ZangiinAcademy

لەمیانەی کۆرسێکی چەند ڕۆژیدا کە تایبەت بوو بە (هونەری فرۆشتن)، شەرەفمەند بووم بە دیداری ئەم کەسە بەڕێز و خاوەن ئەزموونانە، لە کۆمپانیای خالص.
Khals company-خالص

سوپاس بۆ ئەو میوانداری و گەورەییەتان. گفت و گۆیەکی پر لە ئەزموون و ئاڵ و گۆری بۆچوون.

وەک ئەکادیمیای زەنگین، خۆشحاڵ بووین بە ناسین و دیدارتان

‎ئەم دوو ڕۆژە، کۆرسی نایابی فرۆشتن، کە یەکەم کۆرسی تایبەت بە هونەری فرۆشتنە لە کوردستاندا، پێشکەش کرا بۆ هاوڕێیانی عەقارات ئەملاک، لە شارە جوانەکەی هەولێر.

‎بواری عەقارات، دنیایەکی تەواو جیاوازە و فرۆشتنەکانی لە فرۆشتنی هیچ شوێنێکی دیکە ناچێت. پێویستی بە دیراسەیەکی وورد هەیە، ئەوەیان واز لێبهێنە بۆ زەنگین

عقارات أملاك - Amlak Real Estate

‎سوپاسی ئەو ڕێزە زۆرەتان دەکەم، زێدە خۆشحاڵ بووم بە ناسینی یەک بەیەکتان. نموونەیەکی جوانی خەڵکی هەولێر لە ڕێز و ئیحترامی میوان. من چیتر لەم شارە جوانە هەست بەوە ناکەم میوان بم.

هی وا هەیە بە ژیانی یەک جار کچێکی ناسیوە. ئیتر یان خیانەتی لێ کراوە، یان باوکی ڕازی نەبووە. ئەمیش بۆ هەتاهەتایە وازی لە ئەو مەسەلانە هێناوە و دانیشتووە بەدیار (برایم تاتڵیسێس)ەوە ئەخواتەوە. لە بزنسیشدا ئەمە ڕاستە. هەیە یەک جار ئیشێکی کردووە ئیتر داخ بووە. زەرەرێکی کردووە و بۆ هەتاهەتایە هەرچی بزنسە تەڵاقی یاوە

هەیە تا ئەمرێ لە سووچی دایرەیەکا سەری داخستووە و ئیش ئەکات و ژیانی بێ سەرکێشی هەڵبژاردووە. ئەمانە نموونەی ئەو کەسانەن کە باوکیان کچە مامێکی خۆی بۆ ئەهێنێت و تاقەتی ناسینی کەسی تر و تاقی کردنەوە عایلەی تریان نییە. چونکە ئەترسن خراپ بن و سەر نەگرێ

هەیە خۆی تێوەگلاندووە لە پەنجا ئیش و هیچی ناباتەوە سەر هیچ، ئەمانە نموونەی ئەو کەسانەن کە وەعدیان بە هەزار کچ یاوە و ناوەکانیان تێکەڵ ئەکا. لە کەسیان هیچی نابێ بە هیچ. ئەمانە ووردە ووردە سیقەیان نامێنێ. وەک برادەرێک ئەیووت: ئەوەندەم پێ ووتووە وەرە با لاپەڕەیەکی تازە هەڵبەینەوە، لاپەڕەی پێوە نەماوە 😅 لەسەر بەرگەکەی شت ئەنووسین

هەمووی هەر خراپ نییە، هەیە پیاوانە دەست ئەیاتە ئیشێک و کۆڵ نایا و دەیگەیەنێتە شوێنی خۆی و لێی دەحەسێتەوە. ئەمانە ئەو کەسانەن کە پیاوانە کۆڵ نایەن و دەیگەیەننە شوێنی خۆی. بەڵام شەرت نییە هەموو جارێک یەکەم دانە باشەکە دەرچێ. جا ئەگەر ئیش بوو یان کچ، ئەگەر باشەکەت بۆ دەرچوو لەدەست خۆتی مەیە