Magic cooking

كيكة غير كل الميكات لفاتو كيكة بنينة سهلة سحرية بكل معنى الكلمة 😋🥧🥧🥧
جربوها لن تندموا تجدونها على قناتي 👇👇
https://youtu.be/oVAeycpEF94
لا تنسوا الاشتراك وتفعيل الجرس فضلا وليس امرا 🥰🥰



#

بيسكويت الشاي السهل اللذيذ ويخرج بكميات كبيرة
أتمنى أن تجربوه ولن تندموا انشاء الله 🍪🍪
تجدونها في قناتي على اليوتيوب 👇👇👇
https://youtu.be/oaNAxiW2DmY
'scook

صابلي بثلاث نكهات ...رائع جدا سينال اعجابكم ان شاء الله
تابعوني و انتظر تعليقاتكم 🥰👇👇👇👇👇
https://youtu.be/sE0KErOI4gA

السلام وعليكم وصفة الصابلي بثلاث نكهات بنينة بزاف لداقوها بقاو غير يتسائلوا باش مخدومة👇👇👇👇
https://youtu.be/sE0KErOI4gA

االسلام وعليكم، اليوم عدت مع وصفة اخرى و جديدة اتمنى تنال اعجابكم
وصفة اليوم دجاج بالارز وصفة رائعة و تحضر في خمس دقائق ، اكيد ستنال اعجابكم ، ليس عليكم الا ان تشاهدوه و تعطوني رايكم في التعليقات
شكرا 😋😋🥰
https://youtu.be/3ftEPgZrhAE

السلام عليكم ، اليوم جبتلكم وصفة معسلة 🍯😋 بقلاوة بعجينة الفيلو ، ان شاء الله تعجبكم ، و تدعموني في قناتي فضلا و ليس امرا 🥰 للمزيد ان شاء الله .
https://youtu.be/2mFI3T4Pbvo

السلام عليكم ،اليوم قمت بوضع الوصفة الخاصة بالخبز ،سهلة جدا و لن تضطروا لشراء الخبز بعد الان
اتمنى ان ينال اعجابكم و لا تنسوا ان تدعموني فضلا و ليس امرا 😁، انتظر تعليقاتكم
https://youtu.be/27aYZDrCA60

أول فيديو بصوتي لغراتان بذوق الشوارما لذيذ و سهل التحضير أتمنى ان ينال اعجابكم، 😋

غراتان بذوق الشاورما السلام عليكم ، عدت مع فيديو جديد . غراتان بذوق الشاورما وصفة رائعة للغاية ، اتمنى ان تنال اعجابكم و تجربوها في منازلكم ، انتظر تعليقاتكم و دعمكم شكرا ...

السلام عليكم هذه وصفة صيفية لفطائر مورقة و سريعة التحضير اتمنى ان تنال اعجابكم
انتظر تعليقاتكم😊

فطائر مورقة وصفة جديدة و خفيفة ، فطائر مورقة بحشوة رائعة و لذيذة خاصة لفصل الصيف 'scook

السلام عليكم ، مر وقت لم اقم بنشر اي شيئ ، ها قد عدت مع قناة جديدة على اليوتيوب ساضع فيها كل جديد من حلويات و مملحات ، اطباق تقليدية و غيرها من الاطباق التي اتمنى ان تنال اعجابكم و تتلقى دعمكم المستمر .
⁦⬇️⁩⁦⬇️⁩⁦⬇️⁩

https://youtu.be/jjaU05x-LEY

جمعة مباركة
اللهم صلي وسلم على حبيبنا محمد صلى الله عليه وسلم

بينيي محشوين بشكولاطة الطلي
الوصفة : 2حبات بيض /500غ فرينة (طحين) /1م ك خميرة الخبز/4مك سكر / 1م ص ملح / 1 م ك فانيليا / حليب دافئ 1م ك زبدة طرية 🥰
التحضير :
نضع الفرينة+الخميرة + السكر + الملح نخلط ثم نضيف البيض مخفوق قليلا ونطموها بالحليب نعجنها شوية ثم نضيف الزبدة وندخلوها جيدا العجينة طرية قليلا نغطوها ونتركها تختمر
بعد الاختمار نضع على سطح العمل القليل من الزيت ونحلو العجينة على سمك 1سم ونطبع دوائر ونتركها تختمر للمرة 2 ثم نقلوهم في زيت سخونة ونضعهم في السكر ونحشيهم بالشكولاطة 😋😋😋
بالصحة والعافية
تابعوني وادعموني فضلا منكم 💜💜🥰

السلام عليكم وجمعة مباركة ان شاء الله
حلوة الرولي :نحتاج الى 5بيض/125غ سكر/125غ فرينة(طحين)/قرصة ملح/1/2م ص خميرة كيميائية/ 1م ك فانيليا
نضع حبات بيض+سكر و قرصة ملح ونخلط بالمضرب الكهربائي حتى يتغير لونه الى الابيض ويتضاعف حجمه بعد ذلك نضيف 1م ك فانيليا ثم الفرينة مع الخميرة الكيميائية على 3دفعات ونخلط بالملعقة فقط من تحت للفوق بعد ذلك نفرغوه في سنيوة مبطنة وندخلها للفرن 10د فقط تنشف ٫نخرجها ونضعها على منشفة مندية قليلا و نتركها تبرد قليلا ثم نشربها بالسيرو(الشربات) ونضع المربى ونلفه و نزينه بالسكر الناعم 😋🥰
بالصحة والعافية 🥰

السلام وعليكم وصفة اليوم بيتزا محبوبة الجماهير حضرتها بعجينة رئعة و لذيذة 😋🥰
الوصفة وطريقة التحضير :
كاس ماء دافئ+3م ك حليب غبرة او ربع كاس حليب +ربع كاس زيت +1م ك خميرة الخبز +نص م ك سكر +و نخلط الكل ثم نضيف 1بيض ونخلط ثم 2كاس دقيق متوسط ونخلط حتى يتجانس ثم 1م ك ملح ونطموها بالفرينة حتى نتحصلو ا على عجينة متماسكة نخلوها تخمر ثم نكسرولها تخمار ونحلوها ونضع صلصة الطماطم والتزيين حسب الرغبة وندخلوها للفرن على اعلى درجة 🍕🍕😋

حلوى بعجينة صامصة المتبقية حليتها رقيقة وقطعت مربعات حطيت حشو انا حطيت (كاوكاو محمص ومرحي وطميتو بشكولاطة الطلي ) ويبقى لكم الاختيار وغلقتهم كظرف و نقشتهم وعملت نوع آخر في الصورة ودخلتهم للفرن على 180د لما أخرجتهم حطيتهم في العسل وخرجتهم ماخليتهمش بزاف 😋😋🥰🥰
وقدمتهم مع الشاي
بالصحة والهناء 😍

هذه سلطة بالخضار
جزر +كورجات+جلبانة فورتهم بالملح و غليت البيض وضعت كل الخضر في صحن أضفت القليل من الملح وزيت الزيتون و البيض قطعتو مكعبات صغار والمايوناز وخلطت الكل وقدمته مع تبيخة ديالي 😋😋🥰
قمة في البنة بالصحة والعافية

وصفة اليوم تبيخة
الوصفة : الفول٫,جلبانة ٫قرنون ٫ بصل و ثوم ٫ قصبر ٫1طماطم صغيرة مسكرفجة/,1م ص طماطم مصبرة /ملح ٫فلفل اسود و فلفل احمر
التحضير نضع فو ق النار طنجرة نضع فيها البصل والثوم ونقليهم قليلا +طماطم مصبرة نقلوهم ثم نضيف طماطم مسكرفجة ونخلط ثم نضيف التوابل ونخلط بعد ذلك نضع الفول والقرنون والجلبانة وكمية من القصبر وملعقة ص من الماء ونبقاو نخلطو حتى يندمج الكل نخلوه يتقلى الكل ونمرق كي يطيب نزيدو نحطولو كمية أخرى من القصبر 😋😋
بالصحة والهناء🥰

السلام وعليكم وصفة اليوم كيكة لقهوة العصر رائعة وسهلة
الوصفة :
4حبات بيض/ 1كاس سكر/1كاس زيت / 1ياغرت طبيعي / 1خميرة كيميائية / 2كاس وربع فرينة (كاس واحد عبرو بيه كل المواد) 1م ك فانيليا / قرصة ملح / كمية من الزبيب 😋😋
التحضير:
نضع البيض مع قرصةالملح والسكر ونخلط بالخلاط الكهربائي حتى يبياض ويتضاعف حجمه قليلا ثم نضيف الزيت بشوية وحنا نخلط بعد ذالك نضيف الفانيليا ونخلط بعد ذلك نضيف الفرينة والخميرة المغربلين ونخلط بالملعقة ثم نضيف في الأخير الزبيب ونخلطوه ونفرغوه في مول مدهون بالزيت وندخلوه للفرن سخون من قبل على 180د نخلوه حتى يحمار نخرجوه ونتركه حتى يبرد ثم التزيين كما تريدون انا زينته بشكولاطة الطلي 😋🥰
بالصحة والعافية اتمنى ان تجربوه 🥰🥰

بنيون رائع
نضع كيلة بيسكوي مرحي +كيلة مكسرات مرحية + كيلة حلوة الترك + 2م ك كراميل او توفيا +1م ك عطر القهوة ونطموها بشكولاطة الطلي 😋😍
نذوبو شكولاطة بالبندق ثم نضيفولها 1م ك زيت ونغلفو مول السيليكون ونضعه في المجمد بعد ذلك نضع كمية من الحشو ونرجعه الى المجمد 🤗🥰
جربوها مع لتاي في السهرة بالصحة والهناء 🥰

كؤؤس بمذاق الليمون لمحبي الليمون ولكن ليست حامضة مذاقها رائع 😋🥰
نضع في كسرونة نصف لتر حليب +3,م ك معمرين سكر حسب ذوق كل واحد +3 م ك معمرين نشاء +1م ص عطر الليمون ونخلطو ثم نضعها على نار هادئة نبقاو نخلطو حتى تثقال نطفئ النار ونضيف 1م ك زبد ةمع 3م ك عصير الليمون ونخلط ثم نفرغوها في صحن و نغطوها بالورق الشفاف ونتركها تبرد
نطلعو 1كاس غبرة الشنتيي مع 1كاس ماء بارد جدا ونتركه في الثلاجة 🥶 ليس المجمد 😂
ناخذ بيسكوي نفتته ونضيف له زبدة ذائبة ونخلط نشمخوه فقط
ونضع في كل كاس 1م ك وناخذ الكريمة الاولى ونضع طبقة جيدة
ونتركها جانبا
نعود لكريمة الشنتيي نضيف لها عطر الليمون ونكسرو ا البيسكوي ونضيفوه ونخلط بالملعقة ونضع طبقة فوق طبقة الكريمة الاولى ونضعها في الثلاجة لحين التقديم😋🥰🥰

لزورسان (les oursins)
حلوى طرية ورائعة المذاق
نحتاج للوصفة : 6بيض ' 1كاس زبدة ذائبة' 1كاس عسل ' ' 3 م ك كاكاو ' 2 كاس ونصف فرينة '1م ص معمرة بيكاربونات '٫ 1خميرة كيميائية😍
نضع البيض مع العسل ونضرب الخليط حتى يبياض قليلا ثم نضيف الزبدة ونخلط حتى يندمج الكل ثم نضيف الكاكاو مغربل مع البيكاربونات ونخلط ثم نضيف الفرينةمع الخميرة الكيميائية ونخلط ونفرغوه في سنيوة مبطنة بورق الطهي وندخلها للفرن على 180درجة حتى يطيب نخرجوه ونخلوه يبرد جيدا بعد ذلك نطبع دوائر ونقسم كل وحدة على اثنين الباقي نفتته جيدا 🥰
الكريمة : 200غ مرغرين +70غ سكر ناعم و 1 م ك غبرة الشنتيي و نضربهم حتى تولي كريمة بيضاء وخفيفة نضيف عطر الكراميل او عطر القهوة ونخلط٫ نلصق بها الحبات ناخذ مربى المشمش نضيف له ماء الزهر وندفيه قليلا نتحصل على خليط سائل نمسح به الحبات ثم نغطيهم بالحلوة لفتتناها من قبل ونزينها بكرز مصبر مثلا😋😋🥰
بالصحة والهناء🤩

شطيطحة بطاطا بدون لحم او دجاج حارة ومجمرة وبنينة وساهلة
بعد رمضان والمصروف لكبير لحطيناه هذه الوصفة مليحة
نقشرو بطاطة ونقطعوها مكعبات
في طنجرة نحطو بصلة مع سنينات ثوم مع زيت و1م ص طماطم مصبرة نقلوه ونضيفو شية معدنوس ونقلوه مليح حتى يتغير لون البصل نضيفو فلفل اسود وفلفل عكري ونقلي شوية ونضيفو البطاطا ونواصلو تقلية بعد ذلك نمرقو مشي بزا ف ونخلوها طيب 😋🥰🥰
بالصحة والعافية

خبيزات محشيين ساهلين التحضير 😍
العجينة : كاس حليب دافئ +كاس ماء دافئ+ 1م ك خميرة الخبز + 1م ك سكر + كاس فرينة نخلط ونخلوها تتفاعل بعد ذلك نضيفو كاس فرينة مع نص م ك ملح ونطموها طرية نحطولها 1م ك زيت ونغطوها ونخلوها تخمر
الحشو اختياري انا حطيت بصل مع جزرة مرابيا مع 1طماطم مقطعة صغيرة ونقلوهم مع ملح و فلفل اسود وفلفل عكري و زعيترة و توابل الدجاج في الاخير نضيفوا الجبن 😋
نعود للعجين ونعملوا كورات نحلهم في كف يدنا فقط ونضع الحشو ونغلقوهم جيدا نحبطوهم شوية ندهنوهم بالبيض ونضع زرارع ونطيبوهم🤩
بالصحة واتمنى ان تجربوها وتجبكم🥰🥰🥰

السلام وعليكم صح فطوركم 🥰🥰 صح عيدكم كل عام وانتم بخير 😍💜💜

تحلية باردة لسهراتكم 🤩
نفتتو بيسكي +2م ك كاوكاو +1سكر ناعم و نضيفولها مرغرين ذايبة نخلوها مفتولة ونضع 1م ك ونص في قاع الكاس و نضع كريمة ثم 1م ك من البيسكوي و 1م شكولاطة الطلي ثم طبقة من كريمة ومبشور شكولاطة ونضعها في الثلاجة تبرد الى حين التقديم😋😍
تحضير الكريمة :
نص لتر حليب +3م ك سكر +3م ك نشاء نخلط ونحطوها فوق النار تثقال ثم نضيف 1م ك مرغرين ونخلط ونخلوها تبرد
ناخذ علبة ياغورت كراميل +2علب غبرة شنتيي ونخلطوهم حتى تثقال نضيفوها للكريمة الاولى و نخدمو بيها 😋😍😍

الصامصة بدون الة رائعة و مورقة😋🥰🥰
4كيلات فرينة ممسوحة مع قرصة ملح مع فانيليا و1مص خميرة كيميائية نخلط كلش ونفرغو كيلة ناقصة 2اصبع سمن ونبسس جيدا وطميها بالماء وماء الزهر نتحصلو على عجبنة ما يابسة ما طرية بزاف نقطعو مستطيلات. نغطوهم ونخلوهم يرتاحو
الحشو 🤗
3كيلات لوز او كاوكاو +نص كيلة سكر مع 1م ص قرفة والفانيليا. نرشوها بماء الزهر عجينة مفتولة فقط
نعود للعجينة نحاو الاولى بالمايزينة على طول ونرشو النشاء ونغلقوها على 3كااعجينة المورقة هذه العملية مرتين نواصل مع باقي العجين ونتركهم يرتاحو
نعود للاولى نفتحوها رقيقة جدا بالنشاء ونقطعو شريط عرضه 8سم ونشكلو مثلثات ونقلوهم 😍
صح فطوركم

وصفة مقروط لعسل للعيدسلطان المائدة
3كيلات سميد متوسط بومبي +قرصة ملح كبيرة نخلط+بياض بيضة بعد ذلك نفرغ كيلة غير ربع سمن ونكملوه بالزيت (الكيلة معمرة) ونبسوها جيدا من الاحسن يبات
الحشو : 3كيلات لوز او كاوكاو +نص كيلةسكر + 1م ص قرفة و 1م ص فاني +1م سمن ونخلط ونطموها بماء الزهر ونخلو يرتاح
نشمخو بالحفنة بدون عجن نعملو حربوش ونقطعو مقروطات ونقلوهم ونعسلوهم مباشرة 😋😋😍😍
صح فطوركم✨🌜

السلام وعليكم وصفة اليوم بلح الشام معسلة للسهرة مع الشاي 😋
الوصفة : نضع في كسرونة 2م ك سكر+ 2 م ك زيت +1كوب ونص ماء مع قرصة ملح نخلوه يغلي
من جهة اخرى نضع 1كاس وربع فرينة مع ربع كاس نشاء نضيفوهم الى خليط السوائل وهو يغلي ونخلط بسرعة فو ق النار حتى نشوفوها ولات كتلة واحدة ننحوها ونخدموها شوية ونخلوها تبرد
نجبدوها نخدموها شوية بيدينا ثم ناخذ بشوية ونخرجوه اما في لمبوط او لادوي ونقلوهم في زيت سخونة بزاف حتى يحمارو كي نحوهم من المقلى للعسل مباشرة ✨😋😍
صح فطوركم✨💜

السلام و عليكم 3انواع بعجينة صابلي واحدة
الوصفة 500غ مرغرين طرية
120غ سكر ناعم (كاس ونص)
كاس نشاء
2بيضكاملة و 2 صفار
3م ك زيت
فانيليا 1مك
رشة ملح /نص م ص خميرة كيميائية
فرينة
التحضير : نضرب المرغرين مع السكر جيدا حتى يبياض ثم نضيف البيض بالحبة مع قرصة الملح حتى يتجانس
ثم نضيف الفانيليا و النشاء ونضيف كاس واحد من الفرينة مع الخميرة ثم نقسموها على 2
الاولى نطموها بالفرينة ونغطوها ترتاح
الثانية نضيف لها 3م ك كاوكاو محمص و مرحي ونطموها بالفرينة

العجينة الاول نص عملتو قلوب ولسقتهم بكرمة الزبدة بعطر البستاش والثانية لسقتهم بالمربى عادي والعجينة الثالثة عمرتهم با
لتوفيا
والتزيين حسب الرغبة
استعملت شكولاطة (la saveur) ذوق التوت رائعة ف بزاف البنة 😋😍😍