝင်အပင်တစ်မျိုးအဖြစ် အသုံးပြုခဲ့တဲ့ သက်သေတွေရှိပါတယ်။

၅။ သွားပြဿနာတွေကိုလည်း သက်သာစေတယ်

အဖြစ်များတဲ့ ကျန်းမာရေးပြဿနာတွေဖြစ်တဲ့ သွားပိုးစားခြင်းနဲ့ သွားဖုံးပြဿနာတချို့ကို ရှားစောင်းလက်ပပ်က လျှော့ချပေးနိုင်ပါတယ်။ သွားအပေါ်လွှာမှာ ဖြစ်လာတဲ့ bacterial biofilm တွေကနေ သွားနဲ့သွားဖုံးပြဿနာတွေ ဖြစ်လာတတ်ပါတယ်။ ရှားစောင်းလက်ပပ်အရည်နဲ့ မှန်မှန်ပလုပ်ကျင်းပေးရင် bacterial biofilm တွေဖြစ်ပေါ်စေတဲ့ Streptococcus mutans နဲ့ Candida albicans ပိုးတွေကိုသေစေတာကြောင့် သွားကျန်းမာ ရေးအတွက် အကျိုးရှိစေမှာပါ။

ဒါတွေက ရှားစောင်းလက်ပပ်ရဲ့ ကျန်းမာရေးအကျိုးကျေးဇူးတချို့ဖြစ်ပါတယ်။ သုတေသနတွေနဲ့ စမ်းသပ်မှုတွေ ပြုလုပ်ဖို့လိုအပ်နေသေးပေမဲ့ ရှားစောင်းလက်ပပ်မှာ တခြားကျန်းမာရေးအကျိုးကျေးဇူး တွေလည်းရှိသေးတာကိုတွေ့ရှိရပါတယ်။ အရေပြားနဲ့အလှအပဆိုင်ရာ အတွက်ရှားစောင်းလက်ပပ်ကို ကျယ်ကျယ်ပြန့်ပြန့်သုံးစွဲနေကြပြီး နောက်မကြာခင်အချိန်မှာလည်း တခြားရောဂါတွေအတွက် ရှားစောင်းလက်ပပ်ကထုတ်တဲ့ ဆေးဝါးတွေထွက်ပေါ်လာမယ်လို့ ယူဆရပါတယ်။

ရေးသားသူ Dr. Htoo Tint

:Hello Health Group
- General Knowledge

Blackheads (ဆားဝက်ခြံ).....................................
(ရောဂါနှင့် ကာကွယ်ကုသမှု)

ယခုဆောင်းပါးထဲတွင်👇

• အဓိပ္ပါယ်ဖွင့်ဆိုချက်

• လက္ခဏာများ

• အကြောင်းရင်းများ

• ဖြစ်နိုင်ခြေများ

• ရောဂါအဖြေရှာခြင်းနှင့် ကုသမှု

ဆေးပညာပိုင်းဆိုင်ရာတည်းဖြတ်သူ Dr. Kaung Thar
ရေးသားသူ Phyo Wai Yan

အဓိပ္ပါယ်ဖွင့်ဆိုချက်

Blackheads (ဆားဝကျခွံ) ကဘာလဲ။

ဆားဝက်ခြံတွေဆိုတာဟာ open comedo လို့ခေါ်တဲ့ အရေပြားပေါ်မှ မွေးညင်းပေါက်တွေ ပိတ်နေသောကြောင့် ဆူထွက်နေသော အဖုလေးတွေပါ။ ဘက်တီးရီးယားတွေ ဆဲလ်သေတွေ အဆီတွေနဲ့ ပိတ်နေတဲ့ အခါမှာ ဖြစ်ပွားတတ်ပါတယ်။

ဖုန်မှုန့်တွေနဲ့ ပိတ်နေတယ်လို့ ထင်ရပေမယ့် အမှန်တကယ်တော့ အဆီနဲ့ ဘက်တီးရီးယားတွေနဲ့ ပိတ်ပြီး လေနဲ့ထိတဲ့အခါမှာ အနက်ရောင်ပြောင်းသွားတာပါ။ Closed comedo လို့ခေါ်တဲ့ ပြည်တည်ဖုတွေနဲ့ ကွဲပြားခြားနားပါတယ်။

ဆားဝက်ခြံတွေဟာ ဝက်ခြံတွေရဲ့ အဖြစ်များတဲ့ လက္ခဏာဖြစ်ပြီး များသောအားဖြင့် မျက်နှာပေါ်မှာ ဖြစ်ပေါ်တတ်ပါတယ်။ တစ်ခါတစ်ရံ ကျောကုန်း၊ ရင်ဘတ်၊ လည်ပင်း၊ လက်နဲ့ ပခုံးပေါ်တွေမှာလည်း ဖြစ်တတ်ပါတယ်။

Blackheads (ဆားဝက်ခြံ) က ဘယ်လောက်အဖြစ်များသလဲ

ဆားဝက်ခြံတွေက ဝက်ခြံပေါက်တဲ့လူတွေမှာ အဖြစ်များတတ်ပါတယ်။ မိန်းမတွေက ယောက်ျားတွေထက်အဖြစ်များပါတယ်။ အသက်အရွယ်မရွေး ဖြစ်နိုင်ပါတယ်။

ဒါပေမဲ့လည်း ဝက်ခြံအပေါက်များတဲ့ ဆယ်ကျော်သက်အရွယ်တွေမှာ ပိုဖြစ်တတ်ပါတယ်။ ဆားဝက်ခြံတွေကို ဝက်ခြံတွေရင်ဆိုင်တဲ့နည်းလမ်းနဲ့ အတူ ရင်ဆိုင်ဖြေရှင်းနိုင်ပါတယ်။

လက္ခဏာများ

Blackheads (ဆားဝက်ခြံ) ရဲ့လက္ခဏာတွေကဘာတွေလဲ

ဆားဝက်ခြံတွေကို အရေပြားပေါ်မှာတင် တွေ့နိုင်ပါတယ်။ သေးသေး၊ မဲမဲနဲ့ အရေပြားပေါ်မှာ ဆူထွက်နေတဲ့ အရာလေးတွေပါ။ အဆီတွေ၊ အရေပြားဆဲလ်အသေတွေ၊ ဘက်တီးရီးယားတွေဟာ လေနဲ့ ဓါတ်ပြုကြပြီး အပေါက်တွေမှာ အမဲရောင်တွေ ဖြစ်ပေါ်လာစေပါတယ်။

ဝက်ခြံတွေလိုတော့ ပူလောင်နာကျင်ခြင်းမရှိပါဘူး။ ပြည်ဖု၊ ပြည်နာနဲ့ အဖုအပိမ့်တွေလို ဝက်ခြံရဲ့ လက္ခဏာတွေနဲ့တော့ဆက်စပ်မှုတော့ ရှိပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အောက်ပါတို့ဖြစ်နေပါက ဆရာဝန်ပြသင့်ပါတယ်။

• ဆားဝက်ခြံတွေပျောက်အောင် အိမ်တွင်ဆေးဝါးများက မစွမ်းဆောင်နိုင်တော့ခြင်း

• ဆားဝက်ခြံများက ဆက်လက်ရှိနေခြင်း၊ ပိုဆိုးလာခြင်း

• စိတ်မသက်မသာဖြစ်စေသော အခြား ဝက်ခြံလက္ခဏာများ ရှိနေခြင်း

အကြောင်းရင်းများ

Blackheads (ဆားဝက်ခြံ) ကိုဘာတွေကဖြစ်စေသလဲ

ဆားဝက်ခြံတွေဖြစ်ရတဲ့ အကြောင်းအရင်းများစွာရှိပါတယ်။ ပတ်ဝန်းကျင်ကြောင့်ဖြစ်နိုင်သလို ဟော်မုန်းတွေ မညီမျှလို့လဲ ဖြစ်နိုင်ပါတယ်။ ဆားဝက်ခြံများဟာ အောက်ပါတွေကြောင့် ဖြစ်ပွားနိုင်ပါတယ်။

• အဆီဂလင်းတွေက အဆီများကို လိုသည်ထက် ပိုထုတ်နေခြင်း

• အဆီတွေနဲ့ အရေပြားဆဲလ်အသေတွေ ပေါင်းစုပြီး ချွေးပေါက်ပိတ်စေခြင်း

• Open comedo မှာ အဆီခဲတွေဟာ လေကို ထိတွေ့ခြင်း

• ခန္ဓါကိုယ်က အဆီတွေ လိုတာထက် ပိုထုတ်လာခြင်း

• စတီးရွိုက်၊ ကိုယ်ဝန်တားဆေး၊ လစ်သီယမ်၊ ကျားဟော်မုန်းတို့လို ဆေးဝါးများ အသုံးပြုနေခြင်း

• လူပျိုဖော်အပျိုဖော်ဝင်ခြင်းနဲ့ ရာသီလာခြင်းကဲ့သို့သော အဆီထုတ်လုပ်မှုများစေသည့် ဟော်မုန်းအပြောင်းအလဲများခြင်းဖြင့် ကြုံတွေ့နေရခြင်း

• ဘက်တီးရီးယားများ အထူးသဖြင့် acnes ဘက်တီးရီးယား (propionibacterium acnes) သည် အရေပြားအပေါ်တွင် အလွန်များပြားနေခြင်း

ဖြစ်နိုင်ခြေများ

ငါ့ဆီမှာ Blackheads (ဆားဝက်ခြံ) ဖြစ်နိုင်ခြေကိုဘာ်တွေက မြင့်တက်စေသလဲ

အောက်ပါတို့က ဆားဝက်ခြံဖြစ်နိုင်ခြေကို များစေပါတယ်။

• ဆယ်ကျော်သက်အရွယ်၊ ဓမ္မတာလာနေစဉ်အတွင်းနဲ့ တားဆေးတွေသောက်သုံးနေစဉ်အတွင်းမှာ ဖြစ်လာတဲ့ ဟော်မုန်းအပြောင်းအလဲတွေက အဆီထုတ်လုတ်မှုကို များစေခြင်း

• စတီးရွိုက်၊ လစ်သီယမ်နဲ့ ကျားဟော်မုန်းများကဲ့သို့သော ဆေးများ သောက်သုံးခြင်း

• ချွေးပေါက်များပိတ်စေသော အလှကုန်များ၊ သန့်စင်ဆေးနဲ့ အဝတ်များ အသုံးပြုခြင်း

• ချွေးအလွန်အကျွန်ထွက်ခြင်း၊ စိုထိုင်းဆ များနေခြင်း

• အရေပြားဆဲလ်များ ပျက်စီးခြင်းကို အားပေးသော အစားအသောက်များ၊ ရောဂါများ၊ ဆေးဝါးများ သုံးစွဲခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Blackheads (ဆားဝက်ခြံ) ကို ဘယ်လိုအတည်ပြုပါသလဲ

သင်ဘယ်လို အရေပြားမျိုးရှိလဲဆိုတာကို ဆရာဝန်က စစ်ဆေးပါလိမ့်မယ်။ စတီးရွိုက်တွေလိုမျိုး မှည့်ခြောက်များဖြစ်စေတဲ့ ဆေးဝါးတွေသောက်သုံးနေလား ဆိုတာကိုလည်း စစ်ဆေးပါလိမ့်မယ်။

စစ်ဆေးမှုတွေမှာ ပြင်းထန်လား၊မပြင်းထန်လားဆိုတာများ ပါပါလိမ့်မယ်။ ယင်းစစ်ဆေးမှုတွေက စိတ်ပိုင်းဆိုင်းရာ၊ လူမှုဆက်ဆံရေးဆိုင်ရာ သက်ရောက်မှုများရှိလား၊ ကုသမှုတွေလိုလားမလိုဘူးလားဆိုတာ ဆုံးဖြတ်ဖို့ကူညီမှာပါ။

Blackheads (ဆားဝက်ခြံ) ကို ဘယ်လိုကုသပါသလဲ

ဆားဝက်ခြံကုသနည်းတွေ များစွာရှိပါတယ်။ Over The Counter (OTC) လို့ခေါ်တဲ့ ဆရာဝန်ညွှန်ကြားချက်မပါဘဲ အလွယ်တကူ ဝယ်ယူရရှိနိုင်မယ့်ဆေးတွေ ရှိပါတယ်။ ယင်းတို့မှာ salicylic acid နှင့် benzoyl peroxide တို့ပါဝင်ပြီး ခရင်၊ အဆီ၊ ဆပ်ပြာတောင့် အနေဖြင့် ပြုလုပ်ထားပါတယ်။ ယင်း OTC ဆေးဝါးတွေ အလုပ်မလုပ်ဘူးဆိုရင်တော့ ဆရာဝန်က ပိုမို အားပြင်းတဲ့ ညွှန်ကြားပါလိမ့်မယ်။ ယင်းဆေးဝါးတွေမှာ tretinoin, tazarotene နှင့် adapalene ကဲသို့သော Vitamin A ပုံစံအမျိုးမျိုးပါဝင်ပါတယ်။ ပြီတော့ အဆီခဲတွေ မဖြစ်အောင် တားဆီးပြီး အရေပြားဆဲလ်များ ပျက်ဆီးအသုံးပြုခြင်းကို ပိုမြန်စေပါတယ်။

အရေပြားကျွမ်းကျင်သူတွေနဲ့ အထူးကုတွေကတော့ အကွင်းပုံစံ အထူးပြုလုပ်ထားသော ကိရိယာကို အသုံးပြုပြီး ဆားဝက်ခြံတွေကို ဖယ်ထုတ်ပေးပါလိမ့်မယ်။ တချို့ကတော့ မျက်နှာပြင်ကြမ်းတဲ့ အထူးကိရိယာလေးကိုသုံးပြီး အရေပြားအပေါ်ဆုံးအလွှာကို ကော်ပတ်စားသလို ပွတ်တိုက်ပေးပါလိမ့်မယ်။ ယင်းကဲသို့ ကော်ပတ်စားခြင်းက မှည့်ခြောက်တွေ ဖြစ်စေတဲ့ အဖတ်တွေကို ဖယ်ရှားပေးပါတယ်။

ဆားဝက်ခြံတွေကို ရင်ဆိုင်နိုင်ဖို့ လူနေမှုဘဝပုံစံပြောင်းလဲခြင်းနှင့် အိမ်တွင်းဆေးနည်းတွေက ဘာတွေလဲ။

အောက်ပါ လူနေမှုဘဝပုံစံပြောင်းလဲခြင်းနှင့် အိမ်တွင်းဆေးနည်းတွေက ဆားဝက်ခြံတွေကို ကိုရင်ဆိုင်နိုင်ဖို့ ကူညီပေးပါလိမ့်မယ်။

• မျက်နှာ မှန်မှန် သစ်ပါ။ မျက်နှာသစ်ဆေးနဲ့ တစ်နေ့နှစ်ကြိမ်သစ်သင့်ပါတယ်လို့ အကြံပေးထားပါတယ်။ အဆီများစုပုံလာပြီး ဆားဝက်ခြံများမဖြစ်လာစေရန် မနက်နိုးပြီးတစ်ကြိမ်၊ ညမအိပ်ခင်တစ်ကြိမ် သစ်ပေးရပါမယ်။

• တစ်နေ့နှစ်ကြိမ်ထက် ပိုသစ်မယ်ဆိုရင်တော့ အရေပြား နေမထိထိုင်မသာဖြစ်ကာ ဝက်ခြံတွေ ပိုဆိုးလာနိုင်ပါတယ်။ အရေပြားကို မထိခိုက်စေသော ပျော့ပြောင်းညင်သာသော မျက်နှာသစ်ဆေးအသုံးပြုဖို့လိုပါတယ်။ ဒါ့အပြင် ပီဇာလိုမျိုး အဆီများသော အစားအစာများ စားပြီးပါကလည်း မျက်နှာသစ်ဖို့ မမေ့ပါနှင့်။

• ခေါင်းပုံမှန်လျော်ပေးပါ။ ဆံပင်က အဆီတွေပြန်နေမယ်ဆိုရင် ချွေးပေါက်တွေထံသို့ ပျံ့နှံ့သွားနိုင်ပါတယ်။

• အဆီမပါသော အလှကုန်များ သုံးပါ။ အဆီပါသော ထုတ်ကုန်တွေက ဆားဝက်ခြံအသစ်များ ဖြစ်ပေါ်လာစေနိုင်ပါတယ်။ ပိုမိုမဆိုးဝါးသွားစေရန် အဆီပါသော မိတ်ကပ်၊ လိုးရှင်း၊ နေရောင်ခံလိမ်းဆေးတို့ အသုံးပြုခြင်းအား ရှောင်ရှားသင့်ပါတယ်။

• ချီးချွတ်ဆေးအား စမ်းသုံးကြည့်ပါ။ ချီးချွတ်ဆေးနဲ့ ချီးချွတ် mask တွေက အရေပြားဆဲလ်အသေတွေကို ဖယ်ရှားပေးပြီး မှည့်ခြောက်တွေ နည်းပါးသွားစေပါလိမ့်မယ်။ အရေပြားနဲ့ ဓါတ်တည့်မယ့် ပစ္စည်းကိုသာ ရွေးချယ်သင့်ပါတယ်။

: Hello Health Group
- General Knowledge

Sharing - General Knowledge Pageအနေဖြင့် ဗဟုသတရဖွယ်ရာများ ပညာရပ်ဆိုင်ရာလေ့လာစရာများ အစရှိသော မည်သည့်အမျိုးအစားများကိုမဆို မျှဝေပေးသွားမည်။

ဤစာမျက်နှာကို Like & Following ပြုလုပ်ပေးထားခြင်းဖြင့် စာမျက်နှာမှ မျှဝေမှု ပို့စ်များ သတင်းများ Video fileများကို အချိန်နှင့်တပြေးညီ သိရှိလေ့လာလိုက်ပါ။

Sharing ပြုလုပ်ပေးခြင်းဖြင့်လည်း သင်နှင့် သင့်ပတ်ဝန်းကျင်ကို ဗဟုသုတများ ပိုမိုမျှဝေပေးလိုက်ကြပါ။

သင့်ရဲ့ Like, Following, Sharing တစ်ခုစီတိုင်းအတွက် ကျွန်ုပ်တို့မှ အသိအမှတ်ပြု ကျေးဇူးအထူးတင်ရှိလျက်ရှိပါသည်။

- General Knowledge Page