Freddie Tse

一連兩集完結 多謝好多朋友同我講見到我

呢兩番說話（最後兩幅圖）都係由心而發講出黎
一直希望別人 羨慕別人 倒不如自己去做 失敗就學到經驗 成功就繼續一步一步行
期望別人幫手 倒不如自己親手做 別人沒有義務幫手

咁岩睇埋 今集講 總會有停止既時候 要有人傳承
咁就係停手之前盡力做

好多謝兩個主持
兒家都係全情投入做運動 創造自己跑會 祝你愈跑愈有
我第一句同導演講 你知唔知Phoebus 打手球好叻 大專係佢一齊拎番黎 祝你藝人事業蒸蒸日上

其次多謝成個製作組 揀左手球呢個運動 拍到好生動有趣 用左好多時間去理解規則 唔知幾多晚通頂既編劇人生

#我們與金牌的距離 #手球

Love This Big Family.
Thank you everyone in SCAA.
Make us stronger and stronger.




📸

手總杯冠軍🏆
Mission Completed
呢啲溫度 實在太難搞 輕鬆中暑
全靠一班強勁隊友


📸

又一年精英賽 紀錄一下
繼續堅持相信 無球員落到場係想打得差 想射唔入
同佢地一齊成長 一齊搵方法 件事就會愈黎愈好 自然做得愈黎愈好

雖然自己仲打緊波 但唔會講以前自己勁啲點點點
因為我覺得兒家啲球員勁過我地個陣多多多聲🤘🏿🤘🏿

紀錄人生第一次半馬 2:17:xx

以前覺得要跑一定跑到 試過一次沙田跑去上水 跑到第17公里 原來真係跑唔到

九月亞運拗柴 三個月無都過 一月應成左 跑 由跑2公里跑15分鐘 慢慢30分鐘 45分鐘 60分鐘 10公里 12公里 15公里 到最後都係跑到18公里 隻腳已經痛到跑唔到

自問唔係一個跑步既人 都仲未享受到跑步既樂趣 但為左完成21公里 逼自己點都要跑到 完成左好感動

Thanks for the gear

21st Asian Mens Handball Championship - Bahrain 🇧🇭

每次比賽都有新嘅體會 同 階段
但能夠參加多一次亞洲級比賽 就應該要繼續參加 剩返既次數已經慢慢倒數

辛苦哂各位 尤其你地 繼續努力
第一次覺得三星期係咁耐
掛住香港🇭🇰

今年見到有裝備既 都唔會掂
宣佈法老王唔洗入醫院聯針

下次可以換過套😎

不知不覺一年內搞左三個活動
中學賽 小學賽 訓練營

有呢啲諗法大概係諗番我細個個陣都想有呢啲野參加 既然無 咁都唔會嗌下嗌下 講下講下就有得玩

到大個好似覺得有做到既機會 都可以試下 做起黎發現其實好似真係乜都可以發生 仲想有更多更多想法

一直知道做得唔完美 一直相信有改進嘅地方 一直希望下次可以做啲更好

事成既原因好簡單 既然無 就做一個出黎 雖然自己無得參加 無得玩 睇左人玩當自己都玩左

多謝咁多次都一直出手幫忙我嘅每一個人 好多好多無條件既付出 而我應該比唔到啲咩回報比大家🤣 感激不盡

#聯校小學手球比賽

#手球訓練營

2014 - 2018 - 2023 - ??
Asian Games

終於贏到屬於我地既冠軍🏆

以前一直都比前輩帶住 到今年要協調所有野 一手一腳整番黎



📸

你地用能力證明
甲一決賽不再是你地夢寐以求既舞台

呢個舞台已經係屬於你地每一個
繼續守護 繼續堅持
繼續爭取更多錦標🎉




📸

最後今屆不設名次賽
下線球隊玩法變做3日2夜快閃之旅🤩

【運動員網誌】亞運迷思 - 下線球隊的另類玩法

 - 體路 Sportsroad 體路每天為大家採訪屬於香港的體育新聞，並有各方專家定期專欄，更會邀請香港體壇精英親自撰文分享心路歷程，屬於香港人的體育新聞平台。

香港手球代表謝永輝網誌：球場上的另一種滿足感 - 體路 Sportsroad 體路每天為大家採訪屬於香港的體育新聞，並有各方專家定期專欄，更會邀請香港體壇精英親自撰文分享心路歷程，屬於香港人的體育新聞平台。

呢兩星期去咗九龍公園睇亞青賽

呢個場地對大家都好有感覺 隔咗咁多年終於有番係香港既國際賽

榮幸都有係呢個場打過幾次國際賽 比起出去打比賽 能夠係香港打真係最深刻 氣氛最好

雖然細個就望住想打大港隊打國際賽 到做大港隊就變番望住細既打青年賽 不過總算打過幾次

如果唔係今次機會都唔會睇到咁多年青球員 大家都好犀利
原來多咗咁多人打
原來兒家啲後生仔咁勁
再諗諗當年打亞青既自己係場上做過啲咩🤡好似波都唔識傳

希望年年都有得睇 加油🤘🏿
攝於2019

福岡之旅
1. 做番小朋友
2. 繼續係球場追求進步
3. 食食同食
4. 覆盤時間
5. 同J league 九洲紡織打友誼賽
6. 睇NBA Final
7. 還是我們 再次合體

隨手執一本 扮下野 搞掂🤓

初初睇書發覺集中唔到 硬係諗緊其他野 原來睇電話真係影響集中力

今日同 出席 全新運動旅遊平台 .hk 嘅品牌發佈會 好開心見到一個全新概念嘅誕生

仲識左好多個跑步界嘅名人🤩 遲啲再見！！

加油 .hk

畢咗業就鐘意搵書睇 因為對內容有興趣 想研究 想學多啲再多啲
讀緊書就唔鐘意睇書 因為唔鐘意唔想睇 唔知點解要學

諗番如果讀緊書個陣可以睇到啲自己鐘意有興趣嘅內容 會唔會學到好多好多野🥸

不過已經過左學生年代

Bibliothèque de Stockholm, 1928.

Big Dream Came True 世錦賽決賽🤾‍♂️

我相信呢世人都無可能用運動員身份去參加世界杯錦標賽決賽週 但能夠用觀眾身份入場 都已經係好難得嘅事

一日四場 全世界最強八個國家 一次過出現哂係自己眼前 好感動

多謝讓自己再擴闊一次眼界
繼續希望將所有見識到嘅分享比所有人

#2023

多謝 邀請我去做今次親子跑步工作坊嘅教練

希望透過今次活動 小朋友除左玩得開心 爸爸媽媽都可以知道有咩互動遊戲同囝囝囡囡玩 訓練下佢地嘅運動能力

最開心就見到佢地玩得開心🤩


#親子 #跑步 #運動

https://www.facebook.com/groups/3050601428572724/permalink/3087842968181903/?mibextid=S66gvF

疫情告一段落 好多學校都陸續舉辦番陸運會
好開心見到同學仔落番運動場比賽！

多謝伯特利中學邀請做主禮嘉賓 可以為同學頒獎仲有係同學仔面對分享小小運動經驗😎😎

另外今年精英賽一個令人莫名其妙嘅畫面就係幾間學校嘅教練會企埋一齊有講有笑 仲會一齊幫手打氣

一日為師 終生為父 雖然大家已經著起唔同嘅制服 各自為戰 但我地都係來自同一個地方 畢業後到兒家大家都各自努力 懷住不變嘅初衷 最後係球場交手 又係一個值得記錄嘅畫面

以後繼續多多指教🤘🏿
場上無父子 場下一家人

十幾年前有人一步步教識我手球隊係一個家的感覺 到兒家自己做教練 我都好希望能夠凝聚大家成為一個大家庭

睇住你地打仲緊張過自己落場 贏冠軍當然係最理想嘅結局 但輸左都希望你地學識輸得起 最起碼你地已經有落場博殺嘅勇氣 唔好認為輸係一件可怕嘅事 更加唔好因為怕輸而卻步比藉口自己

係我心目中你地已經好叻 歷史性第一次四強 第一次決賽 第一次咁多人睇住下比賽 表現一啲都唔失禮 換轉係我18歲嘅時侯都唔知做緊咩 大家都做得好好 為大家感到驕傲

最後祝一班中六同學仔前程錦繡 後面仲有好多難關等緊你地 希望我唔單止教到你地球場上嘅技術 仲可以教識你地做人

未來見！

Everything is meaningful.

用另一身份參加全港學界精英賽

手掌係肉 手背都係肉

【學界手球精英賽】心誠險勝英華晉4強 喇沙拔萃勢演D1決賽翻版 - 體路 Sportsroad 體路每天為大家採訪屬於香港的體育新聞，並有各方專家定期專欄，更會邀請香港體壇精英親自撰文分享心路歷程，屬於香港人的體育新聞平台。

隔離飯香 成日覺得人地練好多波 所以咁勁
原來人地都係咁練 不論係法國業餘定瑞典職業 但同一個時間 人地可以比我地練3倍內容

香港手球代表謝永輝網誌：一探究竟 夢想中職業運動員的現實生活 - 體路 Sportsroad 體路每天為大家採訪屬於香港的體育新聞，並有各方專家定期專欄，更會邀請香港體壇精英親自撰文分享心路歷程，屬於香港人的體育新聞平台。

話唔會再去唔會再去 最後又黎左🇸🇪

香港手球代表謝永輝網誌：踏上第三次歐遊的人生意義 - 體路 Sportsroad 體路每天為大家採訪屬於香港的體育新聞，並有各方專家定期專欄，更會邀請香港體壇精英親自撰文分享心路歷程，屬於香港人的體育新聞平台。

2022年 發現原來好多人嘅2022年都過得不好 大家都期望著2023年會更好

我嘅2022年過得唔好 但我決定將不好的都看待為一個個成長嘅機會 磨練更好嘅自己

當刻講出自己不快嘅經歷 通常會發現兩件事 一係有其他人比自己更慘 二係講完都對當刻於事無補 反而過左一段時間再同朋友分享 同樣係同一件事 但氣氛感覺就輕鬆得多 最重要係 你已經唔記得當下嘅負面情緒 兒家睇番原來係幾咁兒戲

第一次有呢個感覺係係法國生活既時間經歷 出面零度 去商場買D野嘅幾分鐘 就比人偷電話 撞正鐵路大罷工 無車搭 朝早係用電話app租共享單車踩20分鐘去 買完野 報警又要行15分鐘 去到又話無passport 之後憑記憶行番屋企 行左兩個鐘 仲要經過一間士多 雖然好唔開心唔想食野 但又凍又肚餓 去買左一包餅一支水 邊行邊食 個距離大概係深水埗行去荃灣咁 好想搵人分享 不過時差 加電話無左 一星期後先託朋友拎張香港電話卡黎 開WhatsApp 發現成個星期都無人搵過我 就算搵到 佢地都係一句 無事呀嘛？ （除左呢句 佢地又真係無野可以做到）

到2022年
9月炒車 好似只有皮外傷 但都成兩個月都未好番 仲練唔到波 兒家分享出黎就係成日同人講做男人邊可以無疤 結果兒家真係大大條係手到 同埋講出黎又好輕描淡寫 轉個彎落斜 地下濕濕地 就成部車飛出去lu 人地都係會問下 無事呀嘛？ 緊係無事 有事就唔會同你分享到呢件事 （除左呢句 佢地又真係無野可以做到）

雖然仲有好多事 不過都過左好想好想分享嘅時間 仲有就係（除左安慰呢句 佢地又真係無野可以做到）但之後再講 就會變左一個趣事分享咁 可以娛樂下朋友

大家係2023年 都可以試下 遇到極其不如意既事情 未必一下就講出黎 試下沈澱幾日 如果過左幾日都仲好想分享 到時再講都未遲 呢啲不如意往往係可以被消化 最後被消化到當趣事一樣分享比大家 為大家帶黎歡樂

#2022 #2023

和之國篇 完結 👘

#京都 #和服 #清水寺 #八阪神社 #三年坂 #花見小路 #和之國