Travel With Minu
Contact information, map and directions, contact form, opening hours, services, ratings, photos, videos and announcements from Travel With Minu, Travel Company, .
🇹🇩 සීතකාලයට හැඩවෙන රුමේනියාව....
❤️ ගංගා අයිස් බවට පත්වෙලා... සීතල සුලං.. සමග කුරුල්ලන්ගෙ නාදය... හරිම සුන්දයි...❤️
නුවරඑළිය ❤️❤️❤️
#දොලුකන්ද ❤️🤗🌎🌎🌎🏁
වයඹ පලාතේ , කුරුණෑගල දිස්ත්රික්කයේ පිහිටා ඇති දොලුකන්ද වෙත මාර්ග දෙකකින් ලගා විය හැක ඒ කුරුණෑගල සිට දඹුල්ල පාරේ ගොස් මුත්තෙට්ටුගල හංදියෙන් වැල්ලව ,ගනේවත්ත මාර්ගයේ ගොස් දොලුකන්ද පන්සල හරහා දොලුකන්ද තරණය කල හැක. අනෙක් මාර්ගය ලෙස කුරුණෑගල දඹුල්ල මාර්ගයේ ගොස් ඉබ්බාගමුවෙන් හැරී මඩගල්ල පාරේ ගොස් ගොඩගාල හංදියෙන් බැස මනරම් වෙල්යාය අතරින් දොලුව ගම්මානයට පිවිස දොලුකන්ද තරණය කල හැක.
ඔබ විනෝදාංශයට හෝ රැල්ලට හෝ කවර අයුරකින් වුවද කඳු තරණය කරන්නෙක් නම් ජීවීතේ අවසන් වීමට ප්රථම දොලුකන්ද තරණය කරනවා නම් ගොඩක් වටීවී . අන් කවර කන්දකටත් වඩා දොලුකන්ද තරණය කිරීමෙන් වටිනා අත්දැකීම් මෙන්ම තොරැතුරැ රැසක් ගවේෂණය කල හැක.
ඔබට කඳු තරණයේ කොපමණ අත්දැකීම් තිබුණත් ප්රවීනයෙකු වුවත් දොලුකන්ද තරණයේදී මග පෙන්වන්නෙකු කැටුව යාම එම ගමනේ ආරක්ෂාවට මෙන්ම ගුණාත්මක භාවයට වඩා රැකුලක් වනු ඇත. මන්ද දොලුකන්ද යනු අතීත පුරාවෘත ගණනාවක්ම දරා සිටින කන්දක් වීමත් ඒ පිළිබදව වටිනා තොරතුරු ගවේෂණය කරමින් දැන ගනිමින් යාම වැදගත් නිසාත්, ගමනේ ආරක්ෂාව සඳහාත් , මාර්ග වැරදී අතරමංවීමට ඇති සම්භාවිතාවය වැඩි නිසාත් මං පෙන්වන්නෙකු කැටුව යාම වඩා වැදගත් වේවී.
දොලුකන්ද පිලිබදව අතීත පුරාවෘත කතා ගොඩක් ගවේෂණයදී දැනගන්න ලැබුණා. රාම රාවණා යුද්ධයේදී රාවණා විසින් එල්ලකල ප්රහාරයකින් තුවාල ලැබූ රාමාට බෙහෙත් ගෙන ඒමට ගිය හනුමට එම බෙහෙත් වර්ගය අමතක වී ඉන්දියාවේ හිමාලය කන්දේ කොටසක්ම ගලවාගෙන එන අතරමගදී වැටුණු කැබැල්ලක් ලෙස දොලුකන්ද හඳුන්වන බව ජනප්රවාද කතා වල දැක්වේ. එහෙත් එම කොටස් රෑමස්සල කන්දත් තව කොටසක් රිටිගල කන්ද ලෙසත් හදුන්වනු ලබන මුත් දොලුකන්ද එම කොටසක් යැයි යන්නට සමහර සාක්ෂි දොලුකන්ද තරණය කරන ඕනැම කෙනෙක්ට දක්නට ලැබේ. නමුත් මෙය පුරාණ ඉසිවරයෙකුගේ ඔසු උයනක් ලෙසද සමහර ජනප්රවාද කතා වල සඳහන් වේ.
කෙසේ වෙතත් ඉන්දියාවේ හිමාලය කන්දේදී පමණක් සොයාගත හැකි දුර්ලභ බෙහෙත් වර්ග ගණනාවක් දොලුකන්දේදී සොයාගත හැකි බව අසන්නට ලැබේ. සාමාන්යයෙන් පැය දෙකකට ආසන්න කාලයක නැග්මකින් පසු දොලුකන්ද මුදුනට නැගගත හැකිවේ දොලුකන්ද මුහුණතේ දිග කිලෝමීටර් හතරකට වැඩි වන අතර දොලුකන්දේ රක්ෂිතයේ මුලු වපසරිය අක්කර ගණනකට වඩා විශාල වේ. එය මුලු කුරුණෑගල නගරයටම වඩා විශාල බව දැනගන්නට ලැබේ.
බුද්ධාස රජතුමාගේ මාලිගයක් දොලුකන්දේ තිබූ බවට අදටත් එහි සාක්ෂි දැකගත හැකිවේ.මීට අමතරව බුද්ධාස රජතුමාගේ ධනයෙන් වැඩි කොටසක් තැන්පත් කර ඇත්තේ දොලුකන්දේ බවට සඳහන් වේ ඊට වටිනා රත්රන් ආභරණ ,මැණික් තොග අඩංගු බව සඳහන්වේ අදටත් ඒවා නිධන් කර ඇති ස්ථානවල සලකුණු දක්නට ලැබෙන අතර දොලුකන්දට පහසුවෙන් ලගාවීමට නොහැකිවීම එක් හේතුවක් නිසාම ඒවා අදටත් සුරක්ෂිතව ඇති අතර දොලුකන්දේ සමහර ස්ථානවල නිධන් සොරැන්ගේ ග්රහනයට හසුවී ඇති අයුරැද දක්නට ලැබේ. මීට අමතරව දොලුකන්ද රක්ෂිතයේ දොල පාරක් මෙන්ම රජ සමයේ භාවිතා කල පොකුණු කීපයක්ම දක්නට ලැබේ. මීට කලකට ඉහතදී දොලුකන්දේ භාවනායෝගීව ස්වාමීන්වහන්සේලා වැඩ සිටි අතර ඒ සඳහා යොදාගත් ගල්ගුහාවලින් සෑදුනු භාවනා කුටිද දක්නට ලැබේ.
දොලුකන්ද මුදුනට මුලු වයඹ පලාතම මනරම්ව දිස්වේ එක් පසෙකින් කුරුණෑගල ,වාරියපොල සහ අනෙක් පසින් ගනේවත්ත ,වැල්ලව දැදුරුඔය ජලාශය මෙන්ම යක්දෙස්සාගල කන්දද දිස්වේ. පැහැදිලි දිනකදී නම් හලාවත පෙදෙසින් මුහුදද දැකගත හැකිවේ. කෙසේ වෙතත් ලංකාවේ සමහර පිරිසකගේ අනුවන ක්රියා අපට මේ ගමනෙත් දැකගන්නට ලැබුණා. ගල් පර්වත කොටස්වල තමුන්ගේ නම් කොටා, කන්ද තරණය කරන අඩි පාරේ ප්ලාස්ටික් බෝතල්, බියර් ටින් ටොපිකොල ,සිලි බෑග්, කැඩුණ රබර් සෙරෙප්පු වැනි දෑ දමා ගොස් තිබුණා අපගේ මූලික අරමුණ පරිසරයට ආදරය කිරීම නිසා අප යන ගමන අතරතුර මිනිසුන් දමාගොස් ඇති ඒම අපද්රව්ය එකතු කර ගෙනවිත් පහලදී නිසි පරිදි බැහැර කිරීමට අප පියවර ගත්තා.
මතක ඇතුව මේ ගමනට අවශ්ය පරිදි ජලය රැගෙන යන්න .ඔබත් දොලුකන්ද තරණය කිරීමට සිතනවානම් කිසිම විටක කඳවුරැ බදින්නට සිතා එය තරණය කරන්න එපා එය එම සංවේදී පරිසර කලාපයට කරන ලොකු බාධාවක් ..ඒ වගේම කිසිම අපද්රව්යයක් එම ප්රදේශය තුල නොදමා එන්න වග බලාගත යුතුයි. අවසාන වශයෙන් ගමනේ සුන්දරත්වය විඳ
" පා සටහන් පමණක් ඉතිරිකර නැවත් එන්න "