Humans of Alq
متحدث تحفيزي
04/07/2020
نحن لم نخلق في هذه الارض عبثا ولم يكتب لنا الخلود في هذه الحياة لقد خلقنا وكرمنا بجوهر لم ينله احد من خلق الله أتينا طائعين منقادين بحكمة متمسكين بطوق من حبال النجاة لنعمل ونعبد الله الي حين لقياه
تنقلنا في حياتنا عبرعديدمن المراحل التعليمية ربما قضينا جل عمرنافي التعليم
بالنسبة لي مسيرتي في مرحلتي التعليمية ماكانت حافلة بالتفوق الذي تذوقه كثيرون منكم كنت مجرد طالبة ادرس وكانت معظم دراستي مايسميه البعض تجارية فترة امتحانات وتعدي وكان الله يحب المحسنين كنت بتنقل من نجاح لنجاح آخر طيلة فترتي الدراسية لكن الموقف والامر الخلاني اغير مجري حياتي الدراسية هو اني مرة مشيت بيت الجيران ونسة وجبنة وضحك وكدا فواحدة سألتني سؤال عفوي مودة انتي بتقري ليه?سؤال سااهل واجابته اسهل جاوبتها عشان اشتغل بعدين واتوظف❌😱
فقالت لي :طالما خاته في بالك انك بتقري عشان تشتغلي فربنا ماحيوفقك 😢
قلت ليها كيف? فذكرت لي آية اناتقريبا ما متذكرااها لكن الفهم بتاعها انه الانسان لازم يتعلم عشان يتعلم هو ويعلم غيره 🌟فسبحان الله بالرغم من انها اصغر مني في العمر لكن اجابتها لي خلتني اشوفها اكبر مني فهما رغم صغر سنها فختيت كلامها داك قدامي وفكرت فيه كويس ومن اللحظة ديك انا بقيت لمن اقرا حاجة حتي لو مواد غير مواد الجامعة مااقراها تجاريا لازم افهم الحاجة الانا بقراها ومااعتمد علي الحفظ وحده لانه براه مابيكفي والانسان لازم يعتزل كل حاحة بتشغلة اثناء ماهو بيدرس او براجع وبراه بلقي نفسه مركز وحاول بقدر ماالله اداك قوة انك ماتشرد وماتفكر في حاجة تاخد ذهنك بعيد عن الدراسة واثناء فترة امتحاناتك اعتزل التلفون حتي لو مابتقدر تتخلي عنه امسح كل مواقع التواصل وخليه فاضي ماتفتحة الا وانت محتاجه لضرورة عندك فيه محاضرات عندك صور المهم حاجة ضرورية فكدا ممكن تفتحه ووالله العظيم دي حصلت معاي ويمكن دي المرة الاولي انا احقق نجاح اكون فخورة بيه من نفسي وواثقة منها لقدام انها ماحتخزلني
تاني وطالما انت خاتي النجاح قدامك صدقني مجرد تفكيرك فيه بخلي عندك عزيمة ودافع انك تجتهد قدرتك حتي لو في النهاية ماحققت النجاح المهم ختيت النية والغلطة خلقت ماعشان نقع فيها مرتين اكيد بتفشل ومع كل فشل حتتعلم درس جديد بقودك خطوة لقدام وبنمي فيك روح التميز وحب الكفاح
Mawadda Mahgoub