Cookology

My upsidedown apple cake 🍎♥️✨

The perfect dessert for my sweet tooth 😋

🍰 #حلويات

بمناسبة ال memories اللي اتجمعت فجأة ف يوم واحد و خلتني ف حالة من ال nostalgia مش طبيعية
ف خليني احكيلكم على اول مرة دخلت فيها المطبخ و دي كانت من زمان جدا أنا حتى مش فاكرة كان عندي كام سنة بس الوقت دا كنت صغيرة و بصحى بدري ف الإجازة ف حبيت ف يوم اعمل فطار و اهلي يصحوا يلاقوني حضرته بقا و يفطروا و كم المهازل اللي حصلت ف الفطار دا مش طبيعية 😅
مبدأيا حطيت البطاطس ف الزيت بارد و عجنت و كان شكلها غريب و البيض قليته من غير أي مادة دهنية ف لزق ف الطبق و اتحرق 🫠

انا حد يمكن اكتر حاجة عندي شغف ناحيتها هي المطبخ و الطبخ و اني اتعلم كل حاجة جديدة و محمسة ف المجال دا و اللي ناس كتير متعرفوش أنه الطبخ هو علم و كيميا و تفاعلات مش مجرد وصفات و نفس بس
و سبحان الله انا وعيت على الدنيا و انا حابة اوي اني اطبخ بس عشان اوصل للمرحلة اللي انا فيها دلوقتي انا عديت بمحاولات فاشلة كتييييير، كم الاكلات اللي جربتها و افتكستها اللي كان بيطلع ف الاخر اكل الله يعز النعمة ميتاكلش

هو دا اللي وصلني للمستوى اللي انا فيه دلوقتي و اللي لحد الان بتعلم كل يوم حاجات كتير و بعرف عن مطابخ و techniques ف الطبخ و الخبر لأول مرة اسمع عنها
ف التعلم رحلة طويلة اوي و ف الاول بيكون فيها فشل كتير بس هو دا اللي بيعلمنا و يخلينا احسن و احسن و مهما كان عندنا خبرة و معرفة ف الطريق بيكون لسه مخلصش 😌

عارفة اني مختفية بقالي كتير عن البيدج كنت موجودة بي على انستجرام بس خلاص رجعتلكم تاني و ان شاء الله مختفيش تاني 🤞🏻🤞🏻😅
و طبعا مكانش ينفع ارجع كدا و ايدي فاضية ف قولت ارجعلكم ف الوصفة العظمة دي حقيقه تحفة من احلى الحاجات اللي عملتها و اكلتها
نخش ف الموضوع على طول نخوووووووش ف الموضوع 😌😌

دبابيس الفراخ بتتبيلة الكيجون مع بطاطس و كول سلو

المقادير
الفراخ
دبابيس فراخ مغسولة و متنشفة كويس جدا
ربع معلقة زيت زيتون
تتبيلة الكيجون و هي عبارة عن ( بابريكا، بابريكا مدخنة ، توم بودر، بصل بودر، فلفل اسمر، ملح، زعتر، اوريجانو، فلفل حار)

البطاطس
200 جرام بطاطس صغننة كدا مغسولة كويس اوي
للتتبيل (زيت زيتون و توم و كرفس و بقدونس و زعتر و ملح و فلفل )

الكول سلو
خس و جزر مبشورين
نص معلقة بصل متقطع ناعم
معلقتين كبار زبادي
معلقة كبيرة لبن
عصير ليمون
رشة خل تفاح
ملح و فلفل و بصل بودر و توم بودر

الطريقة
-اول حاجة بسخن فرن على درجة حرارة 250
-بعد ما انشف الفراخ كويس جدا بحط عليها الزيت زيتون و ادلكه كويس
-بحط التوابل على الفراخ كويس جدا و ادلكها و اسيبها تتبل ربع ساعة
-على شبكة ف صينية بحط الفراخ و الغرض من دا ان الهوا ف الفرن يكون بيحاوط الفراخ و تستوي كويس جدا و بالتساوي (طبعا لو مش متوفر هتحطوها ف صينية على طول🤷🏻‍♀️) و بسيب الفراخ لمدة 35-45 دقيقة
- على النار بحط البطاطس ف مية تتسلق حوالي 10 دقائق او لحد ما ادخل فيها الشوكة و اطلعها بسهولة
-بصفي البطاطس كويس جدا و اجهز التنبيلة بتاعتها و هي الزيت و التوم و التوابل و إقلب هم كويس جدا مع بعض و احطهم على البطاطس و اقلبهم
-ف صينية بحط البطاطس و ببتدي اضغط عليها باي حاجة مسسطحة عشان بس اخليها مهروسة او على شكل ديسك مدور
-بدخلها فرن سخن لمدة 25 دقيقة فوق و تحت او لحد ما تقرمش و تاخد لون دهبي
الكول سلو
-ف طبق بحط كل مكونات الصوص و اقلبهم كويس جدا
-بعد كدا بحط الخس و الجزر و بقلبهم و اسيبهم لحد ما يتشربوا كويس من الصوص
*يفضل نبدأ بتحضير الكول سلو اول حاجة عشان يكون اتبل كويس ف الوقت إللي الفراخ و البطاطس بيستوو فيه*
و بس كدا طبق متكامل صحي و طعمه روعة

صباح الفل
الشوفان من اكتر الحبوب الصحية والفنية بالالياف المعادن و اللي بينصح مؤخرا اننا تدخلها ف نظامنا الغذائي و اكلنا لكن بعض الناس بتعاني ف انها تلاقي طريقة او وصفة تاكل بيها الشوفان
ف البوست دا هحطلكم كذا وصفة من الوصفات المحببة جدا لقلبي و لما نزلتها على الانستجرام و اتجربت عجبت ناس كتير جدا و سهلة جدا و مش بتاخد وقت و بنجهزها من بالليل ف بنصحى نلاقيها جاهزة تماما على الاكل و دا بيساعدنا اكتر نلتزم بالأكل الصحي عشان الكسل اللي بيكون على الصبح دا 😂😂🤭
لينك الانستجرام أهو ادخلوا شوفوا الفيديو بالطريقة موجود ف ال highlights
https://www.instagram.com/cookology515
طيب الوصفات دي عبارة عن أيه هي overnight oats بس هنعملهم بكذا طريقة وبكذا flavour ف هيطلعلنا ف الاخر حاجة عظمة

كل صورة من دول هيكون تحتها طريقة الشوفان و المقادير
التقديم بيكون بالشكل إللي تحبوه
ممكن تاكلوه ف نفس البولة إللي عملتوه فيها او تقدموه بالشكل دا
و ممكن تبتكروا ف التقديم و توروني 🥰🥰🙈

يا مساء الفل
أخباركم أيه
وصفتنا النهاردة وصفة حلوة جدا و هنعمل منها حاجات كتير اوي و اولهم كان سلطة الفتوش إللي عملناها قبل كدا
الوصفة هي وصفة عيش الحبوب الكاملة او التورتيا على طريقتي

المقادير
كوب و ربع دقيق شوفان
كوب و ربع دقيق قمح كامل
نص كوب دقيق كل الأغراض
كوب ماء دافئ( ممكن نحتاج اكتر)
مغلق خميرة فورية
معلقة صغيرة سكر
رشة من الملح
و 2 معلقة كبير زيت زيتون

(معلقتين كبيرة جبنة البركة
معلقة كبيرة بذور الشيا) دول اختياري

الطريقة
-ف كوب هنقلب الماء الدافئ و الخميرة والسكر و نسيبهم خمس دقائق
-ف بولة كبيرة هنخلط الدقيق كله مع بعض بعد ما ننخله و رشة الملح و حبة البركة و بذور الشيا
-هنحط الماء الدافئ على الدقيق و نقلب كويس و نزود او احتاجنا بالتدريج
-لما العجينة تلم معانا وتكون طرية شوية و بتلزق هننقلها على الرخامة او سطح مستوي و نخدم فيها و نعجنها كويس جدا هي تتكون بتلزق بس مع الوقت هتمسك معانا اكتر
-ممكن مع العحن نحس ان العجينة نشفت معانا ممكن نزود مية بسيط و نكمل عجن حوالي خمس دقائق
-و إحنا بنعجن هنحط على العجينة زيت الزيتون و نكمل عجن فيها خمس دقائق تانيين

*مهم عندي ف الخطوة دي قوام العجينة يكون طري و متماسك و بيلزق خفيف جدا او مش بيلزق بس مهم تكون العجينة طرية*

-هنحط العجينة ف بولة مدهونة رشة زيت زيتون و نغطيها و نسيبها تتخمر ساعة
-بعد ما تتخمر العجينة هنقسمها ب ١٥ كورة كل واحدة ف حدود 40-45 جرام
-هنغطي كور العجين و ناخد واحدة واحدة نفردها على سطح مرشوش دقيق للسمك إللي نحبه انا عملته رقيق جدا زي التورتيا
-ف طاسة على نار متوسطة هنحط العيش و نسيبه دقيقة على كل ناحية يكون احد لون دهبي بسيط جدا و بعد كدا هننقله على طبق عليه فوطة مندية و نغطيه و نعمل كدا مع باقي الكمية

*مهم جدا العيش ميتيابش على النار كتير عشان مينشفش عشان هو رقيق جدا و كمان نطلعه على فوطة مندية و نغطيه كويس عشان يفضل معانا طري*

و بس كدا نكون عملنا عيش قمر و طعمه حلو جدا و طري و سعرات الرغيف الواحد 120 سعر حراري بس 😌😌

يا مساء الجمال 🥰🥰🙈
وصفتنا النهاردة حاجة كدا من ورا العقل حقيقي تحفة جدا
سلطة فتوش مع صدور فراخ مشوية 🥗🥗🍗
بس أيه جناااااااااااان
المقادير
للسلطة 🥗

نص كوب خس متقطع
معلقتين كبار نعناع
اربع معالق كبار بقدونس
حبتين طماطم متقطعين
حبتين خيار متقطعين
حبه لفت او فجل متقطعة
ربع كوب رمان
رغيف عيش متحمص (عيش انا عمالاه ف البيت سعرات الرغيف 120 سعر بس) هنزلكم طريقته
عصير ليمونة
معلقة صغيرة دبس رمان
معلقة صغيرة زيت زيتون
ملح و فلفل

للفراخ 🍗🍗
صدر فراخ سميك متنشف كويس جدا
خليط من التوابل (بصل بودر و توم بودر و بابريكا و كمون و زعتر و ملح و فلفل اسمر )
ربع معلقة صغيرة دبس رمان
رشة سكر

الطريقة
الفراخ
-هنخلط كل التوابل مع بعض و دبس رمان و السكر و نتبل بيه الفراخ من كل ناحية و نسيبها عشر دقايق
-ف طاسة على النار فيها نص معلقة زيت زيتون هننزل بالفراخ عشان تستوي هنسيبها دقيقتين على كل ناحية
-هنطلع الفراخ من الطاسة ترتاح قبل ما نقطعها

ف الوقت دا هنجهز السلطة
هنحط كل الخضار و مكونات السلطة مع بعض الا العيش و الرمان
ف طبق هنحط الملح و الفلفل و الليمون و الزيت زيتون و دبس الرمان و نقلب كويس جدا
-هنحط الخليط السائل على الخضار و نقلب الخضار كويس كدا
-بعد كدا هنحط الرمان و العيش المحمص
و بس كدا جاهز معانا احسن طبق غدا متكامل و غني بالمعادن والفيتامينات والبروتين و الألياف و صحي جدا جدا جدا

هيلووووووو حبايبي
أخباركم أيه وحشتوني 🥰🥰🙈
اسفة على الغيبة الطويلة و اللي لسه هتطول بس والله غصب عني هحاول انزلكم حتى كل فترة وصفات او حاجة
و النهاردة هنزلكم وصفة حلوة اوي اوي اوي تنفع فطار او غدا او عشا و حقيقي حلوة اوي و مشبعه و لذيذة جدا
البيض مع الحمص

المقادير
٣ بيضات صغيرين او ٢ كبار
ملح و فلفل اسمر
لسلطة الحمص
تلت كوب حمص
ربع معلقة صغيرة هريسة شطة او هوت صوص(اختياري)
عصرة ليمون
ربع معلقة بابريكا
معلقة صغيرة بقدونس مفروم ناعم
معلقة صغيرة شبت مفروم ناعم
معلقة صغيرة جزر مبشور ناعم
ملح و فلفل و كمون للتتبيل

الطريقة
-هنجهز السلطة ف طبق هنخلط كل المكونات بتاعت السلطة بتاعتنا
-البيض هنضرب البيض كويس جدا مع الفلفل الاسمر و الملح
-ف طاسة على النار مع مسحة زيت زيتون هننزل بالبيض عشان نعمله اومليت و لما ياخد لون نقلبه على الناحية التانية
و بس كدا خلصنا
ممكن تحطوا الحمص جوا البيض زي ما انا عاملة كدا بحط البيض على الطبق و احط الحمص على طرف و اطبق الطرف التاني عليه
او تاكلوه بالمعلقة جنب البيض الاومليت و طبق السلطة بتاعنا وجبة صحية و متوازنة و غنية بالبروتين

يا مساء الفل 🥰✨✨
وصفتنا النهاردة هتكون وصفة محببة جدا لقلبي و بجد مبزهقش منها ابدا و اعتقد ان محدش هيختلف معايا ف دا 🤤🤤😋
وصفتنا للنهاردة هتكون الحواوشي

المقادير
كيلو لحم فيها دهن بنسبة 20% ل اللحم 80%
نص كيلو بصل مفروم ناعم كدا ( ممكن اكتر و ممكن اقل على حسب زوقكم ) الحواوشي بيحب البصل
فلفل اخضر مفروم + فلفل احمر مفروم حوالي كوباية او نص كوباية
ملح و فلفل اسمر
توابل (زنجبيل، قرفة، بصل بودره، توم بودر، سماق، كمون، كسبرة، جوز الطيب)
فلفل حامي مفروم (اختياري)
عيش
زيت

الطريقة
-ف بولة كبيرة هنخلط كل مكوناتنا مع بعض اللحم و التوابل و البصل و الفلفل و نتأكد ان اللحمة متشبعة من طعم كل التوابل والبصل
- هنحط خليط اللحمة لمدة ساعة او ساعة و نص ف الفريزر يتماسك كويس جدا
- هنسخن فرن على اعلى درجة حرارة و تجهز صواني الخبز او صاج كبير و يفضل نحط عليه ورق الومنيوم
-هنفتح ف العيش فتحة و نحشيه باللحمة بالكمية إللي نحبها و نتأكد اننا موزعينها كويس جدا و نكرر دا ف كل الكمية
- هنستخدم زيت ندهن بيه العيش من كل ناحية كويس جدا و نرصه على الصاج او الصينية
-هندخل الصينية الفرن و نسيبها حوالي عشر دقائق و تتابع العيش اول ما ياخد لون دهبي غامق او يتحمص هنقلبه على الناحية التانية و نكرر نفس العملية مع باقي الكمية
💃💃💃💃💃💃💃
و بس كدا يا سيدي جاهز معانا احسن رغيف حواوشي ف الدنيا كلها و طعمه تحفة و مش بيحتاج اي مجهود و ينجز معاه على طول 😋😋😍🥰🤩

يا مساء الفل بقا
لازم كدا كل شوية اغيب اغيب و اجيلكم بوصفة قمر كدا تعوض غيابي 😌😌🌝
وصفتها للنهاردة هي
Red velvet with cream cheese frosting 🤤🤤🤤🙈🤩
حاجة كدا تدوب و تدوبك معاها
حقيقي لازم تجربوها من احلى الحلويات إللي عملتها و بجد مسبوطة جدا بالنتيجة دي
نخش ف الموضوع ع طول نخووووووش ف الموضوع ع طول

المقادير
120 جرام زبدة (غير مملحة يفضل) هحطلكم صورتها تحت
250 جرام سكر
2 بيضة كبيرة
1/4 كوب زيت
10 او 15 جرام كاكاو خام ( غير محلى)
45 مللي من لون الطعام السائل او معلقة و نص صغيرة لون بودر
معلقتين صغيرين فانيليا سايلة ( لو مش موجود يبقى 3 اكياس فانيليا بودر بس يفضل السائلة)
معلقة كبيرة خل ابيض
معلقة صغيرة بيكنج صودا
رشة ملح
350 جرام دقيق الكيك او جميع الاستخدامات
كوب لبن كامل الدسم مخلوطة بمعلقة خل ابيض (عشان يكون لي buttermilk )

لخليط التغليف
400 جرام جبنة كريمي (استخدمت دومتي)
120 جرام زبدة (يفضل غير مملحة)
معلقة فانيليا سايلة
كوبين سكر وونصف
كوب و نص لبن بودره
ربع معلقة صغيرة ملح

الطريقة
الكيك
اول حاجة تعملها بعد ما تجهز مكوناتنا نشغل الفرن على درجة حرارة 175 درجة مئوية
-ف بولة هنحط الزبدة (تكون طرية بدرجة حرارة الغرفة) و السكر و نضربهم بالمضرب الكهربائي لحد ما يكون لونهم كريمي
-هنضيف البيض واحدة واحدة بالتدريج ويعني نضيف واحدة و نضرب لحد ما يختفي و بعد كدا التانية
-ف بولة صغيرة هنحط الزيت و الكاكاو و الفانيليا و اللون و نقلبهم كويس كدا
-هنضيف خليط الزيت على الزبدة و الخل الابيض و بالسباتيولا هنقلبهم كويس بجد لحد ما اللون يتجانس ف كل الخليط
- فبولة هننخل الدقيق و الملح و البيكنج صودا
- هننزل بنص خليط الدقيق و نص كوباية لبن و نقلب كويس لحد ما يتجانس و نكمل بباقي خليط الدقيق واللبن و نخلطهم كويس جدا
-هنقسم الخليط على صنيتين نفس الحجم مدهونين زبدة و في القاع بتاعهم ورقة زبدة
-الكيك هيدخل الفرن لمدة 25 ل 30 دقيقة
*بعد 25 دقيق هنفتح الفرن خفيف و ندخل ف الكيك خلو اسنان لو طلعت نضيفة من غير اي سوائل من الكيك كدا جاهز نطفي الفرن و نسيبها جوا الفرن لمدة 10 دقائق و بعد كدا نطلعها تبرد*

لخليط الحشو والتغليف
-ف بولة هنضيف الجبن الكريمي و يكون ساقع و نضربه كويس جدا بالمضرب الكهربائي لحد ما تكون متجانسة و هشة
-هنحط علي الجبنة الزبدة و الفانيليا و رشة الملح و نضربهم بالمضرب لحد لونهم ما يكون فاتح و هش اكتر
-هننخل اللبن البودرة والسكر البودرة مع بعض ف بولة
-بالتدريج هننزل بكوباية من اللبن البودرة و السكر و نضرب بالمضرب الكهربائي و نكرر العملية دي مع باقي الكمية لحد ما يكونلي خليط متماسك
-هنحطه فالتلاجة يتماسك اكتر لحد ما الكيك يبرد تماما
و بعد كدا هنحط طبقة كيك بعد ما نساوي الوش بتاعها لو عالي شوية و عليها شوية من خليط الحشو و بعد كدا الكيك التانية و نغطيهم كويس بالخليط دا و بعد كدا نفتفت عليها شوية من الكيك و بس كدا يا سيدي red velvet cake جاهزة معنا و زي القمر طعمها حكاية 🤩🤩🙈

( الكيك ممكن تعملوها ف قوالب الكب كيك و تتزين مع فوق بال cream cheese frosting و رشة من فتافيت الكيك)

صباح الفل
وصفتنا النهاردة وصفة فطار حلوة جدا و تنفع الناس إللي مش بيحبوا الحلو كتير

الوصفة دي هي النسخة الحادقة من البان كيك مع صوص الجبنة اللايت 🤤🤤🤤🤤🤤
نخش ف الموضوع ع طول نخووووووش ف الموضوع ع طول

المقادير
تلت كوب دقيق شوفان + معلقة كبيرة دقيق شوفان
زعتر
بصي بودر و توم بودر
ملح و فلفل اسمر رشة كدا صغيرة
ربع معلقة بيكينج صودا
ربع معلقة بيكنج بودر
بيضة
معلقة زيت زيتون صغيرة
تلت كوب لبن هنشيل منهم معلقتين على جنب
ربع معلقة خل تفاح (لو مش متوفر يبقى خل عادي )
قطع صدور رومي مدخن (اختياري)
شريحة جبنة لايت

الطريقة
-ف بوله هنخلط المكونات الجافة كلها كويس جدا
- ف بولة تانية هنضرب البيضة مع رشة من الفلفل الاسود و نحط عليها اللبن و الزيت و الخل و نقلبهم جدا
-هنحط الخليط السايل على الجاف و نقلب جدا لحد ما نوصل لقوام سائل مش سميك اوي ولا خفيف و نسيبه يرتاح دقيقتين
-ف طاسة على النار مع مسحة من الزيت هننزل بالخليط دا عشان نسوى البان كيك و نحط على الوش قطع الرومي المدخن
-لما البان كيك يتغير لونه و يكون فقاعات مفتوحة من على الوش نقلبه الناحية التانية عشان يستوي كويس
و نكرر العملية مع باقي الكمية

الصوص
ف المكروييف هنحط ف طبق اللبن مع الجبنة متقطع صغير و نسخنهم دقيقه و نكلعم نقلبهم لحد ما الجبنة تسيح و نحطهم على البان كيك
او نسخن اللبن و نحط جواها الجبنة ثلاتين ثانية كدا و بعدين نقلب لحد ما تسيح خالص و نزين بيه
و بس كدا يا سيدي جاهز معانا بان كيك حادق طعمه تحفة جدا و صحي
الكمية تكفي شخص واحد 😌😌🙈

صباح الفل
وصفتنا للنهاردة هي وصفة فطار سهلة و صحية و سريعة كدا و طعمها تحفة 🙈🙈🥰 البان كيك
من اكتر الحاجات إللي حبيتها مؤخرا و بكد بتنجز كتير اوي ف الوقت و طعمها تحفة

نخش ف الموضوع ع طول نخووووووش ف الموضوع ع طول
المقادير
3/4 كوب دقيق شوفان
بيضة
نص كوب لبن (انا مستخدماه خالي الدسم)
معلقة صغيرة زبدة
نص معلقة ببيكنج صودا
نص معلقة ببيكنج باودر
معلقة كبيرة عسل نحل
نص معلقة صغيرة خل تفاح( لو مش موجود استخدموا خل عادي )
ربع معلقة فانيليا
و رشة قرفة (اختياري)

الطريقة
-ف بولة هننخل دقيق الشوفان و نحط عليه البيكنج باودر والبيكنج صودا و القرفة و رشة من الملح و نقلبه كويس جدا
-ف بولة تانية هنحط البيض مع اللبن و الزبدة و عسل النحل و الفانيليا والخل و نقلبه كويس جدا و بعدين ننزل بيه على الدقيق و نقلبه وونسيب الخليط برتاح خمس دقايق عشان يمتص السوائل إللي فيه
- على نار متوسطة لهادية هنحط طاسة مع مسحة من الزبدة بسيطة جدا و ننزل بربع كوباية من الخليط بتاعنا و نسيبه لحد ما يكون فقاعات من فوق كتير و بعد كدا نقلبه على الناحية التانية لحد ما ياخد لون و نكرر الموضوع مع الكمية كلها
و بس كدا يا سيدي جاهز معانا احلى بان كيك ف الدنيا (بطل لاكلي انا عارفة 😌😌🤭) و ف عشر دقائق بس
دا ممكن نأكله مع فواكه و معلقة كدا صغيرة من عسل النحل او maple syrup
ملحوظة ( الكمية دي تكفي شخصين 😌)

وصفتنا للنهاردة دي وصفة حلوة اوي و انا شخصيا بحبها عشان مش بتاخد نص ساعة 🤩🤩🙈
حاجة سريعة و سهلة و صحية و طعمها وهمي بجد

الطريقة موجودة فيديو ف ال highlights على الانستجرام
https://www.instagram.com/cookology515/

الفراخ بصوص الترياكي 🙈🙈🥰

المقادير
فراخ مخلية (وراك او صدور ) انا إستخدمت وراك
ملح و فلفل
زنجبيل
توم مفروم
بصل (يفضل يكون اخضر و قطعة كبيرة عشان هنشيلها ف الاخر )
نص معلقة زيت زيتون
معلقة كبيرة صويا صوص
نص معلقة عسل اسود مع عسل نحل
تلتين معلقة خل
تمن معلقة نشا
تلت كوب ماء

الطريقة
-هنتبل الفراح بملح خفيف جدا جدا عشان الصويا صوص مالحة و فلفل و نشيلهم بقا مش عايزينهم تاني و نسيبها عشر دقائق
-ف طبق هنحط كل المكونات الباقية ما عدا الزيت و نقلبهم كويس جدا
-ف طاسة على النار هنحط الزيت و نحمر الفراخ تاخد لون دهبي من كل جنب مش لازم تستوي
-هنكلع الفراخ نقطعها شرايح طولية و نرجعها تاني الطاسة و ننزل عليها بالصوص إللي جهزناه و نقليهم كويس و نسيبهم لحد ما الفراخ تستوي و الصوص يتركز هنشيل البصل و بس
كدا جاهز معانا الفراخ بصوص الترياكي طعمها حلو جدا و لذيذة اوي
ممكن ناكلها جنب مكرونة او رز ابيض و شوية خضار سوتيه بقا وجبة قمر قمر 🙈🙈🙈🤩🥰

وصفتنا النهاردة هي الجرانولا ✨✨🍯

الجلانولااااااا
اتطلبت مني كتير جدا
ركزوا معايا كويس جدا عشان هي من اسهل الحاجات إللي هتعملوها و طعمها حلو جدا
هتلاقوا الطريقة موجودة فيديو ف ال highlights على الانستجرام

https://www.instagram.com/cookology515/
المقادير
كوبين شوفان حبة كاملة
تلتين كوب مكسرات (حسب الرغبة)
ربع كوب جوز هند
3 معالق كبيرة عسل نحل
معلقة صغيرة قرفة (اختياري)
نص معلقة صغيرة زنجبيل (اختياري)
ربع معلقة فانيليا سايلة
ربع كوب زبيب ( او اي نوع فواكه مجففة)

الطريقة
ف بولة هنخلط الشوفان و المكسرات و القرفة والزنجبيل و جوز الهند كويس جدا
ف الميكروويف هنسخن العسل دقيقه (لو مفيش ميكروييف يبقا هنغليه على النار ف طبق صغير او حلة صغيرة)
اول ما العسل يغلي هنحط عليه الفانيليا و نحطه على خليط الشوفان و نقلبه كويس جدا
على صاج او صينية هتحط ورق زبدة او ورق الومنيوم و نفرد الخليط كله طبقة رفيعة و تدخلها الفرن سخن على درجة ١٧٠ لمدة ٢٥دقيقة او لحد ما يكون لونه دهبي متحمص
هنطلعه من الفرن و هنحط عليه الزبيب و نقلبه و نسيبه يبرد بدرجة حرارة الغرفة
بعد كدا هنحفظه ف علبة محكمة الغلق ف التلاجة و نستخدم منه للفطار حوالي ٤ معالق مثلا مع لبن او زبادي يوناني و نقطتين عسل نحل و شوية فاكهة
وجبة فطار صحية و متكاملة
و بس وصفة سهلة و سريعة و صحية جدا
جربوها و قولولي رأيكم

وصفتنا للنهاردة هي وصفة قريبة جدا لقلبي و بحبها جدا و مش بتاخد مجهود ولا تجهيزات كتير ابدا
___________________________
الفراخ المشوية مع بطاطا مشوية و صوص رانش صحي
الوصفة فيديو على الانستجرام ف ال highlights
https://www.instagram.com/cookology515/
_________________________
المقادير
وراك فراخ مقطعة نصين (دبوس و ورك)
ملح و فلفل
سماق و بابريكا
حبة بطاطا متوسطة
زيت زيتون
________
للصوص
نص كوب زبادي يوناني
معلقة صغيرة مايونيز
ملح و فلفل
بصل بودر و توم بودر
عصير ليمونة
بقدونس مجفف
كرفس مجفف
زعتر مجفف
_________________________________
الطريقة
الفراخ
هنسخن فرن على اعلى درجة حرارة
هننشف الفراخ كويس جدا و نتأكد انها مفيهاش مية و بعد كدا هنتبلها بالملح و الفلفل والتوابل نعمل مساج عشان نتأكد ان النكات كلها ف الفراخ و نسيبها عشر دقائق
هنحط في صينية ورق فويل و شبكة و نحط عليهم الفراخ و ندخلها الفرن تستوي لمدة ٤٥ دقيقه ف الرف اللي فالنص
___________________
البطاطا
صنية هندخلها الفرن تتسخن كويس جدا لمدة عشر دقايق
هنقطع البطاطا صوابع زي البطاطس بقشرها او من غير على حسب ما تحبوا و نتبلها بالملح و الفلفل و زيت الزيتون و نقلبهم كويس جدا
هنطلع الصينية من الفرن و نرص فيها البطاطا مهم ان الصينية تكون سخنت كويس عشان تكون لنا القرمشة الحلوة للبطاطا
هتستوي ف ١٥-٢٠ دقيقة على حسب حجم الصوابع و ف نص المدة هنطلعها نقلب البطاطا و ندخلها الفرن تكمل سوا
__________________
للصوص
هنقلب كل المكونات إللي معانا ف طبق و هسيبه عشر دقائق اقل حاجة عشان ياخد من نكهات الاعشاب المحففة و التوابل و بعد كدا بناخد منه حوالي معلقتين جمب الاكل اختياري 🥰🥰

و بس جاهز معانا وجبة غدا متكاملة و طعمها لذيذ جدا و شكلها تحفة

وصفتنا للنهاردة هتكون وصفة سريعة و صحية و لذيذة جدا و مش هتاخد معانا اكتر من نص ساعه 🕧🕧

البانيه على طريقتي 🤩🤩
الوصفة هتلاقوها فيديو في ال highlights على الانستجرام

https://www.instagram.com/cookology515/
المقادير
شرائح من الفراخ البانيه
بيضتين
لبن
ملح و فلفل
توابل حسب الرغبة (بصل بودره، توم بودره، كمون، كسبرة، بابريكا، زنجبيل، كاري)
بصل مفروم
فلفل اخضر مفروم
معلقة من الهوت صوص
بقسماط للتغليف

الطريقة
ف بولة هنضرب البيض مع الفلفل الاسود
هنحط عليهم الملح و اللبن و التوابل و البصل و الفلفل و الهوت صوص و نقلبهم كويس جدا و بعد كدا هنحط فيهم الفراخ و نسيبهم عشر دقايق يتبلوا ( ممكن تسيبوهم لحد ليلة كاملة)
بعد العشر دقايق ف طبق هنحط بقسماط مطحون عليه رشة من الملح و الفلفل و الكركم و البابريكا و نقلبهم
هناخد شريحة من البانيه و هحطها ف البقسماط و نغلفها كويس جدا و نكمل باقي الكمية
الطريقة العادية للبانيه انه بيتقلي ف الزيت
الطريقة الصحية اننا بنحط ربع معلقة زيت او اقل ف أيدينا و نضغط على قطعه البانيه كويس جدا ب أيدينا الاتنين عشان نتأكد انها هتتشرب الزيت من كل ناحية و كمان عشان منحتاجش اكتر من كدا زيت و على شبكة بندخلها فرن سخن لحد ما تستوي 🕧🥰🥰✨
و في طريقة تانية جميلة جدا من غير فرن هتكون عبارة عن حلة على النار هنغلفها من جوا بورق فويل و تحط فيها شبكة و تعظيها لمدة 7 دقايق على نار متوسطة و بعد كدا نحط الفراخ على الشبكة و نغطيها لحد ما ال راح تستوي *الطريقة فالفيديو على الانستجرام*
https://www.instagram.com/cookology515/
و بس كدا جاهز احسن بانيه ممكن تاكلوه ف اقل من نص ساعة

و كل الاكل إللي يحبوه والله 😂😂😂😂🌚🤭

كفتة الحاتي بطريقتي 🤤🤤🙈✨
و كمان بطريقة تسوية جديدة انما أيه قمر 🤤🤤🤤 هتحبوها جدا 💃🏻💃🏻💃🏻
الطريقة هتلاقوها فيديو في ال highlights علي الانستجرام
https://www.instagram.com/cookology515/

نخش ف الموضوع ع طول نخوووووووش ف الموضوع ع طول 💃🏻💃🏻💃🏻💃🏻

المقادير
لحم مفروم قليل الدسم 10%
بصل مفروم ناعم
بيضة كبيرة او بيضتين صغيرين
معلقتين بقسماط مطحون
ملح و فلفل
توابل حسب الرغبة انا استخدمت ( كسبرة، كمون، توم بودره، بصل بودره، زنجبيل، بابريكا، قرفة، سماق، جوزة الطيب)
بقدونس

الطريقة
بخلط المكونات كلها مع بعض و أتأكد انها معجونة كويس جدا و طرية و متشربة من التوابل
*تركة حلوة جدا بحب اعملها هي اني بعمل حفرة جوا اللحمة و احط فيها ورق فويل و احط جواها فحمة مولعة مع معلقة صغيرة سمن بلدي و أعطيها عشان تتشرب من طعم الفحم و تاخد طعم الشوا*
بعد كدا بصبع الكفتة على سيخ و ارصها في الصينية وادخلها فرن سخن جدا لحد ما تستوي و ف اخر خمس دقائق بشغل الشواية عشان تاخد لون و بكرر خطوة الفحم تاني عشان طعم الشوى يكون معزز اكتر 😌😌 و دي كانت الطريقة العادية المتعارفة بينا
الطريقة التانية بقا و دي إللي بجد طلعت حلوة جدا هي اني بسوي الكفتة على البخار و بعدين اديها تحميرة بسيطة اما تحت الشواية او على الجريل

(على النار بحط حلة فيها مية مغليها و فوقها مصفاه و يرث الكفتة و أغطيها كويس جدا لحد ما تستوي حوالي 7 دقايق و بعد كدا بطلعها و احمرها اما على الجريل او تحت الشواية)
ممكن ناكلها من غير اي تحمير و بتكون لذيذة جدا جدا 🙈🙈🙈🥰
جربوها الوصفة دي صحية جدا و لذيذة 🤤🤤

غيبت عليكم كتير انا عارفة 😌😌🤦🏻‍♀️
بس جايالكم النهاردة بوصفة حلوة جدا و لذيذة و كمان صحية جدا 🙈🙈🙈

البيف روستو و كمان صوص الجريڤي 🤤🤤🤤🤤
الطريقة هتلاقوها فيديو في ال highlights على الانستجرام
https://www.instagram.com/cookology515/

الوصفة دي وصفة تقليدية إنجليزية من القرن السابع عشر و مميزة بطعمها و كمان الصوص الخاص بيها
نخش ف الموضوع ع طول نخوووووووش ف الموضوع ع طول 💃🏻💃🏻😂

المقادير
عرق بيف تربيانكو متشفي من اي دهون و يكون ملفوف كويس بالخيط
فصوص توم متقطعة
ملح و فلفل للتتبيل
معلقة زيت كبيرة (يفضل زيت زيتون)
الصوص
خضار مشكل (كوسة، جزر، فلفل الوان، بقدونس، كرفس، توم، بصل)
معلقة دقيق صغيرة (و ممكن نستغنى عنها لو حابين الصوص يكون خفيف و صحي اكتر)
كوب شوربة لحمة منزوعة الدسم
كوب ماء او نصف كوب على حسب سمك الصوص إللي تحبوه

الطريقة
بالنسبة للحمة هنعمل فيها فتحات و نجيب التوم نتبله بملح و فلفل و ندخله ف كل الفتحات إللي عملناها ف العرق و نتبل العرق كله من بره بملح و فلفل و نسيبه يتتبل من ٥ ساعات لحد ليلة كاملة
قبل التسوية بنص ساعة هنطلع العرق من التلاجة عشان درجة حرارته تكون بنفس درجة حرارة الغرفة و ف طاسة على النار هنسخنها و نحط فيها الزيت و نحط فيها العرق يتشوح من كل الجوانب و ياخد لون و بعد كدا هننقله ف طبق و ننزل بالخضار بتاعنا المتقطع ف نفس الطاسة ياخد تشويحة خفيفة و ف صينية هنحط الخضار و فوقه العرق و ندخله فرن متسخن على درجة حرارة ١٨٠ لمدة ساعة و ربع او على حسب حجم العرق
اهم حاجة الفرن يكون سخن كويس عشان اللحمة تحتفط بالعصارة بتاعتها جواها و تكون طرية

بعد ما اللحمة تستوي هنطلعها على طبق ترتاح نص ساعة على الاقل قبل التقطيع و ف الوقت دا هنحضر الصوص
هنهرس كل الخضار إللي كان تحت العرق و تحط عليه الدقيق و الشوربة و نتأكد اننا استخلصنا كل حاجة ف الصينية كل الكركبة و اللون الغامق إللي فيها لان دا هو إللي هيدينا الطعم المظبوط
و على النار هنحط كل دا مع المية و نسيبه يتبخر على نار هادية لمدة نص ساعة و بعد كدا هنصفيه و نرجعه على النار تاني لمدة خمس دقايق و بس
جاهز معانا احلى بيف روستو و صوص جريڤي ف الدنيا 🤤🤤🤤🙈😋
الوصفة دي ممكن ناكلها جنب بطاطس مهروسة و خضار سواريه او جنب رز بسمتى مع سلطة هتكون وجبة جميلة جدا و متكاملة 🙈🙈
جربوها و قولولي رايكم

دا بوست الريفيوهات عايزكم تقولولي لو جربتوا حاجة من وصفاتي و هل نفعت او لا

Follow for more recipes 🤩🤩😋

cookology (@cookology515) • Instagram photos and videos 377 Followers, 548 Following, 22 Posts - See Instagram photos and videos from cookology ()

وصفتنا النهاردة هتكون لحمة مشوية ف الفرن مع بطاطس مشوية و شوربة مشروم

الوصفة دي غنية بالبروتين و مشبعة بشكل مش طبيعي و طعمها لذيذ جدا و شهي

المقادير
اللحمة 🥩
100 جرام لحمة ستيك او بفتيك او شاورما متقطع شرائح رفيعة (اختاروا نوع لحمة يكون طري و دهونه قليلة جدا و بيستوي بسرعة)
ملح و فلفل
توابل حسب ما تحبوا انا إستخدمت (سماق و هوت صوص عشان تبقى سبايسي)
ربع معلقة زيت زيتون

البطاطس المشوية 🍟🥔🥔
150 جرام بطاطس يعني واحدة بطاطس متوسطة شوية هنشيل منها قطعة صغيرة للشوربة
نص معلقة زيت زيتون
ملح و فلفل
توابل (انا إستخدمت توم بودر، بصل بودر، بابريكا)

لشوربة المشروم 🍵🍄🍄
نص كوب مشروم متقطع شرائح
نص معلقة زيت
نص بصلة صغيرة متقطعة قطع صغيرة
فصين توم
ربع جزرة مقطعة قطع صغيرة جدا
قطعة بطاطس مقطعة صغيرة
نص كوب لبن (لو انتو مش ماشيين على نظام اكل صحي و حابين طعمها يكون غني اكتر ممكن متستخدموش بطاطس خالص و بدل اللبن أحطوا كريمة و لو نباتيين او عايزينها صيامي استخدموا لبن جوز الهند و دا عملناه على البيدج و كان طعمه حلو جدا و استخدمناه ف حاجات كتيرة)
ملح و فلفل
زعتر و بقدونس مجفف
*الكمية دي تعمل طبقين*

الطريقة
-هنسخن الفرن لمدة ربع ساعة و ف الوقت دا هنتبل اللحمة بالملح و الفلفل و السماق و زيت الزيتون و الهوت صوص
-هنقطع البطاطس و نتبلها بالتوابل بتاعتنا و هنحط البطاطس و اللحمة ف صينية على ورق فويل و ندخلها الفرن
*الكمية عشان صغيرة عملت بالفويل حاجز و حطيتهم كلهم ف صينية واحدة نص لبطاطس و نص للحمة هيدخلوا الفرن ف الرف اللي ف النص لحد ما البطاطس ما تأخد لون دهبي غامق شوية
-على النار هنحط الزيت و نص كمية المشروم و نقلبهم لحد ما يتشوحوا و يستوا و بعد كدا هنشيلهم من على النار على جنب
-هننزل بالجزر و البصل و التوم و نقلبهم كويس لحد ما يدبلوا و بعدين ننزل بالمشروم و البقدونس و الزعتر المجففين
-هنقلبهم كويس لحد ما المشروم يتشوح و بعد كدا هننزل بالبطاطس و شوية ملح و فلفل و نص كوباية شوربة *اي نوع تحبوه*
-هنزودها شوية مية و تغطيها و نسيبها لحد ما تستوي
-ف الخلاط هنضرب الشوربة بعد ما اتأكدنا ان كل حاجة استوت و بعد كدا نرجعها على النار تاني
-هنحط عليها اللبن عشان يخلي لونها فاتح و كريمي شوية و ننزل عليها المشروم إللي شوحناه و شيلناه على جنب و نسيبهم يغلوا غلوتين
و بس كدا يا سيدي معانا وجبة غدا متكاملة طعمها حلو جدا و لذيذ و مختلف و المهم انها صحية
سعرات للوجبة دي كانت 600 سعر حراري

وصفتنا للنهاردة هي ستيك مع المشروم و صوص جوز الهند و مكرونة بالتوم و زيت الزيتون

الوصفة دي طعمها حلو جدا و مميزة لان لبن جوز الهند مديها طعم حلو اوي 🤤🤤

المقادير
للستيك
قطعه لحم ستيك احمر متقطعة شرائح رفيعة عشان متاخدش وقت ف السوا (بخلي الجزار يقطعها زي البفتيك )
مشروم حوالي 50 جرام
اربع معالق كبار لبن جوز هند (لو مش متوفر ممكن تستخدموا بداله كريمة لايت او لبن مع رشة نشا صغيرة او ممكن تعملوه ف البيت بالطريقة دي ⁦👇🏻⁩⁦👇🏻⁩
https://m.facebook.com/story.php?story_fbid=157881575832681&id=105205294433643 )
معلقة زبدة صغيرة
ملح و فلفل اسود
للمكرونة
40 جرام مكرونة
نص معلقة صغيرة زيت زيتون فصين توم مقطعين شرائح رفيعة
حبة زيتون مخلل مقطعة شرائح

الطريقة
للستيك
-هندق اللحمة بين كيسين مطبخ عشان الأنسجة بتاعتها تنكسر و متاخدش وقت ف السوا كتير
-هنتبل اللحمة بملح و فلفل و على النار هنحط زبدة و ننزل بالمشروم المقطع شرائح يتشوح دقيقتين و بعدها عليه رشة ملح و فلفل اسمر
-هنشيل المشروم من الطاسة و ننزل باللحمة و نحمرها على كل ناحية دقيقتين
-هننزل بالمشروم و لبن جوز الهند و شوية مية صغيرين جدا عشان اللحمة تستوي كويس و نغطي الخليط دا و نسيبه لحد ما يستوي بياخد حوالي دقيقتين مش اكتر من كدا

للمكرونة
-هنسلق المكرونة و ناخد من المية بتاعتها ملعقتين كبار
-ف طاسة على النار هنحط زيت الزيتون و التوم و على نار هادية هنسيبهم لحد ما التوم يكون لونه دهبي غامق
-هننزل عليه بمية سلق المكرونة و بعدها المكرونة و على نار عالية نقلبهم لحد ما المئة تتبخر

و بس كدا يا سيدي جاهز معانا طبق صحي غني جدا بالنكهات
و سعراته الحرارية 564 سعر حراري
الطبق دا غني شوية بالكربوهيدرات ف كفاية لو هنعمله يكون مرة ف الاسبوع