Phoo
Contact information, map and directions, contact form, opening hours, services, ratings, photos, videos and announcements from Phoo, Health/Beauty, .
' ဝေးပြီးတဲ့နောက်မှာ '
သူပျော်နေတယ်လို့ စိတ်ထဲမှာ
ယုံထားလိုက်တယ်
နောက်ထပ် ဘာမှမသိရ မတွေ့ရ
မကြားရအောင် နေတယ်
ကိုယ့်စိတ်ကို ပျော်အောင်ထားတယ်
တတ်နိုင်တဲ့အခါ ရယ်တယ်
မတတ်နိုင်တဲ့အခါ ငိုတယ်
မနေ့ကထက် ဒီနေ့ပိုလှအောင် ပြုံးတယ်
သတိရတဲ့အခါ ကြယ်တွေကို ငေးတယ်
အိပ်မက်ဟာ အိပ်မက်ပဲဆိုတဲ့အကြောင်း
ကြိုးစားလက်ခံလိုက်တယ်
မထိုက်တန်လို့ ဆုံးရှုံးခဲ့ရတာတွေအတွက်
ပိုင်ဆိုင်ခွင့်ရတဲ့သူကို မုဒိတာပွားတယ်
ကိုယ်ရခဲ့ဖူးတဲ့ တစ်ရာသီစာကို
တစ်သံသရာစာအတွက်
ကျေနပ်ရောင့်ရဲလိုက်တယ်
အမှတ်တရတချို့ ပြန်တွေ့ရရင်
ကိုယ့်memoryထဲမှာပဲ
ဘယ်သူမှ မမြင်အောင်
တိတ်တိတ်ကလေး သိမ်းထားတယ်
ချစ်ခြင်းမေတ္တာဆိုတာကို စကားလုံးအဖြစ်နဲ့
ကဗျာထဲမှာ သုံးရုံလောက်ပဲ အာရုံရှိတော့တယ်
ဖြတ်မျဉ်းတစ်ကြောင်းလို
ကိုယ့်ဆီမှာ ခဏတာ
ရေစက်လာဆုံပေးတဲ့အတွက်လည်း
တစ်သက်စာ ကျေးဇူးတင်တယ်
ကြီးကြီးမားမားတွေ မလုပ်ပြချင်ပေမယ့် တခမ်းတနားတော့ တိတ်ဆိတ်ပြချင်တယ်
#ဖရော်ဆန်
13/08/2022
Chill