blooming days

දන්නවද womens day ගැන අපි කොච්චර කතා කරනවද.. මාර්තු මාසෙම womens month එක වගේ..

ඒත්, mens day එකකුත් තියෙනවා කියල ඔයාල දැනන් උන්නද?ඔව් අද තමයි international mens day එක.

මහ කඳු වගේ බොහෝ දේවල් දරා ගෙන, විඳ ගෙන හතර වටේට සතුට ඉහින ආදරණීය පිරිමි චරිත ඔයා වටේ ඇති.

එයාට ආදරෙයි කියන්න, appreciate කරන්න , surprise කරන්න අමතක කරන්න එපා.

ඔබ කැමතිම version එක ඔබ ම වෙන්න.

❤

තනි වෙන්න බය වෙන්න එපා.

මනුෂ්‍යයන් වුණ අපි තනිව ඉන්න මේ ලෝකෙට ආව අය නෙමෙයි. සමූහ වශයෙන් ඉන්නයි අපි නිර්මාණය වෙලා තියෙන්නෙ. ඒ නිසා අපි අපේ ජීවිත කාලය තුළ සිය දහස් ගණන් මිනිසුන් එක එක පරාසයන් තුළ ඇසුරු කරනවා.
ඒත් මේ කිසිම කෙනෙක්, අඩුම ගණනේ අපේ දෙමාපියන් , spouse පවා අපිට 100%ක් සමාන හැඩතල දෙකක් එක මත තිව්වා වගේ සර්ව සමාන වෙන්නෙ නැහැ.පුංචිම තැනක හරි අඩු වැඩි වශයෙන් වෙනස් වෙනවා. මේ තැන්වලදි ඒ අය හෝ අපි වෙනස් නොවී එකිනෙකාගෙ වෙනසට ගරු කරන එකයි හොඳම විසඳුම.ඒත් අර පුංචි අඩු තැන් තියෙනවානෙ. ඒවා සපුරා ගන්න තනි වෙන්නම වෙනවා අපිට මොහොතකට හරි. ඒ නැතත් තනිකම තුළ survive වෙන්න practice වෙලා ඉන්න එක හොඳ skill එකක්. ඒ නිසා කිසිම වෙලාවක තනි වෙන්න වුණොත් අධෛර්යමත් වෙන්න එපා, බය වෙන්න එපා. බය නැතිව තනි වෙන්න. ඒකෙ චමත්කාරය විඳින්න. ඔයාත් නොදුටු චමත්කාරජනක තැන් ජීවිතේ හමු වන බව අත්දකින්න ලැබේවි.

ඒකට tips ටිකක් මේ.

01. හැඟීම්බර වෙන්න එපා.

මිනිස්සු කියන්නෙ තනියම ජීවත් වෙන්න මේ ලෝකෙට ආව අය නෙමෙයි. ඒත් විවිධ හේතු නිසා අපිට තනි වෙන්න වෙනවා. ඒ ගැන complain කරමින් වද වෙමින් ඉන්න එපා.

02.accept it

තනිකම පිළි ගන්න. ඔයාට ඔයාගෙ ශක්තිය පරීක්ෂා කරන්න ලැබුණ අවස්ථාවක් බව හිතන්න. Accept කිරීම තුළින්ම ගොඩක් ගැටලු ලිහෙනවා.

03. Grow up වෙන්න ලැබුණ අවස්ථාවක් බව හිතන්න.

තනිකම opportunity එකක් විදිහට බාර ගන්න. ජීවිතේ හැම side එකකින්ම grow up වෙන එක පටන් ගන්න

04.gratitude , self care

තනිකම , තනිවෙන්න සිදු වීම සාපයක් කර නොගෙන ඔයාට ආදරේ කරන්න, ඔයාගෙ හොඳම version එක හොයන්න පටන් ගන්න. ඒ වෙනුවෙන් gratitude , self care, mindfullnes වගේ දේවල් උඩින්ම තියා ගන්න. ඒවා practice කරන්න.

05.situation එක කළමනාකරණය කරන්න.

ස්වයං විනය අංක එක බවට පත් කර ගන්න. ආහාර වේල් මඟ හැරීම, හිතෙන හිතෙන වෙලාවට නිදා ගන්න එක, ව්‍යායාම මඟ හැරීම .... මේවාට life එක messy කරන්න ඉඩ දෙන්න එපා.

06..start something new

U turn එකකට, අලුත් දෙයක් පටන් ගන්න මේ හොඳම වෙලාව. අලුත් පාඨමාලාවක් , ආදායම් මාර්ගයක්, විනෝදාංශයක් ,skill එකක් හදා ගන්න පටන් ගන්න. දවස ගානේ ඒ වෙනුවෙන් කාලය කැප කරන්න.

07.නොගැළපෙන තැන්වල කඳවුරු බඳින්න එපා.

බුදුන් වහන්සේ පවා දේශනා කළා ගැළපෙන අය නැත්නම් තනියම ඉන්න කියලා. මේ කියන්නෙ ඇසුරු කරන්න එපා කියල නෙමේ. Boundaries සහිතව ඒ දේ කරන්න. Bad qualitiesවලට proof වෙන්න.

ඔයා දැකලා ඇති rain lily, garden lily වගේ මල් පඳුරු සමහර කාලවල හොයන්නවත් නෑ. ඒත් අමාරු කාලවල පස් යට හුස්ම අල්ලන් ඉඳලා හොඳ කාලෙ ලස්සනට පිපෙන්නෙ හැමෝම පුදුම කරමින්. Rain lily පඳුරක් වඳ වෙලා කියල හිතන් උන්නු මම ඊයෙ පෙරේදාවක හොඳටම පුදුම වුණා මේ වැහි දවස්වලට rain lily යායක්ම මිදුලෙ දැක්කම.

ආදරෙන් කියන්නෙ. තනිවෙන්න බය වෙන්න එපා. අඳුරෙදි සෙවණැල්ල පවා අහිමි වෙනවා

අපි හැමෝටම කවදා හෝ තනි වෙන්න වෙලා තියෙනවා. කවදා හරි මොහොතකට හරි තනි වෙන්න වේවි. එහෙම කාල පරාස හැම ජීවිතේකටම හිමියි.

ඒ වගේ situation එකකදි survive වෙන්නෙ කොහොමද .

හෙට උදේ කතා කරමු.
6.00ට

Don't stop believing 🌷🌷🌷

Yesterday and Tomorrow ...

අපිට එකවර විශාල, විශිෂ්ට විදිහට කරන්න බැරි වෙන්න පුලුවන්. ඒත් අපිට පුලුවන් අපි කරන කුඩා දේවල් විශිෂ්ට විදිහට කරල නිම කරන්න. ඒක ලොකු දේවල් කරන්න හොඳ ආරම්භයක්.

අපිට ආපහු මුලට ගිහින් ආරම්භය වෙනස් කරන්න බැහැ. නමුත් අපිට මේ මොහොතේ පටන් ගත්තොත් පුලුවන් අවසානය අපි කැමති විදිහට වෙනස් කරන්න.

නිවෙස යනු අප උපන් තැන හෝ ජීවත් වන තැන නොවේ. අපගේ පලා යාමේ උත්සාහයන් නතර කරවන තැනය.

අලුත් ඇරඹුමක් කියන්නෙ අලුත් තැනක්ම නෙමෙයි. ඒක අලුත් සිතුවිල්ලක් වෙන්න පුලුවන්.

Enjoy the little things

මේක නොයෙක් වර හිතෙන, ඇහෙන දෙයක් වුණත් අපි ඒ ගැන එතරම් හිතලා නෑ නේද? අපි හැමදාම සුවදායක විඳීම බලාපොරොත්තු වුණේ ලොකුම දේවල්වලින්.

එහෙම කරද්දි අපිට පුංචි දේවල්වලින් විඳීමේ සතුට කොච්චර අහිමි වෙලාද..පුංචි දේවල් මේ මොහොතෙදි විඳිමු. ඒවා තමා දවසක ලොකුම මතක බවට පත් වෙන්නෙ.

මේ ඒ වගේ පුංචි දේවල් ටිකක්. විඳීම් විවිධාකාරයිනෙ. මෙතැන නැති ඔයාගෙ ප්‍රීතිමත් ඉසව් කියන්න අමතක කරන්න එපා.

World kindness day..

ඔව් ඒ අද.. කිසිම වැය කිරීමක් නැතිව අපිට මේ ලෝකෙට දෙන්න පුලුවන් දෙයක් තමා කාරුණික බව. ඒත් දන්නවද ඒක මිල අධිකම, මිලක් කියන්න බැරි තරම් වටින දෙයක්. මිනිස්සු වැඩියෙන්ම පිපාසිත කාරුණික බව වෙනුවෙන්.

මෙන්න මේකයි සමහර කාලවලදි blooming days නිහඬව තියෙන්න හේතුව.. ඒ කාලෙට මට ඇත්තටම මොකුත් ලියන්න බෑ. අවංක නොවී ලියන්න හරි අමාරුයි. ඒ නිසා නිහඬ බව තමයි මගේ option එක. ඒ වගේ දවස්වලදි මට message කරලා මාව හොයපු ඔයාලා හැමෝම හුඟක් ආදරණීය අය. මම ඔබව නමින් දන්නවා. ඔයාල මාව නමින් හෝ අඳුනන්නෙ නෑ. ඉතින් නන්නාඳුනන කෙනෙක් ගැන කාරුණික වෙන්න පවා කාලය හොයා ගත්ත ඔයාල හරිම උතුම් මිනිස්සු. ඒකය ස්තුතියි. ඒ පුංචි messages මට energy sources ❤❤🥰🥰

මේක ඇත්තක්👇

මට වෙලාවකට හිතෙනවා මම වයසට ගිහින්ද කියල,
ගතින් නැතත් හිතින්...

ඉස්සර තදින්ම අල්ලන් කවදාවත් අත්හරින්න බැරිවෙයි කියල හිතෙන දේවල් මගෙන් ඈත්වෙලා යන දිහා මම බලන් ඉන්නෙ හරිම හිස් හැඟිමකින්,
හැමෝම එක්ක තරඟ කරන්න ඕනේ,මේ ජිවිතේ ලොකු තරඟයක් රේස් එකක් කියල හිතපු මම දැන් මේ ජිවිතේ දිහා බලන්නෙ හිමින් හිමින් ලියන්න ඕනෙ පොතක් දිහා බලනව වගේ...
ජිවත් වෙලා ඉන්න කාලේ මට ඕනේ හිමාලයෙ කන්දක් නගින්න,නැත්තන් කොලපාට පිරුණු පාරක රෝඩ් ට්‍රිප් එකක් යන්න,භාවනා කරන්න,චිත්‍ර අඳින්න,පොත් කියවන්න
ඝෝෂාකාරී සංගිතය වෙනුවට මං අයෙත් අමරසිරි පිරිස්ගෙ,සුනිල් එදිරිසිංහලාගෙ,ගුනදාස කපුගේ ගේ සිංදු අහන්න පටන් අරං,
කිසිම දෙයක් ගැන මට දැන් ඊරිසියා හිතෙන්නෙ නැහැ...
මේ හැමදේකම තාවකාලික බව මට දැනෙන්න පටන් අරං...
කා එක්කවත් තරඟ කරන්න,ලකුණු දා ගන්න වැඩ කරන්න මට හිතෙන්නෙ නැහැ,
කොච්චර වැඩ කරත් කොච්චර හොඳ කරත් මිනිස්සු වැරදිම දකිද්දිත් මට දැන් තරහ යන්නෙ නැහැ...
මට නොලැබෙන දෙයක් තව කෙනෙක්ට ලැබෙනකොට මට දැන් දැනෙන සතුට දැනෙන්නෙ හදවතින්මයි කියල මටම දැනෙනවා...

මිනිස්සුන්ට වයසට යන්න නාකි වෙන්නම ඕනෙ නැහැ , මම දන්නවා අපේ ජෙනරේෂන් එකේ ගොඩක් අය වයසට ගිහිං

ඔව් මාත් වයසට ගිහිං ....

මුලින්ම ඔබ වෙනුවෙන් වැඩ කරන්න. අනිත් හැමදේම ඊට පසු...

මල් දරන
මල් ඉහින
මල් පුබුදුවන
සුන්දර මිනිසුන් ය.
ලෝකය මල් යායක් කළේ. කරන්නේ. කරනු ඇත්තේ.

මේ මොහොතෙ ජීවත් වෙමු.

ජීවිතය රැඳිලා තියෙන්නෙ මේ මොහොතෙ විතරමයි. ආයෙ උදා නොවෙන අතීතයේවත්, තාම උදා වෙලා නැති අනාගතයේවත් නෙමෙයි.

ඒත් අපි කරන්නෙම ඉවර වුණ අතීතෙ දේවල් මෙනෙහි කරමින් හෝ තවම උදා නොවුණු අනාගතය අසීමිතව සැලසුම් කරමින් මේ මොහොත තුළ ජීවිත් වීම මඟ හරින එක.

අපි හැමෝම, මේ මම පවා මේ මොහොතේ ජීවත් වීම කරන්නෙ, එහෙම කරන්න ලැබෙන්නෙ සාපේක්ෂව හරිම අඩුවෙන්.

අතීතයෙන් පාඩම් ඉගෙන ගනිමු. අනාගතය ගැන සිහින දකිමු. ඒ අතරෙ මේ මොහොත තුළ ජීවත් වෙන එක පටන් ගනිමු.

ඒ නිසා හොඳම දේවල් focus කරන්න.

හොඳ වගේම නරක දවසුත් අපේ ජීවිතවල නියතයක්. එහෙම නරක දවස් පවා accept කරන්න.ඔයාගෙ උපරිමයෙන් ඒ දවස් manage කරන්න.

අමතක කරන්න එපා.

නරක දවසකටත් තියෙන්නෙ පැය 24යි.

චෝදනා පිරුණු පරිසරයක survive වෙන්නෙ කොහොමද?

මේක ලියන්න මම සුදුසුයි කියල මම හිතන්නෙ, නිතරම අනුන්ට චෝදනා කරන නායකයෙක්, work place එකක් තුළ හතර වෙනි අවුරුද්ද පහු කරද්දි හිතේ සැනසීම නැති කර නොගෙන ඉන්න තරමට මම මාව develop කර ගත්ත නිසා.

📌️ මුලින්ම ඒ චෝදනා සාධාරණනම් අවංක වෙන්න. අදාළ අය එක්ක ඒ ගැන ඍජුව කතා කරන්න. ආයෙ එවැන්නක් නොවෙන බවට විශ්වාසය ඔවුන් තුළ ගොඩ නඟන්න. ඇත්තටම ආයෙ එහෙම චෝදනාවලට ලක් නොවෙන මට්ටමට ඔයා ඔයාව පරිස්සම් කර ගන්න.

ඒ චෝදනා අහේතුක ඒවනම්,

📌️ වටින් පිටින් එන නිල නොවන ආරංචිවලට කලබල වෙන්නවත් ප්‍රතිචාර දක්වන්නවත් එපා.

📌️අදාළ කෙනා ඒ සම්බන්ධව කතා කළොත් ඔයාගෙ පැත්තෙ කතාව පැහැදිලිව කියන්න. ඒක ඉවර කර ගන්න.

📌️ මම දැකල තියෙනවා අදහසක් "නිහඬතාව හොඳම පිළිතුර" කියලා. නෑ. ඔයාගෙ නිහඬතාව නිසා ඔයා නොදැනම ඔයාට හානි වෙන්න පුලුවන්. ඕන වෙලාවෙ ඕන තැන කතා කරන්න.

📌️ නැවත එවැනි අය සමඟ සමීප සම්බන්ධතා පවත්වන්න හිතන්නවත් එපා. අවශ්‍ය මට්ටමේ සම්බන්ධතාව තියා ගන්න. ඒ තුළ ඔබේ භූමිකාව හරියට ඉටු කරන්න.

📌️ සමාජ මාධ්‍යවල "වැදියන් " කියන memes share කරන්න එපා. ඒක හොඳ නැත්තෙ ඔයාට.ඌරො කුණු අවුස්සන එක අලුත් දෙයක් නෙමෙයි. හංසයො ගිහින් ඒවා ගා ගන්නෙ නැහැනෙ.

📌️ වටිනම දේ mindfullnes එක ..ඒක practice කරන්න. ඔයාගෙ මනස කියන බලකොටුව කාටවත් බිඳින්න බැරි විදිහට හයියට හැදුවම ඔයා සුරක්ෂිතයි.

📌️ මේ ගැන ඔයාගෙ spouse , ගෙදර කෙනෙක්, යහළුවෙක් එක්ක කතා කරන්න . ඒත් ඒක දිගටම කරන්න එපා.

📌️අදාළ තැනින් පිටට ඒ ගැටලුව spread කරන්න එපා. උදාහරණ විදිහට ගෙදර ගැටලුවක් ආයතනයට, ආයතනයේ ගැටලුවක් මිතුරු සමාජෙට ගෙනියන්න එපා.

📌️ thankful mind එකකින් දවස පටන් ගන්න. පැටලුණු නූල් බෝලයක් නොවී නොවී ඔයා happy pill එකක් වෙන්න.

📌️ වැදගත්කම දේ, ඉඩ ලැබෙන පළමු අවස්ථාවෙම එතැනින් ඉවත් වෙන්න
එතෙක් ඔයා ඔයාව රැක ගෙන පරිස්සමෙන් ඉන්න.

හැම blooming හදවතකටම සුන්දර මිනිස්සුම හමු වෙන්න කියල ප්‍රාර්ථනා කරනවා.

මෙහෙම දවස් අපි හැමෝටම එක පාරක් හරි උදා වෙලා තියෙනවා.

ඉතින් අපි කොහොමද එහෙම අවස්ථා manage කරන්නෙ. Survive වෙන්නෙ.

අපි කතා කරමු.

හෙට උදේ 6.00ට

හොඳ දේවල් ලෝකෙට දෙන්න.
හොඳ දේවල් ලැබේවි.

ඒක සොබාදහමේ නියතයක්

සිහින දකින්න බිය වෙන්නවත් , කම්මැලි වෙන්නවත් එපා.

හැමදාම යථාර්ථයක් වුණේ කවුරු හෝ කොහෙදි හරි දැකපු සිහින.

Part time dreamer කෙනෙක් වෙලා පටන් ගන්න. Full time achiver කෙනෙක් වෙන සුන්දර journey එක.

හඹා යාම වෙනුවට ආකර්ෂණය කර ගන්න උත්සාහ කරන්න.

Life is a journey ..

ඒ ජර්නි එකේ හැඩය ඔයා ආසම විදිහට සැලසුම් කරන්න.

අමතක කරන්න එපා

🌼 ඔයා සතුටින්ම හිටපු දවස්, වේදනාව ඔයා වහගෙන වැඩුණු දවස් වගේම ඔයා ඒ වේදනාවන් මතින් නැගිටපු හැටි.

🌼ඔයාව ධෛර්යමත් කරපු වචන, ඒ වගේම ඔයාව වට්ටන්න ඔයාගෙ පාර දෙපැත්තෙන් වැටුණු කකුල් මාට්ටු. ඒවා මඟ ඇරලා ඔයා දිනුම් කණුව ළඟට ආව හැටි.

🌼 ඔයා වෙනුවෙන් ඕනම වෙලාවෙදි දිගු වුණ ආදරණීය දෑත්. ඒ වගේම හිතා ගන්න බැරි ඇසිල්ලකින් හැකිලුණු fake hands

මේ sides දෙකම මතක තියා ගන්න. අධිමානයට පත් වෙන්නවත්, වෛර කරන්නවත්, පසුතැවිලි වෙන්නවත් නෙමෙයි. මැද තැනක ඉඳන් මැදිහත්ව හැම දේම දකින්න.

තාවකාලික සුවපහසු බව, සතුට වෙනුවෙන් ඔයාට ලැබෙන වටිනා අවස්ථා අහිමි කර ගන්න එපා.

හැම වෙලාවෙම ප්‍රථම තේරීම, සතුට බවට පත් කර ගන්න..අනිත් හැම ප්‍රාතිහාර්යයක්ම පටන් ගන්නෙ එතැනින්.

We can adjust

තරු පිරුණු අහස..

Most beautiful vibe in my life..
How about you?

Clap others 👏
ඔයාගෙ අවස්ථාව ඊළඟට

කතා කරන්න, අදහස් දෙන්න ඕන තරම් අය ලෝකෙ ඉන්නවා. හොඳ සවන් දෙන්නන්ගෙ අඩුවක් තමා තියෙන්නෙ. ඔයා එහෙම කෙනෙක් වෙන්න.

වැරදේවි. ඍණ ගණන්වලට යාවි. ඒත් ඔයාගේ better version එක වෙනුවෙන් කරන කිසිම දෙයක් මඟ හැර ගන්න එපා. දවසක හැමදේම, හොඳම විදිහට හරියනවා.❤

Busy වෙලා හැම දේම නූල් බෝලයක් වගේ පටලවා ගන්නෙ නැතිව, productive වෙලා එකින් එක පිළිවෙළට කරන්න.

හැම දෙනාටම productive සති අන්තයක්..

බිඳුණු තැන් ලස්සනට පිරියම් කරන්න හිතෙන තරම් හොඳ හදවතක් ඔයාට තියෙනම්.. ඒක පරිස්සමින් රැක ගන්න. මොකඳ බිඳෙන දේවල් බිඳෙන්න දෙනවා මිස රකින්න හිතන අය, බිඳුණු දේවල් ඉවත දානවා මිස පිරියම් කරන්න හිතන අය මේ ලෝකෙ හරිම දුර්ලභයි.

ආදරයේ හොඳම හැඩය SELF LOVE ❤