The 9th Proposed Cabinet of GEFS - Glefledge

最後幾個鐘啦！仲唔快啲報！
舊年online orientation覺得好可惜？暑假想搵啲野做？😗
咁就啱啦！我地黎緊會喺20/8-22-8舉辦三日兩夜嘅長洲ocamp🤩 如果你想同班fm熟啲又想認識多啲glef嘅人～歡迎你黎報名做我地嘅組爸媽啦🤪🥳

詳情如下🧐
日期: 20/8/2021-22/8/2021（三日兩夜）
地點：長洲
組爸媽費用：$250/night (total $500 for 2 nights)
報名方式：https://forms.gle/W8ctP5o1mXq5Eg7X8
報名日期： 30/6/2021-12/7/2021

Hello GLEFers!! We are going to hold an orientation camp for GLEF freshmen in August😻 Come and join us if you wanna become one of our jobamas🤩

Details are as follows🥸
Date: 20/8/2021-22/8/2021 (3 days 2 nights)
Location: Cheung Chau
Bama fees: $250/night (total $500 for 2 nights)
application link: https://forms.gle/W8ctP5o1mXq5Eg7X8
application period: 30/6/2021-12/7/2021

Can’t wait to see you all!!

咁多位GLEFers hello!我地係香港中文大學學生會 環球經濟與金融學系系會 第九屆候選內閣-環翊金鳶！🦅🪶
因為疫情嚴重嘅關係，我地無辦法喺中大舉行實體投票，所以本會決定轉移進行網上投票💻希望大家可以多多支持我地！🙇🏻‍♀️🙏🏻
以下係投票詳情：

投票期：
4/2/2021-10/2/2021

合資格投票者：
所有現正就讀環球經濟與金融學系的學生

投票方法：
透過CU webform投票連結進行投票，投票連結link in bio☝🏻，每人一票，如投多於一票會當作廢票處理。

投票連結：
https://cloud.itsc.cuhk.edu.hk/webform/view.php?id=12009874

我地會喺投票期結束後盡快進行點票，結果會喺社交網站(Instagram & Facebook)公佈！🙋🏻‍♂️🙋🏻‍♀️

咁多位記住去投票呀，你地嘅每一票對我地黎講都十分之重要！🥺😗我地Glefledge喺上任後絕對會盡全力為大家服務💪🏻做到最好！

最後都提醒翻大家記得要保重身體，出街記得戴口罩😷，勤洗手✋🏻期待之後喺中大見到你哋每一位！😚😚

Hello GLEFers~ We are the 9th Proposed Cabinet of the Society of Global Economics and Finance, the Student Union of CUHK - Glefledge!🦅🪶

The followings are details of our voting period. 💻

Voting period:
4/2/2021-10/2/2021

Eligible voters:
Students who are currently studying Global Economics and Finance

Voting method:
The voting will be conducted on CU webform. The link is in the bio.☝🏻Each person can only vote once. If you vote more than one time, the vote will not be counted.

Voting Link:
https://cloud.itsc.cuhk.edu.hk/webform/view.php?id=12009874

The voting result will be announced through ig & facebook.

Every vote counts. We definitely need your support🥺so please vote for us! We will spare no effort in serving every GLEFer in the coming year.🙋🏻‍♂️🙋🏻‍♀️

Stay healthy and we are looking forward to seeing you guys at CU in the future! 😷🪶🦅

睇完大合照之後 大家應該都好想認識多啲12位環翊金鳶嘅高汁莊員架啦🥰終於黎到最後一個 係第十二位莊員！
［莊員介紹十二🦅］
候選會長 陳梓灝 Terry

我哋個P陳梓灝
約佢出嚟實遲到
好彩米九補救到
非常超級無敵好

終於到我哋最後一位莊員出場啦 係邊個呢！！！哇 佢就係我地環翊金鳶嘅P terry啦！🧑🏻‍💻差唔多190 有45寸長腿 十足成棵樹嘅佢 又高大又靚仔咁得唔得架 charm到呢😍唔好以為佢得個樣 除咗高大靚仔 仲好有擔帶好有膊頭㗎 好多莊務都係我哋問起佢之前P個腦已經有個plan諗哂點做 真是very 的good呢 👍🏻🙏🏻雖然講到好似好勁咁 但其實佢都有可愛嘅一面㗎 作為好有威嚴嘅會長 佢都會放下樽鹽黎搞笑🧂例如會周街大叫woohoo😵佢又會成日同我地講八卦飲少少酒就紅都面曬👺所以又被稱為第八個女莊員 簡稱八婆🤡聽日就係我地莊最後一日派souven啦 大家想黎見靚仔佢的話 就要把握機會 1730-1900民女搵佢啦！🤪😗

睇完大合照之後 大家應該都好想認識多啲12位環翊金鳶嘅高汁莊員架啦🥰終於到重要嘅3P之一 係第十一位莊員！
［莊員介紹十一🦅］
候選內務副主席 蔣心美 Sammi

Iv Sammi好精靈
照顧莊員唔會㷫
大事小事搞得掂
夠曬global冇得頂

講完evp 就到第十一個莊員ivp Sammi ！🤤做得我地環翊金鳶嘅ivp Sammi份人真係warm到核爆架😽第一次莊聚嘅時候就已經take care我地呢班麻煩友 提早幫手去買野不特止 見到有莊員唔舒服想嘔嗰啲🤮又會九秒九去問下佢有冇事 使唔使陪佢去廁所咁 所以小編我第一次見心美 就已經覺得佢溫暖到好似媽媽咁架啦(?)👩🏻‍🦱何止 聖誕嗰時ivp佢重為全莊寫左聖誕卡同預備小禮物🎁 哇 咁caring咁warm嘅ivp去邊度搵呀 ❤️作為重要嘅3P之一 Sammi 都好做得野 當佢知道莊員忙得滯需要幫手個時 會即刻去幫佢 見到成班人掛住玩同fing 個時又會提翻我地認真啲做野👩🏻‍💻Glefledge有靚女Sammi 佢做ivp 成支莊簡直係firm到爆啦！✨🔥

睇完大合照之後 大家應該都好想認識多啲12位環翊金鳶嘅高汁莊員架啦🥰終於到重要嘅3P之一 係第十位莊員！
［莊員介紹十🦅］
候選外務副會長 劉柏圻 Faith

Ev柏圻好鬼fun
又夠social又細心
人人見到佢都lum
In aug 叫到佢都come

終於介紹到3p 第十個莊員就係evp faith啦！☺️evp 佢份人好鬼yo架 好鐘意講嘢而且好大聲嘅佢 絕對係成支莊入邊最嘈嘅人之一 每次佢大叫 坐隔離個個都真係爭啲聾🦻🏻faith份人仲好唔怕尷尬 勁鍾意拎自己黎講笑 就算唔係識咗好耐 聽到都肯定會俾佢搞到唔小心笑出聲😂除咗個人social之外 我地好global嘅evp英文仲好叻 講到lark lark聲 Glefledge呢個英文莊名都係佢諗出嚟架🪶有佢做evp 實yo得起曬其他soc嘅人啦 連外國人都yo得起添啊！ 👭👬除此之外 作為全支莊嘅身高擔當之一 身高170兼隻腳長到飛起嘅佢真係好charm架👱🏻‍♀️去到其他soc in aug 見到又高又瘦嘅evp記得要搵佢吹水👅咁就可以同環翊金鳶打好關係啦！🤪🤝

睇完大合照之後 大家應該都好想認識多啲12位環翊金鳶嘅高汁莊員架啦🥰出黎啦 第九位莊員！
［莊員介紹九🦅］
候選文書 李子德 Clinton

文書clinton好幫手
日做夜做唔洗抖
有佢係度唔洗愁
開會唔做遲到狗

今日係第三個男莊員 文書clinton啦！🤓由Clinton個樣已經可以睇得出 佢係一個好認真做野嘅人💻 而且每次莊聚啊翻黎練beat個啲 佢都未試過遲到添 真係能人所不能呀 !😨文書呢個位又要負責打minutes 又要聯絡唔同嘅professor喎 望下全支莊 唔搵clinton 真係唔知重有邊個可以放心交個位比佢做啊🤥 除咗認真做野之外 clinton 重好鍾意唱歌架 我諗應該係大學識文書佢嘅人 都有聽過佢分享過以前中學join choir嘅威水史🎤我地都試過係莊聚時叫clinton唱歌架！睇到黎呢到 係咪你都好想聽呢？咁就要係黎緊三日Glefledge係yia派souven個時 把握機會問下佢可唔可以開金口啦！🎶🙆🏻‍♂️

睇完大合照之後 大家應該都好想認識多啲12位環翊金鳶嘅高汁莊員架啦🥰第八個莊員係邊個呢！
［莊員介紹八🦅］
候選財政 蘇沛瑤 yoyo🪶

最醒財政蘇沛瑤
數口勁好都唔囂
又yo又人比花嬌
佢打netball最高超

Yoyoyo 第八個莊員就係我哋嘅yoyo財政啦！🤡啱呀 你冇睇錯呀 佢真係姓蘇 份人又咁啱幾yo 之前都係佢自己主動PM其他GLEF Fm 話要開fm wts grp 😨所以我哋成日都拎財政個名黎講笑 話係yoyo so yo🙃身為財政嘅佢 要幫手睇住環翊金鳶成盤數 真係咪話唔重要 不過入得GLEF 數口緊有返咁上下 區區加減乘除 又點會難到佢呢🤨easy job啦！yoyo除咗數口勁之外 打netball都好勁㗎 睇佢咁fit就知佢係運動健將啦🧍🏻‍♀️yoyo成日都要去練波 之前我哋偷睇過佢個schedule 排到密密麻麻 真係忙到甩轆呀🗓講開又講 最近Yoyo走左去漂頭 個頭變咗做mk金色 唔知佢幾時從良 變返pro pic入邊嘅佢呢！👩🏼👩🏽

睇完大合照之後 大家應該都好想認識多啲12位環翊金鳶嘅高汁莊員架啦🥰到第七個莊員！
［莊員介紹七🦅］
候選康樂 梁晉寧 James🪶

康樂就係梁晉寧
美貌與智慧兼並
有佢喺度唔會靜
飲酒一定唔會wing

咦喂 係新亞嘅靚仔喎👦🏻第七個莊員就係我哋嘅康樂James啦！😝齋係望到張相都知佢有幾charm啦 🌟唔講唔知 原來佢係澳門人嚟架🇲🇴真係愈睇愈似微辣嘅藝人呢🤫但做得RO又點可以淨係得個樣呀 ！James 佢除左有樣睇之外 重好識講笑搞氣氛架 就算依家要同我地班莊員long d咁zoom 住見🥺 但隔住個mon都阻止唔到佢氹到全莊人笑出聲😂不過其實佢都好盡責嘅 雖然分隔兩地又上孖莊 都冇忘記過要幫莊員慶祝生日！話說前個排我地嘅出設姐姐兼元旦寶寶生日 聽講份禮物原來係James提出翻話要送架呢🎈真係好warm呀 希望佢可以快啲有宿 快啲過到嚟香港 同環翊金鳶莊聚兼慶祝生日啦！😋👻

睇完大合照之後 大家應該都好想認識多啲12位環翊金鳶嘅高汁莊員架啦🥰介紹到一半啦 係第六個莊員！
［莊員介紹六🦅］
候選學術 李證悅 Ivan🪶

仲有Ivan做AO
過三爆四冇難度
雖然爛gag好糟糕
學業搵佢實有so!

等咗咁耐 終於有第二個男莊員出現啦 佢就係第六位莊員AO Ivan啦！🥸作為學術嘅證悅 學業成績當然有番咁上下 普通人reg科嘅時候 就梗係reg個又hea又夾到dayoff架啦 🥱但我哋全莊dse 分數最高嘅學術 每次都會話自己要揀個chur但學到野嘅 course📚雖然係咁 但係佢都照樣係過三爆四 A range 無難度 📝真係carry曬我地環翊金鳶全莊人嘅GPA呢 ！🧑🏻‍🎓但你睇到佢pro pic個樣都知道佢唔係一個正常嘅人啦 🤷🏻‍♂️有佢喺度 啲爛到喊嘅gag都一定跟住到 真係避都避唔到🥶Ivan仲唔會俾全莊人有靜落嚟嘅機會 每次dead air 佢都會失驚無神大叫：好！聽到真係令人滿腦子問號 ❓作為學術成日都身兼埋康樂炒熱氣氛 真係辛苦曬佢啦！🤢👽

睇完大合照之後 大家應該都好想認識多啲12位環翊金鳶嘅高汁莊員架啦🥰今日係第四同五個莊員！
［莊員介紹五🦅］
候選出版 文懷玉 Shirley 🪶

出設就係文懷玉
飲醉之後叫唔郁
畫畫p圖佢最熟
有佢設野唔洗哭

終於去到第五個莊員 另一位靚女出設Shirley 啦！😚Shirley係我哋全莊最高嘅女莊員 由遠望過嚟 真係一眼就見到又高又瘦嘅佢呀 💃🏻除咗身高高之外 聽聞佢GPA都好高的 唔知上唔上到癲list呢😵真不愧為環翊金鳶學霸 ！雖然佢啱啱先學識點用photoshop渣 但我哋霸氣嘅莊logo呀 好靚嘅ig相 banner同其他野都係佢整出黎 🙀見到咁靚就知道佢而家已經變咗Photoshop大師啦！👩🏻‍🎓賢良淑德 入得廳堂 出得廚房Girlfriendable 體貼又溫柔嘅出設懷玉🥰仲好鍾意煲蕃薯糖水俾大家食 🍠如果有興趣品嘗(試伏？) 就記住聽日同下個禮拜係yia拎souven嘅時候同佢講聲啦！🥴☠️

睇完大合照之後 大家應該都好想認識多啲12位環翊金鳶嘅高汁莊員架啦🥰今日係第四同五個莊員！
［莊員介紹四🦅］
候選出版 孔安怡 Charlie🪶

出設必備孔安怡
咁啱又係叫Charlie
P圖p得好詭異
做返港女最寫意

嘩嘩嘩 到第四個莊員出設charlie啦！🦦睇佢個中文名孔安怡 係咪好似奶粉名好warm呢 👼🏻靚靚出設姐姐真人都係咁warm咁溫柔大方架 🧡好鍾意同細佬玩嘅佢 啲得意嘅補習學生多到令人羨慕！👩🏻‍🏫全莊人最鍾意問佢嘅問題一定係:miss hung 補習收幾多錢呀？ 💵除咗幫人補習之外 好yo嘅佢仲好鍾意約人出街 所以真係好忙㗎🤢 就連我哋約佢 都要一早預約排期呀！不過好忙嘅charlie點都一定會抽到時間出嚟幫我地整啲靚到dum一聲嘅設 ✨✨memo pad file同口罩套 全部souven都係佢畫㗎！見到佢個黑眼圈 🥱就知道佢有幾辛苦幾落力為gefs啦 🦅想氹佢開心嘅話 就記得聽日同下個禮拜過去yia拎souven啦！🥸🦈

睇完大合照之後 大家應該都好想認識多啲12位環翊金鳶嘅高汁莊員架啦🥰話咁快就黎到第三位莊員！
［莊員介紹三🦅］
候選公關 何沛彥 Noelle🪶

PR要搵何沛彥
氹人搞笑唔要面
Dem beat甩晒係咁練
有佢唔洗俾人片

登登登 第三位莊員就到我哋嘅qq pr Noelle 啦！🤪自稱身高有160嘅佢 雖然可能係全莊最矮 👧🏻但係唔使擔心你見佢唔到 永遠隔幾條街就已經聽到佢把聲同笑聲🗣真係未見其人 先聞其聲呢👀🦻🏻唔好睇佢個樣好似好得意咁 佢玩嘅時候都有弱智嘅一面㗎 仲要好容易受騙 成日俾人取笑佢🥲雖然係咁 要認真做嘢嘅時候佢都係好出力的！而家大家睇到ig同fb靚靚排版 莊員介紹 同埋高汁四七都係佢一腳踢攪掂哂㗎 🙀係咪好犀利先 有佢做pr包保全世界都識gefs ！🌎🦅自來熟嘅pr好鐘意周街同人吹水 係cu有個個頭每日都唔同色嘅環翊金鳶莊員大叫同你say hi 的話👋🏻真係唔使望都知就係Noelle佢呀！🤡🥱

睇完大合照之後 大家應該都好想認識多啲12位環翊金鳶嘅高汁莊員架啦🥰介紹完第一位就唔好停啦 即刻嚟介紹埋第二位莊員啦！😚
［莊員介紹二🦅］
候選市拓 章晟 Gary🪶

靚仔mo係Gary
靠佢carry好easy
牛高馬大好得意
有佢係到no worry

第二位莊員就係我哋既有創意又做得野嘅男市拓Gary啦！雖然佢而家個人唔喺香港🥲但老土啲講句人唔在心在嘛 我哋莊好多得意又有趣嘅嘢都係佢提議出嚟㗎！😍🤔即使而家係zoom住咁上堂 不過用心讀書嘅佢 成日都會俾莊員發現咗佢答Professor問題 🙋🏻‍♂️所以好多聯絡商舖嘅email都係佢負責send同問架！ 順帶一提啦 👻Gary好鍾意戴住個頭箍架 上堂見到佢戴 連平時zoom都會見到佢戴 所以佢成日都俾我哋講佢好得意好搞笑㗎！🤣如果離遠見到Glefledge 有個人戴住頭箍 咁就肯定係我哋嘅男市拓啦🤓🥳

睇完大合照之後 大家應該都好想認識多啲12位環翊金鳶嘅高汁莊員架啦🥰而家就嚟介紹第一位莊員啦！😚
［莊員介紹一🦅］
候選市拓 梁甄桐 Marie 🪶

最強市拓梁甄桐
搵曬discount比你用
雖然成日面懵懵
做嘢唔會嚼完鬆

第一位莊員就係我哋最有氣場嘅Marie啦！嗱唔好睇錯啊 唔係叫Mario呀🤪作為我地環翊金鳶嘅市拓 佢永遠都可以用佢強大嘅氣場💪同埋強而有力嘅聲線 🗣幫我地四出r sponsor 同discount 幫GLEFers爭取最強嘅福利！真係冇咗佢我哋唔得架！不過雖然佢份人唔笑個時個樣望落都幾西啦🙂(?)但其實佢係一個冷面笑匠嚟㗎 😗同佢傾多兩句計你就會發現其實佢都係一個平易近人 和藹可親 又靚又叻嘅女仔呢 🧚🏻‍♀️所以大家經過見到佢 不妨同市拓姐姐傾多兩句計 可能除咗拎到Glefledge啲優惠discount之外 💵 重會對佢個人有意想唔到嘅新發現㗎！😮☺️

「環翊金鳶？Glefledge？咩黎架 點讀呀大佬！😵」
我諗大家見到我哋個莊名咁難讀 都會心諗究竟係咩意思 🤔其實中英文名都各自有特別嘅含意 睇埋落去你就知！

「環翊金鳶」🦅
我莊莊名為環翊金鳶，箇中蘊含兩個展望和一個由衷的目標。「翊」字有雙翼豎立，準備起飛之意。代表我莊已作好準備在來年不辭勞苦地為各位GLEFers服務，亦寄語我莊於未來奮力向上，展翅上騰。「鳶」字意指老鷹，亦指古代一種翅膀闊大並善於高飛盤旋滑翔的猛禽。寄語我莊如鳶一樣，在接下來的一年高飛翱翔，在不同的界別創出一個新高度。

而「翊」和「鳶」二字則有遞進的關連。由作勢起飛至如鳶一樣熟練地翱翔天際-是一個成長、進步的過程。期許我莊能通過未來不同的考驗，使自身更具歷練，在不同方面有所進步、更上一層樓，最終提供更優秀的服務給所有GLEFers。

「Glefledge」🪶
The word “fledge” signifies birds becoming fully feathered for flight. We, all GLEFers, symbolize feathers and as a family, we form a pair of wings. These vigorous wings support us to soar higher and higher. We aspire to amalgamate and unite GLEFers through deference and altruism. In the coming year, we promise to serve, deliver and oblige to every proposition and fly with strong and mighty wings.

大家好！我地係2021-2022年度 香港中文大學學生會 環球經濟與金融學系系會第九屆候選內閣
環翊金鳶🦅Glefledge🪶
哇咁大件事冇人講 😱原來今日就係我地兩個禮拜pro p嘅第一日啦 ！✨✨興唔興奮🥳期唔期待呀😚知道大家都等左好耐架啦 所以接住落黎 由11/1至22/1 pro p 期間 我哋都會係zoom度同咁多位GLEFers洗班宣傳 🤪靜靜雞話你知啦🤫到時除左會聽到我地12位莊員嘅自介之外 仲有機會睇到我地嘅dem beat 片架！係咪諗起都好想睇呢？🥴咁就記得留意下面個洗班時間表 到時上堂嘅時侯落足眼力睇啦👀👁

呢個就係洗班時間表:
ACCT1111D 14/1( 0930-1215)
ECON2021C 15/1 (0830-1115)
FINA3080F 20/1 (0930-1215)
FINA3020C 21/1 (1430-1715)

喂喂喂咪走住 未講完架 好野係要等多陣架嘛！😋雖然我地今年冇機實體同各位dem beat 同洗班🥲但大家仲有機會係cu 見到我地咁多位靚仔女莊員 👫🏻拎我地嘅靚靚Souven翻屋企架😍真係行過路過都唔好走寶錯過！！🥰

我地分別會係呢幾日係YIA地下同大家見面:
15/1(1530-1730)
19/1(1300-1500)
20/1(1630-1830)
21/1(1630-1830)
記住要嚟支持啊🔥

好啦好啦講住咁多先 之後嘅兩個禮拜我地都會係IG 同Facebook 逐個介紹我哋嘅莊員架😝大家要記住繼續留意我地環翊金鳶🦅Glefledge🪶啦✨！