by Athapatthu

💽 | Wellcome to the Hollywood Walk of Fame "TUPAC SHAKUR"

(2023- 06 - 07)

🎬 ස්නුප් ඩෝග්ගෙ ''ජීවිත කතාව'' ඉදිරියේදී චිත්‍රපටයකින්!

West Coast-Hip Hop Icon එකක් වන රැප් ගායක 'Snoop Dogg' තමාගේ ජීවිත කතාව සිනමාපටයකට ගෙන එන බව බදාදා (නොවැම්බර් 9) දින නිවේදනය කරනු ලැබුවා. මේ සඳහා ජනප්‍රිය චිත්‍රපට නිෂ්පාදන සමාගමක් වන 'Universal Pictures' සමඟ සාකච්ඡා කර, ඒ අනුව චිත්‍රපට⁣යේ වැඩකටයුතු ආරම්භ කිරීමට තීරණය කර ති⁣යෙනවා.

1971 ඔක්තෝබර් 20වන දින California වල Long Beach නගරයේ 'Calvin Cordozar Broadus Junior' එහෙම නැත්තන් අපි කවුරුත් දන්න 'Snoop Dogg' උපත ලබනවා. මේ වන විට වයසින් 51ක් වන ස්නූප් රැප් ගායකයෙක් වගේම නළුවෙක්ද වෙනවා. මේ වසරේ එළිදක්වපු 'Day Shift' චිත්‍රපටයේ 'Big John'ගේ චරිතය ස්නූප් විසින් රඟදැක්වූවා. 😁

ඊට අමතරව මොහු 'Death Row Records' හි අලුතින් පත්වූ ප්‍රධාන විධායක නිළධාරි⁣යාද වෙනවා.

ස්නූප් මේ වසර (2022) ආරම්භය ගනු ලැබුවේ, තමාගේ ආරම්භක ස්ථානය වුන 'Death Row Records' කියන සන්නාමය නැවත ඔහුගේ අතට පත්කර ගැනීමත් සමඟයි. 90 දශකයේ හිප් හොප් ලේබල් අතර ඉහළම පුටුව දරපු ලේබලයක් තමයි ඩෙත්⁣ රෝව් කියන්නෙ. පසු කාලයක, එම ආයතනය විවිධ හේතූන් නිසා කඩාගෙන වැටුණා. ඒ හේතුව නිසාම ලේබලය වෙන්දේසි කිරීමට සිදුවෙනවා. ඉතින් වෙනත් ආයතනයක් සතුව තිබුන, ඩෙත්⁣ රෝව් නැවතත් මුල් පරම්පරාවේ සමාජිකයෙකු වන ස්නූප් අයිතිකර ගන්නවා.
ස්නූප් පසුව පවසන්නේ, ඔහුට හි අයිතිකරු වීමට අවශ්‍යය වුනා සහ ඒ හරහා නැවත ගීත නිකුත් කිරීමටත්, වෙළඳ භාණ්ඩ අලෙවි කිරීමටත් සහ වාර්තාමය චිත්‍රපටත් වගේම ඔහුගේ ජීවිත කතාව නිර්මාණය කිරීමට අදහසක් ඇති වූ බවයි.
ඒ අනුව, ස්නූප් 'Death Row Pictures' පිහිටුවන්නේ චිත්‍රපට නිෂ්පාදිකාවක් වන 'Sara Remaker' සමඟ එක්වෙමිනි.

ඉතින් ස්නූප්, ඔහුගේ ජීවිත කතාව Universal Pictures හා 'Death Row Pictures' සමාගමද එක්ව තමයි මෙය නිෂ්පාදනය කිරීමට සැලසුම් කරල තියෙන්නෙ. ඒ අනුව මෙය, හරහා එළිදක්වනු ලබන ප්‍රථම සිනමාපටය වෙනවා.
මෙම චිත්‍රපටය අධ්‍යක්ෂණය සඳහා ස්නූප් තෝරාගෙන තියෙන්නෙ, මීට පෙර චිත්‍රපට වගේම සහ 2017 වසරේදී කොටස් 4කින් යුක්තව නිකුත් කෙරූ 'The Defiant Ones' නම් Documentaryයේද, 2019 දී නිර්මාණ කිරීමට සැලසුම් කර ඇති, ටූපක්ගෙ සහ ඔහුගේ මව ඇෆෙනි ෂකූර්ගෙ ජීවිත පිළිබඳව කතා කරන 'Dear Mama' නම් Documentary Series වලද අධ්‍යක්ෂකවරයා වන 'Allen Hunghes' නම් චිත්‍රපට අධ්‍යක්ෂකවරය යි.
🔥 ඊට අමතරව ඔහු විසින් ටූපක්ගෙ 'Brenda's Got A Baby', 'Trapped' සහ Dr.Dreගේ 'I Need A Doctor' ගීතවල විෂුවල් වලට අධ්‍යක්ෂණය ලබාදී තිබෙනවා.

මෙහි තිර රචනය සඳහා, අද දින (11) සිනමාහල් වල එළිදක්වනු ලබන 🔥 'Black Panther: Wakanda Forever' චිත්‍රපටයේ තිර රචකයා වන 'Joe Robert Cole' තෝරාගෙන තියෙනවා.

චිත්‍රපට නිෂ්පාදනය සඳහා Death Row Pictures සමඟ Allen Hunghes ද එකතු වෙනවා.

2002 වසරේ නිකුත් කළ '8 Mile' චිත්‍රපටයද බොක්ස් වාර්තා බිඳ දමා සාර්ථක වූ තවත් එක් චරිතාපදාන චිත්‍රපටයකි. ඒ වගේම 2003 වසරේ The Academy සම්මාන උළෙලේදී 'Best Music, Original Song' ට හිමි ඔස්කාර් සම්මානයද දිනාගනු ලැබුවා. ඒ වගේම 2015 වසරේ නිකුත් කළ 'Straight Outta Compton' චිත්‍රපටයද බොක්ස් වාර්තා බිඳ, 2016 වසරේ Academy සම්මාන උළෙලේදී 'Best Screenplay' යටතේද නිර්දේශ වූ සාර්ථක චරිතාපදාන සිනමාපටයකි.
ඉතින් මේ චිත්‍රපට දෙකම පිටුපසින් 'Universal Pictures' සමාගම සිටිබවත් මතක් කරමින්, හිප් හොප් ලෝලීන්ට මේ ලිපිය ගේනවා. 🤗

- සටහන සහ අයිතිය: අතපත්තු

🙏 Thank you all who are staying with us and SriCom's 'Srimal'. Stay with us.

🎉️| ඩි⁣ට්‍රොයිට් රැපර් 'B-Rabbit'ගේ, ජීවිත කතාවට අද අවුරුදු 20යි!

ඩිට්‍රොයිට් වල ජීවත් වූ එමිනම්ගේ, ජීවිත කතාව පාදක කරගනිමින් '8Mile', සිනමාපටයක් ලෙස නිර්මාණය වෙනවා. Curtis Hansonගේ අධ්‍යක්ෂණයෙන් හා Scott Silverගේ රච⁣නයෙන් නිෂ්පාදනය වූ '8Mile' සිනමාපටය, 2002 නොවැම්බර් 8වන දින එළි දක්වනවා.

'8Mile' සිනමාපටයේ 20වෙනි සංවත්සරය අද දින යෙදී තිබෙනවා.

මෙහි ප්‍රධාන චරිතය වන Jimmy "B-Rabbit" Smith Junior කියන වීදි රැප් සටන්කරුවාගේ චරිතයට එමිනම් පණ පොවනවා. ඒවගේම කියන්නේ, එමිනම් රංගන දායකත්වය ලබාදුන්න ප්‍රථම සිනමාපටයයි.

📣 එමිනම්ගේ 8 Mile 20වෙනි සංවත්සරය අද!

විසිවෙනි සියවසේ, සංගීත ක්ෂේත්‍රයේ බිහිවුන සාර්ථකම පතාක යෝධ කලාකරුවා එමිනම්! 👑 තවමත් එමිනම්ව සලකන්නේ රැප් ලොව දෙවියන් ලෙසයි. 🙏 එමිනම් කියන්නේ ඩිට්‍රොයිට් වලින් බිහිවුනු සුදු ජාතික රැප් කලාකරුවෙක්. කලු ජාතිකයින්ට පමණක් ආවේණික ⁣වෙලා තිබුණ මේ රැප් කලාවට එමිනම් පැමිණියේ ඉතාමත් අසීරු මාවතකයි. ඒ කලු-සුදු වර්ණභේදය හොඳින් ඇවිලුණු කාලයක. ඉතින් එහෙම දුක් කම්කටොලු මැද එමිනම් ලොවක් දන්නා, ලොවක් ආදරය කරන මහා දැවැන්තයෙක් වෙනවා. 🥰 ⁣ඉතින් අපි අහලා, දැකලා තියෙනවා එහෙම දුක් බාධක මැද, ජීවිතය ජයගත් මිනිසුන්ගේ ජීවිත කතාව පිළිබඳ කළ නිර්මාණ. ඉතින් ඒ වගේම මේ සුදු ජාතික රැප් දැවැන්තයාගේ ජීවිත කතාව පාදක කරගනිමින් නිර්මාණය වුණු චිත්‍රපටයක් තියෙනවා.

ඉතින් දැනට අවුරුදු 20කට කලින් එලෙස, එමිනම්ගේ ජීවිත කතාව පාදක කරගනිමින් නිර්මාණය වුන සිනමාපටය තමයි " 8 Mile " කියන්නේ. 2002 නොවැම්බර් මස 8වෙනි දින එළිදක්වන මෙම සිනමාපටය; Curtis Hansonගේ අධ්‍යක්ෂණයෙන් හා Scott Silverගේ රච⁣නයෙන් නිෂ්පාදනය වෙනවා. ඉතින් එමිනම්, තමන්ගේම ජීවිත කතාව පාදක කරගනිමින් නිර්මාණය වෙන මෙම සිනමාපටයට වගේම ඔහුගේ මංගල සිනමාපටයට මෙලෙස රංගනයෙන් දායක වෙනවා. ඒ ඩිට්‍රොයිටයේ වීදි රැප් සටන්කරුවාගේ චරිතය දක්වන Jimmy "B-Rabbit" Smith Junior නම් ප්‍රධාන චරිතයට පණ පොවමින්. ⁣මේ සිනමාපටයේ 20වෙනි සංවත්සරය ලබන මාසයේ 8වෙනි දිනට යෙදෙනවා. ඒ වගේම මෙම සිනමාපටය වෙනුවෙන් කළ ගීත ඇල්බමයක්ද නිකුත්වෙනවා. 🔥
ඒ ඇල්බමය නම් " 8 Mile: Music from and Inspired by the Motion Picture " සිනමාපටය එළිදැක්වීමට දින 10කට ප්‍රථමව මෙය නිකුත් කරනු ලබනවා. ඒ ඔහුගේම ලේබලය වන Shady Records හරහා. මේ ඇල්බමයේ, එකළ හිප්⁣ හොප් රැප් වල මුල් පුරුක් වෙච්ච; Rakim, Jay Z, Nas, Mobb Deep යන දැවැන්තයින් ඇතුළුව Xzibit, 50 Cent, Gang Starr, D12, Obie Trice, Freeway, Macy Gray, Boomkat, Young Zee අයද දායක වුන ගීතවලින් අන්තර්ගත වෙනවා.
2002 වසරෙදි නිකුත් කල මෙම ගීත ඇල්බමයේ 20වෙනි සංවත්සරය අදට(ඔක්තෝබර් 29) යෙදී තිබෙනවා. 👏 ඉතින් මෙම සංවත්සරය නිමිත්තෙන් එමිනම් මෙහි තවත් නව සංස්කරණ ඇල්බමයක් නිකුත් කරන්නේ, ආයේ සියලුම වාර්තා අලුත් කිරීමටයි. ඉතින් මේ ගීත ඇල්බමයේ ඇතුළත් වුනා තවත් සුවිශේෂිම නිර්මාණයක්. ඒ " Lose Yourself ". එමිනම් මෙම ගීතය පද රචනය කරන්නේ, ඔහු පණපොවන චරිතය වන B-Rabbit ගේ ජීවිත කතාවත්, එමිනමිගේ ජීවිත කතාවත් එක්කයි. 🔥 තව දෙයක්, එමිනම් මෙම ගීතය ලිවීමට කාලය ගන්නේ, 8 Mile නිර්මාණය කිරීම් අතර තුරේදි ලැබෙන විවේක කාලයේදී. එවැනි කලබලකාරී අවස්ථාවක විවේකයෙන් ගීතයක් කෙසේ ලියන්නද කියලා කල්පනා කරන්න. ඉතින් ඒ පෙනෙන්නේ එමිනම්ගේ දක්ෂතාවයයි, උනන්දුවයි, කැපවීමයි. එහි ප්‍රතිඵලය විදියට තමයි අවසානයේ ඔස්කාර්/ඇකඩමික් සම්මානයක් පවාද දිනාගන්නේ. 🤩🔥

මේ ගීත ඇල්බමය නිකුත්කළ පසු, එමිනම්ගේ ප්‍රෙක්ෂකයින් මෙය ආදරයෙන් වැළඳගන්නවා. ඒ නිකුත් කල පළවෙනි සතිය තුළම පිටපත් (Physical Copies) ලක්ෂ 7කට වැඩි ප්‍රමාණයක් අලෙවි වීමත් එක්ක. මෙහෙම අලෙවි වෙමින් අවසානයේ, ලක්ෂ 37කට වැඩි ප්‍රමාණයක් අලෙවි වී අවසන් වෙනවා. 😮 ඒ නිසාම, එම වසරේ(2002) එරට වැඩියෙන්ම අලෙවි වූ ගීත ඇල්බම ලැයිස්තුවේ 5වෙනි තැනට පත් වෙනවා.
එහෙම ඒ ඇල්බමය වාණිජමය වශයෙන් සාර්ථක වෙනවිට, තව Billboard චාර්ට්ස් වල ඉහළින්ම වැජ⁣ඹෙනවා. Top 200 Albums අතර පළමුතැන සති 4ක අඛණ්ඩ කාලයක්ද, තවත් Top Hip Hop Albums අතරේ පළමුතැනද, Lose Yourself තනි ගීතය පමණක් Billboard Hot 100 චාර්ට් තුළ පළමු ස්ථානයේ අඛණ්ඩ සති 12ක කාලයක්ද පවතිනවා. මෙය එසේ පැවතුන එමිනම්ගේ පළමු ගීතය වෙනවා. තව Grammy සම්මාන 2ක්ද (Best Rap Song/ Best Male Solo Performance) Lose Yourself ගීතයට පමණක් හිමිවෙනවා. ⁣ඒ විශිෂ්ඨ නිර්මාණය අදටත් එමිනම්ව සංකේතවත් කරනවා. ඒ තරම් ජනප්‍රිය වුන ගීතයක්.

ඒ වගේම, තව දැවැන්ත ජයග්‍රහණයක් Lose Yourself අත්කර ගන්නවා. ඒ, 2003 වසරේ පැවති 75වෙනි Academic සම්මාන ප්‍රදානෝත්සවයේදි ⁣එමිනම්වත් නොසිතුව ආකාරයට Lose Yourself ගීතය සඳහා Best Original Songට හිමිවෙන ඔස්කාර්/ඇකඩමික් සම්මානය දිනාගැනීමෙන්. 🔥 ඇකඩමික් සම්මාන උළෙලේ ඉතිහාසය තුළ, රැප්/ හිප් හොප් කලාකරුවෙකුට හිමිවුන පළමු ඇකඩමික්/ඔස්කාර් සම්මානය ලෙස ඉතිහාසයට එකතුවෙනවා. 😱 නමුත් එමිනම්, මෙදින රාත්‍රියේ ඇකඩමික් සම්මාන ප්‍රදානෝත්සවයට සහභාගිවීම ප්‍රතික්ෂේප කරනවා. 😕 එම අවස්ථවේ එමිනම්ට හිමිවූ ඔස්කාර් සම්මානය, එම ගීතයේ නිෂ්පාදවරයෙකු වන Luis Restro වෙතට භාරකරනවා.
එමිනම්ගේ මේ නොපැමිණීම හේතුවෙන් බොහෝ රසික පිරිසක් කලකිරීමට පත්වෙනවා. කවුද ඉතින් මේ වගේ අවස්ථාවක් නැති කරගන්නෙ. 🙁 හේතුව වෙන්නේ⁣ මේකයි. මෙහෙම ජයග්‍රහණයක් කොහොමවත් නොලබන බව ඔහු කලින් ඉඳන් විශ්වාස කරනවා. මොකද ඒ, මේ ඔස්කාර් සම්මාන ඉතිහාසයේ රැප් ගීතයක් වෙනුවෙන් සම්මානයක් එතකන් කාටවත් ලැබී තිබුණේ නැති නිසා ඔහුට ⁣කිසිසේත් එය හිමි නොවන නිසා. ඉතින් ඒ නිසාම ඔහු එයට සහභාගී වීම අමතක කරනවා. ඒ කෙසේ වෙතත් එමිනම් කියන්නේ වැඩිය ප්‍රසිද්ධියේ පෙනීසිටීමට අකමැති කෙනෙක්නෙ.
වරක ඔහු පවසනවා, එදින රාත්‍රියේ තමා එම සම්මාන උළෙලට සහභාගී වීම වෙනුවට, ඔහුගේ දියණිය වූ හේලි සමඟ සිය නිවසේ සිට රාත්‍රිය ගත කරා කියලා. 🥰 එදින සම්මාන උළෙලද නරඹා නැති අතර, ඔහු නිදාගන්න පැමිණි අවස්ථාවක ලුයිස් විසින් එමිනම්ට මේ සුභ ආරංචිය දුරකථනය ඔස්සේ පසුව පවසනවා.
// I think I was just at home with my daughter... and I didn't watch it, either. At that point in time Hailie had to be at school early in the morning, so I was sleeping //

ඔන්න ඊට අවුරුදු 17කට පසුව නැවතත් ඔහුට අවස්ථාවක් හමුවෙනවා, එමිනම්ගේ වචන වලින්නම්; " Look, if you had another shot, another opportunity ". මේ, ඔහුට වසර 17කට පෙර මඟහැරී ගිය වේදිකාවේම, නැවත පළමුවරට පෙනීසිටින්න අවස්ථාව ලැබෙනවා. ඒ 2020 වසරේ පැවැත්වූ, 93වෙනි ඇකඩමික් සම්මාන ප්‍රදානෝත්සවයේදි. 🤩🔥
ඉතින්, එදින පැමිණි සිටි සියලුම ප්‍රෙක්ෂකයින් අමන්දානන්දයට පත්කරමින්, එමිනම් වේදිකාව උඩට පැමි⁣⁣ණියා. වේදිකාවේ දිස්වෙන තිරය මත, 8 Mile සිනමාපටයේ ජවණිකාවද අවසන්⁣ වනවාත් සමඟම Lose Yourself ගීතයේ ගිටාර් වාදයත් එක්ක වේදිකාවට පැමිණි එමිනම් හට උණුසුම් පිළිගැනීමක් හමුවුණා. 🔥 සියලූම දෙනා Drum Pattern තාලෙට හිස වනමින් පුදුම වී බලා සිටියේ, මෙය කලින් දැනුම් දී නොතිබුණු නිසයි. මේ ප්‍රෙක්ෂකාගාරයේ අසුන් වල සිටියේ විවිධ ක්ෂ්‍රේත්‍ර වල සුපිරි තරු රැසක්. ඔවුන්ව පුදුම කරමින්, එදා එමිනම්ට පිරවීමට තිබූ හිදැස, එදින Dolby Theatre වේදිකාව උඩ පුරවනවා. එදා විශේෂයෙන්ම කැපිල පෙනුනේ, එමිනම්ගේ ඉදිරිපත්කිරීම අතරතුරේ කැමරාව එල්ල කරතිබූ ප්‍රෙක්ෂකාගාරයේ සිටි තරු සියල්ලගේම ප්‍රතිචාර දෙසටයි. සජීවී ඉදිරිපත්කිරීම කල වීඩියෝව නැරඹුවානම් තේරෙනවා ප්‍රෙක්ෂකාගාරයේ ප්‍රතිචාරය. ඔහොම ගීතය ඉදිරිපත් කර අවසන් වීමත් සමඟ, අසුන් වල සිටි සියලූම දෙනා, සිය අසුනෙන් නැගිට, අත්පොලසන් දුන්නේ කලාකරුවෙකුට ලබා දිය හැකි උපරිම, ගෞරව ආචාරය යි. ❤️

තව පුංචි දෙයක් දැනුවත් වෙන්න කියන්නම්, 8 Mile සිනමාපටයේ B-Rabbit සහ Papa Doc (Anthony Mackie) අතර සිදුවන අවසන් රැප් සටනට(Rap Battle) යොදාගෙන තියෙන්නෙ, East Coast (New York) වල රැපර්ස්ලා දෙන්නෙක් වූ Havoc සහ Prodigy (Mobb Deep) දෙදෙනාගේ ගීතයක්.
මෑතකදී Havocගෙන් නිවේදකයෙකු ඇසූ ප්‍රශ්නයකට පිළිතුරු දෙමින් ඔහු පැවසුවා,1995 වසරේ ඔවුන්(Mobb Deep) විසින් නිකුත් කෙරූ ගීත ඇල්බමයේ(The Infamous by Mobb Deep) ඇතුළත් වුණ " Shook Ones(Pt. II) " ගීතය මෙම චිත්‍රපටයට යොදාගැනීම වෙනුවෙන්, ලබාදෙන කර්තෘභාගය(Royalties) තවමත් ඔහුට ප්‍රශ්නයක් නැතුව පිළිවෙලට ලැබෙන බවයි...

එමිනම්ගේ මේ සියලූම විශිෂ්ඨ නිර්මාණයන් තවත් අවුරුදු ගාණක් අනාගතයට විහිදිලා තියෙයි. ඔහුව ඉතිහාසයේ සාර්ථකම හිප් හොප් කලාකරුවෙකු ලෙස එක්වී හමාරයි. ඒවගේම මතක් කරනවා, ඔහුට දැන් වයස අවුරුදු 50ක්.
ආදරෙයි එමිනම්... ❤️🙏

- සටහන හා අයිතිය: අතපත්තු

📣 එමිනම්ගේ රොක් ඇන්' රෝල් උත්සව රාත්‍රිය!

37වෙනි "Rock & Roll Hall Of Fame Induction Ceremony"ය මේ මස(11) 5වෙනිදා, රාත්‍රියේ ලොස් ඇන්ජලීස් හිදී පැවත්වුවා. එම වේදිකාවම එමිනම් සතු කරගන්න බව කලින් ලිපියකින් ඔයාලට කිව්වා.
එමිනම් ගැන උනන්දුව දක්වන අය, එදා රාත්‍රිය ගැන දැනගන්න කැමති ඇති කියලා හිතනව. 🥰 ඒ හින්ද උත්සව රාත්‍රිය ගැන මෙහෙම අරගෙන ආවා...

+ + +

Rock N' Roll වේදිකාවේ, මීට පෙර අවස්ථා දෙකකදීම එමිනම් පෙනීසිටි බව කිව්වා. ඉතින් මෙවර ඔහු ප්‍රෙක්ෂකාගාරයේ පළමු පෙළ අසුනක සිට වේදිකාවට පැමණෙන්නේ, ඔහුව මේ උළෙලට අලුතෙන් අඳුන්වා දීමෙන් පසුවයි. ඉතින් මේ සඳහා ප්‍රවේශය ගත්තේ කවුරු වෙන්න පුලුවන්ද?
ඒ ඉතින් වෙන කවුරුත් නෙමේ, එමිනම්ව Hip Hop Iconic character එකක් විදියට ලෝකයට පෙන්නන්න උදව් කරපු, මිස්ටර් NWA "Dr.Dr". මොකද ඩොක් තමයි එමිනම් ගැන විශ්වාසය තියලා ඩොක්ගෙ ලේබලයට ගත්ත පළවෙනි කෙනා. මොකද ඒක එමිනම්ගෙ ප්‍රථම සහ එකම සාර්ථක රෙකෝඩ් ඩීල් එකවුනා.
ඒ නිසා ඩොක් තමා සුදුසුම කෙනා මේ ප්‍රවේශය ගන්න. ඒවගේම දෙන්න අතර තියෙන මිතුරුකම ගැන විශේෂයෙන් කියන්න ඕන නෑනේ...
ඩොක් ආරම්භයෙන්ම කතාවට පිවිසියේ පොඩි විහිලුවකින්. ඒක ඩොක්ගෙ කතාවට කට්ටියව පොළඹවගන්න කරපු දෙයක් වෙන්න පුලුවන්. ඩොක් කතාව පටන්ගත්ත;
"මට කලින්ම පොඩ්ඩක් හිතුනා, මොහු ලෝකයේ වැඩියෙන්ම ගීත අලෙවිකරන කලාකරුවන්ගෙන් කෙනෙක් වෙයි කියලා. හේතුව, අපි Slim Shady LP නිකුත් කළ පසු, ඔහු චාර්ට්ස් වල සති 100ක් එකදිගට උඩම හිටියා. ඒ වෙනුවෙන් ග්‍රැමී සම්මාන ලබා ගත්තා." "ඊට පස්සෙ දෙවන ඇල්බමය, The Marshall Mathers LP අපි නිකුත් කරනවා. මේ ඇල්බමයේ ඉන්න වෙනස්ම Slim Shady, මාව ඔහුගේ බේස්මන්ට් එකේ හිරකරලා, ඔහුගේ අම්මට හිංසාකරනවා, තම දූගේ අම්මාව නැවත වතාවක් මරා දානවා. මේක US වල වේගයෙන්ම අලෙවි වන ඇල්බමය වුනා."
පසුව, Relapse, Recover ඇල්බමද මතක් කරමින්, Dr.Dreගෙ කතාවේ නිමාවත් එක්කම, එමිනම්ගේ වාර්තාමය හැඳින්වීමක්, වේදිකාවේ විශාල තිරය ඔස්සේ ප්‍රෙක්ෂකයින්ගේ මතකය නැවත අවදි කරනු ලැබුවා. එහි අවසානයත් පැමිණියා, Dr.Dre තම මිතුරා එමිනම්ට, Rock n' Roll වේදිකාව භාර කරනවා...

+ + +

එමිනම් වේදිකාවට සම්ප්‍රාප්ත වෙන්නෙ "My name is" ගීතයත් එක්කයි. ප්‍රෙක්ෂකාගාරය පුරාම එකම හඬක්. එම ගීතයේ අවසානයත් එක්ක එමිනම් "Rap God" ගීතයට මාරුවෙනවා. ප්‍රෙක්ෂකාගාරයෙන් උණුසුම් ප්‍රතිචාරයක් මේ ගීතයට හම්බෙනවා.
ඒ ප්‍රතිචාරය මැදින් "Sing For The Moment" ගීතයට පැමිණෙනවා. මේ ගීතය ඉදිරිපත්කරන්න වේදිකාවට "Steven Tyler" (Steven Tyler කියනනෙ "Aerosmith" කියන රොක් කණ්ඩායමේ සාමාජිකයෙක්. මේ කණ්ඩා⁣යමේ "Dream On" ගීතයේ සංගීතය තමයි, Sing For The Moment ගීතයේ සංගීතයට පාදක කරගන්නේ) එකතුවෙනවා.
ඉන්පසු "Stan" ගීතය. ඉතින් ඒ ඉදිරිපත්කිරීමට "Ed Sheeran" ගායකයා එකතුවෙනවා. 🔥 Drake, Kanye West, Lil Wayne සමඟ නිර්මාණය වූ "Forever" ගීතයේ එමිනම්ගේ කොටස ඉදිරිපත් කරනවා. ඉතින් එමිනම්ගෙ සහයට හැමදාමත් වගේ "Mr.Denaun Porter" පසුපසින් ඉන්නවා. අවසාන ඉදිරිපත්කිරීම විදියට "Not Afraid" ගීතය Rock N' Roll වේදිකාවේ ගායනා කරනවා.
එසේ නිමාවුන ඉදිරිපත්කිරීමෙන් පසුව එමිනම්, තමන්ගේ ස්තූති කතාව පටන්ගන්නවා. එම කතාවේ වැඩිම වේලාවක් වෙන්කරගත්තේ, තමන්ට මේ කලා⁣වේ රැඳිලා ඉන්න වගේම, ඔහුට ආශ්වාදයක් දුන්න ජ්‍යෙෂ්ඨයන් වගේම සමකාලීන සියලුම කලාකරුවන්ට ප්‍රණාමය පුදකිරීමටයි...

* * *

මේ කාලය පුරාවටම දකින්න පුලුවන්, එමිනම් ලොකු සතුටක් එක්ක ජවසම්පන්නව ඉදිරිපත්කිරීම කරා කියලා. ඉතින් මේකට හේතුවක් තියෙනවා... 🥺
මේවගේ විශේෂ උත්සවයක තමන්ගෙ දුව ළඟ ඉන්නවනම්, ඕනම තාත්තා කෙනෙක්ට සතුටක් එනවා.ඉතින් එමිනම්ගෙ දුව හේලි මේ උත්සවයේ ඉදිරියෙන්ම අසුන් ගෙන සිටියා. තමන්ගෙ තාත්තා ළඟින්ම... 🥰

"මේ ලිපියට සම්බන්ධ සියලුම ඡායාරුප, වීඩියෝ Comments වල තියෙනවා"

- සටහන සහ අයිතිය: අතපත්තු

📣 ටූපක්ගේ මැකවලි අවතාරයට අද අවුරුදු 26යි!

"ඇමරිකන් හිප් හොප් ඉතිහාසයේ ස්වර්ණ යුගය 80-90 දශකයයි. ඒ කාල වකවානුවේ මෙතෙක් බිහිවුන ශ්‍රේෂ්ඨතම හිප් හොප් කලාකරුවා ඔහුයි. ඔහු ඔටුණු නොපැළදු හිප් හොප් ලොවේ රජුයි. ඔහු හිප් හොප් පෙළපතේ තවත් පරිච්ඡේදයක් අලුතින් ලිව්වා." ❣️

+ + +

🐐 "ටූපාක් අමරු ෂකූර්/ Tuapc Amaru Shakur".
ඔහු කලු ජාතික ගැන්ග්ස්ටර් රැප් ගායකයෙක්.
ඔහුගේ ජීවිතයේ කටුක අත්දැකීම්, ප්‍රචණ්ඩකාරී රළු අදහස් පද රචනනයට පෙරලා, මේ කලාව බල ගැන්වුවා සහ පෝෂණය කරා. ඔහුට සවන්දෙන ඕනම කෙනෙක්ව, ඔහු වෙත ආකර්ශණය කරගැනීමේ සුපිරි බලයක් 'පක්ට තිබුණා. ඒ වගේම ඔහුගේ කලාකෘති තුළින් තම කලු ජාතිකයින් වෙනුවෙනුත් නැගී සිටියා.
මේ රැප් ගායකයා වසර 1971 ජූනි මස 16වෙනි දින නිව්යෝක් වලදී උපත ලබනවා. ඉපදෙන්නේ, පියෙකු නැති ළමයෙක් විදියටයි. ටූපක්ගෙ මව "ඇෆෙනි ෂකූර්/ Afeni Shakur". ඇය තම කලු මිනිසුන්ගේ නිදහස වෙනුවෙන් සටන් කල වීර කාන්තාවක් සහ බ්ලැක් පැන්තර් පක්ෂයේ සිටි ක්‍රියාකාරී සාමාජිකාවක්. එකළ ප්‍රචණ්ඩකාරී සමාජ වටපිටාවත් එක්ක ගැටෙනු ගැහැණියක් නිසාම, මේ ප්‍රචණ්ඩකාරී බව ටූපක්ට අලුත් දෙයක් වුනේ නැහැ.
ටූපක්ගෙ කුඩා කාලය එලෙස ගෙවී, වයස අවුරුදු 15දී කලාව පිළිබඳව ඇල්මක් ඇති වෙනවා. ඉතින් එයම පසු කාලෙක ඔහුව ලොව ශ්‍රේෂ්ඨතම රැප් ගායකයා විදියට ඉතිහාසගත වෙන්නත් හේතුවෙනවා. ටූපක් ෂකූර් කියන්නේ; දක්ෂ ගීපද රචකයෙක්, රැප් ගායකයෙක්, නළුවෙක් වගේම තිර රචනයට සහ අධ්‍යක්ෂණට හැකියාව ඇති හරි අපූරු කලාකරුවෙක්.

ඔහොම කාලයත් එක්ක මොහුගේ ජනප්‍රියත්වය එන්න එන්න වැඩිවුනා. ඒ එක්කම ඔහු වටා එකතුවූ හතුරු පිරිසද ඒවගේම වැඩිවෙන්න ගත්තා. මෙය තවමත් විශාල පිරිසක්ව කම්පාවට පත් කරන එක් හේතුවක්. මොකද ටූපාක්ගෙ ජීවිතය උදුරගෙන දැනට අවුරුදු 26ක් ගෙවිලා යනවා. 😭 ඉතින් තවමත් රසික හදවත් වල ටූපක් අමරණීයයි. තාමත් ඔහුගේ ගීතවල පදරචනය අමරණීයයි. ඒ වගේම ඔහුගේ ඝාතණය, තවම අභිරහස් ගොඩක් එක්ක ඉතිරිව තියෙනවා.
ටූපක් වරක් කියනවා; 🥵 "don't stop when you're tired, stop when you're done". මොකද ඔහු කලාකරුවෙක් ලෙස ජීවත්ව සිටි කාලයේදි, කලාව ඔහුගේ අතට අරන්, ඔහුගේ කාලය උපරිමයෙන්ම නිර්මාණය වලට යොදවපු කෙනෙක්. ඒ හින්දාම ඔහු මියගිය පසුවත්, ඔහු සැලසුම්කරල තිබුන ගීත ඇල්බම කීපයක් නිකුත්වෙන්න හේතුවෙන්නේ.

+ + +

ඒ විදියට ටූපක්ගෙ මරණයෙන් පස්සෙ (Posthumous) නිකුත් කරන ප්‍රථම ගීත ඇල්බමය "The Don Killuminati: The 7 Day Theory" නමින් එළියට එනවා. එහි 'පක්ව හඳුන්වන්නෙ "Makaveli" කියන අන්වර්ථ නාමයෙන්. මෙය 'පක්ගේ පස්වෙනි ගීත ඇල්බමය.
ටූපක්ගෙ ජීවිතය උදුරන් දැන් අවුරුදු 26ක් ගෙවෙනවා වගේම, ඔහුගේ ඒ අවාසනාවන්ත මරණයෙන් දින 53කට පසුව "නොවැම්බර් 5වෙනි දින" නිකුත් කරන මේ ඇල්බමය, අදට(2022) "අවුරුදු 26ක්" වෙනවා. 🥰
මේ ඇල්බමය නිකුත් වෙන්නේ ටූපක්ගේ රෙකෝඩ් ලේබලය ⁣හරහායි. ඒ 90 දශකයේ රැප් මෝගල් ලෙස හැඳුන්වූ "මැරියන් ෂුග් නයිට්/ Marion Suge Knight" අයිතිය දැරුව ඉතිහාසගත Hip Hop Iconic ලේබලයක් වන "Death Row" හරහායි. ඉතින් මෙතනදී 'පක්ගෙ පැවති තීරණයන් කීපයක් වෙනස් කරමින් තමයි ෂුග් ඇල්බමය නිකුත් කරන්නෙ.
ටූපක් මියගිය කාලයේ වුනත්, ඔහොම නිකුත් කරපු ඇල්බමය එම වසරේ පළමු සතිය තුළ වැඩියෙන්ම අලෙවි වූ නව ගීත ඇල්බම අතරින් දෙවැනි ස්ථානයට පත්වෙනවා. පළමු සතිය තුළ පිටපත් ලක්ෂ 6කට වැඩි ප්‍රමාණයක් අලෙවි වෙනවා. ඒවගේම මේක '99 වසරේ ජූනි වන විට පිටපත් මිලියන 4 දක්වා වැඩිවී තියෙනවා. ඔහොම වාණිජමය සාර්ථකත්වයකින් පස්සේ ටූපක්ගේ සාර්ථකම දෙවැනි ඇල්බමය වෙනවා. එතකොට මේකෙ ප්‍රොෆ්‍රිට් එක කාට හම්බවෙන්න ඇත්ද? 😶‍🌫️

+ + +

ජීවත්ව සිටියනම්, ටූපක් මේ ඇල්බමය නිකුත් කරන්න බලාපොරොත්තුව තිබුණේ '97 වසරේ මාර්තු මසයි. ඒ "Makaveli Recordz" නමින් ඔහුගේම රෙකෝඩ් ලේබලයක් ආරම්භකර, එය ඩෙත්⁣ රෝව් යටතේ පිහිටුවා, ඇල්බමය නිකුත් කරන්න ඔහු සැලසුම් කරගෙන සිටියේ. ඔහුගේ සැලසුම වූනේ ඇල්බමය වීදියේ නොමිලයේ බෙදා හැර, ගින්නක් ඇවුලුවා මෙන් ඔවුන් තුළ කුතුහලයක් ඇති කරවා, ටූපක් සහ ඔහුගේ කණ්ඩායම වන "Outlawz" ඊළඟ ඇල්බමයට නව ආරම්භයක් ගන්නයි.
Makaveli ලේබලය ආරම්භ කරනවාට ෂුග් එකල කැමැත්තෙන් හිටියෙ නැහැ සහ ඇල්බමය නොමිලයේ බෙදාදෙන තීරණයටත් ෂුග් කැමති වුනේ නැහැ. මොකද ෂුග්ට ඕනකරේ සල්ලිම හම්බ කරන්න. ඉතින් ෂුග් ටූපක්ට යෝජනා කරේ ඒ ඇල්බමය වෙළදසැලකට ගොස් විකුණමු කියලා.
ෂුග්ට ඕන වුනේ "Toss It Up" වැනි ගීත ටූපක් ලවා නිර්මාණය කරවන්න. ඔහු එම තීරණ වලට 'පක්ව පොළඹවනවා. මොකද එම ගීතයත් එක්තරා ආදරණීය ආරයක ගීතයක් වුනත්, එය ඉලක්කගත ඩිස් ට්‍රැක් එකක් වුන නිසා.

ඉතින් ෂුග් මේ ඇල්බමය ටූපක්ගෙ මරණයෙන් පස්සෙ නිකුත් කරන්නට පෙර එහි "Toss It Up" ගීතය, තනි තැටියක් (Single එකක්) ලෙස මුලින් නිකුත් කරන්නේ, ඇල්බම නිකුත් කිරීමට පාර කපාගන්නයි. ඉතින් මේ ගීතයේ විශේෂත්වයක් තියෙනවා.
එකක්, මේක R&B ගායකයින් 4දෙනෙක් (K-CI, JoJo, Aaron Hall, Danny Boy) සහ රැප් ගා⁣යකයෙක් එක්ව තනි ගීතයක් වශයෙන් කළ පළමු අවස්ථාව මෙය වීම. අනෙක, මේක ආදර ගීතයක් ලෙස පෙනුනත් Lil Kim, Puff Diddy සහ Dr.Dre යන අයව ඉලක්ක කරමින් සිදුකරන ලද ඩිස් ට්‍රැක් එකක් වෙනවා. ඉතින් මේක ඒ විදයට කිරීමෙන් Radio Station වලද නිකුත් කිරීමට හැකියාව තියෙනවා.

එම ගීතයට අමතරව මෙම ඇල්බමයේම තවත් ඩිස් ට්‍රැක්ස් ගණනාවක් අඩංගු වෙනවා. Biggie, Junior MAFIA, Puff Diddy, Mobb Deep, Nas, Jay-Z, Henchman වගේම Dr.Dre අයවලුන් ඉලක්ක කරමින් සිදුකරපු ඩිස් ට්‍රැක්ස් ගණනාවක් පවතිනවා. නමුත්, Tupac සහ Nas අතර පැවති ආරවුල 'පක් මියයාමට පෙර දෙදෙනා කතාකර විසඳගන්නවා.
ඒ '96යේ සැප්තැම්බර් 4දින නිව්යෝක් නගරයේ (East Coast) පැවති MTV Music Awards රාත්‍රියෙන් පසුයි. එදින ටූපක් හා නාස් අතර ගැඹුරු සාකච්ජාවක් සිදුවෙනවා. එදා මහා සෙනඟක් මැදට 'පක් සහ ඔහුගේ සහෝදර පිරිස තුවක්කු සන්නද්ධව තමයි යන්නේ. හේතුව ඇයි කියලා සමහරු දන්නවා. මොකද මේ කාලයේ තමයි East Coast සහ West Coast බීෆ් එකේ උණුසුම්ම කාලය. ඉතින් නාසුත් ඒවගේම ඔහුගේ සඟයන් එක්කම පැමිණියා.
පසුව දෙන්නා අතර ගැඹුරු වාදයන්පඑක්ක සාකච්ඡාව ආරම්භකරනවා. එදා මහා ලේ වැගිරීමකින් අවසන් වෙන්න හැකියාව තිබුන ආරවුලක්. මොකද ටූපක් ගිහින් ඉන්නේ නාස්ගෙම හුඩ් එකට සහ දෙගොල්ලොම සිටින්නේ ආයුධ අතැතිවයි. ඉතින් ඒ මෙහොතේ දෙන්නා කතාකරලා ආරවුල විසඳගෙන දෙන්නම අතට අත දෙනවා. 🤝 ටූපක් එතනදි නාස්ට මෙහෙම කියනවා. "මම නැවත ලොස් ඇන්ජලීස් යන්න ඕනෙ, මම කරපු ඩිස් ට්‍රැක් එක අයින් කරල දාන්න" කියලා. ඉතින් ඒ ගීත ලැයිස්වෙන් ඉවත් කල "Against All Odds" නම් ඩිස් ට්‍රැක් එක තමා නැවත ඇල්බමයට ෂුග් එකතු කරන්නෙ.

+ + +

'96 වසරේ ජූලි මාසය අවසන් වෙනකොට ටූපක් මේ ඇල්බමයේ ගීත සැකැස්ම වගේම ඔහුගේ තීරණ සකස්කර අවසන් කරනවා. ඔහුගේ අවසන් තීරණ අනුව ඇල්බමයේ නම ⁣වන්නට තිබුණේ "Killuminati - In 3 Dayz" ලෙසයි. ඒ වගේම අවසානයේ, ඔහුගේ අන්වර්ථ නාමය වන්නට තිබුණේ "Makaveli The Don" ලෙසටයි.
අගෝස්තුවේ මුල් සතියේ, දින 3ක් තුළ ටූපක් ලියූ ගීත 20ක් පටිගතකර අවසන් කරනවා. අමතරව තව දින 4ක් එහි මික්සින් කටයුතු සඳහා යනවා. ඒ හේතුව නිසා ඇල්බමයේ නම "Killuminati - The 7Day Theory" ලෙස වෙනස් වුනා කියනවා. (මේක කටකතාවක් විතරයි) ඒ ගීත 20 තුළින් තේරූ ගීත 11ක් ඇල්බමයේ ගීත ලැයිස්තුවට යනවා. ඒත් මුලින් ටූපක් මේ ඇල්බමය ගීත18කට යන්න තීරණය කරලා තියෙනවා.
ඉතින් ඔහුට මේ කාලය ඉතාම කාර්යබහුලයි. මොකද මේ ගීත පටිගතකිරීම් වගේම, විෂුවල් වල රූගත කිරීම් තිබුණා. ඒවගේම ඔහුට "Gridlock'd" සහ "Gang Related" නම් චිත්‍රපට දෙකක රූගත කිරීම් පැවතියා. ඉතින් මේ වැඩ සේරම එක්ක 'පක් කාලය කළමනාකරණය කරන් තමයි වැඩ කරල තියෙන්නෙ.
ටූපක් ජීවත්ව සිටි කාලය තුළ මේ ඇල්බමයේ "To Live & Die in LA" ගීතයේ විෂුවල් එක සහ, "Toss It Up" ගීතයේ විෂුවල් දෙක පමණක් රූගත කරගන්න හැකිවෙලා තියෙනව. ඒත් "Hail Mary" ගීතයට විෂුවල් එක, ඔහුගේ අවාසනාවන්ත මරණය නිසා නියමාකාරයෙන් අවසන් කිරීමට නොහැකි වෙනවා.

ඉතින් ටූපක්ගේ තව බලාපොරොත්තුවක් තිබුණා, පොප් ලොව රජු "මයිකල් ජැක්සන්" සමඟ ටූපක්ගේ "Thug Nature" ගීතය දෙදෙනා එක්ව නිර්මාණය කරන්න. ටූපක් MJට ආරාධනා කලත්, MJ එය ප්‍රතික්ෂේප කරනවා. MJ කියන්නේ Biggieට ගොඩක් පක්ෂපාතී වුන කෙනෙක් නිසා ටූපක්ගෙ යෝජනාව කැමති වන්නෙ නැහැ. ඉතින් මේ Thug Nature ගීතයද මෙම ඇල්බමට ෂුග් එකතුකර තියෙනවා.

+ + +

මේ "Makaveli The Don" කියන අන්වර්ථ නාමයට පණ එන්නෙ; ටූපක් සිරගතව සිටින කාලයකදී, 16වන සියවසේ ඉතාලි දේශපාලන දාර්ශනිකයෙකු වුන "Niccol Dei Machiaveli" ගේ සම්භාව්‍ය දේශපාලන කෘතයක් මෙන්ම දේශපාලනයේ යථාර්ථය තේරුම් කරවන "The Prince" නම් කෘතිය ගැඹුරින් අධ්‍යයනය කරන්න පෙළඹෙනවා. එයින් ඉගෙන ගත් දෙයින්, ඔහුට තවත් අලුත් විදියකට හිතන්න උපකාරවුනා. ඒ වගේම ඔහු නිදහස් වූ පසු ඔහුගේ නව චින්තනය නියෝජනය කරන්න අන්වර්ථ නාමයක් ලෙස "Makaveli" නමින් භාවිතා කළා.
තවත් ආකර්ෂණීය දෙයක් වන්නේ, මෙහි Machiaveli තමන්ගේ සතුරන්ගෙන් පළිගැනීමේ අරමුණින්, තමන්ගේ මරණය ව්‍යාජව නිර්මාණය කිරීම, හොඳ උපාය මාර්ගයක් බව සඳහන් වෙනවා. ඒ නිසාම තවමත් බොහෝ පිරිසක් ටූපක්ගෙ මරණය පිළිනොගෙන ඔහු සැඟවී ජීවත්වෙනවා යැයි විශ්වාස කරනවා.
ඒවගේම ඔහුගේ මරණය ගැන ඉඟි පළකල ගීත ඔහු ජීවත්ව සිටි කාලයේත් නිර්මාණය වෙනවා. ⁣ඒ නිසාම තවත් සමහරු පිළිගන්නවා මේ මරණය බොරුවක් බව. මොකද ඒවායෙ වැඩිපුරම කියවෙන්නේ ඔහුව වෙඩි තබා ඝාතනය කරනු ඇතැයි යන්නයි. 🥺

+ + +

කම්ප්ටන් වල චිත්‍ර ශිල්පියෙක් වන Ronald "Riskie" Brent ෂුග් නයිට් හරහා ටූපක්ට හඳුන්වා දෙනවා. ඒ "California Love Remix" ගීතයේ විෂුවල් එක කම්ප්ටන් වලදී රූගත කරන අවස්ථාවක. ඉතින් එහිදී රිස්කිගේ සිතුවම් ටූපක්ට පෙන්නනවා. ඒවා දැකලා සතුටු වෙලා තමයි රිස්කිට ටූපක් යෝජනා කරන්නේ ඔහුගේ ඊළඟ ඇල්බම් එකේ කවර් ආර්ට් එක කරන්න. ඉතින් එසේ හඳුනාගත් ඔහුව ෂුග් ඩෙත් රෝව්හි චිත්‍රශිල්පියෙකු ලෙස තනතුරක් ලබාදෙනවා.
ටූපක් ඔහුගේ අදහස රිස්කිට ඉදිරිපත්කරනවා. ඉතින් ඒ අනුව රිස්කි, කුරුසය මත ඇණ ගසා සිටින ජේසු තුමාට සමාන ටූපක්ගෙ රුව සිතුවමට නඟනවා. එම අවසාන් සිතුවම, ටූපක්ට ලාස්⁣ වේගාස්හිදි වෙඩි තියන දිනයට කලින් දවසේ, එම සිතුවම ඔහුට පෙන්වනවා. ටූපක් ඒක බලලා ඔහුට ගොඩක් ස්තූති කරනවා ඔලුවෙ තිබුණ දේ සැබෑවක් කළාට. ඉතින් එහිදී ටූපක් රිස්කිට පොරොන්දුවක් වෙනවා, ඔහු ලාස් වේගාස් සිට නැවත පැමිණි පසු ඔහුගේ සිතුවම් එකතුවක් සංගීත ක්ෂේත්‍රයේ සිටින අයවලුන්ට හඳුන්වා දීම සඳහා ප්‍රදර්ශනයක් පවත්වන බවට. ඉතින් රිස්කි පවසන්නේ ඔහු එම පොරොන්දුව දුන් නමුත් නැවත කිසිදා නොපැමිණි බවයි. 😭 මෙතෙක් බිහිවූ ශ්‍රේෂ්ඨතම කලාකරුවා සමඟ වැඩ කරන්න ලැබුණු අවස්ථාව මහ මෙරක් බව ඔහු කියනවා.
ඉතින් රිස්කි ඇල්බමය සඳහා තවත් සිතුවම් කීපයක් කරනවා. East Coast සහ West Coast අතර තිබුණ යුද්ධය නිසාම, ඇල්බමයේ ඇතුළත් ඩිස් ට්‍රැක් පෙන්වීමට බිගී ඌරෙකු ලෙසත්, පෆී නර්තන ශිල්පිනියක් ලෙසත්, ඩ්‍රේගේ විකට හැඩරුවක් සහිතව සිතුවම් කීපයක් කරනවා. ඉතින් ටූපක්ගේ මරණයෙන් පසුව ෂුග් මෙම විකට සිතුවම් ඇල්බමයේ පිටුපස කවරයට යොදාගැනීම ප්‍රතික්ෂේප කරනවා...

+ + +

ඇල්බමයේ පළමු ගීතය "Bomb First (My second reply)", Hit 'em Up ඩිස් ට්‍රැක් එකට ලැබුණු ප්‍රතිචාරයට පිළිතුරක් වශයෙන් ලබාදෙනවා. "Hail Mary" ගීතයද ඇල්බමයේ ඉතාමත් ජනප්‍රියම වූ ගීතයක්. "To Live In Die of LA" ගීතය California Love ගීතයේ දෙවැනි දිග හැරුම ලෙස ඇතුළත්වෙනවා. "Hald Ya Head" ගීතයත් ජනප්‍රියත්වය පත්වූ ගීතයකි. එලෙස ගීත 12කින් මේ ඇල්බමය නිකුත් වෙනවා.
ඉතින් අවසානයේ, ටූපක් තීරණය කරල තිබුන ඇල්බමයේ සැලැස්ම සහ 'පක්ගේ මරණයෙන් පසුව නිකුත් කරපු ඇල්බමයත් එක්ක බලන විට සමහරක් ගීත අයින් කරල වෙනත් ගීත යොදා ඇති බව පේනවා. ඒ වගේම ප්‍රොඩුයුසර්ස්ලා, ඒ ගීත වල ශබ්දයද නැවත වෙනස් කරන්නට ෂුග්ට අවශ්‍ය වූ බව කියනවා. 😕 ඉතින් ඒ විදියට ෂුග් විසින්, ටූපක්ගේ මේ ඇල්බමය වෙනස්කරල තමයි එළි දක්වන්නෙ...

* * *

RIAA වාර්තා වලට අනුව ටූපක් යනු, 90 දශකයේ වැඩියෙන්ම ගීත අලෙවි වූ හිප් හොප් කලාකරුවන් අතරින්, තවමත් පළමු ස්ථානයේම සිටින රැප් ගායකයයි. ටූපක් අද වෙද්දි මියගිහින් සිටියත්, ඔහුට පිටුපසින් සිටින Jay-Zටද නොහැකි වෙලා තියෙනවා මේ වාර්තාව බිඳහෙලන්න. ඉතින් ⁣Jay-Z කියන්නේ, ටූපක් මෙතෙක් බිහිවූ හොඳම ගීපද රචකයා වගේම මෙතෙක් බිහිවුනු විශිෂ්ටතම රැප් ගායකයා කියලයි. ඉතින් ඔහුගේ ඒ තැනට තව කාටවත්ම ළං වෙන්නට බැහැ...! 🖤
The Greatest Of All Time 🐐

- සටහන සහ අයිතිය: අතපත්තු

(මේ ලිපියට අදාළ වන Photos කීපයක් Comments විදියට දානවා.)

📣 NEW UPDATES

Takeoff තමන්ගේ මාමා ආරක්ෂා කිරීමට උත්සාහ කල අවස්ථාවේදී වෙඩි වැදීම සිදුවුන බව සිද්ධිය දුටු සාක්ෂිකරුවන් පවසනවා.
මෙසේ ඩයිස් (කැට සෙල්ලමක්) ක්‍රීඩා කර තියෙන්නෙ හූස්ටන් වල මැරකල්ලියක් සමගයි. ටේක්ඕෆ් ක්‍රීඩා නොකළත්, ඔහුගේ මාමා Quavo විශාල මුදුලකින් ඔවුන්ට පරාද වෙනවා. ක්වාවෝ ඔවුන් සමඟ බහින්බස් වී, මෙය දුර දිග ගොස්, රණ්ඩුවක් දක්වා වර්ධනය වෙලා තියෙනවා. 🤦‍♂️
මේ අවස්ථාවේ තමා මාමා ක්වාවෝගේ උදව්වට ටේක්ඕෆ් මැදිහත්වෙන්නේ. ඉතින් ක්වාවෝගේ මේ මෝඩ හැසිරීම නිසා, අවසානයේ වචනයකින්වත් මේ සිද්ධියට හවුල් නොවුන ටේක්ඕෆ් තමාගේ ජීවිතයම බිල්ලට දෙනවා... 😭

- අතපත්තු

😓 Takeoff ජීවිතයෙන් සමුගනී!

Migos රැප් කණ්ඩායමේ බාලම සමාජිකයා වන " Takeoff " අද දින (නොවැම්බර් 01) එරට වේලාවෙන් පාන්දර 2.30ට පමණ සිය ජීවිතයෙන් සමුගත්තා. ඒ ටෙක්සාස්යේ හූස්ටන් නගරයේදි සිදුවුන වෙඩි ප්‍රහාරයකින්.

Takeoff සහ Quavo (Takeoffගේ මාමා) සමඟ හූස්ටන්හි " 810 Billiards & Bowling " දක්වා පිටත් වෙන්නේ ඔවුන්ගේ අලුත්ම මියුසික් වීඩියෝව " Messy "ද නිකුත් කලපසුවයි. 😕 මොවුන් 810 Billiards & Bowling ශාලාවට පැමිණ Dice ක්‍රීඩා කරමින් සිටිනවා. ඒ අවස්ථාවේ ඔවුන් වටා විශාල පිරිසක්ද එකතුවෙනවා. ඒ් පිරිස අතරේ කවුරු හෝ විසින් මොවුන් දෙසට වෙඩි ප්‍රහාර එල්ල කරනවා. ඒ සිදුවූ වෙඩි ප්‍රහාරයකින් ටේක්ඕෆ් මියගිය බව TMZ මාධ්‍යය පවසනවා. 😭 වෙඩි තැබීමක් සිදුවූ බව දැනගත් පොලිස් නිළධාරි⁣න් පසුව එම ස්ථානය වෙත ළඟා වී ඇති අතර, ඔවුන් පවසන්නේ එහි සිටි එක් අයකුගේ හිසට සහ බෙල්ල ප්‍රදේශයට සිදුවුන වෙඩි ප්‍රහාරයෙන් එම ස්ථානයේම මියගොස් තිබූ බවයි.
සිද්ධිය ඇසින් දුටුවෙකු පවසන්නේ; Quavoගේ පිළ ක්‍රීඩාවේ ප්‍රතිවාදීන්ට පරාජය වීමත් සමඟ, බහින්බස් වී ප්‍රශ්නය දුරදිග ගොස් උණුසුම්කාරී තත්ත්වයක් සමඟ Quavo⁣ගේ පැත්තේ සිටි අයෙකු විසින් වෙඩි තැබීම ආරම්භ කල බවත් එලෙස ඇති වූ වෙඩි පහරකින් Takeoff ⁣මියගිය බවයි. 😓
මේ සිද්ධියෙන් තුවාල ලැබූ දෙදෙනෙකු ඔවුන්ගේ පෞද්ගලික වාහන වලන් රෝහල් ගතකර ඇති අතර වෙඩි හුවමාරුවෙන් හට කිසිදු හානියක් සිදුවී නොමැත. වෙඩි වැදී සිටි Takeoff ඔසාවාගැනීමට අසළ සිටි පිරිසගෙන් Quavo උදව් ඉල්ලා සිටියද ඔහු ඒවන විටත් මියගොස් ඇත. 😢

මේ වෙඩි ප්‍රහාරය සිද්ධ වීමට පැය කීපයකට පෙර, මේ ස්ථානයේ සිටම, Takeoff ඔහුගේ ඉන්ස්ටග්‍රෑම් හරහා ඡායාරූපයක් (Playboi Cartiගේ " Stop Breathing " ගීතය සමඟ) එක්කර තිබෙනවා. ඊට පෙර, හූස්ටන් වල 810 Billiards & Bowling දක්වා පැමිණෙන අතරතුරේ Quavo විසින් ගත් වීඩියෝ පටයක්ද ඉන්ස්ටග්‍රෑම් හරහා එකතු කර තිබීමත් ගැටලුවක් විදියටයි හිතෙන්නෙ. 😕 මේ වෙඩි තැබීම සිදුවීමට පැය කීපයකට පෙර හලෝවීන් දවසේ ඔවුන්ගේ මියුසික් වීඩියෝවක්ද නිකුත් කරා. (Messy)
මේ නගර වල ජීවත් වෙන ඕ⁣නම කෙනෙක්ට, මේ ඡායාරූප, වීඩියෝ වල දිස්වෙන තැන් හඳුනගන්න එක අමාරු දෙයක් කියලා හිතන්න බැහැ. 😑 කෙසේ හෝ වෙඩි තැබූ පුද්ගලයා පිළිබඳ මෙතෙක් තහවුරු කිරීමක් නැති අතර මියගියේ බව තහවුරු කරනවා.
මෙහි අදාළ ඡායාරූප සහ වීඩියෝ සියල්ලම Comment Section එකේ තියෙනවා.

1994 ජූනි 18වන දින ජෝර්ජියාවේ උපත ලබන Kirshnik Khari Ball නැතිනම් කවුරුත් හොඳින් අඳුනන Migos කණ්ඩායමේ Takeoff මියයන විට, ඔහුගේ වයස අවුරුදු 28කි... 😭 💐

- සටහන සහ අයිතිය: අතපත්තු

😢 Migos Rapper Takeoff Passed Away!

" Takeoff ", the youngest member of the Migos rap trio, passed away on November 1st at arround 2.30 a.m. A shooting in Houston, Texas.

Takeoff and Quavo (Takeoff's uncle) head out to Houston's " 810 Billiards & Bowling " followin' after when released of their latest music video " Messy ". 😕 They are playin' Dice game at 810 Billiards & Bowling Hall. At that time, a large number of people gather around 'em. Someone among that group is shootin' at Takeoff and Quavo. TMZ media says that he died in that the shootin'. 😭 After learnin' that there was a shootin', the police officers reached the place, and they say that one of the man there died on the spot due to the gunshots in the head and neck area.
Someone at the scene says; With Quavo's team losin' the game to their opponents, the argument escalated and a heated argument ensued, with one of Quavo's team opening fire and after Takeoff was died at that time. 😓
Two injured persons were taken to hospital in their private vehicles and was not hurt in the shootout. Quavo asked bystanders to help lift , who had been shot, but he was already dead. 😢

A couple hours before the shootin', Takeoff uploaded a instagram story (along with a song of Playboi Carti " Stop Breathing ") from the same location. Before that, a short video taken by Quavo before while movin' towards the 810 Billiards & Bowling in Houston by a car was also added via Instagram as story. 😕 released their new music video which called " Messy " on Halloween day just hours before the shootin'.
Anyone who lives in these cities can imagine that it is not difficult to recognize the places that appear in these photos and videos. 😑 Anyway, there is no confirmation about the person who shot and it is confirmed that the deceased is Takeoff.
All related sources are available in the Comment Section.

Born on June 18, 1994 in Georgia, Kirshnik Khari Ball, better also known as Takeoff of Migos rap trio, and died when he was 28 years old at that time. 😭 💐
Rest in eazy Heaven. You were dead, but your bars are alive.

- Article by Athapatthu