Anura K Edirisuriya
Contact information, map and directions, contact form, opening hours, services, ratings, photos, videos and announcements from Anura K Edirisuriya, Health/Beauty, .
20/12/2022
ලිවීම් විවිධාකාරය. එකල සෙල් ලිපි, මැටි ඵලක, තල්පත්, කඩදාසි ආදියෙහි කියවන්නට ලියූ අකුරු වත්මන් විද්‍යුත් යුගයේ, තිර මත කියැවීමට ලිවීම දක්වා වර්ධනය වී තිබේ; ඒ ෆේස්බුක්, ඊමෙිල්, වට්ස්ඇප්, මැසෙන්ජර්, ට්විටර් සටහන් ආදි වශයෙනි.
පැරැණි සිංහල සාහිත්‍යය විමසා බලන කල සද්ධර්මරත්නාවලිය වැනි කෘතියක;
" මහ පොළොව සේ තුන් ලොවට පිහිට ගුණ ඇති, මහ මුහුද සේ ගැඹුරු ගුණ ඇති, ආකාශය සේ අනන්ත ගුණ ඇති, මහ මෙර සේ සාර ගුණ ඇති, ඉරු මඬල සේ තේජස් ගුණ ඇති, සඳ මඬල සේ සෞම්‍ය ගුණ ඇති, කරුණාවෙන් සිහිල් වූ සිත් ඇති, අප ති ලෝ ගුරු බුදු රජාණන් වහන්සේ "
ආදි කොට ලියූ ලියුම්වල එන ලියැවිලි රටාව සැලකෙන්නේ ,ශ්‍රාවකයන් සඳහා හෙවත් සවන්දී වටහා ගනු පිණිස ලියූ දෑ ලෙසය. එකල අදහස තහවුරු කරනු වස් එසේ ලීවා වුව, වර්තමානයේ යළි යළි කීම සැලකෙන්නේ වරදක් වශයෙනි.
ශ්‍රාවකයන් සඳහා ලියන ලියැවිලි වත්මනෙහි ද නැත්තේ නොවේ. ගුවන් විදුලියට ලියැවෙන ලියුම් ඒ අතරින් ප්‍රමුඛය. රූප මාධ්‍යයක් ලෙස හැඳින්වුවා වුව රූපවාහිනියේ ද ඇතැම් විට කියන්නට සැකසූ ලියුම් හමුවේ. කියවන්නට ලියන ලියුම් සහ කියන්නට ලියන ලියුම් අතර පළමු වෙනස; කියන්නට ලියන ලියුම්වල දී යෙදෙන කොමා ආදි විරාම ලකුණු වෙනුවට පද බෙදීම මගින්ම අදහස නිරවුල් කරන්නට සිදුවීමය.
" හෙළ ආහාර ගැන හෙළ වෙද පරම්පරාවකින් පැවත එන මට හොඳ අවබෝධයක් තිබුණා"
යනු මේ දිනවල නිරතුරු දක්නට ලැබෙන වෙළෙඳ දැන්වීමක ඇසෙන, කියන්නට ලියූ වචන පෙළකි.
මේ පද සංඝටනටයෙන් වාක්‍යයේ අපහැදිලිතාවක් මතුවේ. එනම්, අදාළ තැනැත්තා, හෙළ ආහාර පිළිබඳ විශේෂඥ ඥානයක් සහිත හෙළ වෙද පරපුරකින් පැවැත එන්නෙක් ද? නැතිනම්,හෙළ වෙද පරපුරකින් පැවත එන ඔහුට හෙළ ආහාර පිළිබඳ දැනුමක් තිබිණි ද යන්නය.
ලිවීමේ අරමුණ ව ඇත්තේ, හෙළ වෙද පරපුරකින් පැවැත එන්නකු වන ඔහුට හෙළ ආහාර ගැන වැටහීමක් තිබුණේය යි කීම බවට සැක නැත.
අර්ථය ව්‍යාකූල වන්නට හේතුව පද පටලැවීමයි. පදයක් දෙකක් එහා මෙහා කර ඒ අවුල ලිහන්නට හැකියාව තිබේ.
එනම්;
" හෙළ ආහාර ගැන" සහ
" හෙළ වෙද පරපුරකින් පැවැත එන මට"
යන වාක්‍ය ඛණ්ඩ දෙකට ස්ථාන මාරු ලබා දීමෙනි.
ඒ මෙසේය;
මුල් ලියුම: "හෙළ ආහාර ගැන හෙළ වෙද පරපුරකින් පැවැත එන මට හොඳ අවබෝධයක් තිබුණා."
ස්ථාන මාරු කළ ලියුම:
" හෙළ වෙද පරපුරකින් පැවැත එන මට හෙළ ආහාර ගැන හොඳ අවබෝධයක් තිබුණා."
වචන පටලැවීම හේතුවෙන් අදහස් පටලවා ගැනීම ආධුනික ලියන්නන් අතින් බොහෝ විටත් ප්‍රවීණ ලේඛකයන් අතින් ඇතැම් විටත් සිදුවන වරදකි.
ප්‍රවීණ ලේඛකයකු ගේ කෘතියක මෑතක මගේ ඇස ගැටුණු පද පටලැවීමකි මේ;
" පුංචි සන්දියේ ඉඳන්ම ඔහු ට දැනෙන්න ගත්ත මේ ජීවිතේ මොකක්දෝ ලොකු පිස්සුවක්, නොගැලපෙන ගතියක්."
" පුංචි සන්දියේ ඉඳන්ම ඔහු ට මේ ජීවිතයේ මොකක්දෝ ලොකු පිස්සුවක්, නොගැලපෙන ගතියක් දැනෙන්න ගත්ත."
යනුවෙන් කීමෙන් මේ පටලැවිල්ල පහසුවෙන් විසඳා ගත හැකි ව තිබිණ. මේ වරදට හේතුව ලේඛකයාගේ නො හැකියාව නොව, විධිමත් සංස්කරණයකට දැක්වූ උනන්දුව මද වීමය. තමන් ලියන දෙයෙහි දොස් තමාටම හසු නො වීම සාමාන්‍ය බැවින්,
ප්‍රවීණයකුට එවන් දොස් සමනයට සංස්කාරකවරයකුගේ හෝ සෝදු පත් කියවන අයකුගේ හෝ උපකාරය ගත හැකිය.
ආධුනික ලියන්නකුට පද පටලැවීමේ දෝස මඟහැර ගැනීමට ගත හැකි මඟ වන්නේ මනා උපදේශනයක් සමඟ නිරන්තර අභ්‍යාසයේ යෙදීමයි.
" පදබැඳියාව" ට ඒ සඳහා
ඔබට සහය විය හැකිය. විස්තර සඳහා:
Phone / WhatsAp:0777725355
email: [email protected]
@ අනුර කේ එදිරිසූරිය.
එදා ඔබ ආවෙ
වැඩට යන කෝච්චිය
මඟහැරෙයි
හිතුවා වගේ
දුව දුව
ඔබ එදා හිටියෙ
හරි ම කඩිමුඩියක
ඇස් දෙකෙන්
ඇස් අල්ල නොගෙන
කවුරුදෝ එනකම් වගේ
නිතර එහෙ මෙහෙ බල බල
ඔබ එදා කීවෙත්
හමුවීමකට වඩා
සමුගැනීමකට
ගැලපෙන වචන
ලේන්සුව නව නවා
ආයෙ ආයෙත්
දිගහැර දිගහැර
@ අනුර කේ එදිරිසූරිය