El Libro de la sirena
Contact information, map and directions, contact form, opening hours, services, ratings, photos, videos and announcements from El Libro de la sirena, Writer, .
09/11/2023
Madagascar-မာဒါဂတ်စကာကျွန်း
ငယ်ငယ်ကကြည့်ခဲ့ဖူးတဲ့ Madagascar ဇာတ်လမ်းထဲက မာဒါဂတ်စကာကျွန်းဟာ တကယ့်အပြင်လောကမှာရှိပါတယ်။မာဒါဂတ်စကာနိုင်ငံဟာ အာဖရိကရဲ့အရှေ့တောင်ပိုင်း အိန္ဒိယသမုဒ္ဒရာထဲမှာတည်ရှိတဲ့ ကျွန်းနိုင်ငံတခုဖြစ်ပြီး ကမ္ဘာ့စတုတ္ထမြောက်အကြီးဆုံးကျွန်းတကျွန်းလည်းဖြစ်ပါတယ်။မာဒါဂတ်စကာကျွန်းပေါ်မှာရှိတဲ့ သတ္တဝါနဲ့အပင်မျိုးစိတ် 80% ကိုတော့ ကမ္ဘာပေါ်ရှိမည်သည့်နေရာမှာမှ ရှာတွေ့နိုင်မှာမဟုတ်ပါဘူး။အထူးသဖြင့် ရှားပါးသစ်ခွမျိုးစိတ်များ၊မျောက်များနဲ့ရောင်စုံပုတ်သင်ညိုများ၊Baobabsလို့ခေါ်တဲ့ သက်တမ်းရင့်သစ်ပင်ကြီးများ၊ ကမ်းရိုးတန်းတလျှောက်ရှိ ဖြူဖြူဖွေးဖွေးသဲသောင်ပြင်များ စတာတွေကြောင့် လူသိများပါတယ်။ဒီလိုရှားပါးသတ္တဝါနဲ့အပင်မျိုးစိတ်ကြွယ်ဝမှုတွေကြောင့် ဇီဝမျိုးစိတ်ထိန်းသိမ်းမှုဆိုင်ရာ ကမ္ဘာ့ဦးစားပေးနိုင်ငံတွေထဲမှာ အမြင့်ဆုံးနိုင်ငံတခုအဖြစ်လည်းရပ်တည်နေပါတယ်။ဒီကျွန်းပေါ်မှာလူဦးရေ (28) သန်းကျော်နေထိုင်ပြီးတော့ ရာဇဝတ်မှုနှုန်းတွေမြင့်မားတာကြောင့် သွားရောက်လည်ပတ်ဖို့အတွက်တော့ အန္တရာယ်များတဲ့နိုင်ငံတခုဖြစ်ပါတယ်။
Photo-Travelmada//Evaneos//Inside guide//
Peregrine Adventures
*Do not Repost
07/11/2023
ကောင်းကင်၌သင်္ဂြိုဟ်ခြင်း
တိဗက်လူမျိုးတွေမှာ ကိုယ်ပိုင်ရိုးရာယဉ်ကျေးမှုတွေအများကြီးရှိပြီး Sky Burial လို့ခေါ်တဲ့ သေဆုံးသူကို
ငှက်စာကျွေးတဲ့ အသုဘ အခမ်းအနားကလည်း တခုအပါအဝင်ဖြစ်ပါတယ်။သေဆုံးသူရဲ့အလောင်းကိုတောင်ထိပ်ပေါ်မှာရှိတဲ့ ဘုန်းကြီးကျောင်းတခုဆီ ခေါ်ဆောင်သွားပြီး အပိုင်းပိုင်းလှီးဖြတ်ကာ လင်းတများကို စားသုံးစေပါတယ်။ဒီလိုလုပ်ရတဲ့အကြောင်းက တိဗက်အများစုဟာ ဗုဒ္ဓဘာသာဝင်တွေဖြစ်ကြပြီး မမြဲခြင်းသဘောကိုလက်ခံယုံကြည်ကြလို့ပဲဖြစ်ပါတယ်။အလောင်းအား လင်းတများလာရောက်စာသုံးသောကြောင့် ဒါနပြုရာရောက်သလို သေဆုံးပြီးတဲ့နောက်လူ့ခန္ဓာကိုယ်ဟာ ဘာမှအရေးမပါဘဲ ဗလာကျင်းမျှသာဖြစ်တယ်လို့ယူဆကြပါတယ်။
နောက်ထပ်အကြောင်းအရင်းတွေကတော့ တိဗက်ဟာ ကုန်းပြင်မြင့်ဒေသဖြစ်တာကြောင့် မြေမြှုပ်ရန်ခက်ခဲခြင်းနဲ့မီးသင်္ဂြိုဟ်ဖို့လောင်စာဆီရှားပါးခြင်းတွေကြောင့်ပဲဖြစ်ပါတယ်။ဒီအစဉ်အလာကို တိဗက်အပြင် မွန်ဂိုလီးယားနဲ့ဘူတန်တို့မှာလည်း လက်ခံကျင်းပကြပါတယ်။
Photo_Reddit//Wildmind
*El Libro De La Sirena
Do not repost
05/11/2023
McKamey Manor(ကမ္ဘာ့အန္တရာယ်အရှိဆုံးအိမ်)
အမေရိကန်နိုင်ငံ၊Tennessee ပြည်နယ်မှာတည်ရှိတဲ့ McKamey Manorလို့ခေါ်တဲ့အိမ်ဟာ ကမ္ဘာ့ကြောက်စရာအကောင်းဆုံးနဲ့ အန္တရာယ်အများဆုံး လူဖန်တီးထားတဲ့ extreme haunted houseတစ်ခုပဲဖြစ်ပါတယ်။အစိုးရကတရားဝင်ခွင့်ပြုထားပြီးတော့ ဒီအိမ်ထဲဝင်မယ်ဆိုရင် စာချုပ်မှာလက်မှတ်ထိုးရပါတယ်။အသက်အန္တရာယ်တခုခုဖြစ်ခဲ့ရင်တော့တာဝန်ယူမှာမဟုတ်ပါဘူး။အဲ့ဒီအစား ဒီအိမ်ကြီးထဲကိုဝင်ဖို့အတွက် ဝင်ကြေးပေးစရာမလိုသလို အထဲမှာ(၈)နာရီကြာနေနိုင်ရင်တော့ $ 20,000ရရှိမှာဖြစ်ပါတယ်။ခရီးစဉ်အစအဆုံးကြာမြင့်ချိန်က (၈)နာရီ မှ (၁၀)နာရီထိဖြစ်ပြီး ပြီးဆုံးတဲ့အထိနေနိုင်ခဲ့တဲ့လူတော့မရှိသေးပါဘူး။
ဒီအိမ်ကြီးထဲရောက်ရင်တော့ အရိုးများချိုးပစ်ခြင်း၊သွားများကို အစိမ်းလိုက်နှုတ်ပစ်ခြင်း၊မူးယစ်ဆေးဝါးသုံးစွဲစေခြင်း၊မျက်လုံးတွေကိုစည်းနှောင်ထားပြီး ဘာမှန်းမသိရတဲ့အစားအသောက်တွေကို စားသောက်စေခြင်း စတဲ့ ခန့်မှန်းလို့မရနိုင်တဲ့ စိတ်ပိုင်းဆိုင်ရာ၊ရုပ်ပိုင်းဆိုင်ရာ တိုက်ခိုက်မှုများစွာကို ကြုံတွေ့ရမှာပါ။
ဝန်ထမ်းတွေရဲ့ခွင့်ပြုချက်မရှိဘဲ ဓာတ်ပုံ/ဗီဒီယိုမှတ်တမ်းတင်တာမျိုးတွေလုပ်ခွင့်မရှိပါဘူး။အိမ်ထဲဝင်ခွင့်ပြုထားတဲ့အသက်အရွယ်ကတော့ 21နှင့်အထက်ဖြစ်ပြီး 18နှစ်မှ 20နှစ်ကြားဖြစ်ပါက မိဘအုပ်ထိန်းသူခွင့်ပြုချက်နဲ့ဝင်ရပါတယ်။McKamey Manor အိမ်ကြီးနဲ့ပက်သက်ပြီးရိုက်ကူးထားတဲ့ မှတ်တမ်းရုပ်ရှင်တွေလည်းရှိပါတယ်။
▪Haunters : The Art Of The Scare (2017)
▪Monster Inside: America's Most Extreme
Haunted House (2023)
Photo-The guardian//The Prowler
*El Libro de la Sirena
03/06/2023
Snake Island/ကမ္ဘာ့အန္တရာယ်အရှိဆုံးကျွန်း
ဘရာဇီးလ်နိုင်ငံ၊ Atlantic သမုဒ္ဒရာထဲမှာရှိတဲ့ Snake island (ခေါ် )Ilha da Queimada Grande ကျွန်းဟာ
ကမ္ဘာ့အန္တရာယ်အရှိဆုံးကျွန်းတွေထဲကတစ်ခုဖြစ်ပါတယ်။မြွေအကောင်ရေပေါင်း430,000 ကျော်ခန့်ရှိပြီး
လက်တင်အမေရိကမှာရှိတဲ့ အဆိပ်ပြင်းမြွေမျိုးစိတ်ပေါင်း 2000မှ3000ဝန်းကျင်ကိုဒီကျွန်းပေါ်မှာတွေ့နိုင်ပါတယ်။ဒါ့အပြင်Golden lancehead လို့ခေါ်တဲ့ မြွေပွေးမျိုးစိတ်ပေါင်းထောင်ကျော်လည်းဒီကျွန်းပေါ်မှာရှိပါတယ်။ကျွန်းအရွယ်အစားသေးငယ်ပြီး နေထိုင်သူလုံးဝမရှိတဲ့ကျွန်းလည်းဖြစ်ပါတယ်။ဘရာဇီးလ်အစိုးရက ကျွန်းပေါ်သို့လာရောက်လည်ပတ်ခွင့် ပိတ်ပင်ထားပြီး သုတေသနလုပ်ရန်အတွက်သာ လာရောက်လေ့ရှိကြပါတယ်။
Photo //Pinterest
El Libro de la sirena*
14/04/2023
မိုးကြိုးရေကန် _ Lake Maracaibo
Maracaiboရေကန်ဟာ ဗင်နီဇွဲလားနိုင်ငံအနောက်မြောက်ပိုင်းမှာတည်ရှိပြီး တောင်အမေရိကရဲ့အကြီးဆုံးရေကန်ကြီးလည်းဖြစ်ပါတယ်။ရေကန်ထဲကိုအမြဲလိုလိုမိုးကြိုးတွေပစ်လေ့ရှိပြီး ညအချိန်မှာခရမ်းရောင်လျှပ်စီးတွေလက်လေ့ရှိတာကြောင့်နာမည်ကျော်ပါတယ်။ပျမ်းမျှအားဖြင့်တစ်မိနစ်ကို ၂၈ကြိမ်လျှပ်စီးလက်ပြီး တစ်နာရီကိုအကြိမ်၂၈၀ခန့်မိုးကြိုးပစ်လေ့ရှိပါတယ်။
ဒီသဘာဝဖြစ်စဉ်ကို Relámpago del Catatumbo (Catatumbo Lightning)လို့လည်းခေါ်ပါတယ်။ဒီလိုအဆက်မပြတ်မိုးကြိုးတွေပစ်နေရတဲ့အကြောင်းရင်းက ရေကန်ရဲ့စိုထိုင်းဆ၊အပူချိန်နဲ့မြေမျက်နှာသွင်ပြင်တို့ရဲ့ပေါင်းစပ်မှုကြောင့်ဖြစ်ပေါ်လာတယ်လို့ဆိုကြပါတယ်။ရေကန်ကြီးရဲ့ပုံသဏ္ဌာန်ကပန်းအိုးပုံရှိပြီး တောင်ဘက်ပိုင်းမှာနက်ရှိုင်းကာ မြောက်ဘက်မှာတော့ရေတိမ်ပါတယ်။မိုးကြိုးတွေအမြဲလိုလိုပစ်နေပေမယ့် ဒီရေကန်ကြီးဟာ ဗင်နီဇွဲလားရဲ့ရေနံထုတ်ယူရာအဓိကနေရာဖြစ်ပြီး ငါးဖမ်းလုပ်ငန်းကိုလည်းလုပ်ကိုင်ကြပါတယ်။
Photo_Pinterest
*El libro de la sirena
01/12/2022
အီကွေတာမျဉ်း
အီကွေတာမျဉ်းဟာ စိတ်ကူးဖြင့်ရေးဆွဲထားတဲ့
မျဉ်းဖြစ်ပြီးတော့ 0° လတ္တီကျူဖြင့် ကမ္ဘာ့၏အလည်ဗဟိုတွင်လည်ပတ်ပါတယ်။အီကွေတာဆိုသောစကားလုံးမှာ အလယ်ခေတ်လက်တင်ဘာသာစကား aequatorမှဆင်းသက်လာပြီး နေ့နှင့်ညညီမျှသောစက်ဝိုင်း (circulus aequator diei et noctis)ဟုအဓိပ္ပာယ်ရပါတယ်။
တောင်ကမ္ဘာခြမ်းနှင့်မြောက်ကမ္ဘာခြမ်းကိုခွဲခြားထားသောမျဉ်းဖြစ်ပြီးအီကွေတာမျဉ်းဖြတ်သန်းသွားသောနိုင်ငံ ၁၃နိုင်ငံခန့်ရှိပါတယ်။Columbia,Ecuador, Brazil,
Sao Tome & Principe,Republic of the Congo,
Democratic Republic of the Congo, Gabon, Uganda,Somalia, Kenya,Maldives,Indonesia and Kiribati တို့ဖြစ်ပြီး ထိုနိုင်ငံများထဲမှာ အင်ဒိုနီးရှားနိုင်ငံကိုတော့ ဧရိယာအများဆုံးဖြတ်သန်းပါတယ်။အီကွေတာမျဉ်းဖြတ်တဲ့နိုင်ငံတွေနဲ့ အနီးနားတဝိုက်ကနိုင်ငံတွေမှာ ရာသီဥတုပူပြင်းပါတယ်။အီကွေတာမျဉ်းပေါ်တည်ရှိတဲ့ တစ်ခုတည်းသောမြို့တော်ကတော့ အီကွေဒေါနိုင်ငံရဲ့မြို့တော် Quito Cityပဲဖြစ်ပါတယ်။အီကွေတာမျဉ်းဖြတ်သွားတယ်လို့ ယူဆရတဲ့နေရာမှာ Mitad Del Mundo (Middle of the world city)လို့ခေါ်တဲ့ရုပ်ထုတစ်ခုကိုတည်ဆောက်ထားပြီး နှစ်စဉ်ကမ္ဘာလှည့်ခရီးသွားများစွာလာရောက်လည်ပတ်ကြပါတယ်။သို့ပေမဲ့ ခေတ်မီGPS
စနစ်ရဲ့တိုင်းတာချက်အရ အမှန်တကယ်အီကွေတာမျဉ်းဖြတ်သွားတဲ့နေရာက Mitad Del Mundo ရဲ့မီတာ ၂၄၀အကွာ ဘောလုံးကွင်းနှစ်ကွင်းစာလောက်ခြားတဲ့အကွာအဝေးမှာရှိတယ်လို့ ဆိုပါတယ်။ထိုနေရာမှာလျှိုမြောင်တစ်ခုရှိပြီး အထိမ်းအမှတ်အဆောက်အအုံဆောက်ဖို့ခက်ခဲတာကြောင့် နေရာလွှဲပြီးဆောက်ခဲ့တယ်လို့လည်း ဆိုကြပါတယ်။နေရာမှားနေပေမဲ့ Mitad Del Mundoကိုနှစ်စဉ်ကမ္ဘာ့လှည့်ခရီးသည်များစွာလာရောက်လည်ပတ်နေကြဆဲပဲဖြစ်ပါတယ်။
Photo_Pinterest
*El libro de la sirena
27/11/2022
ကမ္ဘာ့အအေးဆုံးဒေသ(သို့)Sakha
Sakha( Yakutia)ဒေသဟာ ရုရှားနိုင်ငံမှာရှိတဲ့ဖက်ဒရယ်ဒေသတွေထဲကတစ်ခုဖြစ်သလို ကမ္ဘာ့အကြီးဆုံးကိုယ်ပိုင်အုပ်ချုပ်ခွင့်ရဒေသတစ်ခုလည်းဖြစ်ပါတယ်။ရုရှားနိုင်ငံအရှေ့ဘက် အာတိတ်သမုဒ္ဒရာတလျှောက်မှာတည်ရှိပြီး လူဦးရေ1 millionခန့်နေထိုင်ပါတယ်။မြို့တော်ကတော့ ယာကုစ်-Yakutskဖြစ်ပြီး ကမ္ဘာ့အအေးဆုံးမြို့အဖြစ် စံချိန်တင်ထားပါတယ်။Sakhaဒေသရဲ့ဆောင်းရာသီပျမ်းမျှအပူချိန်က ရေခဲမှတ်အောက် -35°C မှ-60°C အထိရှိပါတယ်။ဒေသရဲ့၄၀%ကအာတိတ်စက်ဝိုင်းထဲမှာတည်ရှိပြီး တစ်နှစ်ပတ်လုံးအေးခဲနေတတ်ပါတယ်။ရုရှားနိုင်ငံစိန်ထုတ်လုပ်မှုရဲ့၉၉%နဲ့ကမ္ဘာ့စိန်ထုတ်လုပ်မှု၂၅%ကို Sakhaဒေသမှရရှိပါတယ်။ Sakhaဒေသတစ်ခုတည်းမှာတင် Time Zoneသုံးခုသတ်မှတ်ထားပြီးရုရှားရဲ့Time Zoneတစ်ခုထက်ပိုအသုံးပြုတဲ့တစ်ခုတည်းသောဖက်ဒရယ်ဒေသလည်းဖြစ်ပါတယ်။ဝေးလံခေါင်ဖျားတာကြောင့် ပြင်ပလူအရောက်အပေါက်နည်းပြီး ရှားရှားပါးပါးလာရောက်လည်ပတ်တဲ့
ဧည့်သည်တွေကိုလည်း ဂုဏ်ပြုမှတ်တမ်းပေးအပ်လေ့ရှိပါတယ်။
Time Zone*
Yakutsk _UTC +09:00
Vladivostok_UTC +10:00
Megatan _UTC +11:00
Photo_iStock
*El libro de la sirena
24/11/2022
Tunisia_တူနီးရှားနိုင်ငံ
တူနီးရှားနိုင်ငံက အာဖရိကတိုက်ရဲ့မြောက်ဘက်အစွန်းမှာတည်ရှိပြီး မြို့တော်ကတော့တူးနစ်စ်_Tunisပါ။နိုင်ငံအမည်ကတော့မြို့တော်နာမည်Tunisကိုအစွဲပြုပြီးဖြစ်ပေါ်လာတာပါ။လူဦးရေ 11.94 millionရှိပြီး နိုင်ငံံလူဦးရေရဲ့၉၉ရာခိုင်နှုန်းက အစ္စလာမ်ဘာသာကိုကိုးကွယ်ကြပါတယ်။Official languageကတော့ Arabicဖြစ်ပြီးပြင်သစ်ဘာသာစကားကိုလည်းပြောဆိုကြပါတယ်။သုံးစွဲတဲ့ငွေကြေးကတော့ Dinar(TND)ပါ။နိုင်ငံရဲ့အနောက် နဲ့အနောက်တောင်ဘက်မှာ အယ်လ်ဂျီးရီးယားနိုင်ငံ၊အရှေ့တောင်ဘက်မှာလစ်ဗျား၊မြောက်ဘက်နဲ့အရှေ့ဘက်မှာတော့မြေထဲပင်လယ်(Mediterranean Sea)တို့က ဝန်းရံထားပါတယ်။တူနီးရှားဟာရှည်လျားတဲ့ကမ်းရိုးတန်းနဲ့ပင်လယ်ကမ်းခြေတွေ၊သမိုင်းဝင်ပြတိုက်တွေ၊ရှေးဟောင်းဗိသုကာလက်ရာတွေနဲ့ကျော်ကြားတဲ့မြောက်အာဖရိကအစွန်ကနိုင်ငံသေးသေးလေးပဲဖြစ်ပါတယ်။
Photo_Pinterest
*El Libro de la Sirena
21/11/2022
ကမ္ဘာ့အနက်ဆုံးချောက်ကတော့ ပစိဖိတ်သမုဒ္ဒရာထဲမှာရှိတဲ့ (Mariana Trench) ပဲဖြစ်ပါတယ်။ဖိလစ်ပိုင်နိုင်ငံနဲ့ Guamကျွန်းကြားမှာရှိပြီးတော့ ပင်လယ်ရေမျက်မှာပြင်အောက်35,814 ပေနက်ရှိုင်းပြီး အောက်ခြေမှာမှာရှိတဲ့အပူချိန်ကတော့1°C မှ 4°Cပဲဖြစ်ပါတယ်။
ဒီTrenchရဲ့အောက်ခြေကို(Challenger Deep)လို့ခေါ်ပြီး ကမ္ဘာ့အနက်ရှိုင်းဆုံးနေရာလည်းဖြစ်ပါတယ်။လပေါ်ကိုရောက်ဖူးတဲ့လူဆယ့်နှစ်ဦးထိရှိပေမဲ့ ဒီချောက်ကြီးရဲ့အောက်ခြေကိုရောက်ဖူးတဲ့လူကတော့သုံးဦးပဲရှိပါသေးတယ်။
Photo-Google
Videos (show all)
