اكلات ماما ساميه

المقادير:
- نصف كيلو كنافه
-كوب زبده
- ٢ كوب قشطه كدابه او مكسرات لو حابه تحشيها
- ٢ كوب شربات ثقيل بارد
- فاكهه او مكسرات لو حابه للتزين

الطريقه لو هتحشيها فى النصف:
- ندهن الصينيه بالزبده كويس جدا
- نسيح باقى كوب الزبده
- نقسم الكنافه لجزئين الاول تقريبا ٣٠٠ جرام و التانى ٢٠٠
- هنفكك الكنافه لو كانت مجمدة و نحاول نفك تشابكها
- هناخد الجزء الاكبر من الكنافة و نفرده فى الصينبه و على الجوانب
- لازم نكبس جامد الكنافه فى ارضية الصينيه و على الجوانب سواء بايديك او بصينيه اصغر
- نوزع تقريبا نصف الزيده على الكنافه اللى فى الصينيه
- نضيف القشطه او الكريمه او مكسرات مع شوية عسل فى النص زى ما تحبى
- نوزع الجزء المتبقى من الكنافه على الوش و نساويه بايدينا بضغطه بسيطه
- نضيف باقى مقدار الزبده على الوش
- تدخل فى منتصف الفرن حتى تلاحظى احمرار الجوانب و كدا يبقى نطلعها و نقلبها و ندخلها الفرن تانى
- اول ما لونها يبقى زهبى تطلع و تتسقى بالشربات البارد
- ولو هتنقلبها فى طبق تقديم تتنقل قبل ما تسقيها

الطريقه لو عازاها ساده:
حطى كل مقدار الكنافه فى الصينيه المدهونه بالزبده ووزعيها كويس ولازم تضغطى عليها جامد بصينيه اصغر او بايديك و وزعى الزبده عليها بعد ما تتضغط و تدخل الفرن ولما تطلع تتسقى بالشربات البارد

https://www.facebook.com/media/set/?set=a.3019169191474798&type=3&mibextid=ncKXMA

https://www.facebook.com/media/set/?set=a.3019135631478154&type=3&mibextid=ncKXMA

المقادير :
٣ كوب دقيق (يمكن استبدال كوب دقيق بنصف كوب سميد يعنى المقدار يبقى ٢ كوب دقيق + ١/٢ سميد)
٣ كوب ماء (لو استخدمنا سميد هنحتاج كمان شوية مايه)
ملعقه صغيره سكر
ملعقه صغيره خميره
ملعقه صغيره بيكنج بودر
رشه ملح
فانيليا

تخلط جميع المقادير و تترك لترتاح ربع ساعه ثم تسوى على نار متوسطه

الكرنب:

مشكلتى مع محشى الكرنب لا الحشو ولا التسويه ولا اكله طبعا🤗 مشكلتى معاه سلقه 🤦🏻‍♀️

سمعت كتير عن تفريز الكرنب قبل استخدامه بيومين بدل السلق و قلت اجرب كدا كدا دايما نص الكرنبه بيضيع فى السلق و لفها بيبقه بشع لان الكرنب اللى متاح جمبى اللى بنسميه كرنب البطه او زى اللى موجود فى الصوره فيعنى اسوء الظروف هنزيد الطين بلة

جبت الكرنبه و غسلتها و سبتها تصفى ميتها و لفتها فى بلاسك و دخلتها الفريز يومين

طلعتها ليله ما نويت اعمل المحشى و سبتها تفك لحد الصبح

الصبح حطيتها فى اناء فى الحوض و قطعت الراس وكانت سهله جدا و بدات اخد ورقه ورقه اقص العرق اللى فى نص الورقه و النتيجه كانت مزهله لان الورق كله طلع سليم حتى اصغر ورقه فى القلب

حسيت انى محتاجه املحه ولو بسيط زى ما بنعمل فى السلق فغليت مايه فى الكيتل و حضتها فى اناء و عليها ملح غطست فيها الورق بغرض التمليح ممكن تضيفى كمون او فلفل او اى حاجه انت بتضفيها لما بتسلقى الكرنب فى العاده

صفيته من الماء و كان الورق ممتاز و اول مره اعمل حله كبيره محشى كرنب بنفس حجم الكرنبه اللى باجبها كل مره لدرجة انى اضطريت اعمل خلطه تانى 😅 بجد طريقه ممتازه و محستش زى ما الناس بتقول بريحه غريبه او ان الورق مهرى

بالنسبه لتقطيع الورق سهل جدا تحددى المقاس و تقطعيه بالطريقه اللى تعجبك بس انا حبيت اجرب طريقة الحشو اللى فى الصور و عجبتنى لا فعلا كل الصوابع كانت بنفس الحجم

اللى عنده عقده من سلق الكرنب زى خلاتى يجربها و ان شاء الله تعجبه

تورته خفيفه و مش محتاجه شغل كتير وشكلها👌

المقادير:
- اى خليط كيك بتعمليه و بيطلع معاك حلو
- كريمة حشو سواء كريم شانتيه او butter cream او اى نوع موس تحبيه

- اى حشو تحبى تستخدميه فاكهه، شكولاته، m&m او صوص انت تحبيه
- ربع كوب عصير او مايه بسكر او معلقة مربى عليها معلقتين ثلاثة ماء لنسقى بيها طبقات الكيك

الطريقه:
- انا استخدمت كيك مكس فانيليا و قسمت الخليط على ثلاث صوانى وسويته بس طبعا ممكن تعملى الخليط كله فى صينيه واحده و تقسميها بعد ما تبرد لثلاث طبقات بس انا استسهلت🤗

- بالنسبه لكريمة الحشو بالنسبالى كريمة الزبده بتبقى متماسكه و بتدى شكل حلو بس مسكره زياده و الكريم شانتيه طعمه حلو بس ما بيستحملش و بيسيح بسرعه فانا عملت خليط منهم علشان يبقى متماسك و فى نفس الوقت مش مسكر (مقادير و طريقة الاتنين بعد طريقة التزين 👇)

- اخترت استخدم الفاكهه للحشو و حبيتها تكون متقطعه قطع صغيره

- عملت خليط من معلقة مربى مع مايه علشان اسقى بيها طبقات الكيك

- بعد التاكد من ان الكيك برد تماما هنجيب الطبقه الاولى و نسقيه بمعلقتين من العصير و نضع كربمة الحشو على الاطراف باستخدام قمع التزين لعمل شكل جمالى ثم نضع كميه من الكريمه فى المنتصف و عليها الفاكهه

- نضع الطبقه الثانيه فوق الاولى و نكرر نفس طريقة الحشو

- نضع الطبقه الاخيره و نزينها

وبالف هنا

*********
كريمة الزبده:
- كوب زبده غير مملح (٢٥٠جم)
- ٣ كوب سكر بودر (٤٥٠جم)
- فانيليا
- معلقتين كريمة خفق
- رشة ملح

-الزبده تكون متماسكه يعنى نطلعها بره الثلاجه لفتره علشان يسهل ضربها بس ابرد من درجة حرارة الغرفه

-هنستخدم مضرب البيض او العجان و هضرب الزبده مع ذرة الملح لمدة خمس دقائق لحد ما يزيد حجمها و يبيض لونها

-نضيف كوب سكر و نضرب لحد ما تختفى و بعدين نضيف الكوب التانى و نضرب و بعده الثالث بس حاولى تغطى المضرب و الحلة بفوطه بدل ما المطبخ وانتى تبقوا كانكم خارجين من تحت الانقاض🤗

- نضيف الفانيليا و معلقتين الكريمه و نكمل ضرب لحد ما كله يتجانس و يدينى قوام متماسك

*********
كريم شانتيه:
- كريمة خفق
-سكر بودره حسب الرغبه
- فانيليه

-نضرب الكريمه و الفانيليا حتى الحصول على قوام متماسك و نحلى بالسكر على حسب الرغبه انا ماستخدمتش سكر لانى ضفتها على كريمة الزبده

المقادير:
- دجاج مقطع او مخلى
- كوب دقيق
- نصق كوب نشا
- معلقة باكينج بودر
- ملح و فلفل اسود
- اى توابل تفضليها (بابريكا، ثوم و بصل بودر، شطه، …)
- بيضه
- قليل من الماء

الطريقه:
- اخلطى كل النواشف فى اناء
- انقصى ثُلث المقدار فى اناء اخر و ضيفى عليه البيضة و الماء حتى تحصلى على سائل متوسط الكثافه
- ضع قطع الفراخ فى الخليط السائل ثم فى الخليط الجاف
- تقلى القطع فى زيت غزير على درجة حراره متوسطه لمده تتراوح بين ١٥ ل٢٠ دقيقه على حسب حجم القطع و الوقت اكيد اقل لو الدجاج مخلى

وبالف هنا

امبانادا (فطيره)

المقادير:
الحشو:
- زيت زيتون
- بصلتين متقطعين جوانح
- فلفل اخضر او الوان متقطع صغير
- فصين ثوم مقطعين
- طماطم مقشره و متقطعه و منزوع قلبها
- بيضتين مسلوقين و متقطعين
اى نوع حشو تحبيه هى اصلها بالتونه بس ممكن تستخدمى (صدور فراخ ، سجق، لحمه
مفرومه، كبده، ….)

العجين:
-ثلاث اكواب دقيق
- معلقة خميره
-معلقة سكر
ذرة ملح
- كوب ماء

بيضه لدهن الفطيره قبل الخبز

الطريقه:
- هنشوح البصله و الثوم مع الزيت زيتون لحد ما لونه يبقى شفاف
- نضيف الفلفل و نستمر فى التشويح حتى تذبل المكونات
- نضيف الطماطم و نترك الخليط حتى تندمج الطماطم مع باقى المكونات
- نضيف نوع الحشو اللى هتختاريه
- هنضيف البيض المسلوق
- نخلط كل المكونات
-نضع الخليط فى مصفاه تحتها اناء لتجميع الزيت المصفى لاننا هنستخدمه فى عمل العجين
- نترك الخليط ليبرد حتى تجهيز العجين

- نضع الدقيق و السكر و الملح و الخميره فى اناء العجن
- نضيف الزيت المستخلص من الحشوه
- نضيف الماء حتى نحصل على عجينه متماسكه
- نترك العجين ليرتاح و يخمر حوالى ساعه
- بعد التخمير نقسم العجين نصفين
- نفرد النصف الاول لمستطيل و نضعه على ورق زبده فى صاج الخبز
- نضع الحشو و موزعها على العجين مع ترك الاطراف بدون حشو
- نفرد نصف العجين المتبقى و نغطى به الحشوه
- اذا هناك عجين زياده عند الاطراف نقطعها بالسكين و ممكن نزين بها الفطيره من الخارج
- نغلق اطراف الفطير
- ندهن الوجه بالبيض المخفوق

- توضع فى وسط الفرن على حراره متوسطه و تخبز حتى يحمر الوجه

وبالف هنا

دا تطبيق تانى للكنافه بالقشطه الكدابه بس صينيه كبيره بدل وحدات صغيره نفس المقادير بس بتحطى نصف الكنافه فى الصينيه و الجوانب و تضغطيها كويس و بعد كدا تحطى القشطه و تضيفى باقى الكنافه على الوش و تدخل الفرن فى الوسط و لما تحمر الجوانب تقلبيها و تدخليها الفرن مره تانيه و تطلع تسقى بشربات ثقيل بارد و تزين باى طريقه تحبيها وبالف هنا

https://www.facebook.com/media/set/?set=a.3067984116593305&type=3

كل سنه وانتم طيبين وبالف خير ... عدى نصف رمضان و بدأنا ندور هنشترى ولا هنعمل كحك العيد🤗 للى قرر انه يعمل و يملأ بيته بروائح العيد دا ملف مجمع كل وصفاتنا الخاصه بمخبوزات العيد ان شاء الله تطلع ناجحه و تعجبكم و بالف هنا

https://www.facebook.com/media/set/?set=a.3067984116593305&type=3