Hein Htet
12/11/2022
ဆွဲဆန့်နိုင်တဲ့ LG Display
ဖုန်းလောကမှာ တစ်ဖြည်းဖြည်း ခေါက်နိုင်တဲ့ဖုန်း၊ လိပ်လို့ရတဲ့ Display နဲ့ဖုန်း စတဲ့ Display နည်းပညာတွေ တစ်ဖြည်းဖြည်း ပေါ်ထွက်လာပြီး ခုလည်း LG က ဆွဲဆန့်နိုင်တဲ့ Display ကိုထုတ်ပြလိုက်ပါတယ်။ ဒါပေမယ့် သတိမူရမှာက Concept ပဲရှိသေးတာဖြစ်ပါတယ်။ ၁၂ လက်မရှိတဲ့ Screen ကို ၁၄ လက်မထိ ဆွဲဆန့်လို့ရပြီး နဂို ၁၂လက်မအရွယ်အစားကိုလည်း Display ပျက်မသွားပဲ ပြန်ကျုံ့သွားနိုင်တဲ့ သတ္တိရှိပါတယ်။
ခေါက်လို့၊ ကွေးလို့၊ ကျုံ့လို့၊ ဆန့်လို့ ရတဲ့ Display ကို LG ကတာ့ Free Form လို့ နာမည်ပေးထားပါတယ်။ တစ်ကယ်လို့ နောက်ပိုင်း Stable နည်းပညာဖြစ်သွားရင် အရင်တုန်းက CGI video တွေထဲကလို့ အင်္ကျီမှာ Screen ကပ်တာ၊ တံခါးမှာ ကပ်ထားတာ မျိုးတွေ လုပ်လို့ရလာမလား ဘယ်သူမှမသိနိုင်ပါဘူး။ လေကြောင်းလိုင်းတွေ၊ ဖက်ရှင်တွေ၊ ဂိမ်းလောကမှာပါ အသုံးပြသွားနိုင်မယ့် နည်းပညာဖြစ်လာမယ်လို့တော့ LG ကဆိုထားပါတယ်။
ဒီ Display ဟာ LG အဆိုအရ အတော်လေး Quality ကောင်းပါတယ်။ 1000PPI Pixel Density ဖြစ်တာမို့ လက်မ ၄၀ 4K TV တစ်ခုစာ လောက်ကို PPI များပါတယ်။ ပြီးတော့ Full Range RGB ရပါဦးမယ်။ ဒီ Display ကို မျက်ကပ်မှန်လုပ်တဲ့ Silicon တစ်မျိုးကို အခြေခံပြီးတည်ထွင်ထားလို့ အနာဂတ်မှာ စပိုင်ရုပ်ရှင်တွေထဲကလို မျက်လုံးထဲ Screen ထည့်ဦးမလားဆိုတာပါ စောင့်ကြည့်ရပါမယ်။
အရင်တုန်းက 30 % ထိကွေးနိုင်ဆန့်နိုင်တဲ့ Screen တွေမိတ်ဆက်ခဲ့ဖူးပေမယ့် 120PPI ပဲရှိလို့ Resolution မကောင်းလို့ အဖက်လုပ်ခြင်းမခံခဲ့ရပါဘူး။ Samsung ကလည်း အရမ်းအကြမ်းခံတဲ့ Display ဆိုပြီး မိတ်ဆက်ခဲ့ဖူးပေမယ့် LG လောက် Quality မကောင်းခဲ့လို့ လူစိတ်ဝင်စားမခံခဲ့ရပါဘူး။
Ref : GSMArena
12/11/2022
ခေါက်လို့ရတဲ့ iPhone
ခေါက်လို့ရတဲ့ iPhone ဆိုရင် မိတ်ဆွေတို့ စိတ်ဝင်စားကြမလား။ Apple ရဲ့ Timeline နဲ့ဆိုရင် ခေါက်လို့ရတဲ့ iPhone ဆိုတာ အဝေးကြီးမှာရှိပါသေးတယ်။ iPad မှာ အရင်လာမလား၊ iPhone မှာ အရင်လာမလားဆိုတာ မသိရသေးပါဘူး။ ဒါပေမယ့် ဒီ Project ကို တရုတ်နိုင်ငံက ဖုန်းရူးသွပ်သူတွေက အတူတူ စုပေါင်းပြီး ခေါက်လို့ရတဲ့ iPhone ကို DIY လုပ်ခဲ့တာပါ။
Tech Aesthetics လို့ခေါ်တဲ့ နည်းပညာဝါသနာရှင်တွေက ခေါက်လို့ရတဲ့ iPhone ကို Motorola Razr 2019 Body ရဲ့ ခေါက်တဲ့နည်းပညာ ကိုအခြေခံပြီး iPhone X ကို Modified လုပ်ခဲ့ပါတယ်။ ခေါက်လို့ရတဲ့ ဒီ iPhone ကို iPhone V လို့ နာမည်ပေးထားပြီး ဖုန်းဖြစ်မြောက်လာဖို့အတွက် ရက်ပေါင်း ၃၀၀ ခန့်အချိန်ယူခဲ့ရတယ်လို့ ဆိုပါတယ်။
Display ကိုခေါက်နိုင်ဖို့အတွက် iPhone X Screen ပေါင်း ၃၇ လုံးကို Touch Layer နဲ့ Glass Cover ကိုမထိစေပဲ Flexible ဖြစ်တဲ့ LED Panel ပဲရအောင် ခွာလိုက်, ကပ်လိုက်နဲ့ အတော်လေး အလုပ်အရှုပ်ဆုံး အပိုင်းဖြစ်တယ်လို့ဆိုပါတယ်။ ခေါက်တဲ့အပိုင်းအတွက် Motorola Razr ရဲ့ Foldable နည်းပညာကို ယူသုံထားပြီး Moterboard တွေနဲ့ အထဲပိုင်း Circiut အနေအထားတွေကိုတော့ Budget မလောက်လို့ 3D Print ခဲ့တယ်လို့ ဆိုပါတယ်။ ဒါပေမယ့် Battery ကိုတော့ Design ပိုင်းအားနည်းချက်ကြောင့် 1000mAh ပဲရှိတဲ့ Battery ပဲထည့်နိုင်ခဲ့တယ်လို့ သူတို့က ဝန်ခံထားခဲ့ကြပါတယ်။
ဖုန််းဟာ Prototype လို့ သိရအောင်ပဲ မသေသပ်မှုတွေ၊ အပြစ်အနာအဆာတွေ အများကြီးရှိနေပေမယ့် နည်းပညာ ရူးသွပ်သူတွေ ဒီလောက်ထိဖြစ်အောင် တီထွင်နိုင်တာ ချီးကျူးရမှာပါ။ နောက်တစ်ခု ထူခြားတာက Hardware တင်မဟုတ်ပဲ Software ကိုလည်း iOS ကို Jailbreak ပြီး Foldable နဲ့ကိုက်ညီအောင် ပြုလုပ်ခဲ့တာပါ။ Split Screen နဲ့ ဖုန်းနဲ့ ကိုက်ညီတဲ့ UI တွေပြင်ထားခဲ့တယ်လို့ ဆိုပါတယ်။
Ref : GSMArena